رواية بعد فرقاك بهوى غيرك وانساك -31
رامي بخوف:لاااااااء طبعـآآ..
عبدالله بقهر:وليييييييييييييش تدلها ع بيتي ليييييييش؟
رامي بغباء:والله اسف عبدالله مادريت انهـا بتسبب لك مشكله..
عبدالله اعطـاهـ بوقس ع وجهه:انت تدري بسماجتك هذي شسوييييييييييت؟؟انت دمرتني .. دمرتني..
رامي بـألـم:طيب انت الحين اهدى خلينا نتفاهم..
عبدالله بعصبيه:ماعاد بيننا تفاهم اسـاسـا كل مشاكلي بسببك انت الي عرفتني ع استراحة الزفت وانت الي عرفتني ع شهد والحين انت الي درمت بيتي كله..زوجتي تبي الطلااق واهلي كرهوني واولاد عمي يناظروني باستحقار وكل يوم يلوموني وهذا كله بسببك انـت...
رامي سكت لأن كل كلام عبدالله صح هو سبب دمار عبدالله ..
دزهـ عبدالله ع الرمـل وقعد ع الصخرهـ وقعد يبكي بصوت عـالـي..
رامـي انكسر خاطره ع عبدالله وتمنى لو مادخله في الأستراحه وولاعرفه ع شهد وولا سار هذا كله..
راح ناحيته وربت ع كتفه:انــــــــــا اســــــــــف ياعبدالله..
عبدالله ناظره بضعف والدموع متجمعه بعيونه:وش يفيد الأسـف الحين يارامي؟؟بعد مادرمتني جاي تتـأسـف...
قعد رامـي جنبه وقـال بـألـم:مو بس أنت الي تدمرت..حتى انا مدمر ومحطم وضحيه لهالزمن..
عبدالله:.............
رامي يكمل ودمعته بتخونه:لأني عشت يتيم كل هذا سار لي...
عبدالله بصدمه ناظره ومسح دموعه:شنوو؟؟رامي انت يتيم؟
رامي:أي يتيم..اهلي ماتو وانا طفل..عشت عند اختي وزوجهـا..طول عمرهم كانو طيبين معـاي بس انا دوم احس اني عـالـّه عليهم واني مضايقهم ودايمـآآ احس بالوحده مع انهم دوم حولي..تمنيت لو امي وابوي معـاي بحياتي والله ماكنت راح امشي بهالطريق..انا ياعبدالله طفولتي كانت دخان واصحاب سوء..ومراهقتي كانت مخدرات..والحين بشبابي استراحات وبنات..ومدري وش استفدت من هذا كله..ماأستفدت غير الهم والنكد..."طاحت دمعته وقال"ياليت لو يرجع الزمن لورا...
عبدالله حس بالنعمه الي هو فيهـا..ع الأقل بين اهله واخوانه..اما رامي مسكين ضايع في هالزمن وحيد ماله احد..
ناظره عبدالله وقـال:رامي انا اسف ماقصدي افتح جروحك..طيب بسـألـك سؤال..
رامي بصوت مبحوح:تفضل
عبدالله بتردد:انت من وين تجيب الفلوس الي تشتري فيهـا المخدرات والدخان وتشتري فيها البنات بعد..
رامي وهو يناظر البحر:كنت ابيع مخدرات ع بعض الشباب ومن هالفلوس اسوي هذا كله..كان كل همي يكون عندي فلوس..بس والله الفلوس مو اهم من رضا الله..ليتني فهمت هالشي من قبل..
عبدالله سكت وتم يناظر بالبحر ويقول في باله"مافي احد مرتاح بهالدنيا ابد"...
ناظره رامي ومسح دموعه:الحين انت وش بتسوي مع زوجتك واهلك؟
عبدالله:مدري والله افكر اروح لعمي واكلمه
رامي:وش تقوله تكلمه؟
عبدالله:بترجاه وبطلبه يرد لي مهـا..انا احبها يارامي
رامي:تتذكر لمن كنت تقولي اكرههـا وياليت شهد مكانها...
عبدالله:بس الحين تغير كل شي صدقني سرت اشتاق لها في كل لحظه..والله مقدر على فراقهـا...بحاول في عمي وبترجاه وبسوي كل شي يطلبه مني بس يرجع لي مهـا..مع اني عارف انه مستحيل يرضى بعد الي عرفه عني...
رامي ناظره:لاتفقد الأمل ولاتيأس كلمه مره ومرتين واذا هو يبي سعادة بنته بيردهـا لك...ماراح يلقى لبنته احسن منك زوج..
عبدالله:رامي انت وايد طيب..
رامـي ابتسم من قلب:تصدق اول مره احد يقولي هالكلمه..
عبدالله:صدقني والله انت فيك طيبه تكفي بلد..بس لو تترك هالخراب الي انت فيه..الأستراحه هالبلوه انا بتركهـا خلاص وبسحب عليهم ماعاد بروح لها طول ماأنا حي...
رامي بنظرة بعيدهـ:حتى انا بتركهـا..وبتوب لربي وماعاد بترك ولا فرض صلاه..وبرجع للجامعه وبسجل فيها من جديد..وبكون حياتي من جديد..
عبدالله بفرحه ضمه:صدق يارامي..والله ان فيك الخير..
رامي:تسلم..
عبدالله وقف:الله يسلمك..انا مظطر امشي الحين بس اسمع ع صلاة المغرب مرني بروح وياك للمسجد..
رامي وقف معـاه:من عيووني.."وأشر ع خده"ترا باقي هالبوقس يوجعني..ههههههه..
عبدالله:هههه اسف بس والله عصبت وماحسيت بنفسي..ع كل حال الي فات مات واحنا عيال اليوم...وعلى فكرهـ ترا البوقس معطي وجهك احمرار وجاذبيه اكثر ههههههههههههههههه
رامي:هههههههههههه تتريق انت ووجهك طس بس..
عبدالله:يله بااي.."وراح لسيارته وحرك ع بيته"
ورامي نفس الشي حرك ع بيته وع صلاة المغرب مر ع عبدالله وراحو للمسجد صلو وقعدو يقرأو قران ويدعو الله يتوب عنهم ع كل الي كانو يسوونه...
مشـاري حس ان يومه قرب..وعلى طول اخذ سماعة التلفون ودق ع بيت عمه ابوسلطان.......ولحسن حظه لينا ردت..
لينا بصوتها الناعم:الوو..
مشـاري:انتي لينا؟
لينا:أي انا لينا مين انت؟
مشاري بتعب:انا مشاري ياقلبي..
لينـا بضيقه:اووووف كم مره قلتلك لاتقولي ياقلبي..
مشـاري:يمكن هذي اخر مره اقولك اياهـا..
لينا باستغراب:شتقصد؟
مشـاري:لينا بدون لف ودوران انا يمكن اموت اليوم او بعده او بالكثير بعد اسبوع..عشان كذا اسمعيني للأخير..انا كل الي تمنيته منك كلمه وحده بس..كلمة احبك..ولو بالكذب تقولينهـا صدقيني بتريحني هالكلمه منك..لينا انا حبيتك بكل مافيني وراح اظل احبك لأخـر يوم بعمري...
لينا كانت صدمه قويه عليها:بتموت اليوم او بكره؟؟مشاري انت وش تقول..محد يدري متى يومه...
مشـاري:..........
لينا:ليش ماترد علي؟
مشاري طاحت السماعه من ايدهـ..
لينا سمعت صوت السماعه لمن طاحت حذفت التلفون وطلعت تجري لغرفة سلطان وفتحت الباب بدون اذن وكان يلعب سوني مع ديمـا..قالت:سلطان الحق..
سلطان ناظرهـا:وش فيك ؟؟ وليه وجهك مخطوف لونه؟
لينا ناظرت ديمـا:ماينفع اقول قدام هالنسره تعال برا بقولك شي ضروري..
ديما وقفت:هالنسره بتطلع من الغرفه تكلمي براحتك .."وطلعت"
سلطان:يله تكلمي قولي شصاير؟
لينا نزلت دمعتها:مشاري...مشاري يقول بيموت ومدري شنو وكان يكلمني من شوي وطاحت السماعه من ايده..
سلطان يهزها مع كتفها:شنوو؟انتي شتقولين؟مشاري شفيه؟؟
لينا:مدري مدري روح شوفه..
سلطان راح يجري لشارع وركب سيارته وحرك ع بيت ابومشاري..وطق الباب بسرعه وفتحت له الخدامه وماكلمها على طول طلع لغرفة مشاري ولحسن حظه ماكان احد بطريقه..
شاف مشاري طايح ع الأرض ووجهه اصفر .. راح رفعه بايدينه ونزله ع السياره وحرك ع أقـرب مستشفى..
////////////////////////////////////////////////////////////
امــــا لينـا قعدت ع الأرض تبكي وتفكر"ياارب يكون مقلب أو أي شي ياارب بس مايكون صدق...شلون يعني يموت؟يموت ويترك اهله و أخوانه.. ..يموت ويترك سلطان .. والله سلطان بدونه بيجن...ياربي شسوي الحين؟اقول لأمي ولا اسكت...خليني اسكت يمكن يطلع مقلب بينه وبين سلطان وامي تعصب بعدين"..
/////////////////////////////////////////////////////////
"بالمــــــســتــــشـــفـــــــــــــــى"
سلطان قاعد ع الممر..مو مصدق الي قاعد يصير..مشاري بين الحياه والموت...وسلطان مايدري وش السبب..
راح للممرضه الي واقفه قدام غرفة العنايه المركزه الي فيها مشاري وقال:تكفين بس بشوفه..دقايق والله بس دقايق..
الممرضه:معليش اخويا والله مقدر ادخلك الدكتور حذرني ادخل احد بهالوقت عليه ..
سلطان:ليش طيب؟هو الحين بخير؟ارجوك طمنيني..
الممرضه بحزن:أكذب عليك اذا قلتلك انه بخير..
سلطان:طيب ماتدرين شفيه؟؟يعني ليش فجـأهـ سار له كذا..
الممرضه بعفويه:والله مدري بس سمعت الدكتور يقول انه مصاب بمرض السرطان بالدم..
سلطان:؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الممرضه لاحظت وجهه انقلب مية درجه...
سلطان بعدم استعياب:سـ..ســرطــ..ـــان بالــ..ـــدم؟؟؟؟؟؟؟؟؟؟!!!!
الممرضه:أي ليش انت ماتدري؟
سلطان:لااااااء..
الممرضه:طيب انت شتقرب له؟
سلطان مصدوم:اناا ولد عمه واخوه وصديقه وكل شي..
الممرضه حزنت عليه وسكتت...
:::::::::::::::::::::::::::::::::::::::::::::::::: :::::::::::::::::
"داخل غرفة العنايه المركزه"
الدكتور بـأسـف:ماعـاد في امـل يعيش اكثر من ساعتين بالكثير...الا اذا اراد الله ..
وبعد دقايق مشاري فتح عيونه بوهن:دكتور..ابي اشوف سلطان
الدكتور باستغراب:مين سلطان؟؟؟؟؟
مشاري:الي جابني هنـا...ارجوك بشوفه بس دقايق..
الدكتور للدكتور الثاني:اطلع دور ع سلطان..
الدكتور(الثاني):بس المريض حالته ماتسمح انه يتكلم مع احد و..
قاطعه الدكتور حمد:روح ناده وبس..
راح الدكتور ونادى سلطان وطلعو الدكاتره من الغرفه وبقى سلطان ومشاري فيها بس...ومشاري متمدد ع السرير الأبيض والاجهزه ع كل جسمه..
سلطان أول ماشافه نزلت دموعه وقرب عنده ومسك ايده
مشاري:سلطان لاتبكي...
سلطان ماقدر ودموعه تنزل شلال ورا بعض..
مشـاري بتعب:طيب انت ليش تبكي الحين؟؟؟
سلطان بدموع:لأنك ماقلتلي ان فيك المرض..كان ممكن اساعدك ونسافر برا وتتعالج...بس انت خبيت علي...ليش يامشاري ليش؟
مشـاري:انا خبيت عليك لأني ماأبي اشوفك مهموم وحزين..كنت ابي اقضي اخر ايام حياتي معاك بسعاده وفرح..ماأبي اتعبك معاي..
سلطان:تعبك راحه..
مشـاري:واصلن المرض الي انا فيه ماله علاج...
سلطان:..............
مشـاري بحزن وهم:يمكن هذي اخر دقايق لي ع هالدنيا..وقبل لاأمـوت ابي اقولك ع أشيـاء كثير..
سلطان قاطعه:لاتقول كذا .. انا ماأتخيل حياتي بدونك..انت توأمي يامشاري .. نلعب مع بعض ونطلع مع بعض وننام عند بعض ..لولاك كان محد يقعد معاي اربع وعشرين ساعه..
مشاري:ماعاد يفيد هالحكي..الدكتور قالي راح اموت بعد دقايق..
سلطان:وبهالسهوله تقولهـا..
مشاري:وش اسوي ربي كتب لي هالمرض وانا راضي بقضاء الله وقدرهـ..بس ابي اوصيك ع لينا ارجوك لاتزعلهـا تكفى...لينا الوحيده الي دخلت قلبي وحبيتها من كل قلبي..بس حب من طرف واحد لابد ينتهي بفراق..وملاك اختي..تكفى سلطان كلم اختك لينا قولها لاتفارقها ولا لحظه ادري ملاك بتشتاق لي حيل هي قريبه مني حيل وراح تبكي وتنهار ويمكن تدوخ بعد..بس الله يخليك خلوكم جنبها ع طول..ونواف اخوي مسكين..بالأول مات جدي والحين اخوه بيموت .. وجنى اختي الصغيره والله بشتاق لهـا..امانه سلطان جنى اختي لعبها ونسيها ولاتخليها تكبر ع حزن ولاتذكرهـا فيني ترا هي عمرهـا 4 سنين بس..وامي وابوي والله بشتاق لهم..وانت سلطان لأوصيك ع نفسك..ولاتحزن ع موتي كلنا بنموت..كح كحح...
سلطان دموعه تنزل كـأنهـا مطر..وعيونه حمر:كل الي طلبته من عيوني...بس ليه انت الحين تحسسني انك بتموت..راح نلقى لك علاج وراح تتعافى انشاءلله...
مشاري نزلت دموعه:خلااص ماعاد يفيد شي...الله يوفقك مع جود يارب ويسعدك وياهـا..خساره تمنيت احضر زواجك.....سلطان..انت اطيب اخ واوفى صديق وأفضل وولد عم بهالدنيا كلهـا...سامحني اذا اخطـأت عليك بيوم من الأيـام..
سلطان مسك ايده:لالالا تكفى لاتقول كذا انا مسامحك وعمري مازعلت منك...مشاري الله يخليك تماسك..انت اقوى من كذا لاتتركني بهالدنـيـا لحالي اعـاني..
مشاري غمض عيونه و....................
انتهى البارت..
توقعاتكم..
**الجزء الثالث والأربعون**
سلطان دموعه تنزل كـأنهـا مطر..وعيونه حمر:كل الي طلبته من عيوني...بس ليه انت الحين تحسسني انك بتموت..راح نلقى لك علاج وراح تتعافى انشاءلله...
مشاري نزلت دموعه:خلااص ماعاد يفيد شي...الله يوفقك مع جود يارب ويسعدك وياهـا..خساره تمنيت اكون بـزواجك وابارك لك....سلطان..انت اطيب اخ واوفى صديق وأفضل ولد عم بهالدنيا كلهـا...سامحني اذا اخطـأت عليك بيوم من الأيـام..
سلطان مسك ايده:لالالا تكفى لاتقول كذا انا مسامحك وعمري مازعلت منك...مشاري الله يخليك تماسك..انت اقوى من كذا لاتتركني بهالدنـيـا لحالي اعـاني..
مشاري غمض عيونه وسلّم روحه لخالق الكون..
مااااااااااااااااااااااااااااااااااااااااااااااااا ت؟؟؟؟؟
سلطان فتح عيونه ع الأخـر من الصدمه:مشاري..مشاري.."وسار يهزه بقوه"مشاري قوم يامشاري الله يخليك قوم لاتتركني لاتموت وتتركني تكفى يامشاري قول انك تكذب علي..قول انه مو صدق..ياارب يكون هذا كله حلم ياارب..."وقعد يبكي بصوت عالي"..
جا الدكتور ع صراخه وقرب منه وعرف ان مشاري مات..هز راسه بـأسـف ونـاظر سلطان الي قاعد يبكي ويشاهق كـأنه طفل..رفعه وربت ع كتفه:الباقي بعمرك..الله يرحمه ويصبرك ويصبر اهله...
سـلـطان يبكي ويناظر الدكتور:يعني مـأأأأأأأت؟
الدكتور هز راسه بـأسـف:كلنا بنموت ياسلطان وهذا قضاء الله وقدرهـ..بس الي ابيه منك الحين تمسك نفسك وتمسح دموعك عشان تقدر تقول لأهله والله يصبرهم ياارب...
سلطان بعدم تصديق:انت تكذب..مستحيل مات..امس كان معاي مافيه شي..والله العظيم والله..طيب اكشف عليه مره ثانيه يمكن يمزح...مستحييييييل يموت ويتركني مستحييييل"وقعد يبكي"
الدكتور يـأس من حالة سلطان وعرف انه مستحيل يهدى لأنه مصدوم هو الحين...نادا ع الممرضات وغطو وجه مشاري بغطا ابيض واخذوه برا الغرفه لثلاجة الأموات..وسلطان طاح ع الأرض ماقدر..اخذه الدكتور واعطاه حبه مهدءه ومنوم ومغذي وناام سلطان او بالأصح داخ..وبعد ساعتين صحى وشاف نفسه فوق سرير والغرفه صغيره شوي قعد ولقى جنبه كاسة مويه اخذها وشربها كلهـا لأنه يحس نفسه عطشان وتعبان حيل...دخلت الممرضه:الحمدالله ع سلامتك اخ سلطان
سلطان:..............
الممرضه:كيف تحس نفسك الحين انشاءلله احسن
سلطان طنش سؤالها وقال:وين مشاري؟
الممرضه سكتت ونزلت راسها بحزن
انقذهـا من هالموقف الدكتور دخل وقال:سلطان اظن ماله داعي تقعد بالمستشفى اكثر فـعشان كذا كتبت لك خروج تقدر تطلع اليوم والحمدالله ع سلامتك..
قام سلطان من السرير وركب سيارته وحرك ع البيت..
وهناااك..
فتحت له لينا الباب وقالت:وينك تـأخرت ابوي يسـأل عنك...و.."ناظرت فيه وخافت"سلطان ليش كذا شكلك وعيونك حمـر .. ليش كنت تبكي؟
سلطان دخل واعطاها قفاه ومارد عليهـا...قرصها قلبها قربت منه ومسكته من كتفه:كلمني وش فيك؟وش صااير؟
سلطـان وخانته دمعه حاره نزلت ع خده:مشـاري مات..
"وطلع غرفته وسكر الباب بقوه"
لينـا حالتها حااااااله..مصدقه ومو مصدقه...ماااااااات؟؟شلون؟ومتى؟
لحقته بالدرج وهي تقول:انت اكيد تكذب علي صح؟؟
سلطان بعصبيه:وشلون اكذب عليك وانا ماأتمناله الموت حتى لو بالمزح...ليتني مت معـاهـ وارتحت.......
لينا قعد تبكي وطلعت من غرفتها وراحت لغرفة امهـا وهي تصيح..قامت امها خايفه:لينا يمه شفيك؟
لينـا بصياح:يمه مشاري مات اهئئئئئئئئئ
ام سلطان بصدمه:مات؟؟متى وشلووون؟
لينا تصيح..
قام ابوسلطان ع صياحهـا:انتي وش تقولين؟كيف مات؟حرام تفاولين ع الولد؟
لينا:والله ماأكذب سلطان تو قالي حتى روحو اســألووه
ام سلطان قعدت تبكي:يااويلي عليكي يأم مشاري الله يعينك..
ابوسلطان:الله يرحمه انشاءلله "وتنهد"والله كان خوش ولد"..
ووقف ولبس ثوبه بعجله:انا بتـاكـد بنفسي من هالكلام واذا طلع صح بروح لأخوي وبقوله والله يعينه يارب.."وراح لغرفة سلطان وطق الباب ماسمع رد فتح الباب وشاف سلطان قاعد فوق سريره ويبكي بشهااق ومغطي وجهه بـإيدينه"..
قرب منه وانكسر قلبه ع منظر ولده وضمه بقووه:صحيح الكلام الي سمعته؟
سلطان ببكا:أي يبى صحيح..يبى مشاري راح وتركني..
ابوسلطان نزلت دمعته بس مسحها بسرعه قبل يلاحظ سلطان:اذكر الله ياولدي والله يرحمه كلنا بنموت...بس شلون مات؟يعني بحادث ولا شنو؟
سلطان يمسح دموعه:لاااا يبى مات بمرض الخبيث...
ابوسلطان:لا اله الا الله...الله يحمينا منه يارب...طيب قلت لعمك؟
سلطان:لاااء مقدر اقولهم مقدر..
ابوسلطان تنهد:طيب انت اهدى الحين وقوم غسل وجهك وصلي لك ركعتين لله وانا بروح اقولهم وعسا الله يقدرني واقولهم..
ونزل لسيارته وراح لبيت اخوهـ...وهناااك..
ابومشـاري كان قاعد بالصاله هو وزوجته وعياله وينتظرون مشاري وخايفين عليه...راح للباب وفتحه وشاف ابوسلطان
ابومشاري استغرب جيته بهالوقت:هلاا والله بأخوي تفضل حيااك..."دخل ابوسلطان وقعدو بالصاله وام مشاري راحت لبست جلال الصلاه ورجعت قعدت وياهم"
ملاك سلمت ع عمها:كيفك عمي
ابوسلطان يحاول يبتسم:الحمدالله بخير انتي كيفك
ملاك:تماام"وقعدت"
ام مشاري:كيفك يابوسلطان عساك بخير
ابوسلطان:الحمدالله بخير انتي كيفك وكيف العيال
ام مشاري:والله طيبين..
ملاك بعفويه:عمي ماتدري مشاري وين؟؟ننتظره من أول ومارجع
ابوسلطان بلع ريقه وسكت..
ابومشاري باستغراب:شفيك ياخوي سكت؟؟
ابوسلطان بحزن:والله مو عارف وش اقولكم ..
ام مشاري بنفاذ صبر:قوول يابوسلطان نسمعك
ابوسلطان:ابيكم تمسكون اعصابكم ولازم تعرفو ان كلنا مصيرنا الموت
الكل:؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابوسلطان كمل بحزن:مشـاري .. مشـاري عطاكم عمرهـ...
ام مشاري بعدم تصديق:مات؟؟ولدي مات؟؟؟؟
ابوسلطان ونزلت دمعه من عينه:الله يرحمه...
ملاك انصدمت ووقفت وراحت لعند ابوها وقالت:شفت شيقول يبى..عمي يكذب علينا صح..مشاري مامات بس عمي يلعب علينا والحين بيقولنا الصدق..صح ياعمي صح؟قول انك تكذب قول
ابوسلطان هز راسه بـأسـف..
ام مشاري وقفت وراحت تركض لغرفتها وتبكي..
ابومشاري راح وراهــا..
نواف قاعد بمكانه ودموعه تنزل وجنى ماتدري عن شي...
قام ابوسلطان وحضن عيال اخوه الثلاثه..وملاك ونواف يبكون وجنى لمن شافت اخوانها يبكون بكت وهي مو فاهمه شي..
ابوسلطان يبكي معاهم وهو ضامهم بقوهـ..حزنان على ملاك ونواف وجنى الي فقدو اخوهـم ..مشـاري عزيز وغالي ع الكل...وماأتوقع احد يكرهه في العائله...
:::::::::::::::::::::::::::::::::::::::::::::::::: :::::::::
<>ســــــــــلـــــــــــــطــــــــــــــان<>
قاعد بغرفته وكل مامسح دمعه نزلت دمعه ثانيه...مايدري شلون بيكمل حياته دون رفيق عمرهـ...
وكل شوي يتذكـر منظر مشـاري وهو يصارع الموت ويوصيه ع اخوانه...ويفكر"الله يسامحك يامشاري رحت من هالدنيا وتركتني لحالي فيهـا...مين بيسهر معاي..ومين بيواسيني ويخفف علي همومي مين؟..."..
:::::::::::::::::::::::::::::::::::::::::::::::::: :::::::::::::::
انتشـر خبر وفاة مشاري عند العائله كلهـا..وكلهم بكوو وحزنو..
بقولكم حالة ابطال الروايه عند سماعهم هالخبر الأليم..
سلطان..اكثر واحد حزين ومهموم بعد وفاة مشاري..
ملاك..تبكي ومنهاره ع اخوهـا الي كانت دوم تتهاوش معاه بس يرجع يراضيها..والي يسولف معاهـا ويمزح معـاهـا...واقرب واحد لها من بين اخوانهـا لأن مابينهم الا سنتين بس..
لينـا..ندمانه انهـا كانت تعامله بقسوهـ..وتقول في بالهـا"ليتني بس يوم واحد حسسته بنص الحب الي كان معطيني اياه..ولو اني ماأحبه بس لو كذبت عليه بمشاعري وحسسته اني احبه لو بالكذب"..
الكل راح يفتقد مشاري..<<<وانـا بعد..
:::::::::::::::::::::::::::::::::::::::::::::::::: :::::::::::::::::
"الساعه 5 الفجر"
بعد مادفنو مشاري وصلوو عليه...وراحو كلهم..
بقى نايف وسلطان..واقفين قدام قبر مشاري..
سلطان قعد ع ركبه:الله يرحمك ياخوي ..
نايف:اميين يارب..
سلطان بدموع:مشاري انت احسن اخ بهالدنيـا...
نايف نزلت دمعته بس مسحها بسرعه:سلطان خلاص قوم..
سلطان ناظر نايف:مدري شلون بعيش بعده يانايف...
نايف رفعه من ايدهـ:كلنا بنموت ياسلطان .. ادعي له بالرحمه...
ورجع كل واحد لبيته..
:::::::::::::::::::::::::::::::::::::::::::::::::: :::::::::::::::::::
"أول يوم بالعـزا..الساعه 11 الصبح"
(في بيت الجدهـ)
ابومشاري وعياله راحو لبيت الجدهـ..وحلفت الجده ان عـزا مشاري يكون في بيتهـا..ووافق ابومشاري ..
وأول ماوصلوو لبيت الجدهـ .. فتحت الباب الجده لهم وعلى وجهها اثار الدموع...
ملاك ضمت جدتها وبكت:ياجده مشاري راح وتركنا ياجده تركنـا
الجده بكت وهي تمسح دموع ملاك:خلاص يايمه اذكري الله هذا يومه يايمه..
سلمت ام مشاري ع عمتها وابومشاري سلم ع امه...ودخلو الصاله وملاك ماقدرت طلعت بسرعه لغرفة جدتها وانفجرت في نوبة بكـاء
نواف ضم ابوه ودموعه نزلت وقال ببكـا:بالأول جدي مات وتركني والحين اخوي مــات...يااارب انا بعد اموت وراهـم..
الجد ه وأم مشاري يبكون ع منظر نواف..وجنى قاعده بينهم..
جنى لفت ع امهـا ووبرائه قالت:ماما ليس نواف يبتي؟(ليش نواف يبكي؟)
ام مشاري تحاول ماتبين دموعها لبنتهـا..وقالت بكذب:عشان ضاعت لعبته ياروح ماما انتي...
جنى سكتت...والجده تداري دموعهـا..
وع المغرب الكل اجتمع في بيت الجده..
"في سيارة ابوسلطان"
ام سلطان ولينا وديما يبكون..وابوسلطان يحاول يهديهم..
ابوسلطان:مايجوز هلي تسوونه...مكتوب له يموت بهاليوم..وكلنا بنموت..
ام سلطان مسحت دموعـهـا...
ابوسلطان:وين سلطان ماجا معانا؟
ام سلطان بحزن:مسكين سلطان من أمس ماأكل شي ولانام زين..حتى كلاام مو راضي يتكلم مع احد..
ابوسلطان هز راسه بحزن:والله مو سهله عليه ... كان هو ومشاري مثل التوأم مايفارقون بعض ولالحظه..
ديمـا مسحت دموعها وقالت بطفوله:والله مشاري كان يلعب معي كوره في بيت جدتي...
ابوسلطان:خلااص ياجماعه لاتبكون قدام امه واخوانه مساكين..لاتزيدونهم حزن..حاولو تمسكو نفسكم قدامهم ع الأقل..
:::::::::::::::::::::::::::::::::::::::::::::::::: ::::::::
"وفي بيت الجده"
بعد ماأجتمعوو كلهم الحريم راحو للصاله وطبعـا مايخلو عزا من بكا وحزن وهـم...وجو بعض اقاربهم والجيران..
"امـا في مجلس الرجال"
كلهم اجتمعو وجو رجال الحي واقاربهم...
والرجال مهمومين..والشباب بعد...والكل حزين ع موت مشاري..
نواف ومشعل قاعدين بالحوش...
نواف:مشعل اخوي مات
مشعل بحزن:ادري يانواف ادري الله يرحمه يارب..
نواف بدت دموعه تنزل:طيب ليش مات وتركني..هو كان يلعب معي سوني وكوره وينام معاي وياكل معاي..
مشعـل:ادعي له بالرحمه يانواف..
"عند الشباب"
واقفين جنب بعض وحزينيين...
نايف دموعه تنزل..
فيصل:نايف خلااص لاتخليني ابكي الحين..
نايف بصوت مبحوح:انا حزنان ع سلطان..
محمد:مسكين سلطان الله يعينه ويعيننا كلنا ع فراق مشاري..
خـالـد:أي والله كانوو اكثر من اخوان..
ابوسلطان:انا بروح اذبح للمعزيين ذبيحه..
ابومحمد مسكه:لااا والله ماتروح..."وبصوت عالي"ياامحمد..ياامحمد
محمد جا لعنده:سم يبى..
ابومحمد:روح اذبح ذبيحه للمعزيين وجهزهـا وجيبهـا..
محمد:حـاضــر"وراح هو وفيصل"
بعد شوي جا عبدالله وكله هم...سلم ع ابومشاري وقال:عظم الله اجرك ياعمي..
ابومشاري بحزن:اجرنا واجرك..
راح عبدالله وسلم ع الشباب وكلهم ماأعطوه وجه..
عبدالله:سلطان وين؟
نـايف بدون مايناظره:روح دوره..
عبدالله بصوت واطي:خلااص نايف تراك زودتها ليش تكلمني وانت قالب وجهك..
قبل لايتكلم نايف تكلم خـالـد:خلاص شباب لاتتهاوشون احنا في عزا الحين..."ونزلت دمعته"والله راح نفقدك يامشاري..
عبدالله بكا بعد ونايف وفيصل ومحمد وكلهم ماقدرو يمنعو دموعهم..
:::::::::::::::::::::::::::::::::::::::::::::::::: :
سلطان قام تروش ولبس ثوب وحط الشماغ ع كتفه..نزل للمطبخ وشرب ماي..وتوجه لبيت جدته وكله هموم وحزن..
وصل لبيت جدته ووقف سيارته..وشاف فيصل وقف سيارته جنب سيارة سلطان ونزل فيصل ومحمد من السياره..
وسلمو ع سلطان وشاافو الحزن بعيونه..
فيصل:كيفك سلطان عساك بخير
سلطان نزل راسه ونزلت دمعه من عينه:وشلون اكون بخير ومشاري مو معاي..
محمد ضم سلطان:خلااص لاتسوي بروحك كذا ومشاري الله يرحمه..والله يعيننا كلنا ع فراقه..
سلطان مسح دموعه ودخل سلم ع اعمامه وقال لأبو مشاري:عظم الله اجرك ياعمي..
ابومشاري بحزن ع منظر سلطان:اجرنـا واجرك ياسلطان..
سلطان ماقدر يناظر بأبومشاري..لأن ابومشاري يشبه مشاري حييل...ناظر بالأرض وطاحت دمعه من عينه..
ابومشاري حاول يقاوم دموعه..ربت ع كتف سلطان:اهدى ياسلطان وادعي له بالرحمه..مشاري الحين محتاج دعائنـا اكثر من أي شي..
سلطان سكت وراح وقف جنب اولاد عمه..
وماقدر يتحمل اكثر طلع برا المجلس وراح للحوش..
وشاف مشعل ونواف قاعدين ويبكون..قرب منهم..
ربت ع كتف نواف:خلااص يانواف لاتبكي..ترا مشاري موصيني عليك..
نواف ضمه:سلطان مشاري مات وتركني انا وانت وتركنا كلنا..
سلطان دموعه تنزل وماقدر ينطق ولابحرف..
نواف ببكـا:الحين ماعاد عندي اخ...
سلطان بحزن:لاتقول كذا يانواف..اذا اخوك مات انا اخوك..
نواف ضمه من جديد:اصلن انت ومشاري واحد..بس والله بشتاق له..
سلطان بدموع:خلاص يانواف لاتزيد علي..
نواف:................
مشعل:خلااص تكفون لاعاد تبكون انا عيوني تنفخت من البكـا..
:::::::::::::::::::::::::::::::::::::::::::::::::: ::::::::::
"عند الحريم"
لينا طلعت لملاك بغرفة جدتهـا..
لينا اول مادخلت الغرفه وشافت ملاك مسدوحه ع سرير جدتها ومغطيه وجهها بالمخده وتبكي وتشهق..
خنقتها العبره وسكرت الباب وراها وتقدمت لعند ملاك..
لينـا بحزن:ملااك خلاص يكفي بكـا..
ملاك تبكي:والله مو قادره اوقف دموعي يالينا مو قادرهـ..
لينـا:والله كلنا حزنانين ع موته بس الدموع ماراح ترجعه ياملاك..
ملاك ضمت لينـا:سلطان كيف حالته؟
لينـا:مسكين سلطان ماياكل ولاينام زين ولاحتى يتكلم معانـا..
ملاك:ياااااااااارب امووت مع مشااري ياااااااااارب
لينا:ملااك لاتسوين كذا بعمرك مايجوز تقولين هالكلام..كلنا بنموت وهذا يومه..
:::::::::::::::::::::::::::::::::::::::::::::::::: :::::::::::::::::
... البنـات والحريم كلهم يبكوون ...
:::::::::::::::::::::::::::::::::::::::::::::::::: :::::::::::::::::
اليوم الثاني بالعزا..
كان نفس اول يوم العزا بس هدو شوي وخف البكا..
:::::::::::::::::::::::::::::::::::::::::::::::::: :::::::::::::::::
واليوم الثالث نفس الشي بعد..
:::::::::::::::::::::::::::::::::::::::::::::::::: :::::::::::::::::
سـلـطـان كل يوم حالته تزداد سوء عن اليوم الي قبله..
:::::::::::::::::::::::::::::::::::::::::::::::::: ::::::::::::::::
وبعد مرور اسبووع...
تحسنت حالة ابطال روايتنا شوي..
:::::::::::::::::::::::::::::::::::::::::::::::::: ::::::::::
"في بيت ابومشاري..الساعه 2 الظهر"
ع الغدا...
ام مشاري قاعد تـأكل جنى الي قاعده فوق فخذهـا..
ونواف وملاك مو راضيين ياكلون ..
ملاك ناظرت الكرسي الي جنبهـا وقالت:مشاري كان هنا يقعد ياكل معانا..
ونزلت دمعتها ونواف بعد وام مشاري ماقدرت وبكت..
ابومشاري ماسك دموعه:اذكرو الله .. ومشاري الله يرحمه ويغمد روحه الجنه..
الكل:آمــيــن..
:::::::::::::::::::::::::::::::::::::::::::::::::: ::::::::::::::::
"في بيت ابومحمد"
العصر..
قاعدين بالصاله..ابومحمد وام محمد ومرام وساره وخالد وشوق ونصوري^_*..
ابومحمد قاعد يتفرج ع التلفزيون يتابع الأخبار..
وام محمد تلعب ناصر ..
ومرام وساره وشوق قاعدين يسولفون..
وخالد سرحـان..
ابومحمد:وين محمد؟
ساره:نايم بدارهـ..
شوق:خالد..خالد
خالد صحى من افكااره:هلاا
شوق:وين وصلت
خالد:لااا معاك اناا..بغيتي شي؟
شوق:سلامتك..
خالد:الله يسلمك...تعالي الغرفه ابيك بموضوع...
شوق:طيب"وقف خالد وطلع لغرفته..
شوق وقفت:خالتي اعطيني ناصر ابطلع غرفتي...
ام محمد:خلي ناصر معاي لاتخافي عليه..
شوق:مشكوره خالتي"وطلعت"
:::::::::::::::::::::::::::::::::::::::::::::::::: ::::::::::::::::
غرفة خالد وشوق في بيت ابومحمد عباره عن جناح كامل..
يعني قسم كامل غرفة نوم وصاله صغيره وحمام ومطبخ صغير مفتوح ع الصاله...وغرفة ملابس..بس هالقسم في البيت..
يعني درج واحد يفصل بين قسمهم وبين البيت..
شوق دخلت الغرفه وسكرت الباب وراهـا وتقدمت لعند خالد..
خالد كان قاعد ع الكنب..قال:وين ناصر؟
شوق:عند خالتي ..
وسكتو شوي..
بعدين شوق قالت:خالد وش الموضوع الي تبيني فيه؟
خالد:شرايك نسافر؟
شوق سكتت شوي بعدين قالت:براحتك بس وش المناسبه؟
خـالـد بهدوء:مافي مناسبه حبيبتي بس بنغير جو لأن احس نفسي مخنوق..يعني تدرين بعد موت مشـاري الكل مكتئب هنـا..والله مو سهله علينا كلنا فراق مشاري بس هذا الي كاتبه الله وونعم بالله وبعدين احنـا مارحنـا شهر عسـل ياقلبي من تزوجنـا...هاا شرايك؟
شوق:خـالـد صدقني شهر العسل مو ضروري لأن انا مستانسه معاك بـأي مكـان بس اذا انت مصّر ماعندي مانع..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك