رواية ما ادري القاها من جرح القرايب والا عذاب الاحباب -42
تتسبب لها مضاعفات لان الضربات حصلت بعضها بقصد متعمد على البطن ويوم شفنا الضربات ماتوقعنا
الجنين يبقى ببطن الام وفوق هذا كله خفنا يحصل نزيف لاسمح الله بالرحم لان فيه حالات كثيره مشابهه
يتعرض الرحم للاذى الشديد ونضطر نستاصل الرحم للمحافظة على الام لكن الحمد لله عدت على خير
فيصل : الله يبشرك بالخير يادكتوره
الدكتوره : الان اهم شي هو الراحه النفسية والجسدية للمريضه هي المفروض تتنوم عندنا لكن
يمكن بقائها بالمستشفى يؤثر على حالتها النفسيه بالذات وهي حامل يعني نفسيتها اصلا سيئة من
اللي صار وزاد عليها الحمل مااقول الا الله يعينها اما الحين انا بستاذن عندي حالات لازم اتابعها
هدى : الله معك يادكتوره
اول ماراحت الدكتوره
فيصل : يمى انا بروح وشوي امرك
هدى : وين يافيصل؟
فيصل : عندي امور لازم انهيهاااا بمر البيت واخلص مشوااري وارجع لك
هدى : فيصل لاتتعرض لااحمد
فيصل : يمى لاتطلبيني هذا الطلب وبعدين لاتخافين ماراح يموت بيدي
هدى : الله يستر منك بس
فيصل : يلا سلام
هدى : الله يستر عليك
عند سيف بالبيت
سيف : زارتنا البركة ياسلطان
سلطان : مشكور ياسيف انا مو بصراحة مو بجاي زيارة وبس
سيف : اجل وش السبب اللي خلاك تجي
سلطان : أحمد
سيف باهتمام : ولدي احمد ؟ وش فيه أحمد ؟
سلطان : صارت اختلاسات بالشركة عن طريقة
سيف بصدمة : ايش اختلاسات ؟
سلطان : ايه ياسيف هذا لاني من البداية قلت ياسيف المالية مايصلح لولدك مايصلح وانت
مصر وتقول الا يصلح ونص وولدي قدها وقدود
سيف : سلطان الله يخليك شوي شوي عليه انا الى الان الامور ملخبطة براسي
سلطان : شوف ياسيف انا من باب القرابه جيت لحدك هنا ولدك أحمد اختلس وانا مستحيل ارميه
بالسجن لكن أحمد بقائة بالشركة يعني خطر علينا يعني مزيد من الاخطااء يعني مزيد من الاختلاسات
يعني المزيد من الخساره
سيف بخوف على احمد : طيب وش ناوي تسوي ؟
سلطان : ولا شي بس ابيه يبتعد عن الشركة وبس
سيف : بس يعني
سلطان : سيف احمد اختلس مايقارب اربع مائة الف ريال يعني مستحيل يظل اكثر من كذاا بالشركة
وانت عندك واحد من خيارين يترك الشركة او القسم
سيف : سلطان انت من قلبك تقول هالكلام ؟
سلطان : سيف انت تعرفني اسويها وقبل سويتها في نااس اقرب لي من ولدك ماتبيني اسويها بولدك
سيف : سلطان انا ماصدقت أحمد يحصل وظيفة يتاقلم معها وانت يكب سهوله تقول يتركها ؟
سلطان : اعجبته لانه اختلس ياسيف
سيف : سلطان كفايه غلط على أحمد
سلطان : سيف اعرف حدودك وانا ماضربت ولدك على يده سواء اختلس او احد ضحك عليه الذنب ذنبه
سيف : خلاص طيب يصير خير انا اتفاهم معه
سلطان : بكره لايداوم
سيف : من بكره ؟
سلطان : ايه
سيف : طيب بكلمه
بعد عشره ايام
عند يوسف يكلم مازن
يوسف : مازن انا ابي اتخلص من اللي انا فيه انت ماتعرف مقدار العذاب اللي اعانيه
مازن : اصبر يايوسف اصبر
يوسف : وش عاد يصبرني انا عشت مايقارب اسبوعين تقريبا او اقل حتى وكانها سنه ماتمر
ساعه الا حياتي في خطر اكبر امروني ادخل بجرائم قتل وتخريب وصلت فيهم يامروني بالقتل
بدون سبب انا مو قادر اتحمل هذي العيشه
مازن : يوسف اصبر انا اخذت اوامر من الاستخبارات عندك وهم الان يراقبونكم والفضل بعد
الله يعود لك وانت لك الضوء الاخضر في القتل والتخريب هم لهم قاعده لازم من التضحيات
ببعض الاشخاص لحماية اشخااص اكثر وان شاء الله بأقرب فرصه واحد من الاسختبارات راح يكلمك
يوسف : لايكلمني انا مرااقب داائما انا مو قادر اكلمك الا الحين بغيابهم
مازن : خلاص انت اصبر بنشوف لك حل يخفف شوي عنك
يوسف : والله مادري يخفف عني ولا يزيدني
مازن : لا ولايهمك مايصير الا اللي يرضيك
يوسف : خير ان شاء الله في امان الله
مازن : بامان الله
عند جون مع احد مساعديه
مساعده : ماذا قررت بيوسف سيدي ؟
جون : كل شي يمشي بحسب ماترتب
المساعد : هل يوسف يرضى بجميع مانأمره به ؟
جون : لا ولكن سوف يأخذ على هذا الوضع ويرضى بالقريب العاجل ولكنه ينفذ جميع مااقوله له
المساعد : لماذا كل ذلك ؟
جون : اريد ان يتعمق يوسف معنا هنا وتعرفه عصاباتنا ويسافر هناك وهو معروف في هذا المكان
المساعد : قد يقتلوه
جون : ان لم يكن بمقام الحمل اللي كلفناه به فالموت افضل له
المساعد : هل انت واثق بيوسف؟
جون : وااثق ؟ لا طبعا انا لااثق بك ايضا ولا اثق بأحد ابدا ولكن يوسف اوقات أشعر بالخوف تجاه
ذكاائه لابد ان اجعل له اشخاص يراقبونه
المساعد : ولكن يوسف مراقب
جون : صحيح ولكن اريد مراقبه داخل وخارج المنزل مراقب دائما له وانا وجدت احد الجنسيات العربيه
المساعد : ولكن ماذا لو غدر واتفق مع يوسف ؟
جون : لااظن ذلك فهو يبيع اهله مقابل الماال قبل فتره عرض عليه ان يغير ديانته لغير الاسلام
بحث هنا وهناك ووجد في انضمامه لليهود وللكنيسه سوف يحصل على مبالغ ماديه فترك الاسلام وانضم لليهود
المساعد : وهل يرضى يوسف بذلك ؟
جون : نعم حتى لو ارغمته على ذلك واكثر من ذلك سوف اوظف عنده خادمة بالمنزل
المساعد : سوف تحاصره اجل
جون : نعم سوف احاصره بالداخل والخارج لان يوسف سوف يقوم بااكبر عملياتنا ببلده
يتبع
بمكتب نواف مع احد الموظفين المقربين له بالشركة ؟
الموظف : اقول استاذ نواف
نواف : هلا فيه شي ؟
الموظف : بصراحه ماني عارف من وين ابدا
نواف : قول تكلم
الموظف : بصراحه انا يوصلني بعض الكلام عنك
نواف باستغراب : كلام ايش ؟
الموظف : كلام مايليق فيك
نواف : وضح اكثر
الموظف : يعني كلام ينزل من هيبتك يااستاذ نواف
نواف : هيبتي مرفوعه دايم بس من مطلع الكلام ؟؟
الموظف : بصراحه مادري
نواف : طيب وين مصدر الاشاعه والكلام هذا ؟
الموظف : الى الان مادري بس انا اتاكد واقول لك عن كل شي
نواف : اسمعني ترى مثل هالكلام لازم نعرف من يطلعه ويتكلم فيه مفهوم ؟
الموظف : ان شاء الله
نواف : ابيك تشوف صاحب الكلام وصاحب الاشاعه
الموظف : ان شاء الله يااستاذ نواف
بمكتب اخر بنفس الشركة
بااحد المكاتب النسائيه
الموظفه : معقوله الاستااذ نواف يطلع بهذي الصوره
نور : واكثر
الموظفة : بس هو زوجك
نور : زوجي ويمشي مثل ماابي
الموظفه : بس انتي ماعتقد الاستاذ نواف يخليك تحتااجي شي
نور : انا طفشت من البيت قلت بتسلى بالشركة ونواف مثل الخاتم باصباعي مايقول لي شي
موظفة ثانيه : اقول بس لايكون هذا كلام من عندك ونواف لازوجك ولا شي
نور : ههههههه لا حبيبتي زوجي ويموت على التراب اللي امشي عليه تبي اجب لك امر فصل حتى تتأكدي ؟
...... : لالا وش امر فصل انتي ماصدقتي خبر بس يعني للدرجة هذي يسمع كلامك ويحبك ؟
نور : صدقيني نواف هذا اللي شايفينه برزته قدامي ضعيف واضعف من نمله
الموظفة : نقطة ضعف اقوى رجل هي المرأه
نور : هههههههه في هذي صدقتي
الموظفة : بيطلع مثل جديد
نور : وش هو ؟
الموظفه : وراء كل رجل ضعيف امراه هههههههه
نور : هههههه ايه وهو مثل الكلب المطيع معي
ببيت سيف
سيف : أحمد وين ماشوفك من كم يوم ؟
أحمد : بالدنيا يبا
سيف : وليه مقفل جوالاتك ؟
أحمد : حرام اخذ فترة نقاهه يعني ؟
سيف : خلاص لاتداوم بالشركة
أحمد : وليه يعني هالقرار المفاجئ ؟
سيف : ماتعرف مصيبتك اللي سويتها
احمد : مهما كان حجمها مو اكبر من حجم المصيبة اللي فوق راسي
سيف : انت موقع على اوراق تدينك بالاختلاس
احمد باستغراب : ايش انا ؟
سيف : ايه انت يااحمد
احمد : وانا ليه اختلس انا مو في حاجة الفلوس
سيف : كل الحراميه الكبار مو بحاجة الفلوس
احمد : يبا يعني انت مصدق الكلام هذا فيني ؟
سيف : بس الاوراق تدينك انت يااحمد
احمد : يبا انت ماوضعتني بهذا المكان الا لانك عارف اني ماسويها
سيف : سويتها وانتهى الموضوع
احمد : يبا لاتجنني ترى اللي فيني كافيني وش الل سويتها وماسويتها
سيف : احمد الاوراق مع سلطان لو يقدمها للشرطة بيقبضون عليك
احمد : القانون لعبه يقبضون عليه
سيف : احمد هي امر من اثنين
احمد : وش هي ؟
سيف : انه انت مختلس صحيح
احمد : يبا الله يخليك لاتقول الكلمه هذي مره ثانيه
سيف : او انه سلطان ضحك عليك ووقعك على اوراق مانت بعارف عنها شي
احمد سكت شوي وفكر وتذكر لما طلبه سلطان يوقع اوراق
احمد : اجل الامر الثاني يبا
سيف : وانت كيف توقع على اوراق ماتعرفها ؟
احمد تنهد وقال : بعد سالفة غلا يبا طلبني ووقعت بدون مادري عن اللي بين الاوراق
سيف : تقولها بهل بساطه
احمد : كيف تبيني اقولها يعني اقولها وانا ابكي
سيف : هذا هو سلطان ماعنده الا واحد من حلين يايتخلص منك بسجن او بغيره
احمد : ياتوقف بصفه صح يبا ؟
سيف : حتى اللي يوقف بصفة مايدوم فتره من الزمن ويتخلص منه
احمد : افهم من كلامك انه بيتخلص منكم ؟
سيف : الله يستر بس انا وضعتك بقسم الماليه ابي عينك عليه ماعرفت انه بيمسك هالغلطة عليك
احمد : سامحني يبا بعد اللي صار ماصرت مركز زين
سيف : من زمان انا بقوتي واقدر اتابع سلطان بكل صغيره وكبيره بس الحين انا مو مثل اول
ياخوفي يصفيني سلطان مثل ماصفا غيري انا وضعتك بهذا المكان حتى تعوض تقصيري
احمد : ان شاء الله مابيصير شي يبا
سيف : لا بيصير يااحمد بيصير وبتشوف وبتقول ابوي قال .. هذا سلطان يااحمد مايسوي شي الا ليوصل
لهدف اكبر من الشي اللي يسويه
احمد : وانت راضي بالشي هذا .؟
سيف : بننتظر وبنشوف وش اللي بيصير وبحاول بكل قوتي مايهزمني سلطان ويصفيني بس بكل الاحوال
مو هذي السالفه اللي بغيتك فيها
احمد باستغراب : اجل وش تبي يبا ؟
سيف : ابيك تتزوج
احمد بعصبية : مستحيل يبا
سيف بعصبية اكبر : احمد تركتك المره الاولى تختار المره الثانيه انا اللي بختاار
احمد : يبا انا ماافكر بالزواج
سيف : احمد بتتزوج غصب عليك فاهم اذا انت ماتبي تشوف عيالك انا بشوفهم غلا سوت اللي سوته
وانتهى امرها وراحت بحال سبيلها
احمد اول ماسمع طاريها ثارت كل الشياطين بوجهه : ماراح اتركها بهذي السهوله بعد ماسوت اللي سوته
سيف : مو بكيفك غصب عليك انا ابي ازوجك
احمد : ومن تعيسة الحظ هذي ؟
سيف : هنا اللي كانت زوجة اخوك واام عيال اخوك
سكت احمد مو عارف وش يقول ولا وش يرد
سيف : معك لبكره تفكر مو بالموافقه او لا بس تفكر كيف تحسبها صح بهذا الزواج وتفكر بترتيباته
احمد : يبا كله الا هذي اعفيني من هذا الامر الله يخليك
سيف : كله الا هذا الامر يااحمد مستحيل اعفيك منه انا عفيت المره الاولى وخليتك تتزوج غلا وانا
مو راضي عن عرسك الاول لكن الحين بتسمع كلمتي بالطيب او بالقوه
احمد نزل راسه بالارض وسكت شوي بعدين قال بيأس : يبا موافق اتزوج بس الا هنا الا هي
سيف : مافي غيرها انا مابي عيال اخوك يتربون قدام عيوني مابيهم يتربون بعيد
احمد : بس يبا
سيف : احمد احسبها براسك صح ورد عليه بااقرب فرصه مابي اسمع كلمة لا او مو موافق
احمد : يبا والله ظلم ماجد يغلط وانا اتحمل غلطه
سيف : احمد انتهى النقاااش
احمد : ان شاء الله يبا واللي تبيه بنفذه انا مالي كلمة على كلمتك
سيف : ايه هذا ولدي احمد اللي اعرفه وبعدين هذي احسن طريقة ترد فيها على اللي وصلك لهذي الحالة
عند سلطان بالبيت
سلطان : خلاص قرب وقت التصفية ماباقي الا القليل ويروحون من طريقي مثل المسبحة اذا انقطع خيطهاا
خالد : افهم من كلامك بديت تتحرك
سلطان : بس ياولد انا من زمان متحرك لكن انتظر الفرصة المناسبة والحين ابتدت اول خطوة
خالد : وش سويت ؟
سلطان : انا بقول وش سويت مو اتفاخر ابيك تتعلم من السياسة اللي اتبعها
خالد : قول انا اسمعك يمكن عندي سياسة اقوى من سياستك
سلطان : تكون اقوى حلو لكن انتبه لاتكون اضعف وابيك تعرف شي واحد ان اللي معي كلهم ثعابين
خالد : ايواا
سلطان : والثعبان ترمي له طعم ياكله وفي فتره الهضم الثعبان يكون متخدر ووقتها تقدر تهجم على
الثعبان وتذبحه بدون مايصدر اي مقاومه
خالد : حلوه فكرتك بس انا الى الان ماعرفت وش سويت وش الطعم اللي تقدمه
سلطان : الطعم احيان تقدم فريسه لعدوك تخليه يستمتع اول مايشوفها قدامه واحيان تخلق له مشااكل
تخليه يتوه فيها ومو منتبه لك
خالد : طيب قول عن اعمالك ومنكم نستفيد يبا
سلطان : اول شي ابعدت احمد من الشركة وتسببت بمشاكل بعائلة سيف
خالد : ههههههه ونعم الاب وش ثاني ؟
سلطان : صنعت لهم مشاكل مع فيصل وبكذا بالفتره هذي فيصل اللي ينتظر مني زلة بيكون مشغول بمشاكله
خالد : بس فيصل مو قادر يسوي شي
سلطان : للاحتياط اما محمد اللي فيه كفاايه مايحتاج شي مني اما سعود بخليه يدهور عن طريق بنته
الباقين مالهم بشغل الشركات بسلمهم قرشين وينتهي موضوعهم
خالد : تفكير سليم لكن ظنك بينتهون بهذا الشكل ؟
سلطان : لا طبعا هذي تعتبر حرب فيها فوز وفيها خسااره وانا لازم فيه بعض التضحيات اللي بقدمها
خالد : والتضحيات هذي فلوس ؟
سلطان : هذا انت بديت تفهمني اكيد فلوس وفلوس مو قليله عشان كذا اذا بديت بااول تصفية لازم
اهدي اللعب بالسوق شوي والعب بالسوق بحذر لاني بكون خسرت سيوله كثيره شوي
خالد : عاد تدري يبا خطتك تعجبني
سلطان : خليك عليها وتكون كسبان
ببيت سعود
سعود : الهنوف اختك وش فيها لها كم يوم مو على بعضها ؟
الهنوف : والله مادري هذا هي جات اسألها
ليلى : خير تحشون فيني
سعود : هههههه لا هو احد يتجرا يسويها
ليلى : اجل وش صاير ؟
سعود : قلت لااختك انك مو على بعضك اليومين اللي راحت
ليلى : من الصداع يبا
سعود : وليه ماتروحي مستشفى ؟
ليلى : يبا نظري ناقص شوي ويحتاج لي نظارة او عدسات اكيد الصداع منه
الهنوف : ومن متى الصداع ؟
ليلى : والله مو عارفه بس من بتره كذا يجيني بس الحين باستمرار
سعود : طيب طلعي نظارة او اللي تبين بس يروح الصداع
ليلى : ان شاء الله يبا
سعود : ليلى اليوم باخذك ونطلع لك نظارة
ليلى : اللي تشوفه يبا
الهنوف : يبا عشان ترتاح اكشف مره وحده على راسها بس لنتأكد
ليلى : مايحتاااج صدقيني بس بسبب النظارة
سعود : ان شاء الله بس يكون هذا السبب
بالبيت عند هدى وفيصل وغلا
هدى : اشوف القمر اليوم طالعه من غرفتها
غلا بابتسامة تخفي وراها الامها : هو فيه احد يعرف انكم هنا ويتجرا مايشوفكم
فيصل : ايوه ايوه اصرفي علينا بهل كلمتين الحلوين
غلا : الله يعني انا اصرف عليكم
هدى : ايه يمى اتركي عنك الحزن اللي ماتطلعين منه من اول ماصار اللي صار
اختفت ابتسامة غلا على طول ووقفت مكانها مو قادره تقول شي بالذات اول ماسمعت طاري اللي صار
لها قبل من احمد
فيصل : يمى وقت الكلام الله يهديك
هدى : يمى واله مو قصدي اخرب عليها
غلا : ماعليه يما صار خير
تقدمت غلا تبي تبين انه حتى لكلام بالموضوع مايهمها او على الاقل مايخليها ضعيفة قدامهم
سمعوا صوت جرس الباب يدق وفتحت الشغاله
الشغاله : بابا فيصل فيه نفر يقول كلم بابا
هدى : من يعني بيكون ؟
فيصل : مادري اشوفه واجي لكم
قام فيصل متوجه للباب واول مافتح الباب تفاجا من اللي كان عند الباب
فيصل : هذا انت ولك وجه تجي لهنا
أحمد مد الورقه عليه وطالع احمد بتكبر واضح : انا جايب ورقتها بنفسي لها
فيصل : ماكفاك اللي سويته
احمد : انا طلقتها وثبت هذا بالمحكمه وجيت اقدم ورقتها بنفسي وحاليا طلقتها طلقة وحده
ابي كل مامسكت براسي اطلقها طلقه لحد ماتنتهي الثلاثه يمكن يرد شوي من كرامتي
فيصل واقف قدامه مو مصدق اللي يسمعه يحس بداخله يتقطع من القهر
احمد سلمه الورقة وخرج وفيصل مثل ماهو بمكانه واقف
بعد شوي خرج فيصل وركب سيارته اللي كانت بمواقف الفله اللي ساكنينها واحمد متوجه لسيارته لبرا
لانه مادخل سيارته بداخل اسوار الفله
ركب سيارته فيصل وتوجه بالسياره لااحمد اللي تفاجا من تصرف فيصل
توجهت سيارة فيصل بسرعه لااحمد وضربته من فوق ركبته بشووي وطااح من قوة الصدمه وتقلب
وصار يتاوه من الام صدمة السياره
نزل فيصل من السياره وهو كله غضب على احمد مسكه من ثوبه وركبه السياره
احمد وسط الامه يتكلم : اااااااااااااه وين ماخذني ؟
فيصل : اداويك ماتبي علاج
احمد : مابي علاج منك اتركني بحااالي كسرت رجلي اللي يكسر كل عظمة بجسمك
فيصل زاد السرعه وبقهر : اسكت والله لاخليك تندم على كل شي سويته
لف فيه برا شوي بس ورجعه لملحق الفله
سحبه من السياره سحب لحد مادخله الملحق
اول مادخله سكر الباب بعده ورما احمد بعنف على الارض واحمد يتاوه بوسط الامه
احمد : اااه رجلي اكيد مكسووره يامجنون اتركني
فيصل : هذا انت قلتها مجنوووون
فيصل ضرب احمد كف قوووي
احمد : ااااه تتقوى عليه لاني ضعيف مو بكاامل صحتي
فيصل : ايوا
احمد : هذا يدل على انك مو رجال
فيصل وصلت معه : ياحيووان مو انت اللي تحكم انا رجال او لا انا على الاقل لو ضربت احد ضربت واحد
رجال قدامي حتى لو كان تصرفه صبياني ومو تصرف رجل لكن انت وش سويت ها ؟ ضربت حرمه انا اصلا
متعمد اضربك وانت بهذي الحالة تعرف ليه ؟
سكت شوي وعيون احمد اللي يتالم وهو طايح بالارض ماتفارق عيون فيصل
فيصل : انا ضربتك عشان اعرفك حجم اللي سويته حضرتك انت ضعيف الان وانا ضربتك لكن انت ضربت بنت
كانت اضعف من حالتك هذي
احمد بعصبية : بس اختك خاااينه
فيصل : بعصبية اسكت ياكلب
احمد : لامابسكت اختك نامت مع غيري والله اعلم بمقداار
سكت لما فيصل وصلت معه وضرب ركبة احمد برجووله
وهذي الضربة اللي خلت احمد يصرخ بصووته كله
فيصل : اصرخ اصرخ ترى هذا ولا شي مع اللي سويته انا امنتك اختي وانت بكل وقاحة تطعنها بشرفها
جاب عقال فيصل وعينه بعين أحمد
انت ضربتها واستلذيت بضرب غلا لكن انا الحين مابترك مكان بجسمك بدون ماخلي فيه ضربه
أحمد وهو يتألم : انت على ايش ناوي ؟
فيصل : ناوي اخليك تتمنى الموت وماتشوفه بعيونك
أحمد بالامه ابتسم ابتسامة استهزاء : وانت على بالك انا ماتمنى الموت ؟
فيصل : لو تتمنى الموت الان هذا شي داخلي بعواطفك ومشاعرك لكن انا ابي شي خارجي ابي سبب اشوفه
بعيوني انت خليت غلا تتمنى الموت مره وانا بخليك تتمناه الف مره
احمد : اقتلني اجل
فيصل : انا مو مجرم
احمد : هذا كله ومو مجرم ؟
فيصل : الدم بالدم يااحمد
احمد : افرض انا فهمت غلط او انه احد ضحك عليه في موضوع اختك
فيصل عصب : اسكت احسن لك يااحمد
احمد كمل جملته : بدل ماتدور عن اللي تسبب بكل هذا جاي تحاسبني روح اثبت برائتها لو كلامك صحيح
فيصل : اولا انا واثق من اختي مايحتاج اتأكد وثانيا انا لو بغيت اسعى ورا اللي تسبب لكل هذا مو
لسواد عيونك او لاني ابي اثبت برائة غلا قدامك لا يااحمد غلا فوق كل اعتبار انا واثق من اختي
لدرجة ماتخليني اصدق فيها كل هذا مهما صار غلا برائتها وطهارتها اكبر من اي شك واكبر من اي شي بالدنيا
اللي صار لغلا شي محبووك تمااام لو يمر على اي شخص بالدنيا راح يصدق الا الشخص اللي يعرف غلا زين
راح يعرف انه غلا بريئه مهما طلعوا عليها من كلام لكن بقول شي واحد بس اذا انت شكيت بشخص ببرائة
وعفوية وباخلاق غلا تأكد تماما راح تعيش طول عمرك بشك لان اخلاق غلا مايشك فيها الا شخص مريض نفسي
وبقول لك شي اخير لو مرت الايام وعرفت انه غلا بريئه من اللي صار ابيك تعرف شي واحد بس غلا ماراح
تسامحك تعرف ليه ؟ لانك ولا جا ببالك واحد بالمية تسامحها ماكتفيت انت تعاقبها خليت الكل يعاقبها
يعني انت مثل اللي مايرحم ابد ولا تبي غيرك يرحم لكن الله ارحم فيها من كل النااس
بعدها سحبه فيصل ورماه برا الفله
فيصل : اتصل على احد يسعفك لو حنيت على غلا شوي بس كان اسعفتك لكن حتى الاسعاف حرام فيك
بعدها سكر فيصل الباب وأحمد ظل برا
أحمد : ااااه مو قادر اتحرررك ليه سويت كذا يافيصل ماتوقعت يصير فيني كل هذا من ورا فيصل بس انا
بعد ماتوقعت يصير اللي صار لغلا من تحت راسي بس انا بنجن ياترى كلام فيصل بغلا صحيح او لا بس حملها
صاير قبل زواجنا والتحاليل صارت اكثر من مره وش سويت بحالي انا انا كيف وصلت لهذي الحالة ياترى
لو غلا بريئة من له مصلحة يسوي فيها اللي سواه وياترى بتسامحني وقتها او لا اااه ياغلا والله مادري
اللي سويته صح او غلط
عند يوسف وجون بسيارة جون واللي يقود السياره هو السائق الخاص بجون
جون : يوسف
يوسف : نعم مستر جون ؟
جون : تلقينا اخباااريه من مصادرنا قبل قليل بان هناك من سوف يهاجمنا ؟
يوسف : متى ؟
انتهى يوسف من كلامه وسمعوا على طول صوت طلقات نارية
يوسف : اووه جوون لقد فات الاواان للتنبيه
زاد اطلاق الناار واصاب السياره اللي فيها جون ويوسف وبعض الطلقات اصابة السواق
جون ويوسف نزلوا راسهم اسفل عن الطلقات
يوسف مالعمل جون اتصل بالدعم
جون : لافائدة يجب ان نقاتل
يوسف : يجب ان نهرب
جون : لقد قتل الساائق الا ترى
يوسف : سوف اكون انا السائق
جون : هل جننبت الا ترى السائق مقتول بمكانه لاتستطيع ان نستبدل الاماكنه وسط كل هذه الطلقات
يوسف : اذا ؟
جون : نبحث عن طريقة للقتال
فتح الباب يوسف شوي وهو ماسك المسدس بيده وبدا بتوجيه الطلقات على مصدر العدو اللي يهاجمهم
يوسف : لابد ان أأمن الحماية من هذه الجهه بالشكل المطلوب لكي تستطيع النزول من هنا
جون : حسنا
بدا يطلق يوسف اكثر من رصاصه من مسدسه بشكل مستمر وسريع
يوسف : جوون هيا اذهب
جون : حسنا
نزل جوون من السياره بحذر وسط طلقات المسدس وتأمين طريق النزول من السياره بواسطة يوسف
كان جون يبي ينزل من السياره ويحتمي بجداار وبعدها بيهرب مع يوسف وسط طلقات يوسف فجاه
انتهت رصاصات يوسف اللي بالمسدس وجون الى الان ماوصل للمنطقه الامنه اللي هي خلف الجداار
يوسف بصوت عاااالي : جووون انتبه
التفت جون لشخص من المهاجمين موجه المسدس ناحييته جون غمض عيونه ينظر الطلقات تسكن بجسمه
لكن بااخر لحظة رمى نفسه يوسف بسرعه وابعد جون وبنفس الوقت غطاه بجسمه مع صدور طلقة نارية
من المسدس الاخر
يوسف مع القفزة وهو ماسك جون يبي يبعده عن طلقة المسدس نجح في هذا لكن بااخر لحظة حس
بالطلقة بدل ماتكون بجون صارت فيه
يوسف : اااااااااااااااااااااه
هنا بنتهي بكم البارت 30 وان شاء الله بحاول اغلق من البارت 31 اليوم وبينزل
تحيااااااااتي للجميع
اليكم البارت 31
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك