رواية تفرقنا سنين وماجمعنا غير الجرح -22

رواية تفرقنا سنين وماجمعنا غير الجرح -22

ابتسمت بسخريه من جملة مها..وبقهر..:وانا من

متى ماعشت بمواجع وقهــر مادري متى اودع

التعب واعيش مبسوطه..

مهاا بحيره..:والــحل..؟؟

شوق بصدق..: لو يحبك بجد بيرضى فيك مثل

ماانتي الحين.. فلا تدوشين راسك كثير..

مهاا ..:طيب مايرد على اتصالاتي..

شوق بثقه..:مدامك ماسويتي شي رااح يرد لك لو

يصد طول العمــر ..

مهاا ..:اوكي شورك وهدايت الله..

.....

..عند ذياب وحلا...

ركن سيارته قداام الفله ....

لف على جهتها ..وبجديه..:مابي اللي حصل امس

يحس فيه احد..

حلاا بختصار..:يصير خير..

ونزلت قبل لاينزل..

قفل السياره قرب منهاا شبك ايده بيدهاا ومشى وياها

لف عليهاا..وبغيره..:ليش شلتي الشيله يمكن فيه احد

طالعته وهي كارهه تدقيقه في ابسط الامور

وبنعومه..:تدرين انو امي مادعت احد غريب

وقف قبالهاا..وبضيق..:وجهاد نسيتيه..

فكت ايدها من ايده وهي ترجع الشيله على شعرهاا

وتسوي لثامهاا لانها فعلاا نست من جهــاد..

لفت عليه..وبقهر..:كذاا حلو ..؟؟

اخفى ابتسامته على طفوليتها..وبقصد قرب منهاا

وعدل لثامها اكثر ..وبجديه..:لا الحين صار اوكي

باسل من وراهم..:بابا جـــيت...

لف على وراء وهو مبتسم فتح ايدينه له وبسرعه

جرء عليه باسل ورمى نفسه بحضن ابوه..

حمله ذيااب وهو يبوسه على خده...

باسل طالع بحلاا..ورجع عيونه على ذياب

وببراءه..:بابا ليش شلت هذي امس وانا ماشلتني

انت ماعت تحبني صح..؟؟

حلا ابتسمت له وبطيبه..:انت زعلان عشانه ماشالك

باسل ببراءه..:بابا لاتشيلها وياك ...

ذياب وهو يدخل لداخل..:عيب يابابا هذي صارت

خالتك زيــن..

.....

علــي..بتهديد..:حاتم وبعدين معاااك يااخي مو

معقوله انك للحين ماقدرت تاثر عليها..

حاتم ..:على واللي يرحم والديك اعفيني من هالموال

البنت مسكينه ماتستااهل..

على وهو يصفق ايد بيد..:برااافو استاذ حاتم وبعد

..ااشوفها هي اللي بدت تاثر عليك..

وبصوت عالي..:حاتم لو ماسويت اللي طلبته. ابوك

راح توصله استقالته واختك بتنطرد من الجامعه

غير الديون اللي عليكم وروني عقبها وشلون بتتصرف..

حاتم بتردد..:امم انزين راح اقنعها تترك عملهاا ..

بس اممم ماراح اطلقــهااا..

على بغيض وقهر..:لاااا انت اليوم منت صااحي ..

اكيد صار لعقلك شي ..حاتم اصحى بنت عمي لي

انا. بس ابي اعذبهاا شوي وبعدين اقطهاا تخدم اهلي

حاتم عصر كفه بعجز ..وبضيق..:بكيفك ..بس

لازوم تعطيني وقت...

..**..

..عند راشـــد..

تعب وهو على هالموال اشتاق لهم بس نفسه عايشه

بالمااضي الاليـــم..

اخذ البوم الصور وصار يفتحه ويناظر الصور

بتفحص ورويه..

طالع صور شوق ولاول مره من بعد اللي صار

يطالع صورهاا بشوووق لها وحنيـــن

نزلت دمعه بدون لايحس ..وبتعب..:ليش يااشوق

ليش ذبحتيني بفعلتك الخايســه..ليش خليتيني اندم

اني اعطيتك الثقه بكل شي...

غمض عيونه وهو يرجع جسمه لوراء.. ودموعه

بدت تنزل بهدوء قااتل..

تعبت تعـــبت من هالحياه ومن قسوتهااا...

فتح ازارير قميصه وهو مخنوق من حــاله..

وشلون ابنسى وهي محتفظه بولده ..

فتح عيونه وهو يناظر السقف..انا لازم اخذ اجازه

وارد لهم ..وانا بنفسي اللي برجع عمار لابوه

وبزوجهاا.. اكيد راح تنسى مع الوقـــت...

..*...

...في بيت الجده...

بعد ماسلمو على الكل جلس ذيااب بجنب جدته

وبحضنه باســل اللي متعلق فيه وكأن له فتره طويله

ماشافــه..

حلاا بعد ماسلمت عليهم احتارت وين تجلس ...

ابوهاا فهم عليهاا ..وبخشونه..:تعالي ياحلا تعالي

اجلسي بجنبي..

قربت من ابوهاا وعلى فمها ابتسامه زايده حلااهاا

ذيااب ناظر بابو تركي وشلون حضن حلاا من

جلست بجنبه بنظره غريبه...

ورجع عيونه على باسل..:شلونك حبيبي..

باسل وهو زعلان..:بابا اممم ليش ماجبت لي حلاوتي..

ذياب وهو يرجع يبوسه..:ولايهمك الحين اشيلك

وتروح تااخذ اللي تبي ..

ابتسم لابوه بحب وهو يحضنه..

ذياب رفع راسه لجهت ابوه وهو يسمعه يسال

عنه.:طيب

يبه يسلم حالــك...

الجده نوره بدت تسولف لهم والكل جالس يسمع لهاا

بانصات وبحب واااضح

طول الجلسه وذياب عيونه شوي على امه وشوي

على حلاا اللي باين انها مندمجه بسوالف جدتهاا

ام ذيااب وهي بجنب الباب..:يمه حلاا تعالي ابيك

حلاا وقفت بخجل بعد ماكانت الانظار عليها

وبهمس..:عن اذنــكم...

طلعت وتوهاا دخلت بالصاله الصغيره سمعت

تصفير البنات وضحكم..

لفت على جهتهم وهي تقرب

منهم..وبشوق..:وحشتوني يالغوالـــي..

سلمت عليهم وحده وحده وهي بجد مشتاقه لهم

غاده بلقافه..:مابي اسال عن اخبارك لانها وااضحه.

بس ابي اعرف اش قال روميو لما شاافك بهالشكل

قربت منها حلا وطقت راسها بخفيف..:انتي

ماتتوبين ابداا..

فاطمه..:تعالي حلا اجلسي هذولي لو توقفين على

اسالتهم يجي بكره ماكملو تحقيق..

قربت من فاطمه وجلست بجنبهاا وعيونها على

جنى..:كيفك جــنى..

جنى بنعااس..:انا تمااام..

ايمان بحنيه..:جنو حبيبي اصعدي نامي فوق..

جنى وهي توقف...:طيب..بايــو..

روز وعيونها على حلاا..:ايواا ياست حلاا خبرينا

عنك عااد انتي اللي عندك سوالف..

حلاا بتمثيل..:اممم لا وين اتكلم معاكم اخاف

تختربون... وبعدين انتو توكم صغار..

....**..

في المطار....

جهااد حظنها قدااام الكل ..شوقه لهاا خلاه مايفكر

في الناس اللي حولينهم..

ابعدها عنه ..وبحب..:الحمد الله على السلامه..

ميس بضحكه..:الله يسلمك..جهاد شوف الكل جالس

يطالعنااا..

شبك ايده بيدهاا..وبصدق..:مايهمني احد..خليهم

يطالعون ...المهم اني سويت اللي بقلبي وبس..

شدت على ايد جهااد وش قد محتاجه لهالكلام

قربو من السياره ركبت وجهاد يطلع شنطهاا

ركب بسيارته وعيونه عليهاا..:انتي وش هالكرش

كله اعتقد معاك عشره توام..

ميس بخوف..:يمه منك ..فال الله ولا فالك ..

ضحك بصوت عالي ..وبوناسه..:اش رايك نسحب

على الكل ونروح نتغدى لنا بمكان حلوو

ميس..:عشان تذوق ذاك الطق من امي اللي يخليك

بفراشك اسبوع..

جهاد قبل يتكلم طالع بجواله اللي يدق..

وبونااسه..:هلا بتركي هلاا باابو جهاااد..

تركي ..:من زين اسمك عااد عشان اسمي ولدي

..تبيه يتعقد.؟؟؟

جهاد وهو يتصنع الصدمه..:اسمي موب زيــن..؟

تركي بعيااره..:الا يلوع الكبد.. الله يعين اللي

بتاخذك..

جهاد بتصريفه من هالموضوع اللي يقلب موديه..:

انت وينك الحين في البيت العوود ولا..؟

تركي وهو باقي بفراشه..:لالا وين انا باقي في

البيت شويااات واروح هنااك...

جهاد..:اهاا بنتقابل اجل..

تركي بتردد..:امم جهاد تقول لو اعتذرت من ذياب

على شين تصرفي معاه بيسامحني..

جهاد بصدق...:انت قوله انك ماكنت تدري انو

جدتي اللي خططت لكل شي ولامالمته..

تركي وهو يتنهد..:على خير ..

جهاد وعيونه على ميس..:يلاا مظطر اقفل الحين

تركي..: الله وياااك..

....*..

..عند ساره..

ارتااحت من عرفت انو مافيه احد بالصاله الداخليه

غير ذياب والجده وابو ذيااب وباقي الحريم

مرت على المرايه المركونه بالمدخل صلحت شكلها

وطشت عليهاا العطر بكثاافه وهو مقتنعه بنفسهاا

مافيه تستحمل تكون جالسه بعيد عنه وهو جالس

مع حلاا ..

ابتسمت بخبث وهي تشوف حلاا دخلت على الصاله

يعني فيهاا تسوي اللي براسهاا واكثـــر

دخلت عليهم..وبنعومه..:صبــاح الخير..

الكل لف على جهتهااا مصدوم ومتفااجى ..

جيتهاا غير متوقعه وخااصه اليــوم..

طالعت بحلاا اللي باين على وجهاا الصدمه

وابتسمت بنتصار..

قربت منهم وسلامت بعد ماعدت من جنب حلاا

اللي باقي وااقفه واطالعهااا

ساره قربت من ذيااب حضنته بجراءه وهي تبوسه

على خده ..

جلست بجنبه وعيونهاا كل شوي تتلفت لحلاا اللي

جلست بجنب امهاا..

الجده..:كيفك ياساره..؟

ساره بتصنع..:طيبه يمه كيفك اليوم عساس طيبه..؟

الجده ..:الحمد الله...

رجعت تناظر بذيااب ..:حبيبي كيفك ..؟

ذيااب ناظرهاا ثواني..وبهدوء..:تمااام..

وقف ابو ذيااب..:يلاا لازم اشوف ابو تركي اكيد

انه جالس بالضيافه الخارجيه..

ساره شالت عباتهاا بعد ماطلع ابو ذيااب ورجعت

جلست بجنب ذياب قربت منه اكثر..وهي تحضن

ذراعـــه..:وحشتـــني...

ذياااب وعيونه بعيونها.بعد مالاحظ انو الكل مشغول

بالسوالف بدون لاينتبه لحلا..:اممم للحين مانسيت

كلامك لي عن باسل لما كنت مسافر..

ارتفعت له وهو تبوسه ..:اسفه حيااتي كنت تعبانه

ومااحاسبت على كلامــي..

نزلت عيونهاا عنهم مافيهاا تتحمل اكثر..منظرهم

مع بعض وكانهم عشااق محرومين من بعـــض..

دموعهاا ملت عيونها ولو ترمش نزلت من اللي

الغيره اللي تملكت قلبــهاا..

بلعت الغصه وهي تتذكر انو هذااا اول يوم لهم

وصار كذاا وقداام الكل اجل بعدين اش بيصير

قدامهاا..

ارفعت راسها لجهتم بعد ماسمعت صوت ساره العالي..

ساره بقصد..:خلااص حبيبي..بس انا اللي مشتاقه

لك اكثــر..

استغرب من صوت ساره اللي ارتفع فجاه ..وبعفويه

رفع راسه وطاحت عيونه بعيون حلااا

ضااع بعيونهاا اللي غرقانه وفيهاا نظره غريبه له

غمض عيونه بقوه وشلون مااحسب حساابهاا

تنهد بالم وهو يرجع يفتح عيونه ويناظرهاا وهي

منزله راسهاا وتنااظر باضافرهاا..

ميس من وراهـــم..:صباحــووو

الجده نوره وهي توقف بعثره..:يمه ميس حياء الله

بنتي..حيا الله الغالــيه..

تقدمت منهم وسلمت عليهم بحراره وشوق وااضح

قربت من حلاا وحضنتهاا بحااجه..وشلون افتقدتهاا

لما كانت ببريطانيا مع سيف كانو يشوفون بعض

ويشكون لبعض بس من توفى سيف وصار اللي

صار حست بالوحده رغم اللي تعرفهم هناك..

حلاا ماكان ناقصهاا غير الحنان اللي لقته من ميس

وبدون تفكير نزلت دموعهااا اللي كانت كاتمتهم

ميس ناظرت بوجه حلاا وهي تمسح دموعهاا بعد..

كل وحده منهم محتاجه للثاانيه ...

حلاا ابتسمت لميس وهم يجلسون بجنب بعض

الجده نوره..:انتو ليش تصيحون هذا بدال لاتفرحون

ببعض..

ميس بتصريفه..:يمه هذاا الشوق ..الا كيفك يالغاليه.

الجده..:طيبه..يمه عساء هالحمال ماتعبك..؟

ميس ببتسامه..:الله يعين يالغاليه..

ام ميس..:يمه بشريني عنك وعن خالد..الله يفرح

قلبه اللي اخذ له اجازه وفرح قلوبناا بشوفتكــم

ميس ببتسامه بااهته..:كلنا طيبين..بس اهو ماجاء

ويااي..

ذيااب..بستفهاام..:انتي جيتي لوحدك..؟

ميس بنظرات مشتته..:ايه..ماقدر ياخذ اجازه وانا

صممت الا اجي واشوفكم..

ذياب رفع حااجب..وبشك..:اهاا اكيد مالاقى اجازه

ميس رفعت راسها لجهت ذيااب وعيونها عليه

وعلى ساره توهاا تستوعب مكان ساره ومكان حلاا

رجعت عيونها على حلاا بتعجب..توهم متزوجين

امس يعني المفروض اهياا اللي تكون بجنبه..

ركزت عيونها على حلاا..وبهمس..:اش اللي صاير

مو تو زواجكم امــس..

حلا وعيونها بعيون ميس ..وبهمس..:بعدين نتكلم

مابي دموعي تنزل قداامهم ...

ميس وهي عاقد حواجبها...وبصوت راخي..:انزين

...*..

...في بريطانيــا..

ماله خلق يرجع الشقه ومايشوفهاا فيهاا ..

جلس بالبوفيه وعيونه على اللي رايح واللي رااد

يحس بتعب فضيع وافكاره مشوشه..

تنهد وهو محتار يتصل يتطمن عليهاا ولا لا ..

يبي يسمع صوتهاا اشتاق لهاا وهو لسى شايفهاا من

كم ساااعه اجل شلون بتكون ايامه الجايه..

اتصل على رقمهاا.وللاسف كان مقفل...

خاف لايكون صار لهاا شي طالع بساعته اكيد

وصلت..

رجع يدق بس هالمره على جهااد..

جهااد..:هلاا خالد..

خالد..بسرعه..:وصلت ميس..؟

جهاد وهو يضحك..:ياخي اذا انت ولهاان عليهاا

ليش استغنيت عنهاا وخليتها تجي..؟؟

خالد غمض عيونه ..وبهمس..:اهياا اللي قالت اني

استغنيت عنهاا..

جهاد وهو مستغرب من صوت خالد اللي انقلب..:لا

لــيش انتو بيناتكم شي..

خالد وهو يتنهد براحه..وعيونه لبعيد..:لالا اساسا

ماقو زعلاهاا..بس وينها ليش قافله مبايلهاا..

جهاد بطيبه...:امم تلاقيها لاهيه مع الاهل اكيد راح

تفتحه وتكلمك بنفســهاا..

....*....

العصر الساعه اربعه ببيت الجده...

ميس بصدمه..:وليش ماخبرتيني ياحلاا..؟

حلا وهي تمسح دموعهاا..:تكفين مابي يبين عليك

انك تدرين بشــي..مابيه يشك..يكفي انه اقتنع نجلس

هالساعتين هناا..

ميس بطيبه..:يمكن كان يبيكم تطلعون مع بعض

وبعدين انتو الحين عرسان ..يعني المفروض انكم

ويا بعض موو..

حلا ابتسمت بسخريه..:أي عرسان واللي يسلمك

..كل شي يمشي بالمقلوب ساره معاه وانا هنا

مايدري عنــي..وبقهر...دااامه يحبهاا هالكثر ليش

تزوجــني...؟؟؟

ميس وهي تتنهد..:صدقيني ذيااب مو سيئ لهدرجه.

حلاا وقفت قدام التسريحه وهي تصلح مكياجهاا اللي

اخترب..وبتعب..:مابي الماضي يرجع لي مافيني

اتحمل شقى جديـــد...

ميس وهي تناظر جهة الباب اللي ينطق..

وبنعومــه..:تفــظل..

دخل وعيونه عليهاا من جات ميس وهي مختفيه

ماقدر يجلس اكثر.. حتى وهو جاالس باضيافة

مع الرجال الا انو بالــه ويااهاا..

قلبه قاارصه عليهاا حاسس انو فيها شي..

قرب منهاا ووقف بجنبهاا ورجع عيونه على ميس

وبهدوء..:امم كانو سوالفكم ماخلصت..

ميس وعيونها على حلاا اللي ماناظرت بذيااب من

اول ماادخل هذا غير التوتر اللي باين عليهاا..

مشت ناحية الباب..وببتسامه..:عادي عندنا وقت

نكملهاا والحين بطلع قبل تقلعني..

ذيااب..بمزحه..:زين اللي عرفتي على نفسك..

ميس ضحكت بصوت عالي وهي تسكر الباب وراها..

لف على جهتهااا وعيونه على ملامحــهااا...

وبمزحه..:مو كان الجلسه حليت لــك..

ارفعت راسهاا..وبقوه..: بس مو مثل حلاتها عندك ..

رفع حاجــب..وبستفسرار..:وش قصدك..؟؟

رفع كتفهاا...:امم ولاشي بس ليش مكلف على حالك

وجاي..؟؟

عقد حواجبه..:يعـــني..

تنهد بضيق..:ولا شي..والحين فيني اطلع ابي اشوف

امي قبل نروح..

ضغط على كفه ..وبحده..:انتي تعرفين اني ماحب

هالاسلوب صح..؟؟

ابتسمت بسخريه..وعيونها بعيونه..:ليش تزوجتني.؟

جمد محله من سؤالها المفاجي..وشلون بيجاوبهاا

اذا ماعرفت تقراء عيونه اللي تعشقهاا من صغر

سنها..

انقهرت اكثرمن صمته..وبقهر..:داامك تحبهاا ليش

اخذتنـــي هااااه..؟

طالعهاا لفتره وابتســـم وعيونه مركزه بعيونهااا

بلعت ريقهاا من لاحظت ابتساامته وشكت بكلامهاا

لايكون غلطت بدون لاتحـــس على حالــهاا..

لف عليهاا وهي يحط ايدهاا على التسريحه اللي

وراهاا وهي صارت محاصره وهو مقابلــهاا..

وعيونه تدور على ملامحها الفااتنه قرب منها اكثر

وهو مستمتع بقربــهاا الين صار لاصق فيهااا

وبثقــــه وغرور خلتهاا تشهق بصوت عالي...:؟؟؟؟

لاتغرك الضحـــــــكه؟

لآ تغرّك ضحكتي .. عندي جروح ..!

لو / تمرّ .. جبـآل .. خلـّتهآ .. رميم .....!!

دوم أردد ( مآبعد هـ الروح .. روح )

ومن سمعني أبتسم لي ( يآقدييييم ) !!

إلين صرت بـ تآلي أيامي / سموح

أبتسم .. والله بـ أحوآلي .. عليييييم ..!! ]

الى هناا ينتهي البــارت...

ارئـــــــــــكم..توقعاتكــــــم...

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

فاصل إعلآني ^_^ / ..

لا احلل مسح اسمي مع على الرواية ..

تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بسم الله العزيز الكـــريم..

البـــارت السابع عــ17ــشر

أشفقي بالله وفهميني

مرهقه بالحيل أنتي تتعبيني

ليه يعني

ليه يعني وش تبيني

بكل صوتي اعترفلك

أحتوينيا

لكل حولي ياغناتي قد سمعني

قد فهمني ومن عيوني هوعرفني

وحس بإحساس قلبي

وشهو يعني

وشهو يعني

لو فهمتي

من حروف الحب يعني

وشهو أعني

لو بغيت اخفي حنيني

شوقي ياروحي فضحني

ولو تبي تحظر شعورك

ونات في جرحك جذبني

ليه يعني

نحرم احساسٍ سكنا

وليه يعني

نمنع فينا الي توطن

وصار معنا

ليه يعني اليوم

نحرم لي جمعنا

يتبع ,,,,

👇👇👇

تعديل المقال