رواية علميهم ليه احبك حب ما حبه بشر -26
ريما بنفسه ويسمع موافقتها لانه ما يثق بزوجته ابد .. وقالت له ريما انها موافقه .. وهو قال لها انها كلها شهر ويرجع عشان يقابل الولد ويملكون ..
- شذى ومعاناتها الدائمه مع ابوها وزوجته .. وابوها اللي كل يوم شغال فيها ضرب وترفيس وهي المسكينه لا حول لها ولا قوة ..
هذي اهم الاحداث اللي صارت .. طبعا لا ننسى التدابير من تحت لتحت اللي ممكن تقلب حياة ابطالنا فووووق تحت ..
يووووووووووووووووووووووووووم
" مشعـــــــــل & أثيـــــــــــــــــــــــر"
كانت بالقاعه الفخمه اللي معزمين عليها اكبر الشخصيات والحابيب والاصحاب
كانت اثير جاهزة بغرفة العروسه تنتظر زفتها .. وكانت معها ليان ودلال
اثير تتنهد بقلق
دلال: يابنتي تعوذي بالله من الشيطان .. وكل شي بيصير تمام التمام
اثير وهي شوي وتبكي : شكلي حلوو؟
ليان : وربي جنااااااان قمررر شي فوووق الوصف اسم الله عليك .. خليني احصنك الحين
اثير كانت تدمع من التوتر اللي هي فيه وكل شوي الكوافيره تقوم تعدل لها مكياجها اللي يخرب بسبب الدموع بعدما تعصب عليها بسبب ذا الدموع اللي مالها داعي وكل شوي وهي نازلة .. لدرجة انها مارحت وقررت انها ماترح الا لما تنزف اثير عشان تتطمن انو مكياجها وشكلها بيكونون تمام التمام
الهنوف جت طااااااااااااايره: اثييييييييييييير لا يفووووتك الجو تحت خيااااااال وربي الدنيا قاااايمه الكل يرقص ومستانس
اثير: كل شي كويس وحلو تحت ؟؟
الهنوف: تمااام التمام
اثير: وين غدير
الهنوف:هههههههههههههههههههه غدير وايان حالفين ما ينزلون من على المسرح .. عاجبتهم المطربه مررره واغانيها
اثير ابتسمت غصب عليها
دخلت ام عبدالرحمن وهي كاشخه وفرحانه موووت: ها حبيبتي خلصتي ؟؟
اثير دمعت يوم شافت امها
ام عبدالرحمن نزلت دموعها ومسحتها بسرعه: ياحبيبتي انتي .. ربي يحفظ يارب وربي تاخذين العقلللللل .. الله يهنيك يارب ويوفقك
اثير تحضن امها وتبكي : ماما خلاص مابي اتزوج
الكوافيره: لااااااا مدام عايشه دخيل الله لا تبكيا .. ما خلصنا دموع هلأ .. صار لي عايدتلك الميك اب 5 او 6 مرات على أد ما بكيتي
ام عبدالرحمن: ههههههههه خلاص حبيبتي .. اذكري ربك .. واستعدي شوي وتنزفين
اثير انهبلت: اقول لك خلاص مابي اتزوج هونت .. مابي لو سمحتوا
دخلت ام مشعل على كلمتها وهي الفرحه ماهي سايعتها وتسمي على اثير: هوووو يا اثير تبين تحرمين ولدي من هالجمال .. لا وربي مالك حق
اثير انحرجت واعصابها تلفت وكل شي
دلال: خلاص حبيبتي هدي الحين واقري المعوذات عشان تهدين على بال ماتجي غدير الحين وتقول لنا عشان الزفه
اثير وهي تحاول تهدى وتناظر نفسها للمره المليون بالمرايه: حلووو ؟؟
ليان:ههههههههههههه اي حلو حبيبتي
اما تحت كانت الاجواء ولا احلى .. صوت المطربه مالي المكان والبنات يرقصون فرحانين بالزواج .. واللي متلهف بيموت ويشوف العروسه واللي يبي العشا ويقضب الباب واللي حاقد وغيران على العائله والعز اللي هما عايشينه واللي واللي
بأحد الطاولات كانت في ام زياد قاعده وهي مهمومه من حال ولدها .. تفكر فيها ولاهي حاسه لا بالدوشه ولا بالجو اللي حولها ..
شافت نور جوالها على الطاولة .. طبعا مستحيل تسمع الصوت بين هالاغاني والصجه .. خذته وردت على طول لانو المتصل كان ولدها
ام زياد: الووووو يممممه
زياد: هلا يممه .. وش صار؟
ام زياد: ولا شي الحين بتنزف .. يمه تبيني ارجع لك ؟
زياد: لا يمه لا ترجعين .. بس تكفين اذا انزفت له علميني
ام زياد بصوت عالي : انا والله مدري يمه وش له تبيني اعلمك عشان اكدرك .. انا لوما حلفت علي امها كان ما حضرت شي يقتل ولدي
زياد بهم وتعب: يمه خلاص الله يعافيك .. لا تزيدينها علي .. اذا انزفت علميني لو برساله
ام زياد تنهدت : ان شاء الله
زياد: مع السلامه
ام زياد: مع السلامه الله يحفظك .. تنهدت ام زياد بضيق بسبب ضيقة ولدها وهمه .. هو وحيدها ونور عيونها .. ما تشوف غيره .. صعبان عليها مره .. حبه لاثير بيدمره .. وخصوصات خلاص انها صارت لغيره ..
عند زياد
كان زياد حاجز له بالاوتيل هو وامه .. هو جا بس عشان امه لزمت عليه ولا هو اصلا ما يقدر يحضر زواج حبيبته ودنيته .. ما يقدر يحضر زفتها على غيره ..
قعد يفكر ويفكر .. اقل شي اسرق نظرة منها لو لاخر يوم بعمري ..
قام بسرعه غير لبسه وطلع للقاعه اللي فيها زواج حبيبته
القاعه .. عند الرجال
مشعل كان كنه ميت .. ماهو حاس ولا بأي احساس .. ماهو مبسوط ابد .. محد لاحظ عليه غير بدر لانه مره قريب منه
بدر: وش فيك انت ورا ما تبتسم ؟؟
مشعل: اسكت يا بدر الله يخليك وربي مالي خلقك
بدر: طبعا تفكر بالمدام اللي جوة
مشعل عطاه نظره وصد
بدر: طيب ابتسم ياخي لو نص ابتسامه ورنا ابتسامتك الحلوة
مشعل ابتسم ابتسامه صفرا سريعه كنه يسكته : كذا زين
بدر : وللل عليك ..
عند الحريم
جا وقت زفة اثير ..
كانت تترتجف وباين عليها الخوف والتوتر مع انها تحاول قد ما تقدر تكون طبيعيه
تسلطت عليها الانوار والكل صار يراقبها بحماس وهي تنول من الدرج بهدوء
وامها وام مشعل يذكرون اسم الله عليها .. انزفت بشويش وصوت شاعر معروف يملا المكان من حولها والموسيقى الرااااايقه
مذهـلــــــــــــــــــــــــــــــه
ماهي بس قصة حسن
رغم ان الحسن فيها بحد ذاته مشكله
مذهلــــــــــــــــــــــــــه
كل شي فيها طبيعي ومو طبيعي اجمل من الاخيله
طيبها قسوة جفاها
ضحكها هيبة بكاها
روحها حدة ذكاها
تملأك بالأسئله
مذهله .. مذهله .. مذهله
مذهلــــــــــــــــــــــــــــــــــه
وصارت تمشي بهدوء ورزانه لين وصلت للكوشه .. وقعدت بمكانها .. وصارت محط انظار الكل ..
قام البنات لها وسلموا عليها وصاروا يرقصون .. وصاحباتها حولها
الكل كان مبسوط .. الا مشاعل اللي شايفه الوضع مره سامج على قولتها وقاعده جمب امها بملل ,, كانت ايه بالجمااااااااال واحلى من كل البنات ونظرات الاعجاب لها كانت ترضي غرورها ..
كانت لابسه الفستان الفوووووشي المفصل خصيصا لها .. بكم واحد طويل والكتف الثاني عاري .. كان مغري بشكل مو طبيعي .. ومسوية بشعرها القصير تسريحة مارلين مونرو الشهيره مع مكياجها الثقيل .. وطالعه ولا اروووووووع
كانت اشكال البنات حلوة وملفته .. بس مشاعل ماكله الجو عليهم كلهم وتناظر الناس بطرف عليها وغرور كالعاده .. كل اللي ببالها انو شوي ويجي حبيبها خالد ويدخل يرقص مع العريس وتكحل عيونها بشوفته
عند الرجال
ابومشعل: يللا مشعل
مشعل: وين ؟؟
ابومشعل: وين يعني عشان تروح لعروستك
مشعل: لا لا لا يبه اسف .. امني داخل عند الحريم خليها تطلع لي
ابو مشعل: هاا وش ذا الحكي
مشعل: يبه اعذرني ولو سمحت لا تضغط علي اكثر من كذا .. دخلة عند الحريم ماني داخل ... باخذها ونمشي للفندق على طول
ابو مشعل: لا حول ولا قوة الا بالله .. رفع جواله ودق على ام مشعل
ام مشعل: هلا ابو مشعل ,, ها بتدخلون ؟؟
ابومشعل: لا ,, ولدك معيي
ام مشعل : وشوو معيي على كيفه هوو
ابومشعل: رافض يدخل يقول باخذها ونمشي
ام مشعل: مو على كيفه .. اغصبه
ابو مشعل: وش اغصبه يانوره الله يهيدك بس.. رجال وش كبره اطول مني معرس تبيني اسحبه بين خلق الله
ام مشعل بقهر: انا اوريك يا مشيعل
ابو مشعل: يام مشعل اقصري الشر وخليه على راحته .. احنا جبرناه وضغطنا عليه باشياء واجد ونحمد ربي ماتمرد علينا.. خليه براحته
ام مشعل: اففف طيب طيب .. يللا شوي واكلمكم عشان يجي ياخذها
ابو مشعل: ان شالله .. مع السلامه .. وقفل
عند الحريم
ام زياد مسكت جوالها ورسلت لولدها
" انزفــــــــت "
زياد اول ماسمع رنة الرساله فز قلبه وفتحها بلهفه .. قرا مرة واثنين وثلاثه .. عيونه ماهي راضيه تتقبل ابدا الوضع هذا ..
خلاااص .. يعني راحت مني ..
سرح بخياله فيها لفتره ماهي قصيره ..
شوي وشافها طالعه من القاعه ومعها مشعل .. وحولهم الاهل يودعون ويسلمون ويوصون .. عرفها من فستانها الابيض المبين من تحت العبايه
تنهد بقوة .. والآاااه يحسها تعذبه وهي تطلع ., حسد مشعل عليها وتمنى يقوم يذبحه .. صار يملي عينه منها ولا رمش حتى رمشه ..
يحبهااااا .. البعيده القريبه ..
بعيده عن عينه لكنها قريبه من قلبه ..
ماقدر يداري دمعته اللي خانتها .. ولا مسحها
خلاها تاخذ طريقه لخده .. يمكن تغسل قلبه وتطفي النار اللي يحس فيها بمجرد شوفتها معاه
ركبوا السياره مشعل واثير وتحركت فيهم للاوتيل
لا اراديا نزل زياد من السياره ودموعه بوجهه وصار يمشي ورا السياره وينادي باسمها
انتبه له بدر والتفتت باستغراب .. من هذا اللي ينادي اثير
بدر: نعم يالاخ فيه شي؟؟
صحى من اوهامه زياد ومسح دموعه بسرعه خاطفه عشان ما ينتبه له بدر
زياد: لا مافي شي ..
بدر: طيب ؟؟
زياد انتبه وقال عشان مايخرب الخطه : انا ولد خالة اثير كان ودي اسلم عليها قبل لا تمشي << حسه عذر مال امه داعي مايدري شلون طلع معاه
بدر ناظره وهو ماهو مرتاح : وانت متعود عليها لدرجة انك تسلم عليها ؟
زياد: ولد خالتها اقول لك .. اكيد متعود عليها
بدر: طيب احنا ماعندنا ذا الخرابيط .. عيب عندنا ولا ولد خالتها يتعود عليها ولا يمشي بالشارع ينادي اسمها
زياد سكت وصد بنظرته عن بدر
بدر عطاه نظره متفحصه ومشا لجوة .. وزياد رجع لسيارته وهو يجر وراه بقايا قلبه اللي انكسر بشوفتها مع غيره ركب السياره ودق على امه عشان تطلع له .. 5 دقايق وامه عنده
ام زياد: زياد بسم الله عليك وش جابك ؟؟
زياد : ولا شي ..
ام زياد وهي تشوف حالة ولدها ومارح تتوه عنه تحسه مكسور قالت: من متى وانت هنا ؟؟
زياد: من فتره
ام زياد: شفتها ؟؟
زياد مارد على سؤالها وفهمت انو ايه شافها ..
شغل الراديو وطلعت له اغنية وائل جسار
اعذريني بيوم زفافك .. مقدرتش افرح زيهم
ماخطرش ابدا يوم ببالي .. اني ابقى واحد منهم
جايلك بهنّي .. واقف بغني
معرفش ليه .. ايه اللي جابني
غير اني اشوفك .. بس وامشي
ومش هاممني .. اصعب عليهم كلهم
يوم ما جيتلك غصب عني
معرفتش امسك دمعتي
لسه زمان فرقنا ليه
وماتكونيش من قسمتي
حاجه وحده طمنتني
خلتني امشي من سكاات
شفت فعنيكي ابتسامه
فيها معنى الماضي مات
دنا لو بموت بعد منك
لازم تعيشي بعد مني
هالاغنيه فجرت فيه كل المعاني والاحسايس .. قفل الراديو بعصبيه وهو يحاول يداري دمعته .. وامه تدعي له ربي يوفقه مع غيرها
بالسياره ..
كان الجو بااااااااارد .. مشعل كل هموم الدنيا فيه ولا هو طايق نفسه ..
اما اثير كانت متوترة موووت ومنحرجه .. اول مره تركب سيارة رجال غريب .. حتى انها ما شافته الا مره وحده وبالصدفه البحته كمان
قطع الصمت اللي كانوا عايشين فيه جوال مشعل ورد
مشعل: هلااااا
ماجد: هلااااااااااااااااااااااااااااااااااااا بالمعرررررررررررس عظم الله اجرك .. انتم السابقون ونحن اللاحقون
مشعل: هههههههههههههههههههههههههههههههههههههههههههههههههه هههههههههههههههههههههه الله يقطع شيطانك كذا الناس تهني
اثير بغى يوقف قلبها من ضحكتها .. بلعت ريقها من التوتر
ماجد:هههههههههههههههههههه لو تشوف بندر قاعد يصفق فيني يقول اش ذا الحكي
مشعل: وهو صادق
بندر يسحب الجوال من ماجد: الله يقطع ذا الخشش .. صدق لا قالوا .. يعطي الحلق للي ماله اذان .. الحين انتو ما تقدرون الزواج وشو له تتزوجون
مشعل بنص ابتسامه: حكم القوي وانا اخوك
بندر: لا حوووول .. اقول لا يكثر وخلك مع حرمتك الحين .. احنا بس قلنا نتصل نهنيك تعرف صعبه نجي
مشعل: مشكورين وما تقصرون والله .. اكيد مقدر وش دعوه
بندر: ووه فديتك
مشعل بقرف: لا يكثر بس وخلك رجال
بندر: ههههههههههههههه حاضر عمتي .. اوامر ثانيه
مشعل: هههههههه لا فارق
بندر: فمان الله
مشعل: فمان الكريم .. وقفل منه ورجع الجوال جيبه ولا كلف حتى على نفسه لو يسرق نظرة لاثير ..
بالفندق ..
كان واقف ماجد يكمل الاجراءات حق الجناح اللي حاجزة له ابوه .. وقال لاثير روح للغرفه 202 والحين انا جايك ..
اثير :هااا ؟؟ اروح لوحدي
مشعل وهو قرفان من نفسه : الحين بجيك يابنت الحلال بس بكمل الاجراءات
اثير بهدوء: طيب .. وراحت للجناح بعد مارافقها الرجال مع الشنط ودخلت جوه وشالت عبايتها بعد ما تأكدت انو الرجال طلع
وقفت قبال المرايا الكبيره وشافت حالها برضا ..
اثير: امممم الحين اغير ولا ؟؟ افففف يارب وش اسوي
وهي بين افكارها دخل مشعل وهو يتأفف ورمى البشت على السوفا اللي جمبه وقعد وشال شماغه ومسح على وجهه وراسه بتوتر وضيق
اثير ماعرفت وش تسوي .. قعدت على الكنبه وهي بتموت من التوتر ,,
فتح مشعل عينه ولا رفعها لاثير .. شاف الفستان حقها قدامه .. وصار يناظر طرفه .. شوي شوي لقى نفسه يتأمل فستانها
فكر وقال .. الحين انا ليش ما اقرب واشوف البنت اللي مجننه امي والبنات .. هي الحين زوجتي ومن حقي اشوفهاا .. عندي فضول اشوف اثير اللي سيرتها على لسان البيت والعايله كلها .. بس وربي ما تتهنى معي والفضل كله لامي
قرب منها بشويش لين وقف قدامها .. اثير من التوتر والرعبه وقفت
قرب منها زياده ورفع وجهها له وشاف
^
^
^
^
^
^
^
اكمل لكم بالبارت الجاي ..
دمتم بود
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء السادس عشر
بالقاعه ..
الزواج كان زي ماهو البنات يرقصون ومبسوطين .. وبعدين جا وقت العشا والكل توجه ناحية البوفيه
رنيم: ماما حبيبتي قومي عشان تتعشين
ام رنيم: مالي نفس يابنتي
رنيم: ماما مايصير هالكلام .. لازم تاكلين عشان تقدرين تاخذين الدوا
ام رنيم: طيب بس ماني مكثره احس معدتي ماهي خاوية
رنيم: على راحتك حبيبتي ..اهم شي انك تاكلين عشان تقدرين تاخذين الدوا .. انا بروح احط لك بصحن واحطها على الطاولة اللي فيها خالتي ام ماجد
ام رنيم: طيب .. والتفتت على مشاعل بعد ما راحت رنيم
ام رنيم: مشاعل .. ليش ما تقومين تتعشين؟
مشاعل وهي متكتفه بملل: مالي نفس
ام رنيم: وش اللي ساد نفسك حبيبتي
مشاعل: ما احب اكل بالزحمه .. وكمان الجو هنا قارفني وابي ارجع البيت
ام رنيم : الحين ترجعين البيت .. انتي من اهل العريس كيف تروحين بذا السرعه
مشاعل وهي تقلب عيونها بملل يقتلها: مالي شغل بأحد ابي ارجع البيت ماما لو سمحتي لا تزنين علي
ام رنيم : لا حول ولا قوة الا بالله .. خلاص روحي كلمي السواق يجيك مع الشغاله ..
مشاعل طلعت جوالها تبي تدق على السواق الا وجوالها يرن جوالها وابتسمت .. قامت عشان ترد
ام رنيم: مشاعل سمعتيني لا تروحين مع السواق لوحدك خلي يجيب وحده من الشغالات ..
مشاعل وهي تمشي : طيب طيب سمعتك
راحت بعيد عن امها وردت بصوتها المدلع: الوو
راكان: يابعد كل من قال الووووو انتي
مشاعل: ههههههههههههه
راكان بلهفة: وحشتيني
مشاعل: شكرا <<< ماتحب ذا الكلام الا لخالد ..
راكان : مشاعل ايش هذا غايبه عني اكثر من 8 ساعات .. ماوحشتك يعني؟
مشاعل: امممم الا
راكان: طيب وينك عني هذا كله
مشاعل: مشغوله تعرف انه زواج ولد عمي ,,
راكان :طيب متى اقدر اشوفك ؟
مشاعل لمعت ببالها خطه : امممم تعال الحين ..
راكان انصدم: الحييييين
مشاعل: اي الحين .. ولا ما ودك تشوف حبيبتك بكامل كشختها ؟
راكان: الا اكيد ابي اشوفك وبموت من لهفتي كمان .. بس عادي يعني اخاف احد يشوفنا او ..
قاطعته مشاعل: اهااا عااااد بدينا من الحين .. انا قلت لك من قبل اني ما احب الرجال الضعيف الجبان ..
راكان : افاا يا ميشو .. ماهقيتها منك تشككين برجولتي
مشاعل: انت حديتني .. يللا تعال لي
راكان : هوووووى واكون عندك .. انتي بس قولي لي اي قاعه انتي
مشاعل : طيب تعرف ...... ووصفت له
راكان : خلاص اجل اول ما اجي بعطيك رنه تطلعين لي على طول
مشاعل: اووووكي ..
بالبوفيه ..
ام فهد : ما شاء الله ياا نورة .. من احلى الزواجات اللي حضرتها بحياتي .. يستاهل تعبك وحماسك والله
ام مشعل بفخر : تسلمين حبيبتي .. اكيد هذا زواج بكري ووحيدي لازم يكون فوق الوصف ولازم اتعب عليه ..
ام فهد: الله يوفقه يارب ويهنيه مع عروسته
ام مشعل: امييييين يارب .. وعقبال ماتفرحين بفهد
ام فهد : امييين يارب .. والله هو وده وماعنده مانع .. بس انا للحين ما لقيت له البنت اللي تستاهله
ام مشعل: الله يرزقه بالبنت اللي تسر خاطره ..
شافت بنتها دلال تمشي من بعيد شوي ونادتها
جت دلال: سمي ماما
ام مشعل: سم الله عدوك .. سلمي على خالتك ام فهد
ام فهد باعجاب: ماشااااء اللله تبارك الله .. هذي دلال .. وش اخبارك حبيبتي
دلال: الحمدلله خالتي بخير
ام فهد : اخر خبري فيك كان عمرك 9 سنين .. الحين اشوفك كبرتي واحلويتي وصرتي عروسه
دلال استحت: تسملين يا خالتي
ام فهد يازينها بسسسس هذي هي لقيتها .. هي اللي تناسب ولدي فهد
ام مشعل: ووين بنتك ما شفتها اليوم
ام فهد: والله يا نورة تهاني راحت لخوالها مسوين عزيمه كبيره .. ولا تجهزت للزواج .. ولا انا ودي انها تتعرف على دلال ويصيرون صاحبات وعلاقتهم حلوة
ام مشعل: معليش الجاياات اكثر
دلال: عن اذنك ماما .. عن اذنك خالتي
ام فهد وام مشعل: اذنك معك
ام فهد تناظر دلال بفستانها الموف المتألق وتسريحتها ومكياجها الناعم .. كانت فعلا متألللللللقه : الله يحفظها
ام مشعل: امين يارب .. يللا تفضلي عالعشا
ام فهد : يللا
عند بوابة القاعه .. كانت مشاعل تلبس عبايتها وقابلتها رنيم
رنيم: على وين ؟
مشاعل وهي تسكر عبايتها ولا رفعت نظرها لرنيم: بروح البيت
رنيم: ليش ؟؟ ما قعدتي وتوه بدري حتى انك ما تعشيتي
مشاعل: ما اشتهي اكل الحين .. ابي اروح البيت .. وانااام مصدعه وحالتي حاله
رنيم : ومن بياخذك ؟
مشاعل بنص عين : وانتي وش عليك ..
رنيم: جاوبي
مشاعل: اففففففف مع السواق والشغاله .. ارتحتي الحين
رنيم مشت : توصلين بالسلامه
مشاعل: افففففففففف انواع الازعاج .. تحجبت بسرعه وطلعت لراكان اللي ينتظرها على احر من الجمر
بيت شذى
شذى كانت نايمه وغرقانه باحلامها .. او بالاصح كوابيسها ..
صار لها 3 ايام تحلم بكوابيس ماتدري وش سببها او تفسيرها
لدرجة انها صارت تتحاشى النوم احيانا وتقاومه
شذى قامت وهي تلهث وعرقانه : اعوذ بالله من الشيطان الرجيم .. ايش هذي الاحلام يارب ..
قامت شربت موية ونفثت عن شمالها وحاولت ترجع تنام بس ماقدرت .. قررت تطلع الحوش تقعد شوي ..
صارت تراقب القمر وسرحت فيه .. اليوم القمر بدر
ااااه يا بدر
احبك وربي ومشتاقة لك موووت .. حست بالجوال يهتز بجيب بنطلونها وردت على طول لانو مافي غيره يدق عليها
شذى: الووووو
بدر:احبببك
شذى ابتسمت: الناس تقول السلام عليكم اول
بدر: السلام عليكم .. احبك
شذى: هههههههه وعليكم السلام .. وانا احبك
بدر: حبيبي ليش صاحي ؟
شذى: اممم صحيت وعجزت انام من جديد .. قلت اطلع اتأمل البدر شوي شكله حلو اليوم
بدر: احمم .. انا البدر الوحيد بحياتك ..
شذى: انت البدر اللي يضوي دنيتي وكوني مو بس حياتي
بدر: يالبييييييه .. وربي اتعب من كلامك ..
شذى: بسم الله عليك من التعب ياغالي
بدر: الله لايحرمني منك يارب
شذى: ولا يحرمني منك يارب
بدر: كيف معاملة بابا لك ..
شذى تنهدت : وربي معذبني
بدر: اخخخ بس يالقهر .. مابيدي شي للحين ولا كان يده هذي اللي يمدها عليك كسرتها وعلقتها له
شذى: بدر انت عارف اني مابيك تحتك ببابا ابد.. لانه مو بعيد عليه يسوي اي شي ..
بدر: بيجي اليوم يا شذى اللي اخذك فيه من ابوك ومرة ابوك ودنيتك كلها .. وتكونين فيها معي بأمان ومرتاحه واخليك اسعد انسانه بالدنيا
شذى والامل بدا يلمع قدام عيونها: وعد يابدر؟
بدر وهو هيمان بصوتها: وعد ياروح وكل بدر انتي ..
سيارة راكان
راكان: هلا والللللللللللللله تو ما نورت سيارتي
مشاعل: بنورك ..
راكان: ها ياحبي اخبارك ؟
مشاعل : تمام ماعلي
راكان وقف على جمب وفتح النور عشان يشوف وجهها اللي ذاب فيه من اول ما شافه .. فتح النور حق السياره وفهى
راكان: انتي كلما اشوفك تحلوين اكثر
مشاعل وهي ترمش بدلع : انا كل يوم حلاي يزيد
راكان قرب منها وحصنها: لا تحرميني من هالحلا
مشاعل : انت وش فيك كلما تشوفني ينعفس حالك
راكان بعدها شوي عن حضنه واشر عليها: تلوميني لا شفتك انا استخف واحس انو قلبي بيوقف
مشاعل بخوف مصطنع : بسم الله عليك
راكان قرب منها و .........
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك