رواية تحياتي لمن دمر حياتي -14
غلوس مريوم اختها كانت لابسة أزرق و توب سلفر و فاله شعرها
و حنون لبست تنورة أبيض وأسود وأحمر و التوب اسود عليه تطريز أحمر خفيف و الميكب بعد خفيف ....
و ميراا كانت لابسة فستان أبيض مطرز ذهبي يجنــــــــــــــن !!!
وحاطة مناكير أحمر على أظافرها الصغيرة ...
المعازيم كانوا ربع ميرا في السكوول و ربع حنوون وبس ,,
الجو كان فعلا ً هادي و حلو للكل .. بس مب حق نورة ...
ما تدري ليش كانت حاسة بالضياع !! هيه ضياع ..تدرون ليش ؟؟؟
لأنها صارلها يومين تحاول تطلع موزة من راسها و نجحت أخيرا ً .. بس لقت بنوته صغيرة اسمها موزة في الحفلة .. ما تدري ليش تمت صقة فالبنية و حست تجاهها بتعاطف ...
لاا يا ربي شو اللي قاعد يصير ... ليش هاللخبطة ؟؟ ما تدري .. بس تحس انها ما تبي تيلس وياهم و خاطرها اتم بروحها ...
لعبوا شوي و رقصوا شوي وطفت الشمع ... و قطعو الكيك ..
خذت نورة صحنين و راحت يلست عدال امها و عطتها صحنها ...
ما حبت تختلط فيهم ..حتى فالعشى كانت يالسة بروحها ...
كل شي بحياتها متلخبط صارله قريب السنتين ..ما تبي ترمس أحد ..كله بروحها ..الهم والحزن يعتليها من ساسها لراسها ...خلاص تعبت من هالحالة ..تحاول تختلط بالناس و تطلع بس ما تقدر ..من يوم ما أخوها رد الديرة وهي محبوسة فالبيت ولا تقدر تطلع ..حااله تغث !!
ردت لأرض الواقع ....يوم سمعت صوت امها يناديها عشان تلبس العباه ريل اختها ياي يشل وياهم الأغراض .... ركض راحت ولبست العباه واحتشمت ...و شلوا الأغراض عشان خلاص بيوحون البيت ...
\\//
مرت عليهم كم يوم وهي كل يوم طلعات وروحات وردات .. وهالوضع غريـــب !!
ما تعودت تطلع و تشوف ناس ..تحس عمرها بمكان ما تعرفه ..اليوم في حفلة و باجر طلعه مع البنات ..استانست واايد لأنها بتشوف ربيعاتها و الناس اللي من زمان ما شافتهم ...
تسبحت و استشورت شعرها و حضرت الميكب واللبس اللي بتلبسه ...
تمت ساعتين تقريبا ً تعدل الميكب و تحط اللمسات الأخيرة ..
لبست تنورة سودا قصيرة ..و ليقنقز أسود و توب بيضاء مفتوحة كلها تطريز بالأسود و الفضي ...و أكسسواريز سودا ...
طالعت عمرها فالمنظرة ..شافت كل لبسها أسود .... انصدمت !!!
( أنا متعودة من زمان ألبس أسود ...ليش استغربت ؟؟... يمكن لأني من زمان ألبس اسود و علق فيني هاللون ... شكله مب بس بيعلق فيني ..فيني و بكل تفاصيل حياتي بعــــد )
حطت عليها عباتها وراحت مشي لبيت مي .. مكان الحفلة .. كان بعيد عنها دقيقتين مشي فقالت ما بخلي احد يوصلني كلها خطوتين ...
دقت الباب و فتحت لها مي ...
نورة : حيااتي ميوووي happy birthday !!!!
مي : ثانكس حبووووو .. يالله دشي حيااج
نورة : اوكي .بس بدخل أغير في غرفتج اوكي
مي : اوكيــك
دشت غرفتها و شافت واااااااااايد بنات ربيعاتها أدبي اللي توهم اليوم مخلصين ..
نورة : فطووووووووووم حياااااااااااااتي اموااااااااااااااه اشتقت لج ...نورووو يالدبه لج وحشة والله
فطوم: وانتي أكثر حيااتوو
نورة : ها اليوم خلصتوا وافتكيتوا ..
نور : هيه والله ..عذاااااااااااااب
نورة : ههههههههههه يالله على خير ان شاء الله ,,
فطوم: تعالوا نطلع كلنا ويا بعض ..
طلعوا وسلموا على اللي موجودين كلهم .. ما تعرف أحد كلهم بصف مي .. بس انه قعدت معاهم و عادي ...
شوي ولا يت أماااااني ..تذكرونها ؟؟؟ راحت نورة واستقبلتها عند الباب لأنه فعلا اشتاقت لها مووووووووووووت و هي بعد حظنتها وحبتها من خدها ..
حست بذيك اللحظة انها صدق اشتاقت لها ..لهم كلهم !! صارلها فترة بعيدة عن العالم والناس والحين استوعبت انها فعلا من زمان ما شافتهم ولا اعرفت اخبارهم ....
ردت داخل ويلست على واحد من الكراسي بروحها ..كل البنات كانوا واقفين و يسولفون و يرقصون واهي بروحها لأنه ما اتعرف احد زين ..
مر عليها فترة واهي بروحها بس تطالع البنات ....
و لقت عمرها في حفلة بعيدة ..مع وحدة من البويات ..و كانت لابسة و كاشخة ..احمر *أسود و شكلها روعة ..و يرقصون على أنغام الميوزيك اللي حاطتها الدي جي ....
لحظة !! عقلها خذاها بعيد شوي ... انبتبهت ولقت عمرها سارحة والبنات كلهم واقفين يرقصون و مستانسين .... عرفت انها كانت تعيش واحد من أحلام اليقظة ..هالأحلام المحرمة نفس ما كانت تسميها ....تذكرت كلام شمووه لها و سوالفهم ... تولهت عليها موووووووت والله ...
مي : نووورة ليش قاعدة بروحج تعالي ويانا
قامت لهم بس ما كان لها خلاق أحد .... كانت شايفة انه اموون يالسة بروحها هي وكم بنية ..و مي و ربعها متيمعين على صوب ...حست بالغربة .. و شكثر هالحزن خذاها لبعيد ...بس الشعور بالضياع كان هو الطاغي ...الحين عرفت ليش هي ما تحب تطلع ..لأنها من زمان تيلس بروحها و ما تشوف أحد و صارت التجمعات والحفلات تشكل لها أزمة .. تحس عمرها نفس اللي في دنيا ما يعرفها ....
بعد شوي الكل سكت و صاروا بس يطالعون بعضهم ... و مي مب اهني ....
و الكل يسأل بعضه عن مكانها وما احد يدري ..
انطفت الليتات ...و بدت الموسيقى الشرقية ......و سمعوا صوت و خرخشة ....
انفتحت الليتات على مي وهي لابسة بدلة رقص شرقي تخبــــــــــــــــل و تهز هز رهيـــــــــــب !!!
الكل وقفوا و صاروا يصفقون و يصفرون و اصواااااااااااااااااات واللي تصور و كان روووووووووووووووعه
خلصت مي من وصلتها الفنية والكل راح عندها و يستهبلون عليها ....
مريم: ميوو شو الوصلة اللي بعدها؟؟
الكل : ههههههههههههههههه
ريم ( حبيبه اموون) : ماا احد عنده دولارات (يعني نفس النايت كلبس )
الكل: ههههههههههههههههه
نورة : الله أعلم ما اتيي وحدة وترقص بريك دااانس
مي : هههههههههه لاا بس شرقي
صار وقت العشا .. انمد البوفيه جدامهم و ساعدوهم شوي بحكم انه نورة تعرف مي من زمااااااااان و يمونون على بعض ..و بما انه الكل يلس يتعشا خلونا نروح و نشوف نورة شوي ..
كانت واقفة و تصب حق البنات و تحط للحريم اللي كانوا يالسن و تسولف هي ومي اللي كانت تساعدها ...
قربت راسها ناحية مي وقالت : ليش ايمان صايرة جيه ؟؟
مي: يعني الحين حركاتها جديدة عليج ؟؟طول عمرها جيه يوم تكون ريمو موجودة
لفت راسها اناحية امووون و بعدين ضربت بووووووز شبرين ...ما تدري ليش تحس بالبروووود ...تحسها مب امون اللي اتعرفها ..قاعدة ويا حبيبتها و مطنشة للكل .. وكل شوي تسوي حركة من حركاتها يوم يكونون حبيباتها موجودين ...
مي: أقوول تعالي تعشي
نورة : يالله والله قاعدة آكل حبي
مي: تسمين هذا أكل ؟؟؟ والله أزعل لو ما تعشيتي
نورة (مسكت صحن وحطت لها ) : لااا كله ولا زعلج بس
مي :ههههههههه فديتج ..
و قاموا البنات يرقصون وياها ...و نورة شغلت عمرها و ساعدت ام مي بالترتيب والتنظيف بعد العشا ..كانت بس تحاول تمشي الوقت عشان ما تضطر تيلس معاهم أكثر ...لنها فعلا بدت تحس بالملل والوحدة مع انه الصاله متروووووووووسة بنات ....
قامت ريمووه حبيبة امووون ترقص أجنبي و طبعا شوفوا الحركات والمصلخة ...و أصلا لبسها كان يكفي و كل شوي تنزل التوب مالتها و اموون تعطيها بنظرة ..آخر شي قالت لها : رفعي التوب مالتج ( بنظرة تخوف ) ,,
راحت ريم ورفعت التوب بعدين على طوووووول يلست ...
و بدوا البنات يروحون شوي شوي ..والصاله تقريبا فضت ما عدا نورة ومي و سارة و بنيتين معاهم ..
تموا يهزون و يستهبلون و خذوا حزام الرقص مال مي و اللي تهز عراقي واللي مصري و حااالـــــــــــــه !!
10 دقايق والكل سار بيته و تمت نورة بس بعد اصرار من مي لأنها يت متأخرة ...
مي: أقووول شلي الهدايا وياي وتعالي بفتحهم بالغرفة
نورة: يالله وراج
وراحت وياها و يلست شوي بعدها دقت حق اخوها الصغير ايي وسلمت عليها و راحت البيت ويا أخوها
3 دقايق وكانت في الصالة و تسلم على امها وأبوها اللي صارلها يومين ما شافتهم .....
نورة ما كانت متعلقة بأمها وايد نفس باجي البنات..تدرون ليش ..يعني هي اللي بعدتها عنها و كانت مهتمة باخوانها الصغارية أكثر سوو نورة نشأت وهي معتمدة على نفسها و كل شي تسويه اهي بنفسها ..بس انه صارلها يومين ما شافتهم وأكيد اشتاقت لهم .. وكان في شي مهم تبي تقوله حق ابوها
نورة : هاا يبه فاضي توصلني باجر ؟؟
أبوها : أكيد بس وين أوصلج ؟؟
نورة : حديقة فاطمة تعرفها ؟؟
أبوها: امممممممم ... لاا وين مكانها ؟؟
أمها : عرفت ذا ون اللي مجابل بنك الخليج الأول على صوب الفلل البيضاء ؟؟ هناك مكانها
أبوها: هييييييييه عرفتها ..زمان كانت امج تروحها
نورة : صدق يمااا ؟؟
امها : هيه .. من احدعشر سنه
نورة : هههههههههههههه لازم تفتحون متحف انتوا ...
أبوها: المهم أي ساعه بتروحين ؟؟
نورة : يعني 6 أو 6 وربع
(على دخلة أخوها الصاله )
أخوها : وين بتروحين ؟؟
نورة : (وليــــــــــه هذا اللي ناقصني الصراحة ) بروح حديقة فاطمة (و لفت ويهها بقرف )
أبوها : خلاص يبه اجهزي على الست
نورة : اوكيـــــك .. مشكوور يبه
وطلعت من الصاله لأنها مب طايقة أخوها ...
طلعت غرفتها عشان تغير ثيابها بعد اليوم الممل من الخاطر .. ما استانست في الحفلة وتمنت لو انها ما راحت من الأساس ..
دشت الغرفة ورمت عباتها على الكرسي و قالت : اوووووووووووف متنا من الحر ...خلني أجهز أغراض باجر أحسن لي .......
وقفت جدام الكبت و قعدت تشوف شو بتلبس حق باجر .. و خذت التنانير و قاستهم و التوبات بس ما عجبها شي .... وهي في حوسة الثياب هذي دق تلفونها وعرفت انها منووه من الرنه : ألوووووووو
منووه: هاااي هيوووف
نورة : هلا والله شخباارج ؟؟
منووه: تمااام والله ...أقووول باجر بتسيرين صح ؟؟
نورة : ان شاء الله ...
منووه: اوكي خبري فطوم بعد ماشي
نورة : ان شاء الله ..بطرشلها مسج الحين
منووه: الا صح تذكرت ..دقيت لج قبل بس صكيتي فويهي وين كنتي يالصايعة ؟
نورة : كنت في حفلة ميووي ..
منوه: اها من ورانا .....زين زين ...
و بما انهم يسولفون شوي خليني أقولكم عن شي تساءلتوا عنه يمكن ....ليش نورة تكره أخوها العود ؟؟؟
هذا يالطيبين أخوها كان بعيد عنهم فترة لأنه كان يدرس برع .. بس هالكره من زمااااان ..اخوها هو اللي كرههم فيه ..عصبي ومزاجي و يتفلسف و شكاك و يستغل طيبه الناس و منافق لاقصى درجة .... لعيب و مب مخلي بنت في حالها ...غير هذا انه عصى ربه بوااااااايد شغلات ....ولو كملت لين باجر ما بخلص ..
المهم في الموضوع انه نورة كانت تسمع كلامه و تحترمه ..بس يوم حست انه في موضوع استغلال قاعد يمشي عليها ضرب العرق المينون و بطل يهمها أحد وصارت ترد عليه وتصارخ عليه بعد و ما يهمها شي ....و اكثر شي قهرها انه منعها تطلع وعلى كل طلعه يسوي لها سالفة وأهلها يردون عليه ...واللي يقهر أكثر انه انها تمووت عليه و تميز بينهم مع انه حقير وما يستاهل .. وكل المشاكل بين نورة وامها بسبه هالموضوع ...
نرجع لنورة ... اللي خلصت تلفونها مع منى و ردت تختار ثيابها ..و رست أخيرا ً على شي حلو و يناسب المكان اللي بيروحونه ...
خلصت كل شي و طفت الليت وقعدت على سريرها تفكر ...نفس هاليوم السنه اللي طافت كانت ويا هند .. آااااااااه يا هند ...كل دقيقة افكر فيج ... و ماني مصدقة انه مر كل هالوقت اللي ما كلمتج فيه .... و مسكت تلفونها بسرعه و قعدت تحسب شي ... ضربت و قسمت و جمعت و طلع معاها رقم كبير شوي 86400 .. تتوقعونه رقم شو ؟؟
كانت تحسب عدد الثواني في اليوم عشان تشوف عمرها كم مرة تفكر بهند في اليوم .... !!!!!!
غريبه كيف الناس تقدر تحطم و تبني غيرها بكلمة ..نظرة ... حركة ...
رمت فونها على الرض و حطت راسها ونامت ..... سمعت صوت سعيد في الغرفة اللي عدالها وهو يتكلم في الفون ....(الله ياخذه ان شاء الله ....افففف أكرهه ) ...شوي ولا دخل غرفتها و هي سوت عمرها راقدة عشان تعرفه أكيد يبي تسويله شي ....
سعيد : نورة ...نورة
نورة : نعم ؟؟؟
سعيد : من تكلمين ؟؟؟
نورة : هااااااااا ؟؟
سعيد : من تكلمين ؟؟
نورة : من أكلم ؟؟ ما احد
سعيد: سمعت صوتج ترمسين احد ...
نورة: شفيك ما كلمت أحد
سعيد : وينه فونج
نورة : على الأرض ...
أخذه و مسكه بايده .... و تم يطالعها بنظرة ....نورة عرفت شو قاعد يسوي .. الحقير يبي يسوي عمره شي و يحسسها انها تحت سيطرته ....
صارخت عليه : اقوول اخذ الفون واطلع برع ... يالله !!!!
طلع وهي بدت تصيح صيااااااااااح ......
(ياربي انا شو سويت .. الحيم ما احد بيصدقني كالعادة .. والله م سويت شي ....)
شكت في عمرها .....كلامه فعلا يشكك ....(انا منو كنت أكلم ... قعدت افكر بهند .. و بباجر و البنات ....) سكتت و تذكرت اللي فهمته قبل شوي ...(الحقير .. حسبي الله عليه ... يبي يخوفني ...الله ياخذه ..الله ياخذه ..الله ياخذه )
//\\
قامت ثاني يوم الصبح وهي متنكدة من اللي صار أمس .. (الحيوان بعده ما صحى ) .... راحت يلست في الصاله و هي تطالع الطوفة وتفكر ...مرت عليها أمها و قالت : هلا نورة ..شفيج قايمة من الصبح ؟؟
نورة : (يالله بدينا ) ما شي يمه (ولفت بقرف )
أمها : قوليلي شفيج ؟؟
نورة : شو الفايدة ؟؟؟
أمها : بساعدج ..
نورة : ههههههههههههاااااااااي حلووووووووة .....(و بجدية ) مشكوووورة
أمها : أحسج متضايقة يما
نورة : (زين عرفتي يما ) ابنج البارحة يتهمني بشغلات من مخه ...و يقول انه سمعني ارمس احد ..و عطيته الفون وقلت له يطلع برع ..
امها : عشان جيه قايمة من الصبح ...
نورة : يبيلي فوني ..
أمها: لا بتريا لين يقوم من النوم وافهم الموضوع عدل
نورة اهني انحبطت عدل .. بس كانت متوقعة هالشي .. ما احد بيصدقها كالعادة ... نزلت من عيونها دمعه بس اخفتها بسرعة ....
شوي ولا سمعت صوت سعيد يوم قام من النوم ..دعت عليه لين قالت بس ..طلع من الحمام وراح دور عليها و قعد عدالها وقال : اخذي فونج .... و انا اعرف انج بنية زينه بس الحذر واجب ..
طلع و تمت تطالع فيه .. مب مصدقة الحقير شو سوى و شو قالها ... تكرهــــــــه تكرهــــه تكرهـــــه!!
طلعت غرفتها بسرعه وهي دموعها على وشك تنزل و تعلن انهزام كبير ..... انهزام جدام الظروف والدنيا ..يلست عدال مكتبها و صاحت لين قالت آمين .... سبحان الله دوم الناس الزينه في هالدنيا تنظلم أكثر من غيرها ...
تمت في غرفتها لين وقت الغدا ..ما كانت تبي تشوف احد لأنها فعلا معصبه على امها ...طلعت و تغدت وياهم بدون ولا كلمة و ردت غرفتها عشان تتجهز حق طلعتها ..
:::::::::::
دق عليها ابوها الباب على الساعه 6 عشان يشوفها خلصت ولا لأ ...خذت شنطتها و طلعت وراه وهي بعدها زعلانه من اللي صار ...
تموا يتكلمون بالسيارة و يسولفون فتعدل مزاجها شوي و يوم وصلوا عند باب الحديقة صادفت منووووه هناك و ركض حظنتهاااااا لانها صدق اشتاقت لها ..
منوووه: يالخايسة اشتقت لج واااااااااااايد واااايد
نورة : وانا أكثر يالدبة ....
و دخلوا من الباب و هم يسولفون عن الأيام اللي ما شافوا بعض فيها ....و لمحوا ايد تأشر لهم من بعيد ....و تموا يتحزرون من هذي ....
نورة : تتحدين هذي هجور !!
منوه: يمكن والله ...
قربت صوبهم وفعلا ً طلعت هجوووور .... و تموا يحضنون فيها و يصارخون و استهبااااااااااال ....
أحلى شي في الحديقة انها كانت فاضية و خذوا راحتهم ..و طبعا ً نفس الشي رمستهم عن الأيام اللي كانوا فيها غايبين عن المدرسة ..و الملل و الامتحانات .. تدرون عاااد ..
شوي شوي بدوا البنات ايوون .. عنوودي وصلت و ربيعتهم اسوم من السكول الجديمة ..نورة حست فعلا شكثر كانت مشتاقه حق البنات و انه الوناسة ما تكمل الا بوجودهم .....
هجور: الا فطوم وينها؟؟
نورة : ما أدري والله .. المفروض انها يايه ..
منوه: يمكن تأخرت ولا شي ..ل تحاتون ان شاء الله بتيي
نورة : خلوني بدق عليها ...
تمت تدق و تدق وماا احد يرد عليها .. طرشت مسجات وبعد شوي وصلها الرد ( نورة سوري حبي انشغلت و ما بقدر أيي ..)
نورة انقهرت لأنه كان خاطرها تشوفها .. حتى البنات انقهروا بس انه خلاص نصيبهم ما يشوفونها ....
عنودي: أقول بنات تعالوا نيلس اهني شوي تعبت والله ..
راحوا كلهم ويلسوا على العشب و حطوا أغراضهم بالنص ... و على ضحك و نكت وسوالف مر الوقت بسرعه وصار وقت صلاة المغرب ..
نورة :بنات أنا بصلي احد بيي معاي ؟؟
اسوم: كلنا يايين ان شاء الله ..
نورة : يالله بنتوضى في الحمام و نصلي .. بس ما اعرف كيف القبلة ؟؟؟
أسوم: أنا اعرف في مكان خاص نصلي فيه بس خلنا نتوضى قبل ...
راحوا الحمام توضوا و خلصوا و نورة طلعت ووقفت ويا منووه على ما خلصوا البنات الثانيات ..
طلعت عنودي بعد ما خلصت من الوضوء و تمت تقهرها و تقول :
عنودي: أقول نوارة يعني كيف أنا هيفا و حركات وتصلين ؟؟
نورة: عادي ..انا الصياعه و الحركات في صوب ..والدين و رب العالمين في صوب ثاني
عنودي: بس ما يجتمع القرآن والغناء في قلب عبد !!
نورة: الصراحة ما ادري بس عندي جتمعوا سبحان الله ..
منوه: ههههههههههههههههههههه رهييييييييبه ..!!
اسووم: هاا تسولفون من ورانا ؟؟
نورة : خخخخخخخ هيه كنا نحش فيج
أسووم: و رايحين تصلون بعد !! ما شاء الله
هجور: هههههههههههه اقول ما حد تكلم عنج ولا حش فيج سكتي بس ..
تموا يمشون لين وصلوا مكان المصلى .. بس المشكلة انه الأرض وصخة و ما يقدرون يصلون ....
نورة تذكرت انه منوه لابسة عباتين يومها عشان عباتها كانت مفتوحة فخذوها وقعدوا يصلون عليها ..
انتبهوا انه هجور ما كانت تصلي وياهم .... نطت أسووم بسرعه وقالت لها : هجوور ليش ما تصلين ؟؟ يالله بسرعه جدامي ..
هجور: أنا ما أصلي اصلا و الحين بصلي بس جدامكم
نورة: افرضي انج متي الحين .؟؟ شو بتقولين حق رب العالمين ؟؟
عنودي: يالله عاد ما بتخسرين شي ....
هاجر حست بتانيب الضمير فعلا ..و انها لازم تسمع كلامهم لأنهم يدلونها على الخير ..راحت وتوضت و يت و صلت معاهم ..
و يوم خلصت كانت نورة واقفة تترياها و همست لها بكل حنان : شفتي كيف نحن ندلج على طريق الخير ؟؟
هجور: (نزلت راسها وهي مستحية منهم ) يزاكم الله خير ....
منووه: يالله بسكم ايمان خلونا نلعب شوي
نورة: افففففف لااا بيخترب شعري !!
أسووم: بعدج !! ههههههههههههههههههه
عنودي: من يومها جيه أصلا و لا بتبطل ..
نورة: ليكون مب عايبنكم يعني ؟؟
منوه: لاااا واحنا نقدر .... !!
نورة: حسبت والله ....هههههههههههههههه خلاص بسكم
هجور: تعالوا بنلعب هاللعبة ....
رفعوا روسهم عشان يشوفون ولقوها هذي اللعبة (الاخطبوط ) ..
نورة: لاالاالاالاالاا انا ما بلعب لعبوا بروحكم
هجور : ولا انا ... (وهربوا ثنتينهم )
عنودي راحت لهم و يابتهم من شعورهم ..
عنودي: يالله جدامي الكل بيلعب ....
نورة: والله أخاااااااااااااااااف ...!!!!
منووه: جب يالله ..بتركبين معاي
نورة: يما ....يما يما يما ..وينج يا يمه لحقي علي
هجور(وهي تقعد و تصك عليهم الحدايد ) : اشهد ان لا اله الا الله ..... (و تتشهد)
نورة: (تكلم منوه) لحقي لحقي هجور آمنت
الكل: ههههههههههههههههههههههههه هه
عنودي: زين خليناج تصلين قبل
اسوم: شفتوا فوائدي !! هع هع
(و بدت اللعبه تتحرك ... واصوات البنات تطلع و تعلى شوي شوي .....و خصوصا نورة اللي كانت متعمدة تصارخ و تستهبل ...)
بس فجأة حست انه الدنيا دارت فيها ....كانت تعبانه ومدوخة من كثر ما دارت فيهم اللعبة ....
نورة: منووه خلااااص بنزل ما أقدر أتم اهني دوخت !!
منوه: اوكي يالله خلصت أصلا ً ..
نزلوا كلهم وهم مدوخين وحالتهم حالة .... على طوووول تسدحوا على الكرسي و روسهم تدور فيهم ...
عنوودي: أنا حرمت أركب هاللعبة .. خلاص ما بلعب ..
أسوم: والله ؟؟!! والتذاكر شو نسوي فيها ان شاء الله
نورة: ولا أنا بلعب ...شوفوا حالتي حالة ...
هجوور: اصلا أنا بروح تأخرت ..والبيت بعيد
عنودي: وأنا أبوي توه داق علي و في الدرب ..
أسوم خذت خواتها و مشت لأنها تأخرت عن البيت وكلهم بعد .. ودعوها و حضنوها ووصوها تنتبه على عمرها عدل لأنها الاسبوع اللي بعده بتسافر وأكيد ما بيشوفونها .....عنود و هجور وأسوم كلهم راحوا و ما بقى غير منووه و نوورة اللي المفروض تدق على أبوها عشان ياخذهم .. بس خطرت لها فكرة أحسن و هي انهم يحاولون يدورون تكسي و لو ما لقوا ساعتها يدقون على أبوها ...
طلعوا من الحديقة و تموا يمشون صوب الكافيه اللي مجابلهم عشان يوصلون منطقة شوي حيوية ....
مشوا و مشوا و لقوا أعمارهم في منطقة مظلمة و كلها عمال يشتغلون و طبعا السيارات والشباب والاغاني ..و عباه نورة كل شوي تفتح و هي لابسة ليققنز تحتها ..و تمسك شيلتها من الهوا و حايسين بأعمارهم و كل شوي يوقفون عشان تعدل ثيابها .....
منوه: نورة انا بديت أخاف ترى
نورة: سكتي وانا بعد بس يالله خلينا نرد أحسن لأنه المكان شبهة
منوه: بسرعة واللي يسلمج اللي بيشوفنا بيقول بلاوي عنا .....
لفوا و ردوا من نفس المكان اللي مشوا فيه و هم شبه يراكضون من السرعه لنه المكان فعلا مخيف !!
قطعوا الشارع و ردوا الحديقة مرة ثانية الي صارت شبه فاضية و دشوا وقعدوا على الأرض و تموا يسولفون شوي على ما ايي أبو نورة و يروحهم البيت ....
نورة: على فكرة تاخرنا .....أهلج ما بيقولون شي صح ؟؟
منوه: عادي لأنهم يدرون اني وياج ..
نورة: أهااا ... انزين قوليلي شخبار........(و قطع عليها صوت تلفون منوه الي ردت و بدت تسولف مع الطرف الثاني .....)
[ مرت فترة صمت و نورة بس تسمع الكلام ..وهي ملاحظة انه منووه تتكلم غصبا ً عنها .......]
نورة: يا خي يالله مليت بروحي !!!!
منوه(تكلم اللي في الفون) : يالله حبي بروح نورة تمللت بروحها حرام ........
[و صكت عنها و ردت حق نواارة ]
منووه: مشكووووووووووووووووووووور ة على الحركة اللي سويتيها ..أنقذتيني !!
نورة: خخخخخخخ لهالدرجة !!
منوه: تدرين يا نورة في عايلتنا ناس بس تتمنى تشوفني زعلانة ولا تمسك علي شي ..و المشكلة أنه الاقارب ما ترومين تقطعين علاقتج وياهم مب نفس ربيعاتج ..فأنا مضطرة اني اتحمل وأبلع كل شي ..
نورة:لا مب شرط ..اللي ما تبينه عطيه طاف مرتين ثلاث واكيد بيفهم انه ما تبين ترمسينهم !!!!
منوه: صح بس ما ابي أسوي مشاكل ويا أبوي و العايلة كلها تتضارب فهمتي ..
نورة: أدري فيه هالشعور ..معاج حق والله بس يالله تحملي الله يعين ....
[رن تلفون نورة و صار لازم يقومون لأنه أبوها على الباب ]
نورة: يالله يالله وصل أبوي
و راحوا عند الباب و كانت السيارة تترياهم ..ركبوا فيها و مشوا ,,,,,
و طبعا ً في الدرب كله سوالف و مزح و ضحك يعني الجو كان عادي ووناسة ومنوه تعرف نورة من زمان فتعودت على الوضع يعني ....
نورة: يبه انتبه ترى من هالفتحة بيت منووه اوكي
أبوها : ان شاء الله ....
و صلوها بيتها و يوم نزلت : مشكور عمي تعبناك ....
أبو نورة: لا عادي يا بنيتي ما فيها تعب والله ...
منوه: (بهمس ) باي نواارة
نورة : يوم توصلين دقي اوكي ..سلاااام
و مشوا صوب بيتهم .... و كملوا سوالفهم المعتادة بحكم علاقتهم القريبة من بعضهم و الأشياء المشتركة اللي تهمهم و يحبونها .....
فجأة أبوها سكت و قال : تدرين ربيعتج هذي وايد محترمة ..ما شاء الله عليها ...
نورة: هههههههه ميرسي يبه (و ترمش بعيونها ) فديتهم ربيعاتي كلهم اوكي
أبوها : الا قوليلي هند ما تعرفين عنها شي ؟؟
نورة : (غصت .... و دمعت عيونها .....بس حاولت انه تبلع هالغصة وترد بكل هدوء ...) يبه ما اعرف عنها شي ..هند راحت في حال سبيلها ....
أبوها: اووكي ,,
كملوا الطريق وهي ساكته و تطالع من الشباك ..... أبوها استغرب من هدوءها بس هذي مب أول مرة يعني نورة اصلا كلامها قليل دايما ً ......
كانت تفكر بهند ...... هي أصرت انه تطلعها من راسها عشان ما تخرب عليها طلعتها والوناسة بس سبحان الله لازم كل ما تستانس يخرب عليها كل شي ....
وصلوا بيتهم و نزلت نورة و دشت البيت عادي بس انصدمت و هي داخلة .... كان عندهم بنت عمتها و زوجها وعيالها و هي ما كانت تدري .. بعدين هي ما لها خلق تقعد مع أحد بعد اللي صار في السيارة ......
دشت الصالة وسلمت عليهم : السلام عليكم ......
الكل: و عليكم السلام ...
أمها : ها نورة رديتي ...
نورة : هيه يما .....
عبير : (بنت عمتها ) ليش وين كنتي ؟؟
نورة: كنت ويا ربيعاتي في الحديقة ..تدرين بيسافرون واستغلينا فرصة انه الجو اليوم كان حلو فطلعنا نشوف بعض كلنا ....
عبير: حلـــــــــو .. ان شاء الله استانستي ؟؟
نورة: الحمدلله .. يالله عن اذنكم بروح ببدل ملابسي ....
و طلعت غرفتها و هي تعباااااااااانه و ما فيها حيل و الاحلى انها لازم تقعد معاهم بعد .... بدلت ملابسها بسرعه و لبست جينز أزرق و توب ناعمة و تعطرت و هالأشياء و نزلت لهم ......
نورة: يما أنا رديت .. قولولي شتشربون ؟؟؟؟
أمها: خلي الخدامه تحط لنا عصير الحين اوكي
نورة: اوكي .....
و راحت المطبخ و جهزت كل شي وخذت الصينية و ضيفتهم .. و قعدت شوي تسمع سوالفهم و تضحك على المواقف اللي تصير وياهم ..بعدين هي تحب عبير وااايد فكانت تستانس على قعدتها ......
مرت فترة حست فيها نورة انها تعبانه من الخااااطر فاستاذنت منهم وراحت الغرفة .....
طفت الليت ورمت نفسها على السرير وهي براسها مليوووون فكرة وفكرة .....( يعني ليش كل ما أنسى هند ايي احد و يذكرني بالسالفة .. يا ربي ما يفهمون انه خلاااااااااص ..خلاااااص والله تعبت ...تعبت ...تعبت ....) ما عرفت ترقد أبدا .... تذكرت انه شمووه بتكون شابكة فراحت و شبكت مسن بس حطت اوفلاين لأنه ما خاطرها تكلم أحد ........
شوي ولا شمووه رنت لها و كلمتها ..
Ą7ℓล ● ห Ạ η O:
هلا شموووه ..شخبار ؟؟
shAmmaNi:
تمام الحمدلله ..وانتي ؟
Ą7ℓล ● ห Ạ η O:
كووول ...
shAmmaNi:
ما عرفتي آخر الأخبار !!!!
Ą7ℓล ● ห Ạ η O:
أكيد أموون ردت حق حمود
shAmmaNi:
خخخخخ تعودنا على هالسيناريو ..
Ą7ℓล ● ห Ạ η O:
اممممم ..
shAmmaNi:
والله انه حمود خبلة و ما تستاهل اللي يصير فيها ..بس هي تبي ايمان لازم تتحمل ...
Ą7ℓล ● ห Ạ η O:
والله كيفها اهي أدرى بمصلحتها أكثر ....
shAmmaNi:
و اسوم صارلها كم يوم ما كلمتني و ما أدري شو السالفة
Ą7ℓล ● ห Ạ η O:
أكيد لاهية مع بنية يديدة ..دلال ولا فلانه ولا علانه ..
shAmmaNi:
بس يا نورة لا تزيدين الجروح ...... المهم نكمل عن حموود و اليوم راحت لها الصبح و اعتذرت لها و هزأتها على العدسات و صارخت عليها طبعا ( ما كأنه توها راضتها ) و ما تبي احد يشوفها معدلة غيرها ....
[ و تمت تسولف و تسولف و تسولف ... و نروة مقهورة من اللي قاعد يصير لنه الناس الزينة دايما تكون مع اللي ما تستاهلها .... و حز بخاطرها وضعها الحالي وانها بروحها و هالكلام ....... حست انها فعلا ً اختنقت من اللي قاعد يصير وما تبي تسمع اكثر عشان ما تتحسر أكثر ......]
Ą7ℓล ● ห Ạ η O:
شمووه بطلع اوكي ... باي
shAmmaNi:
بس بعدني ما كملت !!!! خلاااص اوكي باي ....
و طلعت و رمت اللاب بعيد عنها و تمت تصيح .. ما قدرت تقاوم دموعها أكثر !!!
{ تذكرتك يا خلي ,,
و ابي النسيـــــــــان !!! ,,,, }
//
مر كم يوم و هي ما تعرف شي عن الدنيا ...لاهية بحزنها و دموعها ....
تذكرت انها من زمان ما كلمت حمدة ..فراحت واتصلت فيها ....
حمدة: ألـــــــــــو ؟؟!
نورة: هاااااي ..
حمدة: هلا والله ...
نورة: عرفتيني ..؟؟؟
حمدة: هيه .. نورة ...
نورة : هيه .. المهم شخبارج ؟؟
حمدة: بخير الحمدلله ...وانتي ؟؟
نورة: تمام ...
[ و على طووووول نطت لموضوع السكوووول ]
حمدة: ها بشرينا شو كانت الامتحانات ؟؟
نورة: امممم زينه ....
حمدة: والشهايد خذيتوها ؟؟
نورة : هيــــــه ...
حمدة: نحن بعدنا .... و شو علاماتج زينه ؟؟
نورة: أها ..الحمدلله ..خذيت 96.5
حمدة:والله ؟؟؟ مبرووك
نورة: الله يبارك فيج.....
{ و تمت تسولف عن الدراسة والمدارس والبنات ......لين صدمتها بجملة قالتها }
حمدة:تدرين من أكثر وحدة اشتقت لها ...أمووووون
نورة: والله ؟؟ ما اعرف عنها شي والله
حمدة: أها...لو كلمتيها سلمي عليها ..
نورة: أسمع صوت عندج !!!
اللهم لك الحمد حتى ترضى وإذا رضيت وبعد الرضى ,,, اضف تعليقك