رواية علميهم ليه احبك حب ما حبه بشر -24
اريج : ان شاء الله .. وقامت مع شذى بصعوبه عشان تفطر ..
( صدق لا قالوا .. الصديق وقت الضيق )
بيت ابو بندر ..
وصلوا بندر وبدر والبنات البيت بالسلامه ..
استقبلتهم امهم من عند بوابه الفيلا بالتراحيب ..
ام بندر: هلا والللللللله بنور بيتي .. اللي غاب عني ..
الكل كان في حالة ذهووووول من كلام امهم ..ولا احد فيهم نطق حرف واحد ..
ام بندر: حبايبي انتووو .. يللا روحوا غيروا ملابسكم على بال ما يجهز الغدا ..
الكل:.....................
ام بندر : هوو وش فيكم ؟
بدر بهبال: يمه .. مين مات ؟
ام بندر: هووو بسم الله علينا .. محد مات ..
بدر: اجل؟؟
ام بندر: وش اللي اجل ؟
بدر حس انه عيب لو يقول لامه وش ذا الحنان والاهتمام اللي نزل علي فجأة فاضطر يقول: ولا شي ..
ديما تناظر ريما بعدم تصديق وريما تبتسم لها وتعطيها نظرة معناها
" قلت لك " ..
ام بندر نادت الخدم عشان يشيلون اغراض عيالها .. وقالت لهم يروحون يتحممون ويجهزون عشان يتغدون سوى .. وفعلا صار ..
الكل انصدم من تحول امهم المفاجيء ولا عرفوا كيف يتصرفون ..
وقت الغدا
ام بندر بخوف: بسم الله عليك ريما حبيبتي وش فيها يدك ؟
ريما : لا ابد بس انجرحت بقزازه
ام بندر: بسم الله عليك وعلى قلبك .. ما تشوفين شر حبيبتي
ريما : الشر ما يجيك
بدر يهمس لديما: ودي اسألها من هي ؟؟ ووش سوت بأمنا الصدقيه
ديما تضحك بشويش وقالت بنفس الهمس: وربي ماني مصدقه انو هذي امنا .. ودي اعرف وش سبب هالتغير المفاجيء..
بندر ماكان ياكل .. كان يلعب بالشوكه بصحنه
ام بندر: بندر وش فيك يالغالي ما تاكل ؟
بندر: لا ابد سلامتك .. افكر ..
ام بندر: بايش؟
بندر رفع حاجبه باستغراب .. وش اقول لها اقول اني افكر وش تبي هي من ورى التصرفات هذي ولا انطم ؟؟
بندر: افكر بدراستي اللي برجع لها ..
ام بندر: انشالله تروح وترجع لي بالسلامه واشوفك اكبر دكتور بالدنيا
بندر وهو يطالع صحنه : امين ..
وظلت امهم تعاملهم بحنان .. لمدة اياااام .. بشكل خلاهم ينرعبون منه لانه ماقد صار ..
بيت ابو ماجد ..
ماجد كان حابس نفسه بغرفته ما يطلع منها .. حاول يفكر بحل لمصيبته بس ما لقى .. ابووه .. وتاج راسه عزه وسنده بالدنيا يبي يحرمه من حب عمره .. مدري كيف هنت عليك يبه ..
توجه لغرفته وهو براسه موال يبي يغنيه ..
طق الباب .. وجاه الصوت
ابوماجد: ادخللللللللللل
ماجد: مساك الله بالخير يبه
ابو ماجد وهو يرجع يقرا الجريده اللي بين يدينه : هلا
ماجد وهو يقعد : يبه حبيت اكلمك بمضوع
ابو ماجد يلتفت عليه بعد ما حط جريدته على جمب والنظاره عليها : خير
ماجد: كل الخير انشالله .. يبه ممكن بس تأجل موضوع الزواج كم شهر
ابو ماجد قطب: وليش انشالله ..
ماجد: يبه انا ماني مستعد نفسيا الحين للزواج .. ياليت تأجل موضوع زواجي كم شهر بس على بال ما اتخرج واستقر بشغلي ذيك الساعه اللي يريحك ..
ابو ماجد : وانا ماني موافق .. املك على رنيم وسوي اللي تبي
ماجد فار دمه: ليش يبه وش مستعجل عليه ..
ابو ماجد: انت اللي ليش ماتبي تستعجل .. انت منت صغيره واللي قدك عندهم عيال .. ورنيم مابيها تطير لغيرك ..
ماجد : يبه افهمني .. مقدر اعيش مع انسانه ماني مقتنع فيها ..
ابوماجد: تراك صجيتني ولجيتني .. ما على لسانك غير يبه افهمني وافهمني ..
ماجد: لانك منت راضي تفهمني
ابو ماجد: وليش ماني راضي افهمك ؟؟ حمار انا ولا بزر
ماجد: محشوم يبه .. بس انا كان قصدي ..
قاطعه ابوه : لا قصدك ولا قصدي .. مابي اسمع ولا كلمه .. وجهز نفسك ترى كلها اسبوع وتملك ..
ماجد: يبه انت عارف اني برجع استراليا بعد الملكه بيوم ..
ابو ماجد: اي عشان كذا انا تقصدت اخليك تملك على رنيم قبل السفر .. عشان لما تكون هناك عند بنت ابليس تذكر بنت عمك اللي على ذمتك وما تتهور ابد .. وتذكر بعد انو سمعتها من سمعتك وسمعتنا وسمعة العايله كلها .. يعني لا تتهور وتسوي شي ندفع ثمنه احنا كلنا وعلى حسه تتفرق العايله ..
فهم ماجد قصد ابوه .. اللي هو انه ما يتهور ويحط اهله قدام الامر الواقع ويتزوج رانيا هناك ..
ماجد وقف بعصبيه : يعني مافي امل عشان اثنيك عن رايك ؟
ابو ماجد: ولا ربع امل ..
ماجد بقهر : عن اذنك .. وطلع من الغرفه والقهر ماليه
وكرهه وحقده لرنيم يزداد كل يوم ..
بيت ابورنيم ..
رنيم كانت مجهزة فستانها الاحمر اللي بتلبسه لملكتها .. كانت على اعصابها ..
ماهي مصدقه انها بعد حوالي اسبوع بتكون لحبيبها ..
ماجد بيكون زوجها ..
راحت لبلكونتها .. وصارت تطل على الحديقه الخضرا من فوق والهوا يلاعب شعرها الطويل اللي كانت فاكته ..
وقفت عصفورة صغيره على السور .. ابتسمت رنيم لرقة العصفورة .. راحت جابت لها موية بصحن صغير وحطتها جمبها عشان تشرب ..
بدت العصفورة تشرب ورنيم تتأملها .. وصارت تغني اغنية فيروز انا لحبيبي
انا لحبيبي وحبيبي الي
ياعصفورة بيضا لا بقى تسألي
لا يعتب حدا ولا يزعل حدا
انا لحبيبي وحبيبي الي
حبيبي ندهلي قلي الشتي راح
رجعت اليمامه زهر التفاح
وانا على بابي الندي والصباح
وبعيونك ربيعي نور وحلي
وانا لحبيبي وحبيبي الي ..
ضحكت على حالها .. يالله وش الحب ممكن يسوي بالانسان ..
شوي وصوت باب غرفتها يصدح بالارجاء من قوة الضربه اللي تعرضت لها
نقزت رنيم بقوة وطار العصفور .. توجهت بعيونها للباب عشان تشوف مين سوى كذا وكانت مشاعل ..
رنيم: خير مشاعل وش فيه ؟
مشاعل: الحين انا طالبه فستان من بره ولا وصل للحين .. ممكن تقولين لي وش ممكن اسوي
رنيم رفعت حاجبها: وش اسوي طيب.. وبعدين ليش مستعجله فيه وقت
مشاعل بعصبيه: اي وقت يابنتي مابقى حاجه .. وبعدين المصمم اللي انا متفقه معاه قال لي بالكثير بيكون عندك بعد يومين .. وفات ذا اليومين ودخلنا بالثالث وش اسوي ؟؟
رنيم سكتت يا كبر تفاهة اختها بس وش تسوي: طيب مافي مشكله انزلي السوق وجيبي لك الفستان اللي انتي تبينه
مشاعل طلعت عيونها: نعم ؟؟ انا اجيب فستان من هنا .. ومن سوق كمان .. خيييييييييير وش شايفتني
رنيم تتكتف: شايفتك سطحيه اكثر من اللازم .. مشاعل ش فيك .. انا العروسه ما سويت هذا كله .. البسي لك اي فستان حلو وخلاص .. وبعدين دولابك مليان فساتين جديده وكلها من بره ولا قد لبستيها بعد
مشاعل: الفساتين هذيك راحت عليها .. ابي جديد .. بروح اكلم ذا المصمم واوريه الشغل لانه انسان ما يحترم المواعيد
رنيم: يا مشاعل لا تسوينها سالفه خلاص .. اشتري لك فستان جديد او اطلبي جديد .. وهذا المصمم لا تتعاملين معاه مره ثانيه ..
مشاعل عصبت:افففف احر ما عندي ابرد ما عندك .. اصلا انا ما عندي احد بذا البيت يحس فيني .. طلعت ورزعت الباب بنفس طريقة دخلتها
رنيم: يااااارب اهديها بس واصلحها وفكها من ذا الغرور اللي هي فيه ..
"اليــــــــــــــــوم الموعــــــــــــــود"
يوم ملكة رنـــــــــــــيم وماجـــــــــد
فتحت عيونها الحلوة من الصباح الباكر .. وابتسمت احلى ابتسامه ممكن يشوفها انسان .. اليوم انا لك .. وانت لي ..
قامت بنشاط مع انها نامت متأخر .. مافي وقت للنوم اصلا ..
صلت لها ركعتين عشان ربي يبارك لها بيومها ..
دخلت عليها الخدامه
روز: مس رنيم تبغي شي؟
رنيم بمرح وتواضع : ومن له نفس ياكل يا روز ، ابي بس نساكفيه بليز
روز بباتسامه: اوكي مس .. وطلعت
صارت رنيم تدور محتاسه ماهي عارفه وش تسوي بالضبط .. قررت تروح تصبح على امها ..
بغرفة ام رنيم ..
رنيم طقت الباب وطلت : صباح الخير ماما
ام رنيم : هلا والله صباح النور يا احلى عروسه
رنيم استحت وراحت بسرعه باست امها وحضنتها: كيفك اليوم
ام رنيم: الحمدلله ماعلي
رنيم: فطرتي؟
ام رنيم: اي الحمدلله من قمت ..
رنيم: الحمدلله .. وقعدت تسولف معاها شوي عشان بعدها تقوم تشوف نفسها ..
بيت ابوماجد..
ماجد كانت نومته نفس قومته .. شي مررره نكد ..
اليوم بيكون لغيرها .. الله يسامحك يا اابوي بس ..
تجبرني على غيرها .. وانا اللي اتنفس هوى رانيا .. ليش كذا
كل هذا عشانها ماهي مننا .. ولا عشاني تعرفت عليها
الحين انا اللي بتزوجها وراضي .. ليش بس لييييش
قام واخذ له شاور طويل يهدي فيه اعصابه اللي تلفت .. طالع نفسه بالمرايا .. هذا ابد ماهو وجهي .. هده السهر والتعب ..
من متى وماجد شكله كذا .. اللي كان ومازال اوسم شباب العايله
لحيته طلعت .. وعيونه ذبلانه ..
مايبي يكشخ ..ماله نفس شي .. كل اللي يبيه قرب رانيا منه الحين
توجه للحمام - وانتو بكرامه- وحلق لحيته وضبط سكسوكته
دق جواله..
ماجد بدون نفس: هلا
بندر: يعع وش ذا الاخلاق .. يابوي ابتسم انت عريس
ماجد: ما يحتاج نضحك على بعض .. انت عارف انا وش موقفي بالضبط
بندر: طيب طيب لا يكثر هرجك ..
ماجد:............
بندر: عالعموم انا اتصلت عشان اشوف اذا انت هجيت ولا لا هههههههههههه
ماجد ضحك غصب عنه:هههههههههههههههههه لا والله ما بعد انهبلت تبي الوالد يقص رقبتي
بندر: اشوة انك عامل حساب احد .. بالعاده انت مالك غير اللي براسك تسويه
ماجد: هذا الوالد ماهو اي احد ..
بندر: زين .. انا بخليك الحين وانشالله نتقابل المغرب
ماجد: ان شاء الله .. يللا فمان الله
بندر: مع السلامه ..
باقي البيوت كانت بحالة استنفااار .. اول بنت بتتزوج من العايله رنيم .. عشان كذا الكل كان مبسوط وفرحان .. وقرروا البنات كلهم يروحون يجهزون عندها
على بعد العشا .. الكل كان جاهز والوضع تمااااام من كل ناحيه
الدي جي جاهز .. والمعازيم بدوا يوصلون من صاحبات رنيم ومشاعل وام رنيم ..
كان كل شي على اتم وجه ..
بغرفة رنيم ..
رنيم كانت جاهزة .. ولا احلى بفستانها الاحمر العذاااااااب ومكياجها الرايق والروج الاحمر الجريء
كانت ولا احلى ..
دخلت عليها امها وباستها وسمت عليها وصارت تدمع
رنيم عيونها صارت تهدد بالنزول: ماما لوسمحتي لو بكيتي انا ابكي
ام رنيم تسمح دموعها: لا تكفين الا دموعك .. عشان يحوسنا ماجد
رنيم استحت من طاريه
ليان: ياسلاااام يا بخت اخوي فيك والله طالعه تجننييييييييييين
ايان برجه : اخوي بيستنزل علينا اليوم .. بيفلللل امهاااااا
ضحكوا البنات على رجتها .. وكلها شويات وجا ابو رنيم ومعاه الكتاب
لثواني رنيم تأملت توقيع ماجد .. توقيعه واثباته على انه بيكون لها ومعاها على طول
ابورنيم: يللا يابنتي سمي بالرحمن ووقعي
رنيم ناظرت بنظرات ابوها الحنونه وسمت بالله ووقعت
وامتلت الدنيا بالزغاريط والتموا البنات حول رنيم وباركوا لها .. وهي الدنيا ماهي سايعتها ..
عند الرجال..
دخل ابورنيم ومعه توقيع رنيم قال لماجد: مبروك يا ولدي..
الكل بارك لماجد .. اللي كان حاسس انه ماهو بالدنيا ..
تباركون لي على ايش ؟؟ على وفاتي ؟
على حياتي اللي انتهت بحكم من ابوي ..
ااااه يالقهر بسسسسس ..
ابوماجد: يللا عاد يابو رنيم.. ناد لنا العروسه خلنا نلبسها الشبكه .. ونخليها تقعد مع زوجها
ابورنيم من فرحته ما انتبه انو الطلب جاه من ابو ماجد مو من ماجد نفسه عشان كذا ما قال شي غير : ان شاء الله ..
وراح نادى رنيم .. اللي ماكان ودها ابد تتحرك من مكانها .. بس هذي فرصتها انها تشوف حبيبها عن قرب .. وتقعد معاه .. على قد ماهي خجلانه منه ومستحيه الا انها ماقامت تحس.. احساسيها من جوة هي اللي تحركها .. وتقود رجلينها لمكانه .. المكان اللي بيجمعهم لوحدهم .. لاول مره بالحياه بعد ما انكتب لهم انهم يكونون " زوجين"
اعمام رنيم باركوا لها هي وماجد ولبسوها الشبكه وكل شي ..
وجا الوقت اللي بيكونون فيه لحالهم ..
رنيم كانت قاعده بعيد عن ماجد .. وعيونها بالارض من القلق والحيا .. اما ماجد .. ما كلف نفسه انه يرفع عينه عليها ..
عدى على ذا الوضع بينهم ربع ساعه
رنيم استغربت الوضع .. حتى مبروك ما قال لها ..
رفعت عينها له بشويش وشافته سرحان .. ويحرك يده بتوتر .. شوي ومسك راسه بقوة ورنيم خافت عليه
قالت بهدوء: ماجد
ماجد ما استوعب الصوت اللي سمعه .. فيه عذووبه وحنان ماقد سمعهم .. رفع راسه لها بشويش وشاف شي ثااااااني ..
ملاك قدامه ..
هذي رنيم !!! تغيــــــــــــــــلات
كبرت واحلـــــــــــــوت ..
بس مافي امل !! ما يحرك هالقلب غيرها ..
بس البنت هذي جمالها يذوب القلب .. فملامحها هدووووء ماقد شفته
كل هذا كان يدور ببال ماجد للحظات من سمع صوتها
رنيم نادته ثاني: ماجد ..
ماجد : هلا
رنيم : انت تعبان ؟
ماجد فهى: هاا
رنيم: انت تعبان ؟ محتاج اجيب لك مسكن ؟
ماجد بدفاشه: وليش
رنيم سكتت شوي : بس شفتك تمسك راسك خفت تكون مصدع او شي
ماجد وهو يصد بنظره عنها: لا
رنيم:.......
ماجد وقف: عن اذنك
رنيم وقفت معاه وسكتت شوي: اذنك معك ..
طلع ماجد وخلاها ..
سكتت رنيم .. وصارت تناظر خياله وهو يطلع من المجلس ..
طلع بهدووووء ..لكنها حاسه جواته براكين ..
قعدت رنيم بهدوء على اقرب كنبه .. وسرحت
ليش كذا ؟ حتى ما قال لي مبروك .. ليش كان شكله متوتر ..
وقالت وهي تطلع له عذر.. اكيد انه مرهق وتعبان .. الله يحميه يارب
( ياعذابك يارنيم .. الله يكون بعونك دام هذي اولها )
وشوي وطلعت عشان تشوف المعازيم .. بس عقلها وقلبها وبالها مع اللي ملكه لها من سنين
مـــــــــــــــــــــــاجد ...
مع حبي / هاجس ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الخامس عشر
ماجد ماذاق طعم النوم ابد .. يفكر برانيا .. يحس انه ظلمها بزواجه من رنيم ..كيف بيواجهها بالواقع ويقول لها .. يقول لها انه خلاص صار لغيرها .ز
وانو احلامهم طارت بالهوى بغمضة عين
ما يقوى .. مايقوى ردة فعلها .. هو متأكد انها تحبه .. او عالأقل عارف هالشي ..
تقلب بفراشه .. يحاول ينام .. بس ماش النوم مجافيه ..
طلع جواله وصار يقلب بصور رانيا .. يتأملها وعلى شفايفه احلى ابتسامه ..
دخل على البروفايل حقها بالبلاك بيري وصار يشوف وش كاتبه ..
دخل حاول يحاكيها .. بس الكلام ما يوصل ..
كان وده يكسره .. حتى ابسط الكلام ماهو قادر يوصل له لها
غمض عيونه .. وجت على باله رنيم ..
بلبسها وتألقها اليوم .. البنت جميلة وراقيه ..
احس اني ظلمتها .. بس بثواني تغير باله ..
لا ما ظلمتها ولا شي .. الا تستاهل .. محد قال لها توافق علي وهي ماتعرفني اصلا .. كل اللي تعرفه عني اني ولد عمها ..
ضحك باستخفاف .. وانا ليش افكر فيها الحين .. خليها .. وتتحمل مايجيها ..
غمص عيونه عشان بكره وراه سفر طويل ومتعب .. عالاقل اذا مانام يريح جسمه شوي ..
ومن جهة ثانيه .. رنيم اللي ما قدرت تغمض لها عين .. مو من القلق .. الا من الوناسه والفرحه ..
اااه بس يا ماجد .. والله وتحقق مناي وحلمي .. وصرت لك وانت لي
وهي تردد بينها وبين نفسها ...
خلاص اليوم ياقلبي تحدد حلمي الوردي
حبيبي جالس قربي وكلي شوق وولهان
احس الفرحه تغمرني يا ايام الشقا عدي
واحس اللهفه تحرقني مع اني حيل بردان
احس بصدق إحساسه يقول إنه حفظ عهدي
عرفت إن الوفا ساسه وصان الود ماخان
احبه واعشق جنونه ونذرت لدنيته ودي
ودنيايا غدت دونه مثل بيت بلا اركان
حبيبي تدري في بعدك وقف لي اليأس متحدي
ولامنه طرا طيفك لعنت ابليس واعوانه
تخيل ياغلا روحي وقوف المجتمع ضدي
خسرت الكل لكني مع الخسران كسبان
أبي تعرف غلا خلٍ وقدره في الهوى عندي
أبي تلمس كبر حبٍ رجح في القلب ميزان
أبي منك وعد تبقى تظل باقي العمر حدي
ولك مني عهد ابقى لحبك أوفى إنسان
** منقوول **
بيت ابومشعل..
كان الكل يفطر ومتجمعين بغرفة الطعام يفطرون عشان يجهزون للدوامات ..
الهنوف كانت توها تنزل من غرفتها ودخلت عليهم وبوزها شبرين ..
ابومشعل: يالله صباح خير .. وش ذا الاخلاق يابنتي
الهنوف: بابا مابي اروح المدرسه
ام مشعل: مافي غياب
الهنوف: وانا قلت ابي اغيب الحين ؟
ام مشعل: ماتقولين ابي اغيب الا وانتي ملحقتها بماني رايحه
الهنوف: طيب مافيني حيل
مشعل: طبعا مافيك حيل وانتي امس بالملكه ببيت عمي لين اخر الليل
الهنوف: ياخووي الدي جي ماكان يتفوت .. بصراحه تحسفت اني طلعت
مشعل: قومي بس يللا بلا كلام فاضي .. خليني اوديكم بطريقي
دلال: فدييييتك والله .. اجل بتتعنى عشاننا
مشعل: كم دلوول وهنوو عندي انا .. يللا بالاذن يمه ويبه
ام مشعل واو مشعل : اذنك معك ..
الهنوف بزهق: يعني لااااااااااااااازم اروح
ام مشعل: اي لازم يالله قدامي
الهنوف وهي تسحب رجلينها: يااااااااااااااااربي...
بيت ابو بندر ..
ريما كانت واقفه تفطر على السريع ..
ام بندر بحنان وهي تمسكها من كتفها : اقعدي يا ماما كملي فطورك على رواق
ريما بابتسامه وهي تعودت على حنان امها المفاجيء طول الفتره هذي: لا الحمدلله .. ابي اروح بدري اليوم
ام بندر : هذا اكل حبيبتي ؟
ريما: صدقيني ماني جوعانه مره .. هذي تصبيره وان شاء الله بفطر زين بالجامعه .. وبعدين ديما ستناني بالسياره والله لا تطير رقبتي لو تأخرت عليها زياده
ام بندر: اوكي حبيبي على هواك .. وقعدت عشان تفطر
ريما انبسطت موووووت .. ماقد حست بالفرحه هذي ابد .. ماقد حست بحنان الام ..
اخذت كتبها بيدها وباست راس امها : توصين على شي ؟
ام بندر: ابي سلامتك
ريما: الله يسلمك .. يللا مع السلامه ..
ام بندر: الله معكم .. راحوا عيالها دواماتهم وام بندر قعدت سرحانه تفكر..
نزل بندر : صباح الخير
ام بندر: صباح النور والسرور ..
بندر يحب راس امه : كيف اصبحتي
ام بندر وهي تشرب من قهوتها: الحمدلله .. اقول بندر
بندر وهو ياكل: سمي
ام بندر: اممم ابوك متى بيرجع ؟
بندر : مدري للحين..
ام بندر: وانت يمه متى طيارتك؟
بندر: العصر ان شاء الله .. بس بقوم من الحين اعدي على ماجد عشان نجيب اغراض ناقصتنا ونروح المطار على طول
ام بندر: الله يرجعك لنا بالسلامه يمه
بندر: الله يسلمك يارب ..
بالجامعه ...
دلال: يااااااااااااي بنات من يصدق باقي لزواج مشعل اقل من شهر ؟
ريما: انا ماني مصدقققه .. اخيرا مشعل انحلت عقدته
دلال ما كانت حابه تقول للبنات انو مشعل رافض اثير عشان ما يرحمونها ويشفقون عليها : اي الحمدلله انحلت
ليان بحماس: واي مطربه بتجيبون ؟؟
دلال: امممم مدري والله .. ماما حاطه ببالها اكثر من مطربه عليهم الكلام ..
ريما: وربي انوااااااع الحمااااااااااااااس .. عقبال ما نتحمس لزواجك ليان
ليان بابتسامه: لا وييين .. باقي لنا حوالي 6 شهور ..
دلال: وليش كل هالمده يعني
ليان: على بال ما يخلص بيتنا من البنا وكذا ..
دلال وهي تضمها: الله يوفقك حبيبتي
ليان: اميييين يارب ..
مرت تهاني من قدام البنات وعطت دلال نظره .. وتأففت بصوت مسموع وكملت مشي
ريما وهي رافعه حاجب: وش فيها هذي
دلال بعدم اهتمام: مدري عنها .. شكلها مريضه الله يعافيها ولا يبلانا ..
ليان: متى بتفكك من شرها
دلال: مادري عنها .. اصلا ما فرقت معي .. لا قامت ولا قعدت عندي
ريما: اي كفووو .. خليك كذا مع ذا الاشكال ..
وظلوا البنات يسولفون عن زواج مشعل لين جا وقت محاضرتهم وقاموا
الظهر ..
بندر: ها ماجد خلصت من اغراضك كلها ؟
ماجد: اي
بندر: طيب ما نسيت شي ؟
ماجد وهو يناظر بندر بتفحص : شي مثل وشو
بندر: يعني مثلا تسلم على زوجتك
ماجد : اي زوجه
بندر طلع عيونه: وش بلاك انت انهبلت اللهم يا كافي.. زوجتك .. رنيم بنت عمنا ..
ماجد: وش فيها رنيم ؟
بندر: منت مسلم عليها ..
ماجد: لا ..
بندر: ليش طيب ؟
ماجد: مابي .. كيفي .. ابي اروح الحين لرانيا ..
بندر: رانيا اللي جاحدتك من 3 اسابيع ولا ترد عليك
ماجد مارد عليه بس عطاه نظره تكفي تبين له وش قد هو معصب بذا اللحظه
بندر: وش ذا النظرة .. قلت شي غلط انا ؟
ماجد: لا ابد .. حاشاك .. انا اللي قلت مو انت ..
بندر: خلاص اجل لا يكثر وتسوي فيها زعلان ..
ماجد:.............
بندر يكلم السواق : نجيب .. روح بيت عمي حمد
ماجد بقوة: لااااا .. عالمطار على طول
بندر: ياخي هذي زوجتك .. يعني لها عليك حق
ماجد: مالاحد علي حق..مو ابوي غصبني .. خليه هو اللي يروح يطبطب عليها ويمسح دمعتها ويودعها عني .. كني ناقص انا هبال حريم
بندر انقهر منه مرررره وسكت ولا رد ..
باستراليا ..
العلاقه بين رانيا ونواف تطورت مررررة .. وصارت تقريبا تجمعهم علاقة حب .. ورانيا ما قالت لنوااف عن ماجد ابدا ..
كانوا الاثنين يتمشون بمول
رانيا بدلع: نواف حبيبي ..
نواف: ياعيووون نواف
رانيا خقت : تسلم لي عيونك .. امم وش رايك بالساعه هذي؟
نواف: اي وحده هذي حبيبي السوده ؟
رانيا : اي
نواف: تجنننننن .. بس مو هي اللي تحليك .. يدك تحليها
رانيا حست انها طااااايره بالسما .. صحيح ماجد كان يدلعها ويجيب لها اللي هي تبي .. بس ماكانت تحب انه يحبها كل هالحب ويركض وراها . اما نواف يدلعها باعتدال .. وممكن حتى يزعل عليها ويخانقها ولا يجيب لها اشياء غاليه .. وبدون حتى ما يعطيها اعذار .. وهي قابله ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك