رواية بعد فرقاك بهوى غيرك وانساك -13

رواية بعد فرقاك بهوى غيرك وانساك -13

ريناد حمررررررر وجهها...مها وهي تناظر ريناد:وش معنى محمد؟

لينا:احسه ثقل مو راعي هالحركات ودي اعرف..

اتصلت مها على محمد واعطت الجوال جود..

جود تورطت:لالالالا ماابي اكلم..

ريناد تحمست تبي تعرف هو راعي هالسوالف ولا لاء:يله جود بلا دلع..

رد محمد:الوو..

جود متورطه:الـ ــسلام عليـ ــكم..

محمد:وعليكم السلام مين معي؟

جود بنعومه:معك وحده تحببك وتعشقك وتموت فيك..

محمد بسخريه:هههه الله كل هذا وانا مااعرفك

جود:مو لازم تعرفني المهم تحبني مثل ماأنا احبك..

محمد باستهزاء:هههههه روحي دوري لك على واحد يحبك غيري انا ماأحب هالأشكال الي ماعندهم الا يدقون ع الناس ويزعجوهم"وقفل الخط في وجه جود الي شوي وتبكي من الفشيله"..

ريناد كبر محمد بعينها مليوون مرهـ..كانت حاسه انه رجال والنعم فيه وماخاب احساسهاا..

ساره:يناااااسوو على حموودي اخوي ياقلبي ع الثقل..

مها:توك تقولين لنا لاتمدحون اخوكم والحين انتي تمدحين في اخوك حلال عليك وحرام علينا..

ساره:انا غييييييييييير..

ملاك:بنات بطلو هواش الحين دور مين ..؟

البنات:سلطاااااااااان..

جود خقت ووجهها حمر .. وتحس انهم كلهم يطالعون فيها مع انه محد يدري الي جود تحس فيه ناحية سلطان...

ودقو على سلطان وساره كلمته..

سلطان:الوو..

ساره تحاول تنعم صوتها مع ان صوتها بطبيعته مبحوح وناعم بس هي تضخمه:الوو السلام عليكم..

سلطان:وعليكم السلام هلا والله مين معي؟

ساره:معك بنوته تحبك موووووووت..

سلطان:احم وكيف تحبيني وانتي ماتعرفيني؟

ساره تصرف لأنها تورطت:اا..انا اعرفك شفتك مره في السوق و..واخذت رقمك بطريقتي وبصراحه انت مره حلوو وعجبتني..

سلطان خــــــق:عيونك الحلوهـ ياقلبي..

ساره:يسلم قلبك..

سلطان:الله يسلمك..طيب عادي نتقابل مره ثانيه بالسوق؟

"جوود انقهررررررت بس مابينت"..

ساره تمثل بصوت نعوم:تـــحـــلـــم حبيبي..

سلطان يتميلح:بليز ياقلبي ودي اشوفك مثل ماشفتيني..

ساره في بالها"والله هالسلطان مو هين":لالا مقدر ..

سلطان:تتغلين علي يعني؟

ساره تبي تخلص منه:لالا مو كذا بس مقدر اسفه...

سلطان:طيب يالغلا الحين انا مشغول مع الشباب بعد كم ساعه ارجع ادق عليك اكون فاضي اوك...

ساره:اووك"وسكرت السماعه"..

ساره:بصراحه اخوك هذا ماعنده حيآآء..

لينا:هههه ادري سلطان من زمان بايعهاا..

ساره:لاء ويبي يتقابل بعد هو ووجهه..

البنات:ههههههههههههه..

جود انقلب وجهها ثمانين درجه بعد هالمكالمه..

مرام:من بقى؟

ملاك:مشاري ودي امسك عليه شي بالله دقو عليه..

مها:يله لينا انتي كلميه..

لينا بسرعه:لالالالا مستحييل أكلمه والله مقدر..

البنات طالعوها باستغراب:ليه انفـعـلـتـي؟

لينا:هاه لاء بس انا ماابي استحي..

ساره:خلاص ريناد تكلمه..

ريناد:وليه مو أنتي؟

ساره:انا كلمت سلطان"ومدت لها الجوال"يله رنود..

ريناد:طيب"واتصلت على مشاري"..

مشاري:الوو..

ريناد:هلا والله..

مشاري:هلابك مين معي؟

ريناد بصوتها النعوم بطبيعته:معك وحده تحبك وتموت فيك..

مشاري:ومن تكون هالوحده؟

ريناد:مو مهم تعرف المهم اني احبك..

مشاري:طيب ووش تبين يعني انتي الحين؟

ريناد:ابي اتعرف عليك عشان تحبني مثل ماأنا احبك..

مشاري:الحمدالله والشكر بس..انا عندي الي احبهاا واموت فيها و مو مجنون حتى احبك انتي يالمزعجه"وقفل الخط"..

البنات بحيره يفكرون معقوله مشاري يحب..ومين يحب؟

لينا الي تدري انها المقصووده بكلمته سكتت وحست دموعها بتخونها بأي لحظه.."معقوله يضحي بكل شي عشاني..وانا مو معطيته وجه...معقوله تكلمه بنت وتلعب عليه وتقوله احبك وهو يقول عندي الي احبها واموت فيها...انا ادري انا المقصوده بكلمته..ليه تعذبني يامشاري وليه تعذب نفسك معاي..انا احب فيصل..احـــــــب فــــيــــصـــل"

ملاك طالعت لينا وبهمس:وش فيك؟

لينا:مافيني شي.."ووقفت"انا..انا بنزل اكلم ماما"ونزلت تحت بسرعه وهي بالأصنصير"

خانتها دموعها وطاحت غصب عنها واخذت مجراها من خدها الوردي النااعم..مسحت دموعها وأول ماوقف الأصنصير وانفتح بابه راحت تركض وطلعت برا الفله وسارت تمشي لين وصلت عند الخيوول...وقعدت على أقرب صخره كبيرهـ وضمت رجولها بايدينهاا وغطت وجهها بايدينهاا وصارت تبكي بشهاق وصوتها يقطع القلب...لينا طبيعتها ماتحب احد يشوف دموعهاا..عشان كذا راحت تبكي بعيد عن أنظار الكل...

كان في شخص واقف لحاله قدام الخيول لينا ماشافته كانت منهارهـ..راح يجري وقلبه يسبقه ناحية ليناا..قرب منها مرهـ:وش فيك ياقلبي ليه تبكي؟

لينا وقفت بكا ورفعت راسها وشعرها على وجهها طايح والدموع على خدها وطالعته وبانفعال وقفت وسارت تضربه على صدرهـ وهي منهاره وبدموع:ليه تعذبني ليه؟انا ماأحبك..ماأحــبــك.."وانخرطت في موجة بكااء"..

هو وقف وتركها تضربه على صدره بايدينهاا لأنه مو فاهم شي...رفع يدينه وحطها فوق يدينها الي تضرب صدره ومسك يدينها بقوهـ..وسار مقابلها تمآمآآ مايفصل بينهم الا خطوه وحده بس...وقال بهمس يبي قلب لينا يلين عليه:لأني احبك والحب عذاب ياليناا...انا اموت فيك .. اعشقك...اهوآآكــ..اموت ع التراب الي تمشي عليه...وقلبي هو الي حبك غصب عني...لينا..اتمنى انك تفهميني وتبادليني نفس الشعور وتبادليني نفس الحب الي انا أكنه لك بقلبي..للأسف انتي رحتي لقلب رافضك وتركتي قلب يعشقك بجنون ويموت فيك...

كلامه زاد الطين بله سارت تبكي ودموعها شلال على خدهاا...وهي واقفه قدامه لاحول لها ولاقوهـ..مشاري ماقدر يشوف حبيبته بهالحاله ويتركهاا..سحبها لحضنه يهديهاا وسار يمسح على شعرها بحنان:دموعك غاليه علي لاتبكي ارجوك لاتقطعين قلبي ..

لينا دزته على ورا بقوهـ وفكت يدينه من يدينها:انت ليه تسوي فيني كذا؟ليه تبيني اتعذب ليه؟اذا قلبك اختارني فـ قلبي اختار فيصل...

اذا قلبك اختارني فـ قلبي اختار فيصل...

اذا قلبك اختارني فـ قلبي اختار فيصل...

تردد صدى هالكلمه في بال مشاري .. وانجرح جرح كبير..عمره محد جرحه هالكثر..وجرح الحبيب قوي..

طالعها شوي من الصدمه وبعدها قال:بس انا احبك.."وصرخ"تفهمين وش معنى احبك...وماراح ياخذك غيري بالطيب او بالغصب...فهمتي؟

لينا خلااص حست انها بتدوخ...طالعته شوي بعدين قالت:انت ليه ناشب لي في هالحياه؟انسانه تقولك تكرهك وش تبي فيها؟

مشاري يدوس على قلبه الي كل شوي ينجرح وقال:عادي..بظل احبك لآخر يوم في عمري حتى لو تحبين غيري...

لينا راحت تجري وهو قعد ع الأرض بقلة حيله وانكساار...قلب الرجل ماينكسر بسهوله..بس اذا انجرح جرح عميق مثل كلام لينا راح ينكسر وبقوه بعد...وهالجرح عمره ماراح يندفن في قلب مشاري...قعد يلعن حظه الي ماعمره وفا ويااهـ...

<<<<<<<<<<<<<<<<<<<<<<<<

مر هاليووم سريع بكل احواله..البعض منهم انجرح والبعض منهم استانس والبعض منهم انكسر قلبه والبعض منهم انصدم ..

وماراح توقف الأيام على احوال الناس..راح تستمر الحياهـ بحلوها ومرّها وقسوتهاا...

ابونايف يكلم مرته بالجوال:هلا والله وغلا..

ام نايف استحت وقامت برا الصاله:هلابك يابوناايف..

ابونايف:اسمعي ياام نايف قولي للحريم يجهزون اليوم الليل راح نمشي من هنا ونرجع لبيوتناا..

ام نايف:طيب"وسكرت منه بعد ماقالت مع السلامه"..

ورجعت للصاله وطالعت كل الي موجودين فيها:لحظه اسمعو بقولكم شي..

كلهم طالعوهاا..ام مشاري:خير انشاءلله ياام نايف..

ام نايف:يقول ابونايف جهزو اغراضكم اليوم الليل راح نرجع..

البنات كلهم:لاااااااااااااااااااااااااااااااااااااااااااا ااااااء..

الجده:وش هالأصوات يابنات وش هالصراخ؟

جود:جده مانبي نرجع والله استانسناا هناا..

ملاك:أي والله..

مرام:نبي نقعد كمان كم يوم بليز..

مها:بليييييييز..

ريناد:ايووه الله يخليكم بس يومين زيادهـ..

ساره:ياربي والله تونسنا هنا مانبي نرجع اووووووووف..

كل البنات كانو زعلانين مايبون يرجعون اليوم الا لينا كانت تبي ترجع البيت بأقرب طريقه لأنها تعبت لمن جات المزرعه تعبها مشاري بكلامه وحركاته...ع الأقل لو رجعو البيت ماراح تشوفه الا بالأسبوع مرهـ في بيت الجده يوم الخميس بس....

ام فيصل تطالع بنتها مها وتقول في بالها"لو تدرين يامها ليه بنرجع للبيت"..وفرحت بداخلها لأنها طول عمرها تتمنى عبدالله لمها بنتها<<<مادرت عن مصايبه الي يسويها من ورا اهله...

ام محمد:مع انه ونااسه هنا كلنا مع بعض بس عاد الرجال قررو اليوم نرجع وش نسوي عاد...

وع العصر..

البنات قررو يلفون المزرعه كلها لف .. لأن اليوم آخر يوم لهم فيهاا..والشباب نفس الشي...

ريناد:لحظه بنات انتظروني نسيت طرحتي بطلع اجيبهاا...

مرام:بسرعه لاتتأخري..

طلعت ريناد وأول ماوقف الأصنصير وانفتح الباب جات بتطلع منه وبتروح لغرفتهم بس صدمت في شخص..رفعت عينها على عينه وقال:ريــــــنــــــــــــآآآد!!!؟؟

ريناد نزلت راسها بحيا منه..طالعهاا بحب:كيفك؟

ريناد بخجل:تمام...انــ ـــت كــ ــيــفك؟

محمد بابتسامه من قلب:دامك بخير انا بخير..

ريناد نزلت راسها بحيا وشعرها طايح على وجهها ووجهها محمر...محمد رفع دقنها باصباعه بخفه وسار وجهها مقابل وجهه مباشرة:احـــبــــــــكـــ..

ريناد انتفضت وسارت ترتجف من حركته وقلبها يدق بقوهـ من كلمته...طالعته وطاحت دمعتها بدون شعور..هالكلمه حلوه وقويه بنفس الوقت...وفكته وراحت تجري ع الغرفه وغسلت وجهها ونشفته وراحت تدور الطرحه الورديه حقها ولبستها وراحت للأصنصير بس قبل لاتدخل طالعت داخله بتمعن ان كان فيه احد او لاء ههههه..ولمن سارت في الأصنصير طالعت المرايا الملصقه بالأصنصير وقالت:ياربي وجهي احمر من البكا الحين وش اقول للبنات.....بقولهم ان راسي مصدع ووجهي حمر وبكيفهم عاد يصدقون ولا لاء..."ونزلت من الأصنصير"..

وشافت البنات واقفين قدام باب الفله ينتظرونها..

جود:هذاا كله طرحه تدورينها؟

ريناد تذكرت الموقف واستحت وسكتت..

ملاك:علامه وجهك محمر من صفقك كف..؟؟

البنات:ههههههههههه...

ريناد تصرف:ههههه لاء بس طحت على وجهي عند الباب ..

صدقوها البنات...ساره:نبدأ أول شي عند الخيول..

البنات:اووك.."وراحو لعند الخيول"..

وشافو الشباب هناك كل واحد راكب فوق حصان...وكانهم فرسان تجنن اشكالهم..مرام جات عينها في عين فيصل وابتسمو لبعض..

لينا شافتهم وانقهررررررررررررت...

ملاك ونايف يطالعون بعض نظرات حب واعجااب..

وريناد من شافت محمد تدورونها ماتحصلونها من الحياا بعد الحركه الي سواها والكلمه الي قالها لها..اما هو عادي عنده يطالعها ويغمز ويسوي حركات تجنن بوجهه..

جود زعلانه من سلطان ولاطالعته حتى...بس هو مايدري ليه..

ساره تكلم الشباب:يله انزلو حنا جايين هنا نبي نركب عليهاا..

محد رد عليها من الشباب..راحت ناحية عبدالله وتطالع فوق لانه راكب ع الحصان وقالت بتودد:عبودي انزل ابي اركب عليه بليز..

عبدالله:روحي دوري لك غيري..

ساره:أففففففففف"وراحت لمحمد"حمودي ابي اركب عليه امانه..

محمد:سوري والله توني طالع عليه..

راحت ساره عند نايف:نايف ابي العب ع الخيل..

نايف رحمها شافها من أول تترجى اخوانها:طيب"ونزل ع الخيل وساعدها لمن ركبت ع الخيل"...

ساره بصوت عالي:والله انك كفوو ياولد عمي..

نايف:تسلمين والله..

ساره فرحانه انها ع الخيل:الله يسلمك"وسارت تمشي بالخيل"..

في عيون كانت تراقبهم..عيون ملاك وهي مقهوره وفهمت غلط راحت تمشي وهي مقهورهـ..لحقها نايف وقال:ملاك..

ملاك لفت عليه:نـــعـــم بغيت شي؟

نايف يطالع يمين يسار يتأكد ان محد يشوفهم:اتمنى انك مافهمتيني غلط ياملاك انا احبك انتي وساره اعتبرها مثل اختي الصغيره وحبيت اساعدها بس..صدقيني..

ملاك اقتنعت بكلامه وابتسمت..نايف:افهم انك راضيه علي؟

ملاك هزت راسها بالأيجااب...نايف:فديتك والله..

ملاك استحت ورجعت لعند البنات..

جود:سويّر ماشاءلله عليك تركتينا يالنذله ورحتي تمشين ع الخيل لوحدك..

سلطان قرب الحصان جنب جود وقال:جود خذي هذا اركبي عليه..

جود لفت وجهها عنه:خلاص مابي..

سلطان باستغراب:ابي افهم انتي ليه زعلانه مني الحين؟

جود حساسه بطبعهـآ:اسأل نفسك وش سويت امس ومين كلمت؟

سلطان توقع انها سمعته لمن كلم البنت هذيك مادرى انها كانت قاعده مع البنات وهم يسوون مقلب فيهم..

وراحت وتركته بحيرته...راح لمشاري:مشاري الحق..

مشاري خاف وطالعه:وش فيك؟

سلطان بحيره:جود زعلانه مني..

مشاري:ليه وش مسويلها انت؟

سلطان:ماسويتلها شي والله كذا فجأه زعلت علي ولاتقولي أسأل نفسك وش سويت امس ومين كلمت؟

مشاري:ليه انت مين كلمت امس؟

سلطان:وحده اتصلت علي وكنت اكلمها وبس...

مشاري نط من الحصان وطالعه:احلللللللللللف؟

سلطان فهمه غلط:لايكون حاط عينك عليها..؟؟

مشاري:لاء ياغبي انت مو فاهم .. متى كلمتك الساعه كم؟

سلطان باستغراب منه:امس الليل...

مشاري:حتى اناا..

سلطان مومستوعب:وشو انت؟

مشاري:كلمتني وحده في نفس هالوقت..

سلطان:عادي صدفه..

مشاري:لاء مو صدفه انا متأكد انهم البنات مسويين فينا مقلب ولاكيف سمعتك جود ياذكي؟

سلطان:أي والله صح...

مشاري:بس انا ماأعطيتها وجه وسكرت في وجهها الخط ..

سلطان:ياحظك الحين بتكبر في عيونهم"وكمل بندم"اما انا قعدت اسولف معاهاا وقلتلها انا مشغول الحين برجع اتصل عليك بعد شوي....يااااقلبي ياجود اكيد انك متضايقه الحين واكيد اني طحت من عينها ...

مشاري رحمه:سلطان روح اكذب عليها قولها انا كنت ادري انو انتم الي سويتو هالمقلب عشان كذا كملت المزحه معاكم وقعدت استهبل وقولها انو انتى ماتكلم بنات ومو راعي هالحركات وصدقني اذا كانت تحبك جد راح تصدقك وتقتنع...

سلطان حضن مشاري:تسلم ياولد العم على هالأفكار الذهبيه.."وراح"..

مشاري بصوت عالي عشان يسمعه:بشرني وش يسير معاك..

سلطان راح لجود وشافها قاعده تبكي وتكلم سارهـ وهي وساره قاعدين عند النخل والأشجاار..

جود ببكا:ماتوقعته كذا ياسارهـ طاح من عيني خلاص معقوله هو يكذب علي ويقولي احبك ياجود وهو يسويه الحركات من وراي...

ساره:وربي يقهر هالسلطان احقريه ياجود وطنشيه وخليه محتار كذا لاتقوليله انتي ليه زعلانه منه عشان يحس بغلطته...

سلطان يسمعهم وهو واقف ورا شجره ويقول في باله بقهر"اوريك ياسويّر يالنذله كذا تحرضينها علي...هين ياساره"...

وشاف جود حضنت ساره وتبكي مقهورهـ...ماقدر يستحمل راح ووقف قدامهم:ساره لو سمحتي اتركيني انا وحبيبتي لحالناا..

جود تقاطعه بدموع:لاتقول حبيبتي انا ماعدت حبيبتك فاهم..

سلطان بحنان:جود ارجوك لاتفهميني غلط...

ساره انسحبت منها وراحت لعند البنات تاركتهم لحالهم عند الأشجار يتفاهموون مع بعض....

جود تمسح دموعها كأنها طفله:انت خنتني ياسلطان ليه تكذب علي وتقولي احبك وآخرتهاا تطلع تكلم بنات وراعي هـالسوالييف هاا؟

سلطان قعد على ركبه وهي قاعده قدامه على الرمل وضامه رجولهاا بايدينهاا ودموعها تنزل شلاال على خدهاا الناعم...

سلطان بضعف:مستحيل اخونك ياجود مهما سار انا مااخونك واذا خونتك بخون قلبي وروحي وبخون نفسي ..

جود طالعته وعيونها حمرا من الدموع:سلطان خلاص اعتبر الي بيننا انتهى انت غدرت بي..

سلطان انصدم هو مايقدر يعيش لحظه بدونها وشلون يتركهاا:انتي وش تقولين ياجود انجنيتي وشلون تبيني اترك روحي واروح..

جود جذبها كلامه بس هي لسه منهاره:طيب وشوله تكلم بنات وانت تحبني؟؟

سلطان تذكر خطة مشاري وابتسم:اناا مااكلم بنات .. جود انا كنت ادري انكم انتم مسويين فيني مقلب قلت اكمل استهبالكم واجاريكم بس ماتوقعت انك على هالمزحه بتزعلين كذا؟

جود صدقت كلامه لأنها تحبه بجنون وماتقدر تزعل منه:صدق ياسلطان؟

سلطان ابتسم وحضنها:أي صدق ياقلب سلطان...

جود حست بالحنان في حضن سلطان وقالت وهي تمسح دموعها ومبتسمه:سلطان...انت تحبني؟

سلطان ابعد عنها وطالع عيونها:امووت فيك ياروح سلطان انتي اعشق الأرض الي تمشين عليه...

جود استحت ونزلت راسها:واناا بعد احببك..

سلطان مو مصدق وش يبي اكثر من كذا جود قالتله احبك خلاص حس احلامه كلها تحققت..وقام يصارخ:قالت تحبني يانااااااااس اموووت فييييييييهاااااااااااااااا..

جود وقفت:سلطان يامجنون لو أحد سمعك اسكت ياخبل..

سلطان:هههههه فدييت الي يستحون..

جود راحت تجري وهي فرحانه انها غلطانه وان سلطان مايخونها ابدآآآ...وسلطان يصرخ:احــــــــــــــببببببببببببـــــــــــكــــ. ...

جود دخلت لعند البنات وساره سحبتهاا:هاا وش سار بشري؟

جود:هو قالي انه يدري انه مقلب عشان كذا هو يستهبل معانا ولاهو يحبني ومايخوني حتى لو بدون ماادري...

ساره حضنتها فرحت لها:الله يهنيكم ويا بعض ويكبر حبكم...

جود:آآآآآآآمـيــن...

<<<<<<<<<<<<<<<<<<<<<<<<<<<<<

وع المغرب...طلع مشعل عند الحريم وقال:يقول ابوي وعمامي يله هم مجهزين السيارهـ وواقفين براا ينتظرونكم..

الجده:خسااره والله وناسه هناا..

ام سلطان:أي والله بس دوام الحال من المحال..

ام محمد:قومي ياخاله تعالي معانا حناا..

ام نايف:لاء تعالي معاناا..

ام سلطان+ام مشاري:لاء معايا انا<<تكلمو مع بعض من الحمااس هههه..

ام فيصل:لاء تعالي معاي اناا..

ابتسمت الجده لحريم عيالهاا الي مافي أطيب منهم واكبر من قلوبهم..وقالت وهي تناظرهم:تسلمون كلكم بس انا بروح مع عبدالله عشان افهم هو ليه زعلان...

ام محمد:ياخاله ترا هو بيعصب عليك بس لاتشيلين بخاطرك عليه هو كذا الله يهديه عصبي...

ام فيصل ماأرتاحت لكلامهم عن عبدالله بس بنفس الوقت قالت مصيره يعقل ولاتزوج بيسير مسؤول وعاقل بس هو الحين عشانه طايش كذا يسوي...

الجده:ولايهمك ياأم محمد انا انشاءلله بكلمه بأسلوب حلو ..

ام محمد:براحتك..."وراحو كل واحد لسيارته وعبدالله طبعآآ هو جا بسيارته لحاله وعلى آسآس انه يرجع فيها لحاله بس"..

الجده جات لعنده وقالت:ابي اروح معاك ياعبدالله..

عبدالله فتح لها باب السياره الأمامي:حيآآك ياجده تو مانورت السياره والله..<<<فرحان عشان بيرجعون من المزرعه..

ودخلت وسكر الباب وراح قعد هو وشغل السيارهـ وحرك أول واحد من بين سياراتهم...ولمن وقف عند اشاره حمراا..

قالت الجده:عبدالله أبسألك ..

عبدالله مرجع راسه على ورا ومغمض عيونه ينتظر الأشاره تفتح:تفضلي ياجده..

الجده:ليه انت دومك معصب وزعلان ودي افهم مين مزعلك..

عبدالله سكت شوي بعدين قال:لأن محد فاهمني ياجدهـ..

الجده:من هم الي مو فاهمينك حدد؟

عبدالله خنقته العبرهـ:كلكم والله كلكم يعني احس نفسي عدد زايد بهالعائله .. وجودي مثل عدمه مافي أي فرق بينهم..

الجده رحمته:عيب عليك تفكر كذا ياعبدالله لأنك الكل بالكل في هـالعائله انت شيخ الشباب وبعدين كيف تقول ان وجودك مثل عدمه لاء انت وجودك اكبر نعمه بيننا .. ومن دونك مانعيش...بس انت دوم عصبي وهالشي مو حلو فيك..

عبدالله تنهد:والله عاد هالطبع فيني مقدر اغيره..

الجده:لاتقول ماتقدر انت تقدر تغير نفسك وتغير طبعك ياعبدالله..

عبدالله قاطعها:ياجدهـ ارجوك لاتفتحين الجروح خلّيها مسكرهـ...

الجده:ليه تتكلم كذا ياعبدالله انت عايش في اكبر نعمه الفلوس ماشاءلله مغرقتك والي تبيه يسير لك...

عبدالله يقاطعها:عمرها الفلوس ماكانت حل للجروح....

الجده:تتكلم وكأنك مظلوم في هالدنيا ليه تحسس نفسك هالأحساس...وبعدين انت عمرك مايتجاوز عشرين سنه وعندك جروح وانت لسه في بداية شبابك...اجل انا وش اقول؟

عبدالله حس انه عايش في اكبر نعمه...كلام جدته أثر فيه حيل..وصل لبيتهم...ووقف السياره بمواقف السيارات الي بحوشهم..

الجدهـ باستغراب:ليه ماوديتني بيتي عند ابومساعد..؟؟

عبدالله:افاااا لهالدرجه مليتي مني ابيك تنزلين تتعشين معانا وتنومين عندنا اليوم..وابومسـآعد ملحقه عليه<<<الجد ..

الجده استحت وابتسمت:ماعاش الي يمل منك بس..

عبدالله:لاء بس ولاشي يله انزلي يالغلاا...

الجده نزلت من السياره وابتسمت:تسلم.."ودخلو للبيت"..

عبدالله:الله يسلمك..........."ووصلوو ابوه واخوانه بعدهم بكم دقيقه وفرحو لمن شافو جدتهم عندهم وقعدو معاها واتعشو معاها وام محمد فرحت مرهـ"...

<<<<<<<<<<<<<<<<<<<<<<<<<<<<

"في بيت ابوفيصل...الساعه 9 المسا أول ماوصلو من الزرعه"..

كل واحد طلع غرفته يرجع اغراضه بالدولاب وملابسه ويتروش ويريح شوي..الا ام فيصل وابوفيصل كانو في المطبخ..

ابوفيصل:متى راح يخلص العشا ياأم فيصل ترا حدي جوعان؟

ام فيصل بابتسامه:الحين ياأبو فيصل...بس العيال كلهم نايمين..

ابوفيصل:لاجهز العشا بنقومهم يتعشون معانا...

وجا بيطلع من المطبخ الا ام فيصل تناديه:ياأبوفيصل..

التفت لها:سمي..

ام فيصل بتردد:مو عارفه شلونا قول لمها؟

ابوفيصل:طيب قولي لريناد تقولهاا...

ام فيصل:لالالا خلاص انا بقولها والله يستر..

ابوفيصل:ليه هي قالتلك من قبل ماتبي عبدالله؟

ام فيصل:لاء ماقالت بس انا احس انها صغيره ع الزواج و..

يقاطعها ابوفيصل:الصغيره تكبر يام فيصل ... وماراح نلقى لها احسن من عبدالله ولد اخوي ماشاءلله عليه رجال والنعم فيه...

ام فيصل:انشاءلله يسير خير..

وع العشاا كلهم صحوو وقعدو على طاولة الطعام وياكلون..

ابوفيصل يلمح للموضوع:احم..الحين انتي كم عمرك يامها؟

مها:18 سنه..

ابوفيصل:اهاا ماشاءلله مو صغيره يعني..

مها طالعت امها تبي تفسير ليه ابوها يقول كذا نغزها قلبها وطالعت ابوها وقالت:وش تقصد يبى؟

ابوفيصل:هااه لاء مااقصد شي يايبى كملي اكلك بس..

ومها وريناد يطالعون بعض بحيرهـ...

ريناد حست ان فيه شي طالعت فيصل تبي تفسير...فيصل يدري ان اليوم بيخطبون مها لعبدالله وبيملكون لبعض..هز راسه لريناد وابتسم يطمنهاا...وكملوو اكلهم ..

وبعد العشاا...ام فيصل:مهاا..

مها:هلا يمه..

ام فيصل:تعالي ابيك شوي.."وطلعوو لغرفة مها"..

مها قعدت ع السرير:هاا يمه وش بغيتي؟

ام فيصل خايفه من ردة فعلها:انتي كبرتي يمه وسرتي سن زواج و..

تقاطعها مها بسرعه:اختصري يمه وش قصدك؟

ام فيصل بلعت ريقها وقالت:اليوم بيجي عمك وبيخطبك رسمي لعبدالله ولدهـ..

مها سكتت شوي من الصدمه وطالعت امها بعدم استيعاب واتجمعت الدموع بعيونها وهي ترجع بخطواتها على ورا وتهز راسها بالنفي بصدمه ووو.......................................

<<<<<<<<<<<<<<<<<<<<<<<<<

اكمممممممممممملكم بالباارت الي بعدهـ...

توقعاتكم:/وش راح يسير لمها؟

وش ردة فعل عبدالله لمن ابوه يقوله؟

آخر تطورات لينا ومشاري؟

جود وسلطان...بيكمل حبهم ولابيسير شي يعكر عليهم هالحب الكبير ؟

شهد وفجر..ماجبنا طاريهم هالبارت؟وش راح يسير لشهد بالبارت الجاي تتوقعون؟

خالد&شوق..عصافير الحب..وش راح يسير بينهم؟

والمزيييييد المزييييييييد في ابطااال روايتناا..

تحياتي:^أميرة الشووق^..

**الجـــزء الثآآآمــن ع ــــــــشرـرـرـر**

ام فيصل بلعت ريقها وقالت:اليوم بيجي عمك وبيخطبك رسمي لعبدالله ولدهـ..

مها سكتت شوي من الصدمه وطالعت امها بعدم استيعاب واتجمعت الدموع بعيونها وهي ترجع بخطواتها على ورا وتهز راسها بالنفي بصدمه وطااحت ع الأرض بقوهـ...قامت ام فيصل مفزوعه على بنتها وتصرخ بالممر:ياابووفيصل الحق علي..

ابوفيصل كان يلعب سوني مع عياله فيصل ومشعل...ويتحدااهم بشريط الكورهـ...وفااز عليهم كـذا مرهـ..

سمع صراخ مرته وقف بسرعه وحذف يد السوني ع الأرض وطلع مع الدرج ولحقه فيصل ومشعل وريناد وسديم كلهم..وطلعو لفوق وشافوو مها طايحه ع الأرض وام فيصل جنبها تبكي..

فيصل:وش السالفه؟

ام فيصل ببكا:مدري يمكن داخت..

ابوفيصل:فيصل شيل اختك وودها السياره بسرعه..

نفذ فيصل الي قاله له ابوهـ..ريناد:يمه وش فيها اختي؟

وقعدت تبكي...وراحوو للمستشفى..

الدكتور:هي تعرضت لخبر صدمها؟

كلهم طالعو ام فيصل لأنها هي الي كانت مع مهاا وقت ماطاحت..

ام فيصل:أي يادكتور هي سمعت خبر صدمهاا...

كلهم طالعوهاا...ريناد:ليه يمه وش قلتيلها؟

ام فيصل بهمس:بعدين بقولك..."ودخلو عندهاا"...

مها مسدوحه ع السرير وكلهم حولهاا...لفت عيونها عليهم كلهم وطاحت عينها على ابوها الي واقف جنبهاا...مسكت يدهـ وبترجي وهيستيريا:يبى الله يخليك انا ماابي عبدالله ماابيه..يبى لاتجبرني على شي مابيه انا اكرهه مااطيقه وشلون اتزوجه..اذا لي خاطر عندك يبى انا ماابي عبدالله مابيه مابيه...

كلهم تأثرو من شكل مها وهي تترجى ابوهاا...

ابوفيصل انصدم من كلام بنته وشلون ماتبي عبدالله وهو اعطى اخوه كلمه وخلااص مايقدر يتراجع فيهاا...طالعها شوي بعدين قال بحنيه:طلبتك يامها لاتفشلين ابوك عند عمك...

ريناد تطالع ابوهاا أول مره يضعف كذاا بس هو راح يتفشل اذا قال لأخوه بنتي ماتبي ولدك صعبه...مها غمضت عيونها وسكتت..ودموعها تنزل..

فيصل:ممكن اعرف انتي ليه ماتبين عبدالله وش فيه رجال والنعم فيه؟

مها طالعت فيصل وسكتت لأنها اذا تكلمت بتخورها وتطلع الي فـ قلبها كله...عن فضايح عبدالله وراح تسير مشاكل اذا تكلمت فـ سكوتهاا احسن من الفضايح..واصلن اذا تكلمت محد راح يصدقهاا..

ريناد سحبت فيصل وطلعو براا الغرفه..

ريناد:فيصل اتركهاا براحتها كيفهاا ماتبيه غصب هو..

فيصل بحده:أي غصب عنها تتزوجه ولاتفكر ان ريان ممكن يرجع لها في يوم من الأيام ولايترك مرته وبيته عشاانهاا..

ريناد:اصصص فضحتنا وش دخل ريان الحين؟

فيصل:لأني داري هي تنتظره ماتبي تتزوج غيره تحسب انه بيجيها..

ريناد:فيصل والي يرحم والديك اسكت لو يسمعك ابوي راح يذبحهاا لاتسير قاسي يافيصل ارحمهاا..حس فيها..

فيصل حن قلبه على اخته:خلاص مو قايل لابوي بس لازم تتزوج عبدالله هذي وصية جدي الله يرحمه وبعدين ابوي عطى عمي كلمه..

ريناد تجاريه:خلاص انا بكلمها وبقنعها وانشاءلله خير..

ودخلوو للغرفه..

انتشر خبر مها انها بالمستشفى عند العائله كلهاا...

وجو كلهم والجده معاهم...

عبدالله جا بيدخل الغرفه وقفته ريناد من وراه:عبدالله..

عبدالله التفت لها:هلاا..

ريناد بترجي:لاتدخل الله يخليك..

عبدالله باستغراب:وليه ماادخل؟

ريناد:راح تسير مشاكل اذا دخلت مها راح تنهار ارجوك لاتدخل اذا كان عندي خاطر لك..

عبدالله:خلاص طيب مو داخل"وراح وقف بالممر قدام الغرفه"..

"وسط الغرفه"..

جا ابومحمد وسلم على مهاا وقال:الحمدالله ع السلامه يابنتي..

مها تحب عمها ابومحمد اكثر واحد مـن اعمامها:الله يسلمك ياعمي..."وطالعته وقالت في بالها"ياليت ياعمي لو ماتزوجني ولدك الغثيث عبدالله كان الأمور كلها بخير""..

والجده:الحمدالله على سلامتك يامهاا..

مها بتعب:الله يسلمك ياجدهـ..

مرام تقرب من مها:الحمدالله ع سلامتك يالدلووعهـ..

مها ابتسمت لها:الله يسلمك.."وجو اولاد عمها كلهم"..

نايف:الحمدالله ع سلامتك يابنت العم..

مها:الله يسلمك..

ومحمد وسلطان ومشاري ونواف كلهم قالولها الحمدالله على سلامتك....بس في شخص ماشافته وتمنت انها ماتشوفه اليوم بالذات لأنها راح تنهاار...وطلعو الشباب من الغرفه...

وع العصر طلعت مها من المستشفى...وراحو كلهم لبيت ابوفيصل..

وفي مجلس الرجال..

ابومحمد:هاا شاورتو البنت؟

ابوفيصل بين نارين...بين بنته واخوهـ..بنته رافضه عبدالله وهو اعطى اخوهـ كلمه واحتار وش يقوله في الآخير فكر انه ماراح يلقى احسن من عبدالله لمها..وقال بثقه وهو عارف ان بنته ماراح تزعله:أي...وهي وافقت يابومحمد..

ابومحمد ابتسم:اجل بعد ماتتعافى انشاءلله راح نسوي الملكه..

ابوفيصل:شورك وهداية الله..

"عبدالله كان يسمع لحوارهم وحس بضيقه وقام وطلع برا المجلس ونزل للحوش..وقعد يفكر بحاله هو ومهاا مايبون بعض وشلون يتزوجون بعض وشلون"...

وبعد اسبووع...

تعافت مها الحمدالله .. وابوهاا قالها ع موضوع الملكه وهي منهارهـ وريناد تهديها وكل يوم تحاول تقنعها وتقولها ان كل الشباب كذا بس يتزوجون يتغيرون.....

.........................................

يتبع ,,,,

👇👇👇

تعديل المقال