رواية عهدي مع الايام -3
فواز:شكلج نسيتي ...امس مو اتفقنه ان روح السوق اليوم
ليال:فواز مابي اطلع
آلاء:ليول حبيبتي ليش خايفه
ليال:والله اخاف ابوي يعرف ويذبحني
فواز:انتي معاي مو بروح جالي تخافين
ليال:....
رناد:يالله قومي ...وبسج حزن ... انتي قاعده اتضرين نفسج واتأكدين لناس كلامهم
ليال:شلون
رناد:المفروض تطلعين وانتي رافعه راسج انتي ماغلطتي ... والعيب منه مو منج...طلعي خل الناس اتشوفج وتشوفينهم
ليال:مابي اشوف احد
ايمان:ليول انتي مو اول وحده بالعالم تتطلق وناس تتكلم عنها
امل:الحين الناس قامت تتكلم عن الكل متزوجه ..مطلقه..عانس...بنت ...خلج واثقه من نفسج وقومي طلعي من البيت
فواز:ها شقلتي
ليال:مابي
فواز بنبره حاده:انا ناطرج بسياره لاطولين تعالي بسرعه
ليال:فواز مابي اروح
فواز:ليال بتطلعين يعني بتطلعين يالله قومي جدامي ولا تتاخرين
ليال:انشالله
ثاني يوم في ماكدونلز البحر
فواز:الله يرحم ايام قبل ...حفلت عيد الميلاد تختلف تمامن عن الحين
سعود:اكيد..على ايامنه يسون كيكه بالبيت ....وسون عيد ميلاد جماعي كل شوي واحد يطفي الشمعه
فواز:والله ابرك واحلى من الحين
سعود:الحين مصاريف عل الفاضي
فواز:لا قول تفقق جدام الناس يعني شوفو عيالي عيدميلادهم بكاك
سعود:ههههههههههههههههههه اي والله الحيرم غير التفلسف ماعندهم شي
فواز:اتلاقي عيد ملاد الياهل والمعازيم كلهم حريم كبار...ولا ممنوع اصطحاب اطفال
سعود:ا ي شفيك لازم ارفيجاتهم يعرفون انهم مسوين الحفله بمطعم
غيداء:الي يسمعكم يقول مطعم سن عاقصاه ماكدونلز
فواز بصوت واطي:ياك الموت ياتارك الصلات
سعود بنفس النبره:ههههههههه الحين شي فكني من حنتها
غيداء:شفيكم تتساسرون
سعود يرقع:سلامتج بس فواز يقول انشالله ليال تستانس بالحفله
غيداء:وعليه عليها والله تعور القلب ضعفانه وايد الله يجازي الي كان السبب
فواز:ام صالح ليال مستانسه ولا لاء
غيداء:لا تحاتي قاعده مع البنات والضحكه ماتفارقها
فواز وهوا يبتسم:الله يريحج دنيا وآخره بردتي قلبي بهل خبر
غيداء:انشالله على طول جذي
سعود:الله يهدي عمي انشالله
غيداء:انا بروح عند اليهال تبون شي ..جاي عصير شي مني مناك
سعود:اي والله جنج نسيتينا يبي لنا كل الي قلتيه
غيداء: انشالله
ورن تليفون سعود
سعود:حياالله طلال
طلال:الله يحيك
سعود:انت وينك ياأخي اتغط مره وحده
طلال:والله الشغل لي راسي ماني قادر الحق
سعود:العمر يخلص وشغل مايخلص
طلال:صاج ياخوي بس هذا حلالنا ولازم انجابله
سعود:الله يزيدكم من خيره
طلال:تسلم ..الا وينك انت
سعود:انا بماكدونلز الي على البحر
طلال:شعندك هل حزه هناك ...شنو المدام مو مغديتك
سعود:ههههه....لا اليوم عيد ميلاد صالح وسويناله اهني
طلال:اها ...دام جذي لازم امر ويبله هدية عيد ميلاده
سعود:لاتكلف على روحك ...انت تعالي بس
طلال:لا مايصير هذا ولد الغالي لازم هديه
سعود:والله كيفك انا اقولك مايبي وايد يايبيله هدايه
طلال:اي خله يستانس الواحد جم مره يسوله عيد ميلاده بسنه
سعود:انزين لاتطول الحفل اشوي وتخلص تعال بسرعه قبل مايمشي فواز
طلال:فواز عندك
سعود:اي ..ينطر اهله يخلصون
طلال:امممم...سعود اخته الي قتلي عنها موجوده
سعود بنبره حاده:طلال
طلال:اشفيك ياخوي والله موقصدي شي
سعود:دام جذي ليش تسأل
طلال:خل اي واقولك
سعود:صار بس موطول
بعد ساعه وصل طلال
طلال:السلام عليم
فواز وسعود:وعليكم السلام
طلال:فواز شلونك بشرني عنك
فواز:بخير عساك بخير
سعود:يعني لو مويعيد ميلاد صلوح جان ماشفناك
طلال:لا شدعوه انا كنت ناوي امركم اليله بدوانيه
سعود:حياك الله بأي وقت بس مو تقعد شوي وتمشي
طلال:لا اليوم بتنقع عندكم
فواز:والله من زمان عنك
طلال:اي والله حتى انت بالفتره الاخيره ماقمت اتبين وايد .....كلن لاهي بشغاله
طلال مسك تليفونه وطرش مسج حق جراح
(جريح انا بماك الي على البحر وخطيبتك موجوده لاتطوفك تعال وشوفها)
ورد يكمل سوالفه طلال:خلصتو حفلتكم ولا بعد
سعود:جنهم خالصين
فواز:اكيد خلصو ... صار هدوء
طلال:والله اليهال عايشين حياتهم ..مو احنه كل الشغل علينا
فواز:باجر يكبرون وصير حالهم من حالنه
طلال:صاج
در عليه طلال(بنت عم سعود الي قتلك عنها تعال وشوفها هذي فرصتك)
جراح(انت فاضي حدك )
طلال(كيفك انت الخسران...البنت عجيبه )<<تعمد يقول جذي الانه يدري بجراح اهم شي عنده بنت جميله
جراح(دام عاجبتك اخذها شبي بياهل اربيها والعب معاها)
طلال(خلاص انا باخطبها البنت ماتتطوف قطعه )
بعد 10 دقايق وصل جراح الانه كان قريب من ماك
جراح:السلام عليكم
الكل :وعليكم السلام
سعود:حيالله جراح
جراح:الله يحيك
سعود:هذا فواز ولد عمي
جراح وهوا يلسلم على فواز:هلا فواز شلونك
فواز:بخير الحمدالله زين الي شفناك ...طول عمري اسمع فيك ولا اشوفك
جراح:والله انا ماروح مكان من البيت الي الشركه ...مو مثل بعض الناس الي مطيحين مع سعود ليل ونهار
سعود:هههههههههههه
طلال :انت اش عندك هني
جراح : ياي آخذلي من ماك
طلال وهوه يغمزله:عاد يقولك في وجبه حلوه انا متأكد انها بتعجبك
جراح يبتسم بخبث:على ايدك
طلال:ههههههههههه
سعود:حياء جراح اقعد ليش واقف
جراح وهوه يقعه:انتو شعندكم هني
طلال:اليوم عيد ميلاد صلوح ولد سعود
جراح:كل عام وهوا بخير
سعود:وانت بخير
بهل وقت العنود وليال وآلاء كانو رايحين صوب فواز عشان يمشون
سعود:فواز شكلهم خلصو ..اهلك ياين
فواز كان معطي ظهره لهم :لاااا ماقعدت مع جراح
جراح:انشالله الايام اليايه
طلال يسحب سعود صوبه وساسره:اي وحده فيهم
سعود وهوه رافع حاجبه:طلال
طلال:ترى مو قصدي شي والله الحين افهمك بس قولي اي وحده فيهم
سعود بصوت واطي:الي لابسه تنوره ورديه
طلال:اممم .. وهوا يطالع ليال ....ماشالله تبارك الرحمن
سعود:الحين قولي شعندك
طلال:انطر شوي
وطرش مسج حق جراح عشان سعود لايحس بشي
(الي لابسه تنوره ورديه اهيا البنت)
ليال كانت لابسه تنوره ورديه فاتحه ومشيره بالفوشه والبدي وردي فاتح وفيه حزام فوشي...ومسويه شعرها كيرلي وبف خفيف وحاطه فيونكه فوشيه صغيره وحاطه ميك آب خفيف ..شكلها كيوت
جراح من وصله المسج رفع راسه وكان يدور البنت الي لابسه تنوره ورديه ومن شافها ضل يطالع فيها فتره وهوه مو حاس بروحه
طلال لاحظ نظرات جراح الي كلها اعجاب ...اشوي وياكلها بعيونه
طلال طرش مسج حق جرا(بسك فضحتنا شيل عينك من خطيبتي ...عجبتني وانا الي ابيها )
جراح :طلال صار مخامط اشوف
طلال:ههههههههههه
آلاء من بعيد تاشر حق فواز
فواز يكلم جراح:والله كان ودي اتعرف عليك اكثر بس الاهل شكلهم بيمشون
جراح:وين توناس ماشبعنا منك
طلال:هههههههههههههههههههه اي صح وين بتروح ماشبعنا منك اقعد زين ولاحق على الروحه ...خل اخوي يمتع اعيونه فيك
جراح بعصبيه:طلال انت شفيك قمت اتخوره
طلال:فواز آسف مو قصدي شي ...بس حبيت اعرفكم على بعض اكثر
سعود:دام جذي مرنا اليله الدوانيه
جراح:امممم...ماأوعدك بس احاول
فواز:مر حتى لو نص ساعه
جراح:انشالله
فواز:خلنا انشوفك ...يالله مع السلامه
الكل :الله يسلمك
سعود:فواز وراح قولي شعندك
طلال :انت ليش مستعيل ...كل شي بوقته حلو
سعود:طلال انتش تفكر فيه
طلال وهوا يطلع جراح:كل خير
جراح:لازم امشي الحين
سعود:وين توناس
جراح:لازم تأخرت عندي اجتماع بعد ساعه ولازم ارد البيت ابدل ..يالله يمديني
طلال بخبث:جريح ماكليت مو انت يوعان
جراح وهوه يخزه:الحين باخذلي....يالله فمان الله
سعود وطلال:حياك
بيت بو فواز
فواز والبنات توهم داشين البيت:السلام عليكم
محمد وحصه:وعليكم السلام
حصه:ليش تأخرتو
فواز:يمه الله يهداج وين تأخرنا ...من خلصو مشينه
العنود:خالتي غيداء اتسلم عليج
حصه:الله يسلمج ويسلمها من كل شر
محمد:ليول اشلون الحفله
ليال:وناسه ...والله طافك نص عمرك اليهال بدعو
محمد:وانتي انشالله ستانستي
ليال:الحمدالله
محمد بصوت واطي:رناد كانت موجوده
ليال وهيا تبتسم:اي
محمد بنفس النبره:شلونها
ليال:الحمدالله
محمد:ليول قوليلها اتي عندنا اليوم او باجر
ليال وهيا تبتسم:من عيوني
محمد:تسلملي عيونج الحلوه
فواز يكلم محمد:تتوقع منو كان موجود هناك
محمد:منو
فواز:طلال واخوه جراح
محمد:شي طبيعي طلال بكون موجود بس الي مو طبيعي جراح شيايبه
فواز:كان ياي بصدفه ...ومن شافنه قعد معانه
محمد:اممم ...طول عمري اسمع عنه مغرور ومتكبر
فواز:ماعليك من الكلام الي ينقال ...وزيدك من الشعر بيت اليوم يمكن اي الدوانيه
محمد:لاا ...جراح بشحمه ولحمه بيتكرم ويي الدوانيه
فواز:اي ..شفيها
محمد:مافيها شي ..بس جراح معروف عنه مايقعد مع الي اقل منه يعندي لازم من مستوا
فواز:لا انت وايد ماخذ فكره غلط عنه
محمد:والله هذا كلام اقرب الناس له
فواز:لا يبالغون ..انت تعال اليوم وشوفه يمكن اتغير رايك فيه
محمد:لازم اكون موجود....ابي اشوف الفرق الي بينه وبين طلال
فواز:لا طلال شي ثاني ...هذا اخو
محمد:صاج
آلاء تساسر محمد:حمود في امانه لك عندي من رنود
محمد نقز من مكانه من سمع اسم رناد:شنو قولي بسرعه
آلاء:هههههههه
محمد:قولي بسرعه
آلاء:رناد تبي منك خدمه ومنحرجه منك
محمد:عيوني لها
آلاء:بل ...كل هذا لها
محمد:طبعن...خلصيني قولي
آلاء:تبي منك تقرير عن اي مرض معدي
محمد:بس
آلاء:اي وقالتلي اذا عنده تقارير قديمه يبيها بس لايسويلي اذا ماعنده
محمد:والله ماأذكر اذا عندى ولا لاء بس اسويلها ماياخذ مني وقت
بسيارة طلال
طلال يكلم جراح بتليفون:شرايك فيها
جراح:جميله بشكل
طلال:يعني تبيها
جراح:والله مادري شقولك البنت صغيره علي وايد
طلال:لاصغيره ولا شي ...أعرف واحد بينه وبين مرته اكثر
جراح:وشلون الوضع بينهم مايحس انها ياهل عليه
طلال:بالعكس يقول لمن يكون معاها يحس نفسه بعز شبابه
جراح:والعقل
طلال:ياما ناس كبار وعقلهم عقل يهال ...وياما ناس صغار بس عقلهم يوزن بلد
جراح:طلال في فوارق وايد بينه مو بس العمر
طلال:الي اهوا
جراح:الوضع الاجتماعي والمالي لهم...اهما ناس عادين حيل
طلال:واذا...وعيالك بشيلون اسمك مو اسم امهم
جراح:وخوالهم
طلال:ريايل ونعم فيهم
جراح:والله مادري شقولك
طلال:فكر وعلى راحتك هذا زواج...بس لاتطول خوفك البنت اتضيع من ايدك
جراح:بالاول لازم اكلم امي وابوي
طلال:ولو اني ماأفضل انك اتقول حق امي الاني عارف رايها بالموضوع بس ماعليه كلمها وشوف شنو تقولك
جراح:دام جذي انا الحين راد البيت ..واذا حصلتهم اكلمهم
طلال:خوش عيل ..انا عندي شغل اخلصه وارد البيت
جراح:اوكي....يالله مع السلامه
طلال:الله يسلمك
في فلة بو جراح
بو جراح ..خالد من كبار رجال الاعمال عمره 64 سنه وله عدت شركات بالكويت وبره الكويت ..هنادي ام جراح 60 سنه ....طلال 30 سنه ثاني واحد من افراد الاسره ...رتاج 27سنه متزوجه من ولد عمها مشاري 31 سنه وعندهم ولد واحد ...دانه 25 سنه وتوها مالجه على فراس 27 سنه ولد ارفيج ابوها ...اريام23 سمره وشعرها اسود وقصير طويله وجسمها حلو...كادي 19 سنه وتشبه ريام ....
اما جراح خليته آخر واحد عشان اتكلم عنه اكثر
جراح 33 سنه حنطاوي وطويل عيونه كبار وحواجبه عراض شوي ...خشمه طويل شوي ..وشعره اسود وكثيف .. .. رجل اعمال ناجح والكل يهابه حتى اهله وكلمته تمشي على الصغير قبل الكبير بالبيت وبره البيت بعد كلمت ابوه......مطلق بعد زواج دام 6 سنوات وعنده بنت عمرها 4 شهور وامها قطتها على جراح من يوم ولادتها
جراح وهوا داش البيت:السلام عليكم
كادي:وعليكم السلام
جراح:امي وابوي موجودين
كادي:ابوي توه داش البيت ..وامي اصعدت اتبدل الانها بتطلع
جراح:خل الحق عليهم
كادي:ليش تبي شي
جراح:موشغلج انتي ...الا بنتي الحلوه وينها
كادي :قول صفارت الانذار وينها
جراح بنره حاده:منو صفارت الانذار
كادي:بنتك
جراح:ان سمعتج اتقولين عنها جذي والله اقص السانج فاهمه
كادي:فاهمه
دانه وهيا نازله:وهيا صاجه بنت مو بس صفارت انذار اذا في شي العن قوله ...ياأخي دوختنا ..24 ساعه تبجي...عمري ماشفتها تلعب او تضحك غير البجي ماعندها
جراح:اكيد تبجي الانها بين جياكر شلون ماتبجي
دانه:سمله عليك منو الجياكر...حبيبي السوده بنتك اهيا الجيكره مو احنه
جراح:اقول انتي وياها لمن اتيبون طاري بنتي حطو ايدكم على راسكم الانها تاج راسكم
دانه:هذا الي ناقص بعد مابقى الا بنت مريوم
جراح بعصبيه:هذي بنت جراح ال...مو بنت الزفته
دانه مانطقت بحرف من الخوف
جراح:هذي آخر مره اسمعج اتقولين عنها جذي فاهمه
دانه:فاهمه بس لاتصرخ
جراح وهوه ماشي:هذا الي ناقص بنتي اتصير بنت مريوم
نهاية البارت
البارت الرابع
دانه:هذا الي ناقص بعد مابقى الا بنت مريوم
جراح بعصبيه:هذي بنت جراح ال...مو بنت الزفته
دانه مانطقت بحرف من الخوف
جراح:هذي آخر مره اسمعج اتقولين عنها جذي فاهمه
دانه:فاهمه بس لاتصرخ
جراح وهوه ماشي:هذا الي ناقص بنتي اتصير بنت مريوم
كادي تساسر دانه:هذا شفيه معصب ..يعني بنته منو امها
دانه :اضاهر بنت السيلانيه
كادي:ههههههههههههههههه
دانه:قصري صوتج والله يذبحج الحين
فوق عند جناح هنادي
هنادي وهيا طالعه من باب الجناح :جراح انت هني
جراح:اي يمه توني ياي
هنادي :زين الي يت ...شوفلك صرفه مع بنتك
جراح:شفيها بنتي
هنادي:مافيها شي بس المربيات الي عندها مايبون يقعدون
جراح:ليش
هنادي:بنتك مزعجه وبس تبجي ...ومحد قادر يتحملها
جراح :شدعوه الحين بنتي منحشه العالم
هنادي:انت ماتدخل البيت الا اذا اهيا نايمه يعني ماتدري شتسوي فينا ...بنتك ماتسكت الا اذا نامت طول الوقت تبجي
جراح :والحل
هنادي:قطها على امها خل اتباريها
جراح:امها ماتت من يوم الي قطتها ...يمه والله نسيتيني ابيج ابموضوع
هنادي:خير انشالله
جراح:طلال شايفلي بنت ويقولي تزوجها
هنادي:وهوه ليش مايتزوج ...ولا عاجبه وضعه جذي ...صايرلي روميوو زمانه
جراح:وليش ماتخلونه ياخذ الي يبيها
هنادي :هذا الي ناقص بعد..ولدي ياخذ وحده مثل هذي
جراح:يمه دام يبون بعض خلاص وكافي انها متحمله ملاقت ولدج
هنادي:والله مو علشان سواد عيونه متحملته...الله يعافي حلاله
جراح: اذا قتلج عن البنت الي بخطبها اكيد بترفضين
هنادي:من بنته لايكون اتصيرلها
جراح:اتصير حق منو
هنادي:ارفيجت اخوك
جراح:لا يمه ماتصيرلها...اخت واحد من ربعه
هنادي:اممم...من بنته
جراح: ناس عادين مو مثلنا...بس البنت صغيره وايد
هنادي:صغيره ...يعني جم عمرها
جراح:19 سنه
هنادي:@@جم ...انت من صجك هذي ياهل
جراح:بس البنت حلوه وايد
هنادي:اذا على الجمال انا اشوفلك وحده من مواخيذنه وتكون حلوه
جراح:بس انا عجبتني البنت
هنادي:انت شفتها
جراح:اي شفتها بصدفه اب ماك كانت مع اخوها
هنادي:لا يمه اذا ناوي تتزوج انا ازوجك وحده بنت حسب ونسب
خالد وهوه طالع:شعندكم واقفين هني تسولفون
هنادي:تعال اسمع ولدك شيقول
خالد:شيقول
هنادي:طلال صاير خطابه حق اخوه وشايفله وحده عشان يتزوجها
خالد:وليش مايدور حق روحه
جراح:يبه انت تدري طلال منو يبي وانت الله يهداك الي مو راضي
خالد:خلك من موضوع طلال الحين ...انت شنو موضوعك البنت من بنته
جراح:بنت عم سعود ارفيج طلال
خالد:والله ونعم فيهم خوش عايله ..بس اهما مو من مستوانى
هنادي:وانا قتله نفس الكلام
جراح:يبه البنت عاجبتني وابيها
هنادي:انت من صجك بتاخذ ياهل
خالد:ليش جم عمرها
جراح:19 سنه
خالد:اممم ...الفرق وايد بس اذا عاجبتك وتبيها توكل على الله
جراح:بس البنت مطلقه
خالد:مو مشكله
هنادي:لا انتو اكيد ينيتو ...جراح انت الف بنت تتمنا ضفر ريلك ..ليش تاخذ وحده جذي
خالد:مافيها شي
جراح:يمه انتي موتقولي بنتي مأذيتكم ..خلاص انا بيبلها وحده اتجابلها بلاد المربيات الي كل يوم مغيرينهم
خالد :اي والله...وبعدين تقدر اتصكر حلجها بجم فلس ..اما بنات العز ولا وحده ترضى اتجابل بنتك وحنتها
جراح:ها يمه شقلتي
هنادي:والله كلام ابوك معقول بس لو تنطر اشوي ...يمه هذي ياهل اشلون بتأمن بنتك عندها وبعدين انت وايد كبير عليها ماتخاف فرق العمر الي بينكم يأثر على حياتكم
خالد:بالعكس الصغيره يشكلها مثل مايبي الانها ماشافت شي من الدنيا...انا اقول توكل على الله
جراح:يعني اكلم اخوها اليوم
خالد:اي عطهم خبر علشان اخطبها لك
جراح:ان شاء لله...يمه الا وين ملوكه
هنادي:مادري يمكن نايمه بغرفتها
جراح:اوكي انا بروح اشوفها تامرون على شي
هنادي :سلامتك يمه
خالد:شوف شي صير معاك وعطني خبر
جراح:انشالله ..عن اذنكم
جراح دخل الغرفه على بنته وكانت نايمه والمربيات قاعدين عند فراشها
قرب صوب فراشها ...شافها نايمه على ضهرها وملامحها مبين عليها التعب من كثر البجي..بس كان شكلها مثل الملاك برائة الطفوله فيها وفي تقاطيع ويها
جراح بصوت واطي:حبيبت قلبي ان شاء لله اقدر ادخل الفرحه بقلبج ولا اخليج تحتاجين شي بحياتج
تحت بصاله
كادي:ماما طافج ..دانه حصلت زفه محترمه من جراح
هنادي:ليش
دانه:ماما والله ماقتله شي
كادي:هههههه ماعليج منها قالتله بنتك بنت مريوم وعصب
هنادي:وليش عصب
دانه:مايرضى انقولها بنت مريوم ...يقول اهيا بنت جراح ال...
هنادي:ولدي صاج اهيا بنت جراح ال..مو بنت مريوم
دانه:اذا مريوم مو امها منوا مها السيلانيه وانا مادري
كادي:ههههههههههههههههه
هنادي:بسج اتي وياها ..والله ان سمعكم الحين يذبحكم
دانه:تبون الصراحه ماألوم مريوم انها انحاشت منه..هذا منو يقدر يعاشره
هنادي:دانو ويهد ..في وحده اتقول عن اخوها جذي
كادي:والله مريوم اهيا الخسرانه ..جريح صج عصبي بس حبوب وقلبه ابيض...والعيب ماكان من اخوي كان منها ....اهيا الي مايعجبها شي
دانه:ولاتنسين جراح شايف نفسه وايد
كادي:يحقله ...جريح كل مواصفات فارس احلام البنات مو جوده فيه ....حسافه اني اخته جان خليته ياخذني غصبن عليه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك