رواية تحملت كثير يا قلبي -48
فهد : ليه ساكته تكلميي طيب ..
جوري : ماعندي شي اقوله ..
فهد : اوكي انا عندي ..
جوري : وشو ..
فهد : الاربعاء بسافر ..
جوري : وين ..
فهد : جده ..
جوري : متى بترجع طيب ..
فهد : يمكن نفس اليوم ويمكن من بكرى ..
جوري : يعني ماراح تطول ..
فهد : لا ..
جوري : اهاااا ..
فهد : لو طولت راح تشتاقين لي ..
سكتت ونزلت راسها .. ابتسم فهد وترك يدها وقام يطالع يمين ويسار .. جاهم الطلب وجلسوا يشربون ..
فهد : وين تبين تتعشين ..
جوري : مو مشتهيه شي ..
فهد : لا لازم ..
جوري : والله مابي ..
فهد : شرايك نروح الريف اللبناني ..
جوري : يعني غصب نتعشى ..
فهد : نفسي اتعشى طيب ..
جوري : اوكي خلاص اللي تبيه ..
ابتسم فهد : حبيبتي انتي ..
جلسوا شوي .. بعدين طلعوا راحوا يدورون بعدين راحوا تعشوا بعدها راحوا يمشون بطريق الملك عبد الله ..
جوري : خلاص تعبت ..
فهد : تونا ما مشينا شي ..
جوري : خلاص فهد الله يعافيك .. ما اقدر ترى بدوخ الحين وانت بتتورط ..
فهد : لا خلاص تكفين يلا يلا نرجع ..
????…¤_¤… يوم الاربعاء …¤_¤…????
فهد سافر الصباح وصل جوري الجامعه وراح على المطار على طول وهي رجعها رائد ..
رائد : يوه من زمان ما جبتك ..
جوري : ......
رائد التفت عليها : شفيك ..
جوري : مافيني شي ..
رائد : ليه ما تردين علي ..
جوري ابتسمت : وش اقول ..
رائد : اي شي ..
جوري : ههههههههه ماعندي شي اقوله طيب ..
رائد : طيب متى فهد راجع ..
جوري : يا اليوم او بكرى .. متى ما خلص يعني ..
رائد : الله يعينه .. اكيد مشتاقه له ..
جوري : ...............
رائد : حركات حيا بنات .. على فكره اليوم فيه جمعه ببيت جدتي ..
جوري : عادي كل اربعاء ..
رائد : لا اليوم غير .. عشان فهد سافر ..
جوري : سخيييييييف ..
رائد : هههههههههههههه ..
وصلوا بيتهم نزلت وعلى طول سلمت على امها وراحت عند اختها وجلست تلعبها جت امل وجلست معها ..
امل : شوي شوي ..
جوري : فديتها وحشتني ..
امل : يلا شدي حيلك وجيبيلك نونو .
جوري : تو الناس ماصر لي شهر متزوجه ..
امل : والله اعرف لك وحده من الاسبوع الثاني حملت ..
جوري : هههههههههههههههه ماعندهم وقت ..
امل : سنعه ..
جوري : اي سنعه يمه .. غثا ..
امل : وش دراك انتي .. هاتيها فيها النوم ..
جوري : يمه خليها ..
امل : ابروح اشوف الغدا وبرجع اخذها ..
جوري : اووووووكي ..
وهي تلعب ريم دق جوالها وكان فهد ..
جوري : الووو ..
فهد : مرحبا ..
جوري : مرحبتين .. وصلت ..
فهد : ايه ..
جوري : زين الحمد لله على السلامه ..
فهد : الله يسلمك حبيبتي .. هذي ريم ..
جوري : ههههههه ايه فديتها شكل فيها النوم .. ريومي .. حبيبتي نور عيوني تبين تنامين فديتك .. يااااااناااااس يالبى قلبها .. شكلها خدرت ..
فهد " ليت هالكلام لي " : طيب وديها لامك ولا نوميها ..
جوري : لا انا بنومها فديتها مشتاقه لها من زمان ماشفتها ..
فهد : زين .. خلاص اخليك الحين انتي نوميها وانا بعد بروح انام تعبان شوي ..
جوري : اوكي ماتشوف شر .. نوم العوافي ..
فهد ابتسم " من زمان عن هالكلمه " : الله يعافيك يا روحي .. يلا فمان الله ..
سكرت منه وضمة ريم وجلست تهزها لين نامت ..
! ??ٍ??? فبيتـ تهاني ??????
كانت جالسه تكلم امها ..
تهاني : بعد العِشا ..
عايشه : طيب مري سلمي واطلعوا ..
تهاني : مدري بشوف عن مشعل ..
عايشه : لا مايصير مري من زمان ما شفناك .. امس اكلم شيخه تقول من زمان عنها ..
تهاني : خلاص يمه ان شاء الله بحاول مره امركم ..
عايشه : خلاص اجل .. ابقوم احط الغدا ابوك واخوانك جو .. وانتي قومي لرجلك ..
تهاني : ان شاء الله .. سلميلي عليهم .. مع السلامه ..
سكرت من امها .. جاها مسج على الجوال وكان من مشعل ..
(( توتو ياعسل .. يمكن اتأخر وراي شغل اذا جوعانه تغدي مو لازم تستنيني ))
تهاني : لا مابي اتغدى الحالي بستناه ..
قامت وطلعت الغرفه .. راحت لبست شورت لفوق الركبه على طول .. مع بدي علاق رفعت شعرها ونزلت تحت تسوي اكل .. بعد ساعه ونص دخل مشعل ولقاها بالمطبخ .. ووقف على الباب وهي ما انتبهت له .. كانت مره منسجمه وتغني .. ماانتبهت له الا يوم تنحنح ..
مشعل : احــم احـــم ..
تهاني من الحيا مالفت عليه مره مره استحت .. شكلها غلط ..
تهاني : جيت ..
مشعل يبتسم : لا توني ..
تهاني : تبي غدا ..
مشعل : ياليت .. جوووعان ..
لفت عليه : دقايق ..
شافته واقف وعلى الباب ومتكي عليه ويبتسم على جنب .. حمرت خدودها من نظراته ..
مشعل : شفيييييييييك ..
تهاني : ولا شي .. بروح اغير ملابسي وبجي ..
جت بتطلع من الباب ومسكها ..
مشعل : لا خليك كذا حلو .. يلا حطي الغدا ..
تركها وراح بدل ملابسه ونزل لقى السفره جاهزه .. جلس وناداها ..
مشعل : تهاااني ..
تهاني : هلاااا ..
مشعل : يلا ..
تهاني : طيب انت ابدى الحين جايه ..
مشعل : لا يلا تعالي ..
تهاني جت وهي شايله جيك العصير : يلا ..
مشعل : وش هالسفره الحلوه .. وش الطاري ..
تهاني : طرت علي .. قلت دام بتتأخر خلني اسوي كم شي زياده ..
مشعل : خلاص دام كذا اجل كل يوم بتأخر ..
تهاني : لا والله مو على كيفك .. انا بغيت اموت من الجوع ..
مشعل : انا قايل لك تغدي محد طقك على يدك قالك استنيني ..
تهاني : ايه هذا جزاي .. مموته روحي من الجوع عشان اتغدى معاك .. بس يلا الاجر عند رب العالمين ..
مشعل : ههههههههههههههههههههه خلاص اسف .. ياربيه اكلتيني بقشوري ..
تهاني : وش اسوي فيك ..
مشعل : خلا قلنا اسف .. اقول ..
تهاني : هلا ..
مشعل : ترى بنمر اهلي ..
تهاني : وانا بعد امي قالت مري بيت جدتي وسلمي على خالاتك واطلعي ..
مشعل : اوكي اجل .. نروح لاهلي العصر واهلك المغرب ونطلع على المطار العشا ..
تهاني : اوكي حلو ..
جلسوا يتغدون وبعدها طلعوا يريحون شوي ..
! ??ٍ??? فبيتـ سليمان ??????
بعد الغدا .. نادى سليمان مشاري وراحوا جلسوا بالمكتب ..
مشاري : سم يبه ..
سليمان : ابيك بموضوع وياليت ماتردني ..
مشاري : سم ان شاء الله مايصير الا اللي تبيه ..
سليمان : هذا العشم فيك يا ولدي .. تعرف صالح الـ.....
مشاري : ايه اعرفه .. شفيه ..
سليمان : بيننا وبينه شغل .. والصراحه نبي هالشغل يتطور ونبيه اكثر من مجرد شغل ..
مشاري : والمطلوب مني ..
سليمان : الصراحه هو عنده بنت .. وودي انك تآخذها ..
مشاري : يعني زواج مصلحه ..
سليمان : قلت لك ان ودنا نطور العلاقه بس ..
مشاري : تقومون تزوجوني بنته ..
سليمان : وش فيها ..
مشاري : مافيها شي .. بس ....
سليمان يقاطعه : اسمع لاترد لي خبر الحين .. اقعد فكر بالموضوع ..
مشاري : بس يبه ..
سليمان : قلت لك فكر ورد لي خبر ..
مشاري : ان شاء الله .. انا بروح تبي مني شي ..
سليمان : لا سلامتك ..
طلع مشاري من عند ابوه وراح غرفته ..
مشاري : قال ايش قال بيزوجني لا وزواج مصلحه بعد .. ياربي الله يصبرني .. وش جالس يصير فيني انا .. الله يعينني على هالدنيا .. شقى ..
! ??ٍ??? فبيتـ محمد (ابو مشعل) ??????
كانوا تهاني ومشعل موجودين .. وجالسين بالصاله مع امه وخواته .. دق التلفون وقامت امه ترد ..
ملاك : تهاني تعالي المطبخ معاي شوي ..
العنود : ايه تعالي شوفي وش سوينا شي اكييييييييييد بيعجبك ..
تهاني : الله يستر ..
قامت معهم تهاني ومابقى غير الهنوف ومشعل ..
الهنوف : شخباركم ..
مشعل : زي منتي شايفه تماااام التمام ..
الهنوف : دوم ان شاء الله عسى مبسوطين بس ..
مشعل : الحمد لله ..
الهنوف : مرتاحين ..
مشعل : انا عني ماعندي اي مشااااااكل ..
الهنوف : وهي ..
مشعل : ههههههههه حتى هي .. يعني الحمد لله متفاهمين ..
الهنوف : واي فديتك .. دوم ان شاء الله ..
مشعل : بس تدرين يالهنوف ..
الهنوف : وشو ..
مشعل : تدرين لو اني احب وحده ثانيه واخذت تهاني .. وربي ما اتوقع اعيش الحياة اللي انا عايشها .. يعني احمد ربي مليون مره اني ما كنت اقتنع بفكرة الحب قبل الزواج ..
الهنوف : والحين ..
مشعل : الحين تقدرين تقول ارتاح لها كثير .. مدري بس احيانا تسحرني بحركاتها .. طفوليه يا الهنوف بقوه ..
الهنوف : هذي تهاني اللي اعرفها ..
مشعل : فديتها صايره تجنن ..
الهنوف : اوووووو تطور .. فديتها بعد ..
مشعل : ههههههههههههههههه شعليك طيب زوجتي ..
الهنوف : هالكلام ماكان قبل الزواج ..
مشعل : بس كل شي يتغير مع العشره .. ماكنت اتوقع اكون مرتاح معها لهالدرجه ..
الهنوف : زين الله يهنيك ويسعدك ..
دخل عليهم وليد : وانا بعد ..
مشعل : اهلييييييين ..
وليد : هلا وغلا مررررررررررحبا ..
قام وسلم عليه : وين الناس مالك حس ..
وليد : تدري دوام معفن يجيب الهم والغم وكل امراض الكدر ..
مشعل : ههههههههههه احسن ..
وليد : نذل ..
مشعل : بروح المطبخ ابعد شوي ..
وليد : شعندك بالمطبخ ..
مشعل : وش عليك ..
الهنوف : تهاني هناك ..
وليد : اهااااااا قل بروح لزوجتي ..
مشعل : بروح لزوجتي عندك شي .. يلا ابعد ..
وليد بصوت واطي : وين اللي مايبي يتزوج وسوى حالة استنفار بالبيت عشان بيزوجونه غصب ..
مشعل : يعني لازم اعيد الجمله .. كل شي مع العشره يتغير ..
وليد : اهاااا ..
مشعل : بس مو كل زواج بالغصب لازم ينجح .. لا ..
وليد : وهذي وجهة نظري بعد ..
ابتسم له مشعل وراح المطبخ ..
مشعل : وش تسوون ..
ملاك : ولا شي ..
مشعل : ليه جالسين هنا طيب ..
العنود : نسولف ..
مشعل : بالمطبخ عاد ..
ملاك : مكان استراتيجي ..
مشعل : بقوه .. تهاني يلا نمشي ..
تهاني : اوكي يلا ..
مشعل : ملوكه .. اطلعي جيبي عبايتها من الصاله ..
ملاك : ليه ماتقوم هي تلبسها برى ..
مشعل : وليد موجود برى ..
ملاك : اهاااا بس هالمره عشان وليد ولا مره ثانيه لا ..
مشعل : طيب يلا لاتكثرين حكي ..
طلعت ملاك ولحقتها العنود ..
تهاني : بنروح بيت جدتي ولا بيتنا ..
مشعل : لا بنروح البيت .. بنآخذ اغراضنا بعدين بنروح بيت جدتك ..
تهاني : اوكي ..
مشعل : يلا طيب ..
جابت ملاك شنطتها وعباتها .. لبستها وسلمت عليهم وطلعوا ..
! ??ٍ??? فبيتـ الجده ??????
كانوا مجتمعين ..
ولاء : وش شعورك ياليلى ان زواجك يوم الاربعاء الجاي ..
ليلي : انواااااااااع الرعب كل ماذكرت السالفه ..
اميره : ابي اعرف ليه انتي بذات طولت ملكتك جلستوا 5 شهور مملكين .. ساره ملكة وبعد شهر تزوجة .. وابرارفديتها شهرين وتزوجة .. وجوري اممممم كم يا جوري جلستي ..
جوري : جلست شهرين و13 يوم ..
هيفا : حاسبتها بالتمام والكمال ..
جوري : والله مو انا اللي حاسبتها هذا فهد ..
البنات : هههههههههههههههههههههههههههه ..
ساره : بطني يعورني ..
اميره : البييييبي ..
ساره : كلي تبن احس بمغص ..
اميره : عادي ..
ساره : مابي بنزل لامي اقولها ..
نزلت ساره لامها : يمه ..
فوزيه : هلا ..
ساره : يمه بطني يعورني ..
فوزيه : عادي ..
ساره : لا مو عاد .. مغص يمه ..
فوزيه : عادي اول شهورك كذا ..
ساره : اففففففففف بيطول كذا ..
فوزيه : اول الشهر بس ..
حطت راسها على كتف امها : الله يعين ..
دخلت عليهم تهاني : السلام عليكم ..
الكل : وعليكم السلام ..
شيخه : هلا وغلا والله .. وينك يا بنت الحلال .. اشتقنالك ..
تهاني : هههههههههه فديتك يا خالتي وانا بعد اشتقت لكم ..
شيخه : اشوفك كل يوم تسألين ..
تهاني : حقك علينا يالغاليه ..
سلمت عليهم وطلعت للبنات ..
تهاني : هاااااااااااي ..
البنات : اهليييييييييييين ..
سلمت عليهم وجلست ..
تهاني : شخباركم ..
الكل : تمام ..
هيفا : ليه ماجيتي اليوم الجامعه ..
تهاني : كله من ولد عمك ..
ولاء : وش سوى بعد ..
تهاني : هههههههههه لقافه ..
ولاء : عادي مصيرنا نتزوج .. يلا يلا قولي ..
تهاني : عيب مالك شغل اذا كبرتي علمتك ..
ولاء : سخاااااااافاااااااااااه ..
البنات : هههههههههههههههههههه ..
هيفا : قولي قولي وش سوى ..
تهاني : حاطه المنبه على الساعه ½و7 .. ومادريت الا يرن الساعه 11 .. هو اصلا اليوم مآخذ اجازه .. ويوم قلت له ليش .. قال والله مالي خلق اوديك ..
هيفا : ههههههههههههههههههههه كفو والله عجاز ..
تهاني : من قلب بعد ..
ليلى : خااااااااايفه ..
تهاني : من اييش ..
ليلى : من يوم الاربعاء الجاي ..
الكل : هههههههههههههههههههههههههههههه ..
لولو : روقي اعصابك ..
ولاء : اخييييييييييرا طلع صوتك .. على بالي نايمه ولا ماجيتي ..
لولو : الحمد لله والشكر ..
نوره : تهاني .. جد بتروحين جده اليوم ..
تهاني : ايه ..
نوره : طيب ابي اطلب منك طلب ..
تهاني : امري ..
نوره : جيبيلي من موية البحر ..
تهاني : ههههههههههههههههههههه بس ..
نوره : بس ..
تهاني : غاليه والطلب رخيص ..
ولاء : وانا ابي اصداف ..
تهاني : ههههههههههههههههه بزران .. طيب ان شاء الله ..
ولاء : لو تنسينها بطلعك مع الباب ..
تهاني : ههههههههههههه لاخلاص ..
جلسوا يسولفون ودق مشعل على تهاني وقالها تعالي عند الباب .. قامت وراحت له عند باب مدخل الحريم ..
تهاني : سم ..
مشعل : سم الله عدوك .. يلا فديتك نمشي ..
تهاني : تونااااااا ..
مشعل : يلاعلى ما نروح المطار عيوني ..
تهاني : طيب اوكي .. شوي وبطلع ..
مشعل : يلا بسرعه ولا بروح عنك ..
تهاني : يلا طيران ..
قبصها مع خدها ضحكة وراحت .. كان مشاري بالصدفه جاي وشافهم .. وقف شوي بعدين راح الملحق عند الشباب ..
رائد : وين النعناع ..
مشاري : مالي خلق اروح .. رح نايف ..
نايف : نايف الصبي عندكم .. كل شي علي انا .. منب قايم ..
مشاري : ياشين البثاااارااااااااه ..
ريان : ياخي قم فكنا .
نايف : وش تبي رح انت ..
ريان : لا مابي ..
سلطان : انا بروح ..
مشاري : بـــــطـــــل ..
دخل عليهم مشعل : يلا شباب انا رايح تبون شي ..
الكل : لا سلامتك .. تروحون وترجعون بالسلامه ..
مشعل : الله يسلمكم ..
نايف : تهاني وينها ..
مشعل : بالسياره ..
نايف : بشوفها ما شفتها .. اخاف تموت وانا ماشفتها ..
مشعل طقه على راسه : وجع فال الله ولا فالك ..
نايف : هههههههههههههه مسوي تخاف عليها ..
مشعل : اكيد مو زوجتي .. يلا يلا خلصنا بنمشي امش ..
نايف : طيب يا ولد العم يلا ..
طلع مشعل ومعاه نايف .. مشاري كان ساكت وبعدها قام ودخل راح مجلس الرجال ..
مشاري : يبه ..
سليمان : هلا ..
مشاري : متى بتخطب لي بنت صالح الـ......
سليمان ابتسم : من جدك ..
مشاري ابتسم : مو هذا اللي تبيه ..
سليمان : بارك الله فيك يا ولدي ..
ابتسم مشاري لابوه وقام رجع للشباب ..
حمد : وين رحت ..
مشاري : رحت اكلم ابوي ..
حمد : تكلم بابا ..
مشاري : اييييه اكلم بابا ..
حمد : اهااااااا ..
? عــنـد .. البناتـ جوى ?
بعد ماصلوا العشا .. جت هيفا وولاء جلسوا بالغرفه .. وشافوا جوال جوري واخذوه ..
ولاء : افتحيه ..
هيفا : خخخخخخخ .. شرايك نرسل كم رساله لفهد ..
ولاء : يلا قدام ..
هيفا قامت وكتبت له رسالة حب وارسلتها ..
فهد كان جالس ومشغوول مره .. سمع صوت المسج وطنش بعدين قام يطالع الجوال وفتحه .. قرى المسج .. وقرى الاسم .. انصدم .. قراه مليون مره ..
(( سطرت حروف المحبه غـلا وأشـواق
للغالي اللي وسط القلـب ماأخـذ محلـه
ناديتكـ حبيبي لا تتـركـ القلـب يشتـاق
هات الفـرح والبعـد مـا أقـواه خلـه
يانبض شعري يااسم داخل القلب خقـاق
أنت الحبيب اللـي قلبـي مايـوم ملـه
لوأكتب أحساسي تضيـق بـه الأوراق
أنت الشعر وريح العطـر و الغـلا كلـه ))
فهد : فديييييييييييييييت روحها انا ..
قام ارسل لها مسج ..
هيفا : ارسل ارسل ..
ولاء : افتحيه طيب ..
(( وش اخبارك يا * تاج راسي * وعاليه
ياغيمة جادت بأغزر مطرها
أنت ربيع القلب وأغلى أمانيه
عطر الحياة وأثمن دررها
حقك كبير يعجز الشعر يوفيه
ياوردة فاحت بأجمل عطرها .. وحشتيني فديت روحك ))
ولاء : ياهوووو على الحب .. ارسلي ارسلي ..
هيفا : هاتي مسج حلو بسرعه ..
عطتها ولاء مسج وارسلته .. فهد اول ما وصل المسج على طول فتحه ..
(( أبسرق وقتي لعينك مدامك ساكن باحشاي
وأبرمي كل هالدنيا ورى ظهري وأخليهـا
وأبقبل يمة عيونك وشوفك غايتي ومناي
لان عيوني العطشا عيونك بس ترويهـا
تعال صافح كفي وحط في يدك يمناي
وهدّي رعشة كفوفٍ ملامس يدك يدفيهـا .. وانت اكثر يا قلبي ))
فهد : يارب بس وش اسوي بروحي .. وربي احبها فديت قلبها انا .
قام وارسل لها مسج ..
(( سأقترب منكـ .. و .. ابتسم
سـ أهمس لقلبكـ
بـ مدِّ الألف حينما تنتشر في نبضي : أُ
بـ إحساسٍ يتوهج عند الحـاء : حِ
بـ وقعةٍ ثقيلة اضغط على شفتي : بُ
بـ عمقٍ يهز الكلمة ويرجف الحروف : كـ
وأخيراً سـأكررها بـ ثقة تملأني :
" أَحُــبُكـ " ... حياتي جاني واحد بعدين اكلمك )) ..
هيفا : ياهووووووووه ..
ولاء : بسرعه امسحي الرسال المرسله ..
هيفا : ياويلنا لو درت ..
بسرعه مسحتها هيفا ورجعوا الجوال مكانه ..
على الساعه 11 حطوا العشا والكل تعشى .. وبعدها الكل راح بيتهم ..
! ??ٍ??? فبيتـ فارس ??????
كانت جوري نايمه .. ودق جوالها ..
جوري : همممممممم ..
فهد : نايمه حبيبتي ..
جوري : ايه ..
فهد : اوكي قلبي احاكيك بعدين ..
جوري : فيك شي ..
فهدد : لا عيوني .. خلاص فديتك ارجعي كملي نومتك .. انا بكرى العصر بكون عندكم ..
جوري : اوكي .. ترجع بالسلامه .
فهد : الله يسلم حبيبتي .. يلا تصبحين على خير ..
جوري : وانت من اهله ..
سكرت منه ورمت الجوال ورجعت تنام ..
نهاية الجزء 20
تجميع ورد جوري
الجزء الــ (21)
? ? اليـــومـ .. الـليـ .. بعـــــدهـ .. ? ?
.
.
.
!??ٍ??? فبيتـ مشاعل ??????
كانت غيدا جالسه وتكلم بيان ..
غيدا : ماشي الحال ..
بيان : يعني مرتاحه بالقسم ..
غيدا : ايه مره مرتاحه ..
بيان : انا قسمي مره متعب وصعب ..
غيدا : مو انتي تبينه ..
بيان : وانا وش قلت .. ماقلت مابيه وليتني مادخلته .. بالعكس مره حلو بس متعب ..
غيدا : هههههههههههه طيب شوي شوي ماقلت شي ..
بيان : طيب .. بسالك ..
غيدا : وشو ..
بيان : لين الحين تكلمين رائد صح ..
غيدا : ليش السؤال ..
بيان : بس كذا .. ولا تغبين علي ..
غيدا : لا ما اغبي عليك ولا شي .. بس خلاص ماعاد اكلمه ..
بيان : ليه صاير شي بينكم .. ولا طفشتي منه ..
غيدا : لا ماصار شي ولا طفشت منه بالعكس .. بس خلاص ماله داعي مكالمات ..
بيان : انا قايله لك شخصيته ماتناسبك ..
غيدا : قفلي الموضوع ..
بيان : براحتك .. بس حبيت اقولك ان خالي سعود يسلم عليك ..
غيدا : يسلــــــم علي .. وبصفته ايش ..
بيان : بصفته خالي .
غيدا : واذا خالك ..
بيان : غيدا .. اسمعي .. بجيك من الاخر .. خالي يحبك ويبيك .
غيدا : ومن متى هالكلام ..
بيان : الصراحه من زمان بس انا ما كنت ابيك تعرفين بس هو اصر علي اني اكلمك شرايك ..
غيدا : رأيي بأيش ..
بيان : بالكلام اللي قلته ..
غيدا : سوري قولي لخالك اني ما ابيه .. انا احب رائد وبس ..
بيان : بس زي ماقلتي انك ماعاد تكلمينه ..
غيدا : مو معناته ما اكلمه يعني ما احبه .. بالعكس احبه واموت فيه .. ولو سمحتي كان بتكلميني عن خالك سكري ماعندي استعداد اسمع ..
بيان : تدرين الشرهه مو عليك الشرهه على اللي يدق عليك .. وبعدين من انتي عشان ماترضين فيه .. الف وحده تتمناه وانتي تستبطرين على النعمه .. يلا خلي رائد الحين ينفعك .. نشوف وش بيسوي ..
غيدا : مالك شغل برائد لو سمحتي ..
بيان : اقول .. انا الغلطانه اللي داقه عليك .. ما اقول الا مااااالت عليك .. يلا فمان الله ..
قفلت بوجهها بيان .. غيدا رمت الجوال وجلست تصيح .. دق عليها بدر ..
غيدا : الوووووو ..
بدر : هلا غيدا ..
غيدا صوتها صياح : اهلييين ..
بدر : شفيك بسم الله عليك ..
غيدا صاحت زياده : بدر تعااااال ..
بدر : بسم الله عليك .. غيدا فيكم شي صاير شي ..
غيدا : لا .. مو صاير شي بس تهاوشت انا وبيان ..
بدر : اعوذ بالله من ابليس .. خوفتيني الله يهديك ..
غيدا : بدر قالت لي كلام مو حلو ..
بدر : وش قالت لك ..
غيدا : قالت لي ان خالها يحبني ويبي يتزوجني ..
بدر : ههههههههههههههههههههههههههههه .. على بالي سابتك ..
غيدا : لا تتطنز ..
بدر : طيب وين المشكله ..
غيدا لاشعوري : بس انا احب رائد ..
بدر : اهاااااااا قلتيلي تحبين راااائـــد ..
غيدا : ايه ..
بدر : طيب قلتي لها ..
غيدا : المشكله انها تدري ودايم تحطمني ..
بدر : طيب بسألك .. رائد يحبك ..
غيدا : ايه ..
بدر : يااااحبيييييييييييبييييييييي ..
غيدا : بـــــــــــدر ..
بدر : هلا ..
غيدا : وش اسوي ..
بدر : لاتسوين شي .. ماعليك منها دام تحبينه ويحبك لايهمك احد ..
غيدا : اخاف تعاند وتقول لخالها يجي يخطبني وابوي بعدين يوافق ..
بدر : ياقلبي انتي مستحيل ابوي يوافق وانتي مو موافقه .. هدي اعصابك فديت قلبك ..
غيدا : متأكد ..
بدر : متأكد ونص .. وانا صدقيني بوقف معاك مو اخوك حبيب قلبك ..
غيدا : هههه اكيد ..
بدر : خلاص اجل .. حطي ايديكي ورجليكي بميه باردي ..
غيدا : فدييييييييييييتك ..
بدر : احــم احــم .. شخبار هيفا ..
غيدا : هذا همك ..
بدر : وش اسوي من زمان شاغله بالي ابي بس اتطمن ..
غيدا : الحمد لله بخير ..
بدر : فديت روحها دوم ان شاء الله ..
غيدا : لحظه التلفون يدق ..
بدر : طيب استناك .
راحت غيدا وردت ومعاها الجوال ..
غيدا : الووو ..
نوره : مرحبااا ..
غيدا : مرحبتييين .. هلا وغلا ..
نوره : اهلين .. شخبارك .
غيدا : بخير انتي شخبارك ..
نوره : تمام .. اقول غيدا مابي اطول عليك .. بس ابي رقم هيفا .. جوالي طاح بالمويه وارقام البنات كلها بالشريحه الا هيفا النحس بالجوال ..
غيدا : هههههههه اوكي .. دقيقه ..
طلعت الرقم من جوالها ..
غيدا : يلا هذا رقم هيفا .. * * * * * * * 055 ..
نوره : مشكووووووووووره ..
غيدا : العفو .. تبين رقم ثاني ..
نوره : لا شكرا .. خلاص .. يلا تبين شي ..
غيدا : لا سلامتك ..
سكرت منها ورجعت بدر اللي مره مبسوط .. اول ماقامت غيدا تنقل نوره الرقم كتبه عنده ..
غيدا : بدوري طولت عليك ..
بدر : لاحبيبتي عااااادي ..
جلسوا يسولفون شوي عن رائد بعدن هيفا بعدين قفلو .. بدر اول ما قفل راح دق على هيفا ..
!??ٍ??? فبيتـ عايشه ??????
كانت هيفا جالسه بغرفتها على النت وتكلم ولاء على المسن .. دق جوالها وكانت مره منسجمه ماشافت الرقم وعلى طول ردت ..
هيفا : هــــلا
بدر : هلا وغلا ومرحبا ..
هيفا كان الجوال بإذنها وتكتب : اهلين ..
بدر : كيف الحال ..
هيفا : الحمد لله ..
بدر : دوووم ان شاء الله مو يوم ..
هيفا استوعبت الصوت انه صوت رجال وقامت تطالع الرقم ..
هيفا : نـــعـــم ..
بدر : بسم الله عليك الرحمن الرحيم .. توك وش زينك ..
هيفا : مين ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك