رواية تفرقنا سنين وماجمعنا غير الجرح -38

رواية تفرقنا سنين وماجمعنا غير الجرح -38

قفل من راشد وهو متلخبط ..الحين شلون بيتصرف

مع هالمصيبه..طالع بجواله يتصل عليها ويخبرها ولا شلووون..

وقف وهو محتااار ..رمى جواله وهو متاكد انو

النوم طار..اخذ ملابسه ودخل ياخذ شور يبرد

اعصابه..طلع وللحين تفكيره مشوش براشــد..

اتصل على رقم وهو عارف ماراح يرتاح الا لما يسمع صاحبته..

ابتسم اول ماسمع صوتهاا..وهي تصرخ على

صاحبتها..وبضحكه..:روز...؟؟

روز وهي تمشي..:صباح الخير..

احمد ببتسامه..:صبااحك انــا..

اضحكت بصوت عالي..وبشقواه..:امم اجل صباحي

امم موذاك الزووود

احمد وهو يتصنع الزعل..:افااا ..اجل خلاص يلا

بقفل..

روز بسرعه وهي تضحك..:لالالالا امزح امزح

اقصد انه حلووو ..

احمد.:...........

روز بخوف..:احمد انا ماقصد....

احمد ابتسم بخفه..:.................

روز بجديه..:احمدووه صدقني امزح..انا ماقصت ازعلك..

احمد وهو يتصنع الجديه..:وبعد احمدووه يعني

الحين مازعلتيني ابداا؟؟؟

روز بسرعه..:طيب اش تبيني اقوول..

احمد بصدق..:قولي حبيبي..

روز اضحكت بصوت عالي..:لالا وش حبيبي ذي.

لالا احمدووه ارحم..انا وين والرومنسيه وين..

احمد..:يعني عادي ازعل..

روز بغصه..:لالا مب عادي بس سامحيني هالمره

احمد بضحكه..:هالمره بس..

ابتسمت ودموعها في عيونها من خوف انه زعل

وبطفوليه..:أي هالمره بس..وبجديه..احمد باقي

بتجي اليوم صح..

غمض عيونه ..وهو يتنهد..:مادري..

روز بخوف..:فيك شـــي..

احمد بهدوء..: اذا شفتك اليوم بحكي لك..

..**..

ذياب وحلاا..

كم لي وأنا أقابلك في النوم وأصحى بك..

وإن هلت دموع عيني أنت مبكيها!

كم جابني الشوق ملهوف على بابك..

وأنا أردع النفس في بعدك وأعزيها!

إن جيت للجد ماأقوى لحظة غيابك..

هذي حقيقة شعوري مقدر أخفيها!

فتحت عيونها ببطى وهي تشوفه قريب منهاا وايدها

باقيه على خصره...تمنت لو وجهه جهتهاا وتشوفه.

تنهدت بالــم وهي تبوسه على كتفه..

ابتعدت عنه بهدوء عشان لايحس عليهاا..

غيرت هدومهاا على السريع وهي تشوف ساعتها

باقي لها اربع ساعت على الاختبار..

وقفت قدام المرايه تعدل شكلها بعد ماوضت وصلت

خلصت من شكلهاا وعيونه تتلفت له كل ثانيه..

باين عليه التعب والارهاااق ..

شالت كتابهاا ..وقبل تطلع قربت منه وعيونها

على ايده الملفوفه بالشاش..لمستها بخفه وحنان

وابتعدت عنه اول ماحست انه تحرك ببطى..

طلعت للصاله نزلت اكتابها على الطاوله..وهي

تفكر تجهز الفطور على مايصحى ..نزلت دورت

على جدتها واستغربت انها مو موجوده توجهت

للمطبخ..وبتسؤال وهي تشوف الخدامه..:ميري

وين ماما نوره..

ميري..:راحت ويا خالــد..

تنفس برااحه وهي تجهز فطوره على السريع

شالت الاكل وصعدته بنفسهاا..

دخلت وهي تشوفه توه طالع من الغرفه..

وزعت الاكل على الطاوله..وببتسامه..:صباح الخير

مر من جنب وهو ناوي يطلع..:صباح النور

لفت على وراء ولحقته قبل يطلع.وقفت قدامه

وبهدوء..:مابتفطر..

شتت نظراته عنها قبل يضعف..وببرود.:لا

مست كفه اللي تعووره..وببحه بانت بصوتها.:بليز

لاتكسر بخاطري ..

بلع ريقه من لمستها اللي شتتته ..وبهمس.:زين

ابتسمت بفرحه انه رجع ياكل وياها..جلس وجلست

قدامه وبدو ياكلون بصمت..

طول الوقت باله مشغول معاها باين بصوتها انها

تعباانه او فيها شي..

رفع عيونه عليها وهي تاكل بهدوء..

يبيها تتكلم بس اش يقوول..وبهدوء.:امي تحت

رفعت عيونها له..وببحه واضحه.:لا امم تقول ميري

راحت ويا خالـد..

عقد حواجبه..وبجديه..:بلعومك يعورك..

رفعت ايدها وهي تضغط على مكان

الالم..وبنعومه.:شوية برد ويرووح..

نزل عيونه عنهاا ..مايبي يضعف وينسى نفسه

معاها..وبجديه..:تبين اروحك للمستشفى..

تنهدت بصمت..:لا مايحتاج..وبتردد مدت ايدهاا

وحظنت ايده بوسط كفوفها..وبهمس.:باقي تعورك

رفع عيونه وتعلقت بعيونها البريئه..نظراتها غير,

نظرات واحد يحب وخاايف على حبيبه..بس

عقله راافض يفهم هالمعلومه بعد اللي استنتجه من فتره..

سحب ايده بجفاء..وهو يوقف..:تبين شي قبل اطلع

قربت منه ..وللحين مصره تكسبه لهاا..ارفعت

نفسها وهي تقفل زرار كان مفتوح بجة صدره

وقف جامد من تصرفاته ..من امس ماهي طبيعيه.

تبيه ..بس بعد شنو؟؟؟ غمض عيونه برجفه

وهو يحسها تبوسه على خده وتهمس باذنه.:انتبه

على نفسك، ولاتعور ايدك اكثر

يتبع

]وقف جامد من تصرفتها ..من امس ماهي طبيعيه.

تبيه ..بس بعد شنو؟؟؟ غمض عيونه برجفه

وهو يحسها تبوسه على خده وتهمس باذنه.:انتبه

على نفسك، ولاتعور ايدك اكثر..

ابتعد عنها بسرعه قبل يقرب منها ويخرب الدنيا

نزل بسرعه وتنفسه يرتفع وينزل من كثر ماقلبه

ينبض لهاا..

..**..

عند تركــــي..

جالس بمكتبه وهو يحااول يركز على الاوراق اللي

بيده بس غصب عنه يسرح فيــها...

طرت في باله فكره ومستحيل يفوتها لانها تعتبر

فرصه ذهبيه جت لعنده..

مسك الجوال وكتب رساله لحلا..

(حلا لازم اروح لـ ام مها بكره عندي كم استفسرار

حاب اعرفه..لو فاضيه تجهزي بمر عليك بعد

المغرب..)

رمى الجوال على الاوراق وهو يرجع راسه لوراء

وعلى شفايفه شبح ابتسامـــه..وبهمس..:يــارب..

ناظر بالجوال وهو يسمع صوت رنين الرساله..

شال الجوال وزادت ابتسامته وهو يقراء مضمونها

(تركي ماقدر اروح وياك لانو عندي اختبار.

اذا ظروري عادي روح لهم بنفسك وانا بخبرهم)

حلوووو

اجل بيقدر يشوفهاا عدلــــ...

رجع عيونه على الاوراق وهو يرتب الكلام اللي

ناوي يقولـــه..

..**..

في بيت مشـــاري...

جالسه بالحديقه بعد ماراحت عمتها ومي من عندهم

وعيونها على مشاري وعمار اللي يلعبون بحماس

شالت كوب الكوفي اللي يتصاعد منه البخار

وصارت تشرب منه بصمت وهو تبتسم على حركاتهم..

بدون لاتحس هي اللي تبي تكون معاهم بنفس

المكان وهالشي غريب عليها من تزوجت مشاري

..مشاري رمى نفسه على العشب وعمار صار

عليه وهو يضحك بانتصار..

مشاري لف براسه جهة شوق ..وبضحكه.:شووق

انت معلمته يفرد عظلاته علــي..

نزلت راسها وهي تحاول تخفي ابتسامتها..وبهمس

وصل لــه..:تستاهـــل..

لف على عمار بعد ماسمع كلممتها ..وبهبال يخفي

فيه زعله وضيقته بسبب كلمتها اللي جرحته.:عمار

قول حق امك اني امووت فيهاا..

عمار طالع امه وهو محتار ..وبتكرار.:يقول

بابا انه يموت فيك..

مشاري جلس وهو يرفع عمار عنه..مسك بيده

وقرب من شوق وكل واحد جلس بكرسي..

مشاري وعيونه على كاسة شوق اللي تركتها

على الطاوله..مد ايده وشالهاا..

شوق بسرعه..:انــا شربت منه ..بجيب لك واحد

ثاني

مشاري وهو يحظن الكاس بين كفوفه وعيونه

مركزه بعيونها..وبحب واضح..:انا ابي هذا

الكوفي بالذااات ورجع عيونه على الكاس..

يدور المكان اللي شربت منه لفه على جهته وهو

يقربه من شفايفه وصار يشرب منه بمتعه غريبه

شوق انحرجت وبسرعه نزلت عيونها عنه

وهي تفرك ايدنها ببعض...

مشاري بعد الكاسه عن فمه وعيونه عليــها

وبهدوء..:شوق ليش نكون بعاد عن بعض..وحنى

فينا نعيش مثل قبل واحســـن..

شوق غمضت عيونها..وببرود..:مابي اتكلم

في هالموضوع بذاات..

مشاري بتعب..:شوق انتي فاهمتني غلط..

حركت راسها بالنفي وهي تفتح عيونها.وبثقه.:

انا فاهمه كل شي...احمد خبرني..بس داخلي

مجروح منك..انا عانيت سنين..وانت ماتدري

عني لــ

قاطعه بسرعه وهو يشوف عمار يرجع يلعب بعيد

عنهم..:عمري مانسيت منـــك..اساسا لو شلتك

من بالي كان امداني تزوجة وعشت حياتي..

ارفعت راسها ..وبذهول.:تتزوج!!!

مد ايده وبتـــردد مسك بكفهاا..وبجديه..:أي اتزوج

مو انتو اختفيتو مره وحــده..وانا تعذبت سنين ادور

عليــكم ,,غيري بيقول سويت اللي علي و بيمشي

حياته ومابينتظر..

سحبت ايدها بجفاء ..وبعصبيه مالها تفسير.:وليش

ماتزوجــــت؟؟؟

ابتسم على جنب وعيونه بعيونها..:لانــي احبــك

صدت بوجها..وبقهر..:لاتقول احـــبك..

ميل راسه وبعنااد..:واعشقك لانك تموتين فيني

لفت على جهته..وبقسوه ..:لاتصير واثق من

مشـــاعري عشان لاتنصدم..

قرب وجهه من وجهاا وصارت تحس بانفاسه

وبهـــمس..:قولها وعيونك بعيوني..قولي مااحبك

يلاا قولهاا...

توترت ..ماتوقعت انها بطلب منها هالطلب..

تعلقت عيونها بعيونه اللي تناظرها بعشق يذبح

من خمس سنوات توها تشوف ملامحه من قريب

اختنقت من صوت قلبهاا اللي يتحرك بعنف..

ولسانها انعقد وكأنه يخونهاا ويكسر كبريائها

نزلت راسهاا ..وهي تبتعد عنه وتتصنع العصبيه

..:اعتقد ماني مجبوره اعيد كلاممي..

وقفت بسرعه وهي متلخبطه..واعطته ظهرها ناويه

تهرب منه ومن مشاعرها الغبيه اللي رجعت تحن

له بجـــنوون...

ضحك بصوت عالــــي وهو يشوفهاا تبتعد عنه..

وتوترهاا وااضحه بشكل فضيع..وبسعاده..:واخيرا

عرفت انك للحين تحبيني ...

..**..

في بيت ابو ذيـــاب..

ابو ذياب طالع بروز اللي جالسه بخجـــل من وجود

احمــد..وببتسامه..:روز وانا ابوك جيبي لي كاس

مويــه..

روز ابتسمت بنتصار وكأن ابوها يساعدهاا

تسوي اللي في بالهاا بدون لايحس عليها احمــد..

طلعت وهي تضحك وتتخيل شكل احمـد.

شالت الصينيه..

كاس مويه وعصير برتقال لبوها..واثنين عصير

فراوله طبيعي لها واحمد..

شالت الملـــح وصارت تنثره بالكاس اللين وصل

الى ربع الكاس خلطته مع عصير الفرواله

في كاس واحد

دخلت الضيافه وهي تتصنع الجديه..قدمت لبوها

ورجعت تنزل العصير بسرعه جهة احمد

وعصيرها بجهتها..وزعت الفطاير بهدوء ورجعت

تجلس بمكانها..

طالعت احمد وبقلبها..يلااا عاد اشرب..

وبسرعه اتسعت ابتساممتها اول ماقرب الكاس

من فمه ورشف منه رشفه خفيفه وتغيرت ملامحه

وهو يبتسم لـ ابو ذيــاب..

ضحكت بخفه وبسرعه طالعها احمد وهو مستغرب

ضحكتها..رفع حاجب اول ماعرف سر ابتسامتها

رجع عيونه على ابو ذياب اللي وقف يستاذن

ابوذياب..:يلا عن اذنــك ياولدي..

احمد بحترام..:اذنك وياك..مشكور يالغالــي..

احمد لف على روز اللي وقفت اول ماطلع ابوها

حاول يخفي ابتسامته..وبجديه مصطنعه.:

على ويـــن؟؟

روز بتوتر من جديته..:هااا أي شوي وبجي..

رفع حاجب ..وبجديه مصطنعه..:تعالي هنـــا

وهو يشر بجنبه..

اختفت ابتسامتها من جديته..:ماكنت اقصد كنت

اااأأ

قاطعها وهي يخفي ابتسامته..:قلت تعالي ماتفهمين.

قربت منه وبتردد جلست بجنبه وعيونها تناظره بخوف..

شال كاس العصير وهو يمده عليها..وبهدوء.:يلا

اشربيه..

شهقت بصوت عالي..وبطفوليه..:امووت لو شربته

وععع كله ملــح..

ابتسم على حركتها..وباصرار..:يلاا اشربيه وانتي

تبتسمين بعد مابيك تعفسين ملامحك..

روز بجنون..:احمدوووه

شال ايدها ونزل الكاس فيه..وبهدوء..:بعد احمدوه

هذي ..لازم تشربين حتى لو شوي

رفع الكاس لفمها وايده على ايدها.. رشفت منه بقله وابعدته عن

فمها وعيونه بعيونه..وقبل تعفس ملامحها ابتسمت

بلوعه..

اول ماشاف شلون ملامحها انقلبت ضحك بقووه

وهو يحضنهاا بحب..

رفعت راسها له وبقـــهر..سخيف..

عدل جلسته وبرقه مسح دموعهاا..وبحب.:وحشتيني

صدت بوجها ..وبدلع..:أي صدقتـــك..

قرص خدهاا وبهمس علق قلبها ..:احبك يالزعول.

..**..

...عند حلـــا

رمت كتابهاا بتعب وضيق من حالها..وقفت وهي

تشد على ايدهاا وهي تمشي رايح رااده بالغرفــه

له اسبـــوع وهو حابسها عن النـــاس من جات

عندهم ام سيف تسكن لفتره محدده وهو متغير

بشكل غير طبيعي..

غمضت عيونها بقهر وهي تذكر اللي حصل

لما جات ام سيف وفهد معهاا..

طالعهاا بحده..وبقسوه..:تعالي ياحلاا..

وقفت وهي تبتسم بخزيه..لالم سيف وجدتها

قربت منه وهو سحبها من كفها ودخلها بغرفة امه

قفل الباب ..وبعصبيه..:ليش جالسه هنا وانتي تدرين

انو فهد بالمجلس واحتمال يدخل باي لحظه

حاولت تتمالك نفسها..وبهدوء..:ذياب اش فيك جدتي

خبرته اني موجوده عشان كذا مايقدر يدخل

صرخ فيها صرخه ارعبتها..:عشان كذا هو هنــا

وشكله مايبي يروح الين يدخل وانتي عااد ياغافلين

لكم الله..هذا اذا فعلا انتي غافله..

فتحت عيونها بصدمه والدموع تتجمع بعيونها..

وبصوت مرهق..:الي هالدرجه انا طايحه من عينك؟

الغيره قاعده تعميه اكثر واكثر..وصار مثل المجنون

اللي مايميز الصح من الغلـــط..

فكرة انها تحب سيف جالسه تحرقه وتحرم عيونه

عن النوووم..ماعاد فيه يركز بشي ..ولاشي..لاشغل

ولا بنفسه ولا بكل اللي حولـــه..

مسك ايدها بتملك وهو يمشي بخطوات سريعه

طالع لجناحهم..دخلها ووقف قدامها وصدره

يرتفع وينزل من الحاله اللي وصلهاا..

وبصوت عالـــي..:ماراح تطلعين هناا مدام

هالحرمه هناا..حتى ولو كان فهد بيسافر.

ماراح اخليك تتهنين بريحة الحباب..

طالعته وبشهقات متقطعه وهي ترجف..:حراام

عليك ..ليش جالس تــ

قاطعهاا وهو يقرب لها..وبحده..:انا طالع وان

سمعت انك حاولتي تطلعين صدقيني بسوي

شي ماتتوقعينه..

رجعت للواقع بعد مابللت دموعها شفايفها..

ضغطت على شفايفها وهي تكتم شهقاتهاا

جلست بتهالك وظهرها بالجدار ..خلاص مستحيل

تصبر اكـــثر...اول مايجي رااح تتكلم معه..

ارفعت راسها بخوف ونظراتها على الباب

وهي تسمع بصوت خطوات قريبه منهاا

وو..

..**...

عند ســـاره..

مسحت على شعر باسل..وبحنان..:امم انت جيعان

طالع امه بخووف وبستغرااب من حنانها الغريب

عليه..

ام ذيااب..بطيبه..:توي اكلته من شوي..

رفعت راسها لاام ذيااب..وبهدوء..:تسلم يدك ياخاله

ابو ذياب عقد حواجبه ..اول مره تكون ساره

بهالطيبه وهالحنـــان..

ماقدر يسكت من خوف لايكون وراها سالفه جديده

وبهدوء..:ساره انتي اش ناويه عليـــه..عمرك

ماسالتي باسل عن اكله ولا كلمتي ام زوجك بسلوب

طيب .فيك شـــي..

ميلت راسها ..وبحراج..:اممم ولاشي..بس

اممم يعني حابه اغير حيــاتي ابي اكون قريبه

من زوجي وولدي..وبصدق وهي تناظر

بام ذياب..ابي اجرب اكون قريبه من الـــكل

يمكن يرتااح شي بخاطري..وبالم..واكسب

ناس ماقدرت اكسبهم من سنـــين..

ام ذياااب ..بغصه..:ايه يمي ايه هذا المره

السنعه اللي تفكر في بياتها..الله يوفقك ياساره.

ساره نزلت راسها وهي فعلا ناويه تتغير..بعد

نصايح فوزيه لهاا ,,هالمره تاثرت ومارح تفوت

عمرهاا بالحسد والضيق..

..**..

عند حــــلا

جلست بتهالك وظهرها بالجدار ..خلاص مستحيل

تصبر اكـــثر...اول مايجي رااح تتكلم معه..

ارفعت راسها بخوف ونظراتها على الباب

وهي تسمع بصوت خطوات قريبه منهاا

فتح الباب بقوه بعد مادورها بالمطبخ وبغرفة

باسل..جن جنوونه معقوله عصته وطلعت

مثل هذيك المره لما تركهاا وماعقبهاا..

فتح غرفتهم وهو ويتمنى يشوفهم..وماسرع

ماتنفس براحه وهو يشوفهاا جالسه على الارض

ونظراتهاا على الباب..

مشى بخطوات ثابته بعد ماشافها وقفت وعيونها

عليه..

حلاا قربت منه..وبهدوء:ذيااب لازم نتفااهم, واليوم

بذاات لازم نوصل لحل ..وبغصه..ماراح استحمل

هالعيشه ياانتكلم ونتفاهم يـ

قاطعهاا وهو يرفع حاجب..وبحده..:يااااشنو

حلا بثباات..:يااا نفترق وكل وااحد يعيش

حياته..

ضغط على اسنانه وهو يطالعهاا بقوه..وبسخريه

واضحه..:هه ليش مااخترتي الفراق الا الحين

وبقصـــد..حنيــــتي..

عضت على شفايفها..وبعصبيه..:ذياب لازم نتفاهم

مشى لحد ماصار لاصق فيها..وبفحيح..:ماجوبتيني

حنيتي ياحــــلاا..

نزلت دموعهاا وهي تحرك راسها بالنفي..وبتعب.:

ذياب اش اللي صار لك انت جنيت..؟؟

مسك كفهاا ..وبصرخه ارعبتها..:جاوبينـــي يالخاينه..

وصلت حدهااا..خلاص مستحيل تصبر عليه اكثر.

هي فعلا خانت نفسها؟؟؟ اللي ضلت تحبه حتى وهي

مع شخص ثااني..طالعته..وبجنون..:أي حنيــت

رفع ايده وبقوته ضربها كف على وجهاا..

رجعت على وراء من الصدمه وقوة الضربه..

وقفت دموعها من الصدمه والالم يرجف

بجسمهاا النحـــيل..

طالعها وهو يحرك راسه بالايجاب ..وبصوت

عالي.: يعني للحين تحبينه هااا..اجل ليش تخدعيني.

ليش ماقلتي لي من البدايه انك ماتقدرين تعيشين

بدووونــه..

قربت منه وهي تظرب على صدره بعد ماصحت

من حالة الصدمه اللي عاشتهاا..وبشهقات متقطعه

بدون لاتنتبه لكلمتها..:مابيــــك رووح مابيك

تصلب مكانه وعيونه عليها..وكان الدنيا تدور فيه

بقوووه..رجعت تقول مابيـــك..مابيك عشان سيف

وقالتها مره ثانيه عشان اخوهـ..يعني طعنته

مرتين بس بدون ماتحس بالم جرحها..

مد ايده ومسك بفكها وهو يرفع راسها ..وبهدوء

مخيف..:ماتبيــــني..

نزلت دموعها على ايدها..وبضيق..:طلقني خلاص

مليت منك.....

ابتسم بسخريه بعد ماطاحت عيونه على المقص

اللي على التسريحه..وبهمس..:انزيــن حبيبي

تركهاا وهو يمشي بخطوات سريعه جهة المقص

شاله وهي تناظره جامده بعد كلمته اللي صداها

يدوي بقلبهاا وكان الدنيا هدت ومابقى غيرها

حبيبي

حبيبي

حبيبي

قرب منهاا وبقسوه وكانه يبي يكره نفسه فيها

وينهيها من قلبه للابــــد

سحب شعرهاا اللي يعشقه لحد الجنون..

يتبع ,,,,

👇👇👇

تعديل المقال