رواية بعد فرقاك بهوى غيرك وانساك -32
بعدين شوق قالت:خالد وش الموضوع الي تبيني فيه؟
خالد:شرايك نسافر؟
شوق سكتت شوي بعدين قالت:براحتك بس وش المناسبه؟
خـالـد بهدوء:مافي مناسبه حبيبتي بس بنغير جو لأن احس نفسي مخنوق..يعني تدرين بعد موت مشـاري الكل مكتئب هنـا..والله مو سهله علينا كلنا فراق مشاري بس هذا الي كاتبه الله وونعم بالله وبعدين احنـا مارحنـا شهر عسـل ياقلبي من تزوجنـا...هاا شرايك؟
شوق:خـالـد صدقني شهر العسل مو ضروري لأن انا مستانسه معاك بـأي مكـان بس اذا انت مصّر ماعندي مانع..
خـالـد بابتسامه ع الجنب:طيب وين ودك نسافر؟
شوق:أي مكان تبيه انت انا معاك
خالد قاطعهـا:لالاااا شووق انا ابي رايك..يعني وش البلد الي تتمنين تروحينهـا..؟؟
شوق:مممم بصراحه ماليزيـا..
خـالـد سحبهـا لحضنه:ماطلبتي والله.. "وأشر ع عيونه"من عيني هذي قبل هذي...طيب وناصر؟
شوق:ناخذه معـانـا..
خالد:لالالا توه صغير بيزعجنـا هنـاك..شرايك نخليه عند امي؟
شوق بخجل:مدري احس صعبه ويمكن امك تزعل او.....
قاطعهـا خالد:افاا شهالكلاام .. شوفي انا بسـأل امي واذا وافقت راح اخليه عندهـا..واذا ماوافقت بناخذه معانا مع اني متـأكد انهـا بتوافق..ياحليلها امي ماترفض لي طلب يسعدني..
شوق:الله يخليك لهـا يارب ويخليهـا لك..
خالد:امين يارب..طيب شوشو متى تحبي نحجز؟
شوق:انت الحين ماعندك شغل؟يعني هذي الايام فاضي؟
خالد:اكيد فاضي وحتى لو مشغول بفضى لعيونك ياقلبي..
شوق بخجل:خلودي خلااص ترا استحي..
خالد قرص خدودهـا بخفه:فدييت الي يستحون ينـااس..
شوق بدلع:خاااااااااااالد..
خالد ضحك:خلاص خلااص..نرجع لموضوعنا..تبي بكرا احجز
شوق:طيب حلو بكرا بس كلم امك قبل تحجز..
خالد وقف:على امرك بكلمهـا ولو اني داري انهـا ماراح تعارض بس عشان تتـأكدين...
شوق وقفت وباست خالد ع خده:الله لايحرمني منك ياأحلى خالد..
خالد تخدر من بوستهـا:ولامنك ياأحلى شوق..
دق الباب..خالد:ياربي مين هالمزعج الي قطع علينا هاللحظه الرومنسيه..
شوق:ههههه..
مرام من ورا الباب:هههه انا مرام..
خالد فتح الباب:هلاا مرووم
مرام بحرج:سوري يمكن ازعجتكم؟
شوق:لالا ياقلبي لاأزعاج ولا شي..
مرام:تسلمين والله...بس بقولكم العشـا جاهز ..
خـالـد:طيب الحين بننزل يله شوق..
شوق راحت لبست جلال الصلاه عشان اذا كان محمد موجود..وتقدمت لعنده ومسكت ايدهـ..ومرام نزلت ونزلو وراهـا..وقعدو ع طاولة العشـا وتعشوو..
**اميرة الشوق**
**الجـزء الرابع والأربعون**
زعلان يادنيـا عليك
مخاصمك لالا ماأبيك
من يوم ماأخدتي العزيـز
ماعاد يسوى شي فيك
"ماعـاد يسوى شي فيك"
سلطان صحى ع صوت امه:سلطان قوم بسك نوم
سلطان فتح عيونه وناظر امه بنظره بارده:كم الساعه الحين؟
ام سلطان ناظرت ساعتهـا:5 العصـر..
سلطان وقف ودخل الحمام وتروش ونزل لبس برمودا جينز وبلوزهـ نص كم لونهـا اسود..ونزل للصاله..
لينـا:مساء الخير ياسلطان باشا هذا كله نوم ماشاءلله..
سلطان قعد ع الكنب وقال بحزن:من كثر الكئابه والله نايم للحين..حياتي ماعاد لها أي معنى اصلن بعد مشاري<الله يرحمه>كنت اسهر معاه وانـام معـاه..اما الحين كثر الوحده والطفش سارت كل حياتي نوم ..
لينا ندمت انهـا تكلمت..
ديمـا:يمه اليوم مو رايحين لجدتي؟
ام سلطان:والله مدري يايمه بسـأل ابوك وبشوف ..
ديما:يمه طفشنا اسبوع بالبيت خلاص نبي نطلع
لينا:أي مو انتي تعودتي ع الطلعات يابزر
ديمـا عصبت:اتعود ولا ماأتعود شي مايخصك وبعدين انا كلمت امي ماكلمتك..
لينا:وجع وجع كلتني اعوذ بالله..
سـلـطـان ناظرهم وتذكر موقف مثل هالموقف سار له مع مشاري زمـان..
سلطان:مشاري يله نطلع طفشت من قعدة البيت
مشاري بضحكه:الظاهر تعودت ع الطلعات والدجه ياسلطان
سلطان:وش اسوي ياخي البيت زهق وربي مليت قوم يله نطلع تكفى
مشاري:ههه طيب طيب بنطلع لاتموت علينـا..
سلطان:بعيد الشر علي
مشاري:أي والله بعيد الشر عليك جعل يومي قبل يومك..
سلطان:بعيد الشر عـنا اثنينـا انشاءلله ولا واحد فينا يفقد الثاني بيوم
مشاري وقف:خلاص سكر سيرة الموت يله قوم نطلع نستانس
سلطان وقف وابتسم:يله..
رجع بذاكرته للواقع وضحك بحزن..
ام سلطان تناظر ولدهـا ومستغربه..مره تشوفه سرحان ومره يضحك بدون سبب..ومره يبكي ومره يبتسم..
ام سلطان باستغراب:سلطان وش يضحكك؟؟
سلطان نزلت دمعه من عينه لاإراديـآآ بس مسحها بسرعه وقال:لاااء ولا شي يمه بس تذكرت شي.."ووقف"انا طالع توصوني ع شي؟
الكل:سلاامتك..
سلطان بصوت خافت من العبره الي خانقته:الله يسلمكم.."وطلع من البيت وراح للبحر وهو بالطريق يناظر الشوارع وكل شارع بالدمام يذكره بمشاري..هنا كنا ناكل بهالمطعم..وهنا كنا نلعب في البلياردو..وهنا كنا نسهر ونستانس بهالمقهى..وهنا كنا نتمرن بالنادي الرياضي...حاول يلهي نفسه بـأي شي عشان لايبكي..ضغط ع زر الأف أم..ومن سوء حظه كانت اغنية....
فقدتـك ياأعـز الناس
فقدت الحب والطيبه
انا من لي بهالدنيـا
سواك وان طالت الغيبه
"سواك وان طالت الغيبه"
هنا ماقدر يحبس دموعه نزلت دموعه بغزاره ع خده..تنهد وسكر الأف إم ومسح دموعه..وهو يقول بخاطره"والله وحشتني يامشاري..والله اشتقت لك ولأيامك ومغامراتك وسواليفك...ااه بس لو ترجع وترجع ضحكتي وايامنا الحلوه"...
راح للبحـر وقعد يتـأمـل امواج البحر المتلاطمه في بعض..وقعد يفكر بمستقبله وكيف بيكون دون رفيق عمرهـ...
<<نترك سلطان بتفكييره..ونرووح لغيرهـ>>
"في بيت ابومحمد"
خالد:يمه ابيك بموضوع
ام محمد:خير عسى ماشر
خالد:الخير بوجهك بس بغيت اكلمك لحالك تعالي بكلمك بالمجلس
"وراحو للمجلس...وهنـااك"
خالد:يمه بطلب منك طلب ..
ام محمد بابتسامه:تفضل ..
خـالـد:بغيتك تنتبهين لنصوري لمدة شهـر وتنومينه وتوكلينه..
ام محمد بخوف:ليش انت وشوق وينكم؟؟؟
خالد ضحك:انتي مو فاهمه يمه انا وشوق بنروح ماليزيـا سياحه..
ام محمد بفرحه:الله يهنيكم ياارب وتطمن نصوري بعيوني
خـالـد:يعني اكييد انتي مو زعلانه؟
ام محمد:عيب تقول هالكلاام..ازعل من شنو بالله؟؟..وماأعـز من الولد الا ولد الولد ع قولة المثل..روح يايمه واستانس انت ومرتك وغيرو جو ومتى مابغيتو ترجعو ارجعو لاتخافون ع ناصر..
خالد باس راسهـا:تسلمين ياأحلى أم بهالدنيـا ولكي مني بجيب لك هديه من ماليزيـا..هديه يحبها قلبك
ام محمد بهدوء:سعادتكم يايمه هذي هديه من الله لي...وانا مابي غير سلامتكم..
خالد:الله يسلمك ويخليك لنا ياارب..
:::::::::::::::::::::::::::::::::::::::::::::::::: ::::::::::::
جود نزلت للصاله وشافت نايف قاعـد يتفرج ع التلفزيون ..
سـألته:وين امي وابوي؟
نايف:امي عند جارتنـا ام فواز وابوي بالشركه..
جود طفت التلفزيون وقعدت جنب نايف..
نايف:ليش طفيتيه؟
جود:عشان ابي اتكلم معـاك..
نايف:يله تكلمي اسمعك...وش بغيتي؟
جود نزلت راسهـا:نايف...ماشفت سلطان هالأسبوع أو كلمته؟
نـايف تنهد:مسكين سلطان حالته حاله..لاياكل ولاينام زين ولاحتى يرد ع جواله...
جود عورهـا قلبهـا:والله كاسر خاطري ..
نايف:وانا بعد ..
جود:طيب روح له
نايف:وش اروح اسوي؟
جود:حاول تونسه شوي..
نـايـف:انشاءلله بروح اليوم عندهـ...طيب وانتي ماشفتي ملاك هالأسبوع؟؟
جود:الا شفتها يوم الخميس الي فات ببيت جدتي..
نايف:وكيف حالتها؟
جود:لاا الحمدالله تحسنت شوي..
نـايف بتفكير:جود انا بخطب ملااك
جود بصدمه:شنوو؟؟؟تخطبها الحين؟؟
نايف:أي الحين شفيها؟
جود:مجنون انت..تخطبها الحين واخوهـا قبل اسبوعين توفى..حرام عليك انت ماتحس...
نـايف بحزن:صدقيني انا اذا تزوجتها راح اسعدهـا وانسيهـا الهم
جود:ناايف ولاتفكر تخطبها هالفتره..ماراح اسمح لك انـا..وبعدين أي هم الي انت تتكلم عنه..هي مستحيل تنسى اخوهـا او تنسى الحزن وتوه ميت..ع الأقل شهر شهرين عشان تنسى او ترجع حالتها مثل قبل..وملاك مستحيل توافق عليك الحين لأن هي باقي حزينه ع موت اخوهـا...
نايف:..................
جود:نايف انسى هالفكره..انتظر بعد كم شهر تقدم واخطبهـا..بس مو الحين..
نايف:...................
جود:شفيك ماترد علي؟
نايف:وش تبيني اقول؟انا اخذت رايك في هالموضوع وانتي صدمتيني بكلامك...
جود:صدقني مارفضت الا لصالحك ياخوي..
نايف تنهد..
جود بضيق:نايف اذا زعلت مني ومن كلامي روح سوي الي براسك واخطبهـا..وبكفيك..
نايف بابتسامه مصطنعه:لااء والله مازعلت منك بالعكس انتي اقنعتيني بكلامك..وبعدين وين بتروح ملاك مني..ملاك لي وانا لملاك..ومحد راح ياخذهـا مني..بس انا كان كل همي انسيهـا الحزن الي هي فيه..
:::::::::::::::::::::::::::::::::::::::::::::::::: :::::::::::::
بعد مرور يومين..
خالد حجز ع ماليزيـا..وتجهز هو وشوق للسفر..وجهزو اغراضهم
خالد:يله شوق مابقى الا ساعه ونص ع الرحله..
شوق لبست عباتهـا:يله جيت...
ونزلو للصاله ونزلت وراهـم الخدامه وفي ايدهـا شنطهم واغراضهم..
سلم خالد ع محمد..ومحمد قال:تروحو وترجعو بالسلامه
خالد:الله يسلمك..يله شد حيلك والحقنـا انت ورينـاد
محمد بفرحه من طاريهـا:الله يسمع منك..
وسلم ع امه وع اخواته وابوهـ وشوق بعد سلمت عليهم بعد..
وكلهم قالو:تروحو وترجعو بالسلامه
خالد+شوق:الله يسلمكم..
مرام:استانسوو لاأوصيكم..
خالد يناظر شوق:لاتوصين حريص دامنـا مع بعض اكيد بنستانس..
شوق ابتسمت له..وراح خالد واخذ ناصر من امه وقعد يلعبه شوي وباسه وقال:راح اشتاق لك يادوب
شوق ضمت نصوري:يااقلبي انا راح توحشني..
ام محمد:تشتاق لكم العافيه وهذا الصغنون<الصغير>لاتفكرون فيه ولاتشيلون همه...
شوق:الله يسلمك ياخالتي..
وراحو للمطـار...وركبو الطائرهـ..وبعد 12 ساعه وصلو لماليزيـا..
وهنااك..استاجرو شاليه ع البحر لمدة شهـر..وبعد مارتبو اغراضهم بالدولاب..خالد تروش ولبس شورت جينز تفاحي وبلوزه بدون اكمام لونها ابيض..وطالع شكله خقق..
وشوق لبست بنطلون جينز وبلوزه لونها موف بأكمام طويله والبلوزه لحد الركبه..ولفت الطرحه الموف ع شعرهـا..<<<طبعـآآ هذا حجااب يعتبر بالخارج..
خالد مسك ايدهـا وقال:يله راح ننزل نتعشى وبعدهـا نطلع ننام..
شوق:أي والله اني تعباانه من قعدة الطياره..
"ونزلو وتعشو ع البحر والجو كان روعه..وبعد العشا رجعو للشاليه ونامووووووووو".....
:::::::::::::::::::::::::::::::::::::::::::::::::: :::::::::::::::::::
بعد صلاة المغرب في المسجد..
رامي:مو قلت بتروح تكلم عمك اليوم؟
عبدالله:أي والله زين ذكرتني..
رامي:يله فمان الله اشوفك بكرا ع خير..
عبدالله:مع السلامه..
وراح رامي لبيته أو بيت اخته"بالأصح"وعبدالله ركب سيارته وحرك ع بيت عمه وهو يدعي بداخله ان عمه يوافق..
"في بيت ابوفيصل"
كلهم قاعدين بالصاله..فجأهـ رن الجرس
ابوفيصل:روح يامشعل شوف مين عند الباب؟
راح مشعل وفتح الباب:عبدالله.....؟؟؟؟؟
عبدالله:كيفك مشعل
مشعل:بخير الحمدالله..
فيصل بصوت عالي:مين عند الباب يامشعل؟
مشعل التفت لفيصل وقال:هذا عبدالله..
الكل:؟؟؟؟؟؟؟؟؟؟؟؟؟؟؟
فيصل وابوفيصل عصبوو وراحو ناحية الباب..
ابوفيصل:خير وش تبي؟
عبدالله بهدوء:كيفك ياعمي
فيصل:بدون مقدمات خلصنا وش تبي جاي بعد؟
عبدالله:مايصلح نتكلم بالشارع
فيصل بقهر:اذا مو عاجبك تتكلم هنا مو لازم نتكلم
ابوفيصل:يكفي يافيصل...ادخل ياعبدالله خن نشوف اخرتها معاك
ودخل عبدالله..وفي الصاله..
طبعـآآ ريناد ومها طلعو لغرفتهم ركض من درو انه عبدالله..
عبدالله:عمي انا راح ادخل بالموضوع بدون لف ودوران
ابوفيصل:ووش هو الموضوع انشاءلله؟؟؟
عبدالله:ابي ارد زوجتي
فيصل بعصبيه:ماعادت زوجتك بعد فعايلك السوده والحين تطلقهـا..
عبدالله:الله يخليك يافيصل اهدى وانا احب مها وماراح اطلقها..
فيصل:تحبها وتحب شهد؟؟؟؟؟؟
كلمة فيصل هذي اخترقت قلب عبدالله وكسرته..نزل راسه وقال:شهد ماتت من زمان يافيصل..وانا ماأحب الا مهـا زوجتي
فيصل:الحين تحب مها زوجتك..وين حبك لها لمن فكرت تروح للأستراحات والخراب وتلعب في بنات الناس وتدمرهم..
عبدالله:انا غلطت وندمت..والأنسان لابد يغلط..بس الأهم يتعلم من غلطه وماعـاد يرجع للغلط..
ابوفيصل:اختصر..وش تبي الحين؟
عبدالله نزل لمستوى رجول ابوفيصل:ابيك ترد لي زوجتي..اترجاك ياعمي تردهـا لي..والله حياتي ماتسوى دونهـا..وابيك تتـأكد اني تركت الخراب من زمان وماعاد ارجع له..
ابوفيصل:وش يثبت لي؟
عبدالله:انا مستعد احلف لك..
ابوفيصل:انا ماعاد اثق فيك ياعبدالله
عبدالله:اعطيني فرصه..اخر فرصه..
ابوفيصل سكت يفكر..
فيصل بصراخ:ماراح نعطيك ولا فرصه يالخاين..واطلع برا البيت..
عبدالله ببكا:اترجاك يافيصل لاتحرمني منهـا..لاتحرمني من زوجتي..
ابوفيصل ناظر ام فيصل وام فيصل ناظرت عبدالله بحزن..
ابوفيصل بعد تفكير:انا مستعد اعطيك فرصه..فرصه اخيره بس..واذا عرفت انك رجعت للخراب والله ثم والله بنتي تطلقها بالغصب وماترجع لك لو تموت..
عبدالله بفرحه مسح دموعه:الله لايحرمني منك ياعمي..
ابوفيصل:بس قبل بسـأل مهـا واذا قالت ماتبيك راح تطلقها اليوم قبل بكرا..
عبدالله بخوف:انشاءلله..
فيصل:انا بروح اسالها
ابوفيصل:لاا انت خلك هنا انا بسـألهـا..
وراح ابوفيصل ومها كانت بالدرج تسمع لنقاشهم بس لمن شافت ابوهـا طالع بالدرج راحت تركض لغرفتهـا..
دخل ابوفيصل وقال:مهـا انتي تبين ترجعين لعبدالله...؟؟
مهـا؟؟:مدري
ابوفيصل:كيف يعني ماتدرين؟
مهـا:طيب انت وش رايك يبى؟
ابوفيصل:انا قلتله بعطيك فرصه وحده..واذا رجعت للخراب راح يطلقك غصب عنه...هاا وش رايك؟
مهـا بعد تفكير:انا موافقه يبى..برجع له..
ابوفيصل ابتسم لهـا ونزل لعبدالله:موافقه ترجع لك..
عبدالله من الفرحه ضم عمه:الله يبشرك بالخير ياعمي ويسعدك..
ابوفيصل:الله يسلمك..بس تـأكد فرصه اخير بس..
عبدالله:انشاءلله انشاءلله..
فيصل:عبدالله لاتفكر انك بترجع لخرابك ومحد بيدرى عنك..ترا عاجلآآ ام اجلآآ راح نعرف وراح تفقد مهـا للأبد..
عبدالله:صدقني ماعدت عبدالله الي تعرفونه..انا تغيرت والله تغيرت سرت شخص ثاني..."والتفت لعمه"طيب ياعمي يصلح ترجع معي من الحين؟
ابوفيصل:والله ماعندي مانع بس اعطيها كم ساعه ترتب اغراضهـا وملابسهـا..
عبدالله الدنيا مو سايعته..وبعد ساعه ونص مهـا جهزت ولبست عباتهـا..وراحت مع عبدالله لبيتهم..
وانتهى الباارت..
توقعاتكم
**أميرة الشوق**
**الجزء الخامس والأربعوون**
(في سيارة عبدالله)
عبدالله:مهـا ماشتقتي لي..؟
مهـا:.............
عبدالله:انـا اشتقت لك مووت..
مهـا:..............
عبدالله استغرب سكوتهـا:شفيك ماتردين علي..اذا على سالفة (وبغصه)سالفة شهـد..تـاكدي اني محيتهـا من حياتي نهائيـآآ..
مهـا:عبدالله ليش سويت فيني كذا؟
عبدالله:وش سويت ياعمري...ترا شهد هذي سالفه قديمه وخلااص انا نسيتهـا وانتي لازم تنسينهـا..
مهـا بصوت خـافـت:طيب انت تحبهـا؟؟
عبدالله:اكذب عليكي اذا قلتلك اني ماحبيتهـا..بس انا كنت احبها قبل لاتدخلي انتي بحياتي وتغيريهـا..والله زمان كنت احبها بس الله يرحمها الحين هي ماتت وخلااص انا نسيتها للأبـد..
مهـا صوتها تهدج بالبكــآء:انااا خاايفه ياعبدالله خاايفه..
عبدالله بحنان:من شنو خايفه ياقلبي...؟
مهـا تمسح دموعهـا:خايفه يفرق بيننا شي..خايفه ابتعد عنك مره ثانيه واتعذب مثل ماتعذبت بالأيـام الي طافت..
عبدالله مسك ايدهـا بايده الثانيه وضغط ع ايدهـا بقوه:انشاءلله ماراح يفرق بيننا بعد كذا الا الموت..
ووصـلو لبيتهم وقعدو بالصاله ويسولفون..
عبدالله:يالله هالبيت مايسوى دونك..وربي توه نور البيت
مهـا ضمته:وحشتني حييل..
عبدالله:وانتي اكثرررر...
:::::::::::::::::::::::::::::::::::::::::::::::::: :::::::::::::
**مـــــــــالـيـــزيـــــــــــــــــــــــــا**
قاعدين ع الشـاطئ ويسولفون
شوق:يالله يجنن الجو..
خالد:أي والله يهبل الجو..
"وسكتـوو شوي وبعدهــــــآ"
شوق:خالد هذي أول مره تجي ماليزيـا..؟
خـالـد:ممم لااااء لمن كنت صغير جينـا كلنـا..
شوق:يعني انت واهلك كلكم؟؟..
خالد:أي كلنـا حتى جدي الله يرحمه كان معـانـا..
شوق:اهــــآ..
:::::::::::::::::::::::::::::::::::::::::::::::::: :::::::::::::
(10:00 مسـاء)
ابوسلطان:قومو نروح نتمشى شوي..
ام سلطان:أي والله من زمـان ماطلعنا طلعه عائليه حلوه..
لينـا وقفت:طيب انا بطلع ابدل لبسي..
ديما:وانا بعد.."وطلعو لغرفتهم"..
ام سلطان التفتت لسلطان:سلطان ليش ماتطلع تجهز..
سلطان ببرود:ماأبي اروح معـاكم..
ابوسلطان:ليش ماتبي تروح معانا؟؟بنروح للبحر لاتفوتك الطلعه..
سلطان:لالا انا مابي اروح ولامكان مو مشتهي اطلع مكان..
ابوسلطان بحنان:عشان خاطري اطلع معانا مايسير تقعد كذا تكتئب لحالك...
سلطان مايبي يكسر خاطر ابوه وقف:زين بطلع ابدل.."وابتسم وطلع لغرفته"..
وفي غرفته انفجر بالبكــآآء..وبعدهـا مسح دموعه وتعوذ من ابليس وغسل وجهه ولبس ثوب ونزل شافهم كلهم جاهزين وينتظرونه بالسيارهـ...وبعدهـا حركو للبحر..
:::::::::::::::::::::::::::::::::::::::::::::::::: ::::::::::::::::
"بحر الدمـام...الساعه 10:30"
فرشوو فراش ع رمل البحر وقعدوو كلهم عليه..
وحطو الشاهي والمكسرات والفصفص"الحب"ع المفرشه..
ديمـا وقفت:انا بروح العب بالمراجيح..
لينا وقفت:وانا معااكي..
وراحوو يلعبون بالمراجيح والدبابات..
سلطان وقف:انا بقعد ع البحر شوي.."وراح قعد ع صخره كبيره قدام البحر"..
ام سلطان وهي تناظر ولدهـا بحزن:سلطان ماعـاد مثل قبل...ماسرنـا نشوفه يضحك ويبتسم مثل قبل..
ابوسلطان بحزن:بديهي راح يتـأثـر بموت مشاري...بس راح يرجع مثل قبل"ومسك ايدهـا"اوعدكي ياأم سلطان..
ام سلطان:انشــاءلله..
"سـلـطـان"
قاعد يتـأمـل البحر ويتذكر مواقفه مع مشاري لمن كانو يجون للبحر...
مشاري:تعال نطب بالبحر..
سلطان:لااااا مو فاايق اسبح..
مشاري يدفه ع البحر:يااشيخ امشي نستانس..
سلطان دخل وسط البحر بعد ماشمر ثوبه:يله وانت تعال بعد
مشاري شمر ثوبه وربطه ع خصره:يله جاايك"ونط بالبحر وقعدو يسبحون وشوي يسولفون"..
رجع للواقع ع صوت ديمـا..
ديما:سلطان تعال استاجر لي دباب
سلطان وقف:طيب"وراح لراعي الدبابات واستاجر منه 3 دبابات لمدة 3 ساعـات..ولينا اخذت دباب وديما دباب وسلطان دباب"
وقعدو يتسابقون بالدبابات ع رمل الشاطي ..
اجـامل وابتسم واضحك..وانا في داخلي مهمووم..
:::::::::::::::::::::::::::::::::::::::::::::::::: :::::::::::::::::
"في بيت ابونـايف"
جود:نايف تعال نروح نتمشى ع البحر
نايف:ماعندي مانع بس روحي شاوري امي وابوي
جود باستغراب:غريبه وافقت بهالسرعه الظاهـر مزاجك رايق اليوم
نايف:أي راايق وروحي بسرعه كلميهم عشان لايتعكر مزاجي وماأوافق
جود:لالااا خلاص بروح.."وكلمتهم ووافقو اهلهـا"
وهنــــــــــــــــــــــآآآآآآآآآآآآآآك
جود شهقت وهي تناظر بعيد:مو كـأن هذا عمي ابوسلطان وعياله
ابونايف:الا والله هم..
نايف:صدفه روعه...
وراحو يسلموو عليهم..
نايف:كيفك سلطان
سلطان:الحمدالله بخير انت كيفك
نايف:تمام
سلطان وهو يناظر جود:كيفك جود
جود بحيا:الحمدالله بخير....وانت؟
سلطان"بخير بشوفتك":الحمدالله بخير
جود:ممم طيب وين لينـا...؟؟
سلطان يـأشر ع لينا:شوفيها هناك تسوق بالدباب
جود:ياااااااي دباااب ونااسه"وراحت لهـا"
نايف بعد ماراحت جود:مدري هالبنت متى بتعقل
سلطان لاشعوريـاا:عاقله غصب عنك
نايف بغمزه^_*:احلى احلى يداافع بعد حركتاات
سلطان استحى:اقوول طس بس امش نروح نتمشى ع البحر
نايف وهو يمشي معـاه:أي أي صررررف بس..
"عند الرجال والحريم كانو قاعدين ع البســااط"
ام سلطان:سبحان الله لو خططنا لهالطلعه ماطلعناهـا بس عشانها صدفه..
ام نايف:أي والله..
جود جات تركض لأبوهــا:يبى ابي استاجر دباب
ابونايف:طيب كم اجاره؟
جود:الساعه بعشرين ريال وانا ابي 3 ساعات
ابونايف طلع من جيبه 60 ريال ومدهــا لهـا:خذي روحي استاجري دباب واستانسي
جود باسته:ثانكس دادي"وراحت وساقت دباب وسارو يتحدون ع الحركات والتفحيط بالدبابات هي ولينـا وديمـا"..
(((((((((((((((((((((((((((((((((((((((((((((((((
نـايف وسلطان يتمشون قدام البحر..
سلطان:يالله انا ومشاري-الله يرحمه-كنا دوم نجي للبحر نقعد ونسولف ونناظر البحر...اااااااااااااه بس وينك يامشاري
نايف بيغير السالفه:اقوول سلطان تجي معاي بكرا
سلطان:وين؟
نايف:صاحبي عازمني ع زواج اخوهـ .. شرايك تجي معاي
سلطان:مدري والله مالي نفس
نايف:يله عاااد تعال بعرفك ع اصحابي واستنانس معانا
سلطان:مدري افكر
نايف:يبغالها تفكير يعني..؟خلااص بمرك بكرا بعد صلاة العشا
سلطان:طيب مين بيروح معانا بعد..؟؟
نايف:محد غيري انا وانت...كلمت فيصل مايبي يروح ومحمد وخالد نفس الشي..
سلطان بعفويه:وعبدالله...؟؟
نايف:هذا ماأكلمه ولااعرفه متبري منه..
سلطان:ليش عااد حراام
نايف:والله حرام الي سواه ببنت عمه
سلطان:بس هو تغير
نايف:لااماتغير ومستحيل يتغير هذا عقرب رمل بس مسوي تمثيل وانه تغير عشان ترجع له مها وبعد ماترجع له بيرجع لخرابه
سلطان:بس وااضح انه جد تغير..هذا الي انا شايفه
نايف:انت ماتعرفه اكثرر مني
:::::::::::::::::::::::::::::::::::::::::::::::::: ::::::::::::::::::::
عبدالله مر ع رامي وراحو لصلاة الفجر بالمسجد..
وقبل صلاة الفجر بدقايق
عبدالله بهمس:رامي بعد الصلااه انا بروح اكلم الشيخ
رامي:تكلمه وش تقوله؟
عبدالله:بعدين تعرف
وبعد الصلااه خرجو المصلين من المسجد..راح عبدالله ورامي ناحية الشيخ
عبدالله+رامي:السلام عليكم
الشيخ التفت لهم:وعليكم السلام ورحمة الله وبركاته..
قعدو قدامه وعبدالله قال:ابسألك ياشيخ..
الشيخ:تفضل ياولدي
عبدالله نزل راسه:ياشيخ انا وصديقي رامي كنا واقعين في الحرام..يعني نسهر مع بنات ونسكر و.....الخ والحين تركنـا الخراب وتبنـا لرب العالمين...ومدري ان كنا مذنبين او لاء؟
الشيخ:داومو ع الصلااه واستغفرو ربكم ع الذنوب الي كنتو ترتكبوهـا وانشاءلله ربي يتوب عنكم"ان الله غفور رحيم"
رامي:هذا الي بنسويه...مشكور ياشيخ..
الشيخ بابتساامه:العفوو..
وطلعو من المسجد وكل واحد راح بيته..وكل واحد فيهم يحس ان كان ع قلبه هم وانزاح...
:::::::::::::::::::::::::::::::::::::::::::::::::: :::::::::::::::::
"صبااح يوم جديد"
ع الفطوور
فيصل نزل لطاولة الطعام وشاف كل اهله قاعدين ينتظرونه ع الفطور
فيصل:صبااح الخير
الكل:صبااح النور
ابوفيصل:ريناد ترا زواجك عقب شهـر
ريناد بصدمه:لاااااا وشوو بعد شهر حرام عليك يبى انا لسه ماجهزت
ابوفيصل:وش تنتظرين ماتجهزين؟؟هاا؟
ريناد:خلااص اليوم بنزل السوق وبكمل اغراضي
ابوفيصل:يمديك تخلصين قبل شهـر
ريناد:بــــــــــس......
قاطعهـا ابوفيصل:لااا بس ولااحاجه النااس صبرو عليكي بما فيه الكفايه الحين 4 شهوور وهم ينتظرونك وماخلصتي..انا اتفقت مع اخوي ان الزواج بعد شهر .. وماراح اغير كلمتي..
:::::::::::::::::::::::::::::::::::::::::::::::::: :::::::::
محمد:هاا يبى كلمت عمي؟
ابومحمد:أي كلمته
محمد:ووافق..؟
ابومحمد:أي واافق ويقول بعد شهر زواجكم ابشررك...
محمد قام وباس راس ابوهـ:الله يبشررك بالخير...عن اذنكم"وطلع غرفته"..
دق ع رينـاد....
:::::::::::::::::::::::::::::::::::::::::::::::::: :::::::::::::::
ريناد من شافت جوالها يرن رفعته لنظرهـا لقته"اغلاا ناسي"طلعت غرفتهـا بسرعه وسكرت الباب وردت بعد رنتين..
ريناد:هلاا محمد
محمد:هلاا عــمــري كيفك
ريناد:تماام انت كيفك
محمد:بخير دامي سمعت صووتك
ريناد:...............
محمد بفرحه:حبيبتي زواجنـا بعد شهر وربي مره فرحـان بس يالله متى يعدّي هالشهر..
رينـاد:.............
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك