رواية تفرقنا سنين وماجمعنا غير الجرح -42
تحركت بخفه وهي تسمع صوت الجوال يدق
فتحت عيونها بثقل وهي عاقده حواجبهاا..هذاا
مو صوت جوالهاا..حركت عيونهاا وهي تدور على
مصدر الصوت وطاحت عيونها على جوالـــه..
رجعت راسها على وراء وهي تغمض عيونهااا
بس خلاااص النوم طاااار ,,,بعد مااتذكــرت اللي
حصل بينهـــم امـــس..شدت على شفايفهاا بقهــر
مو هذا السر اللي تبيه يعرفه بدون ماتقولــه؟؟
طيب ليش تحس الغصه تعور بلعومها من امس
للحـــــين...
وقف بعد ماحست انو الدموع بتتجمع بعيونها..
وبهمس..:يكفي مارح اكون ضعيفه ,,خلااص
الحين كل شي صار واضــح..
وقفت وهي ناويه تلبس احلى لبس عندهاعشان
ماتبين ضيقتها لاحـــد...
تحرك بصعوبه وهو يحس بالم وسط ضهره من
نومة الكنبـــ,,
طالع ساعته ..صارت 10 وللحين ماطلعت...
رجعت افكاره تاخذه لهـــا,,
اساسا ماقدر ينام من بعد مااكتشف سبب هروبها منه
ضرب بخفه على راسه..وبهدوء..:بس شلوون
قدرت على سيــف,,هذا دليل انو عمرها ماحبته..
غمض عيونه ..وبهمس..:كل هذ عشاني ياحلا!!
ولا بعد فيه ســر ماعرفه؟؟
لف راسه جهة الباب وهو ينفتـــح,,عدل جلسته بعد
ماطلعت *طالعهاا باعجـــاب..شكلهاا ملفت وجذااب
حاولت تشتت نظراتها عنه وهي تمشي جهة المطبخ
ذيااب بعد مالاحظ انهاا مو ناويه تصبح عليه..
وبهدوء..:صباح الخيـــر,,
نزلت راسها وبهمس..:صباح النور
دخلت للمطبخ وصارت تسوي لها كوفي..
جلست تناضر بالبخار اللي يتصاعد من الكــاس.
وتفكيرهاا بروحة المزرعه,,مخنوقه من وجوده
وتبي تغير جوو عشان تعرف تتصرف طبيعي..
ارفعت الكاس لشفايفها تشرب منه بنعومه..وهي
مصره انهاا تقول له على روحة المزرعه قبل
تنزل تحـــت..
ارفعت عيونها عليه وهو داخــل للمطبــخ ونزلتهم
بسرعه بعد مالمحت ابتسامه تحلي شفايفه..
ذياب ابتسم براحه بعد ماتوقع انها نزلت وتتركه بروحه..
قرب منهاا وهو يجلس باقرب كرسي جنبهاا..
مد ايده ومسك ايدهاا..وبهمس..:اخبار حبيبي..؟؟
[ وًديُ آلٌمسً كلٌ جرحُ يتعُبكُ ] ..
................. ودُيُ ’آدوآيُهُ بيُديُ و((الُمكُ))’((آجمعِكُ ))
ارفعت عيونها له وبسرعه تعلقت بعيونه الولهانه
اطالعت عيونه وكأنها تبي تتاكد اذا الكلمه طلعت
عفويه ولا كان متقصدها..
شتت نظراتها بتوتر وهي تسحب ايدهاا من
ايده..تحركت بهدوء وهي ناويه تسوي له الفطور
صدها بيده وهو يمنعها توقف..وبخشونه..:على وين؟
ميلت راسها على جنب وبهدوء..:فطورك..
تنفس بعمق..:انا كلمت روز وهي بتجيبه
حلاا..:.................
حظن وجهاا بكفوفه وهو يلف وجهها جهته..
وبهمس..:من دخلت وعيونك تناظر كل مكان الا
وجهي ليـــش طيب؟؟؟
صدت بوجها عنه..وببرود..:ابي اروح معاهم المزرعه..
رفع حاجب ..وببتسامه..:معاهــم..انزين قولي ابي
اروح وياك..
تنهدت بصوت عالي..:مخنووقه ومافيني اجلس
ومابي نتعب امي اكثر بمشاكلنا,,يكفــ
قاطعهاا ببوسه بعد مارجع يلف بوجهاا جهته..
وبفضوول..:شلــوون عشتو ويا بعض مثل الاخوان؟
توترت وبان بملامحهاا انها تلاخبطت من سؤاله.
رفعت كتفهاا..وبهمس..:خصوصياااات..
تنهد بصوت عالي..عنيــده..بس راح يعرفـ
بطريقته الخاصــه..وبهدوء مخيف.:انزين اذا
تبين تروحين للمزرعه ماعندي مشكله,,بس
انا اللي بشيلك معاي ...
فركت ايدنها ببعض ..وبعد تفكير..:انزيــن..
تركـــي..
تنفس بعمق وهو يمد الملف وينزله على الطاوله
قبال مها وامهاا..وبخشونه..:لازم توقعون على
الاوراق على اساس تثبتون انو املاكم رجعت
لكـــم,,وكمان فيه الاوراق اللي باخر الملف هي
اوراق الطلاق..
ام مهاا بصدمــه..:انت جااااد يمه,,يعني قدرت تاخذ
حقوقنــااا,,طيب شلون قدرت تقنع حاتم بالـطـلاق
وهو رافض يسمع لـ مــهاا..
رفع عيونه على مهاا اللي تناظره بصدمه وكأنها مو
مصدقه كلامــه..
رجع عيونه على ام مهاا..وبهدوء..:اقنعتهم ياخاله
بطريقتي الخاصه..
عقدت حواجبه..وبنعومه..:يعني شلون... لازم
نعرف بكل شي..
تنهد براحه بعد ماسمع كلامهاا..ركز عيونه بعيونهاا
وبثبااات..:نسيتي اني محامي ومسكت قضياء اكبر,,
ام مها بحيره..:غريبه ياولدي انهم تنازلو بسهوله..
سبحــاانه اللي يغير ويتغير..
تركي ناظر بجواله اللي رجع يدق مره ثانيه..طالع
الاسم واللي كان مشـــاااري..حوله على الصامت
وهو ناوي يطلع ويكلمه..
قست ملامحه بعد سمع سؤال مهاا..
مها بخفوت. وهي تكتم الغصه بعد ماسمعت بخبر
طلاقها ماتوقعت حظها بيكون سيئ لهدرجه.:
اممم طيب ممكن نتكلم بخصوص اتعابك..
طالعهااا لثواني بدون لايتكلم وهو مقهوور من
كلامهاا,,ليش مو راضيه تفهمه,,ماتدري كم خسر
عشان هالقضيتين,,وللحين تقول كم اتعاابــك..؟؟
للحين مافهمت ليش سواء اللي سواهـ؟؟
عض على شفايفه بقهر وهو يكتم غيضه منــهاا..
رجع يطالع في ام مهاا..وبهدوء..:تامريني على شي
ياخالــه..
ام مها ببتسامة امتناان..:الله يوفقك يمه..
تعبناك ياولدي..
مها بسرعه وهي تشوفه يوقف..:والاوراق..؟
طالعها بسخريه..وببرود..:اذا وقعتوها فيك تعطيها
حلاا عشان لاتزيد اتعباي..
وببرود ظاهري..:يلا في امــاان الله..وطلع..
مها انصدمت من اسلوبه ونظرات الاستحقار اللي
كان موجهه لهاا..حست بضيقه انه طلع وهو
متضايق وباين عليه الزعــل,,غمضت عيونها
بقووه وهي تحاول تستبعده من افكارها اللي صاير
ساكـنهاا في كل وقــت...
..**..
..عندشـــــوق..
ارفعت عيونهاا عليه من اول مادخـــل وهي
مصدومه من دخلته اللي متوقعتهاا ..
تدري انو الموودين زميلاته بالمستشفى اللي
يشتغل فيه بس ماتوقعته يدخل..
طالعت اللموجودين وهو يسلم عليــهم,,
انقهرت من بدريه اللي جالسه بحجابها بدون
لاتتغطى من مشاري..
نزلت عيونهاا بتوتر اول ماقرب منها مشاري
وجلس بجنبهاا..
حاولت تكون طبيعيه وهي ترفع راسهاا وتغتصب
البسمه..
طالعت بمي وبنعومه..:محتاجه مساعده..
مي ببتسامه..:لا حبيبتي مشــكوره..
لفت وجها لمشاري اللي حط ايده على كتفهاا
مال عليها..وبهمس..:ليش عابسه..؟؟
طالعته بحده..وبهمس مماثل..:انت متعود على هالجواء..؟؟
عقد حواجبه..وبطيبه..:وش قصدك..؟؟ بعدين
هما جايين يباركون لنا ..لانو ماكان عندهم فرصه
من قبل ..
رفعت حاجب..وبسخريه..:اهااا ..واكيد انت مبسوط
ركز عيونه بعيونها..وبقصد..:مدام مرتي مطنشه
وجودي اكيد بنبسط ولا اش رايـــك..؟؟
صدت وجها عنه بعد ماتورها سؤاله
مشاري ابتسم بسعاد**حياتهم بدت تتحس **
بشكل كبيــر**
وخاصه انو راشد له فتره ماسال عنهــم,,
رجع عيونه على الدكتوره فايزه اللي كانت كبيره
بالعمر,,وصارو يتبادلون الكلام..
عمار وهو داخل ويناظر الموجودين بنظرت
استغراب..
د بدريه بتساؤل..:انت عموور صح..
عمار وهو يبتسم..:ايه..
بدرية ابتسمت بصعوبه وهي تشيله بحظنها.
ماتوقع تشيل ولد الانسان اللي تحبه ويكون من
حرمه ثاانــيه..:امم
اكيد بتصير دكتور مثل بابا صــح..
مشاري ضحك بخفه وهو يشوف عمار يبتسم
ببلاهه ولاهو فاهـــم..
شوق شدت على ايدها بقووه من سمعته يضحك بعد
جملة بدريه...ماكنت مهتمه للثنتين اللي موجودين لانهم
كبار في الســن..بس بدريه غير..صغير..وملامحه
عاديه بس جذابه
وعيونها من جات وهي على مشاري..
اصلا خلااص مافيها تتحمل وهي تشوفها ماخذه
راحتها بالسوالف معااه..
وقفت والكل التفت يطالعهاا..ميلت راسهاا..وبمجامله
وهي تشيل عمار بجفاء..:عن اذنكم لازم عموري
ينام الحيــن,,
الكــل..:خوذي راحتــك..اذنك معاااك
مشت بهدوء وثقه عكس المشاعر اللي بقلبهاا..
لفت بقهر بعد ماسمعت صوت مشاري ينادي عليها
بعد ماطلعت..وبغضب..:نعــم..؟
قرب منهاا ..وبستفهام..:شوقي فيك شي..؟؟
تجمعت الدموع بعيونها من حالتها الغريبه..ماتبيه
يدخل ويجلس معهم..تبيه يكون لــهاا وبس..بدون
لاتحس رجع قلبهاا يميل له اكثر من الاول..
نزلت راسهاا..وببرود مصطنع..:روح لضيوفك
تلاقيهم يحترونك..
ابتسم ابتسامه عريضه..وبهمس..:اذا قلتي لي
اتركهم وتعال بسهر معاك بتركهــم,,
ارفعت راسهاا بكبرياء..:بروح انيم عموري ..عن
اذنك..
تابعها بعيونه الين اختفت من قدامه..تنفس بعمق
وهو يرفع راسه للسماء..وبتمتمه..:الحمد اللــه,,
ماقدر يدخل ويكمل بدونها,,,مشى ناحية الضيافه
منتظر ذياب اللي خبره انه بيمر عليــه,,
..**..
عنداحمد..
كتم ضحكته ..وبجديه..:يعني شلون مافهمــت..
ميل شفايفها بتعب..وبقهر..:حموود اش فيك سطلت
اقولك عيت تخليني العب وياا البنات تقول مانبي
نزفك وانتي مكسره..
احمد بضحكه..:أي وهي الصادقه,,بعدين ماني
مستعد اتزوج وحده بعكازهاا..وخاصه انو مابقي
شي على العرس
روز بغبااء..:امم يعني تخيل تكسرت ,,اشلون
بتتصرف,,؟
احمد بجديه مصطنعه..:اممم بتزوج وحده احلى منك.
روز بشهقه..:احــــمـــد..
ضحك بصوت عالي..:عاد اش هالسوال حياتي,,
بسم الله عليك انتي خليك هاديه ومابتزوج غيرك.
بوزت وبقهر..:اساسا فكر تتزوج ,,راح اسوي
لك انتي وياها شي ماتتوقعه..
ضحك بخفه..:هه اش بتسوين هالمره بتحطين ملح
ولا بلوه جديده
روز ببتسامه..:لالا خلها مفاجاه احلى..
..**..
في المزرعه ..بعد ثلاث أيـــام..
وقف بقهر.خلااص مل من هروبها من جاو للمزرعه
ماتقابلو الا مرتين وباقي الوقت تصرف نفسهاا
مشى بطفش ..ماله نفس يجلس مع احـــد,,
ليش ماهو قادر يتصرف ويسوي شي؟؟..يدري
انو نفسياتها كانت تعبانه عشان كذا مايبي يضغط
عليهاا..
طلع السيجاره وصار يحرقها بهدوء غريب عليه.
سمع صوت جدته وهي تنادي عليه..لف وطاحت
عيونه على امه وهي جالسه لوحدها..
رمى السيجاره وداسهاا وتوجه لجدته وهو يتمنى
انها تريحه من ضيقته..
وصل لها ..وببتسامه..:قوه يمه..
الجده ببتسامه..:هلا ذياااب..ليش تمشي بروحك..
تنهد بتعب..:ولا شي بس حبيت اغير جوو..
الجده وعيونها بعيونه..: امس سمعت كلامك مع حلا
بلع ريقه بصعوبه..وبهدوء..:اش سمعتي يمه..
الجده..:سمعت اللي محيرك وتبيها تجاوبك عليه..
تفاجاء انو امه عرفت بالموضوع..نزل راسه بعجز
وخجل انو جدته تعرف بعلاقته الخاصه مع حلا ..
الجده وهي تكمل..:معقوله ماقدرت تكسبهاا للحين,
ولا منتظر الين يرتاح بالك من اللي بقلبك..
ذياب..:.................
الجده وعيونها عليه..:تبي تعرف ليش سيف مالمسها؟؟
رفع راسه بقوه وعيونه على جدته..وبهمس..: يمه
انتي تعرفين السبب..؟؟
حركت راسها بالايجاب وعيونها تمتلي دموع وقهر
وبهدوء..:اليوم اللي سافرت فيه حلا مع سيف كان
ثاني يوم بزواجهم تذكر؟؟
ذياااب بفضول..:أي يمه..كملي..
الجده..:مرت تسلم علي وخبرتني انو ابوها اللي
جبرها على الزوج من سيف ولا كان بيطلق امهاا
سكتت لثواني بعد ماشافت وجه ذيااب اللي اختفى لونه..
صدت بنظراتها عنه وهي تكمل..:ماقدرت اسوي
شي غير اني اشجعها انها تكمل هالزواج سافرت
وياه وبعد ماوصلو لديار الغرب اول ماطبو
بالمطار.. المبااحث شالت سيف ,,وهي وقتهاا
ماعرفت شلون تتصرف غير انها راحت ويا فهد
انتظرته كثير وماخبرت الا ابوها بس ابوهاا
شد عليها اكثر انها ماتقول لاحد ,,وبعدعشر
شهور طلع سيف من السجن,,بس كان وااحد
ثاني. وبتنهيده ..الجلسات الكهربائيه افقدته عقلـــه..
وافقدته حيله بكل شي..وبغصـه..لدرجه كان
يضربها يوميا لانه كان يشك انها تخونه مع
اخووه..واستمرت على هالحال ثلاث سنين
الين صار متقبلها او يمكن لانها بدا يحبهاا
ولما احاول ياخذها زوجه صدتــه بقوه,وهذا
اللي خلاه يعذبها اكثر ويشك فيهاا ..الين عرف
الحقيقه من خالته انو مابين فهد وحلا أي علاقه
وقتها كان راجع للبيت وهي ناوي يصالحهاا
ويعيشون مثلهم مثل غيرهم ,,بس حصل له
حادث وتوفـــى..
غمض عيونه بقهر وندم ومشاعر تضيج بقلبه..
حرك راسه بالنفي..في كل شي كان ظالمهاا,,
وهي ضحيته وضحية سيف..صدمه كل الكلام
اللي سمعه كبير واليييم
فتح عيونه..وبهمس ميت..:يمه ليش كانت تصد
سيف..
الجده بهدوء..:اسالهاا وهي اللي بتجاوبك ليش..
..**..
مليت اشوف الغير و مناي× أشوفك ×
............................
و الشوق ذابحَني و انا منك × محــًرومِ ~
تركـــي..
لبق سيارته على جنب رد على جواله بدون
يناظر مين المتصــل..
تركي بخشونه..:هلا
مهاا بتردد..:مساء الخير..
عقد حواجبه بعد مانبض قلبه بسرعه..وبتعب.:مها!!
مهاا بتوتر من طريقة نطقه لاسمها..:امم عندك وقت
نتكلم..
رجع راسه لوراء ..وبهدوء..:امريني مهاوي..
مهاا بحده..:لو سمحت ..؟؟
تركي ببتسامه..:انزين امري مهاا ..
مهاا بغضب..:ممكن اعرف ليش رشيت علي
وحاتم..ماتدري انو هالشي حراام..غير انو انت
مب مسؤل عنا عشان تسوي اللي سويته..
تركي تنهد بصوت عالي..:وبعــد..؟؟
مهاا بثقه..:كل اللي دفعته لهم بحولهم على حسابك
تركي بقهر من كبريائها...:هه اجل يبيلك تجمعين
قد املاكم ثلاث مرااات..هاا مستعده توفيني..
مها سكتت من الصدمه ماتوقعت انو المبلغ
المطلوب بيكون كبير هالقــد..وهي ماعنده
المبلغ اللي يقووله..
تركي غمض عيونه..وبحنان..:مها انا مارشيتهم
انا شريت املاكم وثبت علي بشغل مستقل مقابل
طلاقك..انا مابي تعطيني شي,,انا بس ابيك, لو
حابه ترجعين لي تعبي وافقي على زواجنــا..
مها بغصه..:عطني فرصه الين اجمع المبلغ..
تركي بتعب..:مهاا انتي ماتفهميــن.؟؟انا احــبك
وماقدر اتخيل حياتي بدونك..
..**..
عند شــــوق..,,
تحركت بخفه لناحية الباب بعد ماكانت جالسه بغرفتها وتقلب جوالــهاا..
فتحته..وتعلقت عيونها بعيوان مشاري اللي واقف
وباين في عيونه كلاام..
وبجديه..:امم اذا فاضيه تعالي ابيك بشغله..
تنهدت بصمت..وبنعومه..:أي فاضيه ..ثواني
وبكون عندك..
دخلت بعد ماشافته يتجه للصاله..غيرت لبسها
ببرموده ورديه طشت لها عطر بكثافه..
طلعت وهي محتاره اش يبي فيــها,,
مشاري رفع عيونها عليها بعد ماجلست بالكنبه
اللي قدامــه..
تنهد بضيق..وبحيره..:اليوم كلمني رااشد عشان
يبي يتقدم لــ مي وشكله متغير ,,بس قلبي قارصني
وماني مرتاح..
شوق بصدمه..:راشد اخوي اللي يبي مــي.؟؟؟
مشاري بضيق..:هممم
شوق بخووف..:مشاري لالالا قوله ماوفقت
صرفه قول أي شي ,,راشد للحين شايل بقلبه
واخاف تتعب معاه مــي..
رفع كتفه وهي متكدر..:ماادري مابي اتسرع ولاابي
اظلمه .. شكله كان هاادي ومتغير,, بس خاايف
من راشد واللي بقلبه..
وقف وقرب منهاا وجلس بجنبهاا وعيونه بعيونها
وبتعب..:انا بقول لــ مي وماراح اخبي عليهاا شي
وهي تقرر اذا تبيه ولا لا...
شوق ببتسامه عشان تريحه:براحتـــك..
مشاري بضحكه..:أي خليك كذا ..كل ماتضيق
علي القااك وياي..
شوق نزلت راسهاا وهي متوتره من لحظات الصفى
اللي بينهم..
تثاوب وهو يمسد على رقبته..وبنعاس..:خلااص
ماني قادر اشووف من كثر النــووم..
شوق وهي توقف..:امم خلاص روح نام وانا
بشيل عموري عشان مايزعجك وانت نايــم,,
ابتسم بخبث..:طيب يلا روحي شيله لاني ميت
من كثر النوم..
ابعدت خصله من على وجها وبهمس..:طيب
دخل بعد مادخلت للغرفه وبسرعه قفل الباب
في ذمتك وشعاد مني ترجاه؟؟
حتى التراب اللي تدوسه هويته
اعطيتك احساسي سحاب نثر ماه
ولو كان تطلب دم قلبي عطيته..
إرحم عزيز ضيع دروب ممشاه !!
رايحإ لبيتك يحسب البيت بيته
شوق لفت لجهته وبعتب..:مشاري مابي اتهاوش
معااك على شي مايسوى..فالله يخليك افتح الباب
مشاري قرب منها وعيونه على ملامحها
الناعمـــه..مال عليها وباس خدهاا برقه
قرب من اذنهاا وانفاسه مسموعه..:حياتي خلاص
تعبت من الصد,,خلينا نعيش وننسى القديم..
ابتعد عنهاا وعيونه بعيونها..:وبهدوء..:انا ماشلت
المفتاح اذا تبين عاادي تقدرين تطلعين..
شال بجامته ودخل التواليت وهو متاكد انه ماراح
تفهمه..
شوق عضت على شفايفها بحيره ..وبدون تفكير
قربت من السرير بعدت عمار بالوسط ودخلت
تحت اللحاف..تنفست بصعوبه اول ماحست بصوت
باب الحمام ينفتح..
مشاري بسرعه ناظر على السرير ..وانصدم
ماتوقع تسمع كلامه..وتنفذ اللي طلبه منها بهالسرعه
مشط شعره تقدم للسرير ودخل بمكانه..وعيونه
عليها وهي معطيته ظهرهاا..
مد ايده وصار يمرر اصابعه على شعرها بنعومه..
وبهمس وصل لها..:بعوضك عن كل شي بس
ادمحي لي كل الذنوب..
غمضت عيونه برجفه وكلمه باتت في شفاتهاا
احبــك مشاري..
..**..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك