رواية لحظات لا تنسى -9
دخلت ليال بدبتها اللي بانت أكثر: ليه ما تاخذوا وحده كبيرة ...
الجدة: لااااا ... خليها صغيرة أحسن...
أم جاسم تطالع ريما: أهم شيء عقليتها تكون رزينه مو ...
ريما بسرعة: لا تخافي عمه...موثوق منها... (وقامت) بروح أتصل لها أعزمها
************************************************** ******
في بيت ساجده المتواضع
جالسة ساجدة وحاطه رجل على رجل وتفسفس حب دق جوالها رفعته: هلااا ...
(وهي مندمجه بالفلم الآكشن) ...
ريما: مرحبا ... السلام ...
ساجدة: وعليكم السلام ...
ريما: سجود ... بكرة وش عنك ؟؟؟...
ساجده مو معاها: ولا شيء ... خير ...
ريما: أبغيك تجين بيتنا ...
ساجدة: يصير خير ... يالله باي ... (سكرت)
ريما تطالع جوالها: طالع الـ ... هين برويها ...
********************************
في المدرسة اليوم الثاني
مجتمعه الشله كلها في وسط الساحه وصاير شكلهم ملفت للنظر ...
ريما تضرب ساجده بخفيف على يدها: الحين أنا أكلمك تسكري الخط بوجهي
ساجدة تطالع فيها باستغراب: متى ؟؟؟؟؟؟
ريما بزعل: أمس .. أقول لك تعالي بيتنا تقولي يصير خير وتسكري ...
فاطمة وأشواق بلقافه: لحظه لحظه ... وش معنى العزومه لها
ساجده كانت بترد وتقول ليه العزومه الخاصه بس بعدين وبعفويتها : يا حبايبي الناس مقااااااااااامااااااااااااااااات (تأشر لهم حرقه)
كل البنات ماتوا ضحك عليها:هههههههههههههههههه
وريما: المهم اليوم أنتظرك الساعة 4 فاهمه ...
ساجده: طيب وين قصركم ...
ريما: أتصلي وأدليك البيت ...
فاطمه بهدوء: ريام ... ريام
ريما انتبهت لها: خير
فاطمه: في وحده من بداية جلستنا وهي بس تطالع فيك ..
ريما بملل: يا كثرهم ... (وقفت) قوموا شوي نصعد الحين تصيح الصفيره ..
الكل: يالله ...
*******************************************
في الظهر
وصلت ريما وعلى طول راحت جناحها بعد ما سلمت على الكل ودخلت تسبح وأول ما طلعت لقت جاسم موجود ...
ريما باستغراب: جاسم ... انت متى جيت ؟؟؟
جاسم وهو جالس على الكنبه بتعب: توني واصل
ريما قربت منه وبقلق: تعبان ...
جاسم حس إنها خايفه عليه: لا تخافي تعب من الشغل ... إلا وش صار على عروسة حمدوه ..
ريما تجلس جنبه وابتسمت: اليوم بتجي بيتنا ... مو جدتي مو راضيه إلا تبي تشوفها أول ...
جاسم: أي أحسن بعد ... عشان ما يصير هواش معاها (حط راسه على الكنبه)
ريما حطت يدها على يده: جاسم ... قوم أرتاح على السرير ...
جاسم فتح عين وحده: ما بتنامي ...
ريما بشوية إحراج: وراي أشغال ... قد شعر راسي ...
جاسم ابتسم وقام: تصبحي على خير .... (وانبطح على السرير وعلى طول راح في سابع نومه)
**********************************************
في مجلس النساء الساعة 4 ونص
ساجده: يالله عاد ريا ... بس أشوفها ...
ريما بإحراج: أولا ريلي نايم فيها وثانيا عفسسسسسسه ...
ساجده تبي تزيد ريما احراج: أوووه ... نايم .... (عدلت جلستها) غريبه مو نايمه معاه ...
ريما على طول بالمخده لفعتها: غبببببيييييييه
فجأة انفتح الباب ودخلوا طابور الجده ووراها أم جاسم اللي وراها أم جواد وبعدها أم مهدي كلهم: سلاااام ...
ساجده تطالع فيهم مستغربه الجيش اللي داخل للمعركه ولما استوعبت وقفت عدل وأما ريما عرفتهم على بعض وبعد السلام جلسوا ... عاد ساجدة أبد من دخلوا ما سمعوا لها حس
الجده: أنت تدرسي يا.. ... (لفت لريما) وش أسمها ؟؟؟
ريما تبتسم: ساجده ...
الجده: المهم ...
ساجده بهدوء: إيه ... مع روميو ... (ما كملت إلا وصلحتها) مع ريما
أم مهدي: يعني آخر سنه
ساجده هزت راسها بالإيجاب وفي قلبها: الله يستر ...
بعد ما جلسوا مع البنات ساعة طلعوا وعلى طول ساجده سألت ريما: وش عندهم كل هالأسئلة ....لاااااااااااااااا ودخلتهم فكرت صرنا في برنامج اضحك معنا..ههههههههههههههههههههه
ريما ماعلقت على مسخرتها: حبوا يتعرفوا عليك ... يشوفوا هبال صحباتي ...
ساجده على طول بالمخده على ريما: أنا هبله ...
ريما تشيل المخده من حضنها: قومي نطلع بره ...
ساجده أخذت عباتها وريما على طول: ما في أحد ... حماي مسافر مع مرته وزوجي في الشغل وأما عمتي مستحيل تطلع بره وخصوصا هالحزه ...
ساجده بتفكير: متأكده ما أحد يدخل ...
ريما: ثقي وتأكدي ...
المهم طلعوا الثنتين بره وعلى طول للمسبح اللي صاير يمين البوابة الرئيسية ..
ساجده وهي جالسة على العشب: الله ... حديقتكم مرره حليوه ... عليكم بالعافية
ريما ابتسمت: الله يعافيك .. (جلست معاها)
ساجده: أقول ريما ... ما عندكم عصافير ...
ريما: للأسف لا ...
ساجده: خسارة ...
ريما فتحت عينها بالقوه تطالع اللي ورى ساجده وتبلعمت وأما ساجده تشرب الشاي برواقه
ريما بخفيف: ساجده ..
ساجده رفعت عينها: خير ...
ريما بهدوء توقف: خلنا نقوم ...
ساجده استغربت: ليه؟؟؟ ...
ريما تحاول تهدي الوضع: بقول لك بس .... لا تنفعلي ...
ساجده ومفكرة كلام ريما مزحه: قولي ... ويا كثر ما تقولي ...(شربت شاي)
ريما أخذت نفس: ساجده ... وراك قطوه ... كبيييييييييييييره ...
ساجده بسرعه نقزت ولفت وبكل صوتها: آآآآآآآآآآآآآآآآآآآآآآآآآآآآآآآآآآآه .... (وافلت)
ريما على طول وراها بس ريما على طول صرخت: ساجده تعالي هنا ندخل ...
(ما كملت إلا صرخت) يمااااااااااااااااااا ... (ووراها)
القطوه كانت تلحقهم فجأة ريما ضحكت: ساجده .... روحي يمين وأنا بروح شمال عشان نغويها ...
ساجده طالعت ريما: أوكي .... (وراحت يمين)
ريما بدت تركض ووصلت لجهة الدخول ووقفت لفت ما شافت ساجده نادت: سااااااااااااااااااااااجده
فجأة ما شافت إلا وحده على طول جات من جهة الألعاب وعلى طول حست رجلها دعمت في شيء وما طالعت ورى إلا وتدعم قدام بجسم ارتدت وعلى طول طاحت بس بألم: آآآآآآآآآآآآآآآآى ... ووجع....(حطت يدها على رجلها)
بسرعة ريما جات: سجود ..
ساجده بألم: رجلي ... يماااا ...
صوت رجالي: وش السالفه؟؟؟ ... خير ... (قرب يشوف رجلها)
ساجده مثل اليهال تصيح: يعور .... آآآآآآي ... (طول الوقت مغمضه عينها)
الشخص لمس رجلها وهي على طول صرخت : آآآآآآآى ... طاااااااااااااااااااخ (ضربته)
رفعت راسها وطالعت وجمدت ودمعتها تنساب على خدها وفجأة حطت يدها على فمها: ريماااا ... (تأشروببراءه) رياااااااااااااااااااااااااااااال ...
ريما استوعبت: ..... أ ... أحـــــــمــــــ ....
$$$$$$$$$$$$$$$$$$$$$$$$$$$$$$$$
ساجده فجرتها صياح من الإحراج اللي زاد عليها وأما ريما قالت لعمها أحمد يدخل داخل بسرعة وهو دخل وهو مستغرب ... وفي باله (ياهله)
ريما تمسك ساجده: قومي .. قومي ...
ساجده: ما أقدر ... رجلي ...
ريما: ليكون انكسرت...
ساجده بسرعه: لا إنشاء الله ... (وعلى طول وقفت)
ريما بعين وعين: الحين هذا الصياح كله عشان رجلك تألمك ...
ساجده مبرطمه وهي تمسح دموعها: لا مو كذا بس ... (ضربت ريما بخفيف) فشلتيننننننننننننني ... أقول لك بلبس عباتي قلتي ما في أحد ...
ريما مبتسمه: ما عليه غلط مطبعي ... نسيت أن عمي أحمد يجي اليوم هنا ...
ساجده بصدمه: هذا عمك أحمد ...
ريما تحقرها وتمشي: أي ... وعلى فكرة مو معرس ...
ساجده فهمتها وانحرجت ومشت وراها وضربتها بخفيف: نحيييسه ... اللي يجي بيتكم بعدين ..
في الصاله
أول ما دخل أحمد الكل جالس في الصاله من النساء: سلاااام
الكل: وعليكم السلام
أم جاسم بتفاجا: أحمد ... من وين دخلت؟؟؟؟ ...
أحمد يأشر: من الباب ...
أم جاسم: لا قصدي ..
أم جواد فهمت وشهقت: والبنات ...
أحمد وهو يجلس وبلقافه: من الياهله اللي هنا ...
الجده باستغراب: ياهله .... ما في يهال ...
أحمد: إلا فيه وحده بره ..
أم جاسم: ليكون تقصد ريما وصديقتها ...
أحمد فتح عينه على أوسعهم من الصدمه: صديقتها ... (ابتسم بعدم تصديق) لا هذي ياهل مو ...
دخلت ريما متخصره: أحمدوه ... (وراحت له) كيف تدخل كذا لا احم ولا دستور ...
أحمد: ريما ... من الياهل اللي معك؟؟؟
ريما بقهر: هذي مو ياهل ... هذي صديقتي ... وبعدين شفت كيف أوجعتها
أحمد بتحلطم: ما أحد قال لها تدعم فيني ... ليه حوله ما تشوف ... زين مني ما طحت ... كان تتوصخ البدله ...
ريما بعصبيه: أحممممممممممممممد ...
الجده: ليه دعمت فيه؟؟؟...
ريما: مو لحقتنا قطوه واحنا هربنا ... وهي دعمت فيه بالغلط
أحمد بإنتقاد: قولي لها إفتحي عيونك و شوفي دعمتي في من ؟؟؟ ... أبد تبتدي صياح ورجلي أتألمني .... لااااااااااااااااااااااااااااااااااا وبعد تعطي كفففففف .....زين ما رفعت يدي وكفختها الـ...
الجده بتهديد:أحمــــــــــــــد..
أحمد: خلاااااااااااااااااص ...(حط يده على فمه): وهذي سكته
ريما بتهديد: أحمدوه ... ما أسمح لك ... (ولفت بتطلع) رجااااااااااال آخر زمن
أحمد يبي يقهرها: إلا وش إسمها؟؟؟؟ ...
ريما لفت وعطته نظرة تهديد ومشت وأما الجده: عجبتك؟؟؟ ...
أحمد مسوي حاله عاقل: ليه أنا طالعت فيها أصلا...
الجده: أي ... صدقتك .. المهم لو كنت شفتها فهذي النظرة الشرعية
أحمد: أي عادي ..... مو مهتم أنا بـ .... (فتح عينه على أوسعهم) إيش ...
الجده تشرب الشاي: مثل ما سمعت ... هذي بتكون زوجتك المستقبلية ....
أحمد بسرعة: لاااااااا ما أبيها ... هالياهل ما ناقص إلا تسوي عبلتيييييييييييين
الجده بتهديد: يا هي ... يا أنا أختار...
أحمد بسرعه: لاااااا أهــــــــي أهـــــــــي ... (وبتحلطم قليل) لو أعرف هذي خططكم ما جيت ... (وقف) ...مع السلامه.... (وعلى طول طلع)
****************************
في المجلس
جهزت ساجده وسلمت على ريما وطلعت وريما وراها لازم توصلها وهم ماشين كان أحمد ماسك القطوه ويلاعبها والقطوه أول ما شافت ريما والبنت عرفتهم وقالت بتكمل لعب معاهم فبسرعة نطت من أحمد وراحت لهم
ساجده وهي تطلع جوالها: أقول ريما .... لا تقولي لأحد ترى والله أزعل عليك
ريما ضحكت: لا تخافي ... سلمي على أمك ...
ساجده: الله يسلمك من الشر ... (لفت وشهقت وعلى طول ورى ريما)
ريما بخوف: يماااااااااا (شافت أحمد وشكله حابس الضحكه صرخت)... أحممممممممممممممد ...
أحمد ما قدر يتكلم بس أشر يصير خير وتقدم وسحب القطوه وساجده على طول طلعت لأخوها حسام اللي ينتظرها بره ...
أحمد يحط القطوه بوجه ريما وهي تصرخ ذيك الصرخه اللي تقض الأذن وبسرعه تدخل داخل وأحمد مات ضحك إلا بدخلت جاسم: سلااام ... (استغرب) وش تسوي هنا ؟؟؟؟؟؟...
أحمد يترك القطوه لأنه خاف من نظرات جاسم: لا ألعب ...
جاسم عرف السالفه: هددت ريما بيها ...
أحمد بلع ريقه: لا ...
جاسم بنظرات تهديد: تكذب ...
أحمد: ... أ ... (ما كمل لأن جاسم سحب إذنه)
جاسم: خوش عم ... إدخل بس ...
أحمد بألم: جاسم ما يصير كذا ... كل مره تسوي كذا ... يعني بصراحه أنا عمك وأصغر منك بـ 7 شهور مو زين كذا ...
جاسم: عشان مره ثانيه تتأدب ...
*************************
بعد أسبوعين اتصلت أم جاسم وكلمت مرت حسام بكون أن أم ساجده متوفيه وحتى ابوها وقالت لها أنهم يبوا يخطبوا ساجده رسمي وأما أحمد عارض بشده وقلب وجهه وكل ليه عشان بيزوجوه ياهل... وبعد شهر ردت ساجده بالموافقه بس بشرط الملكه والخطوبه كلها في الإجازه يعني ولا شيء الحين ...
أحمد يوقف متخصر: نعم نعم ... آسف ما أقبل ...
ريما توقف: عمي وش اللي ما تقبل؟؟؟؟
أحمد: مو على كيفها تبي كل شيء بعد العام الدراسي ... لا يا عمري ... أنا أبي قبل ... بعد أسبوعين الملكه وأسبوع منها الخطوبه وأسبوعين الزواج ...
الجده شهقت وبسرعه: جنيت أنت .. البنت آخر سنه
أحمد: أنا حر .... مو أنتو خطبتوا لي ياهل ...
ريما انقهرت من عمها: لعلمك هالياهل هذي تحلم فيها أصلا ... ولعلمك أنت مفروض تصلي صلاة شكر لأنها قبلت فيك وتركت اللي تقدموا لها منهم الدكتور والمحامي وغير وغيره ... وفي النهايه وافقت عليك ... (ومشت من القهر)
أحمد حز في خاطره كلام ريما وهذي المره لف لأمه: يمه ... الملكه بعد 3 أيام وقد أعذر من أنذر ... (وطلع)
الجده: يا ويلي بيفشلنا ... و ...
***********************
في جناح ريما تكلم ساجده
ريما: وش رايك ؟؟؟؟؟....
ساجده والصدمه لجمتها: مستحييييييييل ... ريما بليز قولي له لا يكلم أخوي ... ترى والله أخوي على طول لو عليه يقول بكره العقد ... أقنعيه
ريما: حاولت ... حاولت كثير يا ساجده ... بس هو راكبه راسه ...
ساجده: بلـ .... لحظه شوي ... (تكلم اللي دخل) حسام خير
حسام بحده: سكري السماعة ...
ساجده عرفت أكيد في سالفة جديده متهمها فيها: ريما ... بعدين أكلمك باي ... (سكرت) خير ...
حسام تقدم وبقهر مكبوت في صوته: أنت وش متفقه معاه؟؟؟ ...
ساجده بلعت ريجها: متفقه ... مع من ؟؟؟
حسام بقهر سحب شعرها وهي تتألم وتصرخ عليه: مع الخطيب ليه جاي يقول يبي العقد بعد 3 أيام ... ها ...
ساجده وهي تصيح: والله ما أدري ما أدري ....
حسام: إلا تدرين ...
ساجده تحاول تحرر شعرها : ما أعرف شيء ... تباعد ..
حسام بعد ما ضربها وبرد علته تركها : جهزي ... العقد بعد بكرة ... (وطلع)
ساجده انفجعت وراحت عند المرايه شافت وجهها أوه الضرب باين وقلب لون بنفسجي وشعرها الطويل لنهاية الظهر كش من يد حسام ... بس ما كان لها أحد فصاحت على حالها وعلى الأخو اللي أبد ما يرحم ...
دخل عليها ولد أخوها الصغير اللي عمره 3 سنوات : عمه عـ ... (استغرب) وس فيس تسيحين؟؟؟؟؟؟ ...
ساجده تمسح دموعها: ولا شيء حبيبي ... خير مازن
مازن بطريقة الأطفال: أنا أحبك وايد ... عمه (يخفف عنها)
ساجده وقفت وابتسمت: وأنا بعد ... يا عمر عمه ...
*****************************************
في بيت ام فواز..
ام فواز رايحه جايه قلقانه من اللي عملته وفوق هذا ان مااعطى المفعول اللي تبيه..دخل فواز راجع من السهره مع اصحابه:ســـــــلام
ام فواز:وعليكم...ها بشر وش اللي صار؟؟؟؟؟
فواز بلا مبالاة:يمـــــه ...كل اللي سويتيه وناويه تسوي بعد...
ام فواز: هذا جزاتي ابي اخذ حقك من لما رفضتك..
فواز :يمه..انتي تعرفي من قبل اني ماكنت اتمنى ريما زوجه لي....وبعدين انتي صاحيه تسمميها...هذي بنت اختتتتتتتتتتك...امانتك
ام فواز وماعجبها الكلام :خذلك عاد...هالبزر جاي ينصحني...اسمممممممممممع الكلام اللي بقوله ...مو انت اللي تعلمني وش اللي اسويه ولا....
الجده وسمعة الكلام ودخلت منصدمه: سممتـــــــي ..ريما
ام فواز : اففففففففففففففففف ...هذا الكلام للعقل مو للمجانين امثالك...
الجده بقلة حيله: حسبي الله عليك من بنت...كل هذا من دلع ابوكي لك...حرااااااااااااااااااااااام اللي تسويه ...
ام فواز وترفع صوتها على امها: هـــــــــــــــي ...انتي..لاتقعدين تبربرين وتنفخي راسي ...
فواز بعصبيه وحده: يمــــــــــــــــه.... لاتقربي من ريما ... مو ناقص كلام الناس عنك...يكفي
اللي سويتيه... بلله ماتقولي لي كم وحده رحنا نخطبها ورفضوا ...تعرفي ليه... بسببك
انتي...انتي خربتي سمعتنا وصرت بنظر الكل مثلك...ولاتخافي مو معرس لان مافي وحده عاقله تبيع بنتها على عمه مثلك...(قال كلامه وطلع)
الجده: شفتي ... حتى ولدك ..بدء يعيفك....من اللي بيبقى لك؟؟؟.....(طلعت لغرفتها وهي تصيح على حال بنتها واللي وصلت له)
ام فواز جلست على كرسيها وجاتها الغبنه وفكرت ...ياربي ليه انا حقوده ...ولدي اللي هو ولدي احسن مني ...ليه مااقبل نصيحة احد...ليه...(وصاحت)
**************************
اليوم الثاني
ما داومت ساجده المدرسه وظلت في البيت وخصوصا إن حسام ما نعها من الروحه عشان ما
تشوف بنت أخو خطيبها وتوصل لها كلام مني مناك فمنعها والشيء الثاني الضرب اللي باين في وجها
ريما أول ما وصلت البيت حاولت تكلم ساجده بس ما حالفها الحض يا نايمه أو تسبح أو طالعه .... (وكله كذب)
*********************************
يوم العقد
ساجده ما راحت أي مكان وطول الوقت بغرفتها وتصيح وفي الليل دخل عليها أخوها حسام وهو ماسك الدفتر: وقعي ...
ساجده ظلت تطالع في حسام وبعدين الدفتر بنظرات خوف : ما أبي
حسام ماسك أعصابه: سجود ... خلصي لا والله ثم والله ما تعدي الليله على خير
ساجد لما حست أخوها جاد في كلامه وقعت وطول ما هي توقع حست روحها بتطلع ولما طلع أخوها زادت صياح من القهر اللي فيها ..
*********************************
في مجلس الرجال
دخل حسام مصطنع الإبتسامه وعطى الشيخ الدفتر وهو على طول بارك لأحمد : مبروك أحمد ...
أحمد بجديه: اللي يبارك فيك ....
وبدء الكل يبارك لأحمد وأما حسام كان بس يطالع أحمد بنظرات تقدر تقول عنها غيره ...
الجد: حسام ...
حسام انتبه ولف للجد: هلا ...
الجد: والولد يبي يشوف البنت ...
حسام انصدم وطالع أحمد لقاه يكلم أصدقائه ومنسجم معاهم رد: والله يا عمي خلها مره ثانيه ... البنت تعبانه ...
الجد بقلق: البنت تعبانه ... ليكون بها شيء....
الكل من كلام الجد التفت لحسام اللي تدارك الوضع: ما عليه يا عم البنت مو تعبانه مريضه لا ... بس راسها شوي ... وإذا تبوا يشوفها مو مشكله ما عندي مانع ... الحين أخليها تجهز ..
دخل حسام على ساجده اللي حاضنه دبدوبها وقال: ساجده ... قومي سوي شاي حق عريس الغفله ...
ساجده بصوت كله حزن وصياح: ما أبي ..
حسام بدون أي كلام تقدم وعلى طول سحبها من يدها: قومي ..
حاولت ساجده معاه بس ما تركها ووداها المطبخ وهي وكلت أمرها لربها وبدت تسوي الشاي ..
بعد الدقيقتين حست بحركه وراها لفت وشهقت توقفت الدقائق والثواني عن الحركة ... أنا وش اللي أشوفه ... أنا
حسام قطع: أحمد ... شفتها ؟؟؟؟...
ساجده أخيرا استوعبت وبدون مقدمات طاحت مغمى عليها
أحمد بحركه سريعه راح لها ومسكها وأما حسام ضحك بسخريه وطلع
أحمد بحنان فضيييييييييع : ساجده ... سجود ... (احتار... يبي غرشة عطر بس ... )
بعد خمس دقايق أوتعت ساجده فهدئت وطاحت دمعتها على خدها بس ما كملت مجراها كالعاده للأرض لا ... هذي المره انمسحت في خدها فتحت عينها ببطيء وظلت بس تستوعب اللي قدامها ....
أحمد بإبتسامه: كيف حالك؟؟؟؟؟؟ ...
ساجده على طول اعتدلت وبسرعه طلعت من المطبخ ووجها شاب نار وأما حسام دخل لأحمد شافه بلحاله: وينها؟؟ ...
أحمد ابتسم: قلت لها تروح ترتاح ... (وطلع)
حسام شك بالسالفه بس سكت ...
طبعا العقد كان كله رجال وأما النساء كانوا مخططين يجون بعد كم يوم ... بس أحمد سوى لهم فزيعه (البنت تعبانه لا تروحوا لها)
ريما أول ما سمعت من عمها على طول دقت على ساجده وعلى آخر رنه ردت.. فريما على طول: سلااااااااام يا عروس ... (حطت سبيكر عشان عمها)
ساجدة اللي كانت توها بتنام: وعليكم السلام ...
ريما: سمعنا إنك تعبانه...
ساجدة وهي نعسانه حدها: ريما .... بكره إتصلي ... بروح أنام ... مالي خلق أكلم أحد ...
ريما تطالع أحمد: ما عليه يا مرت عمي .... لكن الكل يسمع حتى زوووووووووووجك ...
ساجدة: ............................ (من الفشله)
أحمد ينقذ الموقف: ريموه .... أحد يتصل لأحد هالحزه ...
ريما فتحت عينها على أوسعهم: نعم ... طالع توها الساعة 11 الليل تو الناس ...
ساجده بدون رد على طول سكرت السماعة وريما انقهرت منها وتحلفت فيها
************************************************** *
بعد أسبوع
قال حسام لأحمد يجي للبيت معزوم على غدى وطبعا صارت السالفة مفاجأة لساجدة ...
ساجده بصدمه: لاااااااااا .... حراااااام ...
مرت حسام شجون: هذا اللي قال لي إياه ...
ساجدة تأشر على ملابسها: بالله كيف أدخل وأنا ... طالعي شكلي وريحتي طباخ و ...
شجون: إنت الحين بسرعة روحي سبحي وجهزي وأنا بكمل شغل الغدى بسرعة
دخل حسام: ها ما ... (طالع أخته) ناويه يطلقك على هالشكل
ساجده انقهرت من كلامه ومشت لغرفتها تجهز
*************************************
في مجلس الرجال
أحمد جالس ويطالع كل زاويه بالبيت زين مو قايم ولا طايح ... وفيه لمسات نعومه واضحة ... قطع عليه: مرحبا ...
أحمد طالع البنوته الصغيرة: هلا ... كيف حالك ماما ...
البنت بنعومة وبراءة الأطفال: زينه ... أنت منو؟؟؟؟
أحمد ابتسم: إسمي أحمد ...
البنت بصدمه: أحمد ... (وتغيرت تعابير وجهها) أي أحمد ؟؟؟
أحمد ضحك لأنه أول شيء فكر عرفته بس عرف إنها ما تعرفه رد: إنت من؟؟؟؟ ...
البنت: أسمي رغد
أحمد بحنيه: هلا برغد ... وش هالحلاه ...
رغد بخجل: شكرا ... الكل يقول أنا حلوه بس سجود أحلى مني بوايد ...
(وبحركه بريئة وعفويه) ما شفتها وش لابسه اليوم ... تجنن ... تبي تعرف وش كانت لابسه ... (وبدون ما يرد كملت) كانت لابسه تنوره تحت الركبة لهني ... (أشرت) مع بوت أسود حركاااااااااااااااات (أحمد مات ضحك) وحاطه لها مرطب ... قلت لها حطي لي ما رضت تقول بس للكبار بس ما عليه ماما تحط لي .. أما بابا يقول أنت أحلى من عميمه ساجده
(تسوي حالها تساسر أحمد) ما عليك منه كذاب أبوي ... أعرفه ...
أحمد دمع من الضحك على دخلت ساجده اللي ظلت تطالع في رغد
أحمد رفع عينه وانتبه وقف وهو منبهر بساجدة وفي قلبه يا رغد إنت ما وصفتي شيء ...
ساجده بخجل: سلااام ...
أحمد: وعليكم السلام ... كيف حالك ساجده ؟؟؟
ساجده تطالع بنت أخوها: الحمد لله ...
رغد تسحب ثوب أحمد: أحمد... وش رايك مو حليوه؟؟؟؟ ...
ساجده انحرجت وأحمد سحب خد رغد: وش رايك انتي؟؟؟ ...
رغد تطالع عمتها: عمه... قلت لأحمد إنك حليوه ... (ولفت له) تعرف ذاك اليوم دخلت عليها وهي تبدل وشفتها لابسه ...
ساجده بسرعة: رغد ... (من وين طلع الصوت)
رغد تلف لعمتها وأحمد معاها وهي قلبت ألوان ونزلت راسها للأرض ونفسها تاخذ رغد وتدوس ببطنها ... الغبية..
أحمد فهم الحركة وسكت وأما رغد: أسمع أكمل ... كانت لابسه ...
ساجده وقفت: رغد ... تعالي معاي ..
رغد: لحظه شوي ... اسمع أحمد وكا ...
ساجده مقاطعه: رغد ... والنهاية ...
أحمد حس إنها انحرجت منه كثير فقال: رغد روحي لعميمه شوفي وش تبي ...
رغد قامت: أنا بطلع بس مو لها ... لأمي ... بااااااااي ... (وحبته في خده وطلعت)
أحمد حط يده على مكان حبت رغد وهو مبتسم (البنت هداره ... وفضيحه ... وحليوه ...)
ساجده توها بتطلع: وين؟؟ ....
ساجده بدون ما تلف: راجعه .... (وطلعت على طول للمطبخ)
شجون لحقي علي بمووووت ...
شجون ابتسمت : شفيك؟؟؟؟؟ ...
ساجده بعصبيه خفيفه: بنتك الفضيحه ... كانت بتقول له دخلت علي ذاك اليوم وأنا أبدل ولا بعد بتقول له وش اللي شافته (جلست على الكرسي) والله وجهي إحترق ... أحس مو قادرة بموووووت إحراج ...
شجون ماتت ضحك وجلست جنبها: حلفي قالت له كذا .... حمااااااااااااس
ساجده على طول خذت علبة المناديل وعلى مرت أخوها وقامت: مالت على اللي يكلمك ... (طلعت)
أحمد ظل ينتظر جات نصف ساعة وما أحد معاه استغرب كل هذا إحراج شوي دخلت ساجده وأول ما طالع فيها ذكرت رغد وكلامها وقلبت ألوان ...
أحمد: إلا رغد كم عمرها؟؟ ...
ساجده: 5 سنوات ...
أحمد: ما شاء الله عليها ... عطيتها أكبر من عمرها ...
ساجده: لا هي هداره ... (عفويه قالتها وبعدين سكتت)
أحمد شوي ويضحك على ساجده وقال: جاهزه للإمتحانات وإلا ...
ساجده وكأنها تذكرت: يووووووو ...
أحمد: وشووووو
ساجده انتبهت له: لا ولا شيء ...
أحمد ضحك عليها: المهم ... يوم الخميس بنروح الشاليه ... وأبوي وأمي يبغوك تروحي ... العزيمة منهم قبل ما تكون مني .... وطبعا بنااام هناك
ساجده: إيش ... ننام ..
أحمد: أي .. ننام ... وبعدين الشاليه مو هنا بعيد شوي ... يعني يحتاج له وقت
ساجده بحيرة: ما أدري ... أشوف أخوي..
أحمد: عادي أكلمه ...
ساجده: لا عادي ... بكلمه أنا ... (وبتردد ) ريما بتروح ؟؟
أحمد ابتسم: لا تخافي ... هذي اللزقه فكل مكان .. الله يعين ريلها عليها ...
دق جواله وقال: الطيب عند ذكره ...
ساجده ماتت ضحك وهو رفعاه: هلا ريامي ... (حطاه سبيكر)
ريما بقهر وبصراخ: حمدوه ... يالنحيس .. رايح لصديقتي ولا تقول عندك بنت أخو ... عزيزه غاليه تاخذها لصديقتها مو الشره عليك الشره علي اللي عرفتك بها مالت عليك ...
(وسكرت الجوال بوجهه)
ساجده ما تحملت ودمعت من الضحك:ههههههههههههههههههههههههه
وأما أحمد ابتسم: أي وش عليك زوجك يتهزأ وأنت تضحكي ...
ساجده بعد مده: والله ريما فلته ...
أحمد: طالعه علي ... (غمز لها)
ساجده بعد ولعت من حركته ....
*********************************************
في جناح جاسم وريما
كانت ريما زعلانه من جاسم ليه يدافع عن عمه أحمد ...
جاسم يحاول يراضيها: يالله ريما ... بلييييييييز
ريما حاقره وتقرأ الروايه وهي منبطحه على السرير
جاسم بحنان: ريامي ... أهون عليك ...
ريما: .........................
جاسم على طول دلدغها وهي ماتت ضحك ولما تركها قلبت وجهها: أحسن لك أعقل ...
جاسم ابتسم لأن ما يناسبها تسوي حالها جديه: إيش ...
ريما سكرت الكتاب وعلى طول اعتدلت وقامت لتسريحه حطت الكتاب وعدلت شعرها ورجعت على السرير طفت الأبجورة عشان تنام ...
جاسم يتغطى: الله أنا أحب النوم واااااايد ... (نغزه)
ريما: ..................... (حاقره)
جاسم اعتدل وشغل الأبجوره: ريما ... والنهايه ...
ريما: ..................
جاسم يقرب ويشوفها: طالع ... نامت ... مالت علي اللي أراضيها
********************************************
يوم الخميس
الكل راح الشاليه من الصباح الساعة 8 وأخذوا معاهم عفش حق يومين ...
الكل توزع في السيارات الجد والجدة مع أحمد وجاسم مع ريما وساجدة بسيارة وأبو جاسم وأم جاسم مع مهدي بسيارة والبقية مع السواقين ...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك