رواية تفرقنا سنين وماجمعنا غير الجرح -41

رواية تفرقنا سنين وماجمعنا غير الجرح -41

البارت التاسع والعشرونـــ&&

ماعلّموك .. البارحة .. ويش سوّيت ..؟؟

البارحة .. خرّبتها .. مع ( .. خفوقي .. ) !!

يومه سألني عنك .. صدّيت .. صدّيت ..

وكرر .. سؤاله .. قلت .. وش بك .. طفوقي .؟؟

قال الحزن .. قلت الحزن .. مسكن وبيت

قال الدموع .. وقلت .. نبض .. العروقي .!!

قال أنت طيّب .. قلت أدري .. ولدّيت

قال .. الغياب ..؟؟ .. وقلت .. عقبه شروقي ..!!

ردّ بزعل .. أشوف كنّك .. تقوّيت .؟

قلت .. أتقوّى .. إلين .. وقتي يروقي !!

قال البشر واجد .. وقلت .. أنت زليت

صحيح واجد .. بس ..؟؟ .. فيهم .. فروقي .!

قال .. أنت تتمنى .. ورديت .. ياليت

ولآ كل .. نور يشاف .. ( لمع البروقي ) !!

قال أنت تستهبل .. وأنا .. فيك أزريت .

أزريت .. أصبر .. و .. ذقت منك .. الحروقي .!!

قال أنت متغيّر .. وعنّي تخلّيت ..

قلت .. أنت .. تمنعني .. من أبسط حقوقي ..!!

شرحت له كل الغلا .. كيت ثم كيت

وأقفى وراه .. وغاب .. كنّه حموقي .!!

ياناس ربي .. خالق الحيّ .. والميت

قدّر .. أحبه .. وصرت .. مغرم .. شفوقي .!!

لذا .. أنا .. مهما .. بقلبي .. تعلّيت

يبقى غلاه .. بكل الأحوال . ذوقي .!!

رفع عيونه على شعرهاا وتوه عرف انه ماكان يحلم

نزلت عيونها عنه وهي منحرجه من نظراته,,

كل الكلام اللي كان بتقوله وتقسى عليه تبخر,,

شبكت ايدينها ببعض..وبهمس..:ابي اطلع يصير..؟؟

قرب منهاا الين صار قريب منهاا..رفع وجهاا

لجهته..وبهمس..:انتي ناويه تذبحينـــي..؟؟

انحنى عليها وقبل يبوسها بعدت لوراء وهي ترفع

ايدها على صدره تمنعه..وبرجفه..:ذياااب لاتسوي

شي نندم علــيه,,,!!!

قرب منها اكثر وماقدرت ترجع اكثر لانهاا ارتطمت

بالجدار اللي وراهاا..

تعلقت عيونها بعيونه اللي اطالعهاا بوله وشوووق

مفضوووح..

قرب منهاا وهو مصر على قربهاا...

ماكان يحس فيهاا وهي تقااومه وتدفه يبعد عـــنه.

ماااكان يدري عن شي غير بعشقه اللي انتظره طول

السنين اللي راااحت..

بعد فتره ابتعد عنهااا وهو مصـــــدووم..

طالعهاا هو للحين مب مصدق..

طالعهاا وهو متكوره على نفسهاا وتبــكي,,

قرب منهااا وهو ينحنى ويلمس خصل شعرهاا

اللي مغطيه ملامحهاا عنــه..وبهمس يالله ينسمع

..:حلااي شـــلون ,,انتي كنتي مع سيف وشــ

قاطعته بصرخه من بين شهقاتها..:مابي اسمع

صوتـــك,,اكرهك اكرهــــك تفهــــم..

عيونه مثبته عليهاا بس عقله وااقف عن التفكـــير

وشي واحد يتردد في باله..حلاا لسى بنـــت.؟؟؟

مد ايده ومسك بيدهااا ..وبهمس..:انتــــ

قاطعته بقوه وهي تخبي وجها

عنه..وبقهر..:لاتلمسني يكفي ,,خلاااص ..ورجعت

تبكي بصوت اعلى وكانهاا ماهي قادره تستحملـــه.

ابتعد عنهاا وهو متلخبط من مشاعره اللي عصفت

فيه وقلبت حـــاله,,

في قلبه شي حلووو بس ماقدر يفسر شعوره من

صوت نحيبهاا شال له بنطلون جنز وتي شيرت

زيتي..وطلع براء الغرفه عشان ياخذ شور بالتواليت

الثاني..ويعطيها فرصه انها تهدى..

دخل تحت المويه وهو يحس حركاته اليه,,رفع

وجهه لفوق والمويه تنتثر عليه بقوه وكأنه يبي

يفهم معقووله كل هذا كااابوس ولا فعلا حقيقه

معقوله يكون هو الرجال الاول بحياتهاا..؟؟

ابتسم ابتسامه عريضه وهو يرجع يفكر فيهااا..

حلامسحت دموعها برجفه من الاحداث اللي صارت

بسرعه. لفت روب الحمام عليها بعد مااخذت شور

وقفلت الباب..

قربت من الكبت وبسرعه سحبت لها بنطلون اسود

وبلوزه كروهات اصفر برصاصي,,لبستهم على

السريع وهي ترجف من البرد ومن شتات مشاعرها

الغريبـــه..

التفتت للباب اللي ينطق..

ذياب وهو واقف بجنب الباب ..:حلا افتحي الباب..

طنشته وهي كارهته وقفت قدام المرايه مشطت

شعرها..وطشت لها عطر نااعـــم,,

شالت الجوال وبدون تفكر اتصلت بجدتهاا ..

حلا بعد ماسمعت صوت جدتها..:يمه اهلي لسى

موجودين..؟

الجده بخووف من صوت حلاا..:ذياب سواء لك

شي..؟؟

عضت شفايفهاا ودموعها تنزل من جديد..:لا بس

مابي اجلس وياه ابي اروح مع اهــلي..

الجده وهي توقف..:اهلك بنامون هنا..يلا كاني جايتك..

قفلت من جدتهاا وهي تسمع صوته يترجاها تفتح

البــــاب..

..**..

في وسط الحفله ويا الكــــل**

تركــــي جلس وهو يضحك بصوت عالـــي ..

تلفت وبدون سابق انذار طاحت عيونه بعيونها اللي

تناظـــر بدون بغموووض,,

تفاجـــا ماتوقعها تجـــي وتحظر الحفـــله,,

وشلون ماخطر بباله انها ممكن تجـــــي؟؟؟

ابتسم على جنب وهو يشوفها تشتت نظراتها عنه

بعد ماتلاقت عيــونهم,,

حس بسعااده تغمره بشكل كــــبير,, غمض عيونه

براااحه بعد الاتفااق اللي سواه اليوم مع علي وحاتم

رجع يفتح عيونه ويطالع فيهااا ..يدري انو مشاعره

وااضحه لــها,,بس ماراح يسوي اكثر من اللي سواه

الا بعد مايتم اللي براســــه..

اخذ جواله وراسل واحد من اللي ويا بالعمـــل..

(بسام جهز اللي وصيتك عليه. بكره من بدري بمر

اشيلهـم..تركــي..)

..**..

(راشــــد)

وقف بسيارته قدام بيت مشاري وهو مصمم انه

يشيل شووق حتى واذا كانت رافضه تروح معاهـ..

قفل السياره بعد مانزل منــها,,

ابتسم براحه اول مالاحظ انو سيارة مشاري مو موجوده..

طالع الحارس اللي واقف يطالعه..وبثقه..:انا اخوو

مدام وبسخريه الاستاذ مشاري..

الحارس..:تفضـــل اخوي..

مشى بجبروت وثقه من قراره بدون لاينتبه للعيون

اللي تراقبه طول ماهو يمشي..

مي رفعت ايدها على قلبها وهي تشوف راشد بالحديقه

..للحين تذكر شكل اخوها وياه لما تهاوشــو

بلعت ريقهاا بخوف لانها الوحيد اللي موجوده

بالبيـــت,,ندمت على انها رفضت تروح للحفله

ويااهــم, حتى نفسها تحسه يطلع برجفه واضحه

تحركت بحذر وهي ناويه تدخل للفله بدون لايحس

عليها راشـــد..

وبسرعه جمدت حركتها وهي تشوف الايبود طاح

على الكاس وطلع صوت وااضــح..

راشد اول ماسمع بصوت لف على الجهه الثانيه,,

عقد حواجبه وهو يشوف بنت ناعمه تناظره برعب

وخووف وشفايفها ترتجف..

استغرب من شكلها ليش قاعده تناظره بهالطريقه.

بسرعه استدرك انها ممكن تكون اخت مشاري

تنهد بصوت عالي وبخشونه..: نادي لي شووق.

حركت شفايفها بدون لاتحس بكلماتها..:كلهم راحوو

مافيه احد هنا...

طالعها لثواني..وبستفهام..:انتي اخت مشاري؟؟؟

حركت راسها بالايجاب من كثر الخوف

ابتسم بسخريه وهو يمشي اتجاها..

ماافيه احد واخت مشاري سببين كفيله انه ينتقم من

مشاري واللي سواه فيهم من سنين طويلـــه..

وقف قدامهاا وهو يشوف دموعها نزلت بدون

لاتحس وكأنها عرفت بنواياه..

كتف ايدينه..وبرواق..:ليش ياحلوه تصيحين..؟؟

اممم يمكن عشان بنتقم وببرد النار اللي بقلبي..؟

نزلت راسها وهي تضم نفسها وصوت نحيبها

صار عالـــى..وبتمتمه وصلت له..:ربي انه مسني

الضر وانت ارحم الراحمــــين,,

سكت وهو قاعد يسمع كلماتها اللي تعذبـــه,,

ارفعت راسها..وببحه تقطع شهقاتها..:الله يخليك

لاتاذين انا ماعمري اذيتك..

صر على اسنانه وهو يطالعها..وبقهر..:انتي

ماسويتي بس اخوك كفاء ووفاء صـــح..انا ابيه

يذوق العذاب اللي شربت منه..

ارجعت وراء وهي تشوفه يقرب منهاا..

وقفت بعد مامسك ايدها بقوه وهو يثبتها مكانـــها..

ضغطت على شفايفها وهي تشوف حب الانتقام بعيونه

مدت ايدهاا وهي تمنعه يقرب اكثر..وبتعب..:

خلاص اذا تبي تنتقم انتقم بس مو الحين..

رفع حاجب بعد ماطالع كفها اللي على صدره..

وبسخريه..:هه اجل متى ..لايكون فيه موعد وانا

مادري..

نزلت ايدها وهي ترجف..وعيونها بعيونه..وبجنون

..:انتقم مثل مانتقم مشاري ..

عقد حواجبه..وبستفسرار..:قصدك بالاول نملك

بعدين اتركك مثل ماترك شووق..صح؟؟

حركت راسها بالايجاب وهي تناظره بامل انه يعتقها

طالع عيونها بتركيز وكانه يبي يعرف قصدها من

الكلامـــ اللي قالته..

وااضح البراءه بعيونها...اساسا ماكان بيقرب لهاا

بعد ماسمعها تنادي ربها..لانها نبهته على غضبه

كان يبي يحسس اقرب الناس لها شنو يعني لما تاخذ

اغلى شي تمتلكه كل انثى..

كان يبي مشاري يحس بالغصه اللي عاشت وياه

من وقت طووويــل..

نفض ايدها بجفاء وهو يعدل وقفته..وبحزم..:اوكي

موافق..بيكون وقتها تعادلنا انا واخووك,,مابي

غير موافقه لما اتقدم لك ,,واذا سمعت غيرها

ترحمي على سندك بهالدنيااء

مشى واعطاها ظهـــر وهو يضغط على راسه من

الجنون اللي كان بيصير له بسبب ذكريات قديمه.

..**..

خليتني مثل الكفيف اتمنـــــــــــــاك!

اللي عقب شوفت عيونه فقــــــدها!!

عذبتني ما بين بعدك ولقـــــــياااك!!!

حتى الليالي قمت احسب عــــــــــددها!!!!

لو كنت تدري وشكثر قلبي اغــــــلاك!!!!!

يمكن تقوول الأم مااغلت ولـــــدها!!!!!!

ذيـــاب..

واقف قدام جدته اللي طلعت لهـــم وتركت الكــل..

مسح على شعره بعجز وهو محتاره وشلون يفهم

جدته اللي زعلاانه منه بدون لاتفهم شي..

رفع ايده على خصره ..وبتمالك..:يمه واللي يسلمك

انتي ماتدرين عن شي ,,فاالله يخليك اتركهاا معاي

بس اليــوم..

طنشته وهي تمشي ناحيت الغرفه الي فيها حلاا

وتضرب الباب بخفه..:يمه حلا افتحي البااب.

حلاا افتحت الباب بعد ماسمعت صوت جدتهاا تنادي

عليه..قربت من جدتها وتمسكت بيدهاا وكأنها

تحتمي. فيها..

قرب منهم ذياب وهو يسد الطريق عليهم..وبهدوء:

حلاا ماراح تطلعين الا لما نتكـــلم,,

نزلت راسهاا بدون حتى لاتناظره..وبتعب..:مابي

اتكلم معـــاك ,,اساسا انا اكرهك ليش ماتفهم..

رفع حاجب..وبتشكيك..:تكرهيني..؟ متاكده ؟؟

لفت راسها على جدتها اللي تناظرهم..:يلا يمه..

شد على شفايفه من عنادهاا اللي عفس فرحته فيها

وبقسوه..:ماراح تطلعين ..وكمان روحه للمزرعه

بكره مابتطلعيـــن..

طالعته جدته بحده..وبقهر..:انت ناوي على اجلي..

انت ماتحشم احـــد؟؟ تتكلم ولا كاني قدامك..

تنفس بعمق وهو يقرب من امه ويبوسها على راسها

وبهدوء..:يمه ماهو حل على اطرف خلاف تتهرب

,,غير هذا ابي مرتي معـــأي..

تنفست بتوتر بعد ماسمعت جملته الاخـــيره..يبيهاا؟

ليش يبيها عشان يكمل عذابه لهااا. ويتهمها.؟؟

شدت على ايد امها اكثر بعد ماسمعت كلامهاا

وكأنها جالسه تتخلي عنها لــه..

الجده بتفكير..:خلاص مارح اشيلها معاي..وبنظره

لحلا..وانتي لو ضايقك او حصل شي اتصلي فيني

حلاا برجـــى..:يمــه..

الجده بهمس بعد ماقربت منها..:لاتخربين بيتك

وتضيعين زوجك بعنادك..شوفيه يمكن اللي عنده

يشفع له بقلبك..

اتركت ايد حلا ومشت وخلتها واقفه وراهاا ..

اول مره تحس انها تاركتها وقلبها يتقطع عليهاا

شكلها وهي تكلمها كان باين فيه التعب بعد ماكانت

نجمة الموجودين بالحفله..

ذياب قفل الباب بعد ماطلعت امه وبسرعه لف

يطالعها وهي تمشي ناويه تتركه وترجع تقفل عليـها

مشى بخطوات واسعه ووقف قدامها وعيونه مركزه

عليها..وبهدوء غريب عليه..:ممكن ترفعين

عيونك وتناظريني..

شتت نظراتها..وبقوه ظاهريه..:لاتنسى كلام امي

من شوي ..ترى اقدر اتصل فيها وترد تاخذني..

قرب منهاا وحظن وجها بكفوفه..:حلاي شلوون

مالمسك سيف وانتي وياه كل هالسنين..

ابتعدت عنه بجفاء وتوتر..وقلبها ينبض بقووه من

سواله الصريــح..

ماقدرت تقول ولاكلمه ولاحتى تنااظر في عيونه

بعد اللي حصل بينهم..

ارفعت عيونها له وهو يمسك ايدها ويجرهاا لغرفة

الجلوس..

حاولت تسحب ايدها بس ماقدرت لانه متمسك فيها

بحرص..

جلس وبسرعه جلسهاا بحظــنه..شهقت بصدمه من

حركته المفاجاه ..وبسرعه استركت نفسهاا ونزلت

ايدها على ايده المتمسكه فيها وهي تحاول تبعده

عنــها..ماقدر يشفي جروحهاا للحين وماهي مستعده

تسامحه هالفتره..

ذياب بحركه سريعه كتف ايدنها على وراء وعيونه

على ملامحها اللي تناظر بغضب..

عضت على شفايفها بقهر..:اترك ايدي..

ابتسم على جنب ..وبرواق..:وبــعد..

نزلت عيونها عنه بعد مالاحظت ابتسامته وبقوه

ضاهريه..:مابي اجلس معاااك ولا ابي اسمعك ..

قرب وجهه من وجهاا..وببتسامه اعرض.:اممم وبعد؟

تنفست بعمق..وبثقه..:ابي طلاااقي منك لاني اكرهك..

ميلهاا برقه وصار قريب وجهه من وجهاا وانفاسه

تلفح خدودهاا..وبهمس وقف قلبهاا..: تحبيني صـح؟

بلعت ريقها من تحليله الغير متوقع..غمضت عيونها

وبصوت يرجف..: لا.. سبق وقلت لك حبك ماتعدى

تركي اخووي ..

ضحك بصوت عالي وهو يطالع عيونها اللي تناظره

بستغراب..مسح على خدها برقه..:ليش مو ناويه

تعترفين انو تركي شي وانا شي مختلف..اللي

بيني وبينك غيـــرر ولا للحين مو مستوعبه..

سحب ايدهاا ورفعها على قلبه وعيونه بعيونهااا

وبعشق..:تسمعينه..؟؟ اليوم دقاااته غيــــر ..

وبصوت هامـــس..حتى انتي غير ..ماتوقعت اني

اول شخص بحياتك..وبعتب..ليش ماقلتي لي من

الاولــــ...؟؟

سحبت ايدهاا من على صدره وهي تبعد نظرتها عنه

كلامه جريئ وياهاا وهي ماتعودته يكون معاه

بهالشكل..ولا تكون قريبه منه هالقــد..

رفع وجها لجهته بعد ماحس انها رجعت تتحرك

بعنف وهي ناويه تختفي من قدامه..وبهمس.:ماراح

اتركك الا لما تجاوبيني...

رفعت عيونها له ودموعهاا تنزل من حرقة قلبهاا

وبصوت مرهق..:مليت منك..ومن قسوتك اللي

كرهتني فيــك..وبشهقه عاليه..مابقى مكان في قلبي

ماطعنته..تركتني باول ايام زواجنا بعد مارجعت

ساره على ذمتك..احرقت قلبي بجفاك..ضربتني

اكثر من مره ..وقصيت شعري وكنت بتطلقنــي.

حتى لما سمعت حبيبتك تقولك عن العقم ذبحتني

بقسوتك وجبروتك..اكرهك ومابي اجلس معااك

اكــثر من اللي راح..

عيونه على دموعها اللي تنزل بقوه حتى وهي تحاول تمسحهم..

مصدووم من كل اللي بقلبـــهاا. ماتوقع تكون شايله

بقلبهااا عليه هالكثر..

ماقدر يمنعها من انها تروح وتتركه بصدمته

تلخبط ماتوقعها مجروحه حيــــل**

قست ملامحه وهو يتذكر كلاام ساره عنهاا

بخصوص العقــــم..

لف جهة غرفت النوم وهو يسمع رطمت الباب

وصوت القفل اللي وصل لعنده..

وقف بعجز وحيره وهو مشتت للنهايه..دور

جواله وبسرعه تذكر انه موجود بالغرفه اللي فيها

حلاا..

عض على شفايفه بقهر وهو عاجز يوصل لساره

وخااصه انها نايمه بالمشفى عند امــهاا..

وبتمتمه..:لي تفاهم ثااني وياك ياساره...

..**..

في يوم جديد..(ميس وخالــد..)

خالد بصوت عالـــــي..:ميااسه تعالــــي...

ميس وهو في المطبخ..وبضحكه..:خلك تحس فيني

لاتنسنى تشربها حليـــب..

خالد بقهر..:ماعرف اتصرف تعالــــــــــــي..

طلت من المطبخ ..ووبتسامه..:انزين بس بشرط

انت عليك تكمل الطباخ والتنضيف بعد الاكــــل..

خالد ببتسامه..:ادري فيك مايطاوعك قلبك تخليني

اسوي كل هالاشياء بروحي..

ارفعت كتفهاا..وبثقه..:لالا اسويها..هااا اش تبي

تجلس ويا بنتك وتاكلهاا ولا المطـــبخ..

طالع فيه واو ماسمع صوتها الطفولي وهي ناويه

تبدى في صرااخ من جديد..وقف وهو يشيلهاا

بين ايدنه..وبقهر..:شيليها انا بااخذ الطباخ..

ميس وهي تخفي ابتسامتها من شكله المقهور.:

اها قصدك الطباخ والتنظيف..

خالد دخل المطبخ بدون لايرد عليـــهاا ..

اضحكت بخفه وهي ترجع تجلس بمكان خالد الا

كان فيه من شوي..

اخذت ربع ساعه على مانيمتهاا..شالتها بهدوء

ونزلتها بسريرها ورجعت تشوف خالـــد ..

مشت بخفه وهي تشوفه معطيها ظهره

وهو يحرك الاكــل..ابتسمت على ملامحه

اللي للحين عاافس وجهه ومتكـــدر..

ارفعت نفسهاا وهي تقرب منه وتبوسه على خده

خالد طالعهااا لثواني ورجع ناظر بشغلته

وهو يتصنع الزعـــل..

دفته بخفه من كتفه..وبدلع..:خلوودي كل هالزعل

عشان دخلت تطبخ..

خالــــــــد..:................

مدت ايدها واخذت الملعقه من ايده..وبحلطمه..:اوف

الله يصبـــرني..

خالد بضحكه وهو مبسوط انها شالت عنه الحمل.:

اميــن ويصبرني على غلاتـــك..

طالعته بنص عين..وببتسامه..:عيــــااار..

ميل راسه..وهو يجلس على الطاوله..:كيفــك

لاتصدقين ,,بس ها لاتقولين بعد ساعه..وهو

يقلد صوتها..خلوودي اش قد تحبني..

ضحك بصوت عالي وهو يشووفهاا فاتحه فمها

وتنااظره بتحدى...

..**..

رَشْ مِنْ زجَآجَة عِطْرَه عَلَى / جُرْحِي ..

مَا دْرى أَن آلـ جُرح نَفْسَه مِنْ يَدْيّه ..

عنـد حلا..

تحركت بخفه وهي تسمع صوت الجوال يدق

فتحت عيونها بثقل وهي عاقده حواجبهاا..هذاا

مو صوت جوالهاا..حركت عيونهاا وهي تدور على

مصدر الصوت وطاحت عيونها على جوالـــه..

رجعت راسها على وراء وهي تغمض عيونهااا

بس خلاااص النوم طاااار ,,,بعد مااتذكــرت اللي

حصل بينهـــم امـــس..شدت على شفايفهاا بقهــر

مو هذا السر اللي تبيه يعرفه بدون ماتقولــه؟؟

طيب ليش تحس الغصه تعور بلعومها من امس

للحـــــين...

يتبع ,,,

👇👇👇

تعديل المقال