رواية ما ادري القاها من جرح القرايب والا عذاب الاحباب -48
الكل بانت عليهم علامات الاستغراب اول مره يسمعون انه فيصل له توأم ماكان
يعرف الشي هذا الا الكباار فقط
هدى كملت كلامها : اعرف مستغربين بس يمكن هذا الشي يجرح هدى الان بس بنفس
الوقت عشان نكون صريحين خبرتكم بالشي هذا ماراح اتكلم عنها كثير واتوقع
كلكم تعرفون انه هدى دخلت السجن
بدا الحزن يبان على هدى بعد ماشافت نظراتهم لها وفيصل تنتقل نظراته بين
كل العيون الموجهه لامه بيشوف العين اللي تطالعها بحزن والعين اللي تطالعها
بشفقه والعين اللي تطالعها باستصغار
وضحى : انا شخصيا متأكده انه التهمه اللي ضد هدى هي بريئه منها وانا ماراح
اطالبكم تصدقوني وبنفس الوقت ماراح اتكلم واقول هي بريئه برائتها هذا
امر خااص فيني ويعتبر تصديقي لها شي شخصي قرار برائتها من عدمه بتركه انا لكم
تتعرفون عليهاا ووقتها بتعرفون هل هذي المرأة ممكن يصدر منها هذا الشي او لا
والامر الثاني احب تصفية القلوب واللي شايل على احد من الموجودين حاجه يوقف
ويكلمنا ويقول اللي بخاطره وانا له وعد مني لو له حق انا برد حقه الصاع صاعين
واللي له استفسار من احد من موقف صار يوقف ويقول اللي عنده انا مابي احد يخرج
من الباب هذا وهو شايل بخاطره على الثاني
الكل سكت ماقال شي ولا وقف وهذا دليل على انه مافي اي احد شايل على احد حاجه
ابتسمت وضحى على اللي شايفته وفرحها الشي هذا لانه مافي اي احد من الموجودين
زعلان على الثاني
اخذت مصحف كان بيدها من بداية كلامها ووضعته على الطااوله
وضحى :اخر شي قبل مانبدا جمعتنا هذي فيه موضوع بكلمكم فيه والموضوع هذا هو عباره عن
عمل ابي الكل يسعى فيه وهو لمصلحة الكل ولمصلحة ابائكم قبلكم وابيه يكون سر بيننا
اللي يخاف انه مايحفظ السر ياليت يتفضل وانا والله ماراح اكون زعلانه منه بالعكس اعتبر
هذا الشي شجاعه منه انه اعترف فيه وقبل مابدا افتح لكم الموضوع هذا اطلب من الجميع
يحلف على القرأن مايطلع كلامنا هذا لاحد سواء وافق عليه او ماوافق واما الحين اللي متوضي يجلس
واللي مو متوضي يقوم يتوضى واللي مايقدر يحلف على القرأن يسامحني لاني ماقدر اخليه يكمل
الجلسه معنا وانا من الحين بقول هذا سر ولازم الكبير قبل الصغير يحلف علىا لقرأن بدون استثناء
وانا اولكم
هنا يوقف البارت
ابي توقعاتكم حول
يوسف بيوافق مازن على طلبه ؟؟
ليلى وش سالفتها مع هذا الصدااع ؟
خالد فكر بخطته الاولى حول ندى ومانجحت هل بتنجح الثانيه ؟
احمد بيتزوج طليقة ماجد او بيصير حاجه بااخر لحظه يخرب كل شي ؟
واخيرا وضحى وموضوعها المهم مثل ماتقول ياترى وش بيكون هذا الموضوع ؟
هذا البارت اللي اعتبره دين والحمد لله نزلته لانه كان منا لبارتات اللي انا تأخرت فيها ومازتلها
ان شاء الله اشوفكم يوم الجمعه بالبارت 34
البارت 34
ببيت وضحى
وضحى كانت مختاره اشخااص معينين لهذي الجمعه لهدف كانت تسعى له من زمان
ونقدر نقول الاشخاص المجتمعين هم البذرة الطيبة بالعائله طبعا بنظرها هي
كان موجود بالجمعه هذي عبدالرحمن ولد سلطان وزوجته شيماء
وعمر اخو فيصل
وولده نايف وبناته سحر ورغد
وبعد فيه فيصل وزوجته شهد وغلا وامهم هدى اللي اول مره تجتمع معهم بعد
اللي صار لها من دخولها السجن يعني من سنين طويله
وكان موجود ايضا فاطمة زوجة محمد
وعبدالعزيز ولد محمد ومنال زوجته
وكان بعد مع عبدالعزيز اولاده فواز ونواف وفايز
وبناته خلود وعفاف
وكان موجود ايضا عبدالله وزوجته لمياء طبعا عارفين لمياء اخت شهد
وكان اخر الموجودين شيخة بنت سيف
وضحى بالمجلس اللي جامعتهم فيه طبعا بدون الصغار اللي كانوا
يلعبون بالخارج
كانت متوسطه المجلس على انه كبر سنها واضح الا انه هيبتها اللي
مكتبسه من عائلتها مازالت موجوده وواضحه فيها واللي تخلي الكل
يحترمهااا ويهابها بزياده طبعا بعد السلام وبعد لقااء الكل مع بعض
وسلامه بالاضافه لهدى اللي البعض اول مره يشوفها كان الكثير سلامه لها
بارد مو لكره لكن لانهم الى الان مايعرفونها زين وكل اللي سمعوه عنها
انها كانت مسجونه
وضحى : ماتعرفون بصراحه حجم سعادتي بهذي الجمعه اللي من زمان كنت اتمناها
الجمعه هذي مو بس تعارف البعض او سلام وخلاص الجمعه هذي لها اسبابها
السبب الاول هو تتعرفون على اختي وحبيبتي هدى مادري يقولوا لها ام فيصل او
ام يوسف اللي ضاع منها وهو صغير ( وضحى عارفه عن سالفة يوسف لكن ماتقدر
تتكلم امام احد لانه سر من فيصل ويوسف ) وباختصار يوسف هذا هو توأم
لفيصل
الكل بانت عليهم علامات الاستغراب اول مره يسمعون انه فيصل له توأم ماكان
يعرف الشي هذا الا الكباار فقط
هدى كملت كلامها : اعرف مستغربين بس يمكن هذا الشي يجرح هدى الان بس بنفس
الوقت عشان نكون صريحين خبرتكم بالشي هذا ماراح اتكلم عنها كثير واتوقع
كلكم تعرفون انه هدى دخلت السجن
بدا الحزن يبان على هدى بعد ماشافت نظراتهم لها وفيصل تنتقل نظراته بين
كل العيون الموجهه لامه بيشوف العين اللي تطالعها بحزن والعين اللي تطالعها
بشفقه والعين اللي تطالعها باستصغار
وضحى : انا شخصيا متأكده انه التهمه اللي ضد هدى هي بريئه منها وانا ماراح
اطالبكم تصدقوني وبنفس الوقت ماراح اتكلم واقول هي بريئه برائتها هذا
امر خااص فيني ويعتبر تصديقي لها شي شخصي قرار برائتها من عدمه بتركه انا لكم
تتعرفون عليهاا ووقتها بتعرفون هل هذي المرأة ممكن يصدر منها هذا الشي او لا
والامر الثاني احب تصفية القلوب واللي شايل على احد من الموجودين حاجه يوقف
ويكلمنا ويقول اللي بخاطره وانا له وعد مني لو له حق انا برد حقه الصاع صاعين
واللي له استفسار من احد من موقف صار يوقف ويقول اللي عنده انا مابي احد يخرج
من الباب هذا وهو شايل بخاطره على الثاني
الكل سكت ماقال شي ولا وقف وهذا دليل على انه مافي اي احد شايل على احد حاجه
ابتسمت وضحى على اللي شايفته وفرحها الشي هذا لانه مافي اي احد من الموجودين
زعلان على الثاني
اخذت مصحف كان بيدها من بداية كلامها ووضعته على الطااوله
وضحى :اخر شي قبل مانبدا جمعتنا هذي فيه موضوع بكلمكم فيه والموضوع هذا هو عباره عن
عمل ابي الكل يسعى فيه وهو لمصلحة الكل ولمصلحة ابائكم قبلكم وابيه يكون سر بيننا
اللي يخاف انه مايحفظ السر ياليت يتفضل وانا والله ماراح اكون زعلانه منه بالعكس اعتبر
هذا الشي شجاعه منه انه اعترف فيه وقبل مابدا افتح لكم الموضوع هذا اطلب من الجميع
يحلف على القرأن مايطلع كلامنا هذا لاحد سواء وافق عليه او ماوافق واما الحين اللي متوضي يجلس
واللي مو متوضي يقوم يتوضى واللي مايقدر يحلف على القرأن يسامحني لاني ماقدر اخليه يكمل
الجلسه معنا وانا من الحين بقول هذا سر ولازم الكبير قبل الصغير يحلف علىا لقرأن بدون استثناء
وانا اولكم
لحظة صمت طغت على المجلس لدة مايقارب ثلاثة دقائق انتهت بوقوف فيصل
فيصل : انا بقوم اتوضى
ماتكلم فيصل ووقف الا والكل تقريبا وقف نفس الشي مستعدين للوضوء
بعد لحظات وبعد ماتوضأ الكل جلسوا كلهم امام وضحى اللي متوسطة تقريبا المجلس
وضعت وضحى يدها على المصحف وهي جالسه لانه المصحف كان على طاولة امامها
وضحى : اقسم بمن انزل هذا القرأن الكريم ان كل مانناقشه بعد قليل سوف يكون سرا سواء وافقت
عليه ام لم اوافق
بعد ماقسم الكل
وضحى : يمكن الكل منكم مستغرب هذا الشي وانا ليه طلبت ان الكل يقسم الموضوع اللي بكلمكم
فيه مو سهل والاهم من هذا ان اللي امانة الشي هذا صعبه انك تحملها وصعب انها تكون سر بقلبك
بس ان شاء الله انا ثقتي فيكم كبيره هذي السالفه هي بمصلحة الجميع مصلحة الكبير قبل الصغير
عبدالرحمن : بصراحه انا شخصيا مشتاق وملهوف عشان اعرف هذا الموضوع
وضحى : لاتخافون بتعرفون ويمكن انت اكثر شخص بتعاني من حمل هذي الامانه
عمر : طيب وش هي الامانه ؟؟
وضحى : انا قبل فتره طلبت من فيصل بعض الامور وبعض الاوراق يبحث عنها وقدر يجيبها ويجيب اثبات
عليها لكن اللي ماقدر عليه هو الاثباتات القانونيه يوجد فيها بعض الادله لكن مو كافيه قانونيا
وبكل الحالات انا مو مهمه عندي اثبات الامور هذي قانونيا المهم هو اثباتها عندكم وعندي بس
عبدالعزيز : بس ترى الى الان الموضوع فيه غموض مو عارفينه ياليت تستعجلين شوي وتدخلين بالسالفه
وضحى : السالفه هذي تخص اقاربكم الكبار او بمعنى اصح اهاليكم الكبار محمد وسلطان وسعود وسيف
عم الصمت المجلس اول مانذكرت الاسمااء الاربعه مافي شخص قدر يتكلم لانه الكل عارف انهم الاربعه
يسوون اشياء غلط حتى لو حاولوا يبررون الشي هذا لبعض ابنائهم وبعض الابناء حاولوا يصدقون الكلام
لانهم مايحبون اهاليهم يظهرون بصوره سيئه بنظرهم على الاقل
واخيرا كسر هذا الصمت
عبدالله : انتي تعرفين عن من تتكلمين ؟
وضحى : ايه اعرف انا اتكلم عن من اتكلم عن اخ من ام واب ظالم وعن اخوين من اب بعد ظالمين وعن
ولد اخو اكثر ظلم منهم كلهم انا مابي احد يزعل من كلامي ولكن هذي الحقيقه اللي الكل يعرفها
البعض منكم يحاول يكذب انه ابوه ظالم وقدر يكذب على نفسه ويقول ان ابوه عادل ومايعرف الظلم
وبحياته مااكل مال احد لكن الحقيقه تقول عكس كذا
سكتت شوي وضحى وكملت بعدها كلامها : انا اعرف انه الشي هذا صعب عليكم بس انا متاكده ان اللي
بسويه هو الصح واللي بيوقف بصفي بيكون واقف مع الحق طول السنين اللي راحت وهم يظلمون وياكلون
حقوق الناس طول السنين اللي راحت وفيه ناس يصبحون على بساط الفقر منهم ومافي اي شخص قدر يوقف
بوجه اي واحد من الاربعه لا من قريب ولابعيد لكن انا اتمنى تكونون انتم من يوقف بصفهم بيكون هذا
اكبر عقاب لهم على اللي يسوونه بالناس اي شخص ممكن يوقف بوجههم بيخلونه يكره اليوم اللي قاومهم
فيه لكن لو انتم توقفون ضد الشر اللي بيسوونه بيكون هذا اكبر عقاب لهم لان انتم الوحيدين اللي
مايقدرون يضرونكم لانهم يحبونكم وانتم لو تحبونهم حب حقيقي لازم توقفون شرهم على الناس لازم ترودون
الحق لاصحابه
عبدالرحمن : عمتي وضحى
التفتت وضحى لعبد الرحمن تبيه يقول اللي عنده
عبدالرحمن : صحيح ابوي يحبني لكن لمصلحته انا متأكد انه بيضرني
ابتسمت وضحى لكلامه : صحيح كلامك يمكن يضرك لكن الضرر اللي ممكن يسببه لك ماراح يكون قاتل هو
يحبك وبيحاول يضرك وخليني اسميها لك تخويف او قرصة اذن لكن مايقدر يزود جرعات الضرر فيك
مهما كان هو ابوك ويحبك
سكتت وضحى والكل الى الان مو مستوعب طلب وضحى صحيح وضحى ماقالت طلبها لكن تقريبا صار واضح
حتى لو تعددت اغراض طلبها
كملت كلامها وضحى : فيصل معه اسمااء لناس مظلومين وانا صورت منها اكثر من صوره بتتوزع على
الكل ومضمونها اسمااء ناس تضررت وانتم اول مهمه لكم تعوضيهم بمبلغ بسيط لان يوجد اضرار كبيره
ولوحدنا مانقدر نغطي الاضرار الماليه اللي صارت
نايف : طيب وكيف بنوصل الفلوس لاهلها وبنساعدهم ؟
وضحى : فيه اكثر من طريقة غير مباشره يعني مو لازم يعرفون ان الفلوس كانت منكم
فيصل : من الطرق انك تشوف اي احد من افراد العائلة الطموحين تخليه ناجح بتجارته بكل غير مباشر
يعني تكون سبب لنجاحه بعد الله
عمر : طيب انا اقدر ادبر مبلغ من المال وواحد او اثنين بس المبالغ اللي نحتاجها كبيره فيه بعض
الشباب مايقدرون يغطونها
فيصل : انا متأكد كل واحد له مبلغ بالبنك وفيه اشياء يقدر يرهنها للبنك ويأخذ مبلغ كبير كسلفه
يعني 10 او 15 مليون وبنهاية الامر الاب بيسدد كل المبلغ
عبدالله : لو ماسدد الاب ؟
وضحى : لو صار وانسجنتوا اذا ماتسددت الفلوس لمدة اسبوع نبيكم تتحملون بالاسبوع هذا بالسجن
وبعدنا انا شخصيا بسددها يعني اكثر مده ممكن تقضيها بالسجن اسبوع
سحر : طيب هذي مهمة الشباب والبنات وش مهمتهم ؟
وضحى : بعض العائلات اللي انظلمت ماعندهم الا بنات ومهمتكم تشجعون البنات على مشاريع يعني بالبداية
تقربون منهم وتخلين البنت تدخل بالمشروع بدون خوف من خسااره يعني تطلعي لها ضمانات وهميه
سحر : كيف وهميه ؟
فيصل : وهمية وهميه كيف اشرح لها لك ؟ بعطيك مثال الحين عمتي وضحى لو تبي سلفه من بنك وش يطلبها
البنك ؟
سحر : ضمانات
فيصل : ولو كان ضمان عمتي وضحى هو البيت بس هل بيرهن البيت وبيسلفها او يرفض ؟
سحر : لو كان البيت يجيب سعر اعلى من مبلغ السلف بكثير بيوافق يسلفها
فيصل : مهمة العيال هي دعم لهم كمستثمرين يعني الشباب يصيرون مكان البنك كانه شخص مستثمر
فهمتي او لا ؟
سحر : وش لون بيوافقون يمكن يقولوا مايفهمون بالتجاره
فيصل : الشباب عليهم يقدموا لهم الاغرائات الماليه يعني انتم تفهمونهم انه يوجد شركة تدعم المشاريع
النسائيه ووبفوائد يسيره جدا وانه فيه سحب بيصير للاسمااء والاسم الرابح راح يتم سماحة بباقي الدين
عاد كل بنت بتقولوا لها الكلام هذا وكل بنت تكلموها لوحدها انها هي اللي ربحت بالسحب وانه سامحوها
بهذا الدين وفتره بسيطة تختفوا من حياتهم نهائيا لو بغيتوا
عبدالله : انت من وين جايب هذي الافكار ؟ وبصراحه الي فكر فيها من ؟
وضحى : بصراحه فيصل
عبدالله : وفيصل من متى يعرف باللي تخططين له ؟
وضحى : من زمان اول مافكرت قلت له عن اللي ببالي والشي الثاني ياليت الكل يشتغل بالشركة
ابائكم مو دايمين لكم بالبداية اعرفوا كيف طريقة الشغل وبعدها امنعوا الظلم يصير
عمر : وظنك اللي ببالك ينجح ؟
وضحى : ان شاء الله وانا اتمنى الكل يتعاون معي سواء البنات او الرجال واظن كل واحد منكم عرف مهمته
لحد هنا يوقف كلامنا خلي الشباب يستانسون لوحدهم والبنات لوحدهم
عبدالله : وكبار السن لوحدهم
فواز : وانت على بالك شباب ؟ اقول توكل بس مع العجايز
عبدالله : شوف شوف المفعوص هذا وانت على بالك بتروح مع الشباب انت روح مع الاطفال المفروض والله كان
ريحتنا ورحت من البداية هناك مو تجي عندنا هنا وتجلس معنا
فواز : روح روح ياشايب نا اجلس مع اطفال او شباب ماعندي مشكله المشكله فيك انت مو معترف
عبدالله لف على لمياء : اقول لمياء
لمياء تتكلم بخجل : هلا
عبدالله : وش رأيك انا شايب مثل مايقول المفعوص هذا
لمياء هزت براسها يعني لا وهي حدها مستحيه
عبدالله : شايف تقول لا
فواز : اقول يازوجة عبدالله انتي ماتعرفينه هذا داهيه شكلة مزور شهادة الميلاد ترى عمره 60 سنه
عبدالله : الله واكبر عليك يامفتري اقول تقلع عني هناك عبدالعزيز مستغني عن ولدك ولا ارتكب فيه جريمه ؟
فواز : افا ويهون يعني عليك زوجتك من لك يعني لو انا اموت وانت دخلت السجن وبعدين بيصدر
فيك حكم القصاص ؟ ترضى تصير زوجتك ارمله وانتم مالكم وقت من تزوجتوا اقول خذها مني نصيحة
الزمن ترى علمني كثير خلك عند زوجتك لاترملها وانت اصلا بكل الحالات شايب رجل الدنيا ورجل بالقبر
عبدالعزيز : خلاص فواز
فواز : تصدق الوحيد اللي يسكتني انت بس يلا ماعليه
عبدالله : من التربيه الزينه لاكبير يسكته ولا غيره
فواز : تشوف يوبه الشايب هذا من اول ماتزوج ولسانه صار اطول من اول
كملوا سواليفهم وضحكهم ووناستهم على هذا الحال .............
يتبع
عند يوسف يتغدى على سفره تجمعه هو وداوود وجوانا
وصلته رسالة على جواله كان مضمونها ( وافقوا على طلبك وبامكانك التخلص من داوود )
ناظر بداوود بابتسامة ورد ناظر بجواله وارسل رسالة ( لازم اقابلك احتاج لمساعدتك )
ووصلت الرساله له ( كيف اقابلك وانت تعرف الوضع ؟ )
ارسل له يوسف وهو مبتسم : ( فيه استراحه في ... (وصف له مكانها ) خليك بالغرفه اللي على
اليسار الاخيره لان فيها باب داخلي من نفس الاستراحه وباب خارجي على الشارع وجيب بنت سهره معك )
وصلت رسالة مازن ( فهمت عليك والله مانت سهل ولايهمك اعتبر كل شي صار )
داوود : وش فيك مبتسم اكيد شي يفرح
يوسف : وانت الصادق يطير من الفرحة غصب افرح
جوانا : طيب مابدك تفرحنا معك ؟
يوسف : هه كنت ناسي عيد ميلادي وواحد من الشباب ذكرني فيه الله يذكره بالخير
داوود : كيف ذكرك فيه ؟ وانت ماتعرف ميلادك ؟
يوسف : قلت ذكرني ماقلت علمني وبعدين هو عازمني بحفلة خااصه جايب لي هدية
داوود : هدية ايش يعني سيارة ؟
يوسف : وانت الصادق بنوته اموره مثل القمر
جوانا بغيره : ومن امتى انت بتسهر هيك سهرات ؟
داوود : خليه ياخذ راحته ويسهر
يوسف : وانتم معزومين على الحفلة ترى
داوود : لامايحتاج سهرتك لوحدك
يوسف : لالا بزعل كذا لازم تشوف الزين ياداوود ولا ماتبغى ؟
داوود : ها وش رأيك ياحبيبتي ؟
جوانا : انا ماعندي اي مانع
يوسف : فرحتوني صراحه وبتنور الاستراحه فيكم
داوود : تسلم
ببيت نواف اللي متضايق من بعد اخر موقف صار معه هو ونور
قربت نور منه وهي تبي تكلمة لكن مو عارفه كيف تفتح معه الموضوع
انتبه لها نواف : فيه شي ؟
نور بارتباك واضح : هاا لا مافي بس يعني اأ انا
نواف : اجلسي
نور جلست على طول
نواف هو كان جالس بالسرير
نواف : لا تعالي جنبي
نور بتردد : لا هنا احسن
نواف ابتسم لها : نور ارجوك اسمعي كلامي وتعالي جنبي
نور سمعت كلامه وعلى طول جات جنبه تقريبا لاصقه فيها وسط استغراب نواف اللي اول مره
نور تلبي كلام نواف لها بهذي السهوله
نواف صار يناظر بنور اللي استحت من نظرات نواف وصار يبتسم لها
نواف مستغرب استسلام نور له لانه يطلبها اي شي وتلبيه ونور مستغربه هدوء نواف
نواف مسكها مع دقنها ومسح على خدها النااعم ونور وقتها حست بكل جسمها يرتجف
نواف بحب واضح من لمسة يدينه : عارفه انك احلى من شفت بعيوني ؟
نور اندهشت من كلامه وانربط لسانها ماعرفت ترد عليه وماقدرت تحط عينها بعينه
صارت تفرك بيدينها بتوتر
نواف مسك راسها وسدحها على صدره
نواف : نور انتي الى الان مو ملاحظه شي ؟
نور باستغراب بس ماردت عليه
كمل نواف : مو ملاحظة اني احبك يانور ؟
نور ارتبكت وصارت متشدده لكن نواف شد راسها على صدره وكانه بيدخلها بقلبه
نواف : تسمعين نبضات قلبي ؟
نور استرخت وصارت عايشه الجو وحاسه بالحب اللي يحمله نواف تجاهها
نواف : كل نبضة من قلبي تحمل معها حب قد الجبال ..
كمل كلامه نواف وهو عارفها مابترد من حالة الصدمه والخجل اللي عايشه فيها لان نواف اول مره
يصارحها بهذي الطريقة
نواف : نور اكثر شي كان مزعلني انه انتي مو مو مقدرة نفسك مو عارفه قد ايش انتي متمكنه مني
نور انا حيااتي تغيرت كثير اول ماعرفتك انتي غيرتي حيااتي او خليني اكون صريح اكثر قلبي يوم
حبك وسكنتي فيه هو اللي غير حياتي
سكت شوي وعينه فوووق
ونور مبتسمه ومرتاحه لكلام نواف اللي تحسه طالع من اعماق قلبه
نواف : انتي غيرتي طريقتي بالحياه يانور اعرف انك غلطتي لكن انا مستعد اسامح مره ومرتين
لو تعيشين طول عمرك تغلطين انا بظل طول عمري اسامح نور قدرك بقلبي كبير انا احبك يانور احبك
مو مهم عندي الان تحبيني او لا لكن اللي انا متأكد منه بيجي اليوم اللي تحبيني فيه لاني حبيتك
بقلب صادق لاني حبيت برائتك حبيت انوثتك حبيت كبريائك حبيت كل حاجة فيك نور اتمنى توعديني
حتى لو ماكنتي تحبيني تحاولي تتقبليني وتحبيني اعرف اللي سويته مو قليل لكن مع حبي لك
صدقيني بقدر اخليك تحبيني بس اوعديني يانور
سكت شوي وقال : نور وعد تحاولي تحبيني وتسلميني قلبك ؟
نزل راسه شوي وانتبه لنور بحضنه ناايمه وهي مبتسمه ابتسم لابتسامتها اللي اول مره يلاحظها
واللي كانت دليل على انه نور ناامت وهي مرتاااحه للي سمعته
غمض عيونه وماهي الا لحظاااات وناااااااام
اما بالاستراحه عند يوسف وداوود وجوانا والبنت الرابعه
جوانا وعينها على البنت تطالعها بغيره : هيدا البنت اللي عم تئول أمر
يوسف ابتسم لها وناظر بالبنت : ليه مو حلوه ؟
جوانا : مو كتير
يوسف : انا عاجبتني وبعدين انتي وش فيك تتكلمي كذا لايكون غيرانه
انتبه داوود لهذي الكلمة وحاول يتذكر بعض المواقف ويدقق بكلام جوانا حول البنت هذي
ولاحظ انها فعلا غيرانه منها
جوانا ارتبكت من كلام يوسف وارتبكت اكثر من نظرات داوود لها لما كلمها داوود عن الغيره
جوانا : من شو بدي غاار ؟
يوسف وقف ومسك البنت وضمها
جوانا بنظرات غيره وبنفلس الوقت تحاول تمنع نفسها من هذي النظرات بالذات وداوود بعد
كلام يوسف صار يراقبها
دخل يوسف الغرفه والبنت جنبه وهو يبتسم على اللي سواه
كان على السرير مازن يطالع فيه ومبتسم
يوسف قفل الباب وشغل الدي جي بااعلى صوت
مازن مسك البنت مع يدها وقال : روحي انتظري بالسياره
راحت البنت ومازن التفت ليوسف : الحين انت تخليني ادور لك بنات سهرات اخر الزمن
يوسف بابتسامه : وش اسوي افتقدت السهرات وقلت اجدد
مازن : المهم المسؤولين وافقوا على طلبك مع اني كنت معارض
يوسف : حمد لله المسؤولين طلعوا فاهمين احسن منك بس ليه وافقوا مع انك معارض ؟
مازن : بصراحه هم حاسين بكبر حجم المسؤوليه في هذي المهمه ويعرفون قد ايش هي في غاية الاهمية
ولذلك هم بيزيلون اي عائق فيها وداوود هو من اكبر العوائق اللي بتواجهنا لكن انت مو خايف
يشك فيك جون ؟
يوسف : هه مو انا بخلي جون هو بنفسه يقتله
مازن : وكيف ؟
يوسف : يعني كيف بخليه يقتله اكيد بخليه خاين بنظر جون
مازن : بس يايوسف المهمه مو سهله مثل ماتتوقع انت
يوسف : اعرف
مازن : طيب ليه ماتتفق مع داوود وتطيحه بالفخ ؟
يوسف : داوود مو سهل اكيد بيشك انه اختبار مني
مازن : بس فيه امور جديده بالسالفه
يوسف : امور ايش ؟
مازن : الاستخبارات الامريكيه
يوسف باهتمام : وش فيها ؟
مازن : تبي جون
يوسف : طيب وجون قدامهم ياخذونه متى مايبون
مازن : انت مافهمت السالفه الاستخبارات يبونك تجيب راس جون يبون يدينونه عن طريقك
هم مو محصلين عليه دليل قوي
يوسف مسك راسه : ولو مانفذنا ؟
مازن : بدون تفكير ياسوف كل اللي صار معك هناك راح يدينونك فيك ويعتبرونك متورط وفوق
هذا يمكن يدخل بعض المسؤولين هنا اللي اخذت منهم الاوامر وانا اول المتورطين
يوسف : وش عرفك بيسوون كذا ؟
مازن : بدون مايتكلمون من طريقة كلامهم استنتجت كل هذي الامور وبعدين هذي طريقتهم
يوسف : وش يعرفك يمكن يغدرون فينا بعديني اول مانسلمهم جون
مازن : لا جون مهروف عندهم واذا القوا القبض عليه يعتبر هذا انجاز لهم ومابيعترفون اننا
سلمناهم جون بيعتبروننا من رجالهم ومجرد ادوات هم استخدموها لوصول لجون
يوسف : يعني بياكلون حقوقنا من العمل اللي قمنا فيه ؟
مازن : ايوااا عليك نور
يوسف : بس جون صعب صعب يامازن
مازن : جون لازم نتخلص منه هو الثاني لاتنسى لو جبت راس مرزوق وعرف جون بيقوم الدنيا عليك
واذا سلم جون بضاعته هنا سافر معه وجيب راسه وتعال بعدين لمرزوق
عند سلطان هو وولده خالد
سلطان : وضحى مجمعة الكل اليوم عندها
خالد : الكل من هم ؟
سلطان : كل العائلة بالتحديد الطيبين منهم
خالد : ههه وش تبي فيهم عجوز النار
سلطان : انا ماعجبتني جمعتهم هذي ابيك تروح تخرب عليهم
خالد : ههههههه ابشر ماطلبت شي
سلطان : وفيه واحد بعد ابيك تاخذه معك
خالد باستغراب : واحد من ؟
سلطان : أحمد
خالد : وش ابي فيه هذا ؟
سلطان : هذا اللي بيقلب كل وناستهم ضيق
خالد تذكر سالفة احمد وغلا : ايه ولا يهمك دام السالفه كذا اكيد ابيه
سلطان : حاول وانتم بالطريق للفله تعبي راسه عليهم
خالد بخبث : لاتوصي حريص من الناحية هذي
سلطان : يلا روح تاخر الوقت وانت هنا
خالد : يلا سلام
خالد وهم خارج من عند ابوه دق جواله شاف الاسم وابتسم ورد
خالد : يااهلا وسهلا
سمية : اهلين خلووودي
خالد : ها كيفك
سمية : بخير
خالد : ها وش سويتي بسالفتنا ؟
سمية : انا كل ماكلمك تسالني عنها ؟
خالد : اكيد ياحبي دوم بسالك
سمية : خلاص فيه بنت توي يتعرفت عليها هي ضعيفة مثل المواصفات اللي طلبتها بس مامداني
اسوي شي الا بالفصل الثاني انت عارف الفصل الاول شوي وينتهي
خالد بابتسامة خبث : ولا يهمك ياقمررر خذي راحتك بنلعب على نار هاادية
سمية بخبث هي الثانيه : طيب رشا كلمتني تبي حبوب
خالد : ههههههههههههههههه خلاص هذي مليت منها انا عندي اشغال كثيره انا كلمت واحد اسمه
فهد وقلت له يبعدها عن طريق عيسى بيضبط لها سهرات اللي بالي بالك طبعا الحبوب بتستلميها
من عيسى وكلميها تروح معك لاستراحة فهد وهناك تاخذ الحبوب
سمية : هههههههه ياخبيث تدمرها بحبوب اخوها
خالد : ههههههههه وش اسوي هذا نصيبها
سمية : بس هي مستعجله عليها
خالد : طيب سلميها شي خفيف وواعديها اخر الاسبوع بالاستراحة وانا الايام هذي مو فاضي انتي
تعرفين شغلك كمليه معها على احلى مايكون ولاتتصلين فيني انا اتصل فيك مفهوم ؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك