رواية الا فراقك -19
بندر كان فاتح الايميل ...ويتصفح النت...طلعت له اضافه هذا الشخص...
بندر ماعمره قرا هذا الاميل... اضافه...
F-b- السلام عليكم...
بندر- وعليكم السلام..
F-b- بندر؟؟
بندر- ايه سم...بس من معي ...
F-b-مو لازم تعرف بس بتأكد من الاميل باي...
بندر- تعال ..من انت...
F-b- مو لازم ...
تم تسجيل خروج f-b
بندر وعليه علامة تعجب ...ما اهتم وكمل...
....................
عبد الله كان يمشي بالشارع ....وصل لاخر الحي...لقى ثلاث سيارات ...رايحات فيها من كثر مافحطوا فيهن ..واقفين حول السيارات خمس شباب ...واصوات الاغاني واصله اخر الحي...
عبد الله وقف يطالعهم...عرف انهم لتفحيط وغيره ...
عبدالله- لالا ...لو امسكتن الشرطة معــــ.....
واحد من الشباب - هلا وغلا....شكلك من طقتنا..
عبد الله- لا ...مو من الرياض...
نط واحد من فوق السيارة وقال- قصيمي؟؟ واضح من خشتك...
عبدالله- هههه ..ايه..قصيمي...
قال الثالث- هلا والله ...شكلك من المهجولين بالقصيم...
عبد الله- لا والله ...مو بذاك الزود...احب الهجوله بس ...
قرب منه القائد اللي شكله مجرم وطقه مع الظهره وقال- نعلمك يا ابو خلي...
عبد الله كان خايف وقال - لا لا ...حنا بنمشي بكرة للقصيم...
قال- جرب..اليوم وبس...
عبد الله يطالع فيهم...اشكالهم اجرام.....ما ارتاح ابد ...
عبد الله- لا لا ما اقدر..ابوي ما يسمح...
قال-ايـــــه انت من اللي ابوانهم يضربونهم..
ضحكوا كل الشله ..عبد الله عصب وقال- لا ما يضربن ....بس يعلمن الصح ...يعلمن من الصاحب
امسكه مع صدر قميصه ...وقال- وش قصدك؟؟
عبد الله- اللي فهمت...
شد على صدر القميص ...لدرجة انها ارتفعت عن الجنز اللي لابسه ..
عبدالله بعد يدين اللي ماسكه وقال- انا ما اماشي شلل ...
تركهم وراح...
قال واحد لللي مسك عبد الله- سبنا .ابن اللذين ....
اللي مسكه- خله ....هذا بزر...امس كبر ...
ضحكوا
..................
عبد الله كان يفكر ...لو راح معهم...ومسكته الشرطة...وش مصيرة...
ابعد التفكير...وقال - الحمد لله ...
كان متسطح على الكنب .....ويفكر بعمق...
جلست جنبه امه وقالت- سعود...
التفت لها وقال- سمي يمه..
امه- انت وش غيرك...
سعود- ولا شيء يمه..
امه- الله يهديك...انا ما شفت اختك ...
سعود عصب وقال- وش تبين فيها...
امه- ابي بنتي ...
سعود- المفروض تبرين منها...
امه- انا داريه انك من يوم ما اتصلت عليك من ذاك الشهر وانت مو بصاحي....هي وش فيها....سوت لك شيء...
سعود قام وقال- ابد...لكن انا ما ابيها اخت لي ...
ترك امه ودخل غرفته وسكر الباب بقوة..
اعرفكم على سعود وعايلته....
ام سعود ..مطلقه ...لها بنتها ام وليد ....وسعود..
سعود مهتم بأمه..هو وياها ساكنين بيت صغير ..وسعود ما توضف ...ومعه شهادت ثانوي...وحالته الله واعلم فيها...
......................
مر اسبوعين .....قرب زواج خالد...كان اخر العطله ....ام الطفش اللي مسك سارة وامل...
امل- سارة.....
سارة-هاااااه..
امل- طفشانه...
سارة- احلفي....ليش تطفشين...شوفيني ميته من الوناسه....يعني وش اسوي لك...وانا وش تشوفيني...
امل سكتت وهي تفكر......تذكرت فايزه رجعت لها كئبتها ...
ساره - دقيقه...
طلعت تركض....كانت جالسه على الارض وماسكه الخداديه ...
رمتها على جنب بقوة وقالت- اكرهها ....كل هذي غيره...تهدد بصورة...الله لا يسامحها ....نزلت دموعها...وقالت- والله لو عرف بندر ان يزعل...كيف اقوله...
مسحت دموعها قبل ما تدخل سارة...
قامت وهي تمسح عيونها دخل بندر وهو مبتسم ويقول- ســــار.....هــ.....
سكت وهو يطالعها...رفع عيونه لسقف واخذ نفس وقال - امول ....اسمعي عاد...صبري انتهى...
امل- انا مافيني شيء..
دخل للغرفة وقال- وش مافيك شيء....تلعبين علينا....لا تخليني ازعل عليك.....
امل- بس يا بندر انا ما ...
بندر- مليت من مافيني شيء....فايزة وش سوت لك...
امل- مــ....ما ..سوت شيء...
بندر- اوووه بدينا...
امل- اقول الصدق...
بندر- والله ؟؟
امل- ما يصلح كثر الحلف...حرام...
بندر-ايـــه...امل .....اعرفك...عيونك فاضحاتك...
امل- بندر خلااااص ....
نزلت دموعها وقالت- انا ما ابي اقول لاحد..ولا احد يسألني..طفشت من كل اللي يصير ....والله طفشت ...
بندر- انا ادور على وناستك ....بس انتي مو راضيه تكلــــ....
ساره دخلت وقالت- بندر...وش جابك...خلاص ما ابيك تودينا ....قلت لخالد...
بندر- طيب...
طلع وهو معصب....سارة تطالع بامل وهي تمسح دموعها...
سارة- امل....وش فيك...
امل- ولا شيء...
طلعت واتركتها ....
سارة- امــل خالد بيطلعنا للحكير...
امل- طيب...
سارة- طيب؟؟؟ وربي مهبوله...سلامات اقولك الحكير..
امل-خلاص بنروح ...وش اسوي....
سارة- الخبل اللي يجيب لك خبر مثل هذا..
امل سفهتها ونزلت....دخلت المطبخ ونور تغسل المعاميل...
جلست على الكرسي...
نور- امل...انتي مافي كويس...انتي صغير<<<تقصد صارت نحيفه...
امل- طيب؟؟؟
نور- مافي كويس...انتي قود اذا سمين...
امل - ما ابي اسمن...
نور- لالا لازم يصير سمين ...
امل- نور ..تكفين اسكتي...راسي بينفجر...
نور- تيب ...
سكتت ...امل حطت خدها على يدها وهي تفكر....دخلت ام خالد
قالت- امل....قومي البسي ....خالد بيطلعكم...
امل- طيب...
قامت وطلعت ....
.......................
بالسيارة...
سارة- خالد....والله بنشتاق لك اذا تزوجت..
ابتسم خالد وقال- اجل اقولك...من الحين قولوا اللي تبون ...مابقى الا اسبوع واروح لبيتي...
امل- الله لا يحرمنا منكم...بس ابي ولدك...
خالد-هههههههه طيب لو هي بنت...
سارة- اللي من الله حياه الله...
خالد- ..ان شاء الله...
امل اسندت راسها على ورى وتقول بقلبها- بيتزوج ويتركنا...بكره لو انتشرت الصورة ...بندر اكيد ما يبي يتزوجني...يمكن يتزوج وحده غيري...
خالد- امل....امــــل..
امل- سم..
خالد- يعني زواجي قرب....وانا ابي اشوفكم مستانسين....قولي لي اللي مضايقك وان شاء الله اساعدك....
امل سكتت ....خالد- امل ...تدرين انك غاليه مثل سارة....لو كنت مو اخوك ...لكن انتي معي من 15 سنه ...قولي وش اللي مضايقك ...والله لا ادور على وناستك...لو كانت بفلوس عطيتك اللي تبين ....
امل- لا لا مو بفلوس...ولا محتاجه ولا متضايقه ...
خالد- على راحتك
سكتت شوي وقالت- خالد ...انا ما ابي افقدكم....اخاف اتكلم وافقدكم...
خالد يطالعها بالمرايه- خالي له دخل؟؟؟
امل سكتت ...وطالعت السيارات......
..................
بندر كان يلبس ملابس الدوام وهو يقول- كله منك يا فايزة...حرمتي امل الوناسه...بس وش سويتي لها ...الله لا يوفقك...
نزل بسرعة .......
دخل المستشفى ....دق جوالها ....طلعه وابتسم ورد- هلا وغلا..
امل- هلا فيك....بندر....تجي معنا للحكير تغير جو؟؟
بندر- اممممم انا بالمستشفى الحين ...دوامي بدا..
امل- طيب والله اللعب والجلسة دونك ماله طعم..
بندر- بس امول ...انا ما اقدر...
دخل استراحة الموظفين وقف يكلم ...الاستراحه فاضيه ..وقفت وراه وهي تسمعه يقول- والله لو اقدر كان ما ترددت...لكن اخر اجازة لي قبل اسبوع ...صعبه اخلص الاجازات...
امل- مو بس انا ابيك تجي...حتى سارة..يالله انت طلعت اليوم وانت زعلان ...وما ابيك تزعل..
ضحك ضحكة خفيفه وقال-يالغلا ...وربي ما اقدر...
فايزة عصبت ....وطلعت جوالها وافتحت الصورة...
بندر- خلاص ان شاءالله اكررها بس مو اليوم...اوكي لا تزعلين ...يالله مع السلامه..
سكر واخذ نفس ...والتفت على ورى ...وتغير وجهه ...
كان بيمر ويتعداها ..قالت- اوقف...
بندر- خير...
حطت الجوال قدام وجهه وقالت- هذي الغلا..
بندر طير عيونه...ما قدر يتكلم....ما قدر يتحرك...
فايزة- اقرا الاسم...
بندر قراه وطير عيونه...
بنت عم وخطيبة الممرض بندر عبد العزيز ...امل سليمان ...
بندر - حيوانه...
سكرت الجوال وحطت بجيبها ...مسك يدها وقال- طلعي الجوال...
فايزة - لا...اصلا هي عطتني صورتها هذي...عندي لها غير الصور هذي كثيرات
ضغط بقوة عليها وقال- هاتي...
فايزة- لا...بندر بعد عني...
ضغط بقوة وهي ماسكه صرختها...
بندر- طلعي الجوال..
فايزة- بندر ان صارخت ...فضحتك...
بندر دفها بقوة على ورى وطاحت على الكرسي ...
بندر- عطيني الجوال..
فايزة- كانك رجال ...خذه...
بندر- لهدرجه ماعندك شرف ولا تربيتي ..تبيني ادخل يدي بجيبك...
فايزة قامت معصبه وهي تصيح- تنفعك امل ان نشرتها على الموظفين والممرضين ...
صفقها بقوة وقال- امل تسواك....وتسوى اهلك كلهم..عطيني الجوال قبل ما اسوي شيء .....
دخل ممرض وطالع فيهم...
بندر طالع فايزة وقال- طيب...سويتها المره هذي....
تركها وطلع من المستشفى ...
كان بالطريق للبيت ....دق على خالد...
خالد- هلا بندر...
بندر- رجع امل للبيت...
خالد- بس هي اكيد ما تبي...هي مستانسه..
بندر- خالد ...لا تناقش ...رجعها والا بمر اخذها...
خالد- ليـــ....
قاطعه- لا تسأل ....
سكر....
دخل البيت....
امه شافته- بندر؟؟؟.....ليش رجعت...
بندر- ان جت امل ...تجيني لغرفتي...لا تأخر..
.................
دخل خالد....
سارة- وين بندر ...ليش رجعنا وهو مو مستفيد شيء...
خالد- بس انتي....السلام عليكم...وين بندر يمه...
امه- هلا ....امل ...بندر يبيك فوق.........
امل- انا؟؟
امه- روحي...
طلعت امل فوق....
خالد- معصب؟؟
امه- ايه ...
خالد- بروح لهم....
امه- خلها....يمكن شاف على امل شيء...وده يعاتبها ...او يعلمها..من صغره وهو ابوها...
............
امل بتطق الباب ...رجعت للغرفة ونزلت عبايتها ...وارجعت طقت الباب ودخلت...
كان جالس على السرير ماسك راسه ومدنق للارض...
امل- السلام عليكم.....بندر....سلامتك..وش فيك..
كان ساكت ....قربت اكثر ...وقالت- بندر تعبان...
بندر من دون ما يطالعها- ليش تسوين كذا...
امل ما فهمت ...
بندر طالعها بعيونه دمعه بس ما طلعت...قال- ناويه تفضحين نفسك وتفضحيني.....
امل انصدمت ..اجتمعت دموعها ...
بندر قام وضرب المكتب حقه بيدينه بقوة وقال بصوت عالي- ما تعطين صورك الا للحقيرة الحيونه .....
امل انزلت دموعها وقالت- بنــ...
بندر- تعطين الصور وحده تدرين انها تكرهك..
امل - بندر اسمع ...
بندر- اسمع ايش....اكتبت اسمك واسمي....بتنتشر الصورة وتاصل للموظفين ....
صرخ بصوت عالي- من الاساس التصوير ليش....كم مرة قلنا تصوير بالجوال لا....وكاميرا ...مامنعناك
امل انفجرت صياح وصاحت بصوت عالي وهي تقول - والله العظيم يا بندر...انا مالي ذنب ...والله انها...هي صورتني...
بندر- تلعبين علي...وهي وين جتك...
امل - والله العظيم....كنت...
بندر- تبيني اصدقك ...وهي ماعمرها شافتك...حتى بالمستشفى ...لا كنتي لابسه مثل الصورة ...
امل- بندر والله....
بندر- لا تكذبين....لا تحلفين وانتي تكذبين...
امل شهقت وقالت- انا ما اكــ...
بندر بصوت عالي- ما تستاهلين الثقه ...الحين بتتأذين واتأذى ....والعايله كلها بتتأذى
دخل خالد..جلس يطالع ...
بندر سكت وصد وهو معصب
خالد- امل..خلاص اطلعي للغرفة...
امل وهي تصيح ...-والله ....والله ما اكذب ....بندر ...صدقني..والله...
خالد قومها وقال- اطلعي لغرفتك...
امل- لا ...مو..مو مصدق....واللــ...والله يا ..يندر كنت...
بندر- اطلعي برا
امل - لا مو طالعه...والله...
قومها خالد وقال- انا اتفاهم...
امل دفت يدين خالد وطاحت على الارض وقالت- لا انا ما اكذب....والله فايزة هي ..صورتني....كنت بالسوق...
انصدم خالد...التفت بندر وقال بستهزاء- ايــــه صورتك بالسوق...وانتي متغطيه؟؟
امل زاد صياحها وقالت- والله...كنت بالمصلى ....ونزلت الطرحـــ..
بندر- ايه ايه صدقت ...اطلعي برى ...
امل شافت ان ما فيه امل...قامت وقالت - انا ...قــ....قلت الصدق...
طلعت وهي تصيح ...خالد كان واقف وماتحرك....
بندر- عندك شيء والا اطلع...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك