رواية علميهم ليه احبك حب ما حبه بشر -27
راكان وقف على جمب وفتح النور عشان يشوف وجهها اللي ذاب فيه من اول ما شافه .. فتح النور حق السياره وفهى
راكان: انتي كلما اشوفك تحلوين اكثر
مشاعل وهي ترمش بدلع : انا كل يوم حلاي يزيد
راكان قرب منها وحصنها: لا تحرميني من هالحلا
مشاعل : انت وش فيك كلما تشوفني ينعفس حالك
راكان بعدها شوي عن حضنه واشر عليها: تلوميني لا شفتك انا استخف واحس انو قلبي بيوقف
مشاعل بخوف مصطنع : بسم الله عليك
راكان قرب منها و .........
بالفندق ..
جناح اثير ومشعل
فتح مشعل عينه ولا رفعها لاثير .. شاف الفستان حقها قدامه .. وصار يناظر طرفه .. شوي شوي لقى نفسه يتأمل فستانها
فكر وقال .. الحين انا ليش ما اقرب واشوف البنت اللي مجننه امي والبنات .. هي الحين زوجتي ومن حقي اشوفهاا .. عندي فضول اشوف اثير اللي سيرتها على لسان البيت والعايله كلها .. بس وربي ما تتهنى معي والفضل كله لامي
قرب منها بشويش لين وقف قدامها .. اثير من التوتر والرعبه وقفت
قرب منها زياده ورفع وجهها له وشاف
^
^
^
^
^
^
^
مشعل يااااارب معقول اني اتهيأ .. وش بلاني انا .. هز راسه بقوة يبي يبعد تاثير هذيك البنت عن راسه ..بس يوم رجع ناظر بوجهها وشاف من جديد .. الا هي
واللي ماخلاها تغيب عن بالي طول الفتره الماضيه هي
هذي هي البنت اللي جننتني الفتره الاخيره ..
مشعل بصدمه : انتي
اثير مافهمت قصده بس رفعت نظرها له وهي ساكته
مشعل ابتسم لا اردايا .. قرب منها يبي يحضنها بس بعد على طول
ماني مقرب منها .. دامها طلعت هي اثير نفسها خلاص اجل نفسي عايفتها .. وخلي امي تفرح بنقاوتها لها .. عناد
صد مشعل عنها فجأة بشكل خلى اثير تستغرب تصرفاته ,,
مشعل مشى قدامها وراح للكنبه جلس عليها وطلب عشا لهم ..
مشعل: انا بنزل تحت شوي وراجع لك
اثير هزت راسها ولا قالت شي
مشعل ابتسم بسخريه : وش فيك البس اكل لسانك .. لا قلت شي تقولين حاضر وطيب
اثير بصدمه من اسلوبه معها : حاضر
مشعل يااااااارب والصوووووت شي ثااااااني .. طلع من الجناح بسرعه قبل لا يستسلم لها
اثير رمشت بعينها اكثر من مره تبي تستوعب اللي هي فيه ..وقفت مكانها ثواني .. هذا وين راح ؟؟
توجهت لغرفة النوم عشان تغير لبسها .. شافت السرير كان كبير ومغرررري للنوم خصوصا بمفارشه البيضا وبراد الغرفه.. صار لها فتره من تنام كويس من قلق الزواج .. الحين مافي شي ممكن يعيق نومه .. بس حمر وجهها لما تذكرت انو مشعل رح يشاركها فيه وزاد توترها ..
دخلت شالت فستانها ودخلت الحمام تاخذ لها شاور يهدي اعصابها ..
احتارت وش ممكن تلبس الحين .. هذا ماهو وقت نوم الوقت شوي مبكر .. ماني لابسه بجاما .. ومافي املللل البس قميص نوم اصلا لو ايش يصير ..
قررت تلبس لها فستان ابيض ناااااعم ورايق .. دامها للحين عروسه ..
وحطت لها كحل وقولس وخلت شعرها على طبيعته مبلول ومسدول على اكتافها وظهرها ..
جلست على الكنبه وملت من الانتظار .. قعدت تقلب بالتلفزيون لين سمعت حس بالجناح ..
هذا هو اكيد رجع
مشعل دخل ولا حتى طالع فيها وهي مستغربه .. وش ذا الاخلاق اللي عليه ..
دخل غير لبسه ولبس بجامه كحلي انيقه .. وقعد على الكنبه المقابله لها
ولا حكا اي كلمه وهو يتجنب انه حتى يسرق نظرات منها
دقايق ووصل الاكل .. حط الاكل قدامها
اثير : تسلم
مشعل لا اراديا رفع نظره لها وشااافها .. ملاااك .. وبدون مكياج احلى واحلى كمان .. يارب صبرني ..
مشعل مارد عليها ودخل جوة
اثير من جد استغربت تصرفاته .. في عريس يعامل عروسته كذا بيوم زواجهم .. يمكنه تعبان هو كمان .. ما الومه اليوم كله طويل علينا كلنا .. بخليه على راحته وبكره ان شاء الله بيكون رايق
وين دخل .. اكيد راح يجيب شي ولا شي ..
انتظرته دقيقه عشان ياكلون سوى.. ثنتين .. خمسه .. وثلاثين .. ما جا ولا اقبل عليها
قررت تدخل تشوفه .. وانصدمت يوم شافته نايم على الكنبه اللي على يمين الغرفه ومتغطي ومسكر النوم ..
سكرت الباب بشويش وقعدت بالصاله
اثير بصدمه : معقوله نام وخلاني .. طيب هو حتى العشا ما تعشا .. وش فيه يارب ..
انسدت نفسها عن الاكل مع انها كانت ميته جوع ولا هي ماكله من امس الليل .. غطت الصحون وغيرت لبسها .. لبسته لها بجامه سكري ساااتره ودخلت جوه سريرها ولا عطت نفسها فرصه حتى تفكر وش ممكن يكون بمشعل ..
سيارة راكان ..
مشاعل كانت تبعد راكان عنها : خلاص ركوني وش فيك
راكان : اعذريني ميشو بس ماا اقدر اقاومك .. وبعدين انا ما تعديت الحدود معك .. كل شي من بعيد لبعيد
مشاعل وهي تطلع روجها تزيد على اللي راح : حتى وان كان .. اخاف تتمادى بعدين
راكان: مافي ثقه فيني حبيبي ؟
مشاعل: اممم الا
راكان: طيب ..
مشاعل : خلاص ولا شي رجعني البيت
راكان وهو يقربها لحضنه : بدري وربي ما شبعت منك
مشاعل وهي تبعد عنه بدلع : ههههههه حتى لو قعدت بحضنك طول اليوم منت شبعان مني .. رجعني البيت الحين ويصير خير بعدين
راكان وهو يتأمل فستانها باعجاب: تونا ميييش .. دقي على اهلك قولي لهم انك بتباتين عند صديقتك ..وانا باخذك للشرقيه في حفله للصبح لارقى الشخصيات وانا معزوم بالاسم ..
مشاعل: طيب ؟؟
راكان:وش طيب .. ابيك تجين معي .. احلى خوية بالدنيا .. بتغطين على كل البنات هناك ..
مشاعل: اولا اهلي مايرضون ابات بره البيت على فكره الا عند عماني المملين .. ثانيا كيف تبيني اروح معك بهالشكل
راكان: شكلك ولا احلى وربي .. هي الحفله فخمه فستانك مرة مناسب
مشاعل: لا معليش خليها مره جايه اقول لك تعال خذني ونروح لو حبيت للقمر
راكان: انتي القمر كله اصلا
مشاعل: تسلم لي .. يللا رجعني
راكان وهو يبوس يدها: لازم ؟؟
مشاعل: اي لازم .. والحين كمان هذا اذا كان ودك اطلع معك لحفلة زي كذا مره ثانيه ولا ترى بغير رايي من الحين
راكان وهو يحرك: لالالا خلاص الحين ارجعك .. بس ها لا تنسين للوعد .. اول حفله تجي وانعزم عليها تجين معي
مشاعل بابتسامه روووعه : ولا يهمك ..
" راقت لها فكره الحفلة .. من زمان ما راحت حفله مكس ولناس كبار وعيال تجار .. قررت من جد انها تروح المره الجايه وتغير جو "
استراليا
كان ماجد حارق جوال رانيا من الاتصال
بندر وهو يفطر : فكها ياخي من ازعاجك
ماجد بعصبيه : مالك شغل انتي
بندر وهو متعود على عصبية ماجد الفتره الاخيره بسبب بعد رانيا عنه : ياليتك تتصل على رنيم مثل ما تتصل على المحروسة حبيبتك
ماجد من القهر رمى كاس الكوفي حقه بقوة عالارض وطلع بره الشقه
بندر: افففففف منه ومن اخلاقه
ماجد دق مليون مره على رانيا لين ردت عليه بعصبيه
رانيا : خييييييييييير
ماجد : بدري .. كان مارديتي
رانيا : ماجد .. انا اتوقع اني قلت لك اني عند بنت خالتي ,, ليش مصر انك تحرجني وياها
ماجد: الحين انا صرت اسبب لك الاحراج
رانيا : اي صرت تحرجني .. وشلون بالله اقدر افسر لبنت خالتي سبب رنين جوالي المستمر .. استح على ويهك
ماجد فقد اعصابه : اقووووول لك ارجعي..
رانيا : ارجع لوين ..
ماجد قال وهو حاس التعب هاده : ارجعي لي يا رانيا .. انا محتاجك ..
في اموور كثير بحياتي تغيرت وانتي ما شاركتيني فيها ..محتاجك من جد
رانيا :.......
ماجد: رنو انتي معي ؟
رانيا : امبلا معاك
ماجد: ارجعي لي .. محتاجك
رانيا مسكت راسها: لا خلصت من بنت خالتي رجعت .. تكفى ماجد لا تقلقني .. خلني براحتي .. عن اذنك .. وقفلت حتى قبل ما تسمع الرد
ماجد قعد ثواني يتأمل الجوال.. لا بالله هذا ماهي رانيا حبيبتي ..
ماهي رانيا ابد اللي تقفل بوجهي وتصد عن نداي لها وحاجتي .. وش صار .. وش اللي غيرها كذا ..
عند رانيا ..
رجعت رانيا لنواف
نواف: وين رحتي حبيبي؟ مين اللي كنتي تكلمينه ؟
رانيا : حبيبي هذي امي .. تسأل عني تقول وينج ماسمعنا لج حس ولا خبر وتبيني ارجع
نواف: ترجعين وين ؟؟
رانيا : الكويت .. تقول مشتاقة لي
نواف يشد على يدها: ماني مخليك تروحين الا ورجلي على رجلك
رانيا لمعت عيونها بحب لنواف اللي ملكها بأيام: احبك
الفندق ..
اثير كانت مستغرقه بالنووووم وحاسه انها بسبات من التعب اللي كانت حاسه فيه .. بس بلحظة فتحت عيونها بشويش .. وطمرت من مكانها ماهي مستوعبه المكان اللي هي فيه ..
اثير مسكت راسها : صح انا بالفندق .. وامس كان زواجي..
ابتسمت لما تذكرت انها امس صارت زوجة مشعل .. وانها رح تبدى حياتها مع انسان مشهود له بالطيبه والرجوله
لفيت يسارها لمكان الكنبه اللي نايم عليها مشعل وشافته غارق بنومه وحاط يده على عيونه .. واللحاف كان نازل على الارض .. زعلت عليه لانو الغرفه كانت مره بارده ..
قامت من مكانها بسرعه وتوجهت للكنبه اللي عليها مشعل .. اخذت اللحاف وزينته عليه .. بس مشعل فز من نومه بسرعه وفتح علينه لقاها قدامه ..
ياحلو ذا الوجه اللي قدااااامي يا نااااااس .. بس بسرعه كشر وقال بجفا : نعم
اثير بلعت ريقها من جفافه معها : نعم الله عليك ..
مشعل عقد حواجبه: بغيتي شي ؟؟ اشوفك قريبه مني ..
اثير استحت موووت .. وش جوي انا .. توني امس اتزوجه واليوم مرتزة قدام وجهه لا وبعد وهو صاحي من النوم .. يا خزياااااه
اثير: لا سلامتك بس
مشعل عدل قعدته : بس؟؟
اثير:.......
مشعل ما كمل ولا عطاها وجه : اففففففففففففف وقام من مكانه متوجه للحمام ورزع الباب بقوة خلى اثير تفز
اثير: ياااربي شكلي ضايقته .. مالي داعي .. توجعت لشنطتها عشان تطلع لها لبس .. واختارت لها بنطلون جينز مع بلوزة حمرا وحطتهم على جمب .. تستنى مشعل يطلع من الحمام عشان تدخل وراه ..
دقايق وطلع مشعل ودخلت هي غسلت ولبست بالحمام لانها اخذت ملابسها معها ..
طلعت وتوجهت للتسريحه .. فرقت شعرها من النص ومسكتها اجنابه .. وحطت لها قلوس احمر وكحلت عيونها من فوق .. وحطت عطرها المفضل ..وراحت للمكان اللي جالس فيه مشعل ..
مشعل كان منسدح على جمبه .. بس تعدل بجلسته لما شم ريحة عطرها ..التفت لها بدون ما يحس وشده الاحمر عليها .. كانت راااايقه وشكلها مررره حلوو
حاول مشعل يلهي حاله عنها .. اخذ سماعة التلفون وطلب فطور لهم وقعد ساكت ..
اثير .. يارب برضو ساكت .. وش فيه مشعل ثقيل دم ماهو مثل خواته ولا امه .. يااااارب
مشعل دق جواله ورفعه ورد وهو مبتسم ": يا صباح الانواااااار
الهنوف: هااااااااااي خيووووو وحشتني ياخي البيت بدونك دمااار
مشعل:ههههههه دمار اجل .. مين اللي كان يقول لي ياررب تتزوج وتطلع من البيت عشان تفكنا من شرك واذاك
الهنوف: انااا وبكل فخر ..بس هونت واسحب كلمتي .. يللا ارجع الحين انت والمزه اللي معاك
مشعل:هههههههههههه
اثير رفعت حاجبها مستغربه.. يوو طيب هذا هو مشالله عليه يعرف يحكي ويضحك كمان .. اجل وش فيه قالب خشته علي من امس .. شكله ما تعود علي
الهنوف: عطيني عطيني حرمكم خليني احكي معها شوي
مشعل: طيب بس لا تطوليييييين
الهنوف: طيب طيب فهمت ماني ماخذتها منك يارب كلها دقايق بخلان علي فيها اكلم زوجتك
مشعل اختفت ابتسامته لانها فهمته غلط : مو عشان كذا
الهنوف: اقوول لا يكثر وعطيني اكلمها ..
مشعل وجه الجوال لاثير بدون مايحكي كلمه وحده .. اخذته اثير وردت بنعومه : الووو
الهنووف: هلا والللللللللللللله
اثير ابتسمت : هلا بك .. كيفك ياحلوة
الهنوف: مشتاقة لككككك
اثير: ههههههه توك شايفتني امس امداك ..
الهنوف: يوووه وما شفتي شي من شوقي بعد .. متى تجون البيت عشان من جد اطفر بك انتي ورجلك هذا سبع البرمبه
اثير:هههههههههههههههههه طيب بسامحك ذا المره على ذا الكلمه ..
الهنوف: غصب عنك تسامحيني
اثير : الهنوف ممكن طلب؟
الهنوف: اكيييد ياحلوة .. بس اذا كان صعب من الحين اقول لك لا ماني مسويته
اثير: لا هو سهل .. وانتي تقدرين تحققينه له وانتي مبسوطه كمان
الهنوف: اللي هو ؟
اثير : غدير اختي
الهنوف: وش فيها غدير؟
اثير: نفسيتها تعبانه الفتره الاخيره لاني بتزوج .. وامس طول اليوم ماشفتها تقول لامي ماقدر اشوف اثير وهي بتروح من عندنا .. الله يسدك حاولي تطلعينها من جوها .. روحي لها انتي وايان او خليها تجيكم او اطلعوا سوا اي شي بس غيروا جو عليها بليز
الهنوف: ازهليها وانا اخت رجلك .. ما يطلع غدورة من حالتها الا انا والخبله ايان .. انتي بس تطمني وخلك مع اخوي لا يشغلك شي عنه
اثير ناظررت مشعل لثواني وصدت لانه كان قاعد يناظرها: لا توصين حريص
مشعل: جوالي لو سمحتي
اثير: هنو حبيبي الحين بقفل مشغوله شوي .. سملي لي على دلال وخالتي وانا ان شاء الله بكلمهم لما افضى
الهنوف: اووووكي يا حلو ,, يالله بااي
اثير: بايات .. وقامت من مكانها تناول مشعل الجوال حقه
مشعل اخذه بدون ولا كلمه .. قام يفتح الباب لانو الفطور جا
حطه على الطاولة بهدوء
مشعل: تعالي افطري ..
جت اثير وهي تحس بحالها ميته من الجوع بس مستحيه تاكل قدامه ماتدري ليش .. قعدت واكتفت بالعصير
مشعل كان ياكل وطالعها : وش هذا .. ليش ما تاكلين
اثير: شبعانه
مشعل : اي شبعانه وانتي ما اكلتي من امس
اثير: شكرا مالي نفس ..
مشعل: براحتك .. كمل فطوره وقام غير ملابسه وتوجه لباب الجناح بيطلع
اثير بسرعه : وييين
مشعل رفع حاجب والتفت عليها : نعم ؟
اثير: اممم بتروح
مشعل تكتف: اي
اثير: بتخليني بروحي .. اخاف لوحدي
مشعل وهو يفتح الباب : ماهو جايك شي والوحش ماهو ماكلك شوي وانا جاي .. طلع قفل الباب وتحرك
اثير عصبت من جد :خييييييييييييييييييييييير وش ذا الاخلاق اللي عليه .. مالت على حظي في وحده يصير لها كذا بصباحيتها افففففف
بيت ابورنيم ..
رنيم كانت قاعده بالحديقه تشرب تفطر على رواق
نزلت امها تفطر معها : صباح الخير
رنيم : هلا والله صباح النور .. صبت لامها العصير وناولتها
ام رنيم : ابي قهوة مابي عصير
رنيم: ماما القهوة تضرك .. خذي العصير احسن لك وافيد
ام رنيم بزهق والعبره خانقتها: يارب وش بقى .. كل شي علي ممنوع ويضرني حتى الاكل والشرب
رنيم ضاق صدرها على امها اللي حالتها كل يوم بتدهور : يمه معليش هذي تعليمات الاطبه .. تحملي واحتسب الاجر ..
ام رنيم مسحت دمعتها
رنيم : يللا يا غاليه اشربي العصير
ام رنيم : مابي
رنيم: ماما بس شوي لو نص الكاسه
ام رنيم بحده : رنيم مابي شي لو سمحتي لا تضغطين علي
سكتت رنيم ولا زعلت من امها عشانه الدكتور قال لها هذي الانفعالات لانها بتاخذ الكيماوي عشان كذا نفسيتها تعبانه
ام رنيم سكتت فتره وقالت: وش اخبار ماجد
رنيم حست بالرعشه تسري بكل جسمها من سمعت اسمه : مدري
ام رنيم رفعت حاجب: شلون يعني ماتدرين
رنيم : ماكلمني من زمان
ام رنيم:طيب ليش ما تكلمينه انتي
رنيم: اكلمه ؟؟
ام رنيم: اي كلميه انتي .. هو زوجك الحين ومن حقه عليك الاهتمام .. دقي عليه شوفي وش اخباره وش وضعه وتطمني
رنيم سكتت شوي : طيب
بمكان ثاني
فهد : يمممممممممممممممممممه
ام فهد من المطبخ : وش فيك يمه
فهد : يمه تعالي افطري معي ما احب افطر لحالي
ام فهد : فهد انا مشغوله انتظر شوي واختم تجي تفطر معك
فهد وهو ياكل زيتونه : تهاني تقعد سنييييييين على بال ماتقوم وتغير وتنزل .. مدري وش تسوي
تهاني: اسوي اللي اسويه انت شعليك
فهد : اوووه توت هنا بدري اليوم .. مابغينا نشوفك ببداية اليوم
تهاني وهي تسحب كرسي طاولة الاكل وتقعد : قمت اليوم بدري ونشيطه قلت انزل افطر مع فهود مسكين .. وش اسوي بطيبة قلبي انا
فهد وهو يقرص خدها بخفه : فديت الطيبين والله ,, اي حكيني وش اخبار الاوضاع عند خوالي امس
تهاني وهي شوي وتتشقق من الوناسه لانها تحب تسولف مع اخوها: واااااااي كان يجنننننن امس .. الجمعه ولا احلى .. وكل احد كان في قريب او بعيد .. وعلت صوتها عشان تسمعها امها .. وما بقى احد ما سألني عن ماما يقولون وينها
ام فهد دخلت وهي شايله صحن الكرواسون : معليش انا كلمت مرت خالك واعتذرت منها .. هذا زواج ولد نورة اختي وحبيبتي من يومنا صغار .. مستحيل افوته
فهد : مين تزوج ؟
ام فهد : مشعل
فهد كنه تذكر: امااااااااا مشعل .. ياحليله .. اذكره من يومنا صغار كنا دايم نلعب بس افترقنا مدري ليش
ام فهد وهي تصب حليب لتهاني: الايام تفرق وانا امك وكلن لاهي باشغاله
تهاني كشرت : ماما ماني بزر اشرب حليب ما احبببببببببببه
ام فهد : اشربيه كللله ماعندي خرابيط انا تعرفين كلش ولا الحليب لازم تشربينه
تهاني وهي تقلب عيونها : طيب
ام فهد وهي ترجع لولدها : عاد وانا امك .. امس واشوف لك بنت ولا كل البناااااااات
فهد : منهي
ام فهد : بنت نورة الكبيره دلال .. اصغر من مشعل هي .. بس وش بنت .. جمال واخلاق وفعلا اسم على مسمى وفوق هذا وذاك تربية نورة
فهد بحماس : ايوة
ام فهد : بس وانا امك عاد قررت اخطبها لك
تهاني : افففف ياكرهي لذا الاسم ..
ام فهد : ليش؟
تهاني : معي وحده بالجامعه اسمها دلال اكرهها دمها ثقيل مررررره .. وكرهت دلال هذي من اسمها وقبل لا اشوفها
ام فهد : اقووول بس لا تكون هي تراها معك بالجامعه وانجليزي كمان زيك
تهاني وهي تطلع عيونها : نعمممممم .. وش اسمها الكامل
ام فهد : دلال ابراهيم ال ....
تهاني بغت تموت : لااااااااااااااااا الا هي وربي هي .. يمه بثره ودمها ثقيل وش عجبك فيها بالله
ام فهد : ما عندك سالفه .. بالعكس البنت تجنن ودمها خفيف واخلاق
تهاني التفتت لاخوها المفهي وضايع بينهم : اقووووول فهود انا احبك وانت اخوي وحيدي .. لو وافقت امي على كلامها وخطبتها ترى بتبرا منك وبدون تردد
فهد طالعها : طيب وش سبب كرهك لها .. هي اذتك ؟ سوت لك شي ؟
تهاني ببرود : لا بالعكس ما احبها ولا سوت لي شي وانا اللي اتمشكل معها دايم .. وهي مسوية لي الذوق المؤدبه ولا حتى ترد علي
ام فهد طلعت عيونها : هووووو مفشلتني ببنت نورة .. حسبي على عدوك من بنت .. وشو له تتمشكلين معها
تهاني وهي تاكل من الساندوتش حقها كملت ببرود : ما احبها مسوية مثاليه
فهد ابتسم على تفكير اخته اللي مهما كبرت يظل مثل ماهو .. من يومها ما تحب الناس ولا تحب احد يكون احسن منها بشي .. ومغرورة وشايفه حالها بس مع هذا يحبها ويموت فيها ولا يرضى عليها ابد
ام فهد : من اليوم ابيك تحسنين علاقتك معها .. لاني من جد حبيتها وابيها تكون زوجة فهد
تهاني وهي تخلي الساندوتش وتقوم :مابي وانت يافهد لو خذيتها لا انكد عليكم واتبرا منك ولاني حاضرة زواجكم ..وطلعت لغرفتها
ام فهد تناظر تهاني وهي تروح لغرفتها : ماعليك منها بس اختك مدلعه ولا يهمها غير نفسها .. خلنا بس بسيرة دلال .. انت موافق خلاص يعني اخطبها لك ؟؟
فهد ابتسم : انا ذوقك يعجبني عشان كذا مارح اتردد .. واخطبيها
ام فهد تشققت من الوناسه ..
عائلة ام فهد
ام فهد : سناء .. صديقة ام مشعل من زمااان ومتربين سوا .. طيبه وذووق وانسانه جدا راقيه
فهد : 24 سنه .. مملوح وطويل .. حبوووب ورومانسي ويحب اخته تهاني اكثر من اي شي بالدنيا .. وماسك شركة ابوه
تهاني : 20 سنه .. دلوعة الكل .. تعرفنا عليها من قبل انها انسانه حقت مشاكل .. ومغرورة .. بس تحب اخوها مووووت وهو اهم ماعندها بالدنيا .. ملامحها بيبي فيس وشعرها اسود لنص ظهرها ..
ابو فهد منفصل عن زوجته من سنييييين وعايش بالشرقيه ..
بيت ابو بندر
ديما كانت قاعده مع ريما بغرفتها وكانوا يسولفون .. بس ريما ماكانت مرة داخله جو شاغل بالها خطبتها لحمد .. وانها كيف بتكمل حياتها مع شخص ما تعرفه زين وفوق هذا وذاك بهالسرعه المخيفه
ديما:ههههههههههه ولا لا ؟؟
ريما:......
ديما: ريما !!
ريما صحت من سرحانها : هلا
ديما : لاااااا باللله منتي معي .. حرام عليك اقعد اعيد السالفه الحين
ريما عدلت جلستها ومسكت شعرها وصارت تلعب باطرافه : وش كنا نحكي عنه
ديما: ماني قايلة لك .. فاضيه انا اقعد اعيد السوالف
ريما بنص ابتسامه من نرفوة اختها : براحتك اجل
دخلت ام بندر عليهم
ام بندر: ريما تعالي ابيك
ريما وقفت: سمي
ام بندر: اسبوعين وتملكين على حمد
ريما صنمت مكانها وديما ماهي مستوعبه
ديما بعدم استيعاب: تملك ؟؟؟
ام بندر :اي تملك .. عشان ابوك بيرجع بعد اسبوعين .. الله ياخذع بيعطلنا .. وطلعت وسكرت الباب
ديما للحين مصدومه وريما بين دموعها
ديما: وش قاعده تقول ماما .. وش ملكته ..
ريما حضنت ديما وقعدت تبكي لفتره طويله وديما تحاول تهدي فيها لين هدت
ديما وهي تمسح على راس اختها : الحين ممكن تفهميني السالفه ..
ريما هدت شوي ومسحت باقي دموعها وقالت وهي ماسكه حالها وبابتسامه : وشو مارح تباركين لي ؟؟
ديما محتاره : وش ابارك لك عليه .. امي من جدها ؟
ريما : ايوة من جدها .. وانا بملك بعد اسبوعين لولد صاحبتها
ديما:........
ريما تضحك غصب عنها: هههههههههههههه وش فيك
ديما ابتسمت : ماني مستوعبه
ريما: ليش يعني .. ماني وجه زواج ؟
ديما: الا بس مو الحين وبهالسرعه .. وفجأة .. وانا اخر من يعلم
ريما: كل شي صار بسرعه وماحسبته بيكون جد .. بس تعرفين عاد ماما الله يهديها عجله
ديما بحزن : انا بديت احس بماما ترجع زي اول
ريما ابتسمت : معليش .. احنا مالنا الا بابا وبعض ..
ديما: على قولتك .. يللا بس حكيني عن زوج المستقبل منهو ومن يكون
ريما ابتسمت لانها بجد ماتعرف وش تقول لاختها
ريما : ماهو موضوعنا .. الحين تعالي ننزل نشوف لنا شي ناكله
لندن
ابو بندر كان قاعد بشقته الفخمه .. وهو يفكر ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك