رواية له منزلن بالحيل مرموق وسط الحشا -7
ام سيف : لا لا عشان تلحقين تزهبين شويه . . اسبوعين زيينين . .
سيف ساكت . .
ام سيف : بنسوي الحفله في البيت مش فـ صالة . .
حصوه تطالع عمتها : ليشش . . انا ابا في صاله
ام سيف : يا اميه في صاله يبالها نحجز قبلها بششهر ولا شهرين . . ما يستوي جيه بهالسرعه
سيف : وليش الحفللللللله اصلا . . " يطالع حصوه " ما تبين حفله انتي بالاساس . . كفايا ماخذنج غصصصصصصصب . .
حصوه : عادي بصبر عليك لين تحبني . .
سيف يطالعها : حبج برصص ان شاء الله . .
ام سيف : سييييييييف !!!!!!!!!!!!! وانا جدامك ماشي احترررام . .
سيف : . . .
ام سيف : بعد اسبوعين ان شاء الله وانا بتكفل في كل شي . . لاتحاتين امي حصه . . وعلى الاقل امج بترد هالاسبوع . . بتلحق تحظر وتستانس فيج . .
حصوه تبتسم . .
.
.
.
ركبت السياره ومسكت فونها . .
مهره : معقوله ! ولا مس كول . . ولا مسج !! ما كلفت ع روحك حتى تراضيني . .
فرت الفون بقوة ورى . . وسارت مدرسة يزوي . .
وتمت تترياها . . دقايق ويت يزوي . .
يزوي : وه وه .. السلام عليكم
مهره : وعليكم السلام ورحمه الله وبركاته
يزوي : سسسسسسسسسسسهل سهل الحمدلله . .
مهره تبتسم : سمعناها وايد
يزوي : لا جد سهل . .
مهره : حفظتها كلماتج السهله هذي
يزوي : ياخي حليت عدل . .
مهره تبتسم بدون نفس : كل شي بيبين يا بنت الادبي . .
يزوي : لا تطنزين هاه . .
مهره : ما اطنز . .
يزوي : باجر علي عربي . . يعني ما بحاتي وبذبح روحي
مهره : عيل لو مشيتي ع هالرمسه . . انا اشهد انتي ناججججججحه بجداره ..
يزوي : جب جب . . انتي شو سويتي . .
مهره تحج راسها : كان صعب . . يعله مادري من وين ياييب الامتحان . .
يزوي : صصصصعب واخر شي صافتنهم . . امتياز امتياز امتيييييياز . . حتى جيدا جدا ماششي . .
مهره : صلييييييي ع النبي . . تف تف عن الحسسد . .
يزوي : اللهم صلي وسلم على سيدنا محمد . . بس صدقققق . . اعنبوج انزلي شويه . . كيف انا اختج واللقاعه ما طلعت فيني . .
مهره : لانج فاشششله . .
يزوي : حرام لا تحبطيني جي " تشوف الدرب " انتي وين سايره . .
مهره : عند عويش . .
يزوي : ليش . .
مهره : لاني عويش ما تخبي علي وبتخبرني لو في شي صاير وانا ما اعرفه
يزوي ارتبكت . .
مهره : هاتي تلفوني بدقلها بطالعها وين . . فريته ورى . .
يزوي : لاااااا تروحيييييين . .
مهره عاقده حياتها : ليش
يزوي : امس خبرني حمود يوم كنا ندرس . . شسمه . .
مهره : شوه
يزوي : شسمه هذا الله يسلمج
مهره : شو خلصيني
يزوي : انه امه بتسير اهناك تقييل عندها وبتتغدا وجي
مهره : اففف . .
يزوي : ردي ردي البيت بكرامه احسن . .
يرن فون مهره . .
مهره : سيري شوفي فوني . .
يزوي صدت ورا وتمت تدور ويابته . .
مهره عاقده حياتها وتشوف المتصل : حمود ليش متصل . . غريبه . . بند بعد بو رنه . .
وردت دقلته . .
مهره : ألوو
حمود : ساعه لين تردين . .
مهره : امحققق . . ما وحالك . .رنتين وبندت . .
حمود : والله 3 رنات . .
مهره تبتسم : شعندك . .اصبحنا واصبح الملك . .
حمود عن قصد عشان توصل الرمسه لـ يزوي : انزين جامليني على الاقل واساليني شسويت فالامتحان
مهره : هيه صح شسويت فالامتحان
يزوي بتموت الفضول ذابحنها . . وتحاول ما تبين
حمود : تااااااااافه . .
مهره : هههههههههههههههههههه عز الله صفيتو الرسوب عدل انتو الاثنين
حمود : ليش
مهره : كل سنه . . كل سنه سبحان الله نفس الرمسسسسسه . . غيرو شويه يمكن اذا نوعتو تنجحووووون . .
حمود : يالسبااااله . . . " فهم من كلام مهره ان يزوي بعد قالت انه سهل " خلاص خلصت حايتي معاج باي . .
مهره : اي حايه . . ما خذت شي
حمود : المهم اني اعرف . .
مهره : يالهرم شو وراك . . خبرني
حمود : والله متصل اعرف شيء وعرفته
مهره : عرفت شوووووووو انزين
حمود : انتي بلاج جي لصقه . . فكيني يلا بندي . . افف ما ينلام سيفوه فيج
مهره : من حوبتكم سيفوه وسيفوه صرنا كله نضااارب
حمود : يهال يهال عافان الله
مهره تبتسم : مالت عليك . . يالله انزين خلاص .. تامر ع شي بعد
يزوي كحت عن عمد
حمود فهم ان يزوي معاها : آآ . . انتي وين ؟
مهره : توني شاله يزوي من المدرسه وكنت بمر على عويش بس غيرت راييي
حمود : ليييييش . . سيرووو ونسو عويش مسكينه يالسه بروحها . . توها داقتلي متمللله . .
مهره عاقده حياتها :نعم ؟ كيف انت قايل لـ يزوي غير هالرمسسسسه
يزوي ماتت وحمود راح فيها . .
مهره تطالع يزوي . . : كيف يقول لي انه عويش فالبيت روحها ومتملله
يزوي تصارخ : شووو . . حمود نسيت امس قايل انته انه امك بتسير عند عويش بتيلس لين الغدا . .
حمود : هاه . . . " استوعب " هيييييييييييه صح صح صح . .
مهره : شو وراكم انتو الاثنين . . ليش يالسين تجذبون علي . .
حمود : لا يا حماره ما اجذب عليج . . بس هي متملله لان امي تعرفين .. كله تنكد عليها . .كل شوي تنتقد . . ماتعرف تيلس وماتتحرطم . . فـ كانت متملله وانا قلتلج روحيلها . .!!! ما قلت شي جذب ولا قلتلج انه امي مش عندها
مهره : انته تعرف امك ما ادانيني بعد اروحلها ليش
حمود : هيه صح لا تروحيين احسن . . انا غاب عن بالي . .الواحد ما ينسا ! كلتيني بقشوري . .
مهره : يالله انزين فارج . .
حمود : ليش لاه . . خلينا نسولف ملان . . مش عارف وين اروح . . >> نغزه
مهره تبتسم: يعني تباني اعزمك واقول لك تعال بيتنا . .
حمود : اوكي الحين ياي
مهره : طاع ويهك انا ما قلتلك تعال اصلا . .
حمود : بي بي . . اصلا بدرسس . . وانتي روحي اتصلي في سيفوه ولا تكابرين " عقب دق ايده ع يبهته .. تذكر ان احسن ما ادق عشان ما تشك وما تسمع صوت امه معاه وحصوه " ولا اقولج لالالا تتتصلين . . خلي سيفوه اصلا يحس ع دمه ويراضيج . . لازم الريال اصلا دوم الي يراضي . .
مهره : صح صدقك
حمود : هيه لان الحرمه ناقصه عقل وبقره . . الريال دومه فهيم . . مظلومين احنا محد عارف قيمتنا تصدقين . .
مهره : ههههههههههه اقولك انت يبالك تروح مجلس الامه . . تنفع صراحه . .
حمود : اطنززززززززي شعليج . . عقب يوم بكون في مجلس الامه لا تسوين روحج تعرفيني وتخقين ع ربيعاتج وتقولين ترى هذا اخو ريلي . . بقول جذابه ماعرفها اصلا . .
مهره بنبرة خبث : يمكن ما اقول اخو ريلي . . يمكن اقول شي ثاني
حمود : شو بتقولين . .
مهره تطالع يزوي : يعني يمكن شي ثاني مني مناك . .
حمود : شو شو قولي . . مهرو بلا نغزات اوكيه
مهره : سلااااااامتك ماشي . .
حمود : كنت افكر امر اخذلكم باسكن روبنز . . لكن الحين بيييب حق يزوي وما بيييب لج
مهره تبتسم : لازم ما بتيب لي . . معلووم
حمود : ع فكره انتي وايد سخيفه . . وانا سخيف اكثر يوم داقلج . . فارجي فارجي . .
مهره : هههههههه اوكي حمود مادري منو بيسقبلك فالبيت
حمود : انزين شو تبين اي نوع .. بالفانيلا ولا بالشكولاتا
مهره نقعت من الضحك . .
مهره : كل هذااا عششششششان بتي بيتنا . لهالدرجه بيتنا كنزز
يزوي ابتسمت . .
حمود : فكيني فكيني شو تبين . .
مهره : انزين ما بتسال يزوي ع الاقل شو تبا . .
حمود يعرف اصلا يزوي شو تحب . . لان كذا مره كان يرمسها وهيه تاكل باسكن وتقوله شو الي يعيبها . . لكن ساير ويا مهره . .
حمود : اساليها شووووو تبا انزين . .
مهره : شرايك ترمسها احسن وتسالها بنفسك
حمود : هاه . . . لاااا ما يحتاي عادي
مهره : متاكد . .
حمود يبا يقول ويصارخ ويقولها " عطييييييني بكلمها " لكن ماطلعت منه وقال : متاكد بعد شو
مهره : كيفك . . ضيعت الفرصه " تصد " شو تبين تاكلين من باسكن . .
يزوي في خاطرها " يالهرم ما تبا ترمسني . . ماعليه انا بروايك . . لا وبعد ما تعرف شو يعيبني .. خساره العشره بسسسس " : ابا الله يسلمج فانيلا خالي بدون مكسرات وبدون شي وعليه بس جووكلت
حمود : تمام . . وانتي ؟
مهره : نفسها . .
حمود : خلاص اوكي فارجي يلا . .
مهره : باي . .
حمود : باي . .
بندت عنه وهيه تحس براحه شويه .. وايد ضحكت . . كانت محتاجه تضحك وتغير نفسيتها شويه . . ومكالمه حمود وايد ساعدت . .
.
.
البارت الـ 13
.
.
.
عويش : انتي وين امايه ؟
ام سيف : فالبيت اميه
عويش : اليوم صوت الوالده حلوو . .
ام سيف : مستانسه يا عسى الله يونس ايام الجميع
عويش: اوه اوه . . ليش مستانسه ونسيني معاج . .
ام سيف يايه تتكلم بس حصوه زقرتها : خالووووووووه
ام سيف : ها اميه . .
حصوه : بندي شوي ابا اقولج شي ضروري
ام سيف : عويش بدقلج عقب شويه
عويش : ان شاء الله امايا . . فمان الله
ام سيف : الله وياج
حصوه : خالوه لا تقولين لها
ام سيف : ليش ما اقولها . . ويديه بنتي بتفرح
حصوه : خالوه نسيتي ان عويش ربيعت مهره الروح بالروح . . وبتخبرها على طول وبتضارب ويا سيفوه
ام سيف : خل تضارب وياه يمكن تودره وتفكنا
حصوه : لالالالا خالوه .. سيفوه حزتها بيكنسل العرس وبيكنسل كل شي وبيطلقني . . فكري خالوه لا تستعيلين
ام سيف : هيه والله صدقج . .
حصوه : خلي الحفله تعدي على خير . . وخلينا نعرس انا وهو حتى بالسر لين اثبت بولد ان شاء الله حزتها في شي بيربطني فيه وما بيقدر يطلقني . .
ام سيف : والله انج ذكيه
حصوه : تربيتج " تبتسم "
ام سيف : الا تربيت امج اختي الغاليه . . عرفت تربي بنات حكيمات . .
حصوه تبتسم . .
ام سيف : وين راح هو ؟
حصوه : مادريبه طلع . .
ام سيف : يالله عاده من اليوم بنستلم الدريول وبنسير انخلص لج زهبتج
حصوه تبوس راس ام سيف : ماقصرتي عموه . . الله لا يحرمني منج
.
.
.
حمود : قولي شكرا ع الاقل . . تدح دح بقرر عافان الله
مهره غصصت . .
يزوي بعصبيه : اييه قول ما شاء الله . . كليت اختي . .
حمود فاج عينه ويسوي لـ يزوي بايده من غير ما يرمس " ماعليه " : ماشاء الله
مهره : نذذذذذذذل . . اعنبوك مش عين عليك . . صارووخ !!!
حمود :تراج انتي تاكلين شرات البقر . . كلي شوي شوي ما بيطير . .
مهره : احب اكل الايسكريم بسرعه عشان ما يذوووووب انزيين . . ما احبه ذايب
حمود : ما طلعتي ع اختج عيل
مهره تبتسم : وانت شدراك انها ما تاكل الا ايسكريم ذايب
يزوي حطت ايدها ع ويهها " دوم مفشلنا ويا لسانه "
حمود : هاااه شوفي " ياشر ع كوبها " تاكله ذايب . . يعني لهالدرجه عمي انا . . >> وهو اصلا ما شافه الخراط
مهره : ايوووا . . ماشاء الله عيون قباقيب عليك .. مااشاء الله
حمود : مابرد عليج لانج حرمت اخويه بس
مهره : هيييييييها .. هالريل الي مادري وين ارضه من سماه
يرن فونها . .
مهره : بسم الله . . لو طاريه مليون . . "
حمود : ردي
مهره : ما برد
يزوي : رددددددي
مهره تطالعهم : بسم الله بلاكم . .
يزوي : ردي بعد شوه . . تراضووو
حمود : هيييه يالله نشي نشي رمسيه بعيد > تصريفه يبونها تقوم
مهره شلت الفون وربعت حجرتها :ألوووه
سيف تم ساكت . .
مهره : الووو . .
سيف : . .
مهره : هه متصل بالغلط شكله ..
وبندت الفون . .
سيف يغمض عينه عقب ما بندت فويهه : مش مغلط . . والله مش مغلط . . بس محتاي اسمع حسسج . . ااااااااخخخخخخخخخ . .تحملي . . تحملي بس اسبوعين . . وبي اراضيج بلهفه واحب ريولج لو تبين . . بس تحملي هالاسبوعين وتمي زعلانه . .
.
.
.
يزوي : صدق حليت زين ؟
حمود : هيه والله وايد اوكي . .
يزوي : الحمدلله . . " تبتسم "
حمود ينزل راسه : عرسو . .
يزوي : جذاااااااااااااب " تصد يمين يسار تتاكد لو مهره موجوده ، وبصوت واطي " متى . .
حمود : قبل كم ساعه . .
يزوي : يعني خلاصصصصص
حمود : خلاص . .
يزوي : ماعليه حمود قو قلبك . .
حمود يبتسم: ماعليج قلبي قوي . .
يزوي : اشغل نفسك بالدراسه وخل الدراسه هدفك الوحيد ،، كل ما تذكرتها ادرس ادرس وانشغل بالدراسه . . والله جيه بتفلح فالدراسه وبتفلح انك ما شغلت بالك ف وحده ما عادت تصلح لك . .
حمود : تتوقعين اني بقدر
يزوي : شد حيلك وبتقدر . . سو الي قلتلك عليه وحط الدراسه رقم واحد . .وبتقدر
حمود : بمشي ع كلامج ،، مثل كل مره . .
يزوي تبتسم : الله يقوي قلبك . .
حمود يقوم : خلاص عيل انا بروح البيت الحين . . منها بدرس ومنها عسب ما يطب ابوج فجاه
يزوي : لا ابويه ما بي موول هالفتره . . قايل انه بيطول . . اول مره يسويها
حمود : يمكن معرسسس . .
يزوي : جان زين .. ع الاقل وحده تسليه بدال الوحده الي عايشنها . .
حمود : عادي عندج ؟
يزوي : اكيد عادي . .ابوي مسكين من الشغل للبيت ومن البيت للشغل . . نادرا حتى ما يطلع ويا ربعه . . واذا طلع يطلع مال نص ساعه ويرد . . وبعدين احنا مش دايمين له . . مصيري انا بعرس ومهور بتعرس ومحد بيتم له فالبيت
حمود انقرص قلبه : تعرسين
يزوي ماحست بروحها يوم قالت جي ..
حمود يبتسم : صدق نسيت ان ممكن يييج نصيبج بأي وقت
يزوي تبتسم : احيانا الواحد يتمنى نصيب . . لكن مع الاسف ما يصير
حمود ما فهم ع يزوي . . حطا المثل ع نفسه بس . . : صدقج ، ادري تقصدين حالي انا . . احب وحده طلعت من نصيب اخوي . .
يزوي تبتسم " اقصد نفسي " . . : هيه . . الله كرييييم . .
حمود : تامريني على شي
يزوي : سلامتك . .
حمود : بتدرسين الحين
يزوي : هيه اكيد بدرس ..
حمود :بسوي نفس ما قلتي بالحرف . .
يزوي : شاطر يا طالبي . .
حمود يبتسم : اشكرووكي معلمتي الفاضله . .
يزوي : روح روح يلا
حمود : ع فكره انتي وايد تطرديني هاه. . طلعي طلعي الباسكن الي كلتيه
يزوي : الله يقررررررررفك . .
حمود : يالله خلاص برووح بروح . . . " يمشي شوي ويرد يصد " اقولج
يزوي : هاه
حمود : لو شفتها اول ما ادخل البيت شو اسوي
يزوي : مممممممممم . .
حمود : اسلم عليها ولا
يزوي : هيه . .بس سلام وروح غرفتك
حمود : ولو كلمتني ؟
يزوي : يعني هيه قبل يوم ما خذت الي تحبه مارمستك بترمسك الحين وعندها الي تحبه
حمود : وايد اغتريت صح هههههههههههههه
يزوي تعرف انه يضحك مال قهر وحرقه فابتسمت بس . . : ادرس هاه . .
حمود : ان شاء الله . . يالله مع السلامه الغاليه " ارتبك ! طلعت منه عفويا "
حتى يزوي ارتبكت واستحت بس عشان ما تبين : ياربيه منو قدي ااذا انا غاليه عند الشيخ حمود
حمود يسويلها مالت : اطنزي . .
يزوي : من نص ساعه تقول بتروح . . يلا ضيعت الوقت ترا .!!!
حمود : مالت عليج والله . . خلاص والله بروح الحين صدقيني . .
وراح . .
.
.
.
عويش : سيفووه بلاك . ؟؟؟ والله انته مش طبيعي
سيف : مافيني شي بس ياينج ايلس عندج حرام . .
عويش : لا فديتك مش حرام . . البيت بيتك . . ايلس قد ما تبا . . بس اول مره تيني هالوقت . . وحزت دوامك وانت مش مداوم اليوم واشوفك عاقد النونه مش ع طبيعتك . . خبرني بسسمعك . .
سيف : خليني عويش اهني وروحي . .
عويش مستغربه . . : اسويلك شي تشربه . ؟
سيف : سويلي الي تشربه مهور دوم يوم تيج . . .
عويش : تركش . .
سيف يهز راسه بـ هيه . .
عويش : ان شاء الله . .
وتقوم عنه . .
اما سيف تم قاعد فالصاله ويشوف الغنفات الي مجابلتنه . . بنفس الوقت تقريبا قبل 4 سنوات . . مرت الاحداث جدام عينه . . يلس يشوفها وهو يطالع الغنفات جنها تصير الحين . .
>
<
>
عويش : انزين خلاص حبيبتي لا تصييييييييحين . . ع الاقل نجحتي ونسبتج والله حلوووه . . مش شراتي انا مالت علي . . ريلي ما خلاني اكمل دراسه وطلعني من المدرسه . .
مهره تمسح دموعها : بس انا كنت اتوقع اكثثثر . .
عويش : يا مهوووووور عادي . . لكن تكفي ان نسبتج حلوه . . يالله عاد لا تدلعين
كان سيف واقف بعيييد . . ورى اليدار . . يوايق كل شويه يشوفها ويرد ينخش . . يسمع الحوار ويسمع صياحها وفواده يتقطع . .
عويش : بروح بسويلج عصير ليمون بالنعناع علشان تعدين وبرجعلج . .
وراحت . .
سيف تقرب بسرعه . . : مهاري
مهره ترفع راسها وتمسح دموعها . .
سيف يقعد ع الغنفه الي حذالها : حرام عليج تصيحين على نسبه حلوه مثل هذي . . نسبتج روعه والله
مهره : روح عن تي اختك . .
سيف : مهااري عااد .. كلميني انزين خبريني شو إلي مضايقنج
مهره : كنت اتوقع اكثر عن جي " تنزل دموعها . . "
((( سيف . . للحين اذكر . . حزتها كنت ابا امسح دمعتتتتتتج . . كنت ابا احظنج واقولج لا تصيييييحين ماتحمل اشوف دموووعج . . لكن ما كانت فيني الجراه اسويها . . كنت بس اطالعج وانتي تصيحين وماقدر اسوي شي . . )))
يرد يكمل ذكراه . .
سيف : تبيني ااسير اضارب وياهم . .
مهره ما ترد عليه
سيف : بمشع المديره من شعرها وبعطيها بكسات ع راسها وبييب سياره بصيح ويل ع كشتها . .
مهره : هههههههههههههه حرام . .
سيف يبتسم : هيييييه جيه اضحكي . . والله ما يليق عليج الزعل والله . .
مهره تبتسم . .
((( سيف . . حزتها انا كنت ابا اصارخ واقولج لا تبتسمين جدامي . . اذوووب . . احس كل شي فيني يذوب ويسييييييح . . احس اني مابي شي غير اقرص خدج . . . لكن كنت بس اطالعج وانتي تبتسمين وماقدر اسوي شي . . . ))))
يرد يكمل ذكراه . .
مهره : رووح خلاص الحين بتي عويش . .
سيف : عادي تعطيني رقمج . .
مهره :لا طبعا . .
سيف :ليش . .
مهره : ماقدر . .
سيف :بس بطمن عليج بمسجات . .
مهره :لا . .
سيف : دخيلج . . والله مسج واحد كل اسبوع . .
مهره : لالالالا . .
سيف : انا اقدر اخذه من عويش من دون لا تدري . . لكن انا ابا اخذه منج انتي بنفسج . .
مهره : اسفه سيف ما اقدر . .
سيف : ما تبين تطمنين علي . . ما تبين تعرفين اخباري . . ما تشتاقيلي ؟ انا اشتاقلج انزين
مهره بلعت ريجها بحيا : روح ..
سيف مبوز : على راحتج . .
مهره : لحظة . .
سيف يبتسم : غيرتي رايج
مهره : لا . . بس لا تروح وانت مبوز . .
سيف : عطيني رقمج ما ببوز . .
مهره : مابعطيك خلاص . .
عويش : سيفوووووه !!!
سيف ارتبك : هاه . .
عويش : شو تبا . . ليش ياي عند مهووور
سيف : كنت ياي اسلم عليها وشفتها تصيح ف كنت اسالها بلاج ما تجاوب . .
عويش : روح يلاا " معصبه " بسسسرعه
سيف :انزين انزين .!
وراح . .
((( سيف . . حزتها كنت ابا اهمس لج بشفاتي اني احبج . . لكن مول ما حصلت الفرصه . . فاكتفيت اني اشوفج من بعيد وانتي ترمسين عويش وانا ماقدر اسوي شي )))
سيف بصوت هادي : عقبها انتظرت 8 شهور . . اشوفج فيها كل اسبوع من بعييييد ومرات اسابيع ما تزورين عويش وانا كنت اموت فيها . . لين ما وصلت فيني خلاص وووووو مارمت اتحمل . . قلت لـ عويش ترمس امايا وتخطبج والحمدلله الكل وافق مع اني كنت صغييييير ويوم ابوج ما رضى بخطبة طويله اصريت انه نملج . . وما خليت شي ما سويته عشان ماتروحين من ايدي . . عشان بس اقدر امسكج واحظنج من غير ما احس انه في شي يمنعني . . كنت ابا اقولج حبيبي . . حياتي . . عمري غناتي قلبي روحي " يغمض عينه " كنت ابا كل ما اشتاقلج اشوووفج وما اتم اتريا لين كل نهاية اسبوع تزورين فيه عويش عشان اي واشوفج حتى لو من بعيييييييييييييد . . " يفتح عينه وتنزل دمعه حااااره ويرد يغمض عينه " والحين . . انتي ع ذمتي . . وحلالي . . وانا ميت ع شوفتج ومش قادر . . مع ان كل الظروف تسمح اني اشوفج متى ما ابا لكن قلبي " يمسك قلبه " لو شافج بيعترف لج بامور بتذبحج . . بتعور قلبج . . وانا ماقدر . . ماقدر اشوفج تصيحين وتتعذبين وتتألمين وقلبج يعورج . . انا يوم واحد ما اتحمل . . كيف لو خبرتج من الحين كيف . . لو شفتج بنهار . .بقولج انا اباج انتي وبس ومابا حد غيرج . .
.
.
.
.
.
البارت الـ 14
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك