رواية عهدي مع الايام -34
جراح بعصبيه:بس انتي وياها كل وحده تقوم تشوف شغلها
هنادي:ليش تعصب ..جراح من طق الباب سمع الجواب وعلى قولت ابوك اذا مو عاجبها هذا شي راجع لها ...امه انها تقعد وتقط حجي على البنات لا حبيبي لي هني وحدكم ...وتلتفت على البنات
....روحو خلصو شغلكم مانبي نتأخر
الكل قام ماعدا جراح وغرور
غرور بعصبيه:يعني عاجبك الي صار ...ماعرفت اتجعمهم ماعرفت ادافع عني
جراح بعصبيه:شوفي انا واحد مالي خلق سوالف حريم ...واذا مو عاجبج كلامهم بلعي العافيه احسن لج
تركها وقام
بأحد الفنادق الفخمه
ليال كانت واقفه تستقبل الضيوف مع هنادي وام عادل اما اريام وكادي وجنى وباجي البنات كانو يرقصون
اوقفت عمته جراح الكبيره عند رتاج وتكلمهها بصوت واطي
عمة جراح:والله مو حرام البنت قمر مو ناقصها شي يتركها وياخذ هذي
رتاج:حسبي الله ونعم الوكيل فيها فرت مخه ...والله ياعميمه لاتشوفين امي وابوي شنو حالتهم ميتين من القهر بسبت هالغرور
العمه:شنو اسمها
رتاج:غرور
العمه:اسم على مسمى
مر الوقت بسرعه بالقاعد عند الحريم ...لكنه كان يمر ابط شديد بالقاعه عند الريايل
جراح طول الوقت يفكر بكلام امه وكلام ليال وكل ماقلب السالفه براسه تفتحت امور وايد جدامه ....يقوم من مكانه ويطلع بره القاعه
طلال يلحقه بسرعه
طلال:جراح ...جراح
جراح يوقف ويلتفت عليه:هلا
طلال:وين رايح بعد شوي الزفه
جراح:انا بروح قبلكم
طلال:ليش
جراح رفع حاجبه وبحزم:ماني ملزوم ابرر اي شي
طلال:انزين وزفه
جراح مارد عليه وكمل طريجه
طلال:امرك غريب ياجراح الله يستر منك ومن افكارك
قاعة الحريم
ليال راحت عند اريام الي كانت ترقص
ليال:اريام انا بروح اشوف ملوكه تين معاي
اريام:لا اخذي كادي معاج
ليال :اوكي
وراحت عند كادي:كدوي بروح الغرف هاتين معاي
كادي :اوكي .
كادي وليال البسو جاكيت فوق بدلهم وطلعو من القاعه
وصعدو فوق
كادي:امبيييه شفتي الخبله شنو لابسه
ليال:خل تولي زين عبالها بلبسها هذا بتصغر عمرها
كادي:الحمدالله وشكر
طبعا الغرفه كانو كانت لليهال ملاك وولد رتاج كانو حاطين لهم العاب وقاعدين يلعبون والخدم عندهم...ملاك اول ماشافت ليال هدت الي بيدها وركضت نطت بحضنها
ليال لمت ملاك حيل:واااي فديت البنات الحلوين
كادي:ليول نزليها تحت شوي
ليال:لا صوت الدي جي يبط طبلت الاذن
كادي:حرام خل تستانس شوي تشوف البنات يرقصون ومنها تصور مع داني
ليال:اممم اوكي ...وتلتفت على الخدامه...آني يبيلي ملابس ملاك
بالقاعه
بعد اتنهاء الغنيه تكلم الدي جي وقال :ارجاء من اخواتي يتغطون الان اخو العروس الكبير بيدخل القاعه
الحريم استغربو من دخول جراح القاعه تقطو الحريم ودخل جراح
وكان بستقباله امه وعماته وخالاته سلم عليهم باس راس امه
جراح بضحك:والله ماعرفتكم من كيلو المكياج الي بويهكم
عمتة شيخه:على الاقل احنه حاطين شي معقول مو زوجتك الي ماخلت شي الا وحطته وهذا غير لبسها الي مايناسب عمرها
جراح وهو يضحك:عمتي حديي منو فيهم عندي ثنين
شيخه:الي يايه صوبك
جراح لف ويها وشاف غرور الي لابسه نفنوف فوشي قصير وكعب عالي ورافعه شعرها كله اما الميك اب كان اسود ابفوشي
جراح ابتسم لمن شافها
غرور:جراح صاير زوغه
جراح ابتسم :وانتي بعد صايره حلوه
غرور:طول عمري حلوه
اريام راحت صوب جراح :جروح اش يايبك
جراح:قلت اي قبلهم مالي خلق زفه وهرنات راسي مصدع
غرور:سلامتك حبيبي بالعدو ولا فيك
جراح :الله يسلمج...ويلتفت على اريام....ريوم صايره عروس بس ناقصج ريل
اريام وهيا مكشره:وع وع وع هذا الي ناقص بعد ريل وع
جراح وهو يضحك:ليش الزواج ستر ...وبعدين خوفج تعنسين وتقعدين عله على قلب ابوي
اريام:لا تخاف ما اعنس اذا العيوز لقت لها واحد مثلك يعني في امل اذا وصل عمري اربعين احصل ريل
غرور :احترمي نفسج فاهمه
جراح بعصبيه:غرور مو وقتج
اريام:ليش تتضايقين انا ماقلت شي غلط
جراح:انتو مامنكم فايده خل اروح عند دانه ابرك منكم ....وتركهم جراح وراح على الكوشه سلم على دانه وحب راسها
جراح:الف مبروك داني والله يهنيج ان شاء الله
دانه وهيا تحاول ترسم الابتسامه على ويها لكن المبين عليها انها متنرفزه:الله يبارك فيك بس ليش ياي
جراح قعد عندها على الكوشه :جذي ...الا وين حبيبت قلبي
دانه:ليش ماشفتها توك
جراح:اقصد ملوكه
ارايم اصعدت على الكوشه ونادت المصوره :جراح بصور معاك
جراح:اوكي ..ريوم وين ملوكه
اريام:فوق مع ليال ...ابتسم خل اصوره تطلع حلوه
جراح:لاتحاتين الصوره بتطلع حلوه دام انا موجود فيها
اريام:ياعيني على الثقه
المصوره خذت لهم جم لقطه وبعدها وخرت شوي
جراح:داني لايطوفج شكل عدول متشقق على الاخر
اريام:اكيد يتشقق اليوم احلى ليله بعمره
جراح :صدقتي هذا يوم ما ينسي
دانه بستهزاء:وانت اي يوم فيهم منت قادر تنساه يوم مريم ولا ليال ولا غرور
جراح خزها بطرف عينه:اعتقد هذا شي خاص فيني وما احب احد يعرفه
اريام:انزين صوره وصورت وسلام وسلمت وباركت لي مت بتقعد هني بالله
جراح وهو يرفع حاجبه:شنو طرده
دانه:سمها الي تسميها الناس بتاخذ راحتها بالعرس
جراح:مايمديهم الان عادل على وصول ...وهو يتكلم عينه طاحت على ليال الي دخلت الصاله وكانت ماسكه ملاك
اريام وهيا تشوف نضرات جراح:اطيح الطير من السماء صح
جراح التفت على اريام:اكيد ملوكتي احلى منكم
اريام:انا اتكلم عن ليال مو ام السان
جراح ضل يشوف ليال الي لابسه نفنوف حرير الونه اسود مخصر ومزموم من تحت الصدر لي بدايت ريها ومن طحت كلوش خفيف طايح النفنوف مديله حلو وايد(ماعرفت شلون اشرحه لكم)ورصع بالشوارفسكي وكانت مسويه شعرها ويفي وحاطه فيونكه صغيره ومكياجها كان الشذو برونز بس الوانه هاديه والحمره حمره شكلها ليدي بمعنا الكمه
كادي :هذا شعنده هني
ليال:روحي سأليه ليش تسأليني
كادي اتشوف ليال الي ليلحين ما فصخت جاكيتها :انزين مو نايويه تفصخين
ليال:لا طبعا
كادي:غلطانه فصخي وروحي ترقصي جدامه هذا فرصتج ..اذا تبين ترفعين ضغط غرور
ليال:ومايرتفع ضغطها الا اذا رقصت وتفصخت
كادي:انتي شفيج سوي الي اقولج عليه وبس
ليال:اسفه
كادي بعصبيه:مو بكيفج ووقفت وراها وفصختها جاكيتها غصب
ليال:ارتحتي الحين
كادي:اكيد ارتح دام اشوف جراح عينه ماتنشال منج
ليال:يعل عينه البط
كادي:ليول هذا اخوي وما ارضى تتكلمين عنه جذي
ليال:هذا شي راجع لج ...مشت ليال وهيا ماسكه ملاك وراحت صوب هنادي
هنادي:زين انج نزلتيها حرام خل تستانس
ليال:جلبت فيني وما رضت توخر وكادي قالت خل تنزل تستانس شوي
رتاج :ليول روحي صوري مع جراح وملوكه
ليال ردت بسرعه:شكو
رتاج :ليول الي صار صار وحنا عيال اليوم حاولي تبطلين صفحه يديه بحياتكم
ليال:طول ما هل عله على ذمته مافي صفحات تتبطل
رتاج:يعني اذا طلقها تتصلح كل الامور بينكم
ليال :اذا طلقها يصير خير
رتاج:دام جذي انتي بأيدج طلاقها
ليال بهتمام:شلون
رتاج قامت اتقول حق ليال شلون تتصرف مع جراح عشان يطلق غرور
على الكوشه
جراح:اريام قولي حق ليال اتيب ملوكه
اريام اتشوف دانه وتبتسم:ولي شانا ايبها لك
جراح :مو مهم منو الي ايبها المهم يبوها لي الكلبه اشحلاتها بنفنوف
اريام راحت خذت ملاك من ليال وودتها على الكوشه عند جراح
جراح ببتسامه عريضه:فديت ملوكتي العسل والله ...جراح اخذ ملاك وقعدها بحضنه ...الله شعرج حلو منو سوا شعر ملوكتي حلو
ملاك:ماما
جراح باسها وضل يلعب بشعرها ويشم ريحتها
بهال وقت بدت غنية الجسمي (حلم الكرى)
اريام:الله بروح ارقص ...ونزلت من الكوشه وبدت ترقص
جراح نزل ملاك من حضنه ومسك ايها وهو يرقصها
دانه ببتسامه:واي فديتها ...العياره ترقصين
جراح:اي مو بس انتو ترقصون حتى بنتي تبي ترقص
دانه وهيا ميته من الضحك:جراح لايطوفك العيوز قاعده ترقص
جراح رفع راسه وشاف غرور ترقص ابتسم :يا حلوها
دانه لفت عليه والشرار يطلع من عينها
جراح رفع حاجبه :ليش اطالعيني جذي
دانه لفت ويها :بذمتك هذي ولا لي القمر الي ياي صوبنا
ليال اصعدت على الكوشه وراحت عند ملاك :ملوكتي يالله ماما نروح فوق
دانه:ليش تودينها خليها ..خليها مستانسه
ليال:الريايل واقفين بره وانا بصعد فوق
دانه :ليول لاتخليني بروحي
ليال:خواتج كلهم حولج
جراح بأمر:لاتصعدين خلج هني
ليال تشوف دانه :ببدل ملوكه
جراح:خليها بعدي ما شبعت منها
ليال :اوكي.....لفت ليال عشان تنزل من الكوشه ...لكن صوت جراح خلاها توقف
جراح:انا قلت خلج هني
ليال:رايحه البس مو معقوله اضل جذي بدخلت الريايل
جراح:تعالي خل صور
ليال:صورت وايد
جراح بصبيه:لمن اقولج شي لا تراددين فاهمه
ليال:لا مو فاهمه وعندك غرور صور معاها انا لا
دانه:ليول انتي الاصل انتي ام ملاك مو غرور
ليال:دانه اضاهر انج نسيتي انه ملاك مو بنتي وانها بنت مريم
جراح وشرار طالع من عينه:مريم امها بالاسم وبس ولا تيبين طارها جدام ملاك
ليال من الهم والقهر الي فيها ما كانت حاسه بالكلام الي تقوله كانت تبي تجرح جراح وتضايقه بأي طريقه:رضيت ولا ما رضيت ملاك بنت مريم مو بنتي ومردها لمها
جراح من بين اسنانه :حسابج معاي بعدين
ليال:سو الي بتسويه ما تفرق معاي ....وتركتهو قبل ماتسمع اي تعليق من جراح
جراح بقمت العصبيه:والله ما اطلع جراح اذا ما سنعتج
دانه :جراح ليش تقول جذي حرام عليك ...اهيا بروحها مو ناقصه
الي فيها مكفيها .
جراح قام من مكانه وطلع بره القاعه ومعاه ملاك
نهاية البارت
البارت 36
فلاة خالد بعد انتهاء العرس
جراح وغرور كانوا ول من وصل البيت ...وطلال وجنى خذو لهم غرفه بالفندق ....اما هنادي وخالد ردو البيت بعد انتهاء العرس مباشره
جراح راح عند امه
جراح:يما وين البنات
هنادي:البنات مع دانه بالفندق
جراح:بباتون هناك
هنادي:لا توني مكلمتهم وهما الحين بطريج ...بغيت شي منهم
جراح:تأخرو وايد وقلت اسأل عنهم
هنادي ببتسامه:ناطر ليال
جراح:اي
هنادي بفرح:الله يتمم علكم ويبعد عنكم كل مكروه ...يما ليال تستاهل كل خير والله البنت ذهبه
جراح:يما انتي فاهمه الموضوع غلط
هنادي بخوف:جراح شصاير
جراح:مو صاير شي بس ابي اتفاهم معاها على موضوع
هنادي:يما خف عليها شوي البنت مو مقصره مع ملاك
جراح سمع اصواتهم بالصاله الي تحت:شكلهم اوصلو
هنادي :جراح ماوصيك
جراح :ان شالله يما....نزل جراح وهو متحلف في ليال
بالصاله
ليال وهيا شايله ملاك الي نايمه:بنات بتنامون في بيتي اليديد
كادي وهيا تتخصر:عشتو بيتج
ليال:اي بيتي ويالله بسرعه قرروا لان ايدي طاحة
اريام:والله ودي انام هناك بس اخاف
كادي:ليش تخافين
ليال :خلصوني يالله ايدي طاحت
جراح بعصبيه :زين الي شرفتو
التفتو كل البنات بتجاه الصوت شافو جراح نازل من السلم وملامحه ماتبشر بالخير
اريام بهمس:الله يستر
جراح:ليش رديتو جان ظليتو لي باجر
كادي:جريح شفيك احنه ماكنه نلعب كنا بالفندق مع دانه
جراح بعصبيه:ليش دانه ياهل وانا مادري انتو شايفين لبسكم ولا الكيلو المكياج الي بويهكم شبيقولون الناس لي شافوكم بهالمظر وانتو رادين بهالوقت المتأخر
ليال :بنات انا بودي ملاك بفراشها ...ولتفت عشان تمشي لكن ايد جراح الي مسكت زنها بقوه منعتها من الحركه
جراح بعصبيه:انا لمن اتكلمن توقفين لين اخلص كلامي فاهمه
ليال نزلت راسها وخايفه من قربه لها
جراح بصوت عالي وبعصبيه وهو يلزق فيهاويضغط بأيده على زندها بقوه :رفعي راسج وانا اكلمج ...شوفيني
رفعت راسها وهيا خايف ومرعوبه وجسمها كله يرجف
تلاشت كل الحروف والكلامات ونربط اللسانه لمن طاحت عيونه بعيونها الجذابه تلاشت من شاف الخوف بعيونها وحس بدقات قلبها الي بدت تزيد من الخوف
ليال بصوت يدوب يطلعه:جراح ...ملوكه نايمه
جراح بتعد عنها ولتفت على اريام الي كانت تراقبهم والابتسامه على ويها :ريوم اخذ ملاك ووديها فراشها ...ليال لحقيني المكتب
ابتعد جراح عنهم ودخل المكتب
اريام خذت ملاك وهيا تبتسم
كادي:ليول روحي بسرعه لا يعفسنا الحين
ليال:كدوي تعالي معاي جروح يحبج وماعتقد يطقني وانتي موجوده
اريام:لا تحاتي جروح وركزي على كلمة جروح ماضتي يسوي بس بزفج ويغسل شراعج
ليال:ياسلام وحظرتج مستانيه
تبطل باب المكتب وقف جراح وبعصبيه:مطوله
ليال بلعت ريجها وبهمس:كدوي تعالي معاي
جراح صرخ :ليال
كادي:ياك الموت يا تارك الصلات
ليال راحت المكتب وهيا خايفه وتبلع بريجها...دخلت المكتب وهيا منزله راسها
جراح وهو معطيها ظهره :سكري الباب
ليال سكرت الباب وضلت واقفه بمكانها ...التفت جراح عليها وشاف الارتباك والخوف واضح عليها
جراح بعصبيه:ليال ملاك من بنته
ليال بصوت يدوب يطلع:بنتك
جراح:ومنو امها
ليال:مريم
جراح صرخ من قمت راسه :لا تيبين اسمها ..ملاك مو بنت مريم...سكت شوي وضل يشوف ليال فتره تقدم صوبها ..وهيا زاد ارتباكها وخوفها منه
ومن شافتة جوتيه وحسته لازق فيها ارفعت راسها والدموع مليانه بعينها
ليال بخوف :آسفه والله آسفه ماراح اعيدها مره ثانيه
جراح تفاجأ بالدموع الي بعينها ومن الخوف الي يزد كل ما قرب منها
ظل فتره يتأمل ملامحها الناعمه رفع ايه عشان يلمس خدها لكن حركت ليال فجأته لمن رجعت بسرعه لي ورا ولزقت بالباب
بيت بو فواز
بغرفة آلاء
اكنت قاعده قبال التسريحه تمشط شعرها وهيا تفكر ب شكل اختها بالعرس
وكلام الناس عنها وعن شريجتها ...قطع افكارها صوت طقت الباب
آلاء:تفضل
دخل محمد الغرفه :قاعده
آلاء:اي مافيني نومه
محمد:اممم...شلون العرس
آلاء بضيق:حلو
محمد:زين يعني استانستي بعد الحكره الطويله بالبيت
آلاء لاتعليق
محمد وهو رافع حاجبه:الووء شفيج
آلاء:مافيني شي ..بس مو قادره انسى شكل ليال
محمد بستغراب:ليش...يعني من اي ناحيه ...صار معاها شي
آلاء:كانت جميله بشكل خيالي
محمد:وشالغريب بالموضوع ليال طول عمرها جميله
آلاء :لبسها شعرها ستايلها اليوم كان غير ولاتشوف ام جراح كانت طايره فيها ...طول الحفله كلنت ليال واقفه معاها وتستقبل الضيوف
محمد يقعد على فراشها:شي حلو ...بس انتي ليش متضايق جذي
آلاء بغصه:انت شفت شريجتها
محمد:لا
آلاء:حمود فرق والله فرق السماء عن الارض مو لانه ليال اختي اقول جذي ...شريجتها كبيره وايد وفوق هذا مو ذاك الجمال ..وتكمل بستهزاء...ولا لو شايف لبسها ولا مكياجها ..لابسه نفنوف منفوش ستايل سعاد حسني ...والميك اب قصه ثانيه....هذا كله كوم وكلام الناس من دخل جراح القاعه كوم ثاني
محمد:طبيعي بتصير مقارنه بيت ليال وشريجتها وطبيعي الناس بتتكلم وانتي قلتي بعظمة اللسانج اهيا كبيره ولا لبس مثل الاوادم ولا مكياج اما ليال غير صغيره وحلو ...بس حضها اهو الي قطها على جراح
آلاء:ليش يصير فيها جذي والله حرام ليول ما تستاهل ...بيتزوج باللعنه خل يتزوج بس ياخذ وحده صغيره مو اكبر منه ...ليال قطعت قلبي من دخل جراح ...كل بنت متزوجه بأي عرس تنطر ريلها لمن يدخل وتكحل عيونها فيه وهو نفس الشي تلاقي الريايل من يدخلون اعيونهم تحوس عند الحريم ...بس الي صار شي يقهر هذاك عيونه ماطاحت من على البقره ..وليال من كان يشوفها يعصب عليها
محمد:آلاء بس كافي لا تزيدين علي .....وبعدين اهو الخسران مواهيا
آلاء:بس ليال تحبه وتموت فيه وبعده عنها خساره كبيره بالنسبه لها
محمد:ما يندرا يمكن هذا اختبار من رب العالمين...ويمكن جراح مو من نصيب ليال الله العالم شنو خاشت لها الايام
آلاء:الطيب ماله حظ بالزمن الاغبر
محمد:الله كريم انشالله كل شي يتغير مع الايام...المهم بما انج خلصتي متحاناتج باجر عازمج على العشا انتي وليول
آلاء ببتسامه:اوكي
محمد:يالله تصبحين على خير
آلاء:وانت من اهل
فلاة خالد
دخلت ليال غرفتها وصكت الباب بسرعه وحطت ايدها على قلبها
اريام:ها بشري
ليال :يما يما يما ...زين ماذبحني ...والله قلبي شوي ويوقف
كادي:جراح معروف لي عصب يفصل وما يشوف جدامه
ليال وجنها تذكرت شي:الا صج ليش يتوه ني
كادي:قلنا باجر نروح هناك من الصبح
ليال:يا سخيفات ما عندي ملابس هني قومو خل نروح هناك
اريام:بالاول قولي شنو كان يبي منج
ليال:يعني شيبي مني بالله ...تبينه يلمني ويقولي زوجتي قمروما ابيج تفارقيني ولا لحظه
البنات كانو يتبادلون النظرت وماعلقو على كلامها
ليال:الاخ معصب ليش قلت ملاك بنت مريم ...ياربي شنو الغلط بالي قلته
اريام:ليال ترى جراح من قبل ما تتزوجون اي وحده منا اذا قلت ملاك بنت مريم يعصب او مجرد نذكر اسمها يعفسنا عفاس
ليال:والله دام مو عاجبته ليش خذاها وضل معاها 6 سنوات ولا اخوج متعود على جذي كل فتره مع وحده
اريام:ليال لا تظلمينه جراح وايد تأذى من مريم وشاف معاها انواع واشكال من الخيانات
ليال بستغراب:أول مره اعرف سبب طلاقهم ..كل الي اعرفه انها ملسونه وصاحبت مشاكل وماتسمع الكلام
كادي:صح وهم هذا سبب بس جراح كان يطوف لين اكتشف خيانتها
اريام:خلونا من جراح ومريم ويالله قوموا نروح بيتنها تصدقون احس حياتنا بتتغير وايد
كادي:اي وناااسه
وقامو البنات وراحو القسم الثاني من البيت كل وحده فيهم دخلت غرفتها ليال حطت ملاك بالفراش غطتها وباستها ...ادخلت غرفة التبديل وطلعت لها ملابس ودخلت الحمام خذت لها شور وطلعت
ليال:الحين وين انشف شعري ..خل اشوف البنات ...راحت غرفت اريام
ماحصلتها واسمعت صوتها بالحمام تغني ...اضحكت عليها وبدت اتنشف شعرها
بالحديقه الخلفيه للفلا
ماكان قادر يطرد شكلها وهيا خايفه ومرعوبه منه ولا قادر يستوعب سسب خوفها منه ...تنهد بضيق وهو مو عارف شلون يتصرف معاها وشنو نهاية علاقتهم ولي وين بيوصلون ..ولع زقارته وهو يقول بقلبه
جراح(ليش تخاف جذي ....هالدرجه انا مخيف ولا الي صار معاها مع الجلب سبب لها عقده ...ولا زواجي عليها اهو السبب ...لالا ما اتوقع زواجي اهو السبب ياما شباب تزوجو ثنين وثلاث عادي ماتغير شي مجرد غيره ...اكيد الي مايتسمى اهو السبب اكيد ...والله لو اشوفه مره ثانيه لذبحه بيدي )
داخل الفلا بقسم البنات
دخلت اريام غرفة ليال وشافتها واقفه عند الدريشه الي اتطل على الحديقه
اريام:ليول شفيج واقفه جذي
ليال لفت عليها وردت اتطل:جراح صارله فتره بالحديقه وقاعد يدخل بشكل جنوني
اريام وهيا تروح عندها:اضاهر متضايق وايد
ليال:اول مره اشوفه يدخن
اريام:جراح يدخن بس مو وايد واذا تضايق عادي يشرب 4 او 5 باكيتات بنفس الوقت
ليال تشهق:من صجه هذا ..ليش يسوي بنفسه جذي ...انزين عمي مايقوله شي
اريام:ليول اتحسسيني انج مو زوجته ولا تعرفين جراح
ليال بضيق :انا زوجته بالاسم ...واذا قصدج بالفتره البسيطه الي قضيتها معاه ...ماعتقد انها فتره كافيه عشان اعرف كل اطباعه
اريام:ليول انتي ليلحين تحبينه
ليال ردت على سؤالها بسؤال :اريام ...تتوقعين صاير معاه شي بالشركه
اريام:جنج طنشتي سؤالي بس يالله ماعليه بجاوبج...انا اتوقع انتي سبب الحاله الي اهو فيها
ليال بستغراب:انا ...بس انا ماسويت له شي...واذا قصدج على سالفة مريم انا عتذرت منه ووعده اني ماعيدها
اريام:انتي لو شفتي نضراته لج طول الحفله وشكله وهو واقف جدامج ونقلب حاله من لزق فيج جان عرفتي السبب
ليال بضيق:اريام لا تعشميني بشي مستحيل ...قلبي ماعاد يتحمل صدمات ثانيه
اريام:ليال انتي بيدج كل شي صدقيني
ليال:بيدي اذا كنت بروحي مافي مره ثانيه تشاركني فيه او بالاصح اهيا الكثير وانا لي القليل ...لفت ويها عن اريام وهيا تحاول تخفي دموعها الي غرقت عينها
ثاني يوم الصبح
فتحت عينها وشافت المكان الي اهيا فيه ...لفت ويها وبتسمت لمن شافت ملاك نايمه ...باستها وقامت من الفراش ...ودخلت الحمام
غرفت كادي
طلعت من الحمام وبيدها الفوطه :اريام ...ريوم
اريام وهيا نايمه:امممم
كادي:يالله قومي بسرعه تأخرنا
اريام وهيا تقعد :اوووف
كادي:قومي بسرعه يدوب نبدل ونروح المطار ....راحت صوب الدريشه وفتحت البرده ...وتفاجأت لمن شافت جراح قاعد بالحديقه....غريبه جراح متى قاعد من النوم متى تريق
اريام :ليش
كادي:قاعد بالحديقه
اريام قامت وراحت صوب كادي:اي والله ...معقوله جراح من امس على هالقعده
كادي بصدمه:امس
اريام:اي جراح امس كان قاعد بالحديقه بعد الي صار مع ليال
كادي :بروح اشوفه
اريام:تعالي وين رايحه
كادي مارت عليها وطلعت من الغرفه ...اما اريام راحت غرفت ليال
اريام:صباح الخير
ليال:صباح النور
اريام:ليول جراح ليلحين على قعدته ماتحرك من امس
ليال :تحلفين
اريام:والله وكدوي انزلت له
قامت ليال وراحت عند الدريشه تشوف جراح وكادي يسولفون
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك