رواية بعد فرقاك بهوى غيرك وانساك -14
ابومحمد ابتسم:اجل بعد ماتتعافى انشاءلله راح نسوي الملكه..
ابوفيصل:شورك وهداية الله..
"عبدالله كان يسمع لحوارهم وحس بضيقه وقام وطلع برا المجلس ونزل للحوش..وقعد يفكر بحاله هو ومهاا مايبون بعض وشلون يتزوجون بعض وشلون"...
وبعد اسبووع...
تعافت مها الحمدالله .. وابوهاا قالها ع موضوع الملكه وهي منهارهـ وريناد تهديها وكل يوم تحاول تقنعها وتقولها ان كل الشباب كذا بس يتزوجون يتغيرون.....
.........................................
اما عبدالله..
حالته حاله وابوه واخوه محمد هم الي جهزوله فله صغيره له هو ومهاا وسوو تجهيزات الزواج كلها وهو هموم الدنيآآ كلها فوق رآسه..مايدري شلون بيعيش مع وحده تكرهه....
.......................................
"يووم الخميس"...
//يوم الملكه//
الكل كان فرحان الا شخصين الي هم المفروض اكثر اثنين يفرحون بهاليوم بس القدر عااند وخلاهم لبعض وهم يكرهون بعض...
وعبدالله مترسم بالثوب والغتره وطالع شكله خقااق ويحاول يبتسم غصب مو قادر يحس الأبتساامه مو راضيه تطلع منه...
وكلهم يجون ويباركون له وهو بكل برود يقول الله يبارك فيكم..
"بمجلس الرجال"..
فيصل:احلى يالعريس..
عبدالله:ههههه عقباالك..
فيصل:اميييييييين...
ابوفيصل:فيصل رح قول لأختك تنزل زوجها يبي يشوفهاا..
عبدالله بلع ريقه وسكت..
فيصل:حاضر يبى"وراح بيقولها"...
"بغرفة مهاا"..
حالتها حاله جابو الكوفيرا وسوت لها مكياج نعوم بناتي وتسريحه بسيطه مطلعه شكلها يهببل..وهي ولا أي تعبير على وجهها..ولبست فستان اسود نعوم لحد الركبه وعليه شريطه من عند الخصر لونها بيج وكعب بيج مره نااعم وطالع شكلها ولاأحلى..
دخلوو البنات للغرفه وانبهروو بجمالها طالعه غير اليوم..طالعه احلى..
مرام تبوسها وتضمها:وش هالحركتاات ياعرووس..
ملاك+لينا:مبروك مهووي..
مها بجمود:الله يبارك فيكم..
ساره دخلت وبعفويه:الله يعيين اخوي اليوم على هالجمال"وباست مها"مبروك يامرة اخوي..
مها بغصه:الله يبارك فيك..
فيصل دخل للصاله ونادا امه وجات ام فيصل...فيصل يبوس راس امه:وش هالكشخه احلى ياأم العرووس...
ام فيصل وبعيونها لمعة الفرح:عقبالك يافيصل..
فيصل:اميييييين.."وطالع امه وقال"يمه قولي لمها تنزل زوجها يبي يشوفها..
ام فيصل طلعت مع الدرج:زين يمه بقولها"وطلعت لغرفة مها وفيصل رجع للمجلس الي بيقعدون فيه عبدالله ومها"..
"بغرفة مها"..
مها بصدمه:شنووووووووووو ..
ام فيصل باستغراب:وش فيك يمه اقولك زوجك يبي يشوفك..
مها لفت وجهها للجهه الثانيه:تحلمون والله ماأنزل..
طلعو البنات من الغرفه بيخلون مها ع راحتها مع امهاا..
ريناد:وشلون ماتبين تنزلين يامها وش هالكلام؟
مها خانقتها العبرهـ:مابي انزل ماااااااااااااااابي ماتفهمون..
ام فيصل تقرب من مها وبحنيه:مها بطلي عناد ويلا انزلي..
مها مصرّه على رأيها:قلتلك مابي انزل يمه غصب هو..
ام فيصل:مايصلح يمه عشاني انزلي عشان خاطري..
مها كسرت خاطرها امها..ونزلت راسها بألم بمعنى وافقت تنزل عشان امها بسسسسسسس...
"بالمجلس الي فيه عبدالله ينتظر مها وفيصل قاعد قدامه"..
عبدالله يهز رجوله بتوتر ومو عارف وش يقول ...
دخلت مها وطالعت عبدالله بنظره مافهمها وقعدت جنب اخوهاا..
فيصل يهمس لها:طيب قولي السلام ع الأقل..
مها بزفر:السلام عليكم..
عبدالله طالعها وانبهر بجمالها الطفولي والبريء..بس تضايق من نظراتها الي باين فيها الكرهـ...هو مايدري هي ليش تكرهه..
عبدالله:وعليكم السلام..احم ........ كيفك
مها ساكته وماترد عليه...فيصل نغزها بجنبها بمعنى ردي احسن لك...مها استسلمت وردت والعبرهـ خانقتها:تمام..."وقامت طلعت من الغرفه بسرعه وعبدالله نزل راسه بحزن على حاله وسكت"..
فيصل قرب منه وقام يرقع:ماعليك منها هي مستحيه الحين.. يله نرجع للرجال.."قام عبدالله معاه ورجعو لمجلس الرجال"...
اما مها أول ماطلعت من الغرفه طلعت تبكي بغرفتها لحقوها البنات وأولهم ريناد اختهاا..ودخلو عندهاا..
جود:هاه بـشـري..."ولمن شافت مها مسدوحه ع السرير وتبكي سكتت"..
مرام قربت منها:مها قلبو وش فيك تبكي؟
ساره تستهبل:يمكن خقت على اخووي..
ملاك:ولا يمكن مستحيه..
لينا نغزت ساره وملاك بمعنى اسكتوو..
ريناد قربت من اختها وتمسح ع شعرها بحنان:مهوي وش فيك قوليلي وش سار"ولمن شافت ان اختها موقادره تتكلم وقفت وقالت"بنات تعالو نطلع هي شكلها منهارهـ الحين بس تهدى نفهم منهاا..."وبدون أي نقاش طلعو من الغرفه ونزلوو عند باقي الحريم"..
وبعد كم ساعه كل عائله راحت لبيتهاا..
ابوفيصل بعد ماراحو اخوانه وكلهم دخل للصاله وصادف ام فيصل:مبرووك على بنتناا ياأم فيصل..
ام فيصل بفرحه:الله يبارك فيك ..
ابوفيصل:الا وين مها ؟
ريناد:يمكن بغرفتهاا..
طلع ابوفيصل لغرفة مها ودق الباب..
مها وجهها مغرق بدموعها وهي لابسه بيجامتهاا وشعرها مفتوح وطايح على وجهها..وبصوت مرتجف من البكآ:مين؟
ابوفيصل من برا الغرفه:اناااااا..
مها بس سمعت صوت ابوهاا مسحت دموعها بسرعه وحاست شعرها على وجهها زياده عشان ابوها لايلاحظ انها كانت تبكي..
مها:تــفــضــل..
دخل ابوفيصل وسكر الباب وراهـ...قرب من مهاا وباس راسها بحنان:مبروك يابنتي..
مها طالعته وحاسه دموعها بتخونها بأي لحظه وبهمس:الله يبارك فيك يبى..
ابوفيصل لاحظ وجهها كيف شاحب وحزين وآثار الدموع باينه ع وجهها:مها وش فيك حزينه كذا؟وليه كنتي تبكين؟
مها بربكه:هاه لالالا يبى مافيني شي وو..وماكنت ابكي ولاشي بس يتهيألك...
ابوفيصل وقف وتنهد عرف انها ماتبي عبدالله من الأساس عشان كذا هذا حالهاا..وجا بيطلع..بس وقفه صوت مها من وراهـ..
مها وهي تدوس على قلبها عشان ماتبي تشوف ابوها متضايق:يبى..يبى تأكد انا موافقه على عبدالله ومو متضايقه من هالموضوع ابد .. "وكملت بغصه"بالعكس انا فرحانه حيل..ووين بلاقي احسن من عبدالله لي...
ابوفيصل صدق كلامهاا والتفت لورا ورجع وحضنها:دومك طيبه ومريحتني يامهاا..
مها ابتسمت له..وهو وقف:تصبحين ع خير..
مها:وانت بخير.."وطلع برا الغرفه"..
وأول ماطلع من الغرفه مها طاحت دموعها وحضنت دبدوبها وقعدت تصيح...دخلت ريناد وقعدت تهديها وبعدها ناموو..
.........................................
<>قــــبــــــــل ســآآآعـــــــــــه<>
عبدالله أول ماوصلو للبيت طلع لغرفته وبدل ملابسه واخذله شاور بارد يطفي الناار الي يحس فيها بداخله..ولبس بيجاماا وانسدح ع سريره وهو يفكر باليوم...يحس نفسه متناقض اليوم كان فرحان ومتضايق بنفس الوقت..مو مصدق ان مها بتكون له بس فرحته ماكملت لأن مها ماتبيه ولاحظ نظراتها له حتى كلامها بدون نفس كان...تنهد واستغفر ربه ونااااااام في سباااااات عمييق..
....................................
بندر:وين خويك فيصل من زمان عنه..
هاني ابتسم لطاري صديقه العزيز:ذكرتني الله يذكرك بالشهاده .. "وطلع جواله"لحظه الحين بدق عليه"ودق عليه"..
فيصل رد من أول رنه:هلا والله بهااني..
هاني:هلابك يالحبيب شلونك..
فيصل يستهبل:احمر خخخخ..
هاني:على بالي اخضر ..
فيصل:هههههه حلوه بس لاتعيدهاا..
بندر يسمع لحوارهم وقال في باله ماتبطل هبالك يافيصل وضحك..
سمعه فيصل:ياباسط من الي جنبك قاعد يضحك..
هاني:ههههه هذا بندر..
فيصل انصدم وفرح بنفس الوقت:بندر!!متى جا؟وليه ماقلتلي انه جا؟
بندر سحب الجوال من هاني وقال:حجزت يوم الخميس العصر ووصلت المغرب ...
فيصل:خخخخخ حشى نشره اخباار ..
بندر:هههههههه كيفك
فيصل:بخير والحمدالله ع السلامه..
بندر:الله يسلمك...
فيصل:انت وهاني ماخذين راحتكم فاضيلكم الجو ولا كأنكم تعرفون واحد اسمه فيصل ولاحتى قلتولي انك جيت وش اسميها هذي نذاله ولا وشو<<<مسك خط..
بندر:حقك علي فصوول..
فيصل:وشو فصول اصغر عيالك اناا..<<<يمزح طبعآآآ..
بندر:طيب ياأكبر عيالي تعال ترا حنا بالكوفي الحين...
فيصل:لاء والله حدي تعبان بناام اليوم كان يوم متعب لي..
بندر:سلامتك من التعب..
فيصل:ربي يسلمك..
بندر:توصي شي..
فيصل:أي..
بندر:الي هو..؟
فيصل:عطيني هاني..
بندر:خذ"ومد الجوال لهاني"يبيك..
هاني:هلا فيصل..
فيصل:هاني ترا بكرا بنتجمع انا وباقي الشباب بالمزرعه تجون؟
هاني:مين الشباب الي بيجون؟
فيصل:اولاد اعمامي ماغيرهم...ها بتجون انت وبندر؟
هاني:بشوف بندر وبرد لك..
فيصل:بليز تعالو والله ونااسه..
هاني:يصير خير انشاءلله..
فيصل:بااي..
هاني:بايات"وقفل منه"..
.................................................
مرام:غريبه مها كانت تبكي اليوم مع ان الي مثلها بهاليوم يكونون مستانسات اخر ونااسه..
ساره:مرام لازم تفهمي ان مها ماتبي عبدالله هي مجبوره عليه..
مرام:بس عبدالله مايعيبه شي..
ساره:داريه مايعيبه شي بس الحب مو بالغصب...
مرام:أي والله..
دخل محمد لغرفة اخواته:عبدالله وين؟
ساره:بتحصله بغرفته يمكن نايم..
مرام:ليه وش تبي فيه؟
محمد دخل وقعد قدامهم وقال:لاء بس بقوله ان فيصل قالي بكرا بنروح للمزرعه بشوفه اذا بيروح ولا لاء...
مرام من سمعت اسم فيصل دق قلبها بقووهــ وراحت عالم ثاني..
ساره:حمودي خذنا معاك وخل فيصل يجيب خواته بليز..
محمد:مايصلح ناخذكم..
ساره:وليييييه؟؟
محمد:لأن بندر وهاني بيجون معناا..
ساره:اهاا..
محمد وقف:يله تصبحون ع خيير...
ساره:وانت من اهله.."وطلع محمد"..
ساره:مرام..
مرام:........
ساره:مرام
مرام:...........
ساره صرخت:مراااااااااااااااااااااااااام...
مرام صحت من افكارها:هاه خير وش تبين؟
ساره:في شنو كنتي تفكرين؟
مرام:وانتي شعليك مني؟
ساره تغمزلها^_*:تفكرين في حبيب القــلــب هاااه اعترفي<فيصل>...
مرام انسدحت وقالت:انا بناام احسن لي من مقابل وجهك..
ساره:أي صررفي قولي انك مستحيه..
مرام رمت عليها المخدهـ..واتغطت باللحاف ...
ساره:ههههههه ياحليلك وانتي مـنـحـررجه.."وانسدحت هي بعد وناموو"...
.........................................
الكل نااموو الا شخص كان مو قادر ينام ويفكر...
مشاري في باله"خساره ماشفت لينا اليوم...آآآآآآآآآآه يالينا متى تحسين فيني وفــ حبي لك...كل دقه بقلبي تنبض لك..وكل لحظه من عمري افكر فيك..واناا ماأعنيلك ولاشي...فيصل بالنسبه لك كل حياتك...ليه يالينا لييييييييييه"...
.........................................
ملاك قاعده بغرفتها وتطقطق على لاب توبها وتكلم لينا ع المسن..
لينا<<<بنوته كوول فـ الهآآي سكوول <<توبيكها حق المسن...
اما ملاك<<<احــبــّه حب جنني>>توبيكها حق المسن...
بنوته كوول فــ الهآآي سكوول:
ملوكه وش رايك في فستاني اليوم؟
...........................................
احبه حب جنني:
يهببل وانتي محليته زياادهـ..
..........................................
"ابتسمت لينا وهي تكتب"..
بنوته كوول فـ الهآآي سكوول:
تسلمي ياقلبوو حتى انتي طالعه كيوت والله يعين نايف لو شافك بالصدفه اليوم..
..........................................
"احممممرت خدود ملاك وكتبت"..
احبه حب جنني:
والله انا الي الله يعينني شفته اليوم مترسم بالثوب والشماغ ..
........................................
بنوته كوول فـ الهآآي سكوول:
طيب هو دوم مترسم بالثوب والشماغ وش الجديد؟
......................................
احبه حب جنني:
بس اليوم غييير شكله يالبى قلبه ينااس..
................................
بنوته كوول فــ الهآآي سكوول:
الله يخليكم لبعض انشاءلله..
..............................
احبه حب جنني:
آآمين يارب...اقول لينا وش قاعده تسوين الحين انا مره طفشانه..
................................
بنوته كوول فـ الهآآي سكوول:
مو قاعده اسوي شي قاعده اتكلم معاك ع المسن وافرفر بالمواقع..<<وحطت فيس يبتسم>>..
..................................
"دخل مشاري وقال:ملوكه وش قاعده تسوين؟
ملاك:اكلم لنو ع المسن..
مشاري نط جنبها وقعد ع السرير:لينا...
...................................
"لينا استغربت سكوت ملاك وارسلت لها رسالة تنبيه"..
بنوته كوول فـ الهآآي سكوول:
ملوكه وين رحتي ساعه اكلمك؟
.................................
احبه حب جنني:
لاء بس كنت اكلم مشاري وهذاني جيت بغيتي شي قلبوو..
...............................
"لينا غصت من سمعت اسم مشاري وكتبت"..
بنوته كوول فـ الهآآي سكوول:
..لاء سلامتك قلبوو ابي سلامتك .. توصي شي..
..................................
"عقدت حواجبها ملاك"
احبه حب جنني:
ليه بدري..
...................................
بنوته كوول فــ الهآآي سكوول:
لاء بس بناام احس اني نعست يلا باايوو....
...................................
"مشاري كشر وجهه وحز بخاطره حس انه لمن سمعت طاريه تضايقت...اما ملاك كتبت"
احبه حب جنني:
نوم العوافي قلبوو بايات..
"وطلعت لينا من المسن...ومشاري وقف وهو عابس وجهه"..
ملاك:مشاري وش فيك تعال بوريك تصميمي..سويت تصميم فلاشي يجنن...
مشاري وهو طالع من الغرفه وماله خلق يتكلم:بعدين بعدين وريني اياهـ"وطلع من الغرفه وقفل الباب وتوجه لغرفته وهو يقول في باله"لهالدرجه تكرهني حتى اسمي ماتبي تسمعه"..."وراح غرفته وناام...
.................................................. ...........
ابومحمد دق على ابوفيصل..
ابوفيصل:هلا والله وغلا..
ابومحمد:هلا بك ياخوي..كيفك وكيف عروستنا..
ابوفيصل ابتسم:كلناا بخير والله..
ابوفيصل:دوم يارب...بغيت اقولك ياخوي ان............
وانتهىىىىىىى البآآآآآآآآآآآآآآآآآآآآآآآآآآآرت...
تحياتي لكم:^أميرة الشووق^
**الجــزء التآآآســع ع ــشرــرــر**
ابومحمد دق على ابوفيصل..
ابوفيصل:هلا والله وغلا..
ابومحمد:هلا بك ياخوي..كيفك وكيف عروستنا..
ابوفيصل ابتسم:كلناا بخير والله..
ابوفيصل:دوم يارب...بغيت اقولك ياخوي ان شرايك نقدم زواج عبدالله ومهاا مو افضل ؟
ابوفيصل بتفكير:والله انا ماعندي مانع بس تدري البنت يبيبلها وقت تتجهز فيه ..
ابومحمد:أي اكيد يحق لها تاخذ وقتها وتتجهز .. طيب ماتمانع لو بعد شهرين..
ابوفيصل:اذا عني انا ماأمانع بس بسأل مهاا وبرد لك..
ابومحمد:خير انشاءلله...توصي شي ياخوي
ابوفيصل:سلامتك..
ابومحمد:يله مع السلاامه...
ابوفيصل:مع السلامه"وسكر الخط واتوجه للدرج وقال"
ابوفيصل ينادي:ياأم فيصل..
ام فيصل نزلت مع الدرج:هلا يابوفيصل..
ابوفيصل:نادي لي مها انا بمكتبي..
ام فيصل:خير انشاءلله وش صاير؟
ابوفيصل ابتسم يطمنها:ماصار الا كل خير بس ابيها بموضوع..
ام فيصل وهي تطلع مع الدرج:انشاءلله بناديها الحين.."وطلعت لغرفة مهاا..وابوفيصل راح لمكتبه"...
"بغرفة مهاا ورينااد"...
ام فيصل طقت الباب ودخلت وعلى وجهها ابتسامه حلوهـ..
ام فيصل:مهاا روحي كلمي ابوك بمكتبه ينتظرك..
مها خافت:ليه يمه وش يبي؟
ام فيصل:ماقال لي شي يمه بس قال نادي مهاا..
مها:الله يستر"وطلعت برا غرفتها ونزلت لمكتب ابوهاا"..
ريناد:خير يمه وش يبي ابوي من مها؟
ام فيصل:وليه مستغربين اول مره ابوفيصل يكلم مهاا وبعدين اكيد يبيها في موضوع زواجهاا من عبدالله...
ريناد تنهدت ونزلت هي وامها من الغرفه ونزلو للصاله بيتقهوون..
"بمكتب ابوفيصل"...
مها طقت الباب ودخلت:السلام عليكم..
ابوفيصل:وعليكم السلااام.."وابتسم"..
مها سكرت الباب وراها وراحت قعدت ع الكرسي قدام ابوها:هلا يبى آمـر..
ابوفيصل بابتسامه:مايآمر عليك عدو بس بغيت افاتحك بموضوع..
مها بتوتر:تـفـضـل يبى اسمعك...
ابوفيصل:شوفي يامهاا من شوي كلمني اخوي ابومحمد ويقول انه يبي يحددون الزواج بعد شهرين..
مها مافهمت شي:زواج مين؟
ضحك ابوفيصل وهو يقول:زواجك انتي وعبدالله مسرع نسيتي..
مها لفت وجهها وكشرت:بس يبى انـاا...
قاطعها ابوهاا:يامها انتي فكري وتقدرين تقررين انو يتأخرون شوي مثلآآ 3 شهور عشان تتجهزين..
مها وملامحها عابسه:يبى بعد سنه او سنتين خلّوهـ..
ابوفيصل بصدمه:شنوو وش بعد سنه ولا سنتين وش تقولين يامها الولد قاعد يجهز البيت وانتي تقولين بعد سنه..!!!
مها قاعده تكلم نفسها:اووووووف والله والنشبه<<<بهمس طبعآآ..
ابوفيصل ماسمع كلامها بس شافها تتحلطم:وش تقولين يامها؟
مها انتبهت لأبوهاا ووقفت:هااه لاء يبى سلامتك بفكر وبرد لك"وطلعت من المكتب وطلعت لغرفتها سيدهـ"...
ابوفيصل ع باله استحت قعد يضحك:هههه ياحليلها استحت...
//
//
//
//
<>ع البــــــــحــــــــــر..الساعه 9 ونص المسآآ<>
واقفين اثنينهم ويناظروون امواج البحر وهي تتلاطم في بعض...
سلطان:مشاري...
مشاري طالعه:هلاا..
سلطان:وش فيك ساكت احسك متضايق؟
مشاري بتنهيدهـ:لالا مافيني شي..
سلطان ابتسم:ورى هالتنهيده الف معنى ومعنى يله قول لاتخبي علي..
مشاري ابتسم لسلطان الي دوم يفهمه:وش اقول غير لينا الي معذبتني بتطنيشها لي..
سلطان حزن على حال مشاري:طيب يصلح اكلمها واقولها انك تحبها وانها لازم تحبك..
مشاري طالعه بسرعه:لالالا انتبه ياسلطان لاتقولها شي"وطالع البحر وكمّل"اذا ماحبّتني بصدق ماله داعي تحبني بالغصب"وطالع سلطان يبي يغير السالفه"وانت وش آخر آخباارك مع حبيبة القلب..
سلطان:قصدك جود؟
مشاري:ليه فيه غيرهاا.؟
سلطان:لاء طبعآآآ.."ويأشر على قلبه""مادخل هالقلب غيرها لبى قلبهاا...والله يامشاري آخر اخبارناا انو فهمتها انو انا مو راعي بنات وسواليف..
مشاري يقاطعه:هههه أي أي بااين..
سلطان:انا كنت راعي هالسواليف بس بعد ماحبّيتها تركتهم كلهم خلآآص..
مشاري:وسوسن وش تعني لك؟
"سوسن هذي وحده كان متعرف عليها سلطان ويقاال انه يحبها"..
سلطان:ماتعنيلي هالغثيثه ولاشي حتى حذفت ايميلهاا من عندي ومسحت رقمها من جوالي وغيرت رقم جوالي..
مشاري بتعجب:ماشاءلله هذا كله من تأثير جود عليك..
سلطان:اكيييييد هذي جوجو مو أي وحده...
مشاري:الله يوفقكم انشاءلله..
سلطان طالعه بنظرة حزن:عقباالك يالحبيب..
مشاري:مافي أمــل صدقني..
سلطان:مشاري لاتقول كذا انشاءلله تحس فيك وتحبك مثل ماأنت تحبها..
مشاري بتنهيدهـ:انشاءلله....."وقعدو ساعه كمان ع الشاطئ وبعدهاا رجعو كل واحد لبيته"...
********************************
"بالمستشفى"..
فجر تسحب شهد:شهد يله عن الدلع عااد..
شهد خايفه وحالتها حاله:والله خايفه يافجر خايفه..
فجر:هالخوف كله بيزول بعد العمليه انشاءلله..
شهد:طيب وش ضمنك ان العمليه تنجح ومااموت فيها بعدها وش بتقولين لأهلي..
فجر فكرت في هالسالفه الي ماعملت لها حساب وقالت بتوتر:شهوده بليز لاتقولين كذا انا مقدر اعيش دونك انتي بنت خالتي واختي وكل شي بالنسبه لي بلييييز لاتقولين كذاا وانشاءلله العمليه تنجح وبعدهاا تنسين عبدالله ومصيبته ويروح الهم من داخلك..
شهد:انشاءلله..."وجات النيرس"
النيرس:انتو رقم كم؟
فجر:هاه أي حنا رقم 50..
النيرس:طيب تجهزوو لأن الحين المريضه رقم 49 عند الدكتور بعدهاا انتو بس مين المريضه فيكم؟
فجر تأشر على شهد الي تاكل اضافيرها من الخوف:هذي..
الممرضه"النيرس":طيب وش المرض الي فيها عشان ابلّغ الدكتور؟
هناا احتارو فجر وشهد وش يقولون لهاا...قالت فجر:هي تبي تنزل البيبي الي ببطنهاا..
النيرس انصدمت:تنزله؟؟؟؟؟؟؟؟؟؟؟؟؟
فجر ترقع:أي..لأن هي وزوجها يشوفون نفسهم صغار وفي أول زواجهم ومايبون اطفال الحين..
النيرس بتعجب:اهاا.."ورجعت عند الدكتور"...
**********************************************
ريناد:انتي وش تقولين؟<<<مصدوومه
مها بانكساار:الي سمعتيه ياريناد انا مابيه مااابي اتزوجه مااحبه..
ريناد قست على مها عشان تنسى ريان:داريه انك ماتحبي عبدالله وتحبي ريان بس لازم تنسين ريان يامها مثل ماهو نساك ريان لو يحبك كان تزوجك..
مها نزلت راسها بحزن:هو يحبني بس ابوه غصبه يتزوج بنت عمه...
ريناد تقسى عليها عشان خلاص تنسى ريان للأبـد:لو انه يحبك جد يامها كان حاارب الدنياا عشاانك مو يستسلم لقرار ابوهـ..
مها بضعف ودموعها امتلت في عيونها:الا هو يحبني ياريناد يحبني والله يحبني هو كان يقولي دوم انا احبك يامها.."وبكت"..
ريناد حست انها بدت تكسر هالحب من قلبها:لاء مايحبك يامها هو يحب بنت عمه كل الي كان يقوله لك كذب يامهاا كان بس قول بلا فعل دامه يحبك ليه تزوج بنت عمه..
مها بانفعال:قلتلك ابوه غصبه عليهاا..
ريناد تقاطعهاا:لازم ترضي بالواقع يامها ولو كان صعب...
مها بانفعال اكثر:بس انا ماراح ارضى اتزوج عبدالله..ريان بيقول اني خنته ونسيته..
ريناد بهدوء:مثل ماهو قالك ان ابوه غصب عنه زوجه بنت عمه قوليله ان ابوي غصبك تتزوجين ولد عمك..<<<منطـق..
مها راحت لسريرهاا وانسدحت ووجهها مليان دموع:خلااص اسكتي ياريناد اسكتي ارجووك اسكتي ابي انام...
ريناد وقفت عند باب الغرفه:والغداء؟
مها وهي مغطيه وجهها وجسمها كله باللحاف:مابي اتغدى نفسي انسدت...
ريناد قبل لاتطلع:ادري انك زعلانه من كلامي بس صدقيني كلامي قلته لصالحك وبيجي يوم وتكوني مبسوطه فيه مع عبدالله وانا متأكده وبذكرك بهاليووم يامها"وطلعت قبل لاتسمع رد مها"...
مها قعدت تداري دموعهاا كلام اختها فتح جروحها..بس ريناد كان لازم تقولها هالكلام عشان خلاص تشيل ريان من بالها وتعيش حياته....
*****************************
"صبآآح يوم جديد..."
"في بيت ابو فيصل"
قامت من النوم ع الساعه 10 الصبح واتروشت ولبست برمودا سودا وبلوزه حمرا نص كم وحرف الـr في وسط البلوزهـ مكتوب باللون الأسود...ورفعت شعرها كله على فوق ونزلت لتحت لقت امها بالصاله...قعدت وياها:صباح الخير..
ام فيصل:صباح النوور...
قعدت مها وبعد شوي قامت ام فيصل:بروح اشوف الفطور جهز ولا لاء عشان اقوم اخوانك وابوك.."وطلعت برا الصاله"..
ومها قعدت لحالها بالصاله..رن التلفون..وقفت مها وراحت ترد..
مها:الوو..
سكت شوي بعدين قال:الوو السلام عليكم...
مها باستغراب:هلا مين معي؟
سكت دقايق بعدين قال:مـــهـــا؟
مها بتعجب:أي انا مها مين معي؟
دق قلبه ألف مرهـ وسكت..
مها:ميييين يتكلم؟
مو قادر ينطق ولا حرف زياادهـ:.............
مها:ناس فاضيه بجد.."وسكرت الخط في وجهه ولااهتمت وقعدت تناظر التلفزيون بطفش..وبعد شوي قامو كلهم وراحو يفطرون"...
××××××××××××××××××××××××××
"في بيت ابومحمد ع الغداا"..
عبدالله مصدوم:وش يبى بعد شهرين ؟
ابومحمد:ليه عندك مانع؟
عبدالله:اكيد عندي مانع انا مابي اتزوج الا بعد كم سنه على بالي الي راحت كانت ملكه بس..
ابومحمد:أي طبعآ ملكه بس زواجكم بعد شهرين وش الي تغير؟
عبدالله معصب:الي تغير انك فاجأتني بهالقرار الي انت وعمي اتخذتوه ولاحتى شاورتوني أو أخذتو رأيي..
ابومحمد:لاترفع صوتك علي وبعدين انا ماأشوف ان فيه شي يمعنك من الزواج بعد شهرين الفله وسويتها لك والشغل انشاءلله أول ماتتزوج بخليك تشتغل معانا في الشركه..
عبدالله انصدددددم اكثر من صدم أول:وشوو؟لاء يبى تكفى مابي اشتغل معاكم؟
ابومحمد بصبر:ولييه؟
عبدالله:كذا مابي اشتغل معاكم بالشركه انكرف اربع وعشرين ساعه خلني كذا بدون شغل ولاشي انا كذا مرتااح..
ابومحمد بعصبيه:موب كيفك بتشتغل غصب عنك شوف اخوك محمد يشتغل ليل و نهار ومبسوط ومرتاح ماشاءلله عليه...
عبدالله وقف وبقهر:محمد غير"وراح يغسل ايدينه وطلع غرفته"..
ابومحمد بعصبيه:ولدك هذا ان مابطّل عناده بيشوف شي مايسرّهـ..
ام محمد تحاول تهديه:هدي يابومحمد انا بفهمه انشاءلله..
ساره ومرام ومحمد قامو بسرعه خافو تشب بين عبدالله وابوهم كالعادهـ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك