رواية زمن البويات -7
رناد بعصبيه:انا كم مره قلت لج لاتفحين هالموضوع مابي اتكلم فيه
الهنوف:خلاص انزين خلاص لاتعصبين كملي اكلج
رناد:انسدت نفسي
الهنوف مسكت يدها:اسفه ولله خلاص مابفتح الموضوع انا بس خايفه عليج
رناد:لاتخافين
الهنوف:انزين اكلي هذاي من يدي
ابتسمت رناد و كملو اكل
---------------------------------------------------------------------------------------------
قامت رشد على صوت جوالها شافت المتصل تينا و ردت عليها ماكانت تفهم كلام تينا لانها كنت تصيح
رشد:تيينا اهدي خلييني افهم شتقوليين
تينا:خالد بالمستشفى
رشد:شننننو ليييش
تينا:حاادث
رشد:وحالته شلوون
تينا:مابعرررف
سكرت رشد من تينا وراحت ل شجون الي كانت ف غرفه تماضر
رشد:شجون ابوي سوى حادث
شجون و تماضر:شننننو
شجون قامت و لمت رشد:اهددي متى صار هاي
رشد:ماعرف تيان اتصلت و قالت لي
شجون:خلاص انتي جهزي اغراضج و بنروح له
رشد هزت راسها
شجون:رناد تدري
رشد:لا انا جيت قلت لج مارحت لها
شجون:روحي قولي لها
طلعت رشد و شجون راحت تهدي تماضر الي انهارت
جهزو اغراضهم و راحت رناد مع الهنوف بيتهم عشان تاخذ ثيابها
دشت بيتهم وكانو امها و عمامها فالصاله
الهنوف :السلام عليكم يمه تعالي ابيج شوي
ام الهنوف:وعليكم السلام وقامت معاها
الهنوف:يمه انا بسافر مع رناد ابوها سوا حادث
ام الهنوف:لاء
الهنوف :شنننننو!!!
ام الهنوف :عمامج جو كلمنوي وبياخذونا معاهم
الهنوف:ماابي اروح معاهم
ام الهنوف:مب على كيفج عاجبتج عيشه الفقر يعني
الهنوف:رناد مب مخليتنا نحتاج شي وهي محتاجتني وبروح معاها
ام الهنوف عطتها كف:انتي فكره ماعرف علاقتج فيها شنو انا قلت الي عندي و روحه معاها مافي والحيين تكلمينها وتنهين علاقتج فيها ولا بقول ل عمامج عشان يطلعون يبحونها من الضرب و يذبحونج
الهنوف قررت تنهي العلاقه ف رناد عشان مصلحه رناد ماتبيها تتأذى
اتصلت ل رناد
الهنوف:الو
رناد:يله تأخرتي ينطرونا فالمطار(طبعا كانو مسافرين ف طياره خاصه)
الهنوف:انا ماراح اجي
رناد:شنننننو لييش نوف مب وقت مزح يله
الهنوف:ما امزح انا مخطوبه حق ولد عمي و وافقت خلاص انسيني
رناد:................
الهنوف:الله يوفقج وسكرت
رناد راحت المطار و كانت منهاره و تصيح
رشد:رنااد شفييج ابوي صار فيه شي
رناد:هنووف خلتني يا رشد
رشد:رنااد مب وقته هنوف بدالها مليوون وحده هي الخسرانه بنشوف من بيصرف عليها الحين
رناد:..................
وصلت رنا بنت عمهم و راحو الطياره و بعد ساعات وصلو ل لبنان و كان السايق ف انتضارهم
راحو على طول المستشفى و طول الوقت يتصلون ل تينا وماترد وهاي الشي وترهم زياده اول ماوصلو المستشفى راحو يسألون عن ابوهم وقالو لهم انه من شوي طلع من العمليه و كان ف غيبوبه اما مرته ف جاها المخاض من الصدمه و سوو لها عمليه و جابت بنت قررو يروحون ل ابوهم بعدها يروحون ل تينا و هم ماشين طاحت رناد
و خذوها يسون لها فحوصات
ف غرفه تينا رشد كانت شاله اختها الصغيره الي سموها وضحى على امهم و تماضر كانت منسدحه عند تينا
رن تلفون شجون وكان ابوها
شجون:هلا يبه
ابو شجون:رنتج خارجيه انتي وين
شجون:ف لبنان يبه خالد سوى حادث و هو ف غيبوبه
ابو شجون:لا حول ولا قوة الا بالله خلاص انا راح اجي
شجون:لا يبه ماله داعي اذا قام راح اتصل لك وتجي
ابوشجون:اي صح كلامج المهم انا اتصلت اقولج ان اختج ملكتها بعد اسبوع
شجون:لييش !!
ابو شجون:وشو الي ليش جايها معرس وانا وافقت
شجون:وبدريه موافقه
ابوشجون:لا ماهي موافقه لاكن غصب بتاخذه
شجون:يبه انت شلون ماتاخذ رايي
ابوشجون:انا ماتوقعت يكون
قاطعته شجون:لا بيكون غير رايك شلون تزوجها واحد هي ماتبيه
ابوشجون:انا ابي لها الخير
شجون:خلاص بنتكلم فالموضوع بعدين باي و سكرت
اما رنا راحن مع رناد
الدكتور:انتي اختها؟
رنا:اي انا اختها
الدكتور:ااهاا تفضلي معاي
رنا:ليش فيها شي
الدكتور:اختج محتاجه تسوي عمليه العمليه مب ضوريه بس ممكن تغير حياتها للابد
رنا وهي مب فاهمه شي:يعني شنو
الدكتور:تفضلي معاي وانا بشرح لج كل شي
انــــــــــتــــــــهـــــــــــــــــــــــــــى البــــــــــــــــــــارت
تــوقــــعــــــاتكم
الـــبــــــــارت الــــرابـــــــــع عـــــــشـــــــــر والاخـــــــيــــــــــــر
قام خالد من الغيبوبه الي كان فيها وشاف بناته كلهم حوله بعدها اكتشف ان رناد مب موجوده حط لها الف عذر اول مره يفكر ف بناته ويحس انه اهملهم شاف رشد الي كانت مبتسمه بس لفت نضره ستايلها وشعرها وحتى تصرفاتها الي تثبت حق الي مايعرفها انها ولد مب بنت ونضراتها للنرس الي جات تاخذ ضغط دمه حس ان ولد يطالع بنت ولف على تماضر ارتاح لما شاف وجها الطفولي وهي تضحك له و تبوسه على راسه بس لفت نضره اكثر نضرات شجون الي يعتبرها بنته لها والسلسال الي لابسينه تماضر و شجون وتذكر يوم يدش االبيت ويشوف شجون مقربه منها على الطوفه قطع عليه تفكير صوت رشد
رشد:يبه صار لنا ساعه نكلمك وين رحت يبه
خالد:هلا بنتي معاج
تماضر:يبه ترى تينا جابت بنت و سمتها وضحى
شجون حطت يدها على كتف تماضر:تتربى ف عزك عمي
خالد حس انه وده يخنقها مايدري ليش تنرفز من حركتها:الحمدلله وتينا شخبارها
رشد:الحمدلله ماعليها شر
خالد:و رناد شخبارها
رشد نزلت راسها بس ماحبت تخوفه:الحمدلله تسلم عليك وتتحمد لك بالسلامه
خالد:و ليش ماجات معاكم
رشد:لا هي جات بس تعبت و رجعت البيت
فــ مــكــان ثــانــي فالـمستـشفى رناد كانت ساكته و تسمع كلام الدكتور وتحس انه ماي بارد ينصب عليها
الدكتور:انتي مابلغتي صح
رناد:.......................
الدكتور:من حقي اعرف قبل لا اشخص حالتج
رناد:لا
الدكتور:نسبه قليله من الناس تصير لهم هاذي الحاله لاكن فالاغلب تبين ف سن المراهقه يكون عندهم الآم انا مستغرب انج لحد الحين ماراجعتي الدكتور ولا سألتي وانتي فهالعمر المفروض يكون البلوغ من سن 14 او 15 وانتي عمرج 20
رناد:حتى خواتي تأخرو فالبلوغ
الدكتور:تأخرو فالبلوغ صح بس بلغو قبل ال20
رناد:.............................
الدكتور:انتي عندج الهرمونات الذكوريه اكثر من الانثويه ممكن انج تكملين حياتج اذا مرتاحه لهاوضع وممكن تسوين عمليه تغير جنس انا لاحضت لما اجريت الفحص عدم وجود اي معالم انثويه انتي تقدرين تفكرين فالموضوع وتختارين المناسب لج انا بحولج على دكتور نفسي راح يساعدج تعدين هالمرحله ويساعدج في اتخاذ قررارج
رناد بدت تصيح بعد ماطلع الدكتور ماتعرف ليش تصيح بالضبط قامت راحت الحمام وقفت جدام المنضره تشوف شكلها وجسمها هي من صغرها ماكانت مرتاحه وتحس انها مب بنت صحيح انا ماكنت مرتاحه بس بعد مابي اكون ولد!!!!! شلون مابي اكون ولد انا اصلا ولد واتصرف نفس الاولاد واتشبه فيهم غسلت وجها وطلعت ماعرفت شتسوي اتصلت على الهنوف جوالها مسكر اتصلت لـ رنا عشان تقولها الي صار
------------------------------------------------------------
فـ الــدوحـــه بـــدريـــه كـــانت واقفه قدام المنضره وتشوف شكلها بفستان العرس تحس انها ملكه جمال بس هالستايل مب لها شلون تعرس وهي بويه وميولها للبنات وبس قعدت تتأمل شكلها بالفستان هي ملتزمه بصلااتها وتقرى القرآن ليش تتشبه بل اولاد قررت تعيش حياتها الجدييده الي ماتدري شمخبيه لها صعب انها تهد ستايلها وتصرفاتها ف يوم وليله لاكنها مستعده تحاول و اعتبرتها مغامره بالنسبه لها انها تعيش حياه جديده عدلت فستانها وطلعت ل امها الي كانت تنتضرها برع غرف التبديل
ام بدريه:ماشالله عيني عليج بارده بدووور طالعه قممر
بدريه ابتسمت
ام بدريه:ماصدق بشوفج عروس
بدريه:يمه بس خلاص
ام بدريه:انشالله بس لاتبدلين نطري شوي بشوفج
بدريه:يمه شتشوفيين فيني الله يهداج معجبه فيني قالتها بمزح ودخلت غرفه التبديل اما ام بدريه استانست على بنتها وستايلها الجديد لامت نفسها لانها ماحاولت تغير ف بنتها قبل بس الحين خلاص بنتها بتتزوج وبترد انثى قطع تفكيرها صوت جواالها
ام بدريه:الو
ابو بدريه:انتو وين
ام بدريه:نختار حق بدريه فستان عرسها
ابو بدريه:خلاص انا قررت مازوجها
ام بدريه:شننو !! ليييش
ابوبدريه:شجون اختها مب راضيه
ام بدريه بصراخ:و شجوون شدخلها ف بنتي شدخلها ف زواج بنتي من طلب رضاها اصلا
ابوبدريه:هاذي اختها الكبيره
ام بدريه:شوف عاد انا بنتي بزوجها وانت و بنتك كييفكم مانتضر رضاككم انا
قطع عليها صوت بدريه:يمه قولي حق ابوي انا موافقه وبتزوج واذا مب عاجبها شجون تطق راسها ب اقرب طوفه هاذي حياتي وانا الي اقرر شسوي فيها و يكفيني انج راضيه يمه
ابتسمت ام بدريه وحست براحه سكرت من ابو بدريه وراحت لمت بنتها اما بدريه ماتدري ليش قالت هالكلام مع انها كانت تتمنى اختها تنقذها من هالزواج يمكن سوته عشان تعاند ابوها و اختها دايما تحس ان ابوها يحب شجون اكثر منها و قلدت اختها شجون بس لحد الحيين يحبها اكثر حست بقهر واتصلت على اختها شجون
شجون كانت قاعده فالمستشفى مع خالد و تماضر و شجون طلعت برع عشان ترد على اتصال بدريه
شجون:هلا بددووور لاتخافين انا كلمت ابوي وقلت له اني
قاطعتها بدريه:ااناا مايهمني رايج انا ابي اتزوج و بتزوج و لاتتدخلين ف حياااتي مره ثانيه
شجون:بدريه اهدي خل افهم شفيج
بدريه بصراخ:مافيني شي خلاص خليني اطلعي من حياااتي و سكرت
انصدمت شجون ماتعرف شالي غير اختها عليها هالقد دشت داخل الغرفه لاحضت تماضر ان ويه شجون متغير
شجون:انا برجع البيت تعبانه شوي
رشد:ومتى بترجعين
شجون:برجع بعد 4 ساعات عشان ترجعين البيت ترتاحين
خالد:ماله داعي خلاص رجعو كلكم ارتاحو
رشد:لا يبه مابنخليك بروحك
تماضر:اخذيني معاج شجون قامت باست راس ابوها وطلعت مع شجون
تماضر:حياتي شفييج
شجون:توتو بدريه بتتزوج و متصله تصارخ علي تقولي لا تتدخلين ف حياتي
تماضر:اهدي يمكن هي بس متضايقه انها بتتزوج خليها تهدي شوي وردي اتصلي لها وانا بكلمها معاج لاتشغلين بالج
شجون:انشالله
رنا:شجون تمااضر
لفو عليها شجون و تماضر
رنا:تعالو بقولكم شي
و قالت لهم عن سالفه رناد
نرجع ل خالد و رشد الي كان الصممت مالي المكان عندهم كان خالد يشووف قعده بنته شلون قاعده كانها صبي
رشد:شفيك يبه
خالد:عدلي قعدتج
رشد:!!!!!
خالد:بسألج سؤال وردي علي بدون لف و دوران
رشد خافت:امر يبه
خالد:شوفي نفسج تشوفين شكلج شكل بنت
رشد:................
خالد:رشد انا واثق فيكم لاتخلوني ارويكم الويه الثاني مستعد ازوج كل وحده فيكم والحين بعد
رشد:................................
خالد:انتي تحسبيني ماشفت نضراتتج حق الممرضه الي دشت كنتي بتاكلينها بعينج رشد اعقلي مهما سويتي انتي بنت اليوم انا عندكم بكره يمكن الله ياخذ امانته وبيحاسبني انا على تصرفاتج القذره الي تتصرفينها انا يوصلني كل شي كنتي تسوينه وكنت اسكت عشان عندي امل انج تتعدلين وتنسين هالخرابيط بس الحين انا الي بنسيج بطريقتي ومافي الا الزواج عشان تتذكرين انوثتج
رشد تحس كلام ابوها كان :لا يبه مابي اتزوج
خالد:مب على كيفج
رشد:يبه انا بنت
خالد:والدلييل نضرتج حق الممرضه
رششد حست بالاحراج ماتوقعت بتمر فهالموقف مع ابوها:يبه انا بحاول اغير من نفسي بس ارجوك الا سالفه الزواج
خالد:بفكر
بعد صمت
خالد:وتماضر شسالفتها مع رفيجتج
رشد حست ان حد عطاها كف:شسالفتهم
خالد:الحين انا اسألج تردين تسأليني
رشد:يبه عادي رفيجتها مثل ماهي رفيجتي وبعدين شجون متربيه معانا وانت تعرفها عدل
خالد:حتى انتي تربيتي واعرفج عدل وشوفي حالج
رشد انحرجت من كلام ابوها
خالد:انا مابي الا مصلحتكم وتماضر انا بنفسي بكلمها وبسألها عن علاقتها مع شجون
رشد:لا يبه لاتكلمها صدقني يبه ماقص عليك عادي تماضر نفس اختها الصغيره وهي الوحيده الي طلعتها من حاله الكئابه الي كانت فيها لما امي توفت
خالد بدى يقتنع ب كلام رشد:خلاص سكري الموضوع رناد وين ليش للحين ماجات
رشد:اي يبه انا كنت ابي اكلمك ف موضوع رناد بس ماعرف من وين ابدى
خالد:تكلمي شفيها بعد رناد
قالت له رشد السالفه
خالد:يعني اختج طول هالفتره ولد!!!
رشد:يبه هي الهرمونات الذكوريه زايده عندها والدكتتور خيرها واحين القرار فيدها
خالد:وانا مافكرت تستشيرني تشوفني راضي ولا لاء
رشد:يبه هاذي حياتهها والحين هي اكيد نفسيتها زفت محتاجه تفكرر بروحها وتاخذ قررارها لا تضغط عليها هي محتاجتنا حولها الحيين
خالد كان يحس ان هذا حلم بس مب قادر يقوم منه طول عمره يتمنى ان يكون عنده ولد يشيل اسمه بس بعد يحب بناته ويحب شخصية كل وحده فيهم ماتخيل ان رناد ممكن تكون ولد او تصير ولد
--------------------------------------------------------------
كانت تحاول تتصل ب رناد لاكن للاسف رناد ماترد هي تعرف رناد عدل وتعرف انها مستحيل ترد على ارقام ماتعرفها تمنت انها ترد بس تبي تسمع صوتها بعد مايأست طلعت لـ امها الي كانت قاعده فالصاله
الهنوف :يمه
ام الهنوف:...................
الهنوف:يمه اكلمج ردي علي
ام الهنوف:خير شعندج
الهنوف:يمه خلاص انا بقطع علاقتي ب رناد و ببتعد عنها بس مابي اتزوج ولد عمي يمه ماحبه
ام الهنوف:بتحبينه مع الايام
الهنوف:يمه افهميني ولله مابييه لاتزوجييني غصب يمه انتي ماتهمج راححتي انا مابرتاح معاه
ام الهنوف حنت على بنتها:يا يمه انا مابيج تغلطين مع رناد تراها بتضيعج محد يحبج كثري انا ومحد بيخاف عليج كثري خلاص انا بقولهم ان احنا مب راضين وتذكري انج وعدتيني ماتكلمينها
الهنوف:انشالله بس من بيصرف علينا عمي اكيد بيعصب
ام الهنوف:ربج يحلها انا بكلم اختج ريلها عنده ملاين خل تساعدنا بشي بسيط
الهنوف:لا مانبي فلوسه خلاص انا بشتغل
ام الهنوف:والجامعه
الهنوف:بهد الجامعه
ام الهنوف:لا يمه كملي دراستج
الهنوف:يمه بسألج شلون عمي غني وايد واحنا فقارى
ام الهنوف:الله يزييده
الهنوف:يمه من صجي
ام الهنوف:يايمه انا لما توفى ابوج عمج قالي اسوي له توكيل وبعد ماوقعت على التوكيل ندمت كثر شعر راسي انا كنت ماعرف شي وهو وقعني على اوراق و كل حلال ابوج صار له وخلا لنا البيت بس ولما كنت اروح اقوله عن الفلوس يقولي مالج شي عندي
الهنوف:يمه وسكتي له
ام الهنوف :شسوي يابنتي
الهنوف قامت وكلمت اختها وقالت لها عن السالفه
عبير:انتي متأكده
الهنوف:اي تووها امي تقولي
عبير:خلاص انا بكلم زوجي وبخليه يتصرف
الهنوف:امممممم اوكي
----------------------------------------------------------------------------
قامت من النوم تحس جسمها كله يعورها راسها يدور وتشم ريحه البنج ف كل مكان حاولت تقوم من على السرير انتبهت على اختها رشد الي كانت نايمه على الكرسي و رنا الي تلعب ف جوالها راحت الحمام سمعت رنا تناديها بس طنشتها وقفت جدام المنضره تشوف شكلها مافي شي تغير بس تحس براحه خذت الموس وبدت تحلق وجها عشان ينبت لها لحيه و شنب اول مره تحس انها مستانسه ومرتاحه طلعت من الحمام
رنا:رناد
رناد:هلا
رنا انصدمت من صوت رناد الي صار خشن شوي
رنا بمزح:ايوووه يا رجااال مانقدر على الصوت
رناد ابتسمت ابتسامه خفيفه لانها هي بعدت انصدمت من صوتها
رنا قامت وقعدت جمب رناد :ماقلتي لي اقصد ماقلت لي شبتسمي نفسك
رناد رجعت فيها الذاكره لما كانو هي و الهنوف يتمشون فالجامعه
الهنوف:قولي لي شتحبين من اسامي الاولاد
رناد:ولاشي
الهنوف:يلا عااد بلا سخاافه قولي سؤال عادي انا ماقلت لج تزوجيه
رناد:هههههه اممممم خالد لان اسم ابوي
الهنوف:انزين يله سأليني انا شحب
رناد:غصب مابي اعرف
الهنوف:بلا سخافه يله
رناد:انزيين شتحبين يا انسه نوفه
الهنوف:هههههههه احب امممممممم فهد
رناد:ليش
الهنوف:ماادري احسه اسم رجولي و احس كل واحد اسمه فهد حلو و شهم و وسيم
رناد:بس بس
الهنوف:هههههه تغارين
رناد:لا لان ادري تحبيين اسم رناد اكثر
الهنوف:هههههه اكيييد
ضحكت رناد على الموقف وانتبهت على رنا الي تضربها
رنا:وين رحتي صار لي ساعه اتكلم
رناد:معاج بس تذكرت شي
رنا:ماعرف اكلمج على انج ولد اسمحي لي يبيلي وقت
رناد:ههه اخذي راحتج
رنا:انزين ماقلتي لي اي اسم اخترتي
رناد:فهد
رنا:ياسلااااااااااام بيصير عندي ولد عم اسمه فهد
رناد:هههههه
رنا:ليش فهد
رناد:لان احس ان اسم رجولي
رنا ضربتها على كتفها:ايوه يا رجوله
رناد:اعقلي الحين اانا مب بنت عمج ماينفع تسوين هالحركات معاي
رنا:خففي علي عادي انا متعوده عليج وبعدين احنا اخوان
قامت رشد على صوتهم
رشد:الحمدلله على السلامه
رناد:الله يسلمج
وفهاللحضه دشو تماضر و شجون وراحت تماضر وقعدت جمب رناد
تماضر:اخووووي
رناد:هههه نعم
تماضر:وااي ولله وناسه عندنا ولد فالبيت
رناد:متى بيطلعوني
شجون:توني كلمت الدكتور قالي متى مابغيتي تقدرين تطلعين بس لازم تراجعينهم
رناد:خلاص انا بطلع الحين
رشد:مب تعباانه
رناد:لا ابي اطلع
رنا:خلاص انا بروح اخلص اوراقها
-------------------------------------------------------------------------
اليوم عرسها تمنت ربعها يكونون موجوديين بس اهي اصرت ان يكون العرس عائلي شافت نفسها فالمنضره كانت ملكه جمال مع الميك اب و التسريحه فصخت فستانها ومسحت الميك اب وخذت لها شور سريع لبست برمودا اسود و بولو ابيض وطلعت حق ريلها الي انصدم لما شافها تمشي بمشيتها و تقعد بهالقعده حس انها دخلت انسانه وطلعت انسانه ثانيه
بدريه خشنت صوتها :شفييك تطالعني شنو في شي
راشد:في اشياء مب شي شسويتي ف نفسج انتي
بدريه:شسويت ماسويت شي
راشد:انا احس اني قاعد مع واحد من ربعي مب مع زوجتي
بدريه:وشالمطلوب مني
راشد:تكلمي معاي عدل احسن لج
بدريه:كلامي مافيه شي
راشد عطاها كف طيحها من طولها
بدريه:تمد يدك على بنت لانك مب رياال يا حق******
راشد سحبها من يدها و وقفها جدام المنضره:بنننت وين البنت شوفي نفسج فالمنضره هاي شكل وحده بنت ولا وفي يوم زواجها المفروض انا ادخل عليج وانتي بهالمنضر
بدريه بدت تصيح:مب عاجبك هدني طلقني من قال اني ابيك اصلا
راشد:عاد انا ابيج
و...............................................
قامت الصبح ماتبي تتذكر الي صار امس قامت خذت لها شور ولبست جينز و بلوزه بيضا رسميه طلعت من الحمام شافها راشد بس لفت عنه
راشد:مهما تلبسين بتضلين بنت
بدريه:ماقلت غير هالكلام
راشد:انسي حياتج الي كنتي عايشتها وافتحي صفحه جديده يابنت انا ابيج
بدريه ابتسمت ابتسامه بسيطه وراحت قعدت جمب راشد
------------------------------------------------------------
فالمستشفى دشت رناد او فهد على ابوها وكان شكلها متغير واااجد شعرها بوي و موقفته بل جل
ومسويه قفل ف وجها و كان مرتب على وجها الي يشوفها مايشك انها كانت بنت ف يوم من الايام
فهد:الحمدلله على السلامه يبه اسمح لي ماقدرت اجيك من المستشفى
خالد:الله يسلمك تعالي اقصد تعال جمبي
فهد:ههههه
خالد:زين ان كلكم مجتمعين هني انا ابي اكلمكم ف موضوع انا بدش ف تجاره مع واحد و هو ريال زين وهو طلب وحده من بناتي حق ولده وطبعا رشد اكبر منه ف مايصير ف انا قلت تماضر و وافقت
فهد لف على تماضر و شجون:يبه يمكن تماضر ماتبي
خالد:انا عطيت الريال كلمه
تماضر بدت تصيح:يبه انا توني صغيره مااابي
خالد:مب صغيره
تماضر قامت طلعت برع وطلعت وراها شجون
فهد:و الولد سألتو عنه
خالد:اي انا سألت عنه و هو زين ماعليه كلام
فهد:خلاص انا بقنع تماضر
اما رشد ف كانت ساكته لانها خافت تكون هي مكان تماضر
برع الغرفه تماضر كانت تصيح ولامه شجون
شجون:خلاص هدي
تماضر:ماااابيه
شجون:مب صاير الا كل خير انا مابخليج بوقف معاج بس مب ك حبييبتج بوقف معاج ك اختج و رفييجتج الي مستحييل تتخلى عنج
-------------------------------------------------------------------------
بعد مرور سنه على ابطال روايتي
فهد كان يمشي في لندن فالهايد بارك بعد ماقرر انه يكمل دراسته ف لندن كان قاعد على الكرسي و يتأمل الناس و يتذكر نوف الي ماراحت عن باله ولا لحضه بس دايما يقول انها تزوجت ويحاول يلهي نفسه بأي شي عشان ينسى نوف
في مكان اخر ف مدينه الضباب كانت تتمشى مع اختها و بنت اختها فالهايد بارك بعد مارفعو قضيه على عمهم وكسبوها ورد لهم حلال ابوهم صارت الهنوف كل سنه تروح لندن مع امها واختها عشان يغيرون جو كانت تلعب مع بنت اتها هيا الي صار عمرها سنه بالكوره وضربت الكوره و واحد كان قاعد على الكرسي
قام فهد بنرفزه لما ضربته الكوره لاكن انتبه انها بنت صغيره ماتتعدى السنه شلها وباسها يحس انه يعرفها ذكرته بحبه الاول الهنووف كان فييها شبه كبيير من الهنووف عقب انتبه للبنت الي جاييه من بعيييد كاانت الهنووف تمنى ان ماتطلع الهنوف لان هاذي اكيد بنتها
الهنوف:سوري
فهد ابتسم و سرح ف ملامح وجها
الهنوف حست انها تعرف هالوجه صح يشبه رناد بس فيه لحيه و شنب و رناد ماعندها اخوان
فهد:الهنوف
الهنوف:................
فهد:الهنوف ماعرفتيني
الهنوف:رناااد
فهد ابتسم:فهد
الهنوف:شلوون و متتتى
فهد:ماينفع الكلام ولا السؤال الحيين مبروك على البنوته الحلوه تتربى ف عزج
الهنوف:رناد هاذي مب بنتي هاذي هيا شفيج نسيتيها مثل مانسيتيني
فهد:انا فهد مب رناد وانا مانسيتج انتي الي نسيتيني وخليتيني لما كنت صج محتاج لج
الهنوف:ولله مب بيدي تعال اقعد خل افهمك شصار
و قعدوو مع بعض وقالو الي صار لهم بالتفصييل
الهنوف:وانت مرتاح الحين
فهد:واايد
الهنوف:الحمدلله هاي اهم شي انك مرتاح
فهد:الهنوف
الهنوف:لبيه
فهد:انا ابي اخطبج ااذذا موافقه يعني
الهنوف خدودها صارت حمرا :.....................
فهد:يعني مستحيه مني
الهنوف:....................
فهد:اصلا غصبن عنج موافقه
الهنوف:ههههههه
-------------------------------------------------------------------------------
تماضر كانت تمشى مع شجون ف محل ديور قسم الاطفال
تماضر:شووفي هاي حلو
شجون وهي تكتب مسج فالموبايل:اي حلو
تماضر:انتي حتى ماشفتي انا شخذت ايي لاهيه مع الحب
شجون:ههههههه شدخخل
تماضر:ايي اي شدخل 24 ساعه تكلمينه
شجون:هههههه
تماضر:مرتاحه معاه
شجون:واايد انا من عرفته وانا متغيره حسسني بأنوثتي وهو الوحييد الي فاهمني
تماضر:الله يهنييكم انشالله
شجون:امين
تماضر:اف ماقدر انطر متى تتزوجون وتجين عندي البيت تمللت من القعده بروحي
شجون:من قالج اني ابي اعيش معاج
تماضر:يحصل لج تعيشين معاي اصلا انتي ودج
شجون:ههههههههههه دام اني بكون مع سعود راضيه اعيش ف اي مكان
تماضر:فدييت اخو ريلي
شجون:تفدي ريلج مالج خص ف خيطيبي
تماضر:شوفي بطني واايد كبيير مابطلع حلوه ف عرسج
شجون:شقالو لج ولد ولا بنت
تماضر :مابقووول مفاجأه
شجون:انا حاسه ان بنت و بتسميينها شجون
تماضر:هههههههههههه يمكن
-----------------------------------------------------------------
وافقت الهنوف على فهد و هم يجهزون حق عرسهم واما بالنسبه ل ام الهنوف ماتقبلت الموضوع فالبدايه بس وافقت لانها شافت ان بنتها مرتاحه و تبي فهد
-------------------------------------------------------------------
رشد تغيرت بس مب تغير كلي محد يتغير ف يوم و ليله بس هدت سوالف البنات وركزت ف دراستها و مشغوله مع اعز صديقاتها شجون ف تجهيزات زواجها
--------------------------------------------------------------------
تماضر فالشهر ال 8 ومرتاحه ف زواجها قررت اول بنت تسميها رشد على اختها الكبيره وفرحانه لانها خطبت شجون حق اخو ريلها وفرحانه لان علاقتها ف شجون مانتهت وهم الحين ربع و اقرب من اول
---------------------------------------------------------------------
رنا حبت دكتور رناد وخطبها اكثر من مره لاكن ابوها ماوافق لانه مب قطري لاكن عرفت رنا تقنع ابوها و وعدها انه يفكر ف موضوعهم
---------------------------------------------------------------------------
بدريه للحيين على ستايلها السبورت لاكن في اشيا وايد تغيرت ف حياتها مثل ولدها الاول الي طايره فييه و زوجها الي حبته من كل قلبها و محد يفهمها فالدنيا كثره وستايل لبسها ستايل لا اكثر ولا اقل لاكن ف نفس الوقت تلبس فساتين
تمت بحمدالله
تجميع ورد الجوري
اللهم لك الحمد حتى ترضى وإذا رضيت وبعد الرضى ,,, اضف تعليقك