رواية ويبقى خالد -4
خالد : من وين طلعتلي هذا بعد !
خالد : الو
شهد بصوت واطي و مو مسموع : شلونك خالد ؟
خالد الي ماكان سامع صوتها عدل : الحمدلله بخير ، انتي شلونج ؟
شهد : يهمك تعرف شلووني ؟ و اخباري ؟
خالد : شهد شهالكلام ؟
شهد : خالد ، انا بقولك شي
خالد : تفضلي ،
شهد : خالد ، في واحد تقدم لي
خالد بصدمه : شنو !! تقدم لج ؟!
شهد : اي يا خالد ، و خلاص الي بينا انتهى
خالد : شلون و متى ؟
شهد : خالد انا نطرتك وايد ، و ماشفت منك شي ، مجرد كلام و ماكو افعال
خالد : وانتي وافقتي ؟
شهد : انا ليلحين ما رديت لهم خبر ، قلت اقولك بالاول ،
خالد : شهد انتي تدرين يعني اني احبج و اعزج ووو ...
قطعت كلامه شهد : ادري يا خالد انك تحبني وتعزني ، و بعدين ؟ شنو ورا هالحب و المعزة ؟
خالد سكت و مايدري شنو يقول : اوكي عطيني فرصه و بعدين اردلج خبر ،
شهد : اعطيك فرصه حق شنو ؟
خالد : افكر بالموضوع و اعطيج خبر ، يلا اخليج الحين عندي شغل
شهد حست انها بتبجي : اوكي يا خالد ، بعطيك فرصه ،
خالد : باي
شهد : مع السلامه
سكرت شهد التلفون من خالد و طاحت في نوبه بجي ، شسوي بكلامك ؟ شسوي بكلام الحب الي كنت تقولي اياه ؟ ابي افعال ، اثبتلي انك تحبني صج ،
بيت بو عبدالعزيز :
ام عبدالعزيز : اليوم اسيل بتيي من السفر
بوعبدالعزيز : لاااه ؟
ام عبدالعزيز : اي ، قالتلي اليوم الساعه 5 ان شاء الله الوصول
بوعبدالعزيز : الله يوصلهم بالسلامه
و رن التلفون ،
ام عبدالعزيز : الو
اسماء : قوه يمه
ام عبدالعزيز : هلا يمه
اسماء : شلونح شخبارج
ام عبدالعزيز : الحمدلله بخير ،
اسماء : يمه اليوم نواف مشغول و بتأخر بالدوام ، بيي عندج بتغدى مع اليهال
ام عبدالعزيز : حياج يمه تعالي ،
اسماء : يلا عيل بروح اييب نور من الروضه
ام عبدالعزيز : يلا لا تتاخرين عليها
اسماء : يلا مع السلامه
ام عبدالعزيز : الله يسلمج
كليه الهندسه :
خلصت اسراء محاضراتها ركبت السياره و رجعت البيت ، و طول الطريج كان بالها مشغول بخالد ، كانت سرحانه حييل ، ووصلت البيت و نزلت من السياره و دخلت داخل
اسراء : السلام عليكم
الكل : و عليكم السلام
ام عبدالعزيز : هلا متى وصلتي اليوم ؟
اسراء: وصلت الساعه 9
ام عبدالعزيز : وي تأخرتي ،
اسراء: اي يمه نمت وايد و تأخرت ،
ام عبدالعزيز : يلا روحي غيري ملابسج و نزلي ، بتيي الحين اسماء تتغدى معانا اهيا و عيالها
اسراء : اسماء ؟!
ام عبدالعزيز : اي ، ريلها بالدوام و اهيا الحين بتيي راحت تييب نور من الروضه
اسراء : وااي نوري ، يلا عيل اروح اغير ملابسي و انزل
صعدت غيرت ملابسها و ريحت شوي و نزلت
و اول ما نزلت شافت اسماء مع نور ،
نور ركض حيل و قربت يم اسراء : خالتي خالتي خالتي
اسراء: هلا حبيبتي
اسماء : قوه اسور
اسراء : الله يقويج
اسماء : شلونج ؟
اسراء: تمام ،
نور : خالتي
اسراء : نعم حبيبتي ،
نور : بلعب معاج
اسراء : ان شاء الله بس مو الحين ورا الغدا اوكي ؟
اسماء : نور يلا تعالي غسلي
نور : ماما بلووح عند خالتي اسلاء
اسماء : انزين ماما نطري شوي غسلي اول شي صيري نظيفه حلوه بعدين روحي عند خالتج و قعدي معاها و لعبي لما تشبعين
نور : انزين
بيت بو عبدالله :
ام عبدالله و عبدالله و ريم و يوسف و فاطمه كانوا قاعدين بالصاله ينطرون خالد متى يوصل علشان يحطون الغدا ، عبدالله كان حييل يوعان و معصب على خالد عشان تأخر ،
و عقب 5 دقايق ، وصل خالد
خالد و كان حدده مستانس : السلام عليكم
الكل : و عليكم السلام
عبدالله كان معصب حيل : اخيرا ! ما بغيييت تيي ؟ ماتقولي وينك ؟ ليش تأخرت ؟؟
خالد منصدم من كلامه و مستغرب بنفس الوقت : بسم الله الرحمن الرحيم ، شفيك الحمدلله و الشكر معصب ، كليتني بقشوري ، خير شصاير ؟
عبدالله : يوعان ابي اكل ، و امي قاعده تنطرك
خالد : اكل احد ماسكك ؟؟
ام عبدالله : هلا حبيبي خالد ، وينك يمه تأخرت
خالد : هلا يا الغاليه ، ماكو يمه الشارع زحمه و ماقدرت ايي مبجر
ام عبدالله : يلا روح غير ملابسك لا يسويلنا سالفه اخوك ، ترا ميت من اليوع زين ما ياكلنا
خالد : انزين ،
في الطياره :
كانت اسيل مع ريلها فهد و بنوتتهم العنونه جنان بالطياره رادين الكويت ، جنان الي كانت متعبه امها و ابوها حيل ، حاولت فيها اسيل لما نامت و ارتاحت ،
اسيل : فهد شكثر باقي على ما نوصل ؟
فهد : ماباقي شي حبيبتي ، كلها 3 ساعات
اسيل : 3 ساعات ! يلا اصبر
فهد بضحكه : تعبتي حبيبتي ؟
اسيل : تعبت و مليت ، اففف
فهد : يلا ما عليه حبيبتي ،
بيت بو عبدالعزيز :
اسماء : تسلم ايدج يمه على الاكل الحلوو
ام عبدالعزيز : عليج بالعافيه
اسماء : الله يعافيج ،
نور : ماما ابي حلاو
اسماء : من وين اييب لج حلاو؟ قعدي اكلي غداج بعدين اوديج الجمعيه
نور زعلت : لاا ماما الحين الحين
اسماء : الحين شمس و حر محد يطلع
نور بدت تبجي : مابي مابي بلووح الحين
اسراء: انا اعطيج حلاوه
استانست نور : يلا عطيني
اسراء : بس اكلي اول شي بعدين اعطيج الحلاوه
نور كملت غداها بسرعه علشان الحلاوة الي بتعطيها اسراء،
و عقب ما خلصت عطتها الحلاوه ،،
ام عبدالعزيز : اسماء يمه تعالي ساعديني
اسماء : هلا يمه ؟ بشنو تبيني اساعدج ؟
ام عبدالعزيز : سوي معاي كيك
اسماء : ليش ؟ في احد بييلج ؟
ام عبدالعزيز : و لازم احد ايي علشان نسوي كيك ؟ لا محد بيي يلا تعالي ساعديني
اسماء : حاضر يمه ،،
دخلت اسماء المطبخ و ساعدت امها و سوت معاها كيك ، و عقب ما سوت الكيك زينته بصوص الكاكاو و بعضه زينته بالشكر الناعم ،، و ريحه البيت صارت كلها كيك ،،
نور : يمي ، خالتي اشم ليحه كيك
اسراء: اي والله حتى انا اشم ريحه كيك
نور : ابي كيكه تعالي ناكل
اسراء : ههه نور مو الحين توج متغديه نطري شوي
نور : ان شاء الله
ام عبدالعزيز طلعت من المطبخ و شافت نور مع اسراء قاعدين بالصاله و قالتلهم ،
ام عبدالعزيز : لحد يجيس الكيك ، مو حق الحين حق بعدين
نور : انزين
اسراء: يلا انا بروح غرفتي احس اني دخت ، بقوم انام شوي
نور : لاا خالتي قعدي معاي
اسراء: حبيبتي انا تعبانه ، بروح انام الحين ، بعدين اقعد معاج
نور بزعل : انزين ،،
من صوب ثاني شهد ، كانت منصدمه من كلام خالد ، يقولي خليني افكر ! عطيني فرصه ! اعطيك فرصه يا خالد ؟ اعطيك فرصه عشان تفكر انك تحبني ولا لا ؟ كانت قاعده على اعصابها و تنطر رد من خالد ، ماتدري اذا كان بيتقدم لها ولا يخليها تروح في حال سبيلها ،،
بيت بو عبدالله :
في غرفه خالد بالتحديد ، كان مخه مشغول بشخصين و مايدري من يختار ، شهد الي تحبه و تموت فيه و مستعده تسوي المستحيل عشانه ؟ ولا اسراء الي كانت تكرهه و الحين بدت تحبه؟
خالد : والله مادري شسوي ، شهد تقول ان في واحد تقدم لها ، و شكلها ما تبي الي متقدم لها ، و طبعا اهيا تحبني و تبيني كزوج لها ، بس انا ابي غيرها ، و مافكرت بيوم من الايام اني اتزوجها ، شهد كانت مجرد صديقه او زميله معاي في سنه من سنوات الدراسه ، حبتني و حبيتها حب عادي ، مو الحب الي يوصل لي مستوى الزواج ، و ما اتخيل بيوم من الايام اني بكون مع شهد في بيت واحد ، لا يا خالد ، خل شهد بعيد عنك و فكر بـ اسراء ، اسراء الي ملكت قلبك و حبيتها و بدت تحبك ،، و اترك شهد تعيش حياتها مع الي تقدم لها ،
هذا الي وصل له خالد ، و كان مقتنع بافكاره ،
في غرفه عبدالله :
عبدالله كان منسدح على الفراش و ريم كانت تقرا كتاب ، و الجو هادي عندهم وفجأه ،
ريم صرخت صرخه خفيفه بصوت مسموع : آآآه !!
عبدالله فز من مكانه : شفيج حبيبتي ريم ؟؟؟!
ريم بتعب : مادري عبدالله ، احس بتعب
عبدالله : شفيج من شنو ؟
ريم : مادري عبدالله ،
عبدالله : تبين اوديج المستشفى ؟؟
ريم تحاول تبين انها مافيها شي : لا حبيبي ماله داعي مستشفى ،
عبدالله : اكيد حبيبتي ؟ ماكو شي ؟
ريم : اي لاتخاف ماكو شي
عبدالله : اوكي ، بس اذا زاد عليج بوديج المستشفى ،
ريم : يصير خير
المطار :
اسيل و فهد و جنان كانوا توهم نازلين من الطياره ، و جنان بدت تبجي و تصارخ ، و اسيل كانت تحاول تهديها و تسكتها ،
اسيل : يالله فهد بسرعه طلع الجناط و خنخلص جنويه ذبحتني
فهد : ان شاء الله ان شاء الله
و عقب ربع ساعه خلصوا كل شغلهم ، طلعوا من المطار ،
اسيل : يا حلاه الكويت وجوها والله
فهد : يعني جو امريكا مو عاجبج ؟
اسيل : امبلا ، بس الكويت احلى
فهد : :\
اسيل بـ إبتسامه : يلا فهد ، بروح عند امي الحين
فهد : لا اسيل مو الحين ، خلينا نروح البيت نريح ناخذ لنا شور بعدين نروح عندها ،
اسيل حست ان كلام فهد صح : اوكي حبيبي ، علشان نرتاح شوي و بعدين نروح ،
راحوا فهد و اسيل البيت و ارتاحوا و طلعوا الصوايغ ، كانت اسيل الي تشتغل و فهد ماسك جنان الي بس كانت تبجي ،
فهد : اووه جنوويه بس خلاص تراج دوختيني و انتي تبجين
اسيل : فهد تحملها شوي على ما اخلص شغلي
فهد : بتحملها ، شلون ما تبيني اتحملها و اهي بنتي
ابتسمت اسيل ابتسامه صغيره ،
و عقب نص ساعه خلصت اسيل كل شغلها ، و طلعوا
بيت بو عبدالعزيز :
ام عبدالعزيز و بصوت مو مسموع : وينهم تأخروا ، اخاف صار فيهم شي بس
اسراءالي صحت من نومها و نزلت و قعدت مع الاهل ، كانوا كلهم متيمعين بالصاله ام عبدالعزيز و بو عبدالعزيز و عبدالعزيز و اسماء و عيالها واسراء ، و ام عبدالعزيز ما خلت نوع بخور الا وحطت ، و صارت ريحه الصاله خليط من انواع البخور و العود ،،
اسراء الي استغربت من الحركه الي قاعده تصير بالبيت و سألت امها ،
اسراء : يما ماتقوليلي حق شنو مسويه الكيك و مو راضيه تخلين احد ياكله و معطره البيت و حالتج حاله ؟ في احد بيي ؟؟
ام عبدالعزيز : لا محد بيي ولا شي
اسراء: عيل ليش كل هالحوسه ؟
ام عبدالعزيز : بس جذي
اسراء الي ماكانت مقتعه كلش بجواب امها ،،
و عقب 10 دقايق ، انفتح الباب و دخلت اسيل اول وحده بعدها فهد الي كان ماسك جنان
اسيل و بـ إبتسامه عريضه : السلام عليكم
ام عبدالعزيز الي طارت من الفرحه و ماصدقت : و عليكم السلام هلا ببنيتي
الكل انصدم و كانت صج مفاجاه لهم ، اسيل !!! من وين طلعتي ؟!!
قربت اسيل من امها و لمتها حييييل و سلمت عليها ، و عقب ما سلمت عليها قربت من ابوها الغالي و حبته على راسه و سلمت عليه ،،
اسراءقربت من اسيل و لمتها: اسوول حياتي شلونج ؟؟
اسيل : الحمدلله بخييير
اسماء : الحمدلله على السلامه ،
اسيل : الله يسلمج
عبدالعزيز : شهالمفاجاه الحلوه ؟؟
اسيل : اعجبك ،
فهد سلم على عمته و عمه و عبدالعزيز ،
جنان الي كانت ضايعه بالطوشه و ماتدري شتسوي ، طبعا استخدمت سلاحها الا و هو البجي ، علشان تبين مكانها ،
ام عبدالعزيز : كاهي النتفه ، يعني بجت شوفوني ،
خذتها ام عبدالعزيز و قعدتها في حظنها و ابتسمت جنان
بو عبدالعزيز : شلونكم شخباركم ؟
اسيل و فهد : الحمدلله بخير
بوعبدالعزيز : شلون امريكا
فهد : حلوه بس اسيل جنه مو عاجبتها
اسيل : لا يبه حلوه ، بس مادري
بوعبدالعزيز : عسى استانستوا بس ؟
فهد : اي الحمدلله
اسيل : اي استانسنا بس جنويه الي مدوختنا
بوعبدالعزيز : الحمدلله على كل حال
عبدالعزيز : يلا يلا اسول ، وين صوغتي ؟؟ طلعيها
اسيل : انت اول واحد شريتلك صوغه
عبدالعزيز : اي انا اقول اسول ما تنساني
و عقب سوالف مع اسيل و فهد كلوا الكيك و استانسوا ووزعت اسيل الصوايغ عليهم و استانسوا ، و عقب ساعتين الكل راح بيته و ماظل الا عبدالعزيز و اسراء
اسراء: يلا انا بروح انام دخت والله من السوالف
عبدالعزيز : انا بعد بروح انام وراي قعده من الصبح
اسراء: يلا يبه ، يلا يمه تصبحون على خير
ام عبدالعزيز و بو عبدالعزيز : و انتي من اهله
راحت اسراء غرفتها ، و جهزت اغراضها للدوام باجر و جيكت على فونها ولا تلاقي مكلمتين من دلال ، اندمج مع السوالف و نست فونها و جيكت عليه ، و عقب ما زهبت اغراضها غطت في نومها ،،
قعد خالد من النوم على ضوء الشمس القوي الي كان طالع من الستاره ، قام و غسل و لبس بنطرون كشخه و قميص و رفع جمومه شوي و عدل شعره و تعطر و خذا اغراضه و نزل ،
خالد : صباح الخير يمه
ام عبدالله : صباح النور
خالد : شلون الغاليه ؟
ام عبدالله : بخير عساك بخير
خالد : دوم ان شاء الله
ام عبدالله : يلا اقعد تريق و روح بسرعه
خالد : حاااضر يا الغاليه ،
تريق خالد على راحته و عقب ما شبع و خلص قام و شغل البورش و مشى على صوت راشد الماجد [ الحب خالد ] ،
خالد : يا حلاة اسمي والله ،
بيت بو عبدالعزيز :
صحت اسراء مبجر من نومها ، و لبست على راحتها و سرحت شعرها بطريقه حلوه ناعمه ، و حطت لها مكياج خفيف يومي يبرز ملامحها ، و خذت اغراضها و نزلت تريقت بسرعه و طلعت ،
و اهي بالشارع تمشي بالسياره حست ان السياره فيها شي ، مشت خفيف و سفطت سيارتها على اليمين ، قعدت بمكانها جان تقول بنجر ! مو قته ! شسوي الحين !؟ الجو حار و راح اتاخر منو يسوي السياره الحين ؟؟ ماكو لاا ادق على عزيز ،،
خالد الي كان يمشي بالشارع و صدفه شاف سياره سافطه على اليمين ، و قال
خالد : هالـ بي ام مو غريبه علي ، انا اعرفها ، بس سياره منو ؟؟ و عقب ما دقق فيها ، ايي ! هذي سياره الحب ! شفيها شصاير لها بعد عمري ، خل انزل اشوفها ،
نزل خالد من سيارته و راح عن سياره اسراء ، و لقاها مطلعه الفون من الجنطه بتتصل ، طق الجام طقه خفيفه ، فتحت اسراء الدريشه ،
خالد : صباح الخير
اسراء فصخت نظارتها الشمسيه و شافته و كانت مستحيه : صباح النور
خالد : عسى ما شر ؟ شفيها سيارتج ؟؟
اسراء منزله راسها و تتكلم : والله مادري ، الظاهر بنجر
خالد : ماعليج لاتحاتين ، عطيني 5 دقايق و بسويها لج ،
اسراء ماتدري شتقول ، اكتفت بالابتسامه
و عقب 5 دقايق ،،
خالد : تقدرين تكملين طريجج الحين و تروحين
اسراء بحيا : مشكور اخوي ماقصرت
خالد : ولو ما سويت شي ،
اسراء حست بشعور غريب ، حست ان قلها بدا ينبض ، بدت تتغير ، و فعلا تغيرت 180 درجه عن قبل ، بدت تحب خالد ، و خالد تأكد من هالشي ، و بدا يخطط و يفكر للايام اليايه ،،
وصلت اسراء ولقت دلال جدامها ،، اسراء مالاحظت دلال كلش لانها كانت تفكر بالحبيب اليديد الي فجاه انطبعت صورته داخل مخها
دلال : شدعوه شدعوه عطينا ويه
اسراء صحت من احلامها و افكارها : اوه دلال ، سوري ما شفتج
دلال : اكيد ماتشوفيني ، سرحانه بحبيب القلب
اسراء تحاول تبين طبيعيه : لا سرحانه ولا شي ، شلونج ؟
دلال : واضح ، ماعلينا ، الحمدلله بخير
اسراء: دوم
اسراء: دلول انتي الحين معاي بالمحاظرة صح ؟
دلال : اي معاج معاج ، يلا نروح مع بعض
اسراء: يلا ،،
ومشوا ثنتينهم مع بعض لين وصلوا لي القاعه و عقب ما خلصوا راحوا الكفتيريا ،،
دلال : انا قمت احس باليوع ، بقوم اشتريلي شي ، تبين شي ؟
اسراء كانت سرحانه وما سمعت ولا كلمه من دلال
دلال قربت من اسراء و قرصتها قرصه خفيفه على ايدها عشان تصحى : اسووورر !
اسراء بخوف و خرعه : هاا ! شفيج خرعتيني
دلال : لااا انتي اليوم مو طبيعيه ، انا بقوم اشتريلي شي تبين شي ؟
اسراء: لا شبعانه مابي شي ، عليج بالعافيه
دلال: اي اكيد شبعانه تفكرين بحبيب القلب شلون بتحسين باليوع
اسراء سمعت كلام دلال و ابتسمت
كليه التربيه :
خلصت فاطمه محاضراتها و لقت لولوه جدامها ،
فاطمه : ها لولوه خلصتي ولا عندج شي ؟
لولوه : لا خلصت ، بيي محمد الحين ياخذني لان سيارتي مدخلينها الوكالة حق السيرفس
فاطمه مو مصدقه الي سامعته : محمد بيي ياخذج ؟!
لولوه بضحكه : اي محمد
فاطمه : واي قلبي ،، انزين انا بوقف معاج هني ابي اشوفه ، مشتاقتله حيل
لولوه : اوقفي عشان يشوفج
فاطمه : اي مو هذا الي بصير ،،
و عقب 5 دقايق وصل محمد بالجاكوار، شاف لولوه معاها وحده تشابه حبيبته ، فصخ نظارته الشمسيه و نزل راسه لي تحت علشان تتضح الرؤيه ،
محمد : اهيا ! هذي اهيا !
لولوه تحركت من مكانها و ركبت السياره ، لولوه : قوه محمد
محمد رد عليها و مخه و تفكيره مع فاطمه : هلا لولو
لولوه : شتشوف شتشوف ، يلا امش بسرعه زارعني سنه بره بالشمس
محمد : والله محد قالج طلعي بره ، دشي داخل و لما اوصل ادق عليج ، ماكو مخ كلش ؟؟
لولوه : ماعلينا ، شفت الحب ولا لا ؟
محمد : عيوني ما شلتها منها تقوليلي شفتها؟ الا كحلت عيوني بشوفتها
لولوه : ههههه يلا يلا بس لا تصلخنا الشمس امش ،
محمد : بمشي بس والله ما ودي امشي ،،
خالد خلص محاضراته متأخر شوي ، و كان مستانس حيييل لان وصل للي يبيه ،
خالد : واخيرا !
وصل خالد البيت و اهوه ميت من الوناسه و يغني و يرقص و يسوي حركات ،
خالد كان مستانس حييييل و الفرحه باينه على ويهه : قوه يا قوه
ام عبدالله فرحت لان كان خالد فرحان : الله يقويك
خالد : شلون الغاليه
ام عبدالله : بخييير ، اشوفك مستانس ؟
خالد : مستانس و ميت من الوناسه بعد
ام عبدالله : خير يمه شصاير ؟
خالد : نطري يمه اغير ملابسي و اتغدى و اقولج
ام عبدالله خافت : شصار خالد ؟
خالد بـ إبتسامه : ماكو شي يمه لاتخافين
صعد فوق بسرعه البرق و من الوناسه دعم عبدالله ،
خالد : اووه سوري !
sweet memy
البارت الرابع :
عبدالله : شفيك مطيور ، علامك تركض
خالد : لا ماكو شي ،، ترلا ترلا ترلا
عبدالله : الحمدلله و الشكر
وصل خالد غرفته غير ملابسه و نزل بسرعه ، تغدى بسرعه و لما خلصوا الكل من الغدا تيمعوا بالصاله ، قعد خالد يم امه وكانوا بعيدين شوي عن عبدالله و ريم و يوسف و فاطمه ،
خالد : يمه
ام عبدالله : آمر
خالد : مايامر عليج عدو ، احم احم ، يمه مادري من وين ابدي الموضوع يعني ، بس بتكلم ،
ام عبدالله مو فاهمه شي : تكلم يمه تكلم
خالد : يمه تدرين يعني انا كبرت و عمري صار 22 سنه و داش بال 23 ، و ادرس و ماباقي شي على التخرج ، وووو ..
ام عبدالله فهمت شوي : اي خالد ؟
خالد : يمه انا ابي اتزوج
ام عبدالله ( مستانسة ) : هذي الساعه المباركه ، والله من زمان كنت انطرك تقولي هالكلام ، و الحمدلله انك قلتلي و فرحت قلبي ، يا خالد انا ابيك تتزوج و ابي اشوف عيالك قبل لا اموت
خالد : اسم الله عليج يمه ، لا تقولين جذي ، بعد عمر طويل ان شاء الله
ام عبدالله : انزين خالد ، ماقلتلي تبيني ادورلك بنت الحلال ؟
خالد : لا يمه موجوده موجوده
ام عبدالله : منو اهيا ؟
خالد : يمه وحده معاي بالجامعه ، خوش بنت
ام عبدالله : لازم نسال عنها و عن اهلها الزواج مو لعبه
خالد : اي يمه انا ماقلت شي بس بسرعه حدي مستعيل
ام عبدالله : ويييه ليش مستعيل
خالد : يمه مليت من حياة العزوبيه ، الله يخليج بأسرع وقت
ام عبدالله : ان شاء الله ان شاء الله
خالد طار من الفرحه و زادت فرحته اكثر من مساع : مشكووره يمه ، قرب يمها و باسها على راسها ،
طار خالد غرفته و اهوه مستانس حييييل ، واخيرا بتصيرين لي ، و حلمي بيتحقق ! غمض خالد عيونه و بدا في عالم السرحان و التفكير والاحلام الورديه ،،
بيت بو عبدالعزيز :
تحديدا في غرفه اسراء،
كانت تتذكر موقفها مع خالد الصبح و شلون ساعدها ، لو مو اهوه جان ماتت من الحر و طافتها المحاضره ،
قطع سرحانها صوت الباب ،
اسراء : هلا يمه
ام عبدالعزيز قعدت يم اسراء و قربت منها ، شلونج يمه ؟
اسراء : الحمدلله ،
ام عبدالعزيز : شفيج حبيبتي هالايام متغيره ، صايره غريبه شوي ، احس بالج مو معانا ، مو مثل قبل ،
اسراء بربكه : ها ! لا ممماكو ششي !
ام عبدالعزيز :اسراء حبيبتي لا تخشين عني شي ، من اسلوبج و طريقه كلامج مبين
تنهدت اسراء و نزلت راسها و طاحت خصل من شعرها على عيونها ، رفعتهم بحركه بطيئه شوي ، يمه صدقيني ماكو شي ،
ام عبدالعزيز تتنهد : لا اكو شي ، بس انتي ماتبين تتكلمين ، ع العموم على راحتج ، [ ابتسمت ابتسامه صغيره ]
اسراء : اسفه يمه ، بس صدقيني ماكو شي ، بس ضغط الدراسه
ام عبدالعزيز : الله يوفقج ان شاء الله ،
اسراء اكتفت بالابتسامه
ام عبدالعزيز : اي نسيت اقولج ، ترا باجر عازمتنا ام ناصر على عرس ولدها بدر و يايبتلج بطاقه ، كشخي و تعالي معاي
اسراء: وييه يمه مالي خلق اروح ،
ام عبدالعزيز : ليش ماتبين تروحين ؟ ماعندج شي بدال هالطلعات تعالي معاي
تنهدت اسراء: ان شاء الله يمه بروح معاج
ام عبدالعزيز ابتسمت ابتسامه صغيره و طلعت من غرفتها
بيت بو عبدالله :
ريم : عبدالله ، احس بتعب و لوعه
عبدالله : ريم حبيبيت شفيج ؟ تبين اوديج المستشفى
ريم : مادري يا عبدالله
عبدالله : شلون ما تدرين ! يلا قومي لبسي عشان اوديج ، ترى بديت اخاف
ريم : يلا ،
قامت ريم و غيرت ملابسها و نزلت تنطر عبدالله ،
يوسف الي كان يلعب تحت و يشوف تلفزيون ،
يوسف : ماماا وين بتروحين ؟
ريم : بروح الطبيب
يوسف بخوف : لييش !
ريم : حبيبي ، مريضه شوي
يوسف: بيي معاج
ريم : لا حبيبي خلك هني العب على ما ايي ،،
نزل عبدالله و شاف ريم و خذاها المستشفى ،
وصل عبدالله مع ريم المستشفى و قالت ريم للدكتور حالتها ، و قال الدكتور لازم تسوي تحليل علشان يشوف شفيها ،
سوت ريم التحليل و كانت خايفه شوي و تعبانه ، و عقب فتره قصيره طلعت نتيجه التحليل
الدكتور : مبروك ، المدام حامل
عبدالله بفرح : حامل !!
الدكتور : أيوه ،
عبدالله والوناسه مبينه عليه : ريم انتي حامل !
ريم اكتفت بـ ابتسامه ،
رجع عبدالله و الفرحه باينه عليه ،
ام عبدالله : وينكم وين رحتوا ؟
عبدالله : يمه رحنا المستشفى ، ريم حامل
ام عبدالله : مبرووووك ريم ،
ريم بتعب : الله يبارك فيج
عبدالله : مايحتاي اوصيج عاد ، تقللين من الحركه ، مابيج تتعبين نفسج
ريم : ان شاء الله من عيوني ما طلبت شي
نزل خالد و شاف امه و عبدالله و ريم ،
خالد : يمه شصار على الموضوع
ام عبدالله : بسم الله خالد شفيك مستعيل ، اصبر اصبر
خالد : يمه مافيني صبر كلش ، ابي يخلص الشغل اليوم قبل باجر
ام عبدالله : لا حول ولا قوه الا بالله ، ان شاء الله الي اقدر عليه بسويه ،،
عبدالله : شسالفه ؟
ام عبدالله : خالد اخوك ، بيتزوج
عبدالله : لاااه ، مبروووك ، والله و كبرت
خالد : الله يبارك فيك ،
عبدالله : الاخبار الحلوه قامت تهل علينا ،
خالد بغرور : و اكو غيره ؟ كله خبر زواجي
عبدالله : لا مو بس خير زواجك ، ريم حامل
خالد : لاااه ، مبروووك ،
عبدالله : الله يبارك فيك ،
خالد : يمه الله يعافيج ، ماني قادر اصبر ، مابي البنت تطير من ايدي
ام عبدالله : شفيك شفيك اثقل يا خالد !
خالد بزعل : يمه ما اقدر ، يلا ابيها اليوم قبل باجر
ام عبدالله تتنهد و تقعد على الكرسي : لا تخاف ماراح تطير اصبر شوي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك