رواية الا فراقك -20

رواية الا فراقك -20

بندر- ايه ايه صدقت ...اطلعي برى ...

امل شافت ان ما فيه امل...قامت وقالت - انا ...قــ....قلت الصدق...

طلعت وهي تصيح ...خالد كان واقف وماتحرك....

بندر- عندك شيء والا اطلع...

خالد- بــ..بندر...امل...امل ...مصــ...مصورة؟؟

بندر سكت ونزل عيونه...

خالد - تكلم...وش السالفه ...

..........

طاحت على سريرها وهي تصيح بقوة...دخلت سارة وطالعتها وهي مستغربه...

سارة- امل...امل وش فيك....

قامت امل وقالت- حقيرة...كلبه...سوت اللي براسها....كرهني بندر....

سارة- امل وش السالفه....

امل جلست على السرير وقالت- ممــ....ممرضه...تحب ....بندر...صورتني....وهددته انها بتنشر....الصورة...

سارة انصدمت .....

سارة- تمزحين صح...

امل - لا...بندر كرهني....بندر الحين ما يحبني....كانت نظرته لي..

زادت دموعها وقالت- الله لا يوفقك ...الله لا يوفقك فايزة....

..........

خالد قام وهو معصب وقال- وانت سكت.....

بندر- وش بيدي اسوي...اذبح البنت...اضربها...وش بيقولون عني...

خالد- الله لا يوفقها...امل عطت البنت الصور؟؟

بندر- تقوله...

خالد طلع معصب..بندر طالعه وفكر شوي....سمع صراخه ...طلع بسرعة...

خالد- لهدرجة توصل بك المواصيل تعطينها صورك....

امل وهي تصيح- والله ما عطيتها شيء...

صفقها كف....خل وجهها يدور.......

بندر دخل وقال- خالد..انت صاحي...امل....

امل وقفت وهي تحبس صيحتها وتمسح دموعها وقالت- اخوي الكبير على عيني وعلى راسي....يضربني على الخطأ اوكي ....لكن ....انا ماعطيت....

طاحت على ركبها وحطت يدينها على وجهها وهي تصيح ..وتقول- لا تظلموني لا تظلموني..والله ماعطيته الصور...انا ما عمري صورت بجوال...

بندر صد وخالد معصب بقوة...سارة مو مصدقه اللي قدامها....دخلت امهم ....وطالعت وهي ما تدري وش السالفه...

بندر- امل...امل...طيب ردي...

امل- هي قالت ....بيكرهك....وهذاه نفذت اللي براسها...خلاص ما ابي اسمع صوتك...ما ابي اسمع...

بندر- وش ذا الكلام....

امل- كيفي....انتم ما تعرفون شيء...تظلمون كذا بس...

امها - امل...

قامت امل وضمت امها وقالت- يمه خلاص ...ما ابي اجلس هنا...ابي خالي ....ياخــــ....

بندر- لا تفكرين بطلعه...

طلع من الغرفة..

خالد طالعها وعيونه تخوف...وطلع....

امها- بسم الله عليك....قولي وش السالفه؟؟؟

.................

فايزة جالسه وحاطه رجل على رجل وتقول- والله وسويتيها...نشوف يا بندر...

............

بندر كان متسطح وهو ماسك راسه ...وقال- لازم الصورة ما تطلع ...بسوي اللي تبي..

اخذ جواله راح لسجل ودور رقمها ...دق...

ردت بسرعة-الو...

بندر- فايزة....ابيك تمسحين الصورة ...

فايزة- مفيه السلام عليكم...

بندر- تبين اي شيء اطلبيه مني...وامسحي الصورة...

فايزة- ابي قلبك وبس....والا قلبك لبنت عمك...

بندر عصب وقال- انتي ليش ماتفهمين....ما احبك...الا واحبك..

فايزة- طيب ليش ...انا احسن منها ...

بندر- اوووه..

سكر وهو معصب ...رمى الجوال على جنب وقال-وربي حيوانه...

طق الباب ..وانفتح...

سارة دخلت وقلت- بندر..

بندر- هاه ؟؟

سارة- ليش خالد ضرب امل....هي صادقه...ماعمرها صورت بالجوال..

قام وقال- ..امل وينه؟؟

سارة- نزلت للحوش...

بندر نزل ...

.........

كانت جالسه وحاطه راسها على ركبها وهي تشاهق ...انفتح الباب مارفعت راسها...بندر شافها ونزل راسه ...شوي ويطالعها وقال- امل.....

ماردت عليه...

قرب منها وجلس قدامها وقال- امل....

امل مارفعت راسها- ابعد عني....اتركني....

بندر- انا ابي مصــلــحتك بــ...

امل- مصلحتي وانت تظلمني....

رفعت راسها وقالت- صدقني بندر...والله صورتني ...والله العظيم...

زاد صياحها ...

بندر- وشلون اصدقك ...هي قالت عندي لها صور كثــ...

امل- كذااابه ...والله كذابه...صورتني بس لما كنت بالسوق...كنت بالمصلى ونزلت طرحتي ...وعدلت شعري وجاني نور فلاش ...التفت لها ولقيتها تقول بخليه يكرههك..

بندر- طيب يا امـــ..

امل قامت وقالت- طيب لا تصدقني...لا تصدقني ابد....مصدقها.....تنفعك اجل...

بندر قام وقال-لا بس..

امل- خلها توريك صوري الثانيه...هذا اذا كانت صادقه...انا اماعمري صورت بالجوال ولا حطيت صوري بالجوال....

بندر سكت ...

تركته ودخلت ....جلس وقال- من اصدق الحين...

.................

اذن الفجر...طلعت من الحمام متوضيه...فرشت السجادة وصلت ..خلصت من الصلاة ...ورفعت يدينها وهي تدعي..

((اللهم اجعل كيدها في نحرها ...اللهم ..ادفع عني شرها...اللهم انتقم لي منها...ياعزيز ياجبار...اللهم رد ماتريد بي من شر ...اللهم سامحه على ظلمه لي..اللهم ساممحهم.....حسبي الله ونعم الوكيل...اللهم صلي على محمد...))

قامت وهي تمسح دموعها...كان بندر واقف عند باب الغرفة ويطالعها .....شالت السجادة عن الارض ورفعتها ..والتفتت وشافته يطالعها ...صدت عنه وجلست على السرير ...

بندر- بتنامين؟؟

امل-ايه..

بندر- طيب...تصبحين على خير...

ماقالت شيء لكنها تقول بقلبها- تلاقي الخير...

بندر ينتظر يسمع منها وانت من اهله ...مالقى شيء...طلع وسكر الباب وهو يتذكر دعائها ...دخل غرفته ويقول بقلبه- معقولها ظلمناها...هي يتيمه ...ونظلمها...طيب من لفايزة الصورة...اللبس اللي تحت العبايه مو مثل اللبس اللي بالمستشفى ولا لون اللي بالمستشفى

.............

العصر...كانت جالسه بالغرفة وماطلعت من اول ماصحت...خايفه من خالد...

طق الباب ودخلت امها

ام خالد- مشينا تحت....

امل- لا يمه..

ام خالد- انتي من الظهر ما طلعتي...

امل- يمه ما ابي..

ام خالد- بس مايصلح تجلسين كذا لحالك...

امل- مابي يمه..ما ابي...هم كذبوني...ظلموني...

نزلت دموعها وقالت- والله هي صورتني...والله العظيم انا ما صورت نفسي...

امها- ماعليك من العيال...انتي انزلي واستانسي...

امل- لا لاا ...ماني بنازله لهم...ما ابي اشوفهم..

ام خالد- هم خوانك...

امل- اخواني مو يضلموني...

ام خالد- لا حول ولا قوة الا بالله...

طلعت وهي متضايقه ....

امل طالعت الباب وقالت- الله يسامحهم...

مسكت خدها إلى الان تحس بالم الكف اللي امس...

امل -ضربني وانا مالي دخل ...الله لايوفقك يافايزة...الله لايوفقك...

...........................

بندر وخالد جالسين بالصاله جتهم امهم وهي متضايقه....

بندر- سلامتك يالغلا ...

امهم- واله امل تحلف تقول هي مصورتها...ليش تظلمونها...

سكتوا...

امهم- لازم تأكدون...

بندر- يايمه تقول البنت عندها صور لأمل غير اللي شفت...

امه- وليش ماورتك الصور...تأكد ...

بندر- اقول وين الصور الثانيه..

خالد كان يسمع وهو ساكت...

بندر- لا انا ماراح ترجاها...

امه - بس هذي يتيمه...تظلمونها ليش.هذي امل يا بندر...

بندر نزل عيونه وقال بقلبه- هذي امل...هذي الغلا ...هذي الدنيا تفداها.....بس وش اسوي ...

خالد تكلم - حتى لو شفت الصور الثانية وش بيغير الموضوع...

بندر- نتأكد انها صورت امل...لو كانت مو مصورتها بتصير غير الصوره الاولى ...وعندها غير

خالد- ما اعتقد بتلقى لامل عشر صو...

بندر- لا لا انا اشك ان البنت صورتها...لان اذكر كنت بالسوق وراحت للحمام ...رحت ادورها لانها تأخرت ولقيتها تصيح...

خالد- اشوفك تاقف معها...

بندر ارتبك وقال- البنت من لها بعد ابوي ...وانا من صغري مربيها..

خالد- ايــــه اشوى...

بندر كان خايف من نبرة خالد...

خالد اذا عصب او زعل ما احد يطيقه...

امه- تكفون ارحموها البنت بيجيها شيء...

بندر- لا ان شاء الله...انا بتأكد...

خالد -تأكد من ايش

بندر- خالد ...انت وش بك عليها ؟؟

خالد- ولا شيء

بندر قام وقال- انا واثق بأمل...وما اعتقد انها مصورة بالجوال وتعطي صورها لأي احد..

خالد- ماشاء الله عليها..

بندر-خالد..لاتقولها شيء..ولا تقرب منها الا اذا تأكدت ...

خالد- وانت وشوله تدافع عنها ..

بندر- يا اخي احس اننا ظلمينه..

خالد- اها ...مسكينه والله ...

بندر كان وده يرد...لكن مايقدر...تركه وطلع من البيت ...

..................

امل ...

جالسه وحاطه يده على خده وتفكر..تقول بنفسها((معقوله يابندر اهون عليك وما تصدق ...تدري انها تحقد علي ...بس ليش ماتصدق ...حلفت لك وماصدقت وانت اللي ربيتني مع ابوي.....))

نزلت دموعها وقالت- يالله ليش تسوي كذا انا اكرهها اكرهها ..الله لا يوفقك فايزة...

دخلت سارة وطالعتها وهي راحمته وجلست جنبه وقالت- امل ...سامحي اخواني اذا ظلموك...

امل وهي تمسح دموعها- اكيد ..بس ...ليش مايصدقوني وانا احلف...حلفت كثير لهم...وخالد مافهم وش السالفه...ويجي كذا بس ويضربني...والله انا ماصورت لا بالجوال ولا بالابتوب اخاف ينتشرن ....

سارة- كيف صورتك يوم كنا بالسوق...

امل تمسح دموعها اللي تطلع قالت- تذكرين البنت اللي صدمت بندر...

ساره- امممممممم ما اذكــ..ايه..اللي ماتغطت بس متصنفه...

امل- ايه ...

سارة- اللي بندر كان يهزئها...

امل- ما ادري هزأها او لا...بس المهم هي ..

سارة- ايه وش بها؟؟؟

...................

بندر ماسك جواله وهو يتمشى بالحديقة كان يطالع رقم فايزة حاقد عليها قليله عليه ....

بندر- معقوله اظلمها ....انا من صغرها اقول مايصلح تصورين بالجوال...حتى الابتوب قد قلت لها ..يعني مو معقوله نست وانا قايل لها وعمرها 13..اوووف وش ذا المصيبه هذي ...

جلس على الثييل ونزل جواله عنده ...........

................

ساره منصدمه وامل تكلم ...

سارة- الله لا يوفقها...طيب الحين بندر وخالد كيف يصدقون...

امل- ما ادري...ساره تكفين ساعديني ...ما ابي بندر يكرهني...وخالد يزعل علي...

سارة- لا وش يكرهك هو رباك..وخالد ما ادري اذا زعل ما احد يراضيه ...

امل- تكفين ...والله مو انا والله...

نزلت دموعها وقالت- صاروا مثل خالي...ماعندهم قلوب ....

سارة- خلاص امول لا تصيحين.....امسحي دموعك ...هم اخوانك وخايفين عليك...

امل- خايفين علي ....بس مو يظلموني....

قامت وقالت- الله لا يسامحك يا فايزة...

.................

كانت تمشي بالسوق مع صديقتها

صديقتها- بس ضلمتي البنت...

فايزة-هههه وانتي تفكرين فيها...هذي ما احد يرحمها...

ندى- ايه بس مو تظلمينها....هي مالها دخل بندر يحبها مو هي خلته يحبها...

فايزة- وش يضمن لك؟؟

ندى- والله حرام....

فايزة- اقول اكرمينا بسكوتك ...لو كنتي مكاني سويتي اكثر...

وقفت ندى تطالع فيها بستحقار وقالت- بس مستحيل ادمر حياتها تعرفين الناس اذا طلعت صورة البنت ...ما احد يتزوجها..وانتي مو فاضحتها بس...بتفضحين بندر...يعني راح يكرهك اكثر واكثر...

فايزة- انا بهدده فيها ...وان ماسمع اللي اقوله...بضغطة زر ...راح ينفضح...

ندى- بتنشرينه بالمستشفى ب؟؟

فايزة- وش ذا الغبى...ما ينفع المستشفى...عندي برنامج...يخترق الايميل...اخذت كل ايميلات بندر....واصدقاه ....ارسلها لهم...

ندى انصدمت وقالت - يعني بعايلتهم بعد...لا فايزة تكفين...

فايزة- اووووه ....

تركتها وراحت...وهي تقول بصوت عالي لها- بتروحين معي تعالي ...مو رايحه...لا تخلين السواق يتحرك من هنا...

ندى بنفسها - حرام اخلي البنت تنظلم.....لو عندي رقم بندر...ايه....

طلعت جوالها وطلعت من المجمع ......

ندى- الو..

حسين- هلا...

ندى- حسين...بغيت رقم بندر...

حسين- فايزة؟؟

ندى- لا...ندى

حسين- اسف...ما اقدر...

ندى- تكفى حسين ...

حسين- وش تبين فيه؟؟

ندى- والله شيء يهمه...

حسين - لا...

ندى- وش الفرق بيني وبين فايزة...عطيتها الاميل من اول ما طلبت...

حسين- شيء بشيء...

ندى سكتت شوي وقالت- طيب وش تبي؟؟

حسين- فايزة ما اخذت ببلاش...

ندى بتعجب- كيف اخذته..تبي فلوس...اعطيك اللي تبي...

حسين - وش شافتني ...

ندى-طيب وش تبي؟؟

حسين- اطلعك معي لأحسن مكان..

ندى انصدمت ...

حسين- فايزة ما قصرت ..طلعت لمدة ربع ساعة...ورجعت ...ولا ضريتها بشيء...

ندى سكرت وقالت- حقيرة....وحقير...

اخذت تاكسي..ورجعت للبيت ...وقالت- لازم اقابل بندر بأي طريقه...

دقت على المدير ...وسألته عن دوام بندر اليوم قال الساعة ثمان...

................

نزلت للمطبخ ودخلت ...كان بندر داخل للبيت وشافها...ما صدق...

بسرعة دخل للمطبخ وكانت فاتحه الثلاجه..اخذت منها عصير...والتفتت لبندر ..وقفت شوي...بعدين كملت اخذت كاس وصبت فيه عصير...

بندر- امل.

نزلت دمعتها ....

بندر- انا مصدقك....

سكتت ....

بندر- مصدق انها مصورتك..

امل- لا تكذب...وش قلت لي امس...

التفتت له وقالت- هي قالت بخليه يكرهك...خلاص ..اكرهني مثل ماتبي هي....

بندر- امل ...اكرهك ...مستحيل...انتي غاليه..

يتبع ,,,,

👇👇👇

تعديل المقال