رواية للقلوب معارك -33
آستغربت من طلبه ..
حسيت ان في شي شآغل بآله ..
طآلعته اباه يتكلم ..
هو مد آيده وقال : تعالي لحضني ..
طآلعته بصدمه ..
من يوم سآلفه طآرق وهو كآرهني .. شمعنى اليوم .. بس طآوعته ..
مرر ايده على بطني بلطف : بربي ولدي احسسن تربيه ..
كمل : اليوم حكموا على زوج آمي .. 15 سنه .. ربآني صح .. بس بهدلني وآيد
حسيت الكثير من الذكريات تنهش عقـل جآبر هالوقت ..
مررت اصآبعي بلطف على ويهه وقلت : نحن بنوقف ويا ولدنآ .. بيكبر بينـآ .. وبنربيه أحسسن تربيه .. لا تحآتي ..
طآلعني بتآمل ..
حسيت بخجل كبيـر .. كنت ببتعد .. بس هو مسكني قبل لآ أتحرك ..
قربني منه أكثـر ..
وقبـل يبهتي بحب ..
آبتعد شوي وقآل : مافي بنت .. تحآتي آهلهآ .. وتبديهم عليها .. شـرآتج .. عسب جيـه أخترتج .. فديت قلبج الرهيف ..
بلعت ريقي بخوف .. أخآف هالكلمآت تتبخر بعد ثوآني ..
أبتعد عني وهو يسمع التلفون يعلن وصول مسج ..
قآل : غريبه .. هالوقت حد يرسل مسج ..
قرآ المسج .. طآلعني وابتسم : نجحت عمليه عليا ..
حسيت بفرحـه كبيـره .. بكيت وآيد يمكن لاني مب قريبه منها في هاللحظآت ..
طآلعني وقـآل ..
: بنشوف دكتورج .. اذا يقدر يخلينا نسسآفر .. وآنآ بدبر اموري في الجآمعه ..
لآ تصيحين خلاص ..
.
.
.
مروآن
هذي آكيد تخبلت .. شو الي هببته جدآم خآلتي وآمآيه ..
شكلها آليوم كآن معفوس ..
منو خبرها اني كنت ادري بموضوعهـآ ..
رميت اورآق البعثه
شو تقصد بهالتصـرف ..
أساساً تبا تتخلص منك ... والا شووو بالضبط ..
وقفت على البلكونه ..
آبا اتنفس احس بموت من القهر ..
رفعت تلفوني اتصـل لها ..
حرقت تلفونها ما ترد ..
مآعليه ..
ما عليه يا طيـف ..
بسآفـر وبشوف شو بتسوين ... !! روضه طآلعت فيـصل وهو مسترخي جدآم البحـر .. بس فكره رآيح لِ بعيد
يلست عداله : فيك شـي ..
قآل .. : لا .. بس شوي أحآتي رغد
قلت آبآ طمنه : هي آمها صدقني بتكون حنونه عليها ..
مد ايده ومسك آيدي بقو ..
قآل : كلمتي اهلج ..
ضحكت : هييه كلمت عبدلله.. وآتصلت بِ مروآن وآبوية ..
قآل : أهـآ
آبعدت نظرآتي وانا آحسه بيسآلني عن آمـآيه ..
قآل : تبينآ ننزل السوق نشتري هدآيـآ ,,
فرحت .. أحب الشوبنج
طآلعني وضحك : لو تشوفين تعابير ويهج .. بتموتيين ضحك
ضربته على كتفه
ضحك و قآل .. : لحقيني
وخطف يركض على البحـر .. شغلت الكآم .. ويلست آصوره وهو كل سآعه يقول
: أحبج كبـر هالدنيـآ . ..
ههههههههههههههههههههههههههههههههههههههههههههه
منو قآل فآقد الشي لا يعطيه ..
انا فقدت الحنآن وآيد ..
بس الله اذا رزقني يهال .. بكون حنونه عليهم ..
لآني أعرف شو يعني يآهـل يحس انه منبوذ ..
أبعدت الكآم عن فيصل وخليتها على طفل يلعب بالرمل وآمه ويآه ..
ومآحسيت الا بِ ايد فيصل تمسكني ..
: مستعيله على اليهال هالكثـر ..
ضحكت بخجل ..
حضني وقآل : خلينى نرجع الفندق .. بآقي لنا يومين وبنرجع البلآد ..
.
.
.
.
.
شهد دخل غيث الغرفة ..
طآلعته بفرح .. ركضت صوبه ..
وحضنته ..
ضحك ..
قلت : ابا اقولك شي تعال ..
طآلعني وقآل . . : قولي
قلت بفرحـه : آنـآ حآمل
طآلعني وهو مبسوووط : مب مصدق ..
لمني في حضنه ..
كنت مبسووطـه وآيد .. .. امي قآلت لي .. اليآهل .. هو الي بيخلي غيث يحبني أكثر من جوآهـر ..
مسكني من آيدي ونزلني تحت .. كلهم في الصآله ..
قآل : شهد حآمـل ..
حسيت بخوف من نظرآت جوآهر
بس أم غيث لمتني في حضنها ..
وهي تبآرك لي ..
كنت مبسووطـة وآيد ..
آول ما دخلت الغرفه ..
آندق البآب
طلعت .. شفت جوآهر في ويهي
قآلت : مبروك
وحضنتني وسط استغرابي ..
: انآ للحين مب قآدره اعطي غيث السعاده الي انتي تقدمينها له , .
وتركتني
قبل لا ارد بِ أي كلمة .. غآدرت الغرفه ..
.
. . ندى
مب عآرفه كيف اتصرف ..
آساساً حآمد ما لمسني .. كيـف بقنع احمد بهآلكلآم .. وين أحمد الحين ..
كنت آرتجف بخوف ..
لـحد مآسمعت صوت آرتطآم قوي عند مدخل البيت . ..
ركضـت بسرعه .. فجيت البآب بخوف ..
شهقت وآنـآ آشوف الدخآن المتصآعد من سيآره آحمد
ركضت له ..
كآن ويهه كله دم ...
آحس قلبي بيطلع من مكآنه .. بديت أصيح بخوف ..
مسكت تلفوني اتصـل لِ ابويه ..
ما ادري كيـف فهمتي ..
بس ما حسيت بنفسي الا يالسه على كرسي .. في المستشفى ..آنتظر حد يطمني على آحمــد ..
سيـف
دخلت آلبيت اركض على صوت صرآخ حنآن وآمـآيه ..
دشيت وانآ متوقع مصيبه ..
شفت حآمد على الارض مغطى بالدم ..
أتصلت للآسعآف .. وسط أنهيآر الكل ..
كنت ادعي ربي ..
عآئـلتي مب نآقصه آي حدث سيء ..
مسك ايدي حآمد وقآل : لآ تبلغون الشرطـه .. قولوا ما تعرفون ..
وسكت .. لانه آغمى عليه ..
رفعت رآسي آطآلعهم ..
منو الي مسوي فيه جييييـه ؟
آمـآيه قآلت : مآ شفت شي ..
منو الي ضربه ..
وهو يبآ يتستر عليه .. وليش .. شو هدفـه ..!!
.
. في مكآن ثآني
نزل يركض بخوف بعد مآ تلقى آتصآل من آلمستشفى
كل فكره عندهآ .. ما يتمنى يصير لها شي ..
ركض في ممر آلمستشفى صوب غرفتها .. بس شآفها آطآلعه وتبتسم ..
دخل بلهفه .. حضنها ..
:الحمد الله على السلامه .. فديتج ..مب مصدق انج بخيـر
طآلعته وقالت : عبدالله اتصـل ل آمآيه وشمسه .. آبآ آشوفهم ..
طآلعها بصدمه ..
مرر ايده على بشـرتها المُتعبه ..
قآل : آن شآء الله .. بس ارتآحي أنتي .. أنـآ بروح للدكتور وبرجـع ... .
.
.
فيصل ..
رديت بخوف على آلمكآلمه الغريبه ..
الو ..
الو فيـصل .. الحقني
صوت رغد ..
طآحت السمآعه من آيدي .. .
.
.
.
.
دموعها تنزل بصمت ..
ليش ..
ليش مآ هي الي حآمل .. وتسعد غيث ..
حضنت نفسها بصمت ..
آكيـد لان شهد آحسن منها .. مُخلصه ..
حآولت أكثر من مره .. تخليها تغلط .. بس ما قدرت ..
حست آن الغلط فيها ..
غمضت عينهـآ ..
مررت ايدهـآ على بطنها ..
متى بتحمل هي ..!!
صوت يقطع تفكيرها ..
: جوآهر ..
مسحت دموعها بسرعه و شآفت عذاري جدآمهـآ ..
حضنتها ..
وقآلت : ربي بيرزقج قريب ..
حست ان الغلط في اسلوبها مع الكل .. مب الغلط منهم ..
آبتسمت ..
وقررت تتغير .. او تحآول تتغير ..
.
.
.
آحمد
فجيت عيوني وآنـآ آحس بِ الم بِ جسمي كآمـل ,
سمعت آنين ندى عدالي ..
طآلعتها .. وآشحت بنظري .. وآنـآ أتذكر كلآمـها .. ان حآمد تقرب منهـآ
حسيت بقهري يتجدد ..
هي مب منتبهه انـي آشوفهآ .. كآنت تقرا قرآن وتصيح ..
غمضت عيني وانا اسمع صوت البآب..
صوت كآيد ..
سمعتها يقولها : بس خلاص .. بتذبحين عمرج من الصيآح ,, الدكتور قآل ما عليه شـر .. كم سآعه وبيكون آحسن ..
قآلت : انت مب فآهم آنـآ السبب .. آنـآ جذبت عليه ..
حسيت بدقآت قلبي تزداد ..
معقوله ..
يعني حآمد مآ تقرب منهـآ .. هي تجذب ..!!
كآيد : مآ فهمت وضحي آكثـر
قآلت : ولاشي .. ما اعتقد حد بيصدقني ..
بعدها ما حسيت بنفسي .. غفيت من التعب ..
بس شعرت بر آحـه بآلرغم من كل الالم الي يعصف بجسدي
.
.
.
العنود كنت في الحديقه .. أفكر ..
حسيت بحركه ورآي ..
التفت ..
كآن منصور وآقف يطآلعني ..
قآل : ما قررتي ؟!
طآلعته بصمت .. وعقب قلت : تفضـل ..
أشرت على الكرآسي الموجوده في الحديقه ..
كآن مجآبلني ..
قلت له : في يوم من الايآم .. كسـرتني وكسـرت لطيفه .. لطيفه عطتك فرصه ثآنيه .. وآنت رديت وكسـرتها بتقدمك لي يا منصور .. انا مابا انكسر مره ثآنيه ..
مشآعري صوبك ..بقدر اسيطر عليها .. بس زوآج مره ثآنيه .. لآ .. واعتقد أنك غلطت في حق لطيفه وآيد .. آنـآ موآفقه على هآدف ..
طآلعني مستغرب وقال : الله يوفقج
غآدر المكآن ..
تميت سآكته .. بآجر بتعلق في هآدف وبنسى منصور ..
مـآبـآ آعيد السيناريو مره ثآنيه ...
هآدف يدري بمشكلتي بِ الانجآب ويبآني ,, وآقنع اهـله ..
يعني آنا مطمنه من نآحيته ..
.
.
.
,
مرور فترة ..
البيت مليء بالضجـه ..
الكل متجمعين .. عبدالله
كنت ابتسم ابتسآمه عريضه وانا اشوف كآيد وهو ينآقش ابويه في الاخبآر السيآسيه والاوضآع المتكهربه .. وابوي يرد عليه بهدوء ..
رفعت راسي وشفت عذاري وهي تخلي على الطآوله جيز كيك .. ضحكت
: تعرفين نقطه ضعفي ..
كآيد تقرب وقآل : هالكيكه مخصوصه لي .. صح عذاري ..
ضحكت وتركتنا ..
أول مره اشوف ويه كآيد مُشـرق لِ هدرجـه ..كآن بيتخبل اول ما رفضه غيث .. بس مع الايآم .. قدر يقنعه .. خصوصاً مع سمعه كآيد في السوق ..
كآيد كآن معركتي .. أول معركه لي ..
أخلصه من ادمآنه ..
بس آكـبر معركه في حيآتي .. عليا ..
مركبه كآنت
بين الحب والكرآهيه ..
مرضها .. خلآني أعرف شكثر آنـآ آحبها ..
فقدتها في القعده ..
طلعت لِ غرفتنا .. وشفتها وآقفه جدآم المرآيـآ .. أطـآلع نفسها .. ومتآففه ..
حضنتها بحب .. كآنت تتحرطم على مظهرها ..
بس آنا غآرق في ريحه جسدهـآ ..
مآحسيت بنفسي الا وهي تبعدني عنها : عبدالله ..
قلت : قلبه .. آمريني ..
ردت بضجر : أحس مب ضآبط المكيآج ..
طآلعتها وآنا ادعي الغضب : تبيني ارويج كيف يكون مب ضآبط ..
مديت آيدي لِ خصرها وشديتها ل حضني بسرعه ..
قبلتها بشغف ..
طآلعتني .. ركزت في عيوني وقآلت : أنـآ خسرت معركتك .. ما قدرت ادمرك .. لانك كسبت قلبي .. .
.
.. شمسه
وقف السياره برا بيت عمي ..
طآلعني وقآل .. : يعني زعلانه ؟!
قلت بضجر : لا ..
مسك ايدي وقبلها .. : حيآتي ما اقدر على زعلج لا انـآ .. ولا عوآش الصغيره ..
نزلت نظري لِ بنتي الي في حضني ..
أبتسمت لِ جآبر ..
وقلت : بتنزل ويآي ..
قال : لا .. بروح آسلم على آمـآيه .. وبرد لج وبنسهر للمسـآ في بيت عمج .. زين جيـه ..!
ضحكت : زين ..
نزلت وآنـآ حآضنه عوآش في ايدي .. عليا وآقفه تستقبلني .. حضنتها بشوق وقلت لها .. ماعدا انج سهرآنه آنتي وعبدالله عندي آمس .. الا اني ولهآنه عليج ..
ضحكت وقالت : تعالي يلا ..
مسكتها ومديت ايدي لِ شفايفهآ .. غمزت لها : الروج .. آمممم .. شكلج ما تعرفين تخلين مكيآج ..
ضربتي وفهمت تلميحي ..
صوت مسج وصل لِ فوني ..
الآيآم المآضيه كآن في خلاف بيني وبين جآبر في موضوع .. السـفر من يديد ..
" حبيبتي .. ترى حصلتج جآمعه .. اروح بس للآمتحآنات .. كله ولا زعلج "
فرحت ..
مابا اكون غريبه مره ثآنيه ..
الغربة .. معركه ..
بس حيآتي ويآ جآبر .. معركه آخرى .. لازلت آحآول اغيره كل يوم ..
ومع كل التصآدمآت .. الا اني ما استغنى عنه ..
.
.
.
طيـف
كنت في البيت بروحـي .,
جدآم النآفوره الي في المدخـل ..
أحس بوحده كبيـره .. هآدف مسآفـر شهر عسل هو والعنود ..
آمآيه في بيت قوم خآلتي ..
وآبويه سـفره شغل ,,
مروآن ما كلف على عمره ينشد عني .. حتى بمكآلمه ..
هآلشي قآهرني ..
ماعدا اني آخترت الفرآق .. بس هو مآ كلف على عمره .. يردني .. او يراضيني .. او يقول يبآني رغب عيبي ..
ما حسيت الا بصوت سيآره .. وهي تقتحم البيت .. عدلت شيلتي بسـرعه ..
وقفت السيآره جدآمي .. كنت بصآرخ .. حسيت انه بيدعمني .. تنآثر الغبار .. رفعت ايدي وانا احآول احمي عيوني ..
للحظـه الي شفت زجآج السياره ينزل ..
وصوت رخم : لبسي عباتج وتعالي ويـآي ..
طآلعته بصدمه
مروآن ..
هذا مروآن ..
غمضت عيوني .. يمكن احلم
بس سمعته ينهرني : يلآآآآ
قلت له بغضب : شو تبآ يآي هنيه .. روح .. البيت مافيه حد ..
قآل بعنجهيه : لاني آدري آن البيت مافيه حد .. انا ياي ..
ودرته ..
بس حسيت بخوف وانا اسمع خطوآته وهو يتبعني ..
كآن اقرب بآب لي .. باب الميلس ..
دخـلت وكنت بسكر الباب .. بس هو ما خلاني ..
آو يمكن شي في دآخلي يصرخ لِ مروآن " ابآك "
مسكني بعنف وقربني منه : سمعي حركآآآآآآآآآآآآآآآآآآت يهال مابا .. الحين تقررين .. يا تروحين ويآي .. يآ تروحين ويآي
طآلعته بعبط .. يعني مالي قرار .. لازم اروح ويآه ..
ويهه غآضب ..
مديت ايدي ومسحت على ويهه بحنآن ,,
غمض عينه وقال بهدوء .. : مشتآق لج .. لا تعذبيني اكثـر .. ردي لي ..
عطيته ظهري وآنـآ اقاوم رغبتي في البكآء على صدره : آنت تعرف وضعي .. آنـآ ..
شدني من ايدي : الطب تطور .. كل شي يتغير .. لا تنهين حيآتنا بسبب شي تآفه ..
طآلعته ..
كنت متردده ..
بس هو حضني بقو .. حسيت ضلوعي بتتكسـر .. بكيت ..
قآل : اوعدج ما اتخلى عنج .. ولا اخونج في يوم من الايآم .. بس وعديني نبدا معركتنا ونستمر في زوآجنـآ ..
طآلعته .. ودموعي تنزل بلا توقف .. مسحها بحنآن ..
قلت : اوك
نزلت راسي بخجل .. سمعت ضحكته .. ورد لمني في حضنه .. .
.
.
أحمد
طآلعتها بتآفف .. : ندى ما صارت .. سآعه تتعدلين .. والله حلوه بلا مكيآج
قآلت بغضب : انت ما تشوف شكلي .. كله منك .. شوف كرشتي ..
ضحكت : آحلى حآمل شفتها ..
قالت بغضب : وآنت اطآلع الحوآمل بعد ..!!!
ضحكت : هههههههههههههههههههههههههههههههه .. والله آحترت فيج ..
تقربت مني ودزتني : شوف والله لو سمعت انك شفت البنآت .. ومن هالكلآم هذيل عيونك بقلعهن ..
فجيت عيوني بخوف : حبيبتي صآيره عنيفه من حملتي ..
ودرتني ورآحت تتعدل ..
تآملتها ..
ما احس بِ اي رغبه بِ اني اطآلع غيرها ..
صدق ..
آحسآسي آن في آنسآن ممكن لمسها .. خلاني اتخبـل ..
ما صدقت على الله .. حآمد يلغي القضيه ويومها قال لي : هالبنت تحبك .. لو ما تحبك .. جآن ما ترددت سآعه اني اتزوجهـآ ..
قالت : يلآآ خلصت .. بس حبيبي ابا بآسكن ..
تآففت : اول مره اشوف حد يتوحم على بآسكن ..
ضحكت : هههههههههههههههههههههه .. لا تذلني عآآآد .. يلآآآ
ضحكت وقلت : يلا آمري لله ..
.
.
.
سيـف
صوت تلفوني .. وعيت بضجر ..
اوف منو هالغثيث الي يتصـل لي من الصبح في اول آسبوع من شهر العسـل ..
حآمـد ..
رديت : الو
قآل : متعمد أتصل هالوقت ..
ضحكت : الله يغربل ابليسك زيييين ..
قآل : بس حبيت اسولف ويآك
قلت له : عن العيآره ..
ضحك : كآشفني .. ههههههههههههههههههههههه
قآل : يلا كمل نومك .. بس انا بسآفر عندي آفتتآح لِ ازيآء الصيـف
قلت له : الله يحفظك ..
سكرت التلفون ..
والتفت .. ما حصلت الهنوف ..
رميت البطآنيه وخذت شور.. طلعت وحصلتها يالسه جدآم البحر ..
وفآه امها اثرت فيها وآيـد ..
ثآلث يوم في العزا .. اتصلت لي ..
وقآلت : انـآ مالي غيرك ..
يومها عرفت انها بتكون لي .. صح هي تعاني وآيـد .. وشكلي بعآني ويـآهـآ .. بس هي حب حيآتـي .. وبوقف ويآها وبنتجآوز كل شي ويآ بعض ..
رحت لها .. يلست عدالها ..
آحس آيدي مكتفه .. ما اقدر حتى اخلي ايدي على جسدهـآ .. او حتى احآول احضنهـآ .. هي غارقه دآيماً في افكآرها ..
بس هي خلت رآسها على كتفي المره ..
قآلت : سيف .. أحضني
ارتبكت ..
حسيت انـي مب مصدق كلمتها ..
حضنتها بتوتر ..بس هي حضنتني بلهفه وحآجـه .. ورغبه بنسيآن شي مُحزن ..
مررت ايدي على ويها بلطف ..
وقلت : بنكون بخيـر .. .
.
في مكآن ثآني ..
يركض في ممر المستشفى ..
هو وجوآهر ..
مسك ايد جوآهر وهو متوتر .. : شهد تعبانه .. خآيف عليهاااا
كآنت تحس بالغيره .. بس قدرت وضعه ..
قالت : ما عليها شر .. ايلس هنيه .. انا بدش ويـآهـآ ..
تركته وهو متوتر ..
مر وقت ..
وما انتبه الا بِ آيدهآ على كتفه : بنت .. بنت يا غيث ..
حضن جوآهر وركض لِ غرفه شهد وهو فرحآن
آمـآ هي
يلست على كرسي .. بِ عده مشآعر متنآقضه ..
بس الايآم كفيله بتغيير كل شي . .
.
.
روضه
دخلت البيت وانا ادفع الكرسي المتحرك .. رغد تبتسم لي ..
قآلت :أستحي ..
قلت لها : صآر لج اكثر من 5 مرات ييتي بيت اهلي .. خلي عنج يلا ..
ضحكت ..
صوت فيصـل .. : انا بروح الميلس ..
دخل الميلس وسمعت صوت احمد وهو يستقبله .. سلمت على احمد .. ودخلت لِ صآله الحريم . ..
كلهم مجتمعين .. سلمت عليهم ..
شفت ابتسآمه آمـآيه وهي آطآلعني بحنآن
حسيت برجفه في قلبي ..
يت صوبي وقالت تعالي ..
تبعتها .. وانا احس بخوف .. طلعتني غرفتها ..
قآلت : أشوفج وانتي تعآملين رغد بكل حنآن .. ما الومج البنت شآفت وايد من آمهـآ .. بس آحسج تحسينها نسخه مصغره منج ..
كنت بتكلم .. بس هي قآطعتني : خليني آكمل .. آنا احبج .. اهتميت فيج .. بنتي الوحيده .. كآن عقلي طآير من الفرحـه بسببج .. التهيت عن اشيآء كثيـره ...
ومنها ابوج .. كآن على وشك الزوآج علي .. والسبب آهمآلي له .. رديت اللوم عليج .. بس الحين .. وانا اشوفج آم مثآليه لِ بنت مب بنتج .. أحس بالنقص
ركضت لها وحبيت ايدهـآ بلهفه ..
: الله يخليج لي يآ آمآيه .. اهم شي عندي رضآج ..
طآلعتني وابتسمت : فيصل زين ويآج ..
ابتسمت بخجل : هييه ..
مسكت ايدهـآ وخليت على بطني وقلت لها : ترآني حآمل .. بس ما خبرت حد غيرج .. حتى فيصل ما خبرته .. اليوم بخبره يوم بنرد البيت ..
طآلعتني بفرحـه ولمتني لِ حضنها .. .
.
. في مكآن آخر ..
منصور .. لا يزآل يريد رضـآ لطيفه ..
لكن دون فآئـدة ... آنتهى ..،
لا يهم أن نخسـر ..
المهم آن لآ نخسـر دآئمـآً ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تجميع : روح زايد & ♫ معزوفة حنين ♫ ..
اللهم لك الحمد حتى ترضى وإذا رضيت وبعد الرضى ,,, اضف تعليقك