رواية لحظات لا تنسى -8
أبو جاسم حط يده على يد مرته وبعقلانيه: الله يوفقك ... ويتمم لك على خير
علي ابتسم من ورى خاطره مو هاين عليه يفارق أهله بس الدراسة والشغل بس لازم يروح ويرجع بشهادة ترفع الراس وتخلي أبوه يفتخر فيه قام وحب راس أبوه : تسلم يا أغلى أبو ... في الدنيا ... (وصعد جناحه)
الكل ظل مده يستوعب وأم جاسم امتلت عينها دموع وطالعت زوجها: ليه تسوي كذا ... ليه تبعده عنا.؟؟؟؟؟؟؟؟.
أبو جاسم: يا مره هذا مستقبله ... لازم يبنيه بالطريق اللي يبي ..
أم جاسم: وتبعده عني
جاسم بعقلانيه: يمه ... علي مو صغير .. ما ينخاف عليه ... علي عدى مرحلة المراهقة والحين أهو متزوج وهو أعرف بمصلحته.. (وبحنان يحضن أمه) يمه ... لازم تشجعيه تحثيه على الحلم اللي يبيه وإلا ما تتذكري لما كان يقول بيصير مهندس قد الدنيا ...
أم جاسم تمسح دموعها: مو هاين علي ... كم سنه يروح عني ...
ليال بعد ما هدت نفسها: يمه... شجعيه ووقفي معاه ... يحتاج لك الحين أكثر من أي وقت
أم جاسم ابتسمت بين حزنها: أي ... صح ... (قامت) بروح أرتاح... (وطلعت لغرفتها)
******************************
الساعة 8 صعد جاسم الغرفة وأول ما فتح باب الجناح شاف ريما وهي منبطحه على الكنبة لفرد واحد ورجلها معلقه والتليفون اللاسلكي بيدها ومندمجة في الكلام: أي وبعدين ... (ضحكت) حرام عليك... هذا وهو ميت عليك... ما عليه... لا عاد ... مو لهذي الدرجة ... ههههههههههه
جاسم جلس على الكنبة اللي مقابله لها وهي مو منتبهه وناثره شعرها اللي كان موصل للأرض وهي منبطحه ويدها اليمين على زر البجامه واليسار تحوس شعرها وصايره فلته والسماعة حاطتها عند إذنها وثبتتها على كتفها
جاسم يتأمل اللي قدامه: يا ربي وش هالجمال ... تذبببببببح ... (حط يده على قلبه) هالياهل هذي .... تسحر ...
بعد عشر دقايق من التأمل: احم ... احم ..
ريما لفت وأول ما شافته على طول شهقت ووقفت وبسرعة للغرفة وعلى السرير وتغطت ... (يعني إنها نايمه)
جاسم حبس ضحكته على شكلها ودخل الغرفة : أنا مو قلت الساعة 9 تجلسي ... ما تطاوعي الكلام يعني؟؟؟؟
ريما بصوت خايف: والله ...والله شبعت نوم .. وبعدين أشواقوه
(شدت على الاسم وهي مغطيه على وجها) اتصلت وعفست نومتي
جاسم تكتف: طيب الحين أنت ليه متغطيه ...
ريما فتحت الغطى شوي وبانت عينها ونظراتها الطفوليه جاسم استجن عليها ومسك حاله لا يموت ضحك
ريما بخوف ورعب: عادي... أقوم ..
جاسم هز راسه بالمواقفه وهي بسرعة شالت الغطى وقامت بس توقفت لما سمعت جاسم يقول: بس بدون نزول لتحت ... يكفي تلويييييي في الجناح (تتحركي)
ريما بملل: أففففففففففف .... كل بها الجناح ... زهقت ..
جاسم: أنت كفاية عليك من إهمالك تعبتي اكثر ...
ريما بملل زايد: خلاص خلاص لا تكمل... عرفنا ... أفففففففففف .. ملحق تبي الإشارة عشان تمسك علي شيء ..
جاسم ابتسم: أقول .. (حب يحرجها) وش حلات روب النوم الزهري عليك......(غمز لها)
ريما انتبهت وانحرجت وجلست على الكنبة وحطت رجل على رجل وبغرور: أنا حلوه كل الأوقاااااااات (تبي تحرق قلبه)
ريما كانت لابسه ثوب نوم قصير لفوق الركبة بشوي وكان خيط ونوعا ما شفاف بس تبعه روب أكمام طويله وهو طويل يعني يغطي بالكامل وما يبين منه شيء وهو ربط عند الخصر ...
جاسم يجلس بتعب جنبها على الكنبة الطويلة: خلصتي امتحانات ..
ريما تحوس بأظافرها: يس .... yes
جاسم نغزه: يعني فضيتي ..
ريما: إيه... (وبعد مده على طول لفت وشهقت) لاااااااااااااااااااا
جاسم بابتسامه خبيثة: قلتي فضيتي ..
ريما بتوسل: حرام عليك جاسم ... والله و ..
جاسم يسمع لها: أي ... أي كملي ... (وهو يتقرب منها)
ريما تطالع يمين شمال: أ ... جاسم (وبنعومة) وش فيك؟؟؟؟؟ ... (تحاول تكسبه وتلين راسه)
جاسم: ولا شيء .. (سحبها من يدها)
ريما بتهديد: جاسم ... والله ترى أعلم عمي ..
جاسم فتح عينه على أوسعهم: إيش ... تعلمي من ؟؟؟
ريما وكانها لقت اللي بينقذها: عمي... أبووووووووووك
جاسم بسخرية: تعلميه على إيش؟؟؟؟؟ ..
ريما مثل اليهال: على اللي بتسويه ..
جاسم: أوكي ... قابل تعلميه.. وإذا أنت ما علمتيه أنا بعلمه باللي بسويه مع ان مايحتاج ...
في الصباح
الجد والجدة عملوا زيارة لقصر أبو جاسم عشان يتطمنوا على ريما الأهم وبعدين الكل فجلسوا كلهم جميع في الفطور إلا جاسم ... وريما... (نايمين في العسل)
الجدة بتحلطم: للساعة 11 وما جلسوا ..
أم جاسم تطالع زوجها: أي ... أكيد من التعب
الجدة: أي تعب الطل تعب... قولي أصلا أمس ما ...
أم جاسم مقاطعه: خالتي ... (طالعت نور بعينها)
أم جاسم تعرف عمتها إن تكلمت ما بتخلي شيء ما بتقوله ... فعشان كذا سكتتها لأن نور جالسه معاهم وتلعب ونور تفهم يعني مو صغيره وايد ..
الجد: أقول أم محمد... وش رايك نسوي رحله ونروح المزرعة ... كلها أسبوعين
الجدة: أي والله أنا نفسي أروح... نقول للكل يجهز ..
أبو جاسم: بس البنات عندهم دوام ... يعني إجازتهم كلها أسبوع فقط ..
الجد: خلاص نأجلها ...
الجدة: وليه تأجل ... نروح نرجع بعد أسبوع عادي...
أم جاسم: وأنا أقول كذا بعد ... يعني تغيير جو ..
أبو جاسم: بس علي بيسافر بعد 3 أيام ... ما يمدي نروح يومين ونرجع ...
أم جاسم وتذكرت كلام ولدها وتذكرت لما زوجها خبرها قبل ما تنام إنه يمشي بعد 3 أيام والحين أهم يجهزون فتضايقت وسكتت ...
الجدة بمواساة: ما عليه... بيروح وإنشاء الله يرجع بالسلامة ..
الكل: إنشاء الله..
دخلت روان ومعاها علي: سلااااااااااام ... (توهم راجعين من السوق)
الكل: وعليكم السلام..
الجد: ها ولدي علي... جهزت أغراضك ...
علي وهو جالس جنب جده: إيه يبه ... ما بقى غير أشياء بسيطة..
أم جاسم امتلت عينها دموع فعلى طول قامت وروان طالعت علي بحزن وبعدين قامت لعمتها...
أما البقية كملوا سوالف عن الشغل وأبو محمد ما قصر عطى علي نصائح يستفيد منها
وشجعاه وحتى جدته ما قصرت وهو ارتاح نسبيا لأن كلامهم كان بالفعل يحث الواحد على
المتابعة فزاد إصرار أن ما يرجع إلا بشهادة ..
على فكره نسيت أقول لكم أن ريما رفضت أن جدها وأعمامها يرفعوا قضيه على خالتها لأن مهم يكون تظل خالتها لو وش ما صار... لذلك سامحتها وقالت الله ياخذ حقها منها ....(شفتوا الناس الطيبه...)
******************************
جناح جاسم وريما
هدوء والمكان شبه مظلم إلا من نور الشمس اللي يظهر من جوانب الستاره والتكييف المركزي
كان هادئ والجو زين مو بارد ولا حار ... فتح عينه ببطء وأخذ نفس عميق وطالع يساره
ابتسم وقرب منها وهو يتأمل وجهها الملائكي مد يده وباعد خصله طايحه على وجهها وقرب منها أكثر وصار يحس بنفسها وهمس: أحببـــــــــــــــــــــك ...
وعلى طول قام من السرير وطلع له ملابس وأخذ فوطته وراح الحمام (يكرمكم الله) يسبح خلص طلع من الحمام وراح عند التسريحة مشط شعره وصار يتأمل وجهه وشعره طول بيروح يقصه حس بحركه لف يشوفها جلست.. لقاها بعدها ما جلست ابتسم وقال بيجلسها خلاص ما بقى شيء على الآذان جلس جنبها وهو يمسح على خدها: ريما ... ريما ... ريامي
فتحت عينها ببطء وطالعت فيه وبعدين غمضت من جديد وهو بهدوء ممزوج بحنان: ريما ... قومي ... صارت الظهر ...
ريما قلبت وجهها عنه تبي تكمل نومتها بس هو فكر ولقى حل هو صحيح بيعصب ريما بس حل جهنننننننمي... راح بسرعة ودخل الحمام مره ثانيه شغل على البانيو يعبيه ماي وبسرعة حط فيه رغوه كثير وغسل يده وطلع وطالع فيها بنظرات خبيثة ... أرويك ...
وقرب وبتهديد مزاحي: ريامي أن ما قمتي بعاقبك ...
ريما معطته طاف وهو استعد: ريما ... بحملك ..
ريما بملل وهي تتمغط: أووووووه جاسم.... روح زين خلني أنام ..
جاسم بعناد: قومي ..
ريما : جاسم والله تعبانه ... خلني أنام..
جاسم بإصرار: لاااااا ... قومي بسسسسسسسسسسسرعة ..
ريما ما ردت عليه شوي ما حست إلا أنها في الهواء وفتحت عينها على أوسعهم وشهقت: جــــــــاســـــــــــــــم ...
جاسم بخبث: أنا بجلسك عدل ..
ريما خافت وطالعت مكان ما بيوديها وكأنها عرفت حطت يدها على رقبته وراسها على صدره بخوف: لا جسووووووم ... تكففففففى ..
جاسم ولا كأنه يسمع وصل الحمام والبانيو كله ماي ورغوه وعلى طول تركها وهي على طول في الماي اللي طلع نصه بره والرغوة بعد طلعت... جاسم ظل يضحك وميت ضحك وريما اعتدلت وهي تباعد شعرها وبقهر: جسموه يالنحييييييييييييييييييييييييس ... (معصبه حدها)
جاسم حاط يده على بطنه من الضحك: آآآآآآآآي ... ما أقدر تحفففففففففه.. شكلك ..آآآآآآآآآه
ريما بنظرات غضب ظلت تطالعه وعلى طول بتطشر عليه ماي أهو فهمها وهرب وسكر الباب وراه وهي انقهرت وطالعت بثوب النوم القصير كلللللللللللله تبلل ..
ريما: حسبي الله على شرك يا جسموووووووووه ..
جاسم راح للكبت وطلع لها ملابس على كيفه وراح لبس ثوب عشان بيروح بيصلي بالمسجد تعطر وطلع ..
بعد ربع ساعة طلعت ريما وهي لابسه الفوطه لقت الغرفة فاضيه وشافت الملابس اللي جهزهم لها جاسم.... بس عناد راحت وطلعت لها ملابس ثانيه لبستهم وصلت وبعدين مشطت شعرها ولبست حجابها ونزلت لقت الكل جالس إلا الرجال ..
ريما وهي تدخل: سلاااام
الكل: وعليكم السلام
الجدة: حشى ما صارت هذي نومه
ريما انحرجت وما ردت بس نور جات لها: ريما ... تعالي شوفي لعبتي الجديدة...
ريما بكل طواعية راحت لها وشافت لعبتها واستانست وبدت تلعب معاها (مو ياهل)
بعد مده قامت نور بالأغراض توديهم غرفتها وأما ريما راحت وجلست جنب روان
ريما: جهزتوا أغراضكم وإلا ..
روان: جهزنا .. بس بقى شوي..
ريما: أها ... طيب تبي جزمه رياضيه
روان: أي بروح اليوم واشتري ... تعرفي هالصنف من الأحذية ما يتعب
ريما: طيب أنا عندي واحد أسود... خذيه
روان: بس ..
ريما مقاطعه: خذيه بجد أنا ما أبيه وما لبسته ولا مره... توووووووووه جديد ومررررره حليييييييو
روان: خلاص ... أشوفه
وظلوا هدره وسوالف إلى إن قطع عليهم فتحت الباب ودخل جاسم مع أبوه راجعين من الصلاة
جاسم على طول طالع ريما وابتسم لها وأما هي قلبت وجهه (زعلانه)
أبو جاسم: كيف حالك ريما؟؟؟؟؟ ..
ريما بإحراج من عمها لأنه سأل عنها هي دون غيرها: الحمد لله... (بعد ما سلمت عليه)
جاسم وقف جنبها وبصوت خفيف عشان تسمعه: عجبتك التجليسه ...(غمز لها)
ريما حقرته وجلست جنب عمتها: أقول عمه... ليال في الشهر إيش؟؟؟ ..
أم جاسم بتفكير: يمكن الرابع أو الخامس ... كذا يعني ..
الجدة: جهزتوا لها أغراض ... أكيد بعد بتجي هنا لما تولد ..
أم جاسم : أي جهزت بس أشياء قليله ... ما أدري عنها جهزت أغراض حق الياهل وإلا ..
جاسم يطالع ريما بنظرات قومي معاي وهي معانده وجالسه حاقرته ... عجز معاها ووقف: ريما ... تعالي شوي ..
الجدة وسمعته: نعععععععععععم ... أهي توها نازله... بعد ليش تركب؟؟؟؟..
جاسم يرقعها: إلا بس عندي جزمتي حق الرياضة مو لاقيها أبيها تدورها ...
ريما بنظرات تحرق الأعصاب: ليه... مو أنت حاطها في الدرج ... يعني تلاقيها فيه ..
جاسم انقهر منها وعطاها نظرات توعد
وأم جاسم ابتسمت فهمت على ولدها فأم جاسم ردت: ريما يمه روحي مع جاسم شوفيها ... مو معقولة أنه ما حصلها يمكن رماها مني مناك ..
ريما تضايقت بس مع كذا: طيب عمه... (وراحت)
***********************************
في الجناح
أول ما دخلت ريما وراها على طول جاسم مستانس الأخ: شفيييييييييييييييك ؟؟؟؟؟؟؟؟.. (يحرق اعصابها)
ريما تجلس على الكنبة اللي في صالة الجناح: ولا شيء.. روح شوف جزمتك الــــــــ ريــــــــاضـــــــ ية
(بدون نفس تقولها)
جاسم جلس جنبها: طيب ليه زعلانه؟؟؟؟؟؟ ..
ريما بدلع: يهمك يعني..
جاسم قرب منها وهمس عند إذنها: أكيد يا عمري ...
ريما خلاص بتذوب بس مسكت حالها وقوة قلبها : يعني ما تعرف ...
جاسم ومد يده وعدل وجه ريما عند وجهه وهو يتأملها بنظرات حب: لااا ..
ريما توترت منه وحمرت خدودها ودزته: أروح أنزل أحسن لي ...
جاسم سحبها من يدها وحط يده الثنتين عند خصرها: لا ... أول ترضي ..
ريما بعناد: لاا..
جاسم بتهديد: ترى ما عندي فيها ... (نغزه) أنام من جديد
ريما ولع وجهها وسحبت حجابها وطلعت وهو ضحك عليها وبدل ونزل...
*************************************************
بعد يومين
سافر علي وروان وأم جاسم ظلت تصيح وبعدين هدأت وسكتت وبعد 4 أيام بدت الدراسة الفصل الدراسي الثاني ..
******************************
في المدرسة
في شلة الأنس اللي هم ساجدة وريما وأشواق بالإضافة لفاطمة مكونين حزب وشله شيء كل وناسه وضحك ومسخره ... من وحده لوحده
فاطمة: أقول سكتي سكتي... آخر من يتكلم ... الأخت متزوجة وفاكه عمرها
ريما تحرق الأعصاب: قولي من حرقة أعصاببببببببببك...
فاطمة: على إيش يا حضي ... أنت الحين مــــــــررررره مو بنننننننت ..
ريما: لااااااااااا .. حتى ولو أنا بنت رضيتي وإلا لا ...
أشواق بملل: أففففففففففف عليكم... خلااااااااااااااااااص ضجيتوا راسي ... كل مره على هالسالفه
ريما: هي المنحرقه أن أنا عرست وهي لا ... يمكن تصير عانس..
فاطمة بسرعة: يو إسم الله علي ... (وضربت ريما ضربه جامدة)
ريما بألم: ووجع.... آآآآح .. يعور ..
ساجدة بطناز: فاطمة ... أنت ما تفهمي... المرة معرسة
فاطمة ما فهمت: أي ... ويعني
ساجدة: يعني ممكن يكون في دادا في البطن ..
ريما ما انتبهت: أي أنا معرسة... بعد .. (انتبهت ولفت لساجدة وضربتها) عيييييييييييب عليك ... صج ما في حيااااااء
الكل : هههههههههههه
فاطمة: بالله عليك ريما ما حملتي..
ريما باستغراب: وش هالإهبال ... توني ... توني متزوجة
ساجدة: أقول في ناس من أول ليله زواجهم يحملوا..
ريما مستغربه من جراءة ساجدة: سجدوه ... ليكون معرسه وماخذه خبره ...
ساجدة انحرجت بس حبت ترد الصاع صاعين وتحرج ريما مثل ما حرجتها: أقول شدي حيلك وجيبي لنا بنوته صغنطوطه ... (وبسرعة قامت تهرب)
ريما وعينها مفتوحة على أوسعهم : طالع الـ.... (ووراها)
كل البنات استغربوا طالبات ثالث ثانوي مثل اليهال في النهاية ريما تعبت لأن ساجدة طويلة شوي ورجلها طويله فما تلحق تمسكها فرجعت للبقية وهي تلهث: حسبي الله على شرها ... النحيييييييييييييييييييسه ..
فاطمة: فشلتونا ...
أشواق تطالع يمين شمال: طالع البنات يطالعوا فينا ... تفشلووووون ..
ريما بإحراج: النحيسه تستاهل ... قليلة أدب ..
وصلت ساجدة وهي ميته ضحك: ها ما صدتيني ..
ريما بقهر: قلة أدب..
ساجدة ببراءة: ما قلت إلا الحق.. أنت ما تدري يمكن تكوني حامل سويتي فحص
ريما تطالع أشواق: هذي اللي بذبحها ... سكتوها لا أذبحهااااااااا
أشواق ضحكت: خلاص ساجدة سكتي... وبعدين عيب عليك ... مفروض ما تتدخلي بأمور المتزوجين
ساجدة تطالع ريما بنظرات: أي ...متزوجين...
***********************************
في نهاية الدوام
كلهم لبسوا عبيهم وطلعوا
أشواق: ريما مو كأن هذا زوجك ....
ريما تطالع: يووو ... مسكين ريلي منلطع ساعة ...
ساجدة: الله بعد ريلها حركات ... طالعي البنات يغازلونه
ريما طالعت مكان ما تطالع ساجدة وشافت بنتين قريبات مررررره من جاسم وكانت وحده تتكلم والثانية شكلها مو مقصودة في الكلام وخصوصا إنها لما قربت ما سمعت رد بس لاحظت إن جاسم يطالع جهتهم وبعد يلف ويتباعد وهم يقربوا له وصلت والشرر في عينها وقالت: جااااااااسم
جاسم يطالع فيها وأخيرا فرجت: هلااا ...
بس ما مدى بيمشون إلا الحارس طاب عليهم: خير أخوي
جاسم استغرب: خير بوجهك ...
الحارس: وش تبي بالبنت ؟؟؟؟....
جاسم زاد استغراب: لا بس ... بنمشي ..
الحارس: لا.. وكاله بدون بواب .. ليه وش تصير لها.؟؟؟؟؟؟...
جاسم انرفع ضغطه بس مع كذا فهم ليه الحرص الشديد وارتاح من الحارس لأنه عرف إنهم حطوا حارس قد المسؤولية وقال: أنا زوجها ...
الحارس: ممكن البطاقة...
جاسم طلع البطاقة من محفظته وعطاها الحارس اللي سأل ريما: زوجك ؟؟؟ ..
ريما كانت ناويه تحرق اعصابه وتقول لا ...بس كسر خاطرها...متعني لها.. هزت راسها بالإيجاب أما البنات اللي عرفوا إن هالشاب متزوج على طول تباعدوا متفشلين.... والحارس اعتذر من جاسم وعطاه البطاقة وجاسم شكر الحارس وركب سيارته مع ريما ومشوا
طول الطريق الهدوء سيد الموقف قطع
جاسم: شخبار الدراسة؟؟؟ ..
ريما وهي خلاص نعسانه حدها تبي تنام: تمام ...
جاسم استغرب طريقة ردها ولف يطالعها وبعدين رجع بصره للطريق: شفيك؟؟؟ ..
ريما مغمضه عينها: نعسانه ..
جاسم ابتسم: الحين بنوصل البيت
ريما طالعت فيه: جاسم إذا وصلنا جلسني ... (وغمضت عينها عشان تنام)
جاسم حب يخليها تتكلم عشان ما تنام في السيارة لأن ما بقى شيء ويوصلوا: ريما من البنات اللي كانوا جنبي
ريما ومغمضه عينها: بنات قليلات أدب
جاسم ضحك: ههههههههههههه ... غيرانة...
ريما اعتدلت وطالعت فيه: ليه قطوا عليك كلام؟؟؟ ..
جاسم بصراحة: بصراحة... بصراحة ... أي ..
ريما: وش قالوا؟؟؟؟...
جاسم: يعني ... وش هالجمال ... والوسامة... و ...
ريما: جسوم قول كل شيء قالوه لك .... بسسسسسسسسسرعة
جاسم: نسيت ..
ريما بقهر: جاسم ... وش قالوا لك بعد؟؟؟؟...
جاسم: صدقيني نسيت ... وبعدين أنا مو منتبه لهم ... أنا حاقرهم ...
ريما بإصرار: إلا... تعرف وش قالوا... بسرعة قول ...
جاسم: صدقيني ... ما ركزت على كلامهم
ريما أخيرا صدقته: طيب... (اعتدلت) اسمع جاسم هالمره سماح المرة الثانية لا تنزل من السيارة أنا بجيك ... فااااهم...
جاسم: غيرانة ...
ريما بدون ما تعطيه وجه: فاهم...
جاسم عشان ما يزعلها: فاهم فاهم ... على أمرك ... (يبي يغير جو) يا حلوك أنتي...
ريما استانست على كلامه وغزله بس سكتت ولا بينت ...
جاسم: عاد ردي علي ... قولي وأنت أحلى ... قولي يا قلبي... يا عمري .. نفسي أسمع كلمة غزل منك ..أبــــــــد... طماااااااااااااااااعة..
ريما بنعومة وصوت مليء بالدلع: معليش حبيبي .. أنا ما أعرف أقول كلام.. أخاف أنقص من حقك ... لأن ما في كلمه توصفك ... يا رووووووووووحي ..(مو تجاريه)
جاسم خلاص ما قدر يتحمل: سكتي سكتي يرحم والديك ... خلينا نوصل بسلامتنا ... أحسن .. لا ارتكب فيك جريمه ...
ريما ضحكت عليه: هههههههه ... طيب بكمل في البيت ...
جاسم فرح: يكون أحسن ...
وصلوا البيت ونزلوا فتح لهم الخادم الباب ودخلوا ريما وهي تفسخ عباتها: سلااااام
أم جاسم: وعليكم السلام ... ها عطوكم النتيجة؟؟؟
ريما: لا... بس عرفت كم نسبتي...
جاسم بحماس: كم؟؟؟ ...
ريما تحرق أعصابه: ما أعلم...
جاسم تفاجئ وقال: نععععععععععم ... أقييييييييين ... بتقولي وإلا بكرة مافي مدرسه ...
ريما تسوي حالها خايفه وتروح عند عمتها: شفتي عمه ... ولدك يهددني ... خفففففففففت(تحرق دمه)
جاسم: أنا ما أتطنز ... بجد ريما... كم ؟؟؟؟
ريما بحزن: يعني كم... 97
أم جاسم على طول: كلللللللللوش (وحضتنها) مبرووووك ...
ريما ابتسمت: الله يبارك فيك
جاسم: طيب ليه الحين أنت حزينة ... يعني تعابير وجهك مو ... مو فرحانة
ريما: لا بس لأن هذي المره نسبتي مررررررررره نازله ... يالله إنشاء الله أعوضها في الترم الثاني ...
جاسم: الترم الثاني مافي تعويض ... الترم الثاني أصعب
ريما بتحدي: في تعويض انشاء الله بحاول احافظ على نسبتي... وبتشوف...
أم جاسم تنهي الهواش اللي بيبتدي: أقول ريما روحي بدلي وتعالي تغدي ...
ريما: أوكي ... (وراحت تبدل)
أم جاسم: وأنت جسوم ... ما بتروح تبدل ...
جاسم: لا ... لأن بعد الغدى بروح الشغل مره ثانيه فماله داعي أبدل ...
أم جاسم: طيب أجلس هنا أنا بروح أنادي نور ...وأشوف جهز الغدى وإلا لا ...
**************************************************
في غرفة نور
رجعت نور من المدرسة ورمت مريولها وبدلت وعلى طول للكمبيوتر الخاص تحوس فيه
دخلت أمها وظلت تطالع نور وش تسوي وبعدين قالت: نور
نور لفت لأمها: هلا ...
أم جاسم بحنان: يمه وش تسوي؟؟؟ ...
نور باندماج: أصمم ...
أم جاسم: أهااااااا ... وكيف تسوي هالحركات ...
نور باندماج: أضيف أشياء مستحدثه أما من الكمبيوتر نفسه أو من الخارج... (لفت لأمها) تبي تشوفي تصميماتي ...
أم جاسم: أكيييييييييييييد ... يالله رويني
نور فتحت مجلد كامل كله فيه التصميمات وكانوا مره حليوين حتى أمها استانست عليها وقالت بتنمي موهبتها ... وبعد عشر دقايق دخلت ريما: ها وش تسوون ؟؟؟
نور: أمي تشوف تصميماتي ...
ريما: أها ... طيب خلصتي التصميم اللي قلت لك عليه
نور: أنا الحين أسويه ... تبي تشوفينه؟؟؟ ...
ريما: لا خلاص لما تخلصيه عطيني إياه ... أوكي ...
*********************************
في قصر الجد
الجد والجدة متفقين على ولدهم أحمد اللي اشتغل في شركتهم وصار مدير القسم المالي فيها على إنهم يزوجوه ...
أحمد بصدمه: إيش ...
الجدة: مثل ما سمعت... أنا خطبت لك ...
أحمد تخصر: نعم نعم ...
الجد: نعامه ترفسك قول آآآآآآآآآمين ... وش اللي نعم ... مثل ما سمعت خلاص إن ردوا على طول الملكة
أحمد بقهر: أنا ما أبي أعرس...
الجدة وتشرب الشاي برواقه: اللي صار صار
أحمد بعد مده ودمه يغلي: من عايلة من ؟؟
الجد: بعدين تعرف ....
أحمد: ومن اللي عرفكم عليها ...
الجدة: أنا أعرفها من زمان ... وعاجبتني
أحمد برجى: لا يمه ... تكفين .. خلي ريما تخطب لي أحسن
الجدة استانست من الداخل بس: لا ... خلاص... بكره بيردوا وأنت ...
أحمد:يمه... وش هذا ... وش هالحركات ذي ... قلت لك إذا ما تخطبها ريما وتشوفها ما أبيها ... طيب ... (وطلع)
الجد طالع مرته وابتسم: خوش خطه
الجدة: أعجبك أنا... (سحبت التليفون ودقت على جناح ريما)
****************************************
في جناح ريما
جاسم كان جالس على الكنب وبيده الرموت ويغير التلفزيون ورن التليفون ورد: هلااا ... (اعتدل) هلا والله بالطش والرش ... وش صاير علي اليوم حبيبتي تتصل تكلمني (نغزه)
ريما تسحب الثياب المدرسية على الأرض سمعت حبيبتي تركتهم على الكنبة وجلست جنبه تسمع وهو يبي يحرق أعصابها: لااااااا أفاااااااا علييش ... أنت تآمري أمر يا عمررررررررري...
ريما وصلت حدها وبرطمت وبان على وجهها وهو متحمس لردة فعلها وقال: لا معليش مو الحين ... لا بس تعرفي يا عمري حياتي بدون...
ما كمل لأن ريما ما تحملت وسحبت السماعة: الو...
سمعت صوت جدتها ارتاحت وطالعت جاسم بنظرات توعد وهو ميت عليها من الضحك .... واتفقوا على كل شيء وأما جاسم ما يعرف بالخطة .... نهائي...
***********************************
بعد شهر .... في المدرسة
ريما: وهذا كل اللي صار في هذا الشهر ... شرايكِ ....
أشواق: بصراحة ... يمكن فاطمة تناسب له ... يمكن لأنها أكثر رزانة مو مثل ساجدة هببله ...
ريما ضحكت ومن وراها لقت شدخه وهي متخصره: خيييييييييير ... أسمع تحشون فيني ..
أشواق تنقذ الموقف: لا... بس يا عمري أنا أقول لريما إن عندي مفاجأة لكم
ساجدة بحماس جلست: قووولي ...
أشواق ضحكت: طيب طيب... أممممم ... (تفكر وبعدين) أنتو معزومين بعد أسبوعين على ملكتي ...
ساجدة مثل المسبهه: هااا ... (شهقت) حلفففففففي...
أشواق نزلت راسها منحرجه: والله ...
ريما سحبت يد أشواق: لا تقولي الـ ....
أشواق هزت راسها بالإيجاب وبهدوء : خطبني ... وأنا اللي مفكرة بيخطب بنت عمته ...
ريما فرحت وحضنت أشواق وما لحقت إلا ساجده تدزها وتحضن أشواق: يا عمري اللي بتعرس ...
وصلت فاطمة: هاي بنات ... وش السالفة ؟؟؟
ساجدة بحماس: جهزي نفسك..... أشواقوه ملكتها بعد أسبوعين
فاطمة بفرح: صج .... مبرووووك
ريما كانت تطالع فاطمة وتطالع ساجدة بس عجبتها نعومة فاطمة مره حست إنها مناسبة بس ... ساجده غير فيها هبال وحركات نفس طختها وغيييييييير انها جميييييييييييله ...
ساجده تدز ريما السرحانة : يالأخت ... ليه ما تباركي لها وإلا ناس دون ناس ...
ريما انتبهت: خير...
ساجدة بتوضيح: فاطمة... خطوبتها بعد شهر ...
ريما طالعت فاطمة وبعدم تصديق: صحيح...
فاطمة بنعومة: أي ... باخذ ولد عمتي .... اسمه محمد ...
ريما فرحت لها وباركت لها وكلهم طالعوا ساجده بنظرات ..وساجدة استغربت وعلى طول فهمت: لا لا تخافوا ما في أمل ....
الكل: هههههههههههههههههههههههههههههههههه
أشواق: طيب ليه ما في أمل....
ساجدة وهي تجلس جنبهم وبحماس: لان أنا يا حلوه.... أنا مو مخلصه دراسه ... ثانيا أخوي طايح الحظ اللي ما يستحي حساموه...(رفعت يدها تدعي عليه) الله لايبارك فيه.. ناوي علي ما يعرسني ... في سبيل العناد ... ثالث شيء مستحيل أعرس قبل نهاية هالسنه
ريما: طيب بس خطوبة عقد ...
ساجدة: بصراحه ما أبي ... أخاف أنشغل مني مناك ... خلني كذا أحسن
ريما حست ساجدة صحيح تفكيرها كبير وحلو وتفكر بعقل فقالت أهي أهي ما في غيرها أولا أخلاق مرره مره حليوه طيبه وحبوبه وما تزعل وثاني شيء جمال الكل يشهد له وثالث شيء نعومه بس الكل ما يشهد لها فيها لأن من حركتها تعفس النعومة
ريما نغزه: أقول سجود ... وش رايك أخطبك لعمي أحمد؟؟ ...
ساجدة وتاخذها قد عقلها وهي تطالع أظافرها بتأمل : وش يشتغل ؟؟؟
ريما: في الشركة حقت أعمامي...
ساجدة: كم عمره؟؟؟...
ريما: تقريبا... 29 ... 30 ...
ساجدة طالعت ريما وبعدين قالت: أنا ما أفكر في الزواج ....
الكل: ههههههههههههههه
فاطمة: وش معنى لما عرفتي العمر قلتي كذا
ساجده بعقلانيه: ترى أنا مو على العمر .... عادي يصير أكبر مني بكم سنه.. بعد أقول لك ما أبي وترى لو كنت أبي في واااايد تقدموا ورفضتهم وخصوصها أولاد عمي اللي ما الله مكثر إلا من هواشي معاهم ... يالله ما أطيييييييييييقهم
ريما ابتسمت: الله بلاهم بيك
ساجدة: قولي بلاني بيهم ... علللل ... اففففف
كل البنات ضحكوا على عفوية ساجدة: هههههههههههههههه
************************************
في قصر الجد
اجتمعت ريما مع جدتها ونسوان أعمامها عشان اختيار العروسة
الجدة: لا لا تاخذي وحده ربشه ... إحنا بالموت نعقله بعد ناخذ له وحده الله بالخير ...
أم جاسم: ولا تاخذي وحدة هي والكرسي واحد ...
أم جواد: أنا أقول تاخذوا وحدة تكون عفوية ...
أم مهدي: أي وناعمة وجميلة... وو ...
ريما بسرعة: العروس بهذي المواصفات عندي...
الكل يطالع فيها وبعد مده أم جاسم: من هي؟؟؟ ..
ريما تغمز لعمتها: أعزمها وتشوفوها ...
الجدة: طيب متى ؟؟؟
ريما بتفكير: بكرة...
أم جواد وأم مهدي: خلاص بكرة
دخلت ليال بدبتها اللي بانت أكثر: ليه ما تاخذوا وحده كبيرة ...
الجدة: لااااا ... خليها صغيرة أحسن...
أم جاسم تطالع ريما: أهم شيء عقليتها تكون رزينه مو ...
ريما بسرعة: لا تخافي عمه...موثوق منها... (وقامت) بروح أتصل لها أعزمها
************************************************** ******
في بيت ساجده المتواضع
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك