رواية علميهم ليه احبك حب ما حبه بشر -25
نواف: تجنننننن .. بس مو هي اللي تحليك .. يدك تحليها
رانيا حست انها طااااايره بالسما .. صحيح ماجد كان يدلعها ويجيب لها اللي هي تبي .. بس ماكانت تحب انه يحبها كل هالحب ويركض وراها . اما نواف يدلعها باعتدال .. وممكن حتى يزعل عليها ويخانقها ولا يجيب لها اشياء غاليه .. وبدون حتى ما يعطيها اعذار .. وهي قابله ..
رانيا :الله لا يحرمني منك حبيبي
نواف: ولا منك يارب.. بس مارح اجيبها لك الحين .. ننتظر مناسبه واهديك اياها وش رايك ؟
رانيا وافقت وبدون تردد .. اما لو كان ماجد كان ورته الشغل وسوت له فضيحه لين يجيبها ..
نواف: يللا حبيبي عازمك على ايس كريم ..
رانيا :من عيوووني ..
اليوم الثاني ..
يوم وصول بندر وماجد استراليا بالسلامه
بندر دخل وشهق: اللللللللله ياخذ شيطانك يا لؤي
ماجد : وش فيك ؟
بندر: انا قايل له يجيب لنا احد ينظف الشقه .. بس سحب علي .. بالله شوف هالغبار اللي فيها كننا بطعوس الثمامه
ماجد:ههههههههههههههههههههه ..
بندر: والله لا احووووسه حووس .. الحين وين ننام ؟
ماجد: بسيطه انت رتب هنا وانا بطلع ولا جيت رتبت الباقي
انصدم بندر: وين بتروح ؟؟
ماجد: وين بروح يعني ؟ عند حبيبتي رنووش
بندر: توك واصل يا رجال عين من الله خير ..
ماجد:ماني قادر اصبر شهر وانا بعيد عنها .. ماني قادر اصبر .. بروح الحق عليها قبل لا تروح الجامعه ..
بندر وهو ينفض الكنبات: رح رح الله معك ..
ماجد طلع قبل لا يوقفه بندر ويسمعه موشح ..
وقف ماجد سيارته عند العماره اللي متواضعه اللي ساكنه فيها رانيا..
وقف عند شقتها ورن الجرس اكثر من مره بس ماجاه الرد ..
ماجد: غريبه .. وين بتكون هالصبح يعني.. معقولة تكون بالجامعه .. قرر يطلع الحين يروح البيت وينام لانه مرهق وبالليل بيرجع لها ..
شاف البواب بوجهه وسأله عنها .. قال انها طلعت من الصبح ..كمل ماجد طريقه لسيارته
ماجد حرك سيارته من هنا .. وسيارة نواف توقف من هنا
رانيا : احلى فطور وربي
نواف يمسك يدها ويبوسها: اهم شي تكونين انبسطتي حبيبي
رانيا :واااااايد انبسطت
نواف: الحمدلله
رانيا وهي تشيل شنطتها : اوكي حبيبي دير بالك على روحك وانل ان شاء الله برد احاكيك انزين ؟
نواف: اووكي ..
رانيا : باااي
نواف: بايااات ..
رانيا قابلت البواب بوجهها وقال لها انو في احد سأل عنها
رانيا : who?
البواب: i'm not sure mam .. but he asked some questions about u
رانيا استغربت: how does he look like?
البواب: he's tall , and he has kind of a drak skin .. his hair is kind of tall
رانيا انصدمت : هذا ماجد !! شيسوي هني ..
البواب مافهم: what ??
رانيا : never mind .. thx anyways
وطلعت لشقتها وهي ماليها القهر ..
رانيا: شرجعه هذا .. مررره مو وقته .. يعني الحين شنو ؟ ماعادني مقابله نواف .. كان امووت ..
وقعدت تفكر بالمصيبه اللي حلت عليها .. بعدما كانت مرتاحه على قولتها
بيت ابو ماجد ..
كانت ايان تتمشى بالبيت بطفش .. وليان كانت تتقهوى مع امها ويسولفون
ايان فجأة: اففففففففففف
ام ماجد:هووو تعوذي من ابليس وراك تتأففين ؟
ايان: ماما طفشانه
ام ماجد: وش اسوي لك يعني
ايان: مدري .. سكتت شوي بعدين قالت .. ممكن اطلع ؟
ام ماجد: وين بتروحين يعني ؟
ايان: اي مكان .. وخطر على بالها مكان وصرخت فيه بسرعه
ايان: بروح عند شهههههد
ام ماجد: روحي ..
ايان صارت تنقز من الوناسه .. اروح عند شهد يعني اكيد رح اشوفه ..
ابووو الونااااااسه ..
وراحت تدق عليها وقالت لها شهد الله يحييك ..
بيت ابوطلال
شهد : حي الللللللللللله ايان القاطعه
ايان: انا القاطعه ولا انتي يالشينه .. لا بالمزرعه ولا حتى ملكة اخوي
شهد : معليش حبيبتي .. بس تعرفين وقت المزرعه كان ابوي تعبان ويوم الملكه كانت في عزيمة مره كبيره للعايله ..
ايان: سامحتك بس لا تعيدينها ثاني
شهد: هههههههههه امرك ..
نزل طلال من الدرج على الصاله على طول
طلال: السلام عليكم
خفق قلب ايان بقووووووة من شوفته
ايان وشهد: وعليكم السلام
طلال: اوووه ايان هنا .. وانا اقوول ليش البيت منور
ايان استحت: تسلم هذا نوررك والله
طلال وهو يناظر بصحن الفطاير اللي قدامه : ماشاء الله .. وش هالفطاير
شهد: هذي ايان جايبتها
طلال: جايبتها ولا مسويتها ؟ ويغمز لها
ايان ذااابت
شهد: هههههههههههه ايان وجه مطبخ بالله .. لا جايبتها جاهزة
طلال اخذ له وحده واكلها وهو يتلذذ : اللللللله تسلم يد اللي جاب ونقى
ايان فهت عليييييه .. وشهد حست انه زودها كالعاده
شهد : احمم .. الا انت وين رايح ؟
طلال: بروح للشباب .. تبين شي ؟
شهد: اييييه ابي مقفاك
طلال: افاااااا ليييييييش وش سويت ؟
شهد: ياخي روح خلنا نعرف ناخذ راحتنا
التفت طلال لايان ولقاها محمممممره وتناظر الارض ابتسم على برائتها
طلال: طيب اسفين عالازعاج ..
شهد: يللا فارق
طلال: هههههههههههههه طيب مصيرك يوم تجين وتطلبين مني طلب وارده بخشتك
شهد: لا جا ذاك اليوم فرج ورحمه ان شاء الله
طلال: يللاا بااااااااي
البنات : باااااي
شهد: سوري
ايان : لا وش دعوه ..
شهد : تعالي نطلع فوق ..ابي اوريك شي ..
ايان: اوووكي ..
بغرفة شهد ..
شهد توجهت لمكتبه صغيره .. فتحت دولاب المكتبه وطلعت منه البوم كبير ..
ايان: وااااااااو وش هذا ؟
شهد: هذا يا حبيبتي البوم اصور العائله .. وحبيت اوريك اياها بدال ما احنا قاعدين كذا ..
ايان فتحت الالبوم وبدت تشوف الصور بحماس وفضول: ياااااااااااي شهووده مين هذا؟
شهد بابتسامه : هذي بنت عمي اسراء ..
ايان: ما شاء الله .. جميله
ايان بصدمه : مو معقووووووووووووووووووول
شهد:هههههههههههههههه
ايان:هذي مامتك ؟؟
شهد: ايوة
ايان: يالللله مره حلوة تصدقين .. ما تغيرت كثير بس هنا شكلها اصغر
شهد: اي ماما ما تغيرت كنها هي
ايان عدت على باقي الصور .. صور بنات وشباب العايله مصورين مع اخوها طلال .. وايان كلما وقفت عند صورة فيها طلال تسرح فيه شوي .. تعمل نفسها تتفرج على الباقي بس هي عينها مركزة على طلال وتفاصيله ..
شهد: ايان .. وش فيك علقتي على ذا الصورة
ارتبكت ايان وبدت تصرف : لا ابد بس ابي اطلع الفروق السبعه بين اخوانك وعيال عمك
شهد: ههههههههههههه طيب يختي .. انا بروح اقول لهم يجيبون لنا عصير,, عن اذنك .. وطلعت
ايان: اووووكي .. ورجعت تكمل تفرجها على الصور ..
لين وقفت على صوره حلوة لطلال مووووت .. كان فيها لابس ثوب وشماغ .. مرسم وطالع جناااان .. ماقد شافته بالثوب دايم تشوفه ببدل .. يازييييييييييينه
بدون ماتحس اخذت الصورة من الالبوم وحطتها بشنطتها وسكرت عليها ..
شوي ودخلت شهد .. وعملت ايان نفسها تقلب بالصور ..
شهد تقعد جمبها: هاا وين وصلتي ؟
ايان: ابدا والله خلصت
شهد : وش رايك بافراد عائلتي ؟
ايان: والله يهبلوووون ما توقعتهم كذا حلوين ..
شهد: طلعا حبيبتي احنا احفاد طلال ال.... مو حي الله
ايان باهتمام: جدك كان اسمه طلال ؟
شهد: اي .. ابوي سمى طلال على اسم جدي الله يرحمه
ايان: الله يرحمه ..
شهد تاخذ الالبوم وترجعه مكانه: طيب وش رايك يابطه نشوف لنا فلم
ايان : فكره الييييييمه ..
شهد: عندي مجموعة افلام جديده بطللله .. تعالي ننقى سوى
ايان قامت وراها: يللا ..
وكملت ايان سهرتها عند شهد .. وانبسطوا
وايان اول مارجعت البيت حطت صورة طلال بدفتر خاص فيها مستحيل يوصل ليد احد .. وصارت تتأملها كل يوم وكلما جتها فرصه
بيت ابو رنيم ..
رنيم قامت من النوم وهي نشيطه ومبسوطه عالاخييييير .. غسلت وجهها ووقفت قدام مرايتها تمشط شعرها الطويب وهي سرحانه بحبيبها .. صحيح مبسوطه بس انها حاسه بخيبة امل ... كانت تحسب انو ماجد بيكلمها الليله الماضيه بس خيب ظنها ولا دق .. وهي مستحيه تدق عليه ..
عطته عذره وقالت اكيد انه مشغول بالتجهيز لسفرته ولا ايش ممكن يمنعه عني .. واكيد بيكلمني قبل لا يسافر
راحت غرفة امها وشيكت عليها لقتها نايمه .. باست راسها وسكرت الباب وطلعت .. نزلت للصاله تتفرج على التلفزيون على بال ما يجهزون لها الفطور ..
رن جوالها وكان المتصل دلال
رنيم: الوو
دلال: هلاااااااا والللللللللللله بالعرووووووسه
رنيم: هههههههههه توني وش عروسته
دلال: بلا توني بلا قلة حيا .. خلاص صار اسمك متزوجة ..
رنيم:ههههههههههه وش ذا الرجه على الصبح ما خبرتك كذا
دلال: مدري يختي احس فيني نشاط زايد اليوم على غير العاده
رنيم: وقلتي تطلعين ذا النشاط والطاقه فيني اجل هاا ههههههههههه؟
دلال: لاااااا مالت عليك هذا وانا ووجهي ابي اصبح عليك واسمعك صوتي عشان يكون يومك ولا احلى
رنيم بحلم ولهفه: انا ايامي كلها بتكون ولا احلى لاني انكتبت زوجته وله
دلال: اخخخخس يا رنيم .. والله وصرنا نحب
رنيم: هههههههههه اسكتي واللي يرحم والديك ما تعرفين شي انتي
دلال: هههههههههه طيب طيب سكتنا .. المهم وش تسوين الحين منتي مداومه ؟
رنيم: لا حبيبتي اليوم off ماعندي دوام
دلال: يا بختك والله .. وسعي صدرك اجل قد ما تقدرين اليوم
رنيم: ههههههههه لا توصين حريص .. انتبهي على نفسك يا امورة
دلال: اوووكي ولا يهمك .. يللا انا استأذن الحين لأنو وراي محاضره بس حبيت اتطمن عليك
رينم: تتطمن عليك العافيه حبيبي
دلال: الله يعافيك يللا باااي
رنيم: بااي ياقلبي ..
قامت رنيم عشان تفطر واخذت قهوتها عشان تكملها بالصاله قدام التلفزيون .. نزل ابوها وصبح عليها
ابو رنيم :هااا كيف عروستنا اليوم ؟
رنيم: الحمدلله ماعلي بخير الله يسلمك ..
ابورنيم : وكيف ماجد ؟ عسى ما تعب بسفرته ؟
رنيم عقدت حواجبها: اي سفره؟
ابو رنيم: سفرته لاستراليا .. وش فيك وانا ابوك نسيتي انه بيسافر
رنيم بهتت: ماجد سافر؟
ابورنيم : اي سافر .. ليش ماعندك خبر؟
رنيم: هاا .. الا الا عندي .. بس اعذرني بابا تنحت
ابورنيم: من قل النوم وانا ابوك .. ولا وش مصحيك من ذا الوقت انتي
رنيم: شبعت نوم قلت انزل تحت اغير جو الغرفه ..وقفت وقالت : عن اذنك بابا
ابورنيم: وين وانا ابوك ماشبعت منك
رنيم وهي تحط كوب القهوة حقتها على الطاولة القزاز اللي قدامها: ابد يالغالي بس بروح فوق اذاكر لي كلمتين قبل ما تجي الامتحانات
ابورنيم : طيب يالغاليه .. الله يوفقك يااااااااارب
رنيم: امين يارب .. وتوجهت للدرج الفخم لغرفتها ..
قابلتها مشاعل بنص الدرج : صبحي طيب
رنيم بدون ما تطالعها: صباح الخير
مشاعل كشرت : صباح الكآبه .. نزلت وقعدت عند ابوها
مشاعل بدلع : صبااااح الخيييييير داااادي
ابورنيم : ياصباح الانوار .. كيف نمتي وانا ابوك
مشاعل: مانمت اصلا كنتت مواصله
ابورنيم: كذا تعب عليك حبيباي
مشاعل: لا تعب ولا شي .. بالعكس خليني اونس نفسي
ابورنيم: ومتى ناوية تكملين دراسه ؟
مشاعل: بصراحه بابا .. مالي نيه
ابورنيم تضايق: ليش حبيبتي .. معقوله تقعدين على شهادتك الثانوية .. حراام .. وش تبين اي جامعه واي تخصص وانا لك
مشاعل: من جد بابا مالي خلق مذاكره وقرف جامعه وحوسه .. انا كذا مرتاحه .. يمكن اغير رايي فجأة واقول لك تسجلني
ابو رنيم ماحب يضغط عليها زياده : براحتك .. بس لا تنسين مافي شي اهم من مستقبلك .. وانا وامك مو دايمين لك
مشاعل راحت جلست جمب ابوها وحضنته بدلع: لا تقول كذا .. الله يخليك لي ولا يحرمني منك ياااااارب
ابو رنيم ابتسم بفرح لبنته .. يموت عليها وعلى دلعها عليه : ولا يحرمني منك ولا من اختك يا كل حياتي انتو ..
غرفة رنيم ..
رنيم ضاق صدرها لما عرفت انو ماجد سافر بدون ما يودعها ولا يقول لها كلمه حتى
رنيم: مايبي يكلمني .. يرسل لي مسج على الاقل.. ماجد ماهو طبيعي .. مدري ليش.. من خطبني وانا حاسه بالشي هذا .. يارب بس خيب ظني ومايكون سبب خطبته لي شي كبير .. يارب .. مابي انصدم فيه وانا اعشقه .. حاولت تتناسى الموضوع ومسكت لها رواية تقرا فيها على البلكونه .. وهي بالها ماهو مع الرواية ابد .. تقرا ولا تدري وش السالفه اصلا .. بالها مع اللي اخذلها قلبها وعقلها من سنين ..
بيت ابو بندر
قامت ريما من غفوتها بعد مارجعت من الجامعه على المغرب.. استغفرت ربها لانو فاتتها الصلاة صلت العصر والمغرب وغيرت لبسها .. لبست لها فستان صيفي بنفسجي وخلت شعرها على طبيعته وحطت طوق لونه بنفسجي بعد ماكحلت عيونها من جوة وحطت قلوس ..
نزلت تحت لقت ديما قاعده جمب سلطان وبيدها كتاب وبدر قاعد يقرا جريده
ريما: السلام عليكم
بدر وديما : وعليكم السلام
دينا: بدري وش هالنوم ؟
ريما وهي تقعد جمبها بمكان سلطان بعد ما اخذته بحضنها : والله مدري وش جاني فيني تب ماهو طبيعي .. اليوم كان بجد كرف
ديما: الله يعينك
ريما تناظر بدر اللي منسجم بالجريده : بدووووووور
بدر التفت عليها :هلا والله .. صح النوم
ريما:صح بدنك .. اقول بدر كلمك بندر اليوم ؟
بدر وهو ما شال عينه من على الجريده: اليوم ماكلمني بس كلمني امس لما وصل
ريما: قهر دق علي بس كنت نايمه .. ونسيت ادق عليه
بدر: معليش نكلمه بعد شوي
ريما : اوكي ..
قعدوا فتره على قعدتهم هذي .. لين انفتح الباب الامامي للفيلا ودخلت امهم
ام بندر: السلام عليكم
الكل: وعليكم السلام .. قاموا عيالها احتراما لها وباسوا راسها ورجعوا اماكنهم
ام بندر وهي تشيل عبايتها وتناولها الخدامه : كيفكم ؟
الكل: الحمدلله
ام بندر جلست على اقرب كنبه وهي بكامل اناقتها وحطت رجل على رجل واشرت للخدامه عشان تروح : سلطان حبيبي
سلطان :..............
ام بندر: سلطان حبيبي تعال لماما
سلطان رفع نظره لامه وصد عنها وحط وجهه بحضن ريما مايبي يشوفها
ريما بتوبيخ : سلطان عيب .. هذي ماما رد عليها
سلطان والعبره خانقته : مابي هي بتضربني اثلا هي ما تحبني .. ونزلت دمعته
ريما حن قلبها على اخوها .. اللي شافه من امه ماهو قليل .. هما كان ابوهم ينتبه لهم يوم كانوا قده بس اختفى ابوهم عنهم بعد ماكبروا شوي .. وهو مسكين اكلها وهو صغير
ام بندر حست انو مافي فايده يجي لها سلطان والتفت على بدر
ام بندر : بدر
بدر: سمي
ام بندر: اممم انت تروح شركة ابوك شي؟
بدر رفع حاجبه باستغراب من السؤال: لا .. ليش ؟؟
ام بندر: لا ولا شي .. بس كنت ابيك تشوف الاوضاع هناك تعرف انو مافي احد يتابعها وانا ابي احافظ على حلال عيالي .. وبشوف اذا انت متابعه ولا مخليه للي يلعبون فيه
بدر سكر الجريده وحطها قدامه على الطاولة وقال وهو مقهور شوي : اولا يمه الشركه ماسكها نائب ابوي العم حسن .. وهو ذراع ابوي اليمين من قبل حتى ما نجي على الدنيا وابوي مأمنه على الحلا كله ,,معقول اجي الحين انا اتابع وراه واطعن بأمانته وثاني شي .. الحلال هذا حلال ابوي الله يطول بعمره .. له هو لوحده ولا احد فينا الحق اصلا انه يتصرف فيه لوووو اييييييش
ديما يوم حست انو الوضع بدا يتوتر بين امها واخوها قررت تاخذ اخوها سلطان وتحطه بغرفة الاعاب وتقعد تذاكر عنه .. طلعت بعدما استأذنت
ام بندر سكتتت مقهورة من بدر.. هو الوحيد اللي مو معطيها وجه من عيالها .. يمكن لانه شتف منها الامرّين وشاف سواياها بخواته عشان كذا مو مقتنع
ام بندر سكتت ولا ردت عليه .. حست انو صبرها بدا ينفذ ولازم تنفذ اللي براسها قبل لا يجي ابو بندر ويقلب الدنيا فوق تحت .. الفتت لبنتها ريما وهي تتغضب الابتسامه بسبب القهر اللي سببه لها بدر
ام بندر: ريما تعالي معي ابيك بكلمة راس
ريما : خير يمه ؟؟
ام بندر وهي توقف: كل الخير .. تعالي معي
ريما طالعت ببدر واشر لها .. انا هنا لو صار شي
ريما ناظرت اخوها بعتاب .. ليش يقول كذا يعني وامه تغيرت قدام الكل .. وش بتسوي فيها يعني .. ليش محد مصدق انها تغيرت غيري حتى ديما ماهي مرتاحه ..
بدر صد بنظرته عنها وصار يقلب بجواله ..
بحديقة الفيلا
ام بندر تأشر لريما تجلس جمبها : تعالي جمبي حبيبتي
ريما جلست جمب امها زي ماطلبت بهدووووء وهي مرتبكه من قرب امها لها .. ماهي متعوده عليه ابد وفعلا شي جديد عليها
ام بندر مسكت يدها وقالت بحنان: شوفي ياريما .. انتي عارفه انك بنتي وحبيبتي ودنيتي كلها وتسوين عيوني المركبه
ريما طالعت فيها وسكتت
ام بندر: وتعرفين اني ما اتمنى لك الا الخير والسعاده بحياتك .. واني بسوي لك المستحيل عشان اشوفك مبسوطه ومرتاحه ومتهنيه
ريما وخرت نظرها عن امها وصارت تناظر قدامها وقالت بهدوء: الله يخليك لنا ولا يحرمنا منك يارب
ام بندر بابتسامه هاديه تخفي وراها الكثير: ولا يحرمني منكم .. ولا من شوفتكم مبسوطين .. عشان كذا ياحبيبتي .. انا اليوم وافقت على شي
ريما تناظر امها وهي ماهي فاهمه : شي؟؟
ام بندر: اي .. اليوم ام حمد خطبتطك لولدها حمد ..
ريما انصدمت .. شي ما توقعته .. خيييييير وش تخطبني لولدها .. متى شافتني هي
ريما:..............
ام بندر: الصراحه حمد خووووووش ولد ولا ينعاب .. رجال ومتربي احسن تربيه ابوه صاحب مركز مرموق بالمجتمع وعنده شركات وعقارات واراضي .. ربي منعم عليهم بشكل كبير .. ولا ناقصه شي ... وعندهم قصر بالرياض وبجده وفيلا بمصر ولندن .. وعندهم شقه بباريس و
ريما قاطعتها: عفوا يالغاليه .. بس انتي تعرفين اني ما تهمني الامور هذي .. عمري ما اهتميت للفلوس ابدا .. وبعدين في حاجه ثانيه انا مابي اتزوج الحين
ام بندر: يابنتي صدقيني حمد مايتفوت .. وليش ما تبين تتزوجين الحين .. دام ربي رسلك لك هالنعمه ترفسينها برجلك
ريما: بس يا ماما انا من جد مابي اتزوج انا ابي اكمل دراستي وانتبه لاخوي سلطان لانه محتاجني و
ام بندر قاطعتها ووقفت: وش فيه سلطان قمتي تتحججين فيه الحين عشان ما تتزوجين .. سلطان عنده المربيات حقاته بدال الوحده عنده ثلاث خاصاات فيه وكلها سنتين ويدخل الروضه .. والدراسه بقى لك شوس وتخلصين وش فيها يعني
ريما : ماما انا ابي اكمل دراستي .. ماوقت على البكالوريوس .. وكمان انا مستحيل ارضى سلطان ينرمي باحضان المربيات وانا موجوده
ام بندر وصبرها بدا ينفذ وبتنفجر وبأي لحظة: وش فيها تربيه المربيات .. انتي تربيتي عليها واخوانك كمان
ريما: لا ماما .. احنا كانت عندنا جدتي حصه الله يرحمها وكان ابوي حولنا
ام بندر: وانا وش دوري
ريما سكتت ولا قدرت ترد
ام بندر:ما تتكملين.. وش دوري انا ؟؟
ريما: يمه اعذرني عن الجواب.. بس زواج من حمد ماني متزوجة وانا اساسا ماني مرتاحه لامه ابد ..
ام بندر لفت عليها بقوة وهي تتفجر من الغضب: لا حبيبتي .. غلطانه حمد وبتاخذينه وانتي ما تشوفين الدرب وبجيب راس امه الارض عن طريقك هاللي شايفه نفسها وبحقق امالي على حسك سامعه ولا لا .. وبتوافقين وتقولين لابوك انك موافقه
ريما انصدمت ..
انا بحلم ولا علم .. امي رجعت بملحة بصر لفوزية القديمه .. وش اللي غيرها .. بطيبتهعا مافي احلى منها ..لا وكمان جايبة لي مصيبه على راسي تبي تزوجني غصب علي بدون ماتاخذ رايي
ريما وهي تبكي: ماما لا تجبريني مابي حمد مابيييييييييييه
ام بندر وهي تمسك يدها بقوة: لا بتاخذينه غصب عليك كانك تبين ولا لا
ريما زاد بكاها: بابا مارح يرضى
ام بندر تقربب منها: شوفي ياريما .. وربي وربي لو تقولين لابوك انك رافضه اني لا اقلب نهارك ليل وليلك نهار سامعه ولا لا .. وسلطان لا ارميه بمدرسة داخليه ولا تشوفينه الا وعمره 20 سنه وديما لا ارميها على شايب كبر ابوك الحمار ولا اربيكم كلكم من جديد وكملت بصراخ ..ساااامعه ولا لاا
ريما مماتت رعب من امها .. من زمان ما شافتها هايجه كذا وتهدد وشكلها من جد متحلفه فيها .. ياربي امي رجعت القديمه .. راح التغيير الحلو .. وش اسوي يارب الهمني يارب
ام بندر وهي تهزها بعنف : وش قلتي
ريما بين دموعها وبصوت عالي: موافقه موووووووافقه بس اتركي اخواني بحالهم
ام بندر دفتها بقوة خلتها تطيح على الارض
ام بندر : جهزي نفسك .. بكلم ابوك وننتهي من ذا السالفه باقرب وقت ممكن تملكون على بعض ونرتاح .. وحسك عينك تجيبين سيره لاحد اني غصبتك او انك منتي موافقه وربي لا انفذ تهديدي فيك انتي واخوانك,,مت وخلتها بروحها
ريما ظلت تبكي على الارض وهي ماسكه يدها اللي امها كانت تضغط عليها وتبكي بحرقه .. بكت وبكت وبكت .. لين ماتعرف كم من الوقت مر عليها .. عدت ساعات وهي على حالها ..
ومن سوء حظها انو بدر طلع بعد ما جاه اتصال من مشعل وهو نسى اصلا انو ريما مع امها .. ولو كان متذكر كان ما خلاها لوحدها ابدا مع امه القاسيه الاي هي بنظره ما تغيرت ولا عمرها رح تتغير
عدت الايام بسرعه على ابطالنا ورح اعطيكم الملخص
-رنيم للحين ما جاها ولا اتصال من ماجد لا يسألها عن حالها ولا حتى يطمن بالها عليه ولا حتى رساله .. وهي قلقانه مووت بس يوم درت من ليان انه يكلمهم دايم تتضايق مره والافكار توديها وتجيبها ويزيد شكها انو في شي ماهو مضبوط خلاه يتقدم لخطبتها .. وصايره تشغل حالها بالدراسه ومداراتها لامها المريضه اللي كل يوم تتعب زياده
-ماجد ولا حتى فكر برنيم ولا تجي على باله الا لما يجي بندر يهزأه لانو ماهو معبرها لو حتى بمكالمه ولا محسسها انه يبيها .. وقلقان موووت على رانيا لانها ما صارت تجي الجامعه ولا يعرف لها مكان واذا دق عليها ماترد بس اذا كلمها على البلاك بيري ترد عليه احيانا وتقول له انها بملبورن عند بنت خالتها اللي عايشه هناك وبتقعد كم يوم
- رانيا ونواف علاقتهم زادت وصارت مره قوية وصار نواف روح قلبها ودنيتها ولا هي قادره تفارقه لدرجة انها ماهي طايقه ماجد ولا تسمع سيرته او حتى اسمه .. ولا تجذبها طاري فلوسه حتى
-مشعل نفسيته تعبانه لانو زواجه خلاص قرب ولا باقي عليه شي.. ولانو البنت اللي شافها للحين مسيطره على باله وتفكيره
- بعكس اثير اللي الدنيا ماهي سايعتها وهي حاسه انها بدت تحب مشعل من كلام خواته عنه ., وصايره تجهز بكل حماس ومتعه
- ايان كل يوم حب طلال يكبر بقلبها وتفكيرها
- ام بندر كلمت ابو بندر وقالت له عم خطبة حمد لريما وهو قال انه موافق بس بشرط يكلم ريما بنفسه ويسمع موافقتها لانه ما يثق بزوجته ابد .. وقالت له ريما انها موافقه .. وهو قال لها انها كلها شهر ويرجع عشان يقابل الولد ويملكون ..
- شذى ومعاناتها الدائمه مع ابوها وزوجته .. وابوها اللي كل يوم شغال فيها ضرب وترفيس وهي المسكينه لا حول لها ولا قوة ..
هذي اهم الاحداث اللي صارت .. طبعا لا ننسى التدابير من تحت لتحت اللي ممكن تقلب حياة ابطالنا فووووق تحت ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك