رواية تفرقنا سنين وماجمعنا غير الجرح -23

رواية تفرقنا سنين وماجمعنا غير الجرح -23

ليه يعني

نحرم احساسٍ سكنا

وليه يعني

نمنع فينا الي توطن

وصار معنا

ليه يعني اليوم

نحرم لي جمعنا

هو قلبي وهو قلبك

ليه نحرمهم وصالٍ

ليه يعني

ليه ياروحي آنتجنا

اقبلي ياروح روحي

وبدلي ونات بوحي

غيريها

وبدليها

واسكني بروحي ودمي

مو بيدي

شعوري ياروحي فضوحي

ليه يعني أنتمنع

ليه ياروحي تنوحي

اعذار وظروف اتصنع

اشفقي بالله علي وفهميني

مرهقه بالحيل انتي تتعبيني

ليه يعني

ليه يعني وش تبيني

بكل صوتي اعترفلك

الكل حولي ياغناتي

قد سمعني قد فهمني

انقهرت اكثرمن صمته..وبقهر..:داامك تحبهاا ليش

اخذتنـــي هااااه..؟

طالعهاا لفتره وابتســـم وعيونه مركزه بعيونهااا

بلعت ريقهاا من لاحظت ابتساامته وشكت بكلامهاا

لايكون غلطت بدون لاتحـــس على حالــهاا..

لف عليهاا وهي يحط ايدينه على التسريحه اللي

وراهاا وهي صارت محاصره وهو مقابلــهاا..

وعيونه تدور على ملامحها الفااتنه قرب منها اكثر

وهو مستمتع بقربــهاا الين صار لاصق فيهااا

وبثقــــه وغرور خلتهاا تشهق بصوت عالي...:

ادري انك مشتاقه لي..وبهمس..وميته على ماالمك

شهقت بصوت عالي..وبلعثمــه.:انت أأ

ماوقف الين يسمع باقي كلامهااا

سحبهاا بسرعه وحضنهااا وشد عليهاا وهو طااير

من الفرحـــه..معقوله تحبنــي..؟؟؟

نزل راسه وبااسهاا قرب شفايفه من اذنهاا وهو

يحس برجفتهاا..:اششش اهــدي يالغيـــور..

ارتجفت اكثر من سمعت كلمته اللي زاادت من

توترهاا وهي جامده ماتدري شلون تتصرف..

ابتعد عنهاا بشكل بسيط وهو مازاال قريب منهااا

رفع وجها جهته وعيونه في عيونـها

وبوله..:امم انتي تغاارين علــي..تدرين اللي يغار

يعني شنــو.؟؟يعني يحب..يعني انتي تحبيني.؟؟؟

غمضت عيونهاا بقوه وصورت ساره وهي تحضن

ذراااعه مرسومه في خيالـــهاا..

فتحت عيونهاا وناظرته وشلون مترقب جوابهاا

تنهدت بصوت عالي..وبثقه..:؟؟؟؟

..**..

..في بريطانيا...

فكر شلون يوصل لهااا.. مداامت مسكره جوالها

للحين يعني مالهاا نيه تفتحه

ابتسم بنتصار وهو يتذكر الجمعه اليوم في البيت

العود يعني امه بتكون هنــاك..

رفع الجوال وبعد ثالث نغمه ..

ام خالــد..:هلا يمه ..

خالــد..:قوه يالغااليه..

ام خالد وعيونهاا على ميس اللي بان ارتباكهاا

ووبصوت حنون..:الله يقويك ياروح اميمتك..كيفك

خالد بتعب..:طيب يالغالـــيه..الا انتو كيفكم وشلون

امي نوره..

ام خالد..:الكل يسال عن حالك يالغالــي..

خالد ..:الله يسلمكم اجمعين..وبتردد..:يمه ميس بجنبك..

ام خالد تاكدت من سؤال خالد انو بيناتهم شي رغم

انو ميس انكــرت...وبصراامه..:انت مسوي لها

شي؟

خالد بختصار..:لا..

ام خالد...:اجل الله يوفقــكم...

ومدت الجوال على ميس..:خذي هذاا خالــد..

وقفت بتعب وهي تبتسم لام خالد شالت الجوال

وطلعت براء الغرفــه..

جلست بقرب مكان فااضي.

وبصوت حاولته يكون عااادي..:هلا..

خالد ابتسم بفرحه اول ماسمع

صوتها...وبشوق..:الحمد الله على السلامــه..

تنهدت بصمت ..وببرود..:الله يسلمك..تبي شي..؟

غمض عيونه وبالـــم..:ابي اشياء ياميس موب شي

وااحد...

بلعت ريقهاا من صوته اللي وواضح فيه التعب..

فتح عيونه وهو تاايه من البعد اللي بينهم..وبهمس.:

وحشتينـــــــــي..

ضحكت بسخريه..:هه زين اللي تحـس...

عقد حواجبه وبجديه..:ميس انتي تشككين بغلااك؟

طالعة بروز اللي جايه ناحيتهاا وبختصار..:تبي شي

قبل اقفل الخــط..

خالد بقهر..:نعم..؟ انا قاعد اكلمك اذا ماتدرين..

ميس ببرود..:اوكـــي تامرني على شي..؟

خالـد بصوت عالـي..:ميــــس

ميس..:.................

خالد بنرفزه..:اوكي خليك على عنادك يامدام..

وقفل الخط قبل يسمع تعليقهااا..

.....

..عند حلاا وذياااب..

فتحت عيونهاا وناظرته وشلون مترقب جوابهاا

تنهدت بصوت عالي..وبثقه..: عمر حبك ماتعدي

منزلت تركي اخوي يعني لاتفهم تصرفاتي غيره

وحب ومن هالافكار..

تصلب مكانه وعيونه مفتوحه من صدمته بكلمهاا..

اخر شي تمنااه انه يسمع منها هالشــي..

اساسا وشلون تمدى في مشاعره من امس وهو

كان ناوي يخفي حبه لهاا..

ابتعد عنهاا لوراء وعيونه مركزه عليهاا وهو محتار

وشلون بيرد عليهاا بعد الكلام اللي سمعه...

يحس ببركان ثااير بقلبـــه ...تنهد بصوت عالي

وبجديه وهو يعصر على كفه..:خذي في بالك تركي

اخوك وانا زوووجك مفهوووم..

وبنظرات حـــاده..:وليش تزوجتك لانهاا رغبت امي

ولا انا ماعمري التفت للمستعمل..

سكت وهو يشوف دموعهاا اللي تجمعت بعيونهاا

وشفايفهاا وشلون بدت ترتجف

قرب منهاا وبصوت عالي..:تدرين ليش انا ماحب

المستعمل لانه رخيص وانا مااحب الرخيص

وكل شي املكه غالـــي..

الي هنااا وخلااص مافيهاا تسمع اكثر من اللي

سمعته ماكنت تتوقع انو ينظر لها بهالشكل..

اخر شي توقعته انه يشوفهاا رخيصه..

وقفت قبالهاا وبدون تفكير ضربته على صدره

ودموعهاا خانتهاا وتمردت على خدودهاا..وبصوت

يقطع القللب..:انا مو رخيصه انا احسن منك ومنهاا

انا مااحبك اكرهك واكرهكم كلكـــم...

قاطع كلمهاا صوت جدتهاا اللي براء وصوتهاا تسأل

عنهم..

مسك كفوفهاا بيده وعيونه بعيونها..وبجديه..:امي

بتجي ممكن ناجل كلامناا بعديـــن..

غمضت عيونهاا بقوه وصوتها شهقاتها صارت اعلى..

ماتبي تكون ضعيفه قداامه بس كلامه وصل

بالصميم وماقدرت تتحمله..

طالعاا وشلون تبكــي صد بعيونه عنهاا وهو للحين

شايل بقلبه علــــيهااا ..ضغط على كفهاا بقوه بدون

لايحس وفكره وحده مرت في بالـــه

اكيد ماراح تحبك واهياا عرفت رجال قبلـــك

بكت اكثر من الالم اللي بيدهاا ..

ناظرهاا من بعد ماسمع صوت طق الباب

وبهمس.:اشششش

رجع عيونه للباب..وبجديه..:تفظـــل..

دخلت وهي تتعكز على عصاتهاا ومبتسمه برااحه

اول ماطاحت عيونها على حلاا اختفت ابتسامتهاا

اقتربت منهاا وهي تمشي بعثر وخوف

قربت منهاا وهي تسحبها جهتها..وبخوف..:يمه

حلاا اش فيك عسى ماشر ..

حلااا وعيونها على جدتهاا..:.................

ناظرت بذياب ..وبجديه..:اش فيكم اش صاير..؟

ذيااب رجع عيونه على جدته اللي باين الخوف

عليهاا ..وببرود..:اول اجلسي يمه بعدين اقولك

عن اللي صار..

جلست وجلست حلا بجنبهاا...ماقدر يجلس وبقلبه

اللي فيه مال على الجدار وهو مكتف ايدينه

وبتصريفه..:يمه ترى الموضوع مايسوي تــ

قاطعته وبغضب..:ابي اعرفه حتى لو مايسوى

رجعت عيونها على حلاا وهي تحضنهااا

وبحناان..:يمه اش فيك تبكين لايكون ذياب

زعلك...

حلاا وهي تمسح دموعهاا..:وببحه..:مافيني شي

يالغاليه ارتااحي..

عقدت حواجبهاا وبغيض..:انا قلت مابروح الين

اعرف سبب هالدموع..

عدل وقفته وهو يشوف اصرار جدته ..

تنفس بعمق وهو يبي يختلي بنفسه..يبي يفجر كل

هالضيق بمكان بعيد مااحد يشوفه فيه غيره..

ناظر بامه..وبجديه..:ماتبيني اسافر بكره ...

طالعته الجده..وبستفهام..اتسافــــر لحالــك..؟

طالع بحلاا ..وببرود..:أي لحالي عندي شغل ماينفع

يتاجـــل..

حلاا ناظرته بعيون دااامعه اللي قاعد يسويه فيهاا

اليوم فوق المحتمـــل..

ماتوقعت توصل فيه انه ممكن يفوت شهر العسل

بسبب طيش او زعل..

بلعت الغصه وهي متاكد مافيه فرصه ترجع

كرامتهاا اللي انهدرت الا الحيـــن..

مدت كفهاا وشبكتهاا بيد امهاا..وببتسامه مزيفه..:يمه

انا اللي قلت له مابي اسافر ويااه..

طالعتها جدتها وهي منجنه منهم اثنيهم..وبقهر..:انت

تبين الناس تتكلم فيـــك..؟ اش تتوقعين راح يقولون

هاا ..وبهمس يوصل لهاا..تبينهم يقولون هج زوجهاا

منهاا قبل يعرفهاا عدل..

شدت على شفايفهاا بتعب امهاا قااعده تحرقهاا بدال

ماتتفهم وضعهاا.

ابتسمت اكثر وهي تتصنع القوه..:يمه نسيتي

جامعتي انا مافيني اسافر واتركــهاا..

طول الوقت عيونه عليهاا وهو متلخبط معقوله االلي

كانت تبكي من شوي قاعده تتبسم عشانه بيسافر

ويتركهاا بدون شهر عسل..؟؟؟

جدتهاا بغيض..:اش تبيني اجاوب على الحريم اذا

اسالوني ليش ماسافرتي هااا..؟

طالعت ذياااب وببرود..:يمه ماراح يعرفون اني

ماسافرت واذااا عرفو موب مشكله انا جرب

شهر العسل مره يعني ماافتني شي..

..**

...عند مهااا وشـــوق بالمــوول...

مهاا وهي تشوف الملابس..:شوااقه اش رايك بهذاا

احسه راح يطلع جناان على عموري..

شوق وعيونها على البدل الثانيه..:مهاوي اذا حلو

حطيهم بالسله..

مهاا ابتسمت بحب..:انزين مالت عليك اللي ابي

اعرف رايك ..

شوق وهي تشيل لبس ثاني..:امم اش رايك هذا اللي

جنااان صح..

مهاا بقصد مسكت ايد عماار واعطت شوق ظهرها

وبعياره..:لاتكلميني اناا باخذ اللي يعجبني بدون

ماسال احد وياليت انتي كمـــان..

شوق وهي ترجع تتفرج على الملابس..:بكيفك

يالدوباء..

مشت مع عمار متوجهين لجة الايسكريم وهي

تضحك رفعت راسهاا وبسرعه تلاشت ابتسامتهاا

من شافت حاتم جالس من علي ولد عمــهاا

ارجعت خطوه لوراء وكل الاحدااث اللي فااتت

تتكرر براسهااا..

شد على ايدهاا عمار ..وبستفهام..خالتو ماراح

تشترين لي ايس كريــم..؟

طالعت بيد عمار بدون لاترمش وهي للحين

مصدومه شنهو اللي جمع بين على و حاتـــم..

مشت مع عمار ..وببرود..:اكيد حبيبي باخذ لك..

.....

عند مشــاري...

جلس بكرسيه بعد ماخلص كل المرضى اللي عنده

وعيونه على الاورااق اللي بيده وباله في الموقف

اللي جمعه هو وشوق بزواج ذيااب..

ليش حسيت انهاا شوق..طيب معقوله تكون اهياا بس

مااحبت تقول..

رفع ايده لشعره وهو يشده بتعب..انزين ليش

ماناظرتني لما سالت عن اسمـــهاا..

تاففف بعجز من كثر التفكير والحيره

وقف وقبل يطلع طاحت عيونه على التذكار اللي

موصي عليهاا ذياااب لشهر العسل ..

شالهاا وهو يلبس نظارته وبيده الثانيه مفاتيحه..

الدكتتوره بدور قربت منه اول مااشافته طالع من

مكتبه..وبنعومه..:دكتور مشاري..

مشاري وقف من سمع احد يناديه طالع بجهتهاا

وببرود..:نعـــم ..؟؟

بدوور بتوتر..:ااممم بتطلع الحــين...؟؟

مشاري بملل..:أي كل الاطفال اللي عندي خلصت

معاينتهم واذا في حاله تدعي اني اجي ماراح

يقصرون الربع..

بدور بخيبه..:اهاا طيب مابي اعطلك زوود..

مشى وبصوت عالي..:يلا اخليك بحفظ الله

...

..عند حلااا وذياب..

دخلو لجناحهم اللي بالفندق وكل وااحد ملتزم

الصمت..

حتى من بعد النقاش اللي صار لهم مع الجده ولا

واحد منهم تكلم...

علقت عبايتهاا وبسرعه شالت لهاا بنطلون فضفاض

اسود وبدي علاق اورنج ودخلت التواليت

قبل اذاان المغرب..

دخل الغرفه وعرف انها موجوده في التواليت

جلست وارخى راسه بين ايدينه وطعنتهاا تتردد بقلبه..

اناا جربت شهر العسل مره يعني ماافتني شي..

اناا جربت شهر العسل مره يعني ماافتني شي..

غمض عيونه بقوه وهو يحس بخجر ببلعومه

وشلون يتصرف معاها اذا اهياا تفكر بهالشكل..

مستحيل يشيلها معها بهالسفره لانه تعبان منهاا ومن

كلامهاا القاسي...

رفع راسه على طلعتهاا من التواليت وعيونه مركزه

عليهاا..

انصدمت لما طاحت عيونهاا بعيونه اللي تخوف

وبان عليهاا التوتر ..مشت وهي تتصنع اللا مبلاه

وقفت قدام التسريحه وهي ترفع شعرهاا وتثبته

ذيااب وهو يوقف..وبجديه..:جهزي ملابسي على ماسبح..

نزلت عيونهاا وهي تشيل العطر وتطش لهاا

تنهدت براحه اول مادخل على التواليت..

رمت الكحل من يدهاا وجلست بالمكان اللي كان جالس

فيه ..ليش قااعد يعاملني بهالطريقه..مابيك تسكت

بس هم مابيك تتكلم وتجــرح..

نزلت دموعهاا بحرقه وهي تدري انهاا جرحته

لما ردت عليها بسالفت شهر العســل

وقفت وهي تمسح دموعهاا احتارت اش تاخذ له لبس

استقرت على بنطلون اسود وتي شيرت ابيض.

حطتهم بالسله قرب الحماام..

زادت القلوس والكحل الداخلي وطلعت للصاله

الخارجــيه..

استرخت على الكنبه وقلبهاا وياهاا..

طلع من الحمام على السريع ترك الملابس اللي

مجهزتهم ولبس ثوب ابيض وعدل شمااغه على

السريع وهو يسمع صوت الاذان..

مر على الصاله تعدهاا بخطوتين..وبجديه..:تبين

شي اجيبهم معاي وانا جاي..

حلاا بختصار..:لا

طلع وهو يستغفر ويدعي بقلبه انو ربي ينور له دربه...

بعد فتره خلص صلاته ركب سيارته تعب وهو

يفر من شارع لشــارع بدون هدف ..

قطع عليه من الملل اللي اهو فيه مشاري اللي

يتصل .

رفع الجوال...:هلا مشاري..

مشاري..:هلا فيك..كيفك..؟

ابتسم بسخريه..:تماام التماام..

مشاري بدون لاينتبه لاسلوب ذيااب..:التذكار

صارت معاي والحجز بكره العصر على الساعه

اربعه..

تنفس بعمق.وبجديه..:ماراح احتاجهم كلهم ..ابي

تذكره لي لوحدي..

مشاري بستفهام..:وزوجتـــك؟؟

ذياب ببرود...:مابتسافر ..

مشاري بتعجب..:ليش مو توك تقول احجز لنا

وكنت حدك متحمس وش غيرك..

ذياب ..:اممم ولا شي بس عرفت انها مضغوطه

بسبت المحاظرات وعلى وجه امتحانات

مشاري بشك..:بس هذاا موب سبب يخليك تترك

حرمتك وتسافر وانتو من توو متزوجين صح..؟

ذياااب وهو يمشي لجهت الجناح بعد مالبق سيارته

وبتعب..:مشاري مابي اقول السبب الحين ..

مشاري بتفهم..:ولايهمك ذيااب بس لاتنسى انا

موجود ومستعد اجيك الين عندك بس المهم انت

ترتاااح..

ذياب ابتسم بحب..:تدري مشاري لو ماانت بحياتي

مادري اش كنت بسوي..

مشاري وهو يتصنع الضحكه...:اكيد كنت بتضيع

مايبيلهاا حكــي..

ذياااب بتمثيل..:يلااا زين عطيتك وجه

مشاري ببتسامه..:يلااا تامرني بشي..

ذيااب وهو يدخل لجنااحهم وعيونه تدور عليهاا

..:يسلم رااسك..في حفظ الله...

مشاري..:سلااام..

قفل من مشاري وهو مستغرب وين بتكون

سمع صوت في المطبخ وعرف انها هناااك توجه

للغرفه دور على الملابس اللي جهزتهم ماحصلهم

بالسله فتح الكبت اخذهم لبسهم ومشط شعره بعد

ماطش له عطــر..

ارتاااحت من لاحظته دخل الغرفه احتارت وين

تجلس قررت تجلس بالصاله وتسوي نفسهاا

تتابع..

ركزت نظراتهاا على التلفزيون اول ماوصلهاا

ريحت عطره اللي انتشرت في كل المكــان..

قرب منهاا وهالمره جلس بنفس الكنبه اللي

جالسه عليهاا بس بعيد عنـــهاا..

توترت بس حاولت تقوي نفســهاا اكثر..

لف على جهتهاا ..وبجديه..:رحلتي على الساعه

اربع العصر جهزي شنطتـــي..

لفت على جهته وهو للحين مو مصدقه انه ممكن

يسافر ويتركهــا على.. بالهاا انه رااح يترااجع

من بعد كلامها الاخير له لما كانو في البيت العود

تنهدت بصمت وببرود..:؟؟؟

...

عند شوق ومهاا...

دخلوو لبيت شوق بعد ماااخذو حاجتهم من السوق

شوق كانت ملاحظه سجااات مهاا طول الوقت

بس ماحبت تسالهاا الا لما يكونون بمكان هااادي

دخلو لغرفة الضيوف ..

لفت شوق على عماار..وبتصريفه..:عموري حبيبي

روح شوف خالو باقي موجود هناا ولا طلع..

بعد ماطلع عمار جلست مقابل مهااا

وبستفهاام..:مهاااوي شلي قالبك هااا؟؟

مهااا بخوف..:حاتم يعرف علي..

رفعت حواجبهاا..وبتعجب..:وانتي اش دراك اهوو

قالــك..؟؟

مهاا ..:شفتهم بالمول..

شوق بحيره..:يمكن مجرد معرفه عاديه ..يمكن حتى

مايعرف انو هذاا ولد عمك..

مهاا حركت راسهاا بنفي..:لالالا مااعتقد قلبي

قارصني..

شوق بحيره اكبر..:مادري بس لاتحكمين قبل

تسمعينه..

مها بضيااع..:تدرين لو يعرف على انو حاتم

يصير زوجي راح يبعده عني باي وسيله

شوق بتفائل..:يابنت ماتدرين شلي جمعهم ..انتي

اسألي شنو بتخسرين يعني..

ضغط على عيونهاا..وبتعب..:مادري كل شي

ملخبط عندي من شفتهم وياا بعض..

شوق ابتسمت وهي حابه تخفف من حدة التوتر

اللي عايشه فيه مها..:لاتسبقين الاحدااث بعدين

روميوو مايقدر يفرط بهالزيــن كله..

......

..عند ذيااب وحلااا...

تنهدت بصمت ..وببرود...:بس انا مادري اش

تحتااج ..انت رتبهم بنفسك..

عقد حواجبه ..وبحده..:انا قلت انتي ومابيرتبها

غيرك...واذا ماتعرفين وش تحطين انا اعلمك

ماعندي مشكله..

طالعته لفتره رغم كل اللي بقلبهاا الا انهاا تبي

تحفظ ملامحه عدل.. وكأنه بغيب عنهاا اعواام

نزلت راسهاا..وبهمس..:يصير خيــر..

صد عنهاا وجهه للقداام..:باقي لك هالسنه وتتخرجين

موو.؟؟

ماتفاجات انه يعرف بهالشي لانها صارت تتوقع

منه أي شي..وببرود..:أيـــه..

يتبع ,,,,

👇👇👇

تعديل المقال