بداية

رواية بعثة المانيا -1

رواية بعثة المانيا - غرام

رواية بعثة المانيا -1 

رواية بعثة ألمانيا 
الكاتبة : ملاك الشوق 
بسم الله الرحمن الرحيم 
السلام عليكم ورحمة الله وبركاته 
هاهي اول مشاركه لي في هذا منتدى غرام الرائع 
اتمنى ان تنال اعجابكم وللامانه من اراد نقل القصه الى منتدا اخر كتابة اسم الكاتبه وماراح احلل اي شخص نقلها بدون ذكر اسم الكاتبه ملاك الشوق..
اختكم خاطرة انثى
(بعثت المانيا)
للكاتبه/ملاك الشوق..
____

البارت الأول

أبطال قصتي خالدوأبرار شخصيه رائعه جدآ لهم أحداث جميله سأسردها لكم في سطوري_
***(بعض الأحداث مزيفه)
الشخصيات:
خالد 28سنه متزوج عنده ولدين أحمد5سنوات
أمين3سنوات يشتغل بورشة سيارات هو صاحبها يكره زوجته لأنه يحب بنت خاله لكن للأسف ماحصل نصيب بينهم_عايش مع أهله أمه وأبوه وأخوانه وأخته منيره هي مفتاح أسراره.
أبرار هي بطلتنا 20سنه هي قعدة أهلها مرجوجه تحب تغامر بس بحذر ماتحب الأجتماعات بس ماتبين لأحد عايشه مع أمهاوأخوانها2والباقي متزوجين وأبوهامتزوج وعايش مع زوجته لهاصديقات تفضفض لهن عن تجربتها ،
(في شخصيات بس راح تطلع قريبآ)
في يوم من أيام الطفش عندأبرار حبت تسلي نفسها فتحت جهازالحاسب وضربت على الكيبورد تفحط بالمنتديات لين دشت الشات بأسم (المرجوجه)تسب هذا وتسطح مع هذا وتلع أبوهذا وتجنن هذا وماهي مخليتهم بحالهم لقت لهاواحد بأسم (أبوفلقه)
أبرار:سلام على أبوفلقه وش مسوي عشان تنفلق أكيد أنك راعي مضاربات_
أبوفلقه:هلاأختي المرجوجه والله اللقب دش فبالي وكتبته لاني مفلوق ولاني راعي مضاربات_
أبرار:خخخخ أقول وش عندك ماحدمعبرك من الشباب.
أبوفلقه:لاني تو دشيت ممكن تعبريني أنتي ونتعرف على بعض!_
أبرار:ياحليلك لاقل ضيفيني بالماسنجر هذا الي ناقص أقول يابوالشباب شكلك صارق كمبيوترالشركه وقاعد تدردش.
أبوفلقه:هههههه والله صدقتي يوم سميتي نفسك المرجوجه خخخخ:
أبرار:ضحكت بلاضروس إنشالله_
ابوفلقه:يالله عن الرجه خلينانفرفش ونبعدالطفش بالسوالف_
وبدت السوالف والضحك بينهم لين تعرفو على بعض بس موكثير يعني أسم وشغل وشهاده بأشياء تخصهم بعيدعن الأهل_وأتفقو أنهم يلتقون مره ثانيه بنفس الشات ونفس النكات_
يوم السبت الساعه 8صباحآ وتحديدآ في الجامعه_
أبرار:صباح الخيرياحلوات_
البنات:هلاصباح الورد وينك يالغلالا الو ولا طق طق باب
ابرار:والله أشغال بالدنيا الا تعالو بقولكم عن أخر مغامره لي وربي ماراح تصدقون_
البنات: يالله شوقتينا وش عندك؟ _
وبدت ابرار تقولهم كل شي من طق طق لين السلام عليكم_
أبرار: وش رايكم فيني_
حصه: لاوالله انتي منتي بصاحيه صدق مجنونه مو مرجوجه_
ريم:أقول بس منتي قد هالمغامره_
أبرار: أنتم ماعرفتو شي هو مو من ديرتنا لا هو من أهل الحجاز_
(طبعآ أبوفلقه ماقال لها أنه متزوج وعنده عيال ولاقال لها أنه مو سعودي)
ابرار: بنات أناعندي عملي بعدالمحاظره راح أندش الشات ونشوفه سوا وأنتم بس شوفو كيف أسلوبي معه أوكي_
حصه،ريم: أوكي والله يسترمنك_
راحت أبرار لمحاظرتها وحضرت وهي مو شايله هم أحد أهم شي دراستها وتحقيق حلمها_
من جهه ثانيه بعيدعن ابرار والجامعه ونجد كلها_ بنسافرللحجاز ونشوف أبوفلقه
كان بالشغل ويصارخ على العمال__يعني الشغل ثقيل واصل لين راسه جلس بمكتبه يقلب الأوراق وتذكر المرجوجه وضحك على هبالها وقال في نفسه ياويل حالي عليها بس ياليتها بالشات الحين دش بالمنتديات وبنفس الشات وبنفس النك الي عرفهافيه بس مالقاها ترك الشات مفتوح وقام يكمل شغله_
أنتهت المحاظره وطلعت أبرار لصديقاتها بعدماجلسن في الكوفي حق المبنى فتحت أبرار جهازها ودشت الشات بأسم المرجوجه سوت بحث المتواجدين لقته بس مايرد طبعآ الساعه11صباحآ وضلت بالشات لين طلع بس وش بعده بعدماأحترق الجهاز من كثرماتنبح بأسمه هاهاهاهاها
طبعآهذا كله جدام صديقاتها_
أبرار:وينك يابوفلقه داش الشات وماترد_
أبوفلقه:هلاوالله بالمرجوجه أعذريني تعرفين شغلي يتعب يالله عاد خلينامن الألقاب أنا اسمي خالد لاتقولين أبوفلقه_شقلنا
أبرار:ونعم وأنا أبرار
حصه وريم: يالمجنونه ليه تقولين أسمك قولي أي أسم
أبرار:بالله عليك هومافيه الا أنا بهالأسم أقول طسي أنتي وياها اللي يسمعكن يقول أني عاطيته نبذه عن حياتي ياشوفن ونتن منطمات ياأقلبن وجيهكن عني_
خالد: يناااااااااس ياهوووه وين رحتو أنتم معنا ولا لا_
أبرار: أي معك معك
خالد:أشوا أحسبكم ضعتو مع هالحوسه_
أبرار:هاهاهاهاضعنامره وحده
خالد:فديت الضحكه وراعيتها
بعدشهرعلى تعارفهم أبرار ضاقت من الشات بس ماملت من خالد لان أسلوبه أعجبها فدشت الشات ولقته طبعآ هي أضافته عندها بالماسنجر وقالت له أنهاملت من الشات وتبي تتركه بس ماقالت أي شي غير كذا
هوأنقهرلأنه حبهامن قلب وكان يشغل نفسه معها أذا كان متضايق من زوجته_ طلب منها تبقى بس رفضت قال خالص في طريقه أوفرمن كذا بعطيك رقمي هي بالأول رفضت بس هو ترجاها لين وافقت أخذت الرقم وقالتله موأكيد أدق عليك وطلعت من الشات_


بدت أختبارات الترم الأول ونست أبراركل شي صارمعهاهي وخالد جدت واجتهدت في مذاكرتهاومابقى شي على الأمتحان أسبوع بس نامت على السرير والكتب حواليها_
يوم الأربعاء7صباحآ قامت أبرار وأخذت دش دافي وراحت عند التسريحه ترتب شعرها تذكرت خالدوأبتسمت
أخذت جوالهاودقت على ريم بس مافي رد ثم دقت على حصه_
أبرار:صباح الخير
حصه: هلاصباح النوروش عندك داقه من فجر الله كم الساعه
أبرار:هاهاهاالله يهديك الحين الساعه 8وأنتي نايمه مومن عوايدك يابنت الحلال قومي صلي وأفطري وذاكري و....
حصه:بس بس الله يخليك صدعتي راسي أسمعي أذاعندك شي خلصي قولي تراي مانمت الابعدالصلاه
أبرار: مدام كذا خلاص يالله مع السلامه
حصه:طوط طوط
أبرار:مالت عليك ياشينك يالدفشه_
وبعدهذي المكالمه أبرار نزلت تحت
أبرار: غريبه وين الناس لقت الشغاله بالمطبخ_
أبرار:صباح الخيرمايا
الشغاله مايا: صباح نور
أبرار: في أحدمن الأهل قاعد ماما بابا
مايا:نو نو ماما في نوم وبابا في روح شغل وباقي في نوم
أبرار: أوكي شكرآ
أبرار:ياربي أناوش مصحيني بهالوقت أقول خلوني أروح غرفتي أبرك لي
وطلعت لغرفتها_
خالدكان نايم جته زوجته أمينه تصحيه
أمينه:خالدقوم عندك دوام مومن عادتك نايم لهالوقت
خالذ:أوووف منك وش تبين أنتي الشغل شغلي ولا شغلك أنتي وش دخلك ذلفي عن وجهي يالله
أمينه:ماقول غيرالله يهديك بس
خالدكان مطنشهاوسرح بفكره للي ملكة قلبه وروحه وهي ماتدري عنه
خالدبنفسه:ياربي ليش ماتصلت ليكون تلعب علي لالا موصحيح أبرار تحبني ولو أنهاماتحبني كان ماضافتني عندهابالماسنجر
تذكرخالدالماسنجروقف بكل طوله وشغل جهازه فتح الماسنجر بس مالقاها أرسلهارساله بالبريد وكان يقول فيها:
أشعلتني غيرة ..
وأطفيتني حيرة ..
جمعتني شوق
ونثرتني بذوق ..
ترفق بي شوي ؟
ذبحتني حب ..
وش أنت يارب ؟
أنت أم ..
أو أب ..
قلي ولاهنت ..
من تكون أنت !
جنون ..
ما أضنك تكون !
أكثر من انك جنون ..
نصفه الثاني حنون ..
إنت تسكن بالعيـــون
لاتغيرك الظنون
صاحبك بالحب وافي
وإنت له صدرحنون
أنتظرلحظةلقــاك
ليتني طيربسماك
يابعدكل القوافي
كيف ابين لك غلاك؟
لوتفرقناالظروف اوتعاندناالحروف
إنت تدري عن غلاتك
وحدك بفكري تطوف.
أيه "أحبك" قلتها والصدى غطى المكان وألتفت من كان حولي مندهش من كلمتي
ثم جلست أردد الكلمه إلى وقت الأذان
ثم ذكرت الله وهللت وبديت بدعوتي
ربي أحفظ من ملكني حبه طول الزمان
ربي أكتب كل خير بدربه وبخطوته..
تخيل حبيبي كل يوم
اسأل،،نفس السؤال؟!
ليه احبك" ؟!
ليه احتاجلك ليل ونهار؟ ليه <<انت>>اللي من بين كل هالبشريحتويني
بكل حنااااان" ؟!
ليه اضحك لاصرت عندي قريب؟!
ليه إذا إبتعدت تظلم الدنياوتغيب ؟!
<<رد علي بالله قلي>>
ليه احبك كثر حبات الرمال؟!
وكثرالصحاري والجبال ليه قلبي يحتريك؟!
وإن تباطا قام يناديلك تعااااال،،
تكفى قلي وجاوب على قد السؤال؟!.
ليه احبك"
ليه اضمك فوق صدري واحس الدنيا معاي؟!
ليه بوجودك انسى دنيتي وأرضي وسماي
ليه ادور مايسرك واحس
إني بخيل في عطاي
<<فكر معي>> وقلي،، ليه احبك"
ليه اذوب في غيابك وإن شفتك زادت اشواقي علي ؟!
ليه اتوه وانت بعيد وإن حضرت صارت الدنيا بيدي ؟!
تصصصصصصدق !!
عجزت ألقى إجابه للسؤال ؟!
تدري حبيبي المهم إني
{{((احبببببببببببببببببك))}}
وهذا اهم من السؤال..
وأرسل الرساله للي خذت عقله بأسلوبها
صح هو ماشافها ولا سمع صوتها بس أعجب بأسلوبها طريقة تفاهمها عطفها فصاحتها_
طلعت ابرار لغرفتها تبي تشغل نفسها بالمذاكره فتحت كتابها ولقت شي في مقدمة الكتاب قالت في نفسها:
يالله شلون نسيت ليه أناكذا لهادرجه نسايه يارب وش أسوي
وش تتوقعون أبرار لقت وهالشي هذا وش راح تسوي فيه


خالد كان ينتظر رد من أبرار بس للأسف ماحصل قال في نفسه برسل وحده ثانيه وأمري لله
شفت البشر لو كلهم يرخصونك
الله عليك بداخل القلب مغلاااااك
أشتقت لك وأشتقت لأسمك ولونك
أشتقت لمعاندك وأشتقت لخطاااك
لو قلت لك وش صار جن جنووونك؟؟
يمكن تقول أني مبالغ بفرقاك
ودك تعرف وشلون عايش بدوونك ؟
لو قلت لك يمكن تجيني من أقصاك
تبي تعرف وشلون؟؟




سكر عيونك
سكرتها؟!
هاذي حياتي بلياااك
شفت الظلام اللي تشوفه بكونك
يزووول كله بس لاصرت ويااااك
<<اشتقتلك ياروحي>>


طلعت ابرار لغرفتها تبي تشغل نفسها بالمذاكره فتحت كتابها ولقت شي في مقدمة الكتاب قالت في نفسها:
يالله شلون نسيت ليه أناكذا لهدرجه نسايه يارب وش أسوي_
ترددت بالأول ثم قالت يالله بس مسكت جوالها ودقت الأرقام ******0559
( __):آلو
أبرار:____
( __): ألو
أبرار:____
(__):والله أنكم ناس فاضيه
أبرار:عفوآ
( __)طوط طوط
أبرار: ياربي أنا ليش مارديت بدق مره ثانيه
ودقت أبرار وبالأخير رد
( _): نعم
أبرار: السلام عليكم
(_): وعليكم السلام نعم
أبرار: أسفه أذا أزعجتك بس بغيت خدمه
(_): تفضلي وش عندك
أبرار: هذا جوال خالد
(_): أي نعم مين معي
أبرار: طيب شكرآ بس حبيت أتأكد
خالد: لحظه ___
طوط طوط
خالد:
والله ناس فاضيه _ ياربي شفيهاماترد على المسج
أبرار _كانت متشققه من الوناسه لأنهاسمعةصوته بس هو ماعرفهاكان ناسي أنه عطى أبرار الرقم.
أبرار: شكله مؤادب مايحب يكلم بنات أسلوبه معي غير خلوني أشوف البريد حقي بس فتحت البريد وأنصدمت من الي شافته خالد يرسلي بالبريد يارب ليش أنامومعبرته :
مسكت جوالها ودقت مره ثانيه
أبرار:ألو
خالد: نعم
أبرار:الله ينعم عليك
خالد:وش بغيتي
أبرار: خالد شكرآ على الرسايل الي أرسلتهالي عبرالبريد
خالد مصدوم: أنتي أأأأبرار صح
أبرار: أي
خالد: ليش تركتيني
أبرار: خالد شخبارك
خالد: تعبان بس ليش تركتيني
أبرار: عن جد تعبان سلامتك ماتشوف شر بس أعذرني لان عندي أمتحانات وع
قاطعهاخالد: أمتحان ماقلت شي بس مو لهدرجه تنسيني وماتدقين علي تطمنين
أناوربي حبيتك .صدق أني ماشفتك بس دخلتي قلبي والحين أنتي ملكتيه
أبرار: خالدأنت شكلك صدق تعبان وش فيك
خالد: تعبان لانك بعيده عني
أبرار:خالد أنت صدق تحبني ولا تلعب في مشاعري
خالد: أبرار وربي الي خلقني أحبك أنتي لوتشوفين وش داخل قلبي كان مالمتيني
أبرار: خالد بليز قلي وش فيك أنا أسمع لك
خالد: أبرارتكفين لاتتركيني وربي أني مومثل الشباب الي تعرفينهم
أبرار: عاد حدك أناماعرف أحد غيرك
خالد: أسف بس أبي أوضحلك قصدي .تكفين أبرار لاتتركيني أذا بتقولين أمتحانات أناماعندي مانع بخليك لين تخلصين أهم شي نكون مع بعض تكفين أبرار
أبرار: أوكي بعد الأمتحانات
خالد: أبرار
أبرار: سم
خالد: سم الله عدوك أنا أحــبــــك
أبرار: وأنا
خالد: وشوأنتي
أبرار: زي ماقلت
خالد: وش قلت
أبرار: خالد يالله عادعن الهبال
خالد: هاهاهاهاهافديتك والله يعني تستحين مني.
أبرار: يالله عاد ترا طولنا وأذن الظهر.
خالد: بس حنا ماذن عندنا
أبرار،خالد:هاهاهاهاها
بعد هذي المكالمه كلهم كانو مستانسين لانهم سمعو أصوات بعض.
ونزل خالد لأهله
خالد:مساءالخير ياريحة الجنه
أم خالد: هلا والله بوليدي شلونك ياقلبي
خالد: بخيرعساك بخير
أم خالد: أشوفك مستانس غير عن دايم ياعلهادوم
خالدفي نفسه والله أبرارقلبي مونستني .
أم خالد:شفيك سرحت ياوليدي
خالد:لاأبدسلامتك بس لاني ما داومت اليوم وأخذت الوقت نوم
ام خالد: وليه ماتاخذ أجازه وترتاح ولأتاخذ زوجتك وعيالك
تمشون لجده
خالدوبدايعصب: يمه أذا تبيني أخذالعيال أيه أخذهم بس أمهم لا
أم خالد:ياوليدي وش فيك يعني للحين تكرها
خالد: أي أكرها أناقلت لكم بس مارضيتو زوجتوني غصب وأناجاهل الحين تحملو ذنبها
أم خالد: بس الحين أنت كبرت وتعلمت وعرفت الصح من الغلط
خالد: صح كبرت بس ماحبها
يمه ممكن تصكين الموضوع لايجي الوالدويكمل تراموناقص


أبرار أه ياأبرار ماتدرين وش مخبي لك الزمان قاعده تخططين لمستقبلك ولشهادة الماجستيروالدكتوره والبعثه كان هذا أهم شي عندها أنهاتدرس برا المملكه.
وهي في أنهماك شديد بكتابها وبين
أوراق
ونماذج
وقراطيس الماده طاح شي عندها وفزة بتشوف وش الي طاح لقته
جوالها أخذته بس ياليتها ماخذته لانه صك عليهاباب المذاكره.
أبرار: يحليلك ياخالدوالله فيك شي بس ماتبي تقوله
فتحت جهازها وسوت أنشاء رساله وكتبت فيها
وقتي معك ماينحسب بالدقيقه وقتي معاك بفرحة العمر محسوب
بسمعي لصوتك تنفرج كل ضيقه ؟ ولاشفت زولك مابقى بعمري كروب
وصلك يبلل خافقن جف ريقه ؟ حرام لو هو معصيه ماأشبع ذنوب
وكتبت أخر شي.خالد أحبك.
خالد كان جالس مع أمه يسولفون دق جواله يعلن قدوم رساله جديده
فتحها
وقراها
حرف حرف
وأبتسم ولو أمه مو عنده كان حب الجوال
أرسلها مسج.
مات الحكي وأحرجني الموقف إحراج،،
وعجزت أعبر عن هواي إعذريني!!
ما غير جملة حطها القلب بسياج:
(قلبي يحبك حيل لا تتركيني)
نطقتها أخـــشــى أسبب لك إحـراج ولـولا الـغلا ما قلتها صدقيني.
وكتب أخرشي (وأنابعدأحبك موووووووووووووووووت)
أم خالد: أشوف وجهك يبشر بخير وش بها الرساله
خالد:أبد سلامتك بس واحد من الشباب خطب (يكذب)
أم خالد:ياعله مبروك أنشاءالله


في بيت أبرار وبالتحديد في الصاله
أبرار: سمي يمه وش بغيتي
أم أبرار:سم الله عدوك أبيك تسوين لي شاي أخضر ولاتحطين سكر هالخبله(تقصد مايا)جابت لي الظغط بسبت السكر
أبرار: بس
أم أبرار: أي بس
أبرار: ههههههههههه ماطلبتي شي دقايق بس
وراحة للمطبخ تسوي الي أمهاقالت لهاعليه
أبرار: وهذا الي طلبتيه .وصبت لمها
أم أبرار: الله يوفقك ويسترعليك ويزوجك أنشالله
أبرار:آمين بس الزواج لنشألله
أمها:هاهاههه ليه ماتبين العرس
أبرار:لاني صغيره
أمها: بس أنتي عمرك 20يالله عن الدلع عاد
ــــــــــــــــــــــــــــــــــــــــــــــــــ ـــــــــــــ


يوم السبت وياثقل د م السبت الكل مرتبش وخايف واللي يشوفه يقول شايل هم الدنيافوق راسه صح هذا أنتم أيام الأمتحانات
(هههههههههههههههههههههه)
المهم هذا حال أبرار طبعآ مانامت اليل كله قاعده تذاكرلين وصلت الجامعه الساعه8 كانت لابسه تنوره ميد أسود وبلوزه جبنيز أبيض محدده جسمها ورافعه شعره يعني مسويته
ذيل حصان طالعه واااااوك جنان
دخلت البوابه ولقت حصه وريم سلمت عليهم وسيده مسكت الكرسي وقعدي ذاكري
حصه: شفيها هذي مو لهدرجه عاد ماذاكرت
ريم :أقول أسكتي أبرار طموحه أهم شي دراستها
حصه:أيه مومثلنا!! الا ماسألناهاعن ابو فلقه
ريم: ههههه الله ياخذ بليسك أسمه خالد
حصه: أي هذا خالد
ريم: بنسألهابعد ماتطلع من الأمتحان
حصه: الله يسترمن الي بنسمعه
ريم: أناواثقه فيهم
حصه: عاد هي راسها يابس أهم شي تبربر لنا وحنا نسمع بس مانتكلم كنا طرمان
ريم: هاهاهاهههه وش فيك أنتي قلبتي عليها
حصه: والله وأنا صادقه تذكرين ذاك اليوم يوم قلنا لها ليش تقولين أسمك قالت شوفن ونتن ساكتات والله كان ودي أرد عليها بس سكت لان لي مصلحه عندها
ريم: هاهاهاها والله أنك مهبوله حرام عليك أبرار حبيبه وطيوبه وعمرها ماتقصر بس أنتي هاهاهاها مدري وش فيك عليها
حصه: ضحكتي بلاضروس أنشألله أقول ذاكري بس ماتشوفين صديقتك الدافوره وشلون تذاكر مو حنا مالة علينا
ريم: بسم الله الرحمن الرحيم خافي ربك البنت ماسوت لك شي
حصه: أي أي بس أسكتي
أبرار ماكانت تدري عن شي كل همها الأمتحان
وخالد كان ينتظر على أحرمن الجمر متى تخلص أبرار عشان يحس بوجودها كان يعد الساعات والأيام


أنتهى الأمتحان على خير وبدت أجازت نصف السنه وأبرار من جت حطت راسها وراحت في سباااااااااااات عمييييييق
وخالد قاعد يهاوش زوجته من حر مابه وهي ماتدري وش الي يخليه يقلب عليها مومثل أول كان عادي بس الحين وصلت فيه أنه يفشلها جدام أهله بس هي تسكت
خالد:أنا كم مره قايل لك حطي الشيشه بالحوش موبالصاله
أمينه: بس أنت لك يومين تشرب بالصاله
خالد: حطيهابالحوش وسويلي شاي بسرعه
أمينه:أنشألله.وهي بنفسها تقول الله يهديك
وراحت وهي تدعيله بس هومايدري عنها
أم خالد وهي معصبه:
أنت وش بلاك منت بصاحي شارب شي
خالد: أي شارب
منيره: يايمه الله يهديك خالد ضايق من الشغل بس
أم خالد: لاوالله ماهومن الشغل في أحد قاعد يفر راسه يمين وشمال
خالد وهو يضحك على أمه:
ههههههه يمين وشمال ياحليلك يايمه والله ضحكتيني وأنا مالي خلق.
وقام حب راس أمه.دليل على علامة الرضاء
أم خالد:والله وأنا صادقه مره تكون وش حلوك ومره تكون أقـشر
الكل: هاههههه
جت أمينه:خالدالي طلبته جاهز
خالد: تسلم يدينك(قالهابدون نفس)
يوم الخميس 10صباحآ.
صحت أبرار من النوم
أبرار: يالله راسي ثقيل وش فيه 0
طالعت للساعه وشهقت
أبرار: صدق أني مهبوله نايمه من أمس الصبح وتو أقوم أعوذ بالله
مسكت جوالها ولقت
15رساله
و
40مكالمه وكل هذا حق يومين
فتحت أبرار المكالمات لقت
ضوا الدنيا20مره!طبعآهذا خالد
وريم وحصه بعد!
وبعدها الرسايل وأخذت وقت تقرا هذي نصها سوالف ونصها رسايل من ضوا الدنيا
وأرسلت له مسج

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -