رواية الا فراقك -18
طلعت ...
بندر- نيرس...اخبارها...
الممرضة- مو اختصاصي...
بندر على وجهه علامة تعجب - طيب وشوله دخلتي...
الممرضة مرتبكه- اخطيت بالغرفة...
تركته وراحت...
بندر فتح الباب ودخل...شافها ونزل عيونه وقال- ليش تدهورت حالتها كذا فجأة...اكيد صاير شي...بس الله يستر...
سمع شهقات خفيفه قرب منها كانت تصيح وهي نايمه...
بندر- بسم الله عليك....امل...امل...اصحي انتي تحلمين...
فتحت عيونها ...وشافته ,,,زاد صياحها...
بندر- امل واللي يرضى لي عليك...انا سويت لك شيء ...فيه احد ضايقك؟؟ قولي تكلمي ...ليش كذا...وش اللي قلب حالك ...لو اخطيت اعدل خطاي...بس ما اشوفك متضايقه...
امل- بندر ..انا مالي ذنب..
شهقت بقوة ...وقال- بايش مالك ذنب...قولي...خالي سوى لك شيء...
مسك يدها وقال- وربي لا اذبح اللي مضايقك بس لا تتضايقين...انا ان شفتك متضايقة والله اتضايق ...ابيك تضحكين ...بس لا يضيق خلقك..
انفتح الباب...التفت بندر للباب ...كانت تطالع يده ويدها ..
امل شهقت وزاد صياحها اقوى ...جلست وارجعت على ورى وحطت راسها على يد بندر وهي تصيح...
بندر استغرب...
فايزة- البزر هذي حبيبتك؟؟...شف بالله كيف تصيح..
امل صرخت- اطلعي ...ما ابي اشوفك...بندر طلعها....ما ابي اشوفها..
تمسكت بيد بندر بقوة بندر يطالع فايزة وقال- اطلعي ...
فايزة- والله المستشفى مو للبزر هذي...
بندر- قلت اطلعي..
حط يده على كتف امل وقال- هي وش سوت لك..
امل- بندر تكفى ما ابي اشوفها ..تكفى بندر...
بندر - خلاص اطلعها ...
قرب من فايزة وفتح الباب ...وقال- اخلصي علي...اطلعي...
فايزة- لا ...
بندر- احترمتك اكثر من الازم...الحين مافيه احترام ولا بقى شيء عشان احترمك عليه .....
صرخ بوجهها وقال- انقلعي.....
فايزة تجمعت دموعها بعيونها وقالت- زين....تطردني لعيون البزارين...
بندر- لعيون الغلا ...اطلعي...
طلعت وهي معصبه....
بندر سكر الباب ومسك راسه ...ويسمع صوت امل وهي تشاهق ...
بندر- امول...عشان خاطري...قولي ...وش فيك...
امل- ما ...فيــ....فيني ....شــــ.....شــ...شيء...
بندر- كل هذا ومافيك شيء....
دخل الدكتورة وقالت- السلام عليكم....لا ما شاء الله بخير...انت اخوها...
بندر- ايه ...
الدكتورة- تعال معي ...
امل- لا ....بندر ...بتجي ...
بندر- عند الباب ما راح اروح...
طلع مع الدكتورة
الدكتورة- نفسيتها متغيره صح؟؟
بندر- ايه ...كذا فجأة قلبت علينا...
الدكتورة- فيه شي مضايقها ...واعتقد انها ما اكلت اليوم كله ....لازم تاكل والنفسيه تتعدل...
بندر- بس مو راضيه تعلمني وش مضايقها ...
الدكتورة- اعرضها على دكتور نفسي..
بندر- لا مو بحاجة ...
الدكتورة- يعني تبي تجيبها لنا كل يوم...
بندر - الله لا يقوله...طيب ...بشوف...
الدكتورة- ان شاء الله مايصير من الاهل حرمان من اي شيء...
بندر- لا ما حرمــ....
الدكتورة- قلت ان شاء الله...بعطيك الادويه ...
بندر- طيب...
عطته الوصفه...
بندر- دكتوره ...بروح اجيب الادويه ...ياليت تجلسين عندها ...بس دقايق...
الدكتورة- من عيوني...
دخلت عند امل...راح بندر لصيدليه..
................
امل تطالع الباب تنتظره يدخله ...مادخل...
الدكتورة- لا تخافي ...بيشتري الدواء ويرجع..
امل-هاه ....ليش....طيب...هو قال..
الدكتورة- اهدي اهدي...اخوك مابيطول..
امل- طيب...
سكتت ..
الدكتورة- تعرفي ليش انتي هنا؟؟
امل- هاه...ايه...اغمى علي...
الدكتورة- طيب ليش اغمى عليك؟؟
امل- ما ادري..
الدكتورة- انتي تواجهين شيء...نفسيتك متغيره صح؟؟
امل سكتت ...
الدكتورة- ممكن اخوك يساعدك...خبريه باللي متضايقه منه
امل- بس خايفه اعترف له..
الدكتورة- انتي سويتي خطأ؟؟
امل- لالا ...ابدا...لكن خايفه ...
الدكتورة- دامك ماسويتي خطأ قولي له...اذا تبيني اساعدك مستعده..
امل- مشكورة...
الدكتورة-لازم مايصير بينك وبين اخوك حاجز..هو قال لي انها هي مو راضيه تكلم...
امل- انا خايفه من العواقب...خايفه عليه...
الدكتورة- الله يحفظة لك...ممكن دقيقة بطلع وارجع...
امل- خوذي راحتك..
طلعت الدكتورة...دخلت فايزة ...كانت دوبها ماسحه دموعها ....قربت من امل...
امل ماقدرت تحرك ..تصارخ...تسوي اي شيء...
فايزة- اصلا انتي ماتستحقين بندر...بندر المفروض مايحب وحده كبر اخته...او اصغر...انتي جيتك غلط..لان وجودك بالحياة غلط...
امل- ابعدي عني..
فايزة- وصورتك....بتوصل بندر...وراح تشوفين نفسك مو لحالك....
امل نزلت دموعها وقالت- ابعدي عني..
صرخت وهي تصيح وتقول- بنــــــــــــــدر...بندر..
دخلت الدكتورة وقالت- فايزة...ايش تسوي هنا...اخرجي ...
فايزة- انا اذا قلت كلمة بنفذها...
اتجهت للباب ...وقفت وهي تطالع ببندر...كان واقف يطالعها باستحقار ...قال- ناس ماعندهم كرامه...
فايزة- انا يا بندر ماعندي كرامه...عشان هذي ..لكن انا فايزة...راح تشوف شي مايعجبك...لا انت ولا هذي...اكثر من مرة جرحتني....
طلعت دموع فايزة...
وقالت- و...ومع ذلك...اقول انااحبه...لو جرحني....ومستحيل اني اكرهك...
طلعت من جنبه ...اتجه بندر لامل وقال- اسف ..
امل زاد صياحها وقالت- قلت لي ما راح اروح...ليش تكذب...
بندر- اسف...يالله بنطلع...
الدكتورة- الله معكم....لاتنسي يا أمل اللي قلت لك عليه...
امل- شكرا ...
بالسيارة ...
كانت جنبه...
بندر- اموول..مصره ماتقولين شيء....انا الحين عرفت ان فايزة هي السبب ...يعني ما اتوقع انه لسبب سخيف يصير لك كذا ...يعني ..اللي صار بالسوق...مو مخليك كذا...ولا انها تتصل فيني بيخليك كذا...هي ضرتك...؟؟
امل ماتكلمت ...
بندر- يالغلا والله ما احب اشوفك كذا...
امل- ما فيني شيء..
بندر اخذ نفس وهو يرجع شعره على ورى ...التفت لها وقال وهو معصب- انا مانمت من الساعة ثلاث ...وكله افكر فيك...وش اللي مزعلها...جلست بالمستشفى ساعتين عشان راحتك..ليش ماتبيني ادور على ضحكتك وناستك..
كانت تطالعه وهي مستغربه منه...
بندر- ان كان السبب فايزة ...قولي وش سوت....تبيني اذبحها ذبحتا...تبيني اضربها ضربتها ولا همني احد...لكن لا تكدرن خاطرك واتكدر معك..
امل نزلت عيونها
اخذ نفس قوي وطلعه ...وقال- على راحتك...لكن انا وين بلقى لي راحه وانتي كذا ...
وصلوا عند البيت ...نزل وفتحت الباب ..ونزلت ...اخذت الادويه وقالت- بندر...
طالعها...قالت- انا اسفه ...لكن ....خايفه اعلم احد...اخاف يصير لك شيء...انا ما ابي افقدك ...ولا افقد خالد...
رجعت تصيح وتقول- احرم نفسي منك ...ليش..اسكت احسن من اني ما اشوفك...
دخلت للبيت ...بندر يطالعها وهو مو فاهم شيء...طالع الساعه تسع ونص ...
قفل السيارة ودخل...
.....................
الساعة 11 ونص ...كانت مستنده على مخدة سريرها وهي تصيح ....تمسح دموعها تطلع غيرها...
امل بنفسها((وربي مالي ذنب...اخاف اعلمك يابندر ...واذا عصبت ..يمكن تضربها ...تذبحها...ويمسكونك الشرطة وانحرم منك ليش؟؟...واذا قلت لخالد....))
تذكرت لما طلعت من المستشفى ..كيف خالد عامل خالها لانه عصب...
امل- لا لا خالد عصبي مرة...احسن اسكت ولا اضر بندروخالد انا اخاف عليهم .....لو يصير عليهم شيء ماسامحت نفسي
سمعت صوت الباب بينفتح اتسطحت وغطت نفسها على انها نايمه
دخلت امها وطالعت البنات وطلعت وسكرت الباب سمعت صوت بندر قامت وقالت - مانام
طلعت بندرشافها طير عيونه قال-مانمتي
ابتسمت له ....
((بندر.))
لو اقدر اصف لكم لحظة بسمتها لي ....كان طولت عليكم ...حسيت اني اطيـــــــــــــــــــــــــــر من الفرحة....ودي امسكها وادور فيها بالهواء ....ودي ابوس راسها على هالبسمة ...اللي ماشفتها يوم كامل ...لكن قدامها ماقدرت اتحرك ...اشوفها تبتسم وجايه لجهتي ....انا مو مستوعب اني
الى الان واقف المفروض اطيح ...لان رجلي مو قادرة تشيلني....يالله يا أمل لهدرجة حرمتيني من ابتسامه بسيطة ....
قالت لي- بندر...ليش مانمت؟؟
قلت لها- وانا اقدر انام وغلاي متضايق ...
((امل))
لحظة لحظة....انا مت الحين او لا....لا الحمد لله اشوفه قدامي...يعني ما مت ...قال لي غلاي ...انا غلاه...ليتني اقول له انا احبك...وخلاص ...هو يحبني ...وكلام السافله الحيوانه اثبت لي....وش ابي اكثر من كذا ....
بندر غلاي انا يحبني....بندر حبيبي يحبني...
..............
بندر- ليش ما نمتي يالغلا....
امل نزلت عيونها وقالت- ما قدرت انام..
بندر- شافتك امي؟؟
امل-لا...
بندر- طيب ..
سكت وقال بقلبه- دامها ابتسمت ما راح اسألها عن اللي ضايقها...
بندر- ننزل لها؟؟
امل- لا صعبه...لان ام عبد العزيز اكيد صاحيه ...
بندر- اها...طيب ننزل نفطر...لازم تاكلين شيء....اكلتي الادويه؟؟
امل- لا ...
بندر مسكها مع اذنها بخفيف وقال- تبين يغمى عليك عشان اروح وانتظر بالمستشفى ساعتين ...وانا كل وقتي بالمستشفى ...وكل راحتي تبينها بالمستشفى...يالله اخذت اجازة وكله منك...
امل- وانا ايش دخلني...
تركهاوقال- ومين اللي من الصبح مانام...اصلا ليش مانمت من الصبح ...مو عشانك...
ابتسم لها...ابتسمت وقالت- الله لايحرمني منك...
بندر- ان شاء الله ...امشي ننزل ونفطر...
امل بدلع- ياللا...
بندر يقلد دلعها- يللا ...سنتناول الافطار...
ضحكت امل بقوة جلس يطالعها وهو مبتسم ...وقال- ايه تكفين ابيك كذا دايم ...
امل- ان شاء الله ...
.....................
الساعة ثمان العشاء...
فتحت عيونها وقامت بسرعة ...طالعت الساعه ...نطت من سريرها وقالت- يوووه ما صليت....اووووف غريبه ما احد قومني...
دخلت الحمام......
بعد نص ساعة...وما اخرها الا جمعها لصلوات اطلعت ....كانت مها ومنى بالصالة
قالت- السلام عليكم
مها ومنى- وعليكم السلام ...
امل- مو معقوله انتم...ليش ما قومتوني ...
مها- لان بندر قال لا تصحونها خلوها تنام...
امل- وبندر يتحمل ذنبي...آآآآه الله يهديه ...
سارة تصعد الدرج وهي تقول- والله لو تموت ما اجيبه لك...امل!!!....ليش ما تأخرتي اكثر...
امل- انتم ماقومتوني...
سارة- بندر هدد اللي يقومك...تراه يبي لابتوبه ...وانا مو فاضيه انزله...
امل- بروح اتهاوش معه....باخذ لابتوبه..
دخلت غرفته ...هي قليل ما تدخلها ...طالعتها ...يووووه حوسه ...ابتسمت وقالت- وش عندي ...ارتبها...
رفعت اللي على السرير كلها....امسكت المفرش وطيرته على فوق ..وطارن منه اغراض كثيره ...طاحت صورة..عدلت المفرش ورتبت السرير..وانزلت لصورة ...رفعتها ..وابتسمت ...كانت صورته هو وهي معه...كان ضمها وعمره 13 سنه تقريبا ...كانت هذي اخر ضمه ضمها ...
لان ابوه قاله خلاص ...الى هنا وبس.....
قربت الصورة وباست بندر ...وقالت- لو ارجع لورى ...شوي...قلت لك ...انا اذا كبرت احبك....ياويلك ما تحبني...خلاص هو يحبني ...بس هو يدري اني احبه...
ضمت الصورة ...ورفعتها ...رتبت الباقي...
واخذت شنطة الابتوب ونزلت فيه....كانت واقفه عند باب قسم الرجال...فتحت الباب ...والمغاسل على جنب...كان عبد الله يتوضى بيروح يصلي...التفتت والتفت..جلس يطالعها ارجعت هي بسرعة ..
عبدالله رفع حواجبه وقال- اوووف ...ماشاء الله ...ناوي اعطيها عين..من هذي؟؟
خلص وضؤه وطلع...
سمعت صوت الباب انفتح ...طلعت تمشي شوي شوي..دخلت قسم الرجال..دخلت المجلس...ونزلت الابتوب..
- وش تسوين..
نطت من الهبله...والتفتت ..
وقالت- اووووه عم...وربي هبلت فيني...ظنيتك واحد من العيال...
قربت منه وباست راسه ...
عمها- اخبارك...وينك ما نشوفك...
امل- داخل...بس والله وقتي كله نوم....
عمها - والصلاه؟؟
امل- الله يرحمنا...
عمها- انا تأخرت عن الصلاه...
اخذ شماغه وطلع ..
..................
كانت متسطحه على سريرها...وماسكه جوالها وتطالع بالصورة ...
قالت- والله ما ادري وشلون يحبها...وع ..مو حلوة...صدق انه اعمى...جلست وقالت- اخذ اجازة لانها تعبانه ...طيب يا بندر...انا بخليك تكره وحده اسمها امل...
دقت عليه....
..............
كان جالس ومستند على ورى والابتوب على رجوله ....دق جواله ...ما طالع الرقم رد وهو يطالع اشاشة الابتوب...
بندر- الو....
ما احد تكلم قال- الووو ..
فايزة ونبرة صوتها كانها تصيح- ليش يابندر تعاملني كــ...
سكر بوجهها...
كل اللي بالمجلس التفتوا له...
بندر طالعهم وكامل شغله على الابتوب...
............
فايزة- مو معقوله هذا....البزر هذي ساحرته ....اووووف.....طيب...
دقت على صديقتها.....ردت
صديقتها- هلا فايزة؟؟
فايزة- معك رقم الممرض حسين...
صديقتها اسمها ندى ....
ندى- حسين اللي مع ...بندر؟؟
فايزة- ايه..
ندى- دقيقه...اممممم بدور عليه ...ما ادري هو عندي او لا...
فايزة- اخلصي.....
ندى- ايه ايه...خوذي.....
..............
بندر كان فاتح الايميل ...ويتصفح النت...طلعت له اضافه هذا الشخص...
بندر ماعمره قرا هذا الاميل... اضافه...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك