رواية علميهم ليه احبك حب ما حبه بشر -29
غطت فمها شوي تمنع شهقاتها
ام عبدالرحمن : هلا ببنيتي .. شلونك يمه ؟
اثير بهدوء عشان ما تنفضح لامها انها كانت تبكي: انا بخير دامك بخير يمه
ام عبدالرحمن بشك: اكيد بخير ؟
اثير:.....
ام عبدالرحمن : وش فيك يمه احكي ..
اثير مامسكت حالها وصارت تبكي : يمه انا مشتاقة لك .. ابي ارجع لكم
ام عبدالرحمن: يمه ما يصير ذا الكلام انتي الحين صرتي مره متزوجه وحق زوجك عليك انك تقعدين معاه وتقابلينه وتشوفين طلباته ..
اثير: ......
ام عبدالرحمن: انا عارفه انك متوتره لانها اول ايامك معاه .. والعلاقه ممكن تكون متوتره كمان .. لكن حاولي تكسبينه بسرعه .. بابتسامه حلوة بلسان حلو وباحترامك له .. كل هذا يمه تحلي العشره
اثير سكتت تفكر شوي بكلام امها : طيب يمه
ام عبدالرحمن: اي هذي بنتي العاقله .. يللا حبيبتي قومي غسلي وجهك وعدلي مكياجك وروحي اقعدي معاه .. مو حلوة مخليته لحاله وجالسه تكلميني ..
اثير: ان شاء الله ..
ام عبدالرحمن: يللا مع السلامه
اثير: مع السلامه ..
بعدما قفلت اثير من امها جلست شوي لحالها عشان تهدى وغسلت وجهها وعدلت مكياجها ورسمت ابتسامه حلوة على وجهها وطلعت لمشعل
مشعل كان يتفرج على فلم ومنسجم معاه مرررره .. لفت انتباهه ريحة عطرها .. التفت لها وتأملها لثواني ..
جلست اثير مقابله له : السلام عليكم ..
مشعل وهو يصد عنها: وعليكم السلام
اثير تبي تفتح معاه اي موضوع : امممم وش قاعد تتفرج عليه ؟
مشعل بنص عين : وش شايفه انتي
اثير: اييي عرفته هالفلم .. مررره حلو
مشعل بعناد قفل التلفزيون وتكتف .. اثير استغربت بس ما استسلمت ..
اثير صارت تفرك يدينها ببعض وبتوتر وتخبط برجلها على الارض بخفه ..
مشعل كان يحاول يسرق نظرات لها بس خاف انها تنتبه له ..
اثير: احم .. حاب تشرب شي ؟
مشعل : شي زي ايش؟
اثير: مدري اي شي .. شاهي .. قهوة .. عصير ..
مشعل وهو يستغل الفرصه انها تحاكيه عشان يناظرها : ابي نسكافيه
اثير ابتسمت ابتسامه روووووعه وهي تأشر على عيونها : من عيوني الثنتين
مشعل فهى .. ياحلو ابتسامتها ..
صار يناظرها تمشي لين اختفت عين عينه .. تنهد بصوت واطي ..
لمتى ذا الحال ..
بيت ابو بندر ..
ريما كانت قاعده تقرا رواية بغرفتها .. ودخلت عليها ديما
ديما: وش تسوين ؟
ريما: شوفة عينك ..
ديما: لا والللللللللله .. يعني عارفه المصيبه اللي قاعده تسوينها
ريما وهي ترجع نظرها للروايه : وش مصيبته ؟
ديما: الحين انتي بعد يومين ملكتك .. وقاعده بكل بروووود تقرين لي روايه
ريما ببرود : وش المطلوب مني اسوي يعني ؟
ديما بتنهبل من برود اختها : وش المطلوووووووووب ؟؟ انك تقومين تدبكين يا بنت
ريما: ماله داعي .. الملكه عائليه وبعدين بابا ما جا ولا كلمني ولا حتى ..
قاطعتها ديما: وانت وش لك بابا .. الله يرجعه لنا بالسلامه.. قومي اشوف خذي لك موعد مع الكوافيره عشان تجيك ..
ريما وهي ترجع تتصفح روايتها : طيب
ديما تشد على شعرها : اففففف منك ومن برودك ..
بيت ام ماجد ..
ام ماجد كانت قاعد تتقهوى مع رنيم وليان وايان جمبهم تحل الواجب حقها ..
ام ماجد: ومتى تتخرجين يا رنيم ؟
رنيم: ان شاء الله السنه هذي خالتي ..
ام ماجد: ما شاءالله .. وربي الايام تركض .. اذكرك لما كنتي توك داخله المدرسه .. والله كنه امس
رنيم بابتسامه : الله المستعان ..
ليان: لااا وبعد رنيم ناوية تكمل دراستها ان شاء الله بعدما تخلص
ايان نقزت : وشووووووووو .. تكملين دراستك .. مهبوله انتي
رنيم ضحكت ,, وام ماجد عصبت
ام ماجد: يابنت عيب عليك .. ما تحشمين احد .. البنت ماهي قدك وتقولين لها هالكلام .. احترميها بلا قلة حيا
ايان: وش اسوي .. هذي سواية .. احد يخلص من عذاب ويرمي نفسه بعذاب اكبر .. صدق لا قالوا اهل العقول براحه .. يا مجنووووووووونه
رنيم ماتت من الضحك على ردة فعل ايان ..
ام ماجد: قومي من هنا لا بارك الله فيك من بنت .. ياللي ما تستحين على وجهك ..
رنيم :هههههههههه خليها يا خالتي براحتها معليش ..
ليان: اصلا احنا بنقوم ونخلي الممكان ..
ام ماجد: وين بتروحون ؟
ليان: بنروح فوق لغرفتي .. قعدة بنات يعني .
ايان: بروح معكم ..
ليان: انتي اقعدي هنا .. وتمسك يد رنيم ويطلعون الدرج بعدما استأذنت رنيم من زوجة عمها ..
ايان راحت جمب امها وحطت راسها على كتفها: ليش يعتبروني صغيره ؟
ام ماجد وهي تمسح على راس بنتها : عشانك صغيره يا حلوة ..
فوووق بالصاله
رنيم : وين موديتني مو من هنا الجناح حقك لا تكونين مضيعه بس ,,,
ليان: ههههههههه لا ماني مضيعه .. بس ابي اوديك مكان ثاني قبل ..
رنيم : ويييييييين
ليان بعدما وقفت قدام باب كبير : هنا ..
رنيم بنص عين : وايش هنا ؟
ليان فتحت الباب وفتحت الانوار واشرت عالغرفه : هنااااا
رنيم من دخلت وحست قبلها انسلب منها .. ريحة عطره ماليه المكان ..
وصورة كبيره له متوسطه الجدار اللي بالوجه .. كان مرسّم ولابس ثوب .. تمنت ترسمه وقتها ..
تأملت الجناح باللي قدرت عليه .. الصاله اللي على جمب .. بما فيها من كنب وطاولات وشاشه وستيريو .. راحت غرفه ثانيه طلعت غرفة المكتب حقه .. والباب الثالث كان لغرفة النوم .. وفي باب رابع للحمام ..
جناح فخم .. مثل صاحبه ..
صارت تمشي بكل مكان .. ابتسمت ليان وهي تشوفها وقررت انها تخليها براحتها تتنقل فيه .. طلعت وسكرت الباب بهدوء ولا حست عليها رنيم ..
كانت ضايعه بعالم ماجد الخاص ..
وقفت قبال صورته وصارت تتأملها بكل حب .. وهي تردد وربي وحشتني
دخلت المكتب حقه .. وقعدت على كرسيه .. تحسست الطاولة لين وصلت يدها للدروج .,
فيها فضول تفتحها .. وتشوف اللي فيها .. بس لا
ماهي رنيم اللي تدور باغراض الناس ..
اخذت ورقه من الاوراق الموجوده عند الطابعه .. وقلم ..
تذكرت اهماله لها من يوم ملكتهم .. وانه ما كلمها ولا حتى رفع عليها سماعه .. رجع لها الاحساس الغريب انو في حاجه غلط من يوم تقدم لها ..تنهدت بضيق وصارت تكتب بألم ..
فتحت لك قلــــــبي ودفتر حياتي
ودي تحس بلوعتي لا تكلمت
ابيك تعرفني ، تفجر سكاتي
مابيك تدفني داخل شاطيء الصمت
خذني برمشك في سما امنياتي
علمني كيف اطير لوما تعلمت
محتاج لك تمحي جبر ذكرياتي
وتجدد احلامي بصوتك اذا نمت
عطني وطن ، لملم بعيونك شتاتي
تعبت اهيم بداخلك وانت ماهمت
ابيك تسمع قبل تنطق شفاتي
صوت الزجاج بداخلي لا تحطمت
لازلت انا ذاك الطفل في مراتي
ادور اللي يضمني لا تألمت ..
حطت الورقه على المكتب بعدما تأملت كلماتها مره ثانيه ,,
خلتها مكانها ومشت للصاله .. حضنت صورة له كانت محطوطه بأحد الطاولات .. وهي تغني
كل شي حولي يذكرني بشي
حتى صوتي وضحكتي لك فيها شي
لو تغيب الدنيا عمرك ماتغيب
شوف حالي اااه من تطري علي ..
وراحت بعالم ثاني .. عالمها هي وماجد ..
عند خالد
خالد كان بسيارته وبحال مايعلم فيها غير ربه .. احلامه بقربها منه تدمرت وطارت .. بتصير متزوجه بعد كم يوم .. معد هي لي خلاص ..
في امل .. لازم اكلم خالي ..
دق على جوال ابو بندر بس كان مقفول ..
تحطم خالد زياده وزياده.. من جد كل شي تقفل بوجهه
يحس انه مخنووووووق
فتح ازرار الثوب يمكن يقدر يتنفس زي الناس .. بس بالعكس
يحس الكون كله ضاق بعيونه ..
ومعد في ذرة اكسجين وحده ..
بدون شعور مسك خط الشرقيه .. وهو يحاول يمسك نفسه زياده ..
استراليا ..
الفتره الاخيره ماجد كانت نفسيته تعبانه من كل الضغوط من حوله .. بعد رانيا عنه وزواجه من رنيم ودراسته اللي لازم يشد حيله فيها عشان يتخرج ويرجع للرياض من جديد ...
قرر بندر ياخذه مقهى يغيرون جو فيه
بندر : ياخي اضحك .. ياشينك لا كشرت
ماجد يبتسم ابتسامه صفرا
بندر كشر: وجع .. ابتسم زي الناس
ماجد : ياخي انا مالي خلق .. بفهم بس وش مخليك تطلعني من البيت .. انا كنت مرتاح ..
بندر: بس انا ماني مرتاح وانا اشوفك كذا .. يللا بس اطلب اللي تبيه
ماجد: وجع .. يالبخيل وراك جايبني مقهى .. ليش مارحنا مطعم
بندر: لا حبيبي .. مو كلما جا دورك بالطبخ بتعشينا بره .. اليوم انت بتطبخ عشان كذا بقهويك وبسسسسسسسسس
ماجد ضحك بخفه
بندر: اي كذا عساني ما انحرم يارب ..
زادت ابتسامه ماجد وبانت غمازاته ..
طلب له هو وبندر قهوة وكيك وقعدوا يسولفون شوي
من ناحيه ثانيه ..
رانيا : نواف حبيبي عفيه .. ماني مرتاحه هني .. خلنا نغير المكان ..
نواف: لا ياقلبي انا عاجبني وبنقعد سوا .. مسك يدها واخذها لطاوله وقعدوا
رانيا ماتدري ليش ماهي متطمنه .. بس صارت تحاول تتجاهل هالشعور ..
باريس
جت اثير ومعها كوب النساكفيه وناولته لمشعل بابتسامه روووووعه
مشعل اخذه منها بدون مايقول ولا كلمه
اثير قعدت تشرب بهدوء .. واخذت الريموت وشغلت التلفزيون وتقلب بالقنوات بهدوء ..
مشعل استغل فرصة انشغالها وصار يتأملها ..
يازينها .. بس مارح تتهنى معي الا لما ابرد حرتي من امي فيها ..
رن جوالها ..
اخذته وشافت رقم غريب .. قررت ما ترد ..
ودق ثاني وثالث ورابع .. وهي مستغربه ..
مشعل : مين يدق عليك ؟
اثير: مدري رقم غريب
مشعل : ردي
اثير: اخاف يطلع احد
مشعل بنص عين : احد كيف يعني ؟
اثير: يعني احد غلطان وينشب لي ..
مشعل : ردي اشووف ..
اثير سوت زي ماطلب : الووو .. الووو .. وقفلت .. محد يرد علي
مشعل : صار يناظرها بنص عين ...
رن الجوال من جديد .. ردت اثير بس نفس الشي ما لقت رد ..
استغربت ورجعت الجوال على الطاولة وصارت تكمل قهوتها برواق وعيونها على التلفزيون
ومشعل ما شال عينه من عليها ..
بيت ابو ماجد ..
رنيم صحت من احلامها بماجد على صوت ليان
ليان: ههههههههه رنيم وش فيك نمتي ؟
رنيم ابتسمت : لا بس كنت سرحانه
ليان وهي تغمز لها : اجل الحبايب شاغلين بالك ..
رنيم ومازالت مبتسمه : اي ..
ليان: طيب تسمحين لي اخذك من تفكيرك واحلامك لتحت عند امي عشان العشا جهز
رنيم بابتسامه حلوة : اكيييييييد .. يللا مشينا
ليان: مشينا ..
اليوم الثاني ..
مشاعل كانت قاعده بغرفتها تتجهز للحفله اللي ناوية تروح لها مع راكان ..
كانت لابسه فستان ذهبي قصير .. ومبين الظهر كله .. ومكثره مكياج بشكل مخليها فتــــــــــــــــــنه .. شعرها القصير قاصته زياده ومرجعته كله على ورا ..
شكلها ، لبسها ، فستانها ، مكياجها ، عطرها كل مافيها جررررريء ويسحر
دق عليها راكان وقال لها تنزل له ..
دقايق وهي بسيارته
راكان : هلا بالزين كللللله
مشاعل : هلا بك .. يللا مشينا بسرعه قبل لا احد ينتبه له
حرك راكان اللي كان لابس بدله فخخخخخمه : من عيوني ياعيوني
قصر عبدالعزيز بن سالم ..
راكان : يللا حبيبي
مشاعل وهي تناظر القصر اللي تضج منه اصوات الاغاني بشكل يحمس: يللا ..
مشاعل: راكان ابي اعدل شكلي ..
راكان يأشر له على الحمامات : هناك ... خلصي وانا انتظرك
مشاعل : طيب ..
10 دقايق وهي مخلصه .. شالت عبايتها وعطتها وحده من الخدم اللي كانو بالحمام عشان تخليها عندها ..
وطلعت له ..
شافها .. وماقدر حتى يبلع ريقه ,,
قرب منها ومسك يدها وباسها بقووووووه
مشاعل بابتسامه : اي عورت يدي
راكان بوله : ياليته فيني ولا فيك .. شد على يدها زياده ومشوا سوا
كل الانظار كانت عليهم .. على راكان وهالملاك اللي معاه ..
ملاك مثييييييييير .. ما قد شافوا مثله ابد ..
تقدم لهم عبدالعزيز ووراه المرافق حقه : يا هلا والللللللللللللللللللللللللللللللللللللللله هلا بالقمر .. هلا بالملاااااااك
مشاعل : هلا بك ..
عبدالعزيز اخذ يدها من يد راكان وباسها : تو مانورت الحفله والقصر ياعيوني .. نورت بقدوم ملكتها ..
راكان بفخر لانه هالمره قدر ينتصر على عبدالعزيز وجاب بنت احلى من كل البنات اللي مروا على عبدالعزيز ..
عبدالعزيز : راكان .. الحلوة اللي بتكون معي ..
راكان وهو يسحب يد مشاعل من يد عبدالعزيز برقه : لا سوري حبيبي .. هالملاك لي
عبدالعزيز رفع يده باستسلام : اوكي راكان .. اعترف هالمره انتصرت عليه .. ونقل نظره لمشاعل من فوق لتحت .. وبقووووووووووه
مشاعل ابتسمت .. غرورها يسمح لها ..
راكان بغمزة : ادري .. عن اذنك ..
عبدالعزيز وهو ما شال عينه من عليها : اذنك معك ..
كملوا طريقهم لداخل القصر ... بين الاغاني وزحمة البنات والشباب اللي يرقصون بالظلام وكلهم من طبقه هاااااي .. اغلبهم جايين مع خوياتهم .. والباقي جايين يدورون على علاقات ..
قضت الليله كلها بحضن راكان .. وبين الناس وبوناسه ..
استراليا ..
ماجد كان مبسوط مع بندر بقووووة .. حس انه من زمان ماضحك كذا ومن زمان مرة ما طلع طلعه حلوة مع ولد عمه واخوه وصديق عمره
ماجد: ااااااااع الله يقطع شيطانك وربي فقعت ضحك
بندر : هههههههههه دوم يارب ..
ماجد رفع راسه عشان يمسح دموعه اللي نزلت مع الضحك .. ونزل عينه وطاحت على الطاولة اللي قباله بس على الزاوية ..
وشااااااااافها ..
وشااااااااافها ..
رانيــــــــــــا .. رانيا قدامه .. بس معها احد غيره ..
ماسك يدها بيده .. يدلعها وتبتسم له .. ماخذ مكانه ,,
بقدرة قادر تحولت ابتسامته لتكشيره وقهر .. قام بسرعه لا اراديا لطاولتها
بندر ينادي ماجد : ماااااااااجد وش فيك ..
ماجد الغضب والغيره معمين قلبه
متضايق ومتنرفز لانها كذبت عليه وقالت له انها بره البلد .. وغيران عليها .. من هذا اللي معاها ..
وقف عند الطاوله بالضبط وصرخ : رانيا
رانيا التفت بخوف .. وانصدمت يوم شافت ماجد ..
رانيا : مااااااااااااجد !!
ماجد : اي ماجد .. ماجد اللي كذبتي عليه وقلتي له انك اصلا مو بالبلد .. نقل نظره لنواف اللي جمبها
ماجد: ومن الاخ ؟
نواف : رانيا من هذا ؟
ماجد : لو سمحت انا اللي لي حق اسأل هنا وبس
نواف وقف: لا معليش .. مو من حقك تاخذ وتعطي معها
ماجد وهو فاير: وانت بصفتك ايش تدافع عنها
نواف بثقه: بصفتي حبيبها
ماجد حس انو مويه بااااااااااااارده انكبت عليه : وش قاعد تقول انت
نواف: اللي سمعته
ماجد نقل نظره لرانيا بسرعه : هذا وش قاعد يقول
رانيا كانت بموقف لا تحسد عليه ابد .. كانت ناوية تخبر ماجد انو في احد ثاني غيره بحياتها بس ما توقعت الحين ابدددددددد ..
بلعت ريقها بصعوبه : اللي سمعته
ماجد وهو ينكر : مستحيل .. انتي ما تخونيني
رانيا بعذر سخيف: انت تركتني وسافرت
ماجد بصراخ : تركتك مجبور .. وقلت لك راجع لك .. واني بسوي المستحيل عشانك
رانيا وهي تصد عنه : انا وانت ما نصلح لبعض
ماجد بصدمه : تقولين لي كذا بعد 7 سنين .. 7 سنين وانا احبك واعشقك واتمناك .. اغيب عنك شهر تشوفين غيري ؟؟ للدرجه هذي ماكنت مالي عينك
رانيا : انت عارف اكثر مني انو اهلك مارح يوافقون على زواجنا ..
ماجد بعصبيه وهو يأشر على حاله : ابيع اهلي ودنيتي عشان حبك .. ابيع دنياي واشتري قربك .. بس للأسف بعتيني برخص التراب ..
رانيا : .........
ماجد والنار بقلبه : اسمعي يا بنت الناس .. انا الحين مملك على بنت عمي .. بنت عمي اللي ظلمتها .. والسبب حبي لك .. بس ما اقول الا الله يستر عليك وجا بيمشي ووقفه صوتها
رانيا : الحين انا وياك متعادلين .. ماكو فرق .. خنتني وخنتك ..
ماجد باستهزاء : لا تحكين شي دامك مو عارفه للحين وش اللي بقلبي لك .. اذا خنتك باني عطيت اسمي لغيرك .. ترى هذا ما خانك .. واشر على قلبه .. ومشى وهو يجر وراه بقايا قلبه
رانيا قعدت على الكرسي بسرعه وببرود : اففففففف فكه
نواف يناظرها بعصبيه ويقوم ويتركها
رانيا : نواف انتظر ..
نواف مشى ولا عبرها وترك لها المكان بكبره
رانيا تلوم حالها : اففففففففف انا الغلطانه .. وربي استاهل .. كان المفروض انا قايلة له عن ماجد ..
ان كاااان خنتك ..
عسى الله لا يسامحنــــــــــــــــــــي !!!
بس انت خنت الوفا ،، والجرح
ياكبرررررررررررررررررره </3
الحفله ..
كانت مشاعل مرررررررره مستانسه وهي تشوف نظرات الشباب لها .. وانها ماكله الجو عن البنات اللي بيموتون من الغيره منها ..
راكان وهي يحط يده على خصرها ويهمس باذنها : شفتي وش سويتي بالبنات
مشاعل بغرور : اكيد .. يحق لهم والله يموتو قهر
راكان : انا ما يذبحني فيك الا كل هالثقه ..
مشاعل : يحق لي يا حلو ..
راكان مسك يدها وسحبها عشان يقومون يرقصون وقامت معاه .. ورقصوا سوا طووووووووووووووووول الليل ..
مشاعل: يللا راكان برجع البيت
راكان وهو يقربها من حضنه زياده : بدري
مشاعل: خلاص تعبت والوقت بدا يتأخر ..
راكان : اوووووكي ..
بيت ابو شذى
ابو شذى: شذذذذذذذذذذذذذذذى وصمخ
شذى جت : سم
ابو شذى: في واحد متقدم لك ..
شذى انفجعت : واحد ؟؟ واحد مين ؟
ابو شذى:ما تعرفينه .. المهم .. بتاخذينه وانتي ما تشوفين الدررب
شذى ودموعها تنزل: لا يبه تكفى .. يسعد لي عمرك مابي .. يخليك لي لا تغصبني مابي اتزوج
ابو شذى: انا ما اشااااااور .. انا امر
شذى وهي تبكي : يبه تكفى وش مسوية لك انا عشان تعذبني .. مابي اتزوج
ابو شذى: وش السبب ؟؟
شذى خافت تقول له انها تعرف واحد لانه ساعتها ابوها مارح يرحمها ابد وبيقتلها بمكانها .. قررت انها تقول لبدر اقل شي يفاتح ابوها بالموضوع دامه يبيها عشان يسكت .. وهو مارح يلح عليه عشان فلوسه .. بس يخطبها
شذى بدون تفكير: يبه عطني اسبوعين .. بس اسبوعين .. وسوي اللي تبي
ابو شذى وهو ماهو مستوعب: وليش يعني اسبوعين ؟
شذى: يبه بس اسبوعين تكفى ولك مني اللي تبيه
ابو شذى سكت .. دامه اخذ نص المهر مقدما من احمد خلاص اجد ماعنده مانع ينتظر زياده : خلاص اجل اسبوعين بسسسس .. وبعدها بتملكين
شذى وهي تبلع باقي عبراتها وتمسح دموعها : ان شاء الله ..
بيت ابوماجد ..
رنيم وهي ترد على جوالها : هلا بابا
ابو رنيم: هلا بالغاليه .. ها خلصتي حبيبتي اجي امرك ؟
رنيم : ليش يبه تتعب حالك .. يجيني السواق
ابورنيم : الوقت تأخر يابنتي واخاف عليك .. وبعدين انا اصلا بره البيت وبكذا مافيها تعب
رنيم: اوكي اجل استناك ..
ابورنيم: طيب مسافة الطريق ..مع السلامه
رنيم: الله يحفظك
ام ماجد : بدري يابنتي
رنيم وهي تناظر ساعتها : بدري من عمرك خالتي .. شوفي الحين الساعه 2 وربي ماحسيت بالوقت معكم
ليان: ياحبي لك .. تعالي كل يوم يختي وربي جلستك ما ينمل منها
رنيم:ولا جلستكم وربي .. ان شاء الله بين فتره وفتره بزوركم ..
ليان: ان شاء الله ..
10 دقايق ووصل ابورنيم .. دق عليها وطلعت له وتوجهوا للبيت
بيت ام عبدالله
ام عبدلله وهي تبكي : ياااااااربي يا مها .. خالد من طلع امس من البيت ما دق ولا طمنا وفوق هذا مقفل جواله
مها : يااااارب احفظه واحميه ..انت اعلم بحاله
ابو عبدالله : لا حول ولا قوة الا بالله .. هذا اللي كنت خايف منه يا الجوهرة وقايل لك .. الولد بيسوي بروحه شي
ام عبدالله: يسلم عمرك يا سعود ماني ناقصه اللي فيني مكفيني ..ياااااارب رجع لي ولدي سالم ياااااارب
بالشرقيه ..
كان خالد قاعد من امس عالبحر .. يتأمله ويفكر ..
يفكر فيها .. ويفكر بحل يساعده يطلع من هالمصيبه .. وملكتها بكره ..
جوال خاله للحين مقفل .. وبدر ما رح يقدر يسوي شي بدون شور ابوه
خلاااااااااص يا خالد .. انت ضعت وضاعت احلامك كمان ..
ريما ماكانت من نصيبك ولا رح تكون ..
بيت ابو رنيم ..
ابو رنيم وهو قريب من البيت : ها رنيم ان شاء الله انبسطتي هناك ؟
رنيم: مرررررررره الحمدلله .. ياحبي لخالتي والبنات وياحبي لقعدتهم
ابورنيم وهو يبتسم لها : اللللله يسعد قلبك يارب ..
رنيم : امييييييييييين يارب ..
وقف ابو رنيم عند باب البيت بنفس الوقت اللي وقفت سيارة راكان عند الباب ..
ابو رنيم ماصدق اللي عيونه شافته .. مو معقول
ورنيم كانت مذهوله كمان ..
انتهى البارت ..
اكمل لكم البارت الجاي ان شاء الله ..
وش توقعاتكم؟؟ وتعليقاتكم ..
دمتم لي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت الثامن عشر
بيت ابو بندر
ريما كانت قاعده ببلكونة غرفتها .. دخلت عليها امها ..
ريما : هلا ماما
ام بندر وهي تقرب منها : جاهزة لكل شي ؟
ريما وهي تنزل راسها : اي
ام بندر وبنظرة تهديد وهي تحرك اصبعها قدام ريما: انا حذرتك قبل كذا .. والحين بس بأكد عليك .. وللمرة الاخيره .. عارفه لو ابوك ولا واحد من اخوانك شم خبر انا ايش ممكن اسوي ؟
ريما :..............
ام بندر : يعني عارفه صح ؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك