رواية عهدي مع الايام -33
حصه::حسبي الله ونعم الوكيل فيهم من بشر حسبي الله ونعم الوكيل ...الله يلعن الساعه الي زوجتج فيها يعقوب...بس يما بس قطعتي قلبي لاتبجين كل شي ينحل
ليال: يما شلون يصدق كلام الناس مو أنا زوجته شلون يشك فيني ...وليش خذاني دام مو عارف أنا شنو واخلاقي شنو
حصه بضيق:المفروض يوقفهم عند حدهم وبنفس الوقت الي سمع الكلام الي انقال عنج بس الشيطان شاطر
ليال:خل ينفعه غباء الحين
حصه:لا يا يما لا تقولين جذي الحياة الزوجيه لازم فيها انواع واشكال من المشاكل
ليال:يما المشاكل شي والي صارلي شي ثاني جراح مو بس تزوج علي مو بس حرق قلبي جراح طعن بشرفي حاله حال الناس
حصه:ماعليه يمه سامحيه وبطلي معاه صفحه يديده
ليال قامت اوقفت :اسامحه ..بكل بساطه تبيني اسامحه ...يما اسامحه على شنو ولا على شنو
حصه:يعني بتتطلقين وتردين هني عند ابوج
ليال:اذا تطلقت ما ني راده هني انشالله اقعد بشارع ولا ارجع هني
اما محمد ماقدر يتحمل دخل غرفته ودق على فواز
فواز:هلا حمود...هلا بالعضيد
محمد بصوت متقطع:فواز وينك
فواز بخوف:محمد شفيك شصاير
محمد كان يحاول يتمالك نفسه :ابيك ضروري الحين الموضوع مهم
فواز:تكلم شفيك
محمد:ماينفع بتليفون لازم اشوفك انت وينك
فواز:انا رايح بيت واحد من الربع بقط عليه شغله ...تعال دوانية سعود اشوفك هناك
محمد:ماينفع الموضوع حساس الان يخص ليال
فواز :ليال شفيها صاير معاها شي في احد مأذيها تكلم قول
محمد بضيق:اختنا انظلمت وايد يافواز
فواز:محمد والله اعصابي تلفت تكلم ليال شفيها
محمد:انا الحين يايلك انت وينك بضبط
فواز:انا بالجابريه
محمد:اوكي انا يايلك الحين مسافة الطريج
بصاله
حصه:يمه سمعي كلامي الانسان مو معصوم من الغلط احنه بشر للاتضيعين حياتج بيدج المره مالها الا بيتها وريها
ليال :يما انا تأخرت ولازم امشي
حصه:ليال يما فكري بكلامي عدل قبل ما تقررين اي شي
ليال:انشالله يما ...يالله مع السلامه
حصه:الله يسلمج
فلا خالد
بصاله طلال وجنى كانو قاعدين يسولفون مع هنادي عن خطبة دانه
طلال:وي يما الحين دانو بتوخر عنج
هنادي:بالله بتوخر وين بتروح ...بتروح بيت عمتك
طلال:لا انا اقصد اكيد بتروح مع عادل لندن مو معقوله اهيا بديره وريلها بديره
هنادي:صدق هذي ما يت على بالي شلون بتسافر وتخليني ......لازم اكلم عمتك بالموضوع
جنى:خالتي عادي اهيا بتكون مع ريلها ومتى ماحبيتي تقدرين اتروحين لها الله يعافي الطياره الي قربت المسافات بينا
هنادي:خل تقعد اهني مع عمتها
جنى:خالتي اهيا تزوجت عشان اتجابل عمتي ولا عشان تروح مع ريلها
طلال:يما شفيج عادي ترى لندن اغلبها كويتين الي يدرسون والي يشتغلون يعني ماراح تحس بالغربه
هنادي:البعد عن الاهل اهو الغربه وانا اعرف بنتي تحب تكون حوالين اهلها ورفيجاتها
جنى:انتو ليش تسبقون الاحداث وبعدين دانه ماوافقت الا بعد مادرسة الموضوع كله وبعدين الكل عارف انه عادل صارله فوق اسنتين عايش بره ماتوقع طافت السالفه هذي عليها ...والوحده اذا حب تريلها تروح معاه لي اي مكان
طلال:صاجه ...ورن تليفونه شاف الرقم استغرب ....عن اذنكم..وقام
جنى وهنادي :اذنك معاك
طلال طلع بره البيت :نعم
:شلونك طلال
طلال:من وين لج رقمي
حنان:الي يسأل مايتوه
طلال:لا والله ..خير انشاء الله
حنان:الخير بويهك ابي منك خدمه
طلال:تفضلي
حنان بتردد:ابي ابي ابيك تشوفلي دكتور يسوييلي ترقيع
طلال:ترقيع شنو
حنان:ابي دكتور يردني بنت
طلال:وليش بالله
حنان:انخطبت والولد خوش واحد والكل يمدح فيه
طلال يقاطعها:وانتي وافقتي طبعا وبدون اي تردد
حنان:اي ابي اتزوج كل الي بعمري تزوجو
طلال بستهزاء:اها وتبيني اساعدج عشان تجذبين على الريال وتقنعينه انج بنت صح ولا لاء
حنان بحزن:طلال الي يسمعك يقول انا كان لي علاقه بالموضوع ولا انا الي رحت بريلي حق اخوي وقل له سو فيني جذي
طلال:وليش ماوافقتي علي ولا انا موزين بنضرج
حنان:بالعكس انت مافي منك..زبس انت شايف الفرق بيني وبينك انت وين وانا وين واهلك مو راضين وفوق هذا ماني بنت ...طلال افهمني انا مابي اضرك بشي الاني احبك ومابي اضرك باي شي
طلال:بس انا كنت راضي فيج بكل حالاتج اهم شي تكونين عندي وعلى ذمتي بس انتي الي رفضتي
حنان:طلال بتساعدني ولا لاء
طلال :آسف مو انا الي اسوي جذي
حنان:اوكي ..مع السلامه واسفه على الازعاج
طلال :حياج وصكه التليفون .....ليش جذي ياحنون ليش تسوين فيني جذي انا مو بس احبج انا اعشقج بشكل جنوني
عند محمد وفواز
بعد ماراح محمد عند فواز وقاله عن كل الي سمعه من ليال اتجهو اثنينهم الي شركة جراح منها يشوفون يعقوب ونها يكلمون جراح
بالشركه
فواز:السلام عليكم
السكرتيره :وعليكم السلام ...تفضل
فواز:ابي اشوف جراح وضروري
السكرتيره:عفوا قصدك الاستاذ جراح
فواز:استاذ عليج مو علي روحي قوليله فواز بره ولازم يشوفك الحين
السكرتيره:عندك موعد سابق
فواز:لا ماعندي موعد بس لازم اشوفه
السكرتيره:اسفه ماقدر ادخلك عنده الا اذا عندك موعد
محمد:قوليله اخوان زوجته
السكرتيره دخلت المكتب وبعدها بشوي بطلت الباب:تفضلو
ودخلو المكتب
محمد وفواز :السلام عليكم
جراح :وعليكم السلام ورحمه ...حيا الله من يانا توه مانورت الشركه
محمد يساسر فواز:ودي ادوس ابطنه صج مايستحي
فواز: على نفس نبرة محمد:احنه ياين نتفاهم مو تنهاوش
جراح:تفضلو ليش واقفين
فواز:زاد فضلك
جراح: حيالله من يانا
فواز:الله يحيك
جراح:شتشربون
محمد:مشكور شربنا منك بما فيه الكفايه
جراح حس انه الموضوع وصل لهم :خير ان شاء الله
فواز:الخير بويهك ...جراح في موضف عندك اسمه يعقوب ال ..وحابين انقابله
جراح:اييه ...بس انا طردته من الشركه وماعتقد انكم بتحصلونه عندي
محمد:مافيها شي خل السكرتيره ادق عليه وتقوله اي والحين
جراح:ليش صاير بينكم شي
محمد بعصبيه:لاتصتعبط على راسنا انت عارف كل شي
فلاة خالد
ادخلت ليال وهيا تعبانه ومالها خلق شي توجها لسلم عشان تصعد لكن صوت خالد وقفها
خالد:ليال
ليال :هلا عمي
خالد:تعالي يبا ابيج شوي
ليال راحت عند خالد :امرني عمي
خالد :ما يامر عليج عدو بس ابي اخذ رايج بجم شغله
ليال:تفضل
خالد قام :تعالي معاي
وراحت ليال معاه لي الجزء الخلفي من الفلا الي كان يعدله حق جراح وغرور ...دخلت ليال وتفاجأت بالمكان المهجور صار قصر صغيرقصر مكون من طابقين الطابق الاول في صاله كبيره اطل على الحديقه الخلفيه وفيها مطبخ صغير اما الطابق الثاني يتكون من ثلاث غرف وغرفة نوم ماستر وصاله صغيره الطابق الارضي كان مأثث بالكامل اما الطابق الثاني ماتأثث في شي ...ليال ضلت فتره اتشوف المكان وكل ماطاحت عينها على زاويه وعجبتها زادت الم وحسره
خالد:ها يبا شرايج بالمكان
ليال بضيق :عليهم بالعافيه
خالد:تستاهلين اكثر من هذا ياليال
ليال بستغراب :وانا شعلاقتي بالموضوع
خالد:هذا بيتج الصغيرون واذا مو عاجبج في شي قوليلي وانا اغيره ..بس غرفة النوم مافيها اثاث ..قلت انتي تختارين الي يناسبج
ليال وهيا طايره من الفرحه:عمي من صجك هالمكان لي انا ...انزين وجراح وغرور
خالد:المكان مثل ما اهو لج حق جراح وغرور اختارت الجناح الي فوق خلي القديم لها ولج الشي الزين
ليال باست راس خالد:مشكور عمي وماتقصر ..بس متى مداكم تخلصون
خالد:بيني وبينج انا كنت شغال فيه من اول ماتزوجتو انتي وجراح ومن سافر وقفت كل شي ..والحين رديت كملت الشغل...يالله روحي رتاحي شوي عشان نروح العصر نختار باجي الاثاث
ليال ببتسامه:انشالله عمي ...وقبل ماتطلع تكلمت بتردد ...عمي وسكتت
خالد:خير ليال في شي
ليال بعد فتره من الصمت :اي في
خالد:امريني
ليال:مايامر عليك عدو ..انا ابي اكمل دراستي وخايفه انه جراح يعارض الفكره كل الي ابيه انك تكلمه وتقنعه
خالد:بس ماطلبتي شي غالي وطلب ارخيص ..الا انتي وين كنتي تدرسين
ليال:ب التكنلوجيا
خالد :اها ومن زمان موقفه قيدج
ليال :اي قبل ما اتزوج جراح بسنه
خالد:اممم ..ماتوقع يردونج الكليه الانج تجاوزتي المده
ليال بحباط:والحل
خالد:ليال بصراحه انتي بتكملين دراستج عشان الشهاده ولا عشان الوظيفه
ليال:الاثنين
خالد:شوفي انا بكلم جم واحد من الي اعرفهم اذا ردوج الكليه خير وبركه واذا ما صار اسجلج بالجامعات الخاصه واذا تخرجتي اشتغلي مع جراح
ليال بضيق:عمي مابي اكون معاه وخصوصا بالشغل
خالد:ليش
ليال بقلبها :شقولك تبيني اقولك اني ابي اتطلق منه بعد ما اضمن شهادتي وضيفتي أقولك اني ابي اشوف حياتي ومستقبلي بعيد عن جراح
خالد حس انه الموضوع يتعلق ب جراح وماحب يعلق:واذا ماتبين تتوضفين عندهم انا اوضفج عندي بالشركه وبأحسن مكان بعد شلي تامرين عيله
ليال وهيا متشققه:صج عمي ...انزين متى اقدر اداوم عندك
خالد وهو يبتسم:من باجر اذا تبين واذا على جراح خليه علي
بالشركه
طلع يعقوب من مكتب جراح وهو بحاله حرجه ملابسه معفوسه من الطق الي كلاه من محمد
اما داخل المكتب
محمد يتكلم وعيونه تغورق بالدموع :شلي قاعد يصير ابي افهم هذاك يمثل دور الجنس عشان يطلقها بنفس اليوم وياخذ حبيبته ...والاخ الثاني يسمع كلام من بره عنها ويب لها شريجه على راسها ...وليال ...ليال شنو ذنبها ليش تتحاسب على شي اهيا ما لها اي ذنب فيه خافو ربكم فيها ترى حوبت المضلوم بتشوفونها بالدنيا قبل الاخره
جراح :ولا انا لي ذنب بالي صار انا سمعت الكلام الي نقال بس افعال ليال اهيا الي خلتني اصدق الكلام ...صدها لي وتهربها مني اهو الي خلاني اشك فيها ...بعدين ليش مكبر الموضوع اختك ليلحين على ذمتي
محمد يقاطعه بصراخ:مو علشانها ولا حبن فيها انت رديتها عشان تخدم بنتك وتجابلها ...يا اخي دامك اتشك فيها وبأخلاقها شلون تأمن بنتك عندها ماتخاف تخربها ...بس انت واثق ثقه عميه انه ليال مافي منها عشان جذي خليتها اهيا الي تربي بنتك وتكون لها الام مو زوجتك الثانيه
جراح لاتعليق
فواز بكل هدوء :جراح بعطيك من الاخر اختي غاليه علي وايد وما اسمح لي اي مخلوق انه يضرها بشي مثل ما انت ماترضى اي احد يضر خواتك ...من الاخر باجر من الصبح موعدنا بالمحكمه
جراح بعصبيه:مو على كيفكم فاهمين هذي زوجتي وانا وياها بس الي نقرر اذا نكمل مع بعض ولا ننفصل ولو سمحتو لي هني وكفايه حياتي الخاصه محد له الحق انه يتدخل فيها
بفلاة خالد
دخلت ليال غرفتها وشافت اريام ماسكه مذكراتها
ليال:انتي هني
اريام حطة المذكرات على الطاوله وراحت لمتها :شلونج الحين
ليال ببتسامه:انتي شنو شايفه
اريام:شايفه ليال الي تحاول ترسم احلى ابتسامه على ويها بس الي بداخلها شي ثاني
ليال تقاطعها :لا حبيبتي انا صج مستانسه ومستانسه وايد بعد
اريام حطة ايدها على قلبها:ليكون بتتطلقين.... ليول انتي تدرين ابوج مايرحم
ليال:لا توقعي
اريام:واي ليول تدرين فيني ماحب هالسوالف قولي
ليال:شفتي القسم الخلفي ألي قاعدين يشتغلون فيه
اريام:ايه شفيه
ليال وهيا تقعد على فراشها وتحط ريل على ريل :هذا القسم لي انا مو غرور
اريام:اتحلفييين منو قالج
ليال:عمي توه وراني البيت لالا مو بيت قصر امبييه ريوم اينن المكان مو صج جني قاعده بمسلسل
اريام:وغرور شلون تنازلت عن المكان
ليال:عمي يقول دام ختارت الجناح تتحمل وبعد اشوي بروح مع عمي اختار غرف النوم
اريام تقعد عندها:امممم يعني انتي سامحتي جراح
ليال :ريوم ولي عافيج لاتيبين طاريه ...حبيبتي الجناح هذا لي انا وانتي وملوكه وكدوي وبس ...للعلم عمي يقول حق جراح بس اذا حط ريله بالمكان احشها من عرجها
اريام:هههههههههه حلوه ...هذا بدال ما تخططين شلون تسحبينه من عيوز خيبر ...ليول
ليال تقاطعها:اريام جراح انتها من حياتي خلاص ومستحيل اغفر له تعرفين شنو مستحيل
اريام:انتي الحين متضايقه عشان جذي شايله بقلبج بس بعد فتره بتغير كل الامور
ليال بنفسيه:يصير خير
اريام:بعدين تعالي قوليلي ليشب تروحين تنقين اثاث ليش ماتشوفين لج مصمم ديكور وهو يقوم بكل شي
ليال:والله فكره ...بس
اريام:بس شنو
ليال:ما ابي اكلف على عمي اكثر
اريام:الي يسمعج يقول بقط ملاين ...اقصاهم جم الف
ليال:والجم الف هذول شويه
اريام:مو احسن من الفراره بين محلات الاثاث ويمكن تحصلين شي يعجبج ويمكن لا
ليال:امممم ..مادري والله ....انزين شقول حق عمي الحين انا وعدته نطلع العصر نخلص كل شي
اريام:اممم تدرين شلون انا بي معاكم وبيننه وبجذيه اهو بروحه بيقول لنا شوفو مصصم ديكور وفكوني
ليال:هههه حرام عليج .....المهم في شي ثاني بعد
اريام:شنو
ليال:بشتغل مع عمي بالشركه
اريام بصراخ:خيااانه ...شلون يوضفج عنده وانا لا شلووون
ليال:الاني طلبت منه واني اتوضف وانتي لا
اريام:خلاص انا بكلمه الحين وبقوله ابي اتوضف معاج
ليال:لا حبيبتي جذي ماينفع
اريام:ليش بالله
ليال:منو بجابله ملوكه بغيابي
اريام:يا سلاااام لي شانا البيبي سيتر مالتها ولا شنو بضبط
ليال:مو بس جذي انا وانتي اذا توضفنا بمكان واحد نعفس الدنيا فخليني انا اجرب بالاول واذا نجحت اقول حق عمي يوضفج معاي
اريام:اممم فكره مش بطاله
بهال وقت ينطق باب الغرفه
اريام:تفضل
ليال:غرفتي واهيا الي ترد والله حاله
تدخل دانه مع كادي الغرفه
ليال ببتسامه:اهلين بالعروس
دانه:بنات عمتي حددت يوم العرس
اريام:صج متى
دانه :بعد اسبوعين
اريام:اي شي صح
ليال:سبوعين مايمديج تسوين شي
كادي:يمدي ان شالله بس لازم نطلع باجر من الصبح عشان يمدينا
دانه:بدلتي طلبتها من بره وعادل بيبها معاه لي رد الكويت
ليال:حلو على جذي بس باقي التناتيف
اريام:المصيبه بالتناتيف على قولتج
كادي:انزين حجزو صالون من الحين خوفكم ماتحصلون مكان
ليال :صح وانا بعد من رايج بس اي صالون تبون
اريام:انا اقول مس فرساي حيل ناعم وحلو
ليال:انزين شرايكم ب منيره الفرج
كادي:لا هذي غسلي ايدج تحصلين حجز
دانه:شرايكم رشا شيك
اريام:ما احبها مادري ليش
دانه:تدرون شلون خل اقول حق لينا اتي اتحط لي ميك اب وتسوي شعري
اريام:دانو انتي عروس مو معزومه بعرس
دانه:اوووه مادري مادري سوو الي تبونه بس ابي اخلص بسرعه
ليال:لا تحاتين غمضي عين وبطلي عين وان شاء الله انخلص كل شي بسرعه
دانه:امييين يارب ...ويرن تليفونها ويبين على ويها التوتر
اريام:وي وي شفيج منو داق
دانه:ها لا رقم غريب
كادي:علينا
دانه بعصبيه:انطمي
الكل :هههههههه
دانه :قليات الادب ...وطلعت من الغرفه ودخلت غرفتها ...اما البنات ضلو يضحكون وبعدها قامو يخططون حق الحفله
يتبع
بعد اسبوعين
وتحديدا يوم حفلة دانه الصبح
الكل قاعد من النوم مبجر والكل حايس بالبيت وخصوصا ليال
اليوم بتنام اهيا والبنات بالبيت الثاني وكانت كل يوم تنقل جزء من اغراضها وطبعا اريام قالت بما انت المكان يديد لازم حتى ملابسهم تكون يديده ...وخلال الاسبوعين الي طافو خالد وهنادي اهما تكفلو بتأثيث باجي البيت للبنات وبالبدايه كانو رافضين وجود البنات مع ليال وكانو يبون ليال تكون بروحها عشان جراح يضطر انه يروح لها باليل لكن ليال اصرت على موقفها وتم تأثيث البيت بالكامل وعلى كل الترتيبات هذي غرور وجراح ماكان عندهم علم بشي ...اما ليال وجراح وضعهم مثل ما اهو ومافي اي تقدم
بالصاله الكل قاعد يتريق
خالد:ما شاء الله اليوم الكل قاعد من النوم قبلي
طلال:اكيد وراهم تصبغ اويوه ونفش الشعور لازم يقومون من وقت
جراح:اي والله كل وحده ملطخه ويها بصبغ مادري شلون صاير ..انا بفهم شلون تحبون الوان بويهكم جذي
كادي :مثل ما اتحبون لعب الكره
طلال :الله طال فرق ...قارني بشي عدل
هنادي:يما دانه زهبتي كل اغراضج
دانه:اي يما
هنادي:ليال ملوكه بتاخذينها معاج ولا بتخليها بالبيت
ليال:لا بوديها بيت امي والعصر ايبونها الصالون
هنادي:اي احسن اهيا وين تتحمل لوية الصالون
جراح :لا تودينها مكان خليها بالبيت وانا اقعد عندها
ليال لا تعليق
اريام:وانت تبدل بامبرزها بالله ولا بتنومها
جراح بنبره حاده:لمن تتكلمين مع اخوج الكبير تكلمي بحترام ولا تحشرين نفسج بشي مالج علاقه فيه فاهمه
اريام بنفسيه:فاهمه
طلال:الحمدالله
جنى:وين ليلحين ماكملت اكلك
طلال:عندي جم شغله لازم اخلصهم الحين
خالد:خلص بسرعه لازم تكونون اول الموجودين بالصاله
طلال:لاتحاتي يبا ...يالله مع السلامه
هنادي :بحفظ الرحمن
خالد :ليال اليوم بتباتين بالبيت
ليال ببتسامه :اي عمي
خالد:منزل مبارك تتهنين فيه يارب
جراح بستغراب:اي بيت تتكلمون عنه
خالد:القسم الي عدلته ضبطناه وصار بيت ثاني واليوم بتبات فيه اهيا والبنات
جراح:وشلون يباتون بروحهم بدون ريال
خالد:البيت ماله باب غير الي جدامك اما الباب الخارجي مفتاحه عندي والنسخه الثانيه بخليها عندهم
اريام:لا بابا خلها عند جراح يمكن يبي شي مني مناك
غرور:جراح مو محتاج منكم شي وبعدين البيت الي تتكلمون عنه مو على اساس انا الي بسكن فيه شلي تغير
خالد بحزم:البيت هذا بيتي وانا اقرر منو الي يسكن فيه ومنو الي يطلع والي مو عاجبه مايشوف شر وانتي الله منعم عليج اشتريلج بيت وطلعي من بيتي اذا مو عاجبتج العيشه فيه
غرور:اعتبرها طرده
جراح بعصبيه:غرور ثمني كلامج
خالد:انا ماشي تامرين على شي يا ام جراح
هنادي:سلامتك
خالد:ام خالد ماتامرين على شي
البنات كلهم يشوفون بعض
خالد:ليال مافي بالبيت غيرج ام خالد الله يقدرني واشوف خالد بين ايدج
البنات وهنادي:امين
خالد:شوفي اذا التحتاجون شي بالبيت عطيني خبر وانا وصيت السايق يجيل البيت
ليال بضيق:مشكور عمي لاخلا ولا عدم
وطلع خالد من البيت وخلا نار مشتعله بالقلوب ...نار الحزن والحسره بقلب ليال وغرور الغيره الي عاميتها وعلشان تبرد قلبها مالقت جدامها الا انها اتضايق ليال بكلامها الي يرفع الضغط
غرور:ليال شريتي نفنوف حق الحفله
دانه:لا تنطرج
غرور :وياترا شريتيها من مجمع النقره الشمالي ولا الجنوبي
ليال:لا وانتي الصاجه من بسطات سوق اليمعه
غرور :ما استبعد
هنادي طفح الكيل فيها وخصوص بعد كل الي صار من ظلم جراح لي ليال وفوق هذا يسكت عن كلام غرور:ليال لو تلبس خيشه اينن عليها الان الالب غالب مثل مايقولون
غرور:ماضنتي بكون شي حلو عليها بالبس
هنادي:لا حبيبتي انتي غلطانه وغلطانه وايد ..ليال بعدها صغيره وجسمها ماتعرض لتغيرات الي انا وانتي تعرضنا لها ..بمختصر مفيد جسمها مشدود وطبيعي اما انتي جسمج شنو بيكون يعني
غرور بقهر:الحمدالله جسمي حلو
هنادي:ماضنتي احلى من جسمها ليال ما شاء الله عليها جسمها سم بتيك وينن وكافي بياضها الي يلفت النظر ولا طولها الي جنها عارضه من عارضات ازياء اوربا ...شقول وشخلي
غرور:خالتي لا يغرج جراح يقول جسمها مو حلو
لالي انفجرت من الضحك:ههههههاي حلوة ...وليش اهو شافه جسمي عدل ولا يمكن يقص عليج حبيبتي انتي عمرج شي و40 وانا عشرين انتي شايفه الفرق الي بيني وبينج بكل شي مو بس بالعمر ..تدرين انتي لو متزوجه بعمري اول ماتزوجت جراح جان عندج بنت ويمكن بنتج اهيا تكون شريجتي مو انتي
كلام هنادي وليال كان مثل الصاعقه على مسامع جراح ...اهو عارف انها كبيره وايد لكن ماخطر على باله ولا شي من الي سمعه منهم
اريام:حبيبتي الله خلق وفرق انتي وين وليال وين
دانه:على فكره غرور جراح اهو الي خطب ليال مو ليال اركضت وراه وباقته من مرته
ليال :اقول ماما عوده لاتعصبين اليوم ورانا عرس مو ناقصين ضغطج يرتفع ونبتلش فيج
البنات :ههههههههههههه
جراح بعصبيه:بس انتي وياها كل وحده تقوم تشوف شغلها
هنادي:ليش تعصب ..جراح من طق الباب سمع الجواب وعلى قولت ابوك اذا مو عاجبها هذا شي راجع لها ...امه انها تقعد وتقط حجي على البنات لا حبيبي لي هني وحدكم ...وتلتفت على البنات
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك