رواية رماني وقال ما ابيها -58
روآن باسته ع خدهـ
يوسف إبتسم وقبص خدها : شطورهـ
نزلها من حضنه وقآم من مكانه طلع من جيبه فلوس ودسها بجيب روآن
سعود بإحراج : لا عمي ماله دآعي
يوسف إبتسم ع عـزة نفسه يشبه آخته رنا بهالشيء : لا عشاان روآن تكون مبسوطه وتشتري اللي تبيه
سعود إنحرج وسكت ونزل رأسه
يوسف رفع له رأسه : لا وأنا عمك إرفع رأسك , خلك مثل أبوك
سعود إبتسم له ورفع رأسه
يوسف : إيه هذا عشمي فيك , يالله أنا طالع الحين تبون شيء
سعود : عمي وين بتروح
يوسف : عندي شغل وآنا عمك
سعود تضايق وببرائه : طيب تعال عندنا دآيم
يوسف إبتسم له : إن شاءالله , يالله سلم لي ع أمك وتحمد لها بالسلامه نيابه عني وقول لها والله لو مااكانت بالعدهـ كان دخلت بنفسي وتحمدت لها بالسلآمه
سعود هز رأسه بـ إيه : تأمر آمر
يوسف مشى عنهم طالع من المجلس ومن الشقه كلها متوجهه لسيآرته المركونه برآ
سعود طلع من المجلس هو وآخته روآن وتوجهوآ لغرفتهم وقفهم صوت رنا : وين رآيح وتارك الرجال بالمجلس
سعود إلتفت لها : طلع !
روآن ركضت لرنا وطلعت من جيبها الفلوس : رنو شووفي
رنا عقدت حوآجبها وهي تطالع ميتين ريال : من عطاك هذي
سعود تنهد : عمي يوسف عطاها
رنا فار دمها : ليش ماااقلت لاآآآ مو محتاجينهااااا
روآن خافت وسكتت
سعود : قلت له والله , بس خباها بجيب روآن مايمديني آطلعها
رنا تنهدت وهي تقلب الميتين بيدها وتقول بنفسها بحيااتي ماقد لمست هالميتين كنت أشوفها من بعيد مع آبوي
وماأتجرآ آخذها وجاك يارنا اللي يعطي آختك اللي ماتعدت خمس سنين ميتين ريال وأنا اللي عمري 19
ماقد فرحت فيها , صحاها صوت آمها وهي تناديها
رنا خبت الفلوس بجيبها ومشت عند آمها : هلا يمه
أم سعود : صوتس ورآه طاالع ؟ ترى الرجال عندنا لا يسمع حستس
رنا تنهدت : سعود يقول إنه طلع
روآن جت لهم قاطعه حديثهم وبزعل : رنو عطيني الفلوس
أم سعود إنهبلت : هااو , أي فلوس ؟
رنا تنهدت : يوسف معطيها ميتين ومنهبله الآخت تبيها
أم سعود : هاتيها لا آنتي ولا هي تأخذها ميتين تعيشنا أسبوع
رنا طلعت الفلوس من جيبها : من الأساس كنت بعطيك الفلوس
أم سعود آخذت الفلوس : روحي رتبي المجلس آنتي والشغاله
رنا قآمت بآمر من آمها ورآحت للمجلس بتشل القهوه
أول مادخلت له إستنشق آنفهاا ريحة العطر الرجااليه الممزوجه بريحة القهوهـ
إبتسمت ع الريحه وتحس ذآبة منها وقالت بدون شعور : عطرهـ روعهـ ~
صحاها صوت روآن : يمه تكلمين نفسك
رنا إبتسمت : يااطول لسان هالبنت
لو يخون آلبرد ثلثين آلضلوع
.................. أي شي يبقى فـ صدرك .. أشعله !
آلشتآ محتآج لـ إحسآس و دمـوع
.................. لا تكآآآآبر بـ..آلجروح و تزعلـه ..
كآن صيدك ( مستحى ) ! شوف آلشموع
.................. [ قـد بكت من ذنـب هي ما تفعله ! ]
نرجع للمزرعــــهـ
البنات صرخوآ : لاآآآآآ
أم محمد : قص لسانتس آنتي وياها
رؤى : إف يمه مسرعكم تروحون
أم سلطآن : ماعليه يمه بكره دوآماتكم
دانا بوزت : نغيب مافيها شيء
خُزآمى : ماإنبسطنا ولا رحنا المسبح
أم وسن : هههههههههه خلاص فيه طلعه ثاانيه
غلا تقهر البنات : أنا شفت المسبح وإنبسطت فيه
سمر رمت عليها الخداديه : برآ يالله
البنات : هههههههه
آم محمد : إستعجلوآ ألبسوا الرجال مو فاضين لكم
قاموا كل البنات بتأفأف يجمعون آغراضهم بالشناط ويلبسوون
سااعه كانت كافيه يكونون كل العوآئل بسيارتهم متوجهين للخبـر
سيارة سلطآن
سلطان إلتفت لـ جنى وهو يشوف ملامحها تتغير : فيك شيء
جنى بتعب : آحس بتعب وآلم
سلطان بخوف : آوقف السيارهـ
جنى تنهدت : لا ماله دااعي
هنادي بطفش وهي راكبه معاهم وراء : كل الحوآمل كذآ لا تخااااف
سلطآن طالعها من المرايه ولمس السخريه بصوتها : يااليت تبلعين لسآنك دآخل حلقك آحسن
هنادي جت بترد
وطالعها سلطان بنظرهـ وسكتت : ياليت اللي عطاء سمر يعطيك ,
إنقهرت هنادي من هالكلمه وسكتت ماتحب آحد يقارنها بأحد
جنى بترقع الموضوع : شفت إسطبل الخيل
سلطآن إلتفت لها : إيه , آنتي ماشفتيه
جنى : لا والله
سلطان عقد حوآجبه : غريبه فهد قالي عنكم وإنكم شفتوهـ
جنى تنهدت : يقصد البنات الصغاار وزوجته
هناادي ول ماطروآ إسمه فززت من مكاانها وإستمعت لكلآمهم زين
يالبى الإسم وطاااريه , خلآآص آنا ماعاد آقدر أتحمل لازم آسوي لي شيء أردهـ لي لاآآزم
صحاها صوت جنى : هنااادي يالله إنزلي وصلنا , وش فيك ؟
هنادي نزلت بهدوء وهي تنفض هالإفكار من بالها , وتقول بنفسها إصبري ماجاء وقتها
في بيت بو فهد جنآح رؤى ~
رمت عبايتها ع جنب وفوقها الشنطه ورمت نفسها هي ع السرير بتعب
وهي تفك شعرها وينتثر ع وساادتهاا , غمضت عيونها كـ محاوله للنوم
لكـن فزت بقوهـ وقآمت من مكانها وهي تلهث مسكت قلبها اللي يعتصر من الآلم وهي تسمي بالله
تبي يتوقف هالآلم مو قاادرهـ , آلم فظييع تحسهـ يقطع شراايينه تذكرت سيف باللحظة هالآلم
يمكن سيف فيهـ شيء وهالآلم آحسآآس منها لهـ
قآمت من مكاانها وسحبت جوآها بسرعه وإتصلت ع رقم : آلو
نور : بسم الله , وش فيك ؟
رؤى بلهفه : نور آنتم بخير مافيكم شيء
نور إستغربت منها : آيش ؟
رؤى تنهدت لما تأكدت من صوتها
نور خافت : رؤى حبيبتي فيك شيء
رؤى إبتسمت غصب والدموع تنزل ع خدها : قلبي أوجعني وتذكرتك وخفت وإتصلت ع طوول
نور إبتسمت : يااحيااتي آنتي , لا والله ماافيني شيء
رؤى ببحة صوت : الحمدالله
إنتهـى البآرت ،
× غياااب سيف بأغلب البارتات يحمل صدمهـ لـ رؤى مؤلمهـ جدآ ؟!
× سمر وآختارت البقاء مع عبدالله عشقآ بهـ ؟ من المُمكن تغير رأيها ؟
× إحساااس جميل ممزوج بإرتباااك فظيع من الطرفين , غلا & فهد ؟
× عــزآم & نــور ؟ والسؤال هو بيعرف إنها أخت سيف يومآ ما ؟
إعذروني إدري البارت قصير
بس والله اليوم كان عندي إمتحان / وأنا بعد تعباانهـ هالإيآم عليّ حرآرهـ ومزكمهـ
وإعذروني ع تقصيري معااكم بس والله العظيم هالإيآم نفسيتي تعباانهـ والله
سااعدوني آتخطى هالشيء وآسااعدكم بالبااارت / وآتمنى تدعون لي ,
والله قاعدهـ أقرأ ردودكم ، تقااييمكم ، رسايلكم , وكل شيء يجي منكم فديتكم (:
واليوم كنت بأجل البارت لإنه كان قصير شوي , لكن والله عشآنكم ضغطت ع نفسي وكتبت
تقريبا هالبارت ماكان فيه آحدآث كثيرهـ بس البارت الجآي بتكون آحدآثهـ غير , وعـــــد مني !
وآتمنى منكم ردود حلوهـ فديتكم حبآيبي ,
و مشكورين حباايبي ع الردود , وإعتذر على قصر البآرت ,
آحبكم / وآتمنى البارت يعجبكم
ودي / لولي
البآرت الـ 38
بيت بو فهد / جنآح غلا & فهد
إنسدحت ع السرير بتعب بعد الشااور الدآفي وغمضت عينها تبي النووم
حست بحركته جنبها وفتحت عينهـآ بتتأكد
فهد إبتسم لها : صحيتك
غلا بهمس : ماانمت
فهد سحبها عندهـ : إن شاءالله إنبسطتي بالمزرعه
غلا إبتسمت : إيه الحمدالله , بس ماطولنا
فهد : مااعليه فيه طلعه ثاانيه آساسا ماكآن لهم نيه يناامون , روحتنا لها كانت بس عشاان عبدالله وسمر
غلا : آهاا
فهد : طيب يالله ناامي وش تنتظرين
غلا قآمت من مكانها : مافيني نوم بروح لـ رؤى
فهد سدحها ع السرير : رؤى ورآها كليه بكرهـ
غلا تأفأفت وإنسدحت معااها والنوم ماطب عينها
~
رؤى ~
نور بشك : متأكدهـ إن مافيك شيء
رؤى تنهدت بضيق : لا والله ولا شيء
نور : طيب قلبك يوجعك إلى الآن
رؤى بتعب : نور حاسه بيجي شيء يتعبني
نور تنهدت : لا تفكرين كثير وأنسي
رؤى دمعت عينها : طيب بقوم آصلي ركعتين الحين , تأمرين ع شيء ياااقلبي
نور إبتسمت : لا سلآآمتك
رؤى سكرت منها وحطت جوالها ع الكوميدينه
قآمت من مكااانها وحطت يدها ع قلبهااا ياترى وينك ياااسيف
حاااسه بشيء إتجااهك يألمني مدري ليه ؟
حااسه بشيء حولك بيضرني , حاااسه بتعب يخليني آتذكرك يقطعني حيييل نفسـك !
تنهدت بضيق ونفضت هالإفكاار من بالها وهي ترفع آكمام بلوزتها بتوضي وتصلي ركعتين ~
بيت بو نواف / جنآح عبدالله & سمـر
سمر اللي كانت تجفف شعرها المبلول بعد الشاور سمعت جوالها يرن وفزت له
أول ماشافت الرقم ردت عليه بسرعه : آلو
شـذى بلهفه : سمورهـ
سمر دمعت عينها ع طوول : ياااهلا حيآتي كيفك ؟
شذى إبتسمت : تمام وأنتي كيفك ؟ وش مسويه بدنيآك
سمر تنهدت : بآحسن حاال , بس فااقدتك حيل !
شذى بقهر : جاحدهـ آنتي
سمر : هههههههههههه ياقلبي آنتي والله ماتدرين وش صآر لي
شذى عقدت حوآجبها : ليه وش صاار
سمر إبتسمت وقالت لها عن كـــل شيء
شذى تنهدت : طيب وش آخبارك معاهـ الحين
سمر غمضت عينها بتعب : ماااشي حاالي
شذى إبتسمت : لا تشلين بخااطرك ياقلبي , والله بتثبت له الإيآم حجم معاناتك
سمر تنهدت : الحمدالله ع كل حال وآنا رآضيه بأي شيء دآمني معاهـ ويكِن لي مشاعر حلوهـ ومعتبرني زوجته
شذى بتردد : تنامون بغرفه وحده ؟
سمر إستحت : لا لسه
شذى بتغير الموضوع : سمر أنا مشتاااقه لك حيل , تقدرين تجي عندي هالإيآم ببيتي ؟
سمر : اوكي حياتي . من الأصل أنا فاااضيه ولا عندي شيء ، بقول لعبدالله وإن شاءالله يرضى
شذى إبتسمت : ترى إستناااك
سمر بادلتها الإبتسآمه : من عيووني يالبى قلبك !
عبدالله ~
طالع باب الغرفه للمرهـ الآلف ومتردد بدخول آو النومه آحسن له
مشتااق لها مدري ليه ؟ ماغابت عني إلا من سااعه
تآلمت بمعرفتها عن حُبي لـ خـزآمى بس والله ياسمر مو ذنبي والله , إنقهرت آكثر لما شفت شلون العبرهـ خانقتها وماتحب تطري آسمها قدآمي لاحظت هالشيء من قبل لا أعرف إنها عرفت بحُبي لها
مدري وش هالمشاااعر اللي آكنهـ لها , شفقه أو آيش ؟ أو مُجرد إعتيااد أو رد جميل لها بعد ماتحملت معاااي كل شيء ,,,
تنهد بضيق ونفض هالإفكار من باله , إنسدح ع سريره بتعب غمض عينه كـ محاوله للنوووم
فتحت الباب سمر قاطعه جوهـ , فتح عيونه وإلتفت لها
سمر بحرج : آسفه أزعجتك وآنت نايم
عبدالله إبتسم : ماكنت ناايم , فديتك
سمر نزلت رأسها بإحرآج
عبدالله قآم من مكانه وقرب لها : بغيتي شيء
سمر رفعت رأسها له : شذى إتصلت علي قبل شوي وكانت تبيني أزورها وآنا والله مشتاااقه لها , آممممم يعني تسمح لي آروح عندها ؟
عبدالله إبتسم : آكيد !
سمر بفرحه : تسلم لي
عبدالله إنبسط لفرحتها : بكرهـ تجهزي بأخذك لها
سمر آخذت نفس : اوكي
عبدالله يطالع فيها ويبتسم :...
سمر : آمممم تبي شيء ولا آطلع آناام
عبدالله : لا سلآأمتك , وتصبحين ع خير
سمر وهي تتجه لغرفتها : وآنت من آهله
مشكلة بعض العوآطف عكس مآ يمليْ العقل
......... وأنت تدري إن ليس (كل مآ يسمع , يقال ) !
لآ تظن إن السكوت ، ، إلليْ ملآزمنيْ ثقل .!
......... لآ وربيْ . . لكن أدري (كل مقـآم له مقال ) !
صبآح اليوم آلتاالي
جنآح فهد & غلا
مد له يدها وهي أخذتها تلبسه الكاب تبعهـ إستحت من نظراته ونزلت رأسهاا
عجزت تسكرهـ له وتورطت
فهد : هههههه خلاص هااتي أنا أسويه
آخذها منه ولبسه هو , طالع فيها : بطلع الحين تبين شيء
غلا هزت رأسها بـ لا , وبدون شعور : سـلآمتك حبيبـي
فهد رفع رأسه ع هالكلمه غلا بعد ماإستوعبت نزلت رأسها بسرعه ماتبي تشوف نظرااته
فهد إبتسم ع شكلها المتفشل وكـ تغيير للموضوع : يمكن آرجع متأخر شوي لا تنتظريني ع الغدآ
غلا هزت رأسها بـ إيه وهو مانطقت
تنهد فهد وطلع من الجنآح كله متوجهه لسيارته , أول ماطلع رمت غلا نفسها ع السرير : ياا غبااااااائي إف
إنقلبت ع الجهه الثانيه وهي تتردد عليها الكلمه , إنقهرت لما مارد عليها
قآمت من مكانها بقهـر ونفضت هالإفكار من بالها ورآحت كالعادهـ ترتب الجنآح لحين وصوله
كلية البنآت
خزآمى : غبيه آنتي غبيه ؟
دانا إلتفت لها مستغربه : ليه وش سويت
خزآمى بطفش : زاوجي آنا وآنتي ماباقي عليه شهر وحضرتك إلى الآن تتكلمين مع وليد
دانا إنهبلت : طيب وش فيها
خزآمى: خلاص لا عاااد تتصلين عليه وتكلمينه إلا ليلة عرسك
دانا طالعتها بغبااء : مافهمت
خزآمى صفقتها بالكتااب : عشآن يشتااااق لك
دانا : آهاا
خزآمى بطفش : وآخيرا
دآنا : ههههههه , وآنتي بتكلمين نوآف ؟!
خزآمى إبتسمت : لا ترى من آمس يتصل ولا رديت , وأرسلت له وخبرته
دآنا : بس وربي آنا اللي بشتااق له مو هو
خزآمى : إففف , عاااد بهاللحظه مالك علاج
دآنا تنهدت : خلاص بسويها وآجرب وش رآح آخسر يعنـي ,
خزآمى إبتسمت لها
عند رؤى ونـور
نور وهي تمد لـ رؤى الكوفي : ليتني ماجيت ماأخذنا إلا محاضرهـ وحدهـ بس
رؤى إبتسمت : عااادي , بالعكس آحسن عشان نجلس مع بعض شووي
نور بضىيق : بس وربي لازم آطلع الحين
رؤى إستغربت : ليه ؟
نور تنهدت : منال هنا , وبعدين آنا تعبااانه هالإيآم ودي آرتاح قبل الإمتحانات
رؤى بقهر : منالوه الزفت , لمتى بتلاحقك ؟
نور هزت كتوفها بمعنى ماادري
رؤى تنهدت : خلاص حبيبتي , آنتي روحي وآنا بتصل عليك شوي
نور : تعالي عندي ؟
رؤى إلتفت لها : آجي عندك
نور : الله يخليك لك كم شهر ماجيتي عندي
رؤى تنهدت : مشكلتي ماآقدر
نور عقدت حواجبها : ماعندك عذر, يعني من بيمنعك بالله , تكفيييين رؤى !
رؤى بس سيف يانور آخوك تنهدت بضيق ودي أروح ع الإقل آتطمن عليه وهو آصلا مايتجرأ يتعرض لي
بعد الي صار بيننا : اوكي بجي
نور ضمتها بقوهـ : فديتك
رؤى إبتسمت لها غصب والخوف يتملكهاا
بيت شـذى
سمر وصلت عندها من نص ساااعه , وجالسين مع بعض بالمجلس يسولفون
شذى : وبعدين وش صار ؟
سمر تنهدت : آبد , وآفقت آجلس معاهـ وخلاص
شذى : هذآ آخر شيء صار بينكم
سمر إبتسمت وهزت رأسها بـ إيه
شذى عقدت حوآجبها : وش فيك ؛ آحسك مو ع بعضك
سمر آخذت نفس : آخاف االلي أسويه غلط , وآحسن لي وله أرجع بيت آهلي
شذى إبتسمت : سمر إسمعي لـ قلبك ولا تسمعين لغيرهـ , هذآ زوجـــك عطيه فرصه ثانيه
سمر تنهدت : إن شاءالله , المهم أنتي قولي لي عن آخبارك
شذى إبتسمت : آخباري تمام , وعندي خبر مُفرح
سمر إبتسمت : وشو
شذى بحيآء : آنا حامل
سمر : من جدك ؟
شذى ضحكت عليها
سمر قآمت من مكانها وضمتها بقوهـ : فديتك مبرووك
شذى إبتسمت : يبآرك فيـك
بيت بو سلطآن / جنآح سلطآن & جنـى
دخل سلطان لغرفتهم بالجناح وهو يناديها بصوت عاالي : جنـى
جنى بخوف جت له : نعم آمر
سلطآن عقد حوآجبه : المزهريه اللي بصالة الجنآح من كاسرها
جنى طيرت عيونها : آجل هي مكسورهـ
سلطان بطفش : لا تسوين نفس ماتدرين
جنى إنهبلت : وش تقصد
سلطان بتأفأف : ماافي غيرك هنا بالجنآح وهالمزهريه ذي غاااليه وين آصرفها بالله
جنى تنهدت بضيق : بس عشااني بالجنآح تظلمني
سلطآن : جنى آنا ماظلمتك آنا قاعد أسألك
جنى طيرت عيونها : قبل شوي دآخل علي وتقول آنتي كسرتيها ومدري آيش
سلطان تنهد وجلس : آجل من كسرها
جنى تركته ورآحت للغرفه مطنشه
سلطآن : إف وقت زعلك آنتي
قآم من مكانه ولحقها للغرفه : جنى
إنسدحت جنى ع السرير وتغطت بفرآشها
قرب لها ورفع الفرآش عنها : قوومي جنو
جنى صدت عنه
سلطآن وهو يجلس جنبها : ههههههه لبى الزعلانين
جنى بقـهر : تفضل مزهريه علي
سلطآن : والله لإنها غاااليه وخفت ماتعرفين قيمتها
جنى : آنت صاير عصبي حيل
سلطآن : آنا ؟
جنى هزت رأسها بـ إيه : تعصب ع إتفه الإسبااب وتحط حرتك فيني , ولا فيه آحد بالله يعصب عشآن مزهريه
سلطآن : هههههههه
جنى إبتسمت : شكلك حلو وآنت تضحك مو معصب
سلطان قرب وباسها : شسوي يمكن ضغط الشغل
جنى قآمت من مكانها : هذا مايعني تحط حرتك فيني وع سبب تافهه
سلطان قآم وصار موآجهها ضمها بقوهـ : ماعليه حبيبي آسف
جنى تنهدت : آخر مرهـ
سلطآن : ههههههههه من عيوني ياعيوني آنتي
بيت بو فهد / جنآح رؤى
غلا : إففف بتروحين وتتركيني هنا ترى طفشت وربي
رؤى إبتسمت : شسوي من زمان عن نوآرهـ وودي آجلس معاها شوي
غلا : طيب بتطولين
رؤى وهي تضبط كحلها : لا كلها ساعه وجاايه
غلا : خلاص بنتظرك آجل وبسهر عندك الليله
رؤى إبتسمت : حلو , بكرهـ ماعندي شيء يعني بغيب
غلا وهي تعدل خصل رؤى : اممممم ماتخافين تشوفينه هناك
رؤى بهمس : قصدك سيف
غلا هزت رأسها بـ إيه
رؤى تكابر : مايهمني
غلا عرفت إنها تكابر وسكتت
رؤى وهي تسحب عبااتها وتلبسها : غلو لا تنامين لحد ماأرجع
غلا هزت رأسها بـ إيه وهي تشوف رؤى تطلع من الغرفه متوجهه لسيارة السايق
تنهدت غلا بضيق ومشت لجناحها هي وفهـد ,
دخلت الجنآح ومشت لناحية غرفتهم
شافت فهد يحوس بجوآله : متى وصلت
فهد شافها ونزل الجوآل : لي ربع ساعه , آنتي وين كنتي ؟
غلا تنهدت : عند رؤى
فهد : آهاا
غلا تذكرت كلمتها وإستحت وإرتبكت , جلست ع السرير وهي منزله رأسها
فهد عرف باللي فيها وقآم لها وجلس جنبها : لبى الحياء كله
غلا ضاعت علومها وسكتت عجزت تنطق :..
سحبها لحضنه وبآسهاا ع خدها : حيااويه بزيادهـ
غلا بهمس : آحم آنا
فهد إبتسم : وفيه غيرك
غلا تنهدت وسكتت
شقة آهل رنـآ
رنا وهي تهمز رجل آمها : لا يمه يبيلك شهر وبعدها نفك هالجبس
أم سعود بطفش : يااربيه ماعاد آطيق شوفته
رنا : ههههههه ماعليه يالغاليه تحملي شووي
أم سعود تنهدت : الله يعديها ع خير
روآن جت لهم وهي تصيح ويدها كلها دم
رنا قآمت لها : وش فيك
روآن ببكاء : طحت
أم سعود بخوف : تعاالي يايمه تعالي
روآن رآحت لها وهي تبكي
آم سعود مسكت يدها تفحصها : بسم الله عليك ياقلب آمك آنتي
روآن تبكي : توجعني
رنـآ مسكت يدها ومسحت عنها الدم : تحتاج مطهر وشاش
أم سعود : هو عندنا
رنا تنهدت : لا ماعندنا
أم سعود : آجل يايمه دوري لنا جيبي لإختس
رنا : بقوم سعود يشوف لنا صيدليه هنا
أم سعود : سعود نااايم خليه
رنا تنهدت : في صيدليه تحتنا ع طووول تخليني آروح لها
أم سعود : بعيدهـ ؟
رنا : لا تحت العمارهـ ع طوول
أم سعود : خلاص روحي قبل لايصير شيء بيد آختس
رنا وهي تسحب عباتها : وآنتي ثاانيه مرهـ آتركي اللقافه عنك
روآن مسحت دموعها : دووبه طسي
رنا ضحكت ومشت لناحية الباب و طلعت من الشقه
نزلت من درج العمارهـ وصارت تدور بين المحلآت عن الصيدليه
لقتها بعد عنااء آخذت منها شوية آغراض لإمها وآختها
دفعت الحساب ومشت رآجعه للشقه , فتحت باب الشقه ودخلت
فصخت عباتها بالصاله ورمتها ع الكنبه
آخذت الإغراض بتتأكد منهـآ كلها
ومشت رنا والإغراض بيدها تحوس فيهآ
وهي ماشيه ضربت بصـدر عريض
رنا صرخت : آآآه
رفعت رأسها بتشوف مين ؟
وكانت الصـدمه وجود يوسف آمامها يطالع فيها
رنا بلعت ريقـها وماعاد تدري وش تسوي وهي من دون عباهـ
يوسف نزل رأسه بسرعه ومـشى لناحية الباب وطلع بسرعه
رنا اللي كانت ترتجف في مكانها وتطالعه لحظة خروجه نزلت رأسها و طالعت لبسها وكان عبارهـ عن بيجامة بيت عااديه : ياربي ياغبااائي مجنوونه آنا طالعه له كذآ ,,
جت لها روآن تركض :رنـو
رنا تحاول تتناسى الموقف : هذي التعباانه
روآن : بقولك شيء
رنا سحبتها من يدها وقآمت تمسح عليها بالمطهر : مابي أسمع شيء
روآن : كيفك , كنت بقولك إن عمي يوسف هنا ودخل غرفتنا عشان سعود
رنا إرتبكت : هو كان هنا
روآن هزت رأسها بـ إيه
رنا عصبت : وليه ماقلتي لي
روآن دمعت عينها : توك جااايه وهو كان داخل بالغرفه
رنا تنهدت بضيق ومسحت دموعها : وش آخبار يدك الحين
روآن تطالع الشاش اللي عليها : توجعني
رنا : ماعليه حبيبتي كلها يومين وتخف
روآن : عمي يوسف قالي نفس الكلآم
رنا تنهدت : ياذا عمك اليوسف اللي حاطته بكل سالفه
روآن : ترى بقوله
رنا عصبت : إنكتمي آحسن لك
يـوسف
ركب سيارته وحرك مااشي بالطريق
تكرر عليه الموقف السآبق
وتذكر ملامحها النآعمه وجاذبيتها
تنهد وبعد هالإفكار من باله : ياليت أركز بالسوآقه آحسن لي ولها
نفض الإفكار من باله ومـشى لبيتهـ
بيت سيــف
رؤى تطالع غرفة نور : من متى مغيرهـ الغرفه
نور إبتسمت : لي شهر تقريبا
رؤى : آها ع البركه
نور : يبارك فيك
رؤى : المُهم , قولي لي وش سوت لك الزفت منال هالإسبوع
نور تنهدت : آبد , بس تعرفين حركاتها الغبيه
رؤى : آهاا , آنتي طنشيها ولا عليك منهآ
نور تنهدت بضيق : ياليت آقدر , كل ماشفت وجهها تذكرت اللي صآر
رؤى قربت لها وضمتها : حيآتي آنتي
نور بادلتها الحضن
رؤى بعدت عنها لما سمعت جوالها يرن آخذته وردت : هلا يمه ...... الحين .. بس .... اوكي لا تعصبين ..... طيب جايه ........ والله جايه ....... يالله باي
نور إلتفت لها : لا يكون بتروحين
رؤى تنهدت : شسوي صار لي ساعتين عندك وغلاوي تنتظرني
نور تأفأفت : والله ماشبعت منك
رؤى قآمت من مكانها ولبست عبااتها : ماعليه حياتي وحتى آنا
نور قربت لها وسلمت عليهآ : إنتبهي لـ نفسك
رؤى إكتفت بإبتسآمه , سحبت شنطتها ومشت نااازله لسيارة السايق
وهي تمشي رآيحه لسيآرتهم , لمحته بسياارته جاالس وكأن معاهـ آحد
طالعت زين بتتأكد وكآنت الصدمه إنه مع بنت بوضع غيـر
رؤى إنصدمـــت ودمعت عينها رآحت تركض لسيآرتهم تحاول توصل لها
سيف لمح اللي يطالعهم و عرفها ونزل من سيارته ولحقها : رؤؤؤى رؤؤؤى
رؤى تصيح وتركض للسيارهـ وينعاااد عليها الموقف
سيف مسكها وشدها له : رؤى إسمعي
رؤى ببكاء تفلت بوجهه : ياخســـآرة حُـبي فيك
دفعته بقوه وفلتت يدها ورآحت بسرعه تركض لسيارة السايق ركبتها ومشـى السايق بسرعه
سيف كان تنفسه سريع نزل ع الإرض وجلس ع ركبه : رؤى لا تمشين الله يخليك تعااالي
قربت منه البنت اللبنانيه اللي كانت معاه : حبيبي شوبك جالس هيك ؟
سيف إلتفت لها وصب غضب الدنيا بكف ع وجهها : إنقلـعـــــــي عن وجهي
البنت خافت منه ورآحت بطريقهاا والدمع بعيونها
سيف حط يدهـ ع رأسه وهو يتذكر كلامها ( ياخســـآرة حُـبي فيك )
رؤؤؤى تكفين إرجعي تكفييين والله أنا بدونك ولا شـــيء
رؤى تكفييييين أبيك لا تخليني آخسرك تكفيييييين
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك