رواية علميهم ليه احبك حب ما حبه بشر -28
ريما ابتسمت : معليش .. احنا مالنا الا بابا وبعض ..
ديما: على قولتك .. يللا بس حكيني عن زوج المستقبل منهو ومن يكون
ريما ابتسمت لانها بجد ماتعرف وش تقول لاختها
ريما : ماهو موضوعنا .. الحين تعالي ننزل نشوف لنا شي ناكله
لندن
ابو بندر كان قاعد بشقته الفخمه .. وهو يفكر ..
من حمد هذا اللي متقدم لريما .. ومن وين طلع فجأة ..
مو من عمايل فوزية تسوي خير لو حتى بعيالها .. الله يستر بس ويكون الولد رجال وماعليه كلام .. ولا انا مستحيل افرط ببنتي ..
رن جواله وكان المتصل بدر
ابوبندر: هلا والله
بدر: يا هلا بك .. كيفك يالغالي
ابوبندر: الحمدلله بخير الله يسلمك .. هاا الشمس من وين طالعه اليوم ؟ بدر داق علي
بدر: ههههههه اعذرني يبه مقصر معك هاليومين .. بس عشان ابو تركي مسافر هاليومين هو وتركي والشركه كلها على راسي وانشغلت عن كل شي حتى البيت
ابوبندر بجديه: انتبه يا بدر .. كل شي ولا البيت وخواتك .. انت تعرف انو المفروض ماتقصر عليهم بشي وتنتبه عليهم ..
بدر تنهد بضيق: على امرك يبه
ابوبندر: اي .. امر وش بغيت
بدر: ما يامر عليك عدو .. اممم بصراحه يبه انا حاب افتح معك موضوع ومهم بقوة
ابو بندر: موضوع مهم بقوة .. خير يابوك
بدر: كل الخير .. بس بصراحه ما ينفع ابدا على التلفون .. لازم اقول لك اياه وانا قبالك
ابوبندر: ان شاء الله .. انا كلها اسبوعين واجيكم ..عشان ريما متقدم لها واحد وان شاء الله بنملك فيهم على طول
بدر انصدم وفرح: من جد يبه .. منهو ؟؟
ابو بندر: حمد ولد .....
بدر سكت يفكر: ما عرفته
ابوبندر: والله ولا انا وانا ابوك .. بس بوصل قبل الملكه ب 4 ايام واسأل عنه وكذا وان شاء الله كل الخير
بدر: ان شاء الله .. طيب يبه ما اطول عليك تامرني بشي
ابو بندر: سلامتك .. مع السلامه
بدر: مع السلامه
بدر تنهد بارتياح من بعد ما قفل من ابوه .. نص الطريق عداه .. وبيفتح مع ابوه الموضوع قريب وبعد ملكة اخته ريما .. وهو واثق بابوه تمام الثقه انه بيوافق على شذى لانه متواضع حيل .. بس البلا بامه .. المغرورة المريضه .. اللي بتقلب الدنيا فوق تحت عشان ما ياخذها .. وبتقب حياتهم جحيم بعد ما يتزوجون ..
ابتسم بحب وهو يتخيل نفسه ببيت واحد مع شذى حبيبته ..
اللي حبها من كل قلبه ..وبدون حتى مايشوف وجهها او حتى يعرف كيف شكلها .. ولا يهمه
لانه عشق قلبها .. وهي الوحيده اللي ملكت قلبه وباله وتفكيره ..
هي الحب الاول والاخير ..
الفندق ..
رجع مشعل المغرب ودخل على اثير لقاها غافيه على الكنبه ..
قرب منها لا اراديا وتأملها للحظات .. بس منع حالها
لااا يا مشعل .. انت حلفت انك ما تخليها تتهنى .. انت تكرهها ..
حبيت هذيك البنت قبل ما تعرف انها اثير نفسها .. بس الحين صرت تكرهها .. لانها مسوية مثاليه ومافي زيها ..
وخلت امه تقلب عليه .. وتذكر اتصال امه فيه قبل شوي
مشعل : سمي
ام مشعل ببرود : اسمع يا مشعل .. دير بالك على اثير تراها صغيره وحساسه .. وياويييلك تأذيها بكلمه ولا بحركه سامع ولا لا
مشعل: شايفتني وشو يمه الله يهديك .. اكيد بنتبه عليها ..
ام مشعل: وينك الحين ؟
مشعل : انا طالع
ام مشعل :عطني اثير بكلمها
مشعل: بالفندق
ام مشعل عصصصصبت: وشوووووو !! هذا كلام .. تترك زوجتك ثاني يوم بزواجك وطالع تدوج لي بالشوارع .. هذي وصاتي لك
مشعل: يمه انا كنت ..
ام مشعل : اصص ولا كلمه .. يللا اشوف رح لعروستك .. واياني واياك تتركها مره ثانيه .. والله لا تشوف مني شي ما قدر شفته سامع ولا لا
مشعل انقهر .. امه تكلمه مثل البزر
وتخاف على اثير وزعلها اكثر منه
مشعل: ان شاء الله اوامر ثانيه ؟
ام مشعل : بالليل حجزت لكم على فرنسا .. روحوا سوا .. هذي هدية شهر العسل مني لكم ..
مشعل انقهر: بس انا وياها ما اتفقنا على سفر
ام مشعل: انا قلت .. وكلامي يتنفذ .. وكملت بحنان .. انت عارفني يمه اتمنى لك الخير .. وابي لك السعاده .. ولا ماكنت خطبت لك اثير من اول .. الا عشاني عارفه انها بتسعدك ..عطها فرصه حبيبي
ام مشعل: يللا يمه اخليك انا ..مع السلامه
مشعل: مع السلامه
يوووووه .. اثير اثير اثير .. كل شي صار اثير
كيف بتكون حياتي معها .. الله يعينني على دلعها بس وثقل دمها
مشعل : اثييييير
اثير قامت على طول واعتدلت بجلستها: هلا
مشعل: جهزي حالك .. الليله رحلتنا لفرنسا
اثير استغربت : بس انت ما قلت لي اننا بنسافر
مشعل بتأفف : والحين انا اقول لك .. ممكن تجهزين وبسرعه .. مابقى وقت
اثير انقهرت من اسلوبه : حاضر .. وقامت تجهز اغراضها واغراضه
مشعل رمى حاله عالكنبه بقوة: افففففففففف
اثير سكرت الباب على حالها وغيرت ملابسها .. لبست لها بنطلون جينز وتيشرت اخضر مريح .. وحطت مكياج رااااايق وخلت شعرها البني مفكوك ..
جهزت شنطتها اللي اصلا كانت مسكره وجاهزة هي وشنطة مشعل .. ولبست عبايتها وطلعت
مشعل ناظرها وهي متحجبه : خلصتي ؟
اثير: اي .. امم ممكن طلب؟
مشعل : خير
اثير وش ذا الاخلاااااااااااااق : ممكن نعدي على بيتي ابي اسلم على ماما لو سمحت
مشعل سكت شوي : طيب بس ما نطول واحنا واقفين ..
اثير ابتسمت : اوكي ولا يهمك
مشعل ارتبك من ابتسامتها وصد عنها بسرعه .. راح يجيب الشنط : يللا مشينا
اثير غطت وجهها: يللا
بيت ام عبدالرحمن
ام عبدالرحمن كانت قاعده بالصاله تتفرج على صور عيالها وهم صغار ولحد ماكبروا .. ودموعها تنزل ..
راحت اثير.. حبيبة امها الغاليه
من غير شر ياحبيبتي انتي
نزلت غدير وهي اخلاقها قافله من امس ماتبي تحكي مع احد او تشوف احد
ام عبدالرحمن: وينك طول اليوم مانزلتي
غدير وهي تحط راسها على كتف امها : وحشتني مووت
ام عبدالرحمن وهي تمس دموعها ويدها الثانيه على راس بنتها : الله يوفقها يارب ..
قعدوا عشر دقايق على حالهم ,, وسمعوا صوت الجرس
ام عبدالرحمن قامت : اكيد هذا اخوك عبدالرحمن وخلود .. بقوم افتح
غدير: لا خليك ماما .. انا بقووم ..
رفعت السماعه ..
غدير: مين ؟
اثير: افتحي غدوور انا اثير
غدير الدنيا ماهي سايعتها من الفرحه وراحت تركض للباب بحماس لدرجة انها ماسمعت امها اللي تناديها
اول ما فتحت الباب ودخلت اثير رمت نفسها بحضن اثير وهي تحضنها بقوة
غدير وفيها الصيحه : وحشتيني وربي البيت بدونك مايسوى
اثير ابتسمت بحنان لاختها اللي اخيرا طلعت اللي بقلبها ناحيتها : وانتي وحشتيني .. حبيبي ادخلي جوة مشعل يبي يدخل
اثير وهي تسحب طرحة اثير من راسها : تفضل مشعل
مشعل دخل وابتسم لغدير: مساء الخير
غدير ردت له الابتسامه: مساء النور ..
اثير استغربت .. ليش معاها جاف مررره ومع غيرها مافي احلى منه .. وش سالفتك يا مشعل ..
دخلوا جوة وراحوا يسلمون على ام عبدالرحمن
بيت شذى
منيره كانت قاعده مع زوجها وتصب له شاهي
منيره وهي تمد له البياله : ها يابو شذى وش رسيت عليه
ابوشذى وهو يناظرها بنص عين : على وشو ؟
منيره : هوووو على احمد
ابوشذى: مدري .. على حسب
منيره : شلون يعني على حسب ؟
ابوشذى : على حسب ما رح يدفع
منيره بخبث : من ذا الناحيه لا تشيل هم .. هو شاريها وبيدفع فيها اللي ودك فيه
ابوشذى وهو يحط البياله بعصبيه: اقووول لا يكون شايفها وانا ماعندي علم .. ترى والله يا منيره لا اقطع ذا العقال على ظهرك
منيره خافت : لا وربي ماشافها ولا شافته .. هو شاريها من كلامي عنها .. وهو بصراحه خوش ولد والنعم فيه ..
ابو شذى: خلاص اجل اذا فضيت قلت لك تكلمينه عشان يجي
منيره وشوي وتقوم ترقص من الفرح : ان شااااء الللله ومايصير خاطرك الا طيب يالغالي
بيت اريج
اريج كانت قاعده مع شذى ويخيطون .. يبوم يخلصون دفعه جديده من الشغل ..
اريج وهي تمسح جبينها : تعبت ..
شذى : بلا تعبت بلا هم .. وش ذا الكسل اللي فيك ..
اريج : يختي صاير لنا نخيط وشغالين بذا الابر والمكاين والاقمشه من سنة نوح النبي .. ماتبيني اتعب
شذى : هههههههههههه لا تبالغين .. صار لنا كم ساعه بس
اريج : يعني ماتبينا نرتاح ؟
شذى وهي تحط الفستان من يدينها : وهذي راحه
اريج : اي هذا الكلام ولا بلاش .. بقوم اجيب الشاهي والفطاير واجي
شذى بابتسامه : اوكي ..
بعد دقايق جت اريج وهي بيدها صينيه وقعدت بالقعده الارضيه المتواضعه جمب شذى
شذى: ارووج
اريج وهي تصب لشذى شاهي : هلا
شذى: وين موضي؟
اريج ابتسمت : يوووووو ماقلت لك .. طلعت من زمااان
شذى : وين راحت ؟
اريج : راحت لاخوانها
شذى طارت عيونها : انهبلت هييي والعده ؟
اريج: هههههههههه هذي ماتخاف ربي .. خليها ماعليك منها .. وابشرك ماهي راجعه بعد
شذى انصدمت : يعني بتبقين بالبيت لوحدك
اريج : اي وش فيها .. هذاني قاعده لوحدي 3 ايام ماصار لي شي
شذى: بس مهما كان انتي بنت .. وماينفع تقعدين لحالي
اريج وهي تشرب من الشاهي : بس واللي يعافيك .. وش اسوي يعني اشتري لي احد يقعد معي ؟ وكمان انتي عارفه انو انا ماكان لي احد غير ابوي الله يرحمه ويغفر له .. وبعدين انتي قريبه مني وكل يومين تقريبا اشوفك .. مايحتاج تقلقين او تخافين
شذى ماعرفت وش تقول لصديقتها .. الدنيا عمرها ما ابتسمت لهم .. وشكلها توها تبدا الحين تقلب عليهم .. يارب اكتب لها اللي فيه الخير ..يارب عجل بنصيبها
بيت ام عبدالرحمن
ام عبالرحمن وهي تحضن اثير: كيفك حبيبتي ؟
اثير : بخير الحمدلله
ام عبدالرحمن : وان شاء الله الامور تمام بينك وبين زوجك؟
اثير وش اقول لك يمه بس: تمام التمام كمان
ام عبدالرحمن: اي يابنتي زي ماوصيتك .. خليك بنت سنعه تحافظ على بيتها وزوجها
اثير اكتفت بابتسامه حلوة وسكتت
مشعل كان قاعد مع سالم اخو اثير .. دخل بعدها وسلم على ام عبدالرحمن واخذ اثير وتوجهوا للمطار
بالاوتيل ..
ام زياد كانت قاعده مع ولدها ..
ام زياد : ها زياد متى نرجع لجده
زياد :.......
ام زياد: زياد حبيبي .. تسمعني ؟
زياد فاق من سرحانه : هلا
ام زياد: اقول لك متى تبينا نرجع لجده؟
زياد : مدري اي وقت ..
ام زياد : خلاص .. بكره ان شاء الله
زياد وهو يناظر التلفزيون : ان شاء الله ..
ام زياد : انا بقوم اصلي لي ركعتين وارجع
زياد : طيب .. راحت امه تصلي .. وقعد زيد يفكر من جديد باثير وبحقده على مشعل لانه اخذها منه ..
طاحت عينه على جوال امه .. وبثواني خطرت على باله فكره مجنونه
اخذ الجوال وقلب فيه بسرعه ..
ابتسم يوم حصل اللي يبيه .. اخذه بسرررعه
وحط الجوال مكانه ... وصار يفكر ببقية الخطه اللي خطرت على باله ..
يا ترى وش ببالك يا زياااااد ؟؟ الله يستر منك
انتهى البارت ..
توقعاتكم ؟
- كيف بتكون الحياة بين اثير ومشعل ؟
-ماجد وش اخرته مع رانيا ؟ وتتوقعون بيحس على دمه ويحب رنيم ولا ؟
- مشاعل .. ايش اخرة صياعتها
- خالد وش ردة فعله لما يدري عن ملكة ريما ؟
اتحفووووووووووووووووووووووني بتوقعاتكم اللي تثلج صدري
القاكم ان شاء الله الاسبوع الجاي
احببببببببببببببكم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
السابع عشر
بيت ابومشعل
ام مشعل كانت قاعده بالصاله مع زوجها وضايق صدرها مره على ولدها
ابو مشعل: يا نورة استهدي بالله .. ليش الزعل هذا كله الحين ؟
ام مشعل بضيقة صدر: كيف ماتبيني ازعل وولدي ماهو مبسوط
ابو مشعل: انتي سعادته كانت بيدينك بس انتي الله يهديك غصبتيه يتزوج
ام مشعل: يووووه يابومشعل تكفى خلاص ,, انا الحين ابي احد يهون علي تقوم تضيق صدري زياده
ابومشعل عارف زوجته عنيده عشان كذا سكت لانه مايبي يدخل معها بنقاش حاد وكمل متابعة الاخبار
بيت ابورنيم
مشاعل كانت قاعده عند المسبح تشرب عصير وقاعده تحاكي الناس على الشات والماسنجر ..
مبسوطه وهي قاعده تتمصخر على اللي فيه من شباب .. قاعده تذلهم وتهزأهم وهم ساكتين عشان خاطر اسمها الكبير ..
رن جوالها وردت على طوول
مشاعل: هلا
راكان: هلا حبي .. اخبارك؟
مشاعل: انا تمام الحمدلله
راكان: شوفي ميش .. على بكره في حفله وابيك تكونين موجوده ومشرفتني
مشاعل بغرور: انا اشرفك انت وعشره من اشكالك
راكان: افااااا ليش الغلط حبيبي؟
مشاعل: مدري عنك .. انت وكلامك اللي ما تثمنه قبل ما تطلعه من فمك .. انا مشاعل مشاااااااعل مو حي الله .. ماتوصيني على شي زي كذا
راكان: ول عليك خلاص اسفين وياكلمه ارجعي مكانك .. المهم جايه ؟
مشاعل وهي تتسند على الكرسي : افكر
راكان: بعد هذا كله افكر .. يللا حبيبي تكفين .. ابي اوري الناس اي قمر انا معي .. ابيك تكونين معي
مشاعل: اممممم ووين بتكون الحفله ؟
راكان : ببيت عبدالعزيز بن سالم وش رايك؟
مشاعل ابتسمت وانبسطت لانها حفله لانسان هاموووووور يعني كل كبار الشخصيات بتكون موجوده
مشاعل: ليش لا .. اوكي بجي
راكان فرح : حلوو حبيبي .. خلاص اجل ان شاء الله انا اعدي عليك بكره ونطلع سوى
مشاعل : طيب انتظرك .. باي الحين انا مشغوله
راكان : باي ياقلبي ..
قفلت منه وهي تفكر وش ممكن تلبس بكره .. غرفة الملابس حقتها ملياااااانه فساتين .. وكل واحد احلى من الثاني .. احتارت وقررت تروح وتشوف بنفسها وش بيعجبها ..
سهت فجأة وهي تتذكر خالد ..
يااااااارب وش كثر احبه .. اموووت واخليه يحس فيني
مدري ليش احساسه كذا من ناحيتي .. مع اني من كل قلب احبه ..
وطلعت له بدون غطا .. ولا مال لي .. انا اللي الناس تتمنى نظرة مني وهو يطنشني كذا عيني عينك ..
ماشي ياخالد .. انا ما خليتك تشهق باسمي ماني مشاعل ..
سكرت لاب توبها وطلعت لغرفتها
باستراليا
رانيا كانت قاعده مع نواف بحديقه ويشربون عصير
نواف مسك يدها: وش فيها حبيبتي سرحانه بايش؟
رانيا ابتسمت : ولا شي
نواف: افااا تخبين عني
رجعت رانيا تسرح
رانيا كانت تفكر بماجد .. كيف بتنهيها معاه ؟ تقول له انا خنتك بغيابك وعرفت عليك .. والحين خلاص معد ابيك .. ولا اقول له اني ما اناسبه ولا ايش ..
اففففف من جد تعبت وانا افكر .. بس انا مابي اكمل معاه .. انا احب نواف وهو يحبني .. وابي اكمل معاه حياتي ماهو ماجد ..
نواف شد على يدها: لااااا هذا الوضع ما ينسكت عليه .. بتقولين لي ولا شلون ؟.
رانيا : حبيبي ماكو شي لا تشيل ببالك
نواف بحزم : رانيا انا قلت لك من قبل ما احبك تخبين عني شي
رانيا بلعت ريقها : حبيبي وش فيك .. قلت لك ماكو شي
نواف عطاها نظره ومشى قبالها .. هي ابتسمت
احببببه حتى وهو معصب علي .. مشت وراه ..
بيت ابوماجد
ام ماجد: ليان ..
ليان : سمي
ام ماجد: وش اخبار رنيم ؟
ليان : الحمدلله بخير وماعليها ..
ام ماجد: تكفين كلميها خليها تجي تتعشى عندنا .. مشتاقة لها وماشفتها من بعد الملكه
ليان : ان شاء الله ..
دقت على رنيم ولقتها فاضيه واتفقت معها انها بتجيها بعد نص ساعه
بيت ابورنيم
رنيم كانت نازلة من الدرج وشنطتها بيدها لقت امها وابوها قاعدين بالصاله
رنيم بابتسامه : مساء الخير
ام رنيم وابورنيم : مساء النور
ابو رنيم: هلا بحبيبة ابوها .. وينك ما شفتك اليوم ؟
رنيم تبوس راس ابوها: موجوده يالغالي .. بس كنت مصدعه وطول وقتي فوق..
ابو رنيم: ماتشوفين شر
رنيم: الشر ما يجيك .. بابا انا بطلع بروح لبيت عمي راشد .. خالتي كلمتني وتبيني اتعشى معهم اليوم
ابورنيم: اي يابنتي روحي .. هذا بيت عمك .. وبيت زوجك بالمستقبل
اشرق وجه رنيم مع هالطري وابتسمت بهدوء: ان شاء الله يبه .. ماما ماتبين تجين معي ؟
ام رنيم: لا والله تعبانه مررره وابي استعد نفسيا لبكره
رنيم حزنت عشان امها بكره بيكون لها اول جلسات الكيماوي : الله يقويك يمه ويقومك لنا بالسلامه
ابورنيم: امييين يارب..
بيت ام عبدالله ..
ام عبدالله كانت قاعده مع مها بالصاله ويتفرجون على تصاميم جديده لفساتين ..
مها: ماماااااا وربي ياخذ العقل
ام عبدالله: وش ذا يا مها .. كل الظهر طالع .. ماتستحين انتي
مها : ماعليك ماما لو سمحتي عاد .. وش دعوه عاد كله حريم مافي رجال
ام عبدالله : يووووه منك بكيفك صجيتيني ولجيتيني
مها: ههههههههههههه ياحلوك يمه لا عصبتي
خالد جاهم وقعد بعد ماسلم عالسريع
ام عبدالله : وينك مختفي ؟
خالد : نايم
ام عبدالله: صار لك كم يوم مو عاجبني ..
خالد وهو يمسح على شعره المحوس : والله مدري وش فيني .. ما انام زين .. قلبي قابضني
ام عبدالله جلست جمبه : بسم الله على قلبك .. تعبان يمه ؟
خالد : والله مدري ..
مها حست انو خالد عنده احساس باللي صاير لريما .. هي توقعت انه نساها لانو صار له فتره طويله جدا ما جاب لها طاريها ولا حتى قال لامه تخطب له .. عشان كذا ..
خالد : وش تسوون ؟ صوتكم واصل لغرفتي
ام عبدالله : قاعدين ننقي فساتين لملكة بنت خالك
خالد ابتسم بخفه : ماشاء الله .. عالبركه .. مين من بنات خالي؟
ام عبدالله وهي ماتدري انها بتدمي قلب ولدها لا نطقت الاسم : ريما بنت خالك .. ملكتها هالاسبوع ..
خالد سكت لثواني يبي يستوعب الاسم ..
التفت كله لامه وعيونه عليها .. قال وبكل امل : قصدك ديما ؟
ام عبدالله : لا وين ديما توها صغيره .. ريما رييييما ..
خالد ماشال عيونه من على امه ووقف بسرعه وصرخ : كييييييف
ام عبدالله : هو ياولدي وش فيك ؟
خالد وهو فاقد اعصابه : وش فيني ؟ تذبحين قلبي وتقولين لي وش فيني .. صار لي 3 سنين وانا اترجاك وشوي وابوس رجولك عشان تخطبينها لي .. وانتي تتعذرين باعذار مالها داعي .. وبالنهايه تجين تقولين لي بكل بساطه بنت خالك بتملك .. ليييييييييييييييش مافكرتي فيني .. ولا حسبتي حساب هاليوووم
ام عبدالله واقفه منصدمه من كلام ولدها .. ما توقعت انه يبي ريما
ام عبدالله بأسى على حال ولدها : ياولدي ما قلت لي انك تبيها ولا كان
خالد قاطعها : وش اقول لك .. انتي عطيتيني فرصه اصلا عشان اقول لك .. كلما فتحت معك الموضوع تقفلينها قبل ما ابدا اصلا .. حراااام عليك .. مارح اسامحكم على ضياعها مني .. وربي مارح اسامحكم ولا اغفر لكم ..
مشى من الصاله بسرررعه متوجه لغرفته
مها دمعت عيونها على موقف اخوها .. ولا عرفت وش تقول ..
وام عبدالله بحالة صدمه .. لو انها تدري انها ريما كانت راحت خطبتها على طول لانها تعرف اخلاقها .. لكن وش الفايده الحين وماينفع الندم .. وصعبة انها تكلم اخوها وتقول له انها تبي ريما لولدها .. بيقول ليش ماقلتي من اول .. وتوك تقولين قبل ملكة البنت بكم يوم ..
يارب وش اسوي ..
خالد دخل غرفته .. ماهو عارف وش يسوي .. بيقلب مجنون بأي لحظه
ريما راحت مني .. خلاص مافي امل تكون لي
حلمي ضاع .. وراح بثواني
كله بسبب امي .. مارح اسامحها على ضياعها مني ..
ماني متخيل تكون لغيري ..
غير ملابسه وهو يحاول يمسك اللي باقي من اعصابه ..
رحيلك المـــــــرّ
ضيعني اذا فااكر.. ياليت ماجاني
وياليت ما جيته
علقت حلمي على كلمة يجي باكر ..
وباكر خذا مني اكثر قلب حبيته 3/<
بالصاله
كانت ام عبدالله تمسح دموعها .. ومها جمبها
وقفت يوم شافت خالد طالع من غرفته وباين عليه القهر والغضب
ام عبدالله وهي تبكي : على وين حبيبي؟؟
خالد : لا تسأليني وين رايح .. الله ياخذ روحي ويفكني
ام عبدالله بسرعه : بسم الله عليك .. لاتقول كذا يمه حرام عليك
خالد : لا تفكرون تتصلون فيني .. طلع وسكر باب الفيلا وراه باقوى ماعنده
ام عبدالله حضنت بنتها وقعدت تبكي .. تبكي ندم لانها سبب ضياع حياة ولدها منه ..
" عاصمة الانوار "
باريــــــــــــــــــــــــــــــــــــس
كان مشعل قاعد على الكنبه يتفرج على التلفزيون واثير نايمه جوه ..
صاير نظامهم .. اذا هي قامت هو يدخل ينام واذا هي نامت هو يصحى
طبعا هذا كله بتدبير من مشعل عشانه مايبي يقابلها ابدا ..وناوي يوريها الويل عناد بأمه
اثير طبعا مانامت .. كانت مندسحه بالغرفه وتبكي بصمت ..
صار لها من تزوجته 3 ايام .. وهو لا حكى معها ولا سألها اذا كانت محتاجه شي ولا حتى يجلس معها بمكان واحد ..
انا بفهم بس .. انا وش سويت له ..
معقول مايكون يبيني ؟؟
دامه مايبيني ليش اخذني ... ياشينه من احساس لا حسيت انك ثقل على قلب احد .. لااا ومو اي احد بعد .. احد انكتب عليك وعليه انكم تبقون سوى على طول ..
تحس انها مخنوقه .. مسحت دموعها وقعدت على حيلهاا ..
مسكت جوالها بعد ما هدت شوي .. قررت تحاكي امها لانها ماترتاح الا اذا سمعت صوتها ..
دقت .. ولقت الرد بعد كم رنه
ام عبدالرحمن: ياهلا والللللللللله ببنتي الغاليه حبيبة امها
اثير خنقتها العبره .. حنان امها وهي تهلي فيها خلاها تحت لايامها بحضنها ..ايام ما كان يهمها احد ولا شي غير رضا امها واخوانها
غطت فمها شوي تمنع شهقاتها
ام عبدالرحمن : هلا ببنيتي .. شلونك يمه ؟
اثير بهدوء عشان ما تنفضح لامها انها كانت تبكي: انا بخير دامك بخير يمه
ام عبدالرحمن بشك: اكيد بخير ؟
اثير:.....
ام عبدالرحمن : وش فيك يمه احكي ..
اثير مامسكت حالها وصارت تبكي : يمه انا مشتاقة لك .. ابي ارجع لكم
ام عبدالرحمن: يمه ما يصير ذا الكلام انتي الحين صرتي مره متزوجه وحق زوجك عليك انك تقعدين معاه وتقابلينه وتشوفين طلباته ..
اثير: ......
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك