رواية عهدي مع الايام -4
كادي:والله مريوم اهيا الخسرانه ..جريح صج عصبي بس حبوب وقلبه ابيض...والعيب ماكان من اخوي كان منها ....اهيا الي مايعجبها شي
دانه:ولاتنسين جراح شايف نفسه وايد
كادي:يحقله ...جريح كل مواصفات فارس احلام البنات مو جوده فيه ....حسافه اني اخته جان خليته ياخذني غصبن عليه
دانه:هههههههههههههه حلوه
هنادي:انا بطلع ...واذا تبون شي دقو علي
دانه :يمه انا بطلع مع فروسي بعد اشوي
كادي:ياسلام وانا اقعد مع منو
هنادي:دقي على بنات عمج خل ايون عندج...يالله انا تأخرت مع السلامه
دانه وكادي:الله يسلمج
كادي:دانه متى بتطلعين
دانه:بعد ساعتين
كادي:امممم...خلاص خل ادق على البنات مابي اقعد بروحي
دانه:قعدي مع ريام
كادي:ريام تقعد معاي انا ..لا اضاهر انتي مصخنه او فيج شي
دانه:اي صح نسيت انها ماتقعد معانه الاني انا معاج موستايلها .....والله مادري هل بنت ليش صايره جذي
كادي:خل ينفعونها رفيجاتها الي فارين مخها
بدخلة طلال
دانه:هلا وغلا
كادي:هلا بنور البيت
طلال يتلفت حوالينه:ماكو احد غيري...يعني انا نور البيت
كادي وهيا تروح صوبه:انت احلى شي بالبيت
طلال:من متى
دانه:من زمان
كادي:طلول والله انت الوحيد الي تعطينه ويه بالبيت ولا جريح غير الزف ماعنده شي
طلال:ههههههه....تستاهلون الانكم ماتنعطون ويه
دانه:كدوي جنه اخوج دقرنه
كادي:لا مو جنه اكيد ...هذا وحنه قاعدين نمدح فيه من الصبح
دانه:اخوانج ماأي بعينهم شي
طلال وهوه يمسكهم من شعورهم:منو ماأي ابعينهم شي
كادي:آي آي
دانه:طلول والله بقول حق فروسي
طلال هد كادي وضل ماسك بشعر دانه:صج والله ...لا صراحه خفت منه....دانو مالت عليج وعلى ريلج
دانه:آي آي طلال عفيه بس قطعت شعري
جراح وهوا نازل:زين يسوي فيج
دانه:والله لعلم عليكم فروسي
طلال:مالت عليج وعلى فروسج
جراح:يعني شاده الظهر فيه
دانه:آي آي طلال بس والله قطعت شعري
طلال:اعتذري بالاول ...ولا اقولج دقي على فروسج خل اي يشوف مرته اشلون تنطق
خالد وهوه نازل:طلال هد البنت
طلال بصوت واطي:والله لو مو ابوي جان املج اهدج
دانه وهيا اتعدل شعرها:والله لعلم عليكم فروسي
جراح:انتي مادوختينه فيه
دانه:ريلي لازم ادوخكم فيه
طلال:من زينه
دانه:احلى واحسن منك
خالد:مافي احد احسن من اخوانج ....اهما سند ظهرج
دانه:يعني اتو الطوفه الي استند عليها
كادي:هههههههههههههههههههه
جراح يخز دانه وكادي
طلال:الطوفه ريلج
جراح:طلال خلها عنك هذي ياهل...وتعال ابيك بموضوع
طلال:ابشر
جراح طلع من البيت وطلع وراه طلال
بحديقة بيتهم
جراح:طلال كلم سعود
طلال يقاطعه:يعني عزمت
جراح ببتسامه:اي
طلال:الله يتمم على خير ان شاء لله....والله هذا النسب الي يرفع الراس
جراح:اهم شي البنت اتكون زينه
طلال:لا تطمن انا سألت عنها وايد والكل مدحها
جراح:سألت منو عنها
طلال:سألت عنها بالكليه الي تدرس فيها وهم ارفيجاتها ودكاتره وغير سعود
جراح:امممم.....المهم كلمه اليله
طلال:شرايك اتي الدوانيه وانت اتكلمه
جراح:مادري والله بس انا عمري مايت دوانيتكم ولا اعرف احد غير سعود
طلال:مافيها شي تعال وتعرف على الشباب
حراج:خلاص انا الحين عندي شغل ومن اخلص الحقك هناك
طلال:صار
جراح:يالله انا ماشي تبي شي
طلال:سلامتك
جراح:مع السلامه
طلال:الله يسلمك.....الله يهنيك ياخوي وتمم على خير...لا صج اليوم ماكلمة حبي خل ادق عليها ...بنفس الوقت رن تليفونه
طلال:عمرج طوييييييل توني اياي ادق عليج
حنان:القلوب شواهد
طلال:وينج من اليوم
حنان:كنت نايمه وتوني قاعده وليلحيني بالفراش
طلال:صح النوم
حنان:صح بدنك حبيبي
طلال:دام توج قاعده يعني يوعانه صح
حنان:ميته من اليوع من امس مو ماكله شي
طلال:فديييتج ...يالله قومي بدلي وامشي نطلع
حنان:وين بنروح
طلال:امممممم ...شرايج بأيام زمان
حنان: اوكي ..بس عطني ساعه ابدل وطلع
طلال:حنونتي لو سمحتي حطي ميك اب خفيف
حنان:من عيوني
طلال:تسلملي عيونج.....حنون من تطلعين دقي علي
حنان:انشالله ...خلاص حبيبي خل اقوم علشان ماأتأخر عليك
طلال:اوكي حبيبي يالله باي
حنان:باي
طلال:حنون حنون
حنان:هلا حبيبي
طلال:وين بوستي
حنان: انت ماتنسى
طلال:لا
حنان:طلول حبيبي خلها وقت ثاني
طلال:لاثاني ولا ثالث ابي بوستي الحين
حنان:انزين ...اموووووه
طلال:حياتي والله
حنان:طلولي حبيبي ابي اقوم
طلال:اوكي ياقلبي يالله لاتطولين علي
حنان:ان شاء الله...باي
طلال:باي
بيت بوفواز(بغرفت آلاء)
ليال:ألوء ابي اكلم برور...مشتاقتلها وايد
آلاء:والله حتى انا من زمان ماكلمناها
ليال:خلاص روحي قولي حق حمود خل يعطينه تليفونه اندق منه
آلاء:وليش انتي ماتقوليله
ليال:اخاف مايرضى
آلاء@@:وليش مايرضى .....حمود مو مثل ابوي ويحبج وايد
ليال:والله ادري بس استحي اطلب منه
فواز كان واقف عند الباب ويسمع الحوار الي يدور بينهم
سحب روحه وبدون مايحسون انه واقف وبسرعه طلع من البيت
وبعد نص ساعد رجع فواز وصعد عند البنات
فواز:انتو هني
آلاء:اي يعني وين بنروح
فواز وهوه يصكر باب الغرفه وراه:امي طلعت من البيت
آلاء وليال يطالعون بعض بستغراب
فواز:شفيكم اتطالعوني جذي
ليال:مافينا شي
فواز وهوا يعطيها الجيس:ليول هذا لج
ليال:شنو هذا
فواز:تليفون
ليال:لا فواز مابي اخاف من ابوي
فواز:ابوي اشدراه
ليال:ابوي كل جم يوم يفتش غرفتي واخاف يشوفه
فواز:الحين ابوي مسافر وعلما يرد شوفيلج مكان تخشينه فيه
ليال:فواز والله اخاف
فواز:ليول انتي الحين اخذي ولي رد ابوي من السفر انا اتصرف
ليال:.....
آلاء:الخط مسجل بأسم منو
فواز:بأسمي
آلاء:دام الخط امسجل بأسم فواز لاتخافين حتى اذا ابوي شافه بعرف انه من فواز
ليال:وهني المصيبه ...فواز والله اخاف ابوي يسويلك شي
فواز:ماراح يصير شي...بس انتي لاتخافين
آلاء:ليول دقي على برور الحين وبعدين تفاهمي مع فواز على سالفت التليفون
ليال وهيا تبتسم:اوكي
فواز:انا طالع الحين واذا تبين شي دقي...ليول امي لاتعرف شي عن االتليفون
ليال:ان شاء الله
فواز:يالله مع السلامه
البنات:الله يسلمك
آلاء:يالله دقي
ليال:اوكي...ودقت
ابرار:الووو
ليال:برور حبيبتي انا ليال
ابرار:وااااااااااي ليول يخايسه شلونج شخبارج ...والله مشتاقتلج
ليال من اسمعت صوت ابرار اخنقتها العبره ...ابرار وليال علاقتهم حيل قويه وكانو 24 ساعه مع بعض قبل زواج ابرار وسفرها مع ريلها
ابرار:ليول انتي معاي
ليال بصوت مبحوح:اي معاج
ابرار :ليول طمنيني عنج انتي شلونج وشلون آلاء
ليال:الحمدالله كلنا بخير ...انتي شلونج والله مشتاقتلج
ابرار:وانا اكثر...ليول هذا من رقمه
ليال:رقمي فواز توه يايبلي الخط
ابرار:وابوج يدري عنه
ليال:ابوي مسافر
ابرار:واذا رد من السفر
ليال:يرجع الوضع مثل قبل
ابرار وقلبها يتقطع عليها:ليول صبري انه الله مع الصابرين
ليال:ونعم بالله
بعد ساعه بسيارة طلال
حنان:طلولي حبيبي تأخرت ولازم ارد البيت
طلال:حنون بس شوي والله مشتاقلج من زمان عنج
حنان:حبيبي عفيه خلها مره ثانيه والله تأخرت مالي خلق اهلي يسولي سالفه
طلال وهوه يتنهد:ان شاء الله الحين انرد
حنان:حبيبي زعلت
طلال:لا مازعلت ...انا ازعل من الدنيا ولا ازعل منج
حنان:والله احبك والله اموت فيك بس موبيدي صدقني انت عارف كل ضروفي
طلال بضيقه:عارف وانا مقدر كل شي
حنان:طلال عفيه لاتزعل مني
طلال:يهمج
حنان:شلون مايهمني ...انت غالي عندي انت كل شي بنسبه لي
طلال:آآآآآخ ياقلبي ...والله انتي الي كل شي بنسبه لي
وقطع عليهم صوت تليفون طلال
طلال :هذا جريح انا شلون نسيته
حنان :شفيه
طلال:لحظه حبيبي بس شوي
حنان :اوكي
طلال يرد على جراح:هلا جريح
جراح:طلال وينك انا عند الدوانيه وسيارتك مو موجوده
طلال:اي طالع شوي
جراح:يالله تعال الحين مابي ادخل ابروحي ...انا ماعرف احد
طلال:جراح شفيك ادخل الدوانيه سعود موجود وانا نص ساعه وكون عندك
جراح:انت وينك
طلال:قتلك طالع
جراح:طالع مع حنان
طلال:اي
جراح:انا اقول طلال ماينسى مواعيده الا اذا كانت السالفه فيها حنان
طلال:اي والله انسى روحي
جراح:يالله بسكم ماشبعتو من بعض ...شوف عندك ربع ساعه اذا مايت انا بمشي
طلال:خلاص مسافة الطريج وانا عندك
جراح:على خير ..يالله مع السلامه
طلال:حياك
حنان:شفيه اخوك
طلال:مافيه شي ...بنروح دوانية واحد من الربع وهوه مايعرف احد هناك وناطرني عند الباب
حان:ليش اخوك ياهل ..خل يدخل اش عليه منك
طلال:حنون لو سمحتي ماحب احد يتكلم عن جريح جذي
حنان:آسفه
بعد نص ساعه وصل طلال وشاف جراح ناطره بسياره ...جراح من شاف سيارة طلال نزل من سيارته ...طلال صفط سيارته ونزل ودخلو مع بعض الدوانيه
طلال وجراح:السلام عليكم
الكل:وعليكم السلام
سعود:حيالله من يانه توه ماتبارك المكان
طلال:الله يحيك
سعود مولك المكان تبارك بوجود جراح ..ولا انت مطيح عندي
جراح وهوه يبتسم:الله يحيك
طلال:افاء الحين المكان ماتبارك الا بوجود جراح
فواز:المكان تبارك فيكم اثنينكم حياكم ليش واقفين
طلال عرف الشباب على جراح ...وجراح عجبه الوضع بالدوانيه وخصوصن محمد استانس عليه وايد ..وحتى محمد غير فكرته عن جراح الانه كان يسولف ويضحك ...عكس الي سمعه عنه
طلال يساسر سعود:سعود ابيك بكلمت راس
سعود:خير انشالله
طلال بنفس النبره:خير بويهك انت امش معاي وبتعرف
سعود وطلال طلعو من الدوانيه وراحو بره
سعود:خير ان شاء الله
طلال:خير بويهك ..سعود بدخل بالموضوع على طول ....بخصوص موضوع بنت عمك
سعود:شفيها
طلال:جراح يبي يخطبها ...ونبيك تفاتح اخوانها يعني تمهدلنا الطريج مثل مايقولون
سعود بستغراب:جراح
طلال:اي جراح
سعود:بس جراح كبير عليها وايد
طلال:العمر مو مشكله ....وصراحه حنه صارلنه فتره اندور حق جراح بنت الحلال ...ويوم قتلي عن بنت عمك حسيتها اتناسب جراح الانهم اثنينهم انضلمو وايد
سعود:والله مادري شقولك ياخوي بس ان شاء الله اكلم فواز بالموضوع وعطيك خبر
طلال:ابي الخبر ابسرعه
سعود:ان شاء الله عطنه بس هل يومين الانه عمي مسافر ومن يرجع اعطيك خبر
طلال:على خير انشالله
ثاني يوم ابيت بوفواز
حصه من قالها فواز انه جراح طلب منه ايد ليال ..وهيا طايره من الفرح ولا فكرت بالعمر الي بينهم اهم شي انه بنتها تتزوج وتطلع من البيت هذا وغير هذا اناس بتسكت ومابتتكلم عنها.....قررت انها ادق على احمد وتقوله الخبر
احمد:انتي من صجج...ليال تتزوج
حصه:وليش لاء
احمد:ليال بتظل طول عمرها جذي ..بدون زواج
حصه:احمد انت شتقول
احمد:الي سمعتيه ليال ماتتزوج
حصه:اي ليش عاد
احمد:من غير ليش ...ماني ناقص فضايح اكثر
حصه:احمد لي هني وكفايه انت مو من حقك تحرمها من حقها
احمد بصراخ:انا ابوها والي اقوله يصير والي موعاجبه يشرب من البحر ...وصك التليفون
حصه:لا هذا مو صاحي
محمد:يمه شفيج منو الي مو صاحي
حصه بعصبيه:ابوك مو راضي يزوج ليال يقول بتضل جذي طول عمرها بدون زواج
محمد:نعم نعم ...ليش بكيفه اهوا يحرمها من الزواج
حصه:حمود ابوك لي حط براسه شي يسويه وانا ابي ليال تطلع من البيت اليوم قبل باجر...روح كلم عمك صالح خل يتصرف قبل مايرجع ابوك
محمد:انشالله انا الحين اروحله البيت وقوله بكل شي بس انتي هدي بالج ..... وانشالله اتشوفين ليال مرتاحه ابيت ريلها
حصه :شلون ابوك معاند..ومايبي يزوجها
محمد:كل شي ينحل انا الحين بروح حق عمي
حصه:دق على فواز وخل يلحقك اهناك
محمد:انشالله يمه
بيت صالح
محمد قال الي صار حق عنه
صالح:لا ابوك ين رسمي
سعود:يبه لازم نتصرف قبل مايرجع من السفر
صالح:حتى اذا رجع .....ماراح اخليه يمشي الي براسه
فواز:عمي الله يخليك لاتخلي ابوي يوقف نصيبها
بعد فترت صمت
صالح:فواز حدد موعد قريب مع جراح قبل مايرجع ابوك خل اي يشوف ليال ...يمكن ليال ماتبيه وحنه مانبي نسبق الاحداث
فواز:انشالله
نهاية البارت
البارت 5
صالح:فواز حدد موعد قريب مع جراح قبل مايرجع ابوك خل اي يشوف ليال ...يمكن ليال ماتبيه وحنه مانبي نسبق الاحداث
فواز:انشالله
بعد يومين
فواز اتفق مع جراح انه اي اهوا واهله يشوفون ليال....وطلال صار عنده خبر بكل الي صار وانه ابوها مايبي يزوجها
بغرفة آلاء
العنود:وااااي لايطوفكم شكل ام المعرس واخواته....صج عيال عز
رناد:اذا عيال ال...مايبين عليهم منو الي ببين عليه العز
آلاء:يعني مبين عليهم الغرور
العنود:لا والله يهبلون سوالف وضحك مبين عليهم متواضعين...انا اقصد طريقة لبسهم وشكلهم وحتى كلامهم غير ذربين
آلاء :الحمدالله
رناد:والمعرس شفتيه
العنود:لا ماشفته اهوا قاعد مع فواز وابوج
رناد: ودي اشوفه
العنود:نزلي مع ليال وشوفيه.....بستغراب ....الا وين ليول
رناد:بغرفتها قاعده تلبس
العنود:ماخلصت ليلحين والله فشله مفروض خالصه من زمان
رناد:الحين اروح اشوفها اذا خالصه ولا لاء
العنود:رنود بسرعه قوليلها لازم تنزل الحين
رناد:اوكي
بغرفة ليال
رناد طقت لباب ودخلة
رناد بخوف:ليول اشفيج ليش تبجين
ليال ودموعها على خدها:خايفه
رناد:من شنو خايفه
ليال:من الزواج اخاف يصير فيني مثل المره الي طافت
رناد ببتسامه:لا مايصير شي هذا ريال وعنده بنت يعني مضمون
ليال:من قال حمود يقول في جنوس متزوجين وعندهم عيال ومحد يدري عنهم
رناد:ليول اصابعج مو سوا...ومو كل الريايل مثل يعقوب عندج اخوانج وسعود ريايل بمعنى الكلمه وينشد الظهر فيهم
العنود:ليول يالله خلصي ابسرعه لازم تنزلين الحين
ليال:ان شاء لله
العنود:ليول شفيج
رناد: تقول خايفه انه المعرس يطلع مثل يعقوب
العنود:من صجج
رناد:ادري عنها ....ليول مو معقوله اخوانج يخلون واحد مو زين يخطبج وبعدين سعود يعرفهم عدل وحتى فواز يعرف اخوه
ليال بخوف:مادري مادري
العنود:ليول يالله قومي عدلي مكياجج بسرعه فشله طولتي وايد
ليال:ان شاء لله ....قامت عدلت الميك اب ونزلت مع العنود
بصاله
هنادي كانت اتسولف عن بنت جراح:لا بنته عندنا من اول يوم ولادتها
حصه:امها ماتبيها ولا انتو الي اخذتوها منها
هنادي:امها ماتبيها وبيني وبينج اهيا مو قد المسؤليه
حصه:الله يهديها في احد مايبي ضناه
رتاج:حتى ماسألت عنها من يوم الي قطتها ...تقولين تبي الفكه منها
بهل لحظه انزلت ليال والعنود
ليال برتباك:السلام عليكم
الكل:وعليكم السلام
حصه:ام جراح هذي ليال
هنادي تفاجأت بشكل ليال ...توقعت انها جيكره او شكلها كبيرالانه مرت جراح الاولى كانت عاديه حيل ...اما ليال ماتوقعت انها اتكون بهل جمال وشكلها اصغر من عمرها وخصوصن فرق العمر الي بينها وبين جراح وايد
هنادي:ما شاء لله تبارك الرحمن...تعالي حبيبتي قعدي عندي
ليال كانت مرتبكه وكان واضح عليها :ان شاء لله...وراحة اقعدت عند هنادي
دانه تساسر رتاج:اول مره ادري انه طلال عنده ذوق
رتاج:شدخل طلال بالموضوع
دانه:طلال اهوا الي مختارها حق جراح
رتاج:اها
دانه:بس صغيره على جراح احسها اتناسب طلال اكثر
رتاج:بس الشكل اهيا اصغر من جراح اب 15 سنه تقريبن
دانه:الفرق وايد...بس ان شاء لله تطلع احسن من مريوم
رتاج:لامبين عليها هاديه
عند الريايل
صالح:انت اقعد معاها الحين وقولها كل الي عندك هذا زواج كل الي بخاطرك قوله لها
جراح:ان شاء لله عمي
صالح:الله يقدم فيه الخير
فواز:جراح انت عارف فرق العمر الي بينكم
جراح:اي عارف
بهل لحضه دقت العنود على فواز
فواز:هلا ام احمد
العنود:فواز ام جراح اتقول خل جراح اي يقعد مع ليال
فواز:ماشي الحين اقوله اي
العنود :اوكي باي
فواز: عمي بعد اذنك باخذ جراح علشان يقعد مع ليال
صالح:اي اخذو راحتكم
فواز:جراح تفضل معاي
جراح قام وطلع من الدوانيه وراح قعد بصاله الثانيه
فواز دق على العنود وقالها انه موجود بصاله وخل ليال اتي الصاله....ليال قامت من الحريم وراحت الصاله وهيه ميته من الخوف
بصاله
ليال من الخوف الارتباك كانت ماسكه دشداشة فواز
فواز:ليول هديني ماني قادر امشي
ليال بصوت واطي:لاتخليني بروحي
فواز وهوا يبتسم:ان شاء لله
جراح كان يشوف ليال اشلون ماسكه دشداشة فواز وحس انها مرتبكه وايد
ليال اقعدت وهيا ماسكه فواز
فواز :جراح ماعليه اهيا شوي لا مو شوي مرتبكه وايد صح ليول
جراح وهوه يبتسم:ماعليه
فواز وهوه يوقف:انا اخليكم تاخذون راحتكم
ليال شدت على دشداشه فواز بقوه
فوازببتسامه:ليال هديني
ليال هدت فوازوكانت اتشوفه بنظرات ترجي انه يقعد
فواز:جراح لاتاكل اختي
جراح يبتسم :لا انا ماآكل
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك