بداية

رواية بعد فرقاك بهوى غيرك وانساك -12

رواية بعد فرقاك بهوى غيرك وانساك - غرام

رواية بعد فرقاك بهوى غيرك وانساك -12

مرام جنب مها بس نايمه..وريناد جنب مها بالجهه الثانيه من السرير وقالت:مها ..
مها مافيها نوم:هلاا..
ريناد بهمس عشان لايصحو البنات:بتنامي؟
مها بنفس الهمس:لاء مافيني نوم..انتي بتنامي؟
ريناد تنهدت:ودي انام بس مو قادره..
مها خافت على اختها:ليه وش فيكي؟
ريناد:بس ماتعلمي احد؟
مها:اوكي بس اخلصي..اوعدك مااقول لأحد..
ريناد ابتسمت:اليوم شفت محمد..
مها واللقافه عندها اشتغلت:متى؟ووين؟ووش قالك ووش قلتيله؟
ريناد:هههه شوي شوي علي..ببدأ بالسؤال الأول شفته اليوم بالظهر أول ماوصلنا المزرعه..
مها:طيب ووين شفتيه؟
ريناد:عند الخيول لمن رحت هناك هو جا..
مها تكمل:ووش قالك؟
ريناد استحت:موب قايله
مها:يلا عاااااد..
ريناد:قالي اشتقت لك واشتقت لأيامنا لمن كنا صغار ونلعب مع بعض..ونفرح مع بعض ونبكي مع بعض..
مها تحمست وفرحت لأختها:ياهووووووو وش هالرومنسيه..مقدر انا..
ريناد بحيا:اشش مها وطي صوتك لايقومو البنات..
مها:احم طيب ووش قلتيله انتي؟
ريناد:ماقلتله شي قلت محمد اعذرني لازم اروح وجيت عندكم..
مها بغمزهـ^_*:علييييينا...يله اعترفي وش قلتيله؟
ريناد بصدق:وربي الكعبه قلتله بس كذا..
مها:اهاا...
ريناد:وانتي ماسارلك موقف مع حبيب الألب"القلب"؟
مها بحسرهـ:من وين حبيب القلب..اكرهه مااطيقه..بس بقولك وش سار لمن رحنا السوبرماركت وكنت ابي جالكسي والرف كان عالي وهو......................"وقالتلها كل الي سار"..
ريناد:مها لاتخسري عبدالله ترا هو يحبك...
مها:بس انا مااحبه ومين قال انه يحبني؟
ريناد:باين من حركاته لك بس هو يكابر مايبي يقولك انه يحبك صدقيني..
مها:حتى لو يموت فيني انا اكرهه ومستحيل احبه..
ريناد بتردد وهمس:مها انتي لسه تحبي ريان ولد خالتي؟
مها تجمعت الدموع بعيونها:وشلون مااحبه..اعشقه مو بس احبه..
"مها كانت تحب ولد خالتها ريان وهو عمره 20 سنه حلو وجسمه وطوله حلو حتى هو كان يحبهاا بس القدر فرق بينهم..ابوه خلّاه يتزوج بنت عمه غصب عنه هو كان يبي يتزوج مهاا..والحين هو لاهي بزوجته وبيته بس لسه يحب مها..ومها بعد تمووت فيه من يوم كانت صغيره ولمن درت انه تزوج بنت عمه تعبت مره وحلفت ان مايدخل قلبها غيره طوول عمرهآآآ..هالسالفه محد يعرفها الا مها وريناد وفيصل اخوهم كان يدري ان مها تحب ولد خالته ريان بس ماأهتم ولاعصب لأنه يدري ان الحب غصب ع الأنساان..بالعكس كان يتمنى انه ياخذ اخته ويكمل حبهم..لأن كان باين ان ريان يحب مها ومها تحب رياان..بس حكم القدر اقوى"
ريناد حزنت على اختها:مها انتي لازم تشوفي حياتك مثل ماهو شاف حياته وتزوج غيرك..حاولي تنسيه..
مها:مقدر ياريناد مقدر..وهو تزوج غصب عنه صدقيني هو كان دوم يقولي انا احبك يامها وبتزوجك بس ابوه زوجه وحده ثانيه..
ريناد تنهدت وندمت انها سألتها هالسؤال حست انها فتحت جروحهاا قالت بتغير الموضوع:يله ننام..
مها:تصبحي على خير"ولفت وجهها بتنام وكيف بيجيها النوم وهي تذكرت حبيبها الأولااني حبيب الطفوله "ريان".."
ريناد ناامت...ومها تفكر"آآهـ يارياان ياحبيبي..من جد حبيتك ياريان من كل قلبي..حبيتك من وانا طفله..وكيف انسااك وانسى حبنا الي كان يكبر معانا..مستحيل انساك لو وش ماسار...حتى لو تزوجت عبدالله بقعد على ذكرااك..."وتنهدت"...ياترى ريان الحين يفكر فيني ولامشغول مع زوجته وبيته"..وبعد هالتفكير نامت...
باقي تطورات رووعه بالمزرعه..تااااااااااابعووني..
وابي توقعاتكم ورأيكم في هالبارت؟؟
تحياتي لكم:^أمــــــــــيـــــــرة الـــشـــوووق^


**الجزء السآآدس ع ـــشر**

ع الصبااح قامو كلهم .. يتروشون ويكشخون..ونزلوو للفطور..
الشباب كلهم الا فيصل:صبااح الخير..
الرجال والحريم والبزوره مجتمعين على طاولة الفطور وطبعآآ الحريم لابسين جلال الصلاهـ لأن كلهم يتغطون من أخوان ازواجهم...والجده معاهم .. وبس كان في من البنات ديما وسديم وجنى"الصغار"عشان كذا جلسو الشباب يفطرون معاهم وماخذين راحتهم ع الآخر لأن البنات نايمين..
الكل:صبااح النوور..
ابوفيصل:الا وين فيصل مانزل معاكم يفطر؟؟
نايف وهو يفطر:عمي فيصل نايم امس كان سهراان..
ابوفيصل:وليش يسهر..اطلع قوم اخوك يامشعل..
مشعل وقف وهو يتأفف:وش ذنبي انا اذا هو سهران"وطلع يقومه"..
فيصل كان يحلم وقام مفزوع:مرام..مرام وش فيها؟
مشعل بضحكه:وش دخل مرام؟هههه قوم يقولك ابوي..
فيصل قام الظاهر كان يحلم بمرام..وغسل وجهه وجا مسك مشعل مع بلوزته:الكلام الي قلته وانا نايم يويلك تقوله لأحد فاهم ترا انا كنت احلم ومو داري عن نفسي..
مشعل بخبث:ولايهمك بعد شوي كل العائله تدري بهالموضوع هع هع ...وكلهم يقولون فيصل كان يحلم بمرام هههههه...
فيصل لصقه بالجدار:والله لو سمعت انك قلت لأحد يامشعل يويلك مني فااهم..
مشعل:زين زين مو قايل خلاص .. "وهو طالع برا الغرفه"يقولك ابوي انزل للفطور..
فيصل وهو يدخل الحمام<الله يكرمكم>:درينا والله دريناا..
واتروش ونزل ودخل الأصنصير..طالع وحده كانت واقفه بالأصنصير..وتعدل طرحتهاا..فكت الطرحه وعدلتها على راسها من جديد باهمال وشعرهاا نزل من الطرحه بدون لاتحس..سمعت صوت انفاس شخص..التفتت لورا وانصدمت..فتحت عيونها مره ثانيه وثالثه ورابعه...
فيصل عرف انها لينا وماأهتم..كان يحسبها مرام من قفاها..بس لمن التفتت له عرف انها لينا:صبااح الخير..
لينا مو مصدقه الي تشوفه هي وفيصل بنفس المكان وشكله يهبل..لابس بيجاما حرير..وفاتح ازارير بلوزة البيجاما..وباين صدرهـ البرونزي وشعرهـ الي طول لنص كتفه ومدرج ناعم..طايح على وجهه وكتفه بطريقه عشوائيه تخبل..
لينا بخقه مع شكله:صــ ــبــآآح الــ ـــنــوور...
وضغط على زر الأصنصير..ومشو لطاولة الفطور مع بعض فيصل وليناا..لينا تحس انها طايره من الفرحه وهي تمشي جنبه اما فيصل عادي عنده ومو عاطيها وجه..:صباح الخير..
الكل الا مشاري:صباح النور..
مشاري انقهر لمن شاف لينا كيف فرحانه وابتسامته ماليه وجهها بس عشانها تمشي جنب فيصل..قام وقف ونزل للمزرعه انسدت نفسه مايبي يفطر..
لينا لاحظت حركة مشاري واتضايقت بس قعدت جنب اخوها سلطان وتفطر..وفيصل قعد جنب ابوه..
ابوفيصل:ليه سهرانا مس انشاءلله؟
فيصل:مين قالك اني سهران؟"وطالع الشباب بتهديد"..
ابوفيصل:انا ادري انك سهران مالهم شغل الشباب..
فيصل:طيب واذا سهرت امس وين المشكله يعني؟
ابوفيصل:مافي مشكله بس ابيك تقوم بدري تفطر معانا..
فيصل:هذاني قمت.."لينا تطالع فيه واللقمه بايدها خااقه وفمها مفتوح متنحه هههه"
سلطان:لينا اللقمه ساعه بايدك سلامات ههههههه
لينا تفشلت واكلتها بسرعه..
اما ابوفيصل قال:وشعرك هذا متى بتقصه انشاءلله؟
فيصل:يبى الله يهديك هذي الموضه وشلون تبيني اخرب استايلي..
الجده:الله يهديكم ياعيال هالجيل الجديد..تطولون شعوركم مثل البنات وتطيحون بناطيلكم لرجولكم وتقولون موضه..!!!
الكل:ههههههههههههههههههه..
نايف بثقه:حرام عليك ياجده انا ماألبس بناطيل مثل الشباب المتخلفين ولاأطول شعري اقصه دووم..
الجده دايم تشوف نايف بالبنطلون بس الأكثر بالثوب:أي هيين..
ام مشاري:مشاري وين راح ماكمل فطوره؟
لينا غصت باللقمه وكحت:كح كح كح كحكح..
ام سلطان:بسم الله على بنتي"ومدت لها كاسة مويه"وش فيك يمه؟
لينا شربت المويه وارتاحت:مافيني شي...
سلطان وقف:بروح اشوفه..
ام مشاري:لالا اقعد كمل فطورك ياسلطان هو الحين بيجي..
سلطان:لاء ياخاله انا خلصت فطور الحمدالله"وراح يغسل ايده ونزل برا الفله راح للمزرعه"..
فيصل:لـيـنـاا..
لينا طالعته بابتسامه وفي بالها"لبيه"وقالت:هلاا..
فيصل:لاقامو البنات قوليلهم اني اشتريت لكم جالكسياات امس من البقاله لكم كلكم شوفيه بالمطبخ الي فوق..بتلقين كرتون سنكرس وكرتون بيبسي..
لينا:ليه تعبت نفسك ماله داعي..
فيصل:الله يهديك لاتعب ولاحاجه انتم حسبت خواتي...
لينا بغصه من كلمة حسبت خواتي:تسلم..
فيصل:الله يسلمك.."وكملو فطورهم"..
<<لاتستغربوو انهم يتكلمو مع بنات عمهم كذا قدام الكل عادي لأنهم تربو مع بعض..وأصلن هم مايدققو انو عيال عمك لاء وكذا..عندهم هالشي عادي مايهتموله مرهـ..اهم شي ان البنات يتغطون عن العيال بالحجاب وخلاص".....
"في بيت الشعر"..
مشاري راح قعد هناك ويطالع الأرض وهو مقهوور..
سلطان دخل عنده:مشاري وش فيك؟
مشاري بنبرة غضب:مافيني شي..
سلطان قعد جنبه:وشلون مافيك شي وقمت كذا من الفطور وانت معصب؟
مشاري:فيصل هذا قاهرني..
سلطان بعتب:افاا يامشاري تزعل على ولد عمك عشان بنت..انت وفيصل اولاد عم واخوان بعدين هو وش ذنبه تحقد عليه اذا هي تحبه..
مشاري استغرب وشلون يعرف ان لينا تحب فيصل:انت وش دراك؟
سلطان:اختي واعرفهاا..باين من نظراتها له...
مشاري انجرح:بس عشان مشت جنبه فرحانه وبتطير من الفرحه ومبتسمه وانا لمن اكلمها تطنش...شفت القهر ياسلطان...
سلطان حس فيه:معليه يامشاري طنشها مثل ماهي تطنشك..
مشاري:ياليت اقدر اطنشهاا.."وطالع سلطان"سلطان انت زعلان مني؟
سلطان عقد حواجبه باستغراب:وليه بزعل منك؟
مشاري بتردد:لأني احب اختك..
سلطان:بالعكس انا اكثر واحد حاس فيك لاني انا مثلك احب جود..ومااتوقع اذا قلت لنايف بيزعل..الحب غصب ع الانسان يامشاري...
مشاري ضمه:يعجبني تفكيرك ياسلطان..
سلطان:تسلم..
مشاري:الله يسلمك..
+++++++++++++++++++++++++
ع العصر قامو البنات كلهم وتكشخوو ونزلوو للصاله..
الجده:هذا كله نوم ؟؟
مرام:كنا سهرانين امس ياجده عشان كذا
ساره بعربجيه:واصلن وش عليكم مننا قمنا ولانمنا ولاحتى متنا..
ام سلطان:بعيد الشر عنكم...
الجده:انتي ياأم لساانين نبيكم تقعدون معانا وتفطرون معانا..
ساره واصله حدها:ياجده على عيني وراسي انتم بس سواليفكم تبط الكبد بصراحه..هذي زوجها تزوج عليها وهذي مدري وش سار عليها...ماتبطلون حش في الناس..
البنات:هههههههههههههههههههه..
الجده:شوف الي ماتستحي...
ام محمد:سويّر عن الأستهبال وروحو شوفو فطوركم في المطبخ اسألو الخدامه عنه..
لينا فطرت من زمان:فيصل شرالنا سنكرس وبيبسي بالمطبخ الي فوق...
ريناد:بنات أول نفطر بعدين نحلّي ..
البنات:اووكي.."وطلعو يفطرون ولينا تتفرج ع التلفزيون لأنها فطرت قبلهم"...
بعد مافطرو البنات كل وحده اخذت سنكرس وبيبسي..وملاك اخذت للينا معاها واعطتها اياه..لينا:ثانكس..
ملاك:ولكم..
ونزلوو للمزرعه يمشون وكل ثنتين يتكلمون مع بعض بس يمشو جنب بعض يعني لينا وملاك قدام يمشو ووراهم بخطوه مرام وجود وساره وجنبهم مها وريناد وسوالييييف..
مها كان في حلقها معلقه سلسال فيه حرف الـr ومن سنين وهو في رقبتها ماتخلعه ابدآآ...محد يدري منهو المعني بهالسلسله الا ريناد تدري انه عشان ريان زمان لمن مها كانت صغيره ابوها سوالها حفلة عيدميلادهاا وريان جاب لها هالسلسال هديه عليه حرفه والى اليوم مها محتفظه فيه...ومرّو من عند المسبح..ومها كانت تلعب بالسلسال بايدهاا وتوها تبي تحطه بحلقهاا الا وطاح السلسال وسط المسبح وطاحت دموع مها معاه ع المسبح تبكي كأنها طفل كل شي عندها ولا هالسلسال..روحها تروح ولاالسلسال هذا يروح..ذكرى من حبيبهاا..من حب الطفوله..وقعدت تبكي...وريناد تهديها:مها بس بلا دلع مها لاتفضحين نفسك الحين بيشكون بيقولون تبكي عشان سلسال ليه ومدري ايش وبيقعدو يقولو كلام يامها اسكتي..
مها منهاارهـ...سمع بكاها شخص جا يجري من بعييد ونقز بالمسبح بملابسه وغاااص تحت وسحب السلسال بايده وطلع ايده وفيها السلسال..بعدين هو طلع من المسبح وكله مويه وملابسه مويه...كان مراقب الوضع بس مايدري وش سر هالسلسال بالظبط...ومده لها:خذي..
مها وقفت بكاا ومو مستوعبه الي قدامهاا يسير...عبدالله يجيب لها السلسال الي ذكرى من ولد خالتها وحبيبها ريان...طالعته وعيونها تلمع من الدموع وببرائه:شكرآآآآآآآ..
عبدالله مستغرب كل هالبكا عشان سلسال بس.. وزاد استغرابه لمن شاف حرف الـr ع السلساال..توقع ريناد جابته لها هديه بمناسبه أو شي...لأنه حرف ريناد .. لكن الي مايعرفه ان هالحرف لشخص غالي على مها..
قال:عفوآآ.."وراح"..
ريناد مصدومه:مها شفتي وش سار بسبب صياحك؟
مها وقفت وتمسح دموعها:ريناد وش سار هذا متى جا ومتى نقز بالمسبح؟؟ومتى جاب السلسال؟
ريناد بسخريه:وانتي تصيحين حضرتك هو سوا كل هذا عشانك وانتي عشان............"وسكتت"..
مها:عـشـان "وكملت بهمس"حبيب قلبي ريان..
ريناد تنهدت وطالعت اختها الي حزنت عليهاا..حبيبها تزوج وعاش الدنيآآ وهي لسه تفكر فيه ومو قادرهـ تنسآهـ...
عبدالله راح بعد مااعطاها السلسال وهو يفكر"ليش كانت تبكي ومنهاره معقوله عشان سلسال!!..اكيد هالسلسال يعني لها شي غالي عليها..اكيد انه هديه من انسان غالي عليها..يمكن هديه من ابوها..يمكن من امها..او أحد من اخوانها..."..
<<<<<<<<<<<<<<<<<<<<<<<<<<<<<
ملاك بهمس لـ"لينا":لنو وش آخر اخبارك مع فيصل؟
لينا بتنهيده حاره من قلب:مثل ماهي..الحقه ومطنشني...
ملاك رحمتها:ابي افهم ليه يطنشك؟صاحي هو؟في احد يشوف انسان يحبه هالكثر ويطنش...!!!
لينا خنقتها العبرهـ:قلبه رافضني ياملاك وش تبينه يسوي..
ملاك طالعتها وبابتسامه:في احد صاحي يرفض هالجمال والدلال كله....ألف واحد يتمناك ياليناا...<<<<وأولهم أخوك ياملاك..
لينا:تسلمين..
ملاك:الله يسلمك قلبوو"وضمتها"لينا انتي قويه لاتخلين واحد مثل فيصل يأثر عليك ويخليك ضعيفه بهالشكل...
لينا نزلت دموعها وهي في حضن ملاك..ملاك كملت:ولاتبكين بلييز..دموعك غاليه لاتنزلينها عشان واحد مايسوى...
لينا تمسح دموعها:ملاك لاتتكلمين عليه مهما كان انا احبه ماارضى عليه..
ملاك متعجبه منها:وتدافعين عنه بعد؟؟الله يسامحك يافيصل بس..
نطت جود وسمعت آخر كلمه:وش مسوي فيصل تدعون عليه ههه
ملاك ولينا توهقوو...لينا قامت تلف وجهها يمين ويسار ماتبي جود تلاحظ انها كانت تبكي...اما ملاك تصرف:ابد ماسوى شي..بس عشان كنا نبي جالكسي وهو جابلنا سنكرس هههه...
جود صدقت مسكينه:ههههه وعشان كذا حاقدين عليه..
ملاك تكمل كذبتها:هههه شفتي شلون حقودات حناا..
جود:وربي جد حقودات خوفي يوم تحقدون علي انا بعد هههه..
ملاك:لاء ياقلبوو انتي غير مستحيل نحقد عليك ابد تطمني..
جود وهي رايحه عنهم:تسلمين يابعدي..
ملاك:ربي يسلمك"وبعد ماراحت جود التفتت للينا الي قعدت ع الأرض بانكسار ودموعها تطيح"شفتي وش كان راح يسير لنا لو أن جود مامشت عليها هالتصريفه...
لينا تبكي وماردت عليها..ملاك قعدت جنبها وحطت يدها على كتف لينا:لنو خلاص وربي قطعتي قلبي...لاتخليني ادعي على هالفيصل الي معذبك..
لينا تمسح دموعها وكأنها طفله:خلالالاص ماراح ابكي بس لاتدعين عليه....<<<<من الحـب ماقـتـل>>...
ملاك ابتسمت لبرائتها:يله قومي نروح نلعب مع مشاري وسلطان<<<ملاك ماتدري ان اخوها يحب لينا..
لينا خافت ان مشاري ينشب لها كالعادهـ:لالالا مابي انتي روحي..
ملاك:طيب نروح نشوف هم وين بس.."ومااعطت لينا فرصه تتكلم سحبتها من يدها وسارت تمشي ناحية مشاري وسلطان ولينا تمشي وراهاا بدون لاتتكلم ولاكلمه"..
مشاري ابتسم وهو يناظر ليناا وماعليه من ملاك..
سلطان وهو يحفر بالتراب وناوي يسوي قلعه:مشاري اقعد ساعدني لازم نسوي ذكرى لنا قبل لانروح من المزرعه..
مشاري يأشر بعيونه لقدام وهو واقف:شوف مين جانا
سلطان التفت لورا ونفض ايده من التراب ووقف:وش يبون جايين ذولا النشبتين؟
مشاري:تكلم عن ملاك لاتتكلم عن لينا..
سلطان:ههههههههه...لهالدرجه تحبها يامشاري؟
مشاري وهو يناظرها تمشي جنب اخته:واكثرر..
ووصلو لعندهم...ملاك:وش الي اكثر؟
مشاري:مايخصك...."وغصب عنه عينه طالعت في لينا الي مستحيه ومنزله راسها وفي داخلها ناويه تكفخ ملاك لارجعو"..
سلطان:انتو وش جابكم اصلن؟
لينا ساكته تحس لسانها انعقد ..
ملاك قعدت ع التراب قدام سلطان<<طبعآآ هم بالطرحه بس وبناطيل جينز وتيشيرتات<<المهم وقالت بتعجب:واااااو وش هالقلعه الحلوه؟
سلطان:احم ادري انها حلوهـ قبل لاتقولين..
ملاك عصبت:الشرهه مو عليك يالمغرور علي انا الي فكرت امدحك في قلعتك التافهه هذي..
مشاري:هههه ليه عصبتي؟
ملاك:ياخي ذا يقهر اسلوبه...
سلطان:ههههه خلاص يله انقلعو خلوني اشوف شغلي..
ملاك باستهزاء:هه من زين الشغل عااد..
لينا بهمس لملاك:ملاك خلاص خلينا نرجع يله...
مشاري سمعها وقال بجرأه:شوفي الناس الذوق مو مثلك تبين تخربين شغل الولد...هههههههه
وسلطان ضحك...ملاك بخبث وهي تناظره وتناظر لينا:وانت ليه تمدح في لينا هاا اعترف يله؟
مشاري اعطا ملاك نظره قويه وبعدها طالع لينا:كيفي...
لينا ماتت حياا وراحت وتركت ملاك وملاك لحقتها:لنو وقفي لحظه..
سلطان:انا مدري وش تحب في لينا المفعووصه؟
مشاري ضربه ع كتفه:لاتتكلم عليهاا..
سلطان:اختي كيفي بتكلم عليها بكيفي..
مشاري:حبها قلبي وش اسوي عاد؟
سلطان يغني وهو يحفر التراب:حـبـّه قلبي..وصـعـبـه ياربّي اخـلـّيه انا شلوون اخلييييه؟؟؟<<<لـ"أحمد برهان"واسم الاغنيه"لقيته"...
مشاري يكمل:لقيته وبسرعه هويته..ياحلوهـ فديته..بس ماادل بيته..بس ماادل بيته..حــــــــــبــــــــّه قــلــبي وصعبه ياربي اخليه انا شلون اخليه؟؟<<<<من قلب يغني هههههه...
سلطان يسكته:بس بس يامحمد عبده الحين لو سمعنا محمد بيسجل اصواتنا النذل "وضحكو هو ومشاري"...
<<<<<<<<<<<<<<<<<<<<<<<<
فيصل وعبدالله بغرفتهم .. عبدالله واقف عند المرايه ويلبس الكاب وقاعد يعدل شكله عند المرايه...
اما فيصل قاعد ع الكرسي ويربط رباط جزمته<الله يكرمكم>...
فيصل لاحظ عبدالله مكشر من يوم جو للمزرعه:عبود انت وش فيك؟
عبدالله باستغراب:مافيني شي؟
فيصل:لاء والله جد من يوم جينا هنا وانت مو معانا ابد وبس زعلان ومكشر وقالب وجهك اموت واعرف ليه؟
عبدالله:لأني بصراحه ماكنت ابي اجي للمزرعه...
فيصل:وليه؟
عبدالله بقهر:كنت ابي اسهر مع اصحابي وافلّهاا من دون محد يسألني وين كنت وليه تأخرت؟ع الأقل يومين بس لمن يكون ابوي هنا..
فيصل:وتعصي ابوك وتزعله عشان اصحابك؟
عبدالله:فيصل انا مو بزر تعلمّني ماأعصي ابوي وازعله بس هو قهرني..
فيصل:هو يبيك تستانس معانا ومع الكل مو تنعزل لحالك بالبيت..
عبدالله وهو طالع من الغرفه:وانا وناستي مع اصحابي وبالبيت مو هنا.."وطلع برا الغرفه ونزل من الاصنصير للصاله"..
فيصل:الله يهديك ياعبدالله بس..
"بالــصأأألــه الي تحت والي فيها الحريم والجده والبزران بس"
ام محمد لمحت ولدها مار من قدام الصاله:عبدالله تعال..
جا عبدالله وهو ماله نفس يتكلم مع احد فااصل<<معصب>>مرهـ..ووقف قدامها:نعم..
ام محمد حست انه معصب:وين رايح؟
عبدالله بعصبيه:مكان ماأروح محد له دخل فيني..
ام محمد:الله يهديك بس..
عبدالله:ليه وش شايفتني مجنون؟
"الكل يطالع فيه باستغراب وشلون يكلم امه بهالطريقه"..
ام محمد تنهدت:انا ماقلت مجنون بس ادعي لك..
عبدالله:الزبده وش تبين مناديتني؟
ام محمد زعلها كلامه معاها واسلوبه:أبسألك تغديت؟
عبدالله:لاء بتغدى بــرا الحين...تبين شي ثاني؟
ام محمد:سلامتك يمه بس لاتتأخر..
عبدالله طالعها:حتى هنا لاتتأخر ووين بتروح ووش بتسوي؟اعوذ بالله لازم من هالأسئله الي مالها داعي ترا انا مو بزر تسألوني وين رايح ووين جاي..كيفي اروح مكان ماأروح"وطلع برا المزرعه كلها"..
ام محمد اول ماطلع قعدت تبكي وحضنتها ام سلطان:معليه ياأم محمد كل العيال كذا سايرين مايسمعون الكلام وعاصيين..
ام محمد تبكي:ليه دايمآآ يكلمني كذا؟؟؟وكأني مو أمه؟
الجده:هو عشانه معصب الحين ابوهـ جابره يجي هنا وهو مايبي يبي يدشر بكيفه بالشوارع...لكن لمن يرجع انشاءلله انا بكلمه وبعلمه شلون يتأدب ويتكلم معاك...
<<<<<<<<<<<<<<<<<<<<<<<<<<
عبدالله بسيارته:هلا رامي كيفك
رامي:بخير كيفك انت
عبدالله:تمام بس حدي طفشآآن ..
رامي بخبث:اجل تعال الحين الأستراحه مليانه من الي يحبه قلبك<<<يقصد البنات الحلواااات الي دوم يجون للأستراحه..
عبدالله فرح:الحين جايك انتظرني..
رامي باستهبال:هههه بسرعه قبل لاتروح عليك هههه
عبدالله:يله يله جااي .. "وسكر الخط ورامي قعد يضحك"...
ووصل للأستراحه الي مكانها بعيد عن شوارع الدمام..ومافي جنبها بيوت وولا أي شي..لحالها وسط شاارع فااضي...
عبدالله دق على رامي:انا عند الباب تعاال"وسكر الخط"..
ونزل له رامي وسلم عليه بحرارهـ..ودخلوو هو وياهـ وسارو يمشون لين وصلوو عند الغرفه الي مسميينها غرفة ديجي غرفة موسيقى يعني وكلها شباب وبنات يرقصون مع بعض وكذاا..
وأول مادخلوو للغرفه راحوو البنات يسلمون على عبدالله من زمان ماشافووه بالأستراحه لأنه كان بالمزرعه المهم...جات رانيا وضمته بقووه:عبودي وحشتناا
عبدالله وهو يحضنهـآ بقوهـ:وانتو اكثر والله اشتقت لكم حيل..
جات دانه من بعيد تجري وابعدت رانيا ونقزت فوقه وحضنته بقوه وهو ضمها بقوه:اشتقت لك ياعبدالله من زمان عنك
عبدالله:وانا اكثر اشتقت لكم والله..
"طبعآآ دانه ورانيا احلى بنتين بالأستراحه"..
ووقفوو الموسيقى وسلمو على عبدالله كل الشباب وبعدين كملو رقص..
جات دانه لعند عبدالله الي قاعد مع رامي ومدت يدها:ارقص معي بليز..
عبدالله:والله مافيني حييل ياقلبوو..
دانه خقت:اماانه بس رقصه وحده بليييييز عبوود..
عبدالله ماقدر يقاوم طريقة كلامها ودلعها وجمالها .ز وقف معاها وسار يرقص معاها على اغنيه هاديه وهو حاط يدينه على خصرها وهي يدينهاا على رقبته...اما رانيا راحت لرامي:رامي قوم نرقص شوف دانه وعبدالله كيف يرقصون؟
رامي:ههههه غرتي منهم
رانيا بدلع:ايوهـ غرت يله قوم نرقص بليز بليز..
رامي:اوكي بس بشرط..
رانيا:انت تآآمر..
رامي بجرأه ووقاحه:بعد مانرقص تنومين معي الليله بس..
رانيا لاحيا ولامستحى على قولهم:اوكي مو مشكله بس تعطيني حق الليله<<<الفلوس..
رامي بخبث وقف:من عيوني ياعيوني يله نرقص"وسارو يرقصون مثل عبدالله ودانه"....
<<<<<<<<<<<<<<<<<<<<<<<<<<
<<نرجع لجو المزرعه>>
ابومحمد:انا اقول يابوفيصل نسوي ملكتهم بعد مانرجع من المزرعه يوم الخميس يعني...<<<يبي عبدالله يعقل..
ابوفيصل بابتسامه:شورك وهداية الله...
فيصل:يبى ماراح تاخذ رأي مها قبل لاتقرر؟
ابوفيصل:الا اكيد باخذ رأيها ولو أني داري انها موافقه بس لازم ناخذ رأيهاا...بس احنا الحين نتكلم عن الملكه وكذا عشان بعدين كل شي يكون جاهز..
فيصل سكت وماعارض مع أنه حاس ان اخته ماراح توافق..
"بس ببيت الشعر كان موجود فيصل وابوه وعمه ابومحمد"..
دخل محمد:السلام عليكم..
الكل:وعليكم السلام..
محمد قعد جنب فيصل ولاحظ ابوه وعمه يتكلمون عن الزواج وهالأمور والملكه وقاعة العرس وين تكون..
قال بهمس لفيصل:وش السالفه؟
فيصل بنفس الهمس له:يخططون على ملكة مها وعبدالله..
محمد انصدم وشهق:شنو؟
فيصل:والله ..
محمد:عبدالله ماراح يوافق يتزوج وهو بهالعمر لو يموتون هو يبي يطلع ويروح متى مايبي ومكان مايبي مايبي شي يربطه بمسؤوليه ويخليه مسؤول عن شي..
فيصل:داري حتى مها صغيره حرام...بس ابوي وابوك مستعجلين..
محمد:الله يعين.."وتنهد"..
<<<<<<<<<<<<<<<<<<<<<<<<<<
"بغرفة البناات..بالدور الثالث من الفله الي وسط المزرعه"..


مرام:هههههههه لحظه بنات بقولكم شي ..
البنات سكتو:شنو؟
مرام:شرايكم نسوي مقلب بالشباب؟
مها تحمست هي ولينا:ايووه والله فله..
جود:ووش هو المقلب؟
مرام:فكّرو في مقلب بس نبيه يكون سنع ومقلب صح مو مقلب خفيف..
ساره:بنات جاتني فكرهـ..
البنات قربو منها:نورينا..
ساره:ندق عليهم من جوال أي وحده فينا ونسوي اننا بنات نبي نتعرف عليهم ونسجل اصواتهم عشان نمسكها عليهم وش رايكم
مرام:اهنيييييك ياأختي العزيزهـ على هالمخ الذهبي..
ساره:احم احم..
جود:يله مين أول واحد؟
مها:.................
توقعااتكم..!؟
تحياتي:^أميرة الشوق^

**الجزء السآآبع ع ـــشر**

جود:يله مين أول واحد؟
مها:فيصل ابي اعرف هو راعي هالحركات ولا لاء؟
لينا ومرام طالعوو بمها ..
مها:بسم الله وش فيكم ههههه
لينا ومرام:مافينا شي<<<قالوهاا مع بعض...
جود طالعتهم:وش فيكم اليوم يامرام انتي ولـ لينا تتكلمون مع بعض لاتكونو التوأم المختلف وحـنـا ماندري...
مرام:هيييي هيييي هييي تافهه..
جود:ههههه ادري انها حلوه بس تكابرين..
مرام:أي باين..
ملاك دقت لينا بكوعها يعني خففي شوي من حركاتك لاجابو سيرة فيصل...لينا طالعتها وهزت راسها بالنفي بمعنى مو بايدي مقدر...<<<طبعآآ يتكلمون بلغة العيون بالألغاز عشان لحد يفهمهم...
ريناد:مين تكلمه؟
مرام:انتي..
ريناد:لاء انا اخته بيعرف صوتي على طوول...
مها:انتي مرام كلميه..
"لينا هنا ماتت قهر بس ماتقدر تسوي شي العين بصيره والأيد قصيره"...<<<<ع قوولهم..
مرام:لالالالا مستحيل اكلمه استحي..
البنات ماعدا لينا:يله مرام بلا دللللللع..
"لينا كانت تتمنى مرام تقول لأء..بس ماكل مايتمناه المرء يدركه"<<<مسكت امثاال ههههههه..
مرام:آمــري لله...هاتو الجوال.."واعطوها جوال جود لأن ماعندها رقم فيصل..ودقت"..
فيصل شاف الرقم غريب استغرب:هلاا..
مرام بنعومه:احم...هلا والله وغلاا..
فيصل مستغرب وبقوهـ:مين معي؟
مرام بتمثيل:معك وحده تحبك وتموت فيك..
فيصل طبيعته مايعطي البنات وجه:ومين تكون هالوحده؟
مرام:مو لازم تعرف اسمي .. المهم نتعرف على بعض ..
فيصل ارتفع ضغطه:والله!!وانا ماابي اتعرف عليك ولاعاد تتصلين على هالرقم ولابتشوفين شي عمرك ماشفتيه فااهمه"وسكر الخط في وجهها"..
مرام تفشلت والبنات يضحكوون ويأشرون عليهاا..
مرام:اوريكم والله ماعاد اكلم احد..
مها وقفت ضحك:احم طول عمره اخوي ثقيل ومايعطي البنات وجه فدييته ينااس..
ريناد:أي والله فدييت رووحه فصوول..
ساره:يووه الحين بيمدحون في اخوهم الين الصبح والي يرحم والديكم اسكتوو....يله بنات مين الحين؟
لينا فرحت من داخلها"فديته بعد عمري فيصل":الحين محمد
ريناد حمررررررر وجهها...مها وهي تناظر ريناد:وش معنى محمد؟
لينا:احسه ثقل مو راعي هالحركات ودي اعرف..
اتصلت مها على محمد واعطت الجوال جود..
جود تورطت:لالالالا ماابي اكلم..
ريناد تحمست تبي تعرف هو راعي هالسوالف ولا لاء:يله جود بلا دلع..
رد محمد:الوو..

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -