رواية له منزلن بالحيل مرموق وسط الحشا -6
مهره : حرام عليك خبرني " تنزل دموعها " شو الي ناوي يصير وانا ما اعرفه . .
سيف يرفع عينه ويشوفها تصيح . . قام على طول وتقرب منها وحطا ايده ع ويهها . .
سيف : ليش تصيحين . .
مهره وعيونها متغرفه دموع : خايفه تخليني . . خايفه امك تفرقنا . .
سيف : ما يفرقنا الا الموت . .
مهره : بعدني خايفه . . " غمضت عينها وخلت الدموع تنزل "
سيف : انا معاج الحين . . من شو خايفه !!!
مهره : انت الحين معايه . . بس عقب . .
سيف يرفع راسها ويخليها اطالعه : الحين وعقب وبعد عقب بتمين معايه . . خلاص بلا صياح . .
مهره ما ردت عليه وتمت تصيح بهدوءءء . .
سيف : ياربيه منج . .
سحبها لحظنه وهو قاعد . . ورص عليها . . خلا ظهرها يلاصق بطنه بالقو . . وجمع ايدينه ولمها من رقبتها بقووه ..
تمت تصيح وتصيح لين خف صياحها . .
سيف : ماتحسين اني معاج الحين . .
مهره بصوت مبحوح : بلى . .
سيف : بعدج خايفه
مهره : لاء . .
سيف : خلاص . . انا بتم اهني . . لاصق فيييج . . الحين وطول العمر ان شاء الله . . ما بخلييييج . .
مهره : اكيد . .
سيف يبوس خدها : اكيد حبيبببي . .
مهره تمت فحظنه ماتحركت وغمضت عينها : لا تودرني الله يخليك . .
سيف : ما اودرج حبيبي . . ولا دقيقه . . اهدي انتي وارتاحي . . وصفي لي بالج . .
.
البارت الـ 10
على الساعه 4ونص الفير فتحت عينها . . تمت تتجلب . .
مهره : انا كييف يييت اهني . ." غمضت عينها " اشم ريحته . . " تلف يمين ويسار "
رفعت قمبصها وشمت ريحته فيها . . حست قلبها انقبض بالقو . .
مهره : فديت ريحته . .
قعدت ع السرير وتمت تذكر . . شصار ؟ شلي صار . . اخر شي احيده سيف حاظنني . . وعقب احيد اني صحت . . وعقب قرا عليه قران . . " تبتسم " رقدني و رآح . .
قامت من مكانها وراحت تصلي وعقبها طلعت برا الحجره . .
يزوي يت فويهها : سبحان الله . . توه سيفوه داقلي يقولي شوفيها بعدها نايمه ولا . . ردي دشي داخل والبسي شيله حمود برا . .
مهره : سيفوه وينه ؟ وحمود ليش لين الحين عندنا . . ابويه ما يا ؟
يزوي تمد لها الفون: هذو سيفوه رمسيه . . وابويه لا ما يا . . بس اتصل وسألني لو وصلتي البيت وقلتله هيه وراقده . . قالي اواعيج واقولج ماتروحين الجامعه اليوم عشان توصليني المدرسه امتحن وترديني يوم اخلص . . وحموود انا وهو قاعدين ندرس . . باقيلنا كميه كبيره بنتم نواصل لين الامتحان شوه بنسوي . .
مهره تشل الفون : ها حبيبي . . " ترمس يزوي " خلاص روحي كملي دراسه . .
سيف ينسدح : ليش قمتي . .
مهره : يمكن حسيت انك محد عني عسب جي . .
سيف : عياره . . مودرنج من ساعتين . .
مهره : صدق
سيف : صدق . .
مهره تعض ع شفايفها : مش مطمنه انا ابدا . .
سيف يبتسم : اطمني حبيبي مافي شي . . " يغمض عينه " انا ابا ارقد . . تعباااان . . سهرتيني انتي اليوم واايد
مهره مبوزه : شو يرقدك عاده ماباقي شي وبتروح الدوام
سيف : واعيني 7 بالضبط . . محتااااج ارقد حبيبي والله
مهره : مم خلاص اوكي . .
سيف : احبج
مهره تبتسم : احبك
سيف : لا تخافين ولا تحاتين شي . .
مهره : ان شاء الله
سيف : يالله حياتي فمان الله
مهره : ربي يحفظك . . .
.
.
يزوي : بس عاد خلاص . .
حمود يمسح دموعه : اخويه بياخذها اخويه . . عاشقه اخويه واانا الي ميت فيها من كم سسنه وماتحس فيني . . وببياخذها جييييه بسس جييه . . " يحط ايده ع قلبه " قلبي يحرقني حراااااااق . . فوادي يتقطع يزوي يتقطع
يزوي تمسح دمعتها : بس عاد بسس . . ما يسوى عليك والله ما يسوى عليك هالحب الي مطلع عيووونك . . لا تصيح عليها كااااااافي . . خلاص ما تفيد دموعك . . انت فكر ف معاناه سيف ومعاناه مهره . . هالحب الي بينهم اذا دخلت حصه فيه شو بيصير . .
حمود : وانا يزوي وانااا .. وااناااااا الي قلبي يحتتترق كل دقيقه يوم اشوفها متلهفه عليه . . والحين بتصير عروسسسسسته . . مالي رب ؟ مالي حق اضييييييييق وازعل !!!!!! " يقوم "
يزوي : والله ماتتتحرك من اهني . . " تمسك ايده " والله ما اخليك تطلع وانت بهالحاله . .
حمود يطالعها : شتبين فيني . . خليني . . لو اموت خليني افتككككككككك مابي افكر بشي
يزوي : بسم الله عليك حمود لا تقول هالكلام . .
حمود يقعد ويجمع ايده ع راسه : شسوي الحين شسوي . .
يزوي تفكر : روح عند امك . . وقول لامك انك تحبها وميت فيها وانت تبيها . .
حمود : امي ما بتسويلي سالفه
يزوي : وليش ما يكون العكسس
حمود يطالعها . .
يزوي : حاول ع الاقل عشان ما تندم . . يمكن تقتنع
حمود : ويمكن لا
يزوي : بس يمكن تقتنع ليش متشاءم . . ع الاقل سو الي عليك ياخي . .
حمود : انا ماعرف كيف اشكرج ع كل الي تسوينه
يزوي : كون مستانس بس . . ها الي ابيه . .
حمود يطالعها . .
يزوي : مابي شي غيره
حمود يبلع ريجه . .
يزوي تبتسم . .
حمود : حماره والله . .
يزوي : افا . . انا حماره . . اساعدك ومن متىىىى واحين تقولي حماره
حمود : لاني ماعرف حياتي بدونج كيف بتكون . . ماعرف حياتي بدونج كيف بمشيها و كيف بتصرف
يزوي تطالعه . .
حمود : انا بدونج ماعرف اتصرف والله . . انتي تعرفين تقنعيني . . افكارج تعيبني . . دومج تلقين لي حلول لكل مشاكلي . . واقفه معايه بالحلوه والمرره . .
يزوي تبتسم : منو يتحملك انته منو
حمود يبتسم : بس انتي والله
يزوي تسوي روحها تصيح : بس خلاص تأثرت . .
حمود يبتسم : حماره . .
يزوي : هاا الحين شو تحسس ؟
حمود : دامني معاج استوي خبل . . مينون . . اهبل ! ماعرف اصيح ولا اضحك . .
يزوي : اضحك احسسن . .
حمود يبتسم : هاتي الكتاب واشرحيلي مقتطفات خلينا نفلح . .
يزوي تبتسم : اوكي . .
حمود : اقولج . .
يزوي تطالعه : شوه
حمود : شرايج نروح المطبخ نسويلنا كوفي يخلينا نصصحصح شويه
يزوي : حلووو . .
حمود : مطبخكم ها الصوب صح .
يزوي : هيه . .
ويمشون سوى رايحين المطبخ . .
حمود : مسكينه مهور . . عاد تغار عليه من ظلها ! كيف لو ع راسها شريجه ..
يزوي : انا مادري كيف بسوي روحي ماعرف جدامها والله
حمود فاج عينه : اتحمممممممممملي " يطالعها بتوعيد وتهديد " مش تخورينها عاد . . انتو ترقدون سوا وسوالفكم ما تخلص طول الليل تقرقرون مش يطيح لسانج ويفللللللت !!! سمعتي
يزوي : لا توصي ماراح اقول شي . .
حمود : من تحسين انج بتخورينها كلميني فالبي بي . .
يزوي : اوكي . .
دخلو المطبخ . .
حمود : وين تحطون النسكافيه ؟؟
يزوي : اهني . . " وتبطل السده واطلع كرتون النسكافيه . . طلعت منه كيسين "
حمود شل الغوري وحط فيه ماي حار وفوره . .
يزوي : خلاص فااااار هاته . .
حمود ربع مره وحده : ووووووووووووووووووووينه ؟؟
يزوي تربع وراه وهيه زايغه : امييييييييييييه شوووووووه
حمود : انتي تقولين فااااااار
يزوي : حقير كلب . . انا اقولك الماي فاررر . .
كانو اثنينهم صوب الثلاجه . . قريب من بعض ومجابلين بعض بشكل كبيييييير . . ارتبك حمود وصد الصوب الثاني . .
حمود : انزين انا اتحريت تقولين فار . .
يزوي ارتبكت وعكست دربها بتلف الصوب الثاني بس مسك ايدها . .
حمود بارتباك : لحظة . .
يزوي من مسك جتفها مااااااااتتتتتتتتتت . . تحس الروح فيها طايره وتحلق من المستحى والارتباك . .
حمود " انا ليش مرتبك . . وليش احس بهالاحساس وليش قلبي ينبض جيه " . !!!
يزوي تصد وتجابله وحمود من حطت عينها ف عينه تخربط بكبره . . حس انه ضايع !َ
مش عارف شو الي يصير ؟ وشو الي قاعد يحس فيه ؟ ؟
حدتني آلظروف وَخلتني آعشق أثنين
مو القصصد إنـي ألعـب ولآ أشـبع مزآآجـي
هي الفكرهـ كلهآ حب لكـن فيه قلبيـن
الأول اانا اهواه والثآنـي يرخص الغالي عشآني
الثاني يدللني وكنهآ الدنيآ مآ فيههآ مني إثنين
وأحس معه الأيآم تركض من حلوهآ كنهآ ثوآآني
والاول حبـي له قوي من قوته أبكي بين نآرين
يخليني أتحسر ع نفسي وعلى حبـي الأولآني
يا ناس في مرة ضعتو بين حب اثنين ؟
حب تتمنآه بالأول ويطلع بالثآني
يزوي نزلت راسها . .
حمود رفع ايده بيلمس ويهها لكنها تحركت بسرعه وراحت صوب الماي . .
حمود لحقها ببطء فظيع وهو يشوف رجفته وحالته حاله !!
حمود : يزوي
يزوي " لا حمود لا . . دخيلك مش وقته "
حمود : طالعيني . .
يزوي ما تطالعه . .
حمود بهدوء : ارمسج جد انا ..
يزوي تبتسم : حمووووود وخر ولا بحرقك بالغوري كله . . " تصب فاكواب "
حمود يبلع ريجه : شو الي يصير . .
يزوي : ماااشي " تطالعه وتبتسم " هااا تذكرت حصوه صصح . .
حمود فخاطره " اكيد تذكرت حصوه وصار فيني جيه اكييد "
يزوي تمد لو الكوب : يالله اشرب . .
حمود يطالعها . .
يزوي : يلاااااااااا .!!!
حمود يطالعها وما يعرف يتكلم . .
يزوي : لا تطالعني
حمود : يالله خلينا نكمل دراسه . .
يزوي تبتسم : يالله . .
مشت قبله ولحقها وتعمد يتقرب منها وحطا ايده ع قلبه وهو يحس بالنبض يزيد . .
حمود : لااااااااااا . . شي مش طبيعي يصير
يزوي تصد ورا تطالعه : خف صوتك ياحمار احين بتسمع مهور بتعصب بتقول انتو ما تدرسون . .
حمود يطالعها وهي تتحرطم . .
يزوي : اكلم امنوه انا . .
حمود ما يتكلم . .
يزوي يايه تأشر بايدها ع ويهه : الووو . .
مسك ايدها وخلاها ترتبك . . وتصد ويهها
حمود : ليش . .
صدت اكثر . .
حمود : ليش ماتخليني اشوفج كل ما اتقرب منج . .
يزوي فخاطرها " عشان ما انفضح " .
حمود : ردي . .
يزوي وخرت ايده بسرعه وعطته ظهرها : يالله ورانا دراسسه . .
حمود ينزل الكوب من ايده ويحطه ع الارض ويجابلها . . وتصد عنه . .
يزوي : ودرني خلاص . .
حمود يحرك ويهها بايده ويخليها تجابله . . شوي شوي لين رفع راسها . .
يزوي ماتت اهني . . ماعرفت تتصرف ابدا ! تلعثمت . .
حمود : انتي بعد ..
يزوي تطالعه بعيون خايفه . .
حمود : تحسين بلي احس فيه . .
يزوي تبلع ريجه : انته ليش بـ شو تحس . .
حمود : بـ . . . " ماقدر يقولها "
يزوي تطالعه : بشوه . .
حمود حس على روحه : ماشي . . .
يزوي تبتسم عمدا : انت اهبببببل . .
حمود " ليكون بس من صوبي وهي ما تحس بشي . . ماراح اقولها . . اخاف اقولها واخسرها "
يزوي : يالله يالله ورانا دراسه . .
حمود : لاء يزوي . . بروح البيت
يزوي تصد تطالعه : ليش . .
حمود : خلاص بس بدرس اهناك . .
يزوي : بس انت مش فاهم
حمود :بفهم روحي ..
يزوي : ممم على راحتك ..
حمود يبتسم : بينا ألووو . .
يزوي تبتسم : تمام . .
حمود يشل الكوب : بشله ويايه
يزوي عاقده حياتها : ترده عاده مش تسرقه . .
حمود :بل إلا كوب . .
يزوي :كوبنا ما نعطيه حد . .
حمود : انزين انزين ! يالله . . . " يطالع عيونها " تبين شي . .
يزوي تبتسم : سلامتك . .
حمود : خلي البي بي في ايدج . .
يزوي : اوكي . .
حمود : ما بتوصليني لين الباب يعني
يزوي : يعني اشكره احنا فالحوشش . . روح روح يلا . .
حمود : انزين اونه حركات مصاروه . . عاوز حاقه يا قوزي . .
يزوي : حمود اطلع برا
حمود : ههههههههههههه . . يالله فمان الله
يزوي : فمان الكريم . .
.
.
البارت الـ 11
على الساعه 6 ونص الصبح . .
يزوي : مهووور . . نشششي . .
مهره تفتح عينها بتعب : شفيج حشرتيني . .
يزوي : نششي بدلي يلا بتوديني المدرسه
مهره تمسك فونها تشوف الوقت : حششا توها 6 ونص يعني
يزوي : لين تقومين يلااااا . .
مهره تثاوب . .
يزوي : يلاااااا . .
مهره تشل قوطي الكلينكس وتفره عليه : اسكتي حشرتيني . .
يزوي : يلا يلا يلااااااااااااااا
مهره يايه تقوم بتضربها لكن يزوي شلت بعمرها وشردت . .
مهره : اعنبوها من نششبه . .
رن فونها . .
مهره بصوت مسطل : الوه . .
سيف : صحححححح النوووووم يا حلووو . .
مهره تثاوب . .
سيف : يااالله . . انا اقول ليش ما واعيتيني . . بروحج راقده
مهره : انزين انت قلتلي 7 . .
سيف يبتسم ابتسامه بارده : انزين ادري . . ها شو نفسيه يزوي. .
مهره : ما ادريبها . . توني بطلت عيوني
سيف : حمود الهرم راد البيت الفير . .
مهره : ادريبه . . كنت بعدني اتجلب واشوفهم فالحوش يسولفون وعقب رحت ارقد
سيف : شو بينهم ؟
مهره : للحين مادري
سيف : ما قالتلج شي يزوي
مهره : ولا شي . .
سيف : ممممم . . زين حبيبي . . انا بشوف هالدعمه لو قال لي شي بخبرج . . المهم . . شو عندج اليوووم ؟
مهره تحج شعرها : بوصلها المدرسه وعقب بروح عندي امتحان الفاينل ماقدر ما اداوم .. وبخلص الامتحان بدري ان شاء الله وبمر عليها بشلها من المدرسه . . وعقب مممممم مادري . . ابي اشووفك . . شرايك
سيف : هاه . . ممم . . لا شوي بكون مشغول . .
مهره عاقده حياتها : في شوه مشغول
سيف " شقولها الحين " : اميه بطرشني الشارجه ايييب اغراض . .
مهره : شو اغراضه ان شاء الله ؟
سيف : مادري حياتي . . هي قالتلي روح وهات الاغراض بس . . تعرفينها انتي مول ما تقول شي . . بس روح وتعال . .
مهره : بترد اليوم . . ؟
سيف يغمض عينه بتعب : هيه اكيد . .
مهره : زين حياتي . . طمني عنك اول بأول . .
سيف : ان شاء الله . .
مهره : حبي ؟
سيف : امري . .
مهره : في شي ما اعرفه ؟
سيف : . . . .
مهره : خبرني . . لا تخليني انصدم في يوم . .
سيف : ما بتنصدمين
مهره : اكيد
سيف : اكيد
مهره : يعني مافي شي
سيف : مافي شي حبي خلاص . .
مهره : انزييين عيل . . تيك كيييير
سيف : ان شاء الله . .
مهره : . . .
سيف : شو قولي . .ادري فيج رمسه
مهره : مش مرتاحه ماعرف ليش . . " تحط ايدها ع قلبها " كتمه واحس قلبي مكبوت . .
سيف : يدلع قلبج . . امس كان فهالحاله ويوم رقدتج وخليتج بحظني صار قلبج زين . .
مهره تبتسم : ما بتي ادلع قلبي عيل اليوم قبل لا تروح الشارجه . .
سيف : ودي والله . .
مهره : خلني اشوفك . . لو شويه . .
سيف : . .
مهره : بوديها المدرسه وبشوفك على طول قبل ما اروح الدوام . .
سيف : لحقتي تشتاقيلي . .
مهره : شفت عاد . .
سيف : بتاخر ع الدوام حبيبي . .
مهره : يالله عاد شوي بس .. والله محتاجه اشوفك عسب ارتاح . .
سيف " لو شفتج بيبن فيني كل شي . . ماقدر ماقدر " خليها باجر . . شرايج
مهره : يعني انا اقولك قلبي مكبوت اليوم والحين وانت حظرتك تقول لي باجر .؟؟؟؟ خلاص طز فيك مابي اشوفك . . يالله باي . .
سيف : حبي لحظه
طوط طوط طوط . .
سيف : استغفر الله . . .
يفكر شويه . .
سيف : زعلتي في وقتج " يغمض عينه " عشان ما ادقيلي فالدرب واجذب عليج اكثر . .
.
.
.
يزوي : لا تنسسى اهم شي تقرا المعوذات واذكار الصباح واذكار الامتحان وان شاء الله علامه كااااااااامله بعد . .
حمود : اقولج خل انجح انا اول . . ماباها العلامه الكامله . .
يزوي : اويه هكي مهور يت . . يلا باي . .
وبندت فويهه . .
مهره : جهزتي ولا ؟
يزوي : جاهزه اترياج . .
مهره : يلا مشينا . .
يزوي : بلاه ويهج مصفر وشاحب . . ؟
مهره : مادري ماحس براحه . .
يزوي : من شو ؟
مهره : مادري مادري . . يالله اركبي السياره . .
يزوي بارتباك : سيفوه زعلج في شي . .
مهره : سيفوه وراه شي اصلا .. اركبي خلصيني يلاا . .
يزوي : اففففففففف كله تحرج علينا . . انزيييييييييين حشششى . .
على سكوت بسيط . . رن فون مهره . .
مهره : هلا ابويه . .
بو مهره : وينكم ؟
مهره : اوصل يزوي المدرسه . .
بو مهره : انا ما برجع اليوم . . عادي اتمون روحكم ولا اخلي عمكم يشلكم يوديكم بيته . .
مهره : لالالا . . بنتم فالبيت اريح لنا ابويه . . يزوي وراها امتحانات وبيت عمي صدعه وين بتذاكر . .
بو مهره : خليها تشد حيلها . . خليها تبيض ويهنا عاده . .
مهره تبتسم : ان شاء الله بتبيضه . .
بو مهره : قوليلها ابوج يدعيلج . . وسلمي عليها . . وعن الهياته الزايده . .
مهره : ان شاء الله ابويه
بو مهره : التلفون بايدي لو في شي كلموني على طول . .
مهره : ان شاء الله . .
بو مهره : استودعكم الله . .
مهره : الرب يحرسك . .
وبندت . .
يزوي تبطل باب السياره : دعواتج . . ادريبج معصبه ما بتدعيلي . .
وتنزل من السيارة . .
مهره ادق لها هرن . . ردت يزوي . .
يزوي : شوووووووز
مهره : قلامتج يلي تبين تنجحين . . " تسويلها مالت "
يزوي شلت القلامه وسكرت الباب بالقو وراحت . .
مهره : ربي يوفقج يختي . . وان شاء الله تنجحييييييييييييييين . .
شغلت اذاعه القران . . وتوكلت الجامعه . . في بالها تشد حيلها . . لازم تشد حيلها وتخلص وتنجح هالكوورسس عشان يرضى ابوها انها تعرسس . . .
.
.
.
.
.
البارت الـ 12
على الساعه 10 ونص الصبح . .
ام سيف تبوس حصوه : ألف مبروك حبيبتي . . . " تسلم ع سيف وتبوسه " الف مبروك فديتك . . الحييين انت كفوو . . انت تربيتي . . ما قصت عليك حرمممه . .
سيف يتنهد : يالله خل نرد . .
ام سيف : شو تردووون ؟؟؟
سيف : انرد راس الخيمة . .
ام سيف : لالالالا . . مابتردون ولا شي. . تمو اتمشو الحينه عقب بنرد
سيف يطالع امه : انا قلتلج بي هالمحكمه لان مهره عندها معارف في هايييج المحكمه وبيخبرونها . . بسسسسسس . . مابروح ولامكاااااااان !! سمعتيني امايا ؟ ولا والله برد المحكمه وبطلقها الحينه
حصوه تطالع خالتها وتبلع ريجها : خلاص خالوه .. بنرد . .
ام سيف عاقده حياتها : انته ع شو يحبونك الناس . .
سيف ركب السياره وماسوى سالفه وعقبها يت حصوه وقعدت جدام . .
سيف :أنزلي . . امي بتيلس جدام . .
ام سيف : لااااا . . مايستوي . . الريال وحرمته ييلسون جدام . .
سيف : اللهم طولج ياروح . .
وحرك بسرعه جنونية راد راس الخيمة . .
ام سيف : جووووف لازم نستعيل فالعرس . . شو رايج اميه حصه ؟
حصوه تبتسم : هيه عموه احسن . .
ام سيف : عقب اسبوعين يناسبج ..
حصوه : ليش اسبوعين . ؟ اسبوووع بس . .
ام سيف : لا لا عشان تلحقين تزهبين شويه . . اسبوعين زيينين . .
سيف ساكت . .
ام سيف : بنسوي الحفله في البيت مش فـ صالة . .
حصوه تطالع عمتها : ليشش . . انا ابا في صاله
ام سيف : يا اميه في صاله يبالها نحجز قبلها بششهر ولا شهرين . . ما يستوي جيه بهالسرعه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك