رواية علميهم ليه احبك حب ما حبه بشر -30

رواية علميهم ليه احبك حب ما حبه بشر - غرام

رواية علميهم ليه احبك حب ما حبه بشر -30

البارت الثامن عشر

بيت ابو بندر

ريما كانت قاعده ببلكونة غرفتها .. دخلت عليها امها ..

ريما : هلا ماما

ام بندر وهي تقرب منها : جاهزة لكل شي ؟

ريما وهي تنزل راسها : اي

ام بندر وبنظرة تهديد وهي تحرك اصبعها قدام ريما: انا حذرتك قبل كذا .. والحين بس بأكد عليك .. وللمرة الاخيره .. عارفه لو ابوك ولا واحد من اخوانك شم خبر انا ايش ممكن اسوي ؟

ريما :..............

ام بندر : يعني عارفه صح ؟

ريما هزت راسها بالايجاب

ام بندر: حلووو .. طلعت وسكرت الباب وراها

ريما تنهدت بقوة ورجعت تناظر الحديقه وهي تدعي بينها وبين نفسها انو ربي يوفقها ويسعدها مع حمد .. حتى لو اخذته وهي ماهي مقتنعه فيه ..

الشرقيه ..

خالد ما وقف اتصالات على جوال خاله .. كان عنده امل انه يرد عليه .. ويرد له روحه بمنعه هالزواجه .. بس بدى يفقد الامل

رن جواله ورفعه من مكانه بسرعه ولقى المتصل امه .. تنهد بقوة وقفل الجوال ورجعه بجيبه .. وكمل سرحانه

بيت ام عبدالله

ام عبدالله من بين دموعها : مايرد علي مايرررررررد

امل : استهدي بالله يا خالتي .... الغايب عذره معه

ام عبدالله : كيييف تبيني اهدى وولدي طلع من البيت من امس وانا مدري عنه شي .. ولا حتى اتصالات يرد عليها ..

مها : ماما لازن نكلم خالو ..

ام عبدالله : وليش؟

مها : هو الوحيد اللي يقدر يرجع خالد لعقله .. هو من حس انه بيفقد ريما خلاص والدنيا صاكه بوجهه ..

ام عبدالله : كيف تبيني اسوي كذا ..

مها : مافي الا ذا الحل ..

ام عبدالله: لا ابدا ماهو حل .. خلي بس خالد يرد علي ويرجع بالسلامه وانا بحط حد لتصرفاته الطفوليه .. ماوقفت الدنيا على ريما

مها : بس هو يحبها من اول ماما

ام عبدالله : وليش ما قلتي لي دامك عارفه من اول

مها : انتي كلما فتحنا معك الموضوع تقولين لي مابي اسمع شي .. ومن وقتها وللحين انخطبت البنت وبكره ملكتها

ام عبدالله حست بالذنب .. وقامت غرفتها بسرعه

مها: اففففف الله يهديك يا خالد بس..

ابو رنيم وهو قريب من البيت : ها رنيم ان شاء الله انبسطتي هناك ؟

رنيم: مرررررررره الحمدلله .. ياحبي لخالتي والبنات وياحبي لقعدتهم

ابورنيم وهو يبتسم لها : اللللله يسعد قلبك يارب ..

رنيم : امييييييييييين يارب ..

وقف ابو رنيم عند باب البيت بنفس الوقت اللي وقفت سيارة راكان عند الباب ..

ابو رنيم ماصدق اللي عيونه شافته .. مو معقول

ورنيم كانت مذهوله كمان ..

مشاعل : هههههههههههههههههههههه يا زينك

راكان : اموووووووووووووت انا بالصحكه وراعيتها

مشاعل وهي تدفه على كتفه بخفه : بس عاااااااد لا يكثر

راكان اخذ يدها من كتفه وباسها ,, ومشاعل ابتسمت له ..

ثواني وبسرعة البرق انفتح باب السياره ومشاعل لقت نفسها بالشارع .

مشاعل : ااااااااااااه

ابو رنيم وهو يسحبها : الله لا يبارك فيك على سواد وجهك .. ياكلبه يا واطيه

مشاعل : ااااااااااااااااااااااااييييييييييييييي بابا فكني

ابورنيم : افكك ؟ ليش انا امداني مسكتك ولا سويت شي .. وعطاها كف خلاها تهوي على الارض

رنيم : بابا فكها خلاص

ابورنيم : وين افكها وانا ما بردت خاطري .. وسحبها من جديد وعطاها كف ثاني ورفسها .. ومشاعل تبكي

ابورنيم يرمي مشاعل لحضن رنيم بقوة ويلتفت لراكان ..

ابو رنيم والشرر يتطاير بعيونه : اطلع .. اطلع كانك رجال يا كلب .. اطلع من السياره ..

راكان ماسمع الكلام .. حرك السياره حتى وباب مشاعل مفتوح .. وانطلق باسرع ما عنده

ابورنيم: لا بارك الله فيك من ولد .. جايبك جايبك وين بتروح مني

غرفة مشاعل ,,

مشاعل كانت تبكي بحضن رنيم

مشاعل : اااااااااااه يارنيم هزأني بابا قدام كل احد ..

رنيم بعصبيه : انتي كيف تجرأتي وسويتي اللي سويتيه ..

مشاعل بصراخ :انطمي ماني ناقصتك انتي الثانيه

دخل ابورنيم : ومن الاول ؟؟ عساه انا

مشاعل راحت تخبت ورى رنيم

ابورنيم : وين بتروحين مني يا كلبه .. ويسحبها ويكمل ضربه لها ومشاعل تستنجد برنيم اللي كانت بينهم واخذت من الضرب يمكن زي مشاعل واكثر كمان ..

ابورنيم: وخرررررررررري عنها دام الفس عليك طيبه يا رنيم

رنيم : يا بابا تكفى اهدى عشان السكر

دخلت ام رنيم بسرعه وهي مرتاعه : وش فيكم .. وش صاير ..

ابورنيم : اسألي بنتك مسودة الوجه

ام رنيم وهي حاطه يدها على قلبها : وش صاير .. وش السالفه ؟

ابورنيم وهو يسحب شعر مشاعل ويرميها بقوة : بنتك المحترمه .. طالعة لي مع واحد بآخر الليول

ام رنيم شهقت وحطت يدها على فمها :صدق الكلام هذا يا مشاعل

مشاعل ماردت بس تبكي ..

ام رنيم قعدت على اقرب كنبه بالغرفه .. ورنيم راحت لها

رنيم : ماما تحسين بشي؟

ام رنيم ويعونها تدمع : اتركوني معها شوي

ابورنيم : اماني مارح ..

ام رنيم تقاطعه : حمد لو سمحت .. خلوني لوحدي معها ..

طلع حمد مع بنته رنيم مع انهم ماودهم يخلونها لوحدها معها .. لانهم عارفين اسلوب مشاعل الاستفزازي وخايفين تزعل ام رنيم وتتضايق وهو ماهو زين عشان بكره يبدا علاجها

ام رنيم : ليش سويتي كذا ؟

مشاعل:...........

ام رنيم بعصبيه : ليش ما تردين .. هذي اخرة تربيتي .. هذا جزاي ؟؟ تفشليني قدام الله وخلقه وعلى راسهم ابوك .. وش تبينهم يقولون .. اماني ماعرفت تربي

مشاعل ببجاحه ومن بين دموعها : انا ماسويت شي غلط .. كل هذا عشان طلعت مع واحد ..

ام رنيم طلعت عيونها : وبكل بساطه تقولينها .. مالك كبير ؟

مشاعل وهي تصد بنظرها : ماهي مشكلتي انو اهلي مو متحضرين

ام رنيم وهي تقرب منها وبعصبيه تشد على يدها : احترمي نفسك يا مشاعل .. وتأدبي بدال ما أأدبك واربيك من جديد

مشاعل : اييييييييي يدي ماهي ناقصه كسرني بابا

ام رنيم : ياليته كاسر رقبتك وقاص لسانك فوقهم .. عشان تحترمين حالك .. مابي اشوفك بره الغرفه سامعه ولا لا ..

مشاعل : بس ..

ام رنيم تقاطعها : سامعه ولا لا ..

مشاعل ببجاحه وصراخ : اووووووووووووه .. وتوجهت لغرفة الملابس وسكرت الباب بقوة بعد ما عطت امها نظره قوية ..

ام رنيم تنهدت بقوة وضيق وطلعت من الغرفه متوجهه لغرفتها تطيب خاطر زوجها

استراليا

شقة الشباب ..

ماجد دخل الشقه وهو بقمة العصبيه والغيض

بندر دخل وراه مسرع :ماجد ممكن توقف وتسمعني

ماجد سفهه وتوجه لغرفته .. شال التيشرت حقه وانسدح على السرير ..

بندر : ماجد انا احاكيك

ماجد يعتدل بجلسته : يسلم عمرك يا بندر مالي خلق احكي ... ولا ابي افتح الموضوع مره ثانيه .. يعني بالعربي قفل على الموضوع

بندر : وش اقفل على الموضوع .. انا فتحته لسه

ماجد : يعني ناوي تفتحه

بندر : اكيد وبدون تفاهم .. والحين بنحكي يعني الحين بنحكي

ماجد تأفف بصوت عالي وانسدح من جديد : اللهم طولك يا روح ..

بندر قرب منه : يا اخوي انا عارف انك مصدوم ومتضايق .. بس انا

ماجد قاطعه وقام من السرير بسرعه : يرحم امك مابي اسمع شي .. ادري وش بتقول .. بتقول انا ياما قلت لك وياما حذرتك وياما نصحتك بس ما فاد .. خلاص فهمممت فهمت انها ماهي لي .. ودمعت عيونه

بندر:...........

ماجد : انا مدري وش صاير فيني.. احس الدنيا كلها قفلت بوجهي .. ماني مستوعب اللي صار من شوي .. يعني صدقت ؟ رانيا معد هي لي .. خلاص معد في رانيا ..

بندر يحط يده على كتف ولد عمه : اللي صار صار .. انساها .. وعيش لبنت عمك وزوجتك ..

ماجد بقوة : انا قلبي مايقبل غيرها حبيبه .. كيف تبيني اكمل حياتي مع رنيم .. انا لما ارجع بشوف حل للموضوع .. مستحيل اتزوج من بعد حبي لرانيا .. خلاااااااااص مابي شي من دنيتي

بندر تنهد بضيق على حال ولد عمه واخوه .. قرر يطلع يخليه يفكر شوي مع نفسه .. يمكن يوصل لقرار ..

بندر: طيب انا بخليك الحين شوي .. وبروح اكلم ريما اختي عشان اليوم ملكتها..

بندر هز راسه بمعنى طيب ..

اول ما طلع بندر من الغرفه ,, ماجد رجع ورمى نفسه على السرير وهو يشد على راسه بقوة .. فكرة انه خسر رانيا بتذبحه ..

اليوم الثاني

بيت ام عبدالله ..

ام عبدالله دخلت غرفتها : يا سعود الوضع هذا ما ينسكت عليه ابد .. ولدي ماهو مبين من ثلاث ايام .. احس اني بنهبل بيصير فيني شي

ابو عبدالله : استهدي بالله يا الجوهره .. ولدك رجال وعاقل .. ماهو بزر على قولتك ..

ام عبدالله : الا بزر .. مهما كبر بيظل بعيني بزر

ابوعبدالله : يعني ما اتعظتي من اللي صار .. كل اللي صار من تحت راسك انتي .. ظليتي على ذا الكلمه لين ضاعت منه البنت اللي يبيها وانا واقف اتفرج .. كان المفروض ما اسمع كلامك واروح اخطب له

ام عبدلله : يعني تكسر كلمتي عشان طيش شباب ياسعود ؟

ابوعبدالله : لا حول ولا قوة الا بالله .. رجعت تقول لي طيش شباب .. لو انه طيش شباب مثل ما تقولين كان ماشرد الولد منك .. الولد كبر ويحب .. وتقولين لي طيش شباب !!!

ام عبدالله : يووووووووه

دخلت مها وهي فيها الضيقه : ماما يالله خليني نلحق على الموعد بالمشغل ,,

ام عبدالله وهي تاخذ عبايتها : انا بروح احسن لي

ابوعبدالله بنص عين : الله معك .. طلعت ام عبدالله ومسك ابوعبدالله جواله ورجع يدق على خالد .. مسك خط ليييييييييييين رد عليه

خالد : هلا يبه

ابوعبدالله: هلا حبيبي .. وينك يبه ماندري عنك ولا تطمن بالي عليك

خالد : يبه انا تعباااااان

ابوعبدالله : سلامة عمرك من التعب ..يا يبه مايصير هاللي تسويه بنفسك .. كل شي قسمة ونصيب

خالد : ماعلي اعتراض على حكمة ربي

ابوعبدالله : وهذا العشم فيك .. يلا وينك ؟ متى جاي عشان نحضر الملكه

خالد : يبه اعذرني .. ما اقدر اجي ..

ابوعبدالله : لازم توقف مع خالك بيوم زي كذا

خالد : معليش يبه ..انا كلي فدا خالي .. بس اني احضر وفاتي مقدر

ابوعبدالله : ربي يعوضك خير

خالد ماوده يقول امين .. يبيهـــــــــــا ، لو كانت شر له او خير

ابوعبدالله : طيب انت وينك الحين ؟

خالد : بالشرقيه

ابوعبدالله انصدم : وش داك هناك

خالد : مالقيت نفسي الا هناك ..

ابوعبدالله : لا حول ولا قوة الا بالله .. ومتى بترجع ؟

خالد : مدري .. بس مو الحين حاب ارتاح لي فتره .. بكلم واحد من اصحابي يقدم لي على اجازة مفتوحه ووقت ماحسيت اني بخير برجع للرياض ..

ابوعبدالله : الله يهديك يا رب

خالد : يبه طلبتك

ابوعبدالله : عطيتك

خالد: مابي مخلوووووق يخلق يدري انا ويني او اني رديت عليك .. وبالذات امي .. لا تدرررررررررررري

ابوعبدالله : شلون يا ولدي ما اطمنها عليك ..

خالد يبه تكفى هذي رغبتي .. واذا حصل وقلت لها .. بجد ما رح ارد عليك المره الجايه .. خلي المكالمات بيني وبينك احسن .. حتى مها لا تدري

ابو عبدالله تنهد : ان شاء الله يا ولدي .. من عيوني

خالد : تسلم .. توصي شي ؟

ابوعبدالله : سلامتك .. انتبه على نفسك واذا احتجت شي لا يردك الا لسانك

خالد : ما تقصر ..

ابوعبدالله : استودعتك الله

خالد : مع السلامه ..

بيت ابو بندر

ام بندر كانت مقومه الدنيا ولا مقعدتها .. كل شي بالفيلا من احسن ما يكون .. الديكورات والاضاءة والخدم بكل مكان ..

حفلة تليق باسم عايلتهم الكبير ..

كانت ام بندر بجناحها قاعده تكمل لبس ..

ام بندر : اوووف يللا خلصي علي يا سالي .. ابي انزل اشوف الوضع

سالي : دقيقه يا مدام هلأ بنخلص ..

ام بندر وهي تناظر نفسها باعجاب .. من فستانها الاسود الفخم .. المزين ببروش من الالماس بالقيمه الفلانيه .. لتسريحتها الراقيه ومكياجها الفخم

ديما دخلت بعد ما طقت الباب : ماما

ام بندر : نعم

ديما : اممم ماما فستاني ماقدرت اسكره .. ممكن تساعديني

ام بندر بحده :منتي شايفتني مشغوله .. ولا ضاقت عليك يعني من بد كل احد بالبيت جايه تطلبين مساعدتي انا

ديما بضيقه : لا ماما بس محد فاضي لي

ام بندر: يعني انا فاضية لك ؟

ديما بلعت غصتها وتوجهت لباب الغرفه

سالي : انتظري مس ديما .. انا بساعدك

ام بندر بحده وعصبيه : اقوووول اخلصي مني اول وبعدين اذلفي سوي اللي تبين ..

ديما بابتسامه : عادي سالي .. انا بتصرف وشكرا

جناح ريما ..

ريما كانت مخلصه من بدري .. وتنتظر الحفل يبدا ..

حاسه بضيقه مو طبيعيه .. الكون كله بالهوا اللي فيه ماهو قادر يملي صدرها .. حاسه بضعف وحيله .. وخصوصا انو ابوها للحين ما جا .. تفكر بمستقبلها مع انسان ماتعرف عنه ولا شي غير اسمه .. حمـــــــد

كيف بتكون يا حمد ؟ ..

دخلت ديما ودمعتها على خدها : ريييييييما

ريما: بسم الله عليك .. وش فيك حبيبي ليش الدموع؟

ديما: انا مدري كيف بيكون البيت من بعدك مدري .. يختي هونت معد ابيك تتزوجين

ريما: ليييش وش صاير؟

ديما قالت لها السالفه

ريما: الله يقطع شيطانك احسب عندك سالفه .. يعني ما تعرفين ماما وطباعها الحاده .. اكره ما تكره انو احد يدخل عليها غرفتها وهي تلبس او مشغوله .. وانتي عاد داخله عشان تساعدك مررره وحده

ديما : طيب مين يساعدني يعني .. اذا حتى المربياات مشغولين بالاشراف على الحفله تحت

ريما بابتسامه : وانا وين رحت ؟

ديما : انتي مشغوله .. ومو فاضية لي

ريما وهي تلف ديما وتخلي ظهرها عليها عشان تسكر لها سحاب الفستان : يا سلااااام ومن قال ؟ هذا وانا اللحين عندكم بالبيت.. لا طلعت وش بتسوين يعني ..

ديما بحزن : مدري كيف بتحمل البيت من غيرك ..

ريما: حبيبتي انتي .. لسه بدري على الزواج .. بحاول قد ما اقدر اني أأخره .. واذا جا اهم شروطي انه يخليني اجيكم كل يومين ..

ديما بفرح : يعني مارح تنسينا

ريما بنفسها : كيف انساكم وانا كل اللي مسويته لعيونكم ..

ريما: طبعا ماني ناسيتكم .. احد ينسى روحه ..

ديما تحضن اختها : ربي لا يحرمني منك يارب

ريما: ولا منك حبيبتي ..

الا بدخلة دلال والهنوف وايان وليان : كللللللوووووووووش

ريما: هههههههههههه هلا والله

دلال: هلا بك ياروحي .. ما شاء الله قمررررررررررر

ايان بصدمه :يقطططططططططططططططع شكلك كل هذا يطلع منك يا ريووووم

ريما : وشووووو؟!!!

الهنوف: كل ذا الزيييين .. اوووووف وربي تاخذين العقل

ليان : قل اعوذ برب الفلق.. قولي ماشاء الله انتي وياها .. اقووووول ريما ياويلك تنزلين بدون ما تحصنين حالك..

ريما: لا توصين حبيبتي

دلال: طالعه ملاااااااك

ريما تتوجه للمرايا الكبيره بغرفتها وتشوف حالها : يعني الحمدلله حلو شكلي ..

ليان وهي تناظر فستان ريما الذهبي : طاااااالعه قمررررر .. الصراحه غطيتي علي بيوم ملكتي ..

ريما : ماشاء الله عليك .. ماكانت في عروسه مثلك ..

ليان: حبيبتي انتي ..

ريما: تعالوا نقعد ليش واقفين ..

ايان وهي ترمي حالها على الكنبه : اقوووول لا يكثر بس .. تحسبين يبي لنا عزيمه يعني

ريما: هههههههههههه الله يستر علينا من لسانك انتي ..

بالمستشفى ..

ام رنيم : رنيييم

رنيم: سمي حبيبتي

ام رنيم: ليش مارحتي تجهزين عشان ملكة بنت عمك؟

رنيم : ماما ماني رايحه .. كيف اروح واخليك لوحدك ؟

ام رنيم : مو معقوله ما نكون في لا انا ولا انتي .. انا بخير الحمدلله والحين بنرجع البيت وبرتاح .. والله لوفيني حيل كنت رحت معك بس مقدر .. هذي ريما الغاليه ..

رنيم : ياحبيبتي انتي .. خلاص بروح ولا يهمك بس ماني مطوله ..

ام رنيم : براحتك .. اهم شي انك تروحين وتوقفين مع بنت عمك ..

الحين نرجع البيت تاخذين اشياءك وتروحين تلبسين هناك وتخلصين مكياجك .. اكيد الكوافيره ما امداها تطلع ..

رنيم باستسلام : طيب ..

غرفة ريما ..

البنات كلهم كانوا مجتمعين عند ريما .. دخلت ام مشعل عليهم ..

ام مشعل: السلام عليكم

البنات : وعليكم السلام

تقدمت ام مشعل لريما وحضنتها بقوة : اسم الله عليكي .. ربي يحميك ويوفقك يارب ..

ريما: امييين يا خالتي .. وياك وعقبال البنات ان شاء الله ..

ام مشعل : ها حبيبتي جاهزة ؟

ريما بحزن : بابا للحين ما وصل ..

ام مشعل : زمانه على وصول .. والغايب عذره معاه حبيبتي ..

ريما :......

ام مشعل: وانتو ماشاء الله عليكم ..كلكم مرتزين هنا .. منتو ناوين تنزلون يعني ؟

ايان: يا خالتي تحت كله عجايز .. مدري وشو له معزومين

ديما: ههههههههههه هذولي ضيوف امي الاكابر ..

الهنوف: الله والضيوف .. احنا نبي ناس تحيي الحفله .. وذولي اللي تحت موتوها قبل تنولد

الكل: ههههههههههههههههههه

ام مشعل : الله يقطع شيطانك من بنت .. من تعرف تسكت لسانها يحكها .. لازم تحكي

الهنوف: ياااااارب وش اني قايله الحين ..

ام مشعل : ماقلتي شي .. يلاا قدامي اشوف وخلوا العروسه تشم نفسها بعيد عنكم ..

قاموا البنات ونزلوا تحت زي ماقالت لهم ام مشعل ..

شوي ورن جوال ريما .. ردت بلهفة يوم شافت الرقم

ريما: هلاااااا

بندر: يا هلا والله بصاحبة احلى الو بالمملكه كلها

ريما ودموعها بتنزل: يابعد عمري..

بندر: افااااا .. كني حاس انك بتبكين ...

ريما وهي تمسح دموعها بطرف اصبعها : لا ماني باكيه .. انا دايما اوعدك اني ما ابكي ..

بندر: ايوة كذا .. ها حبيبتي وش تبين هدية ملكتك ؟؟

ريما: ابي سلامتك يا غالي .. متى بترجع خلاص

بندر: قريب ان شاء الله .. شغلة كم اسبوع

ريما: الله يرجعك لنا بالسلامه يارب .. شد حيلك تكفى ..

بندر: ان شاء الله يا غاليه .. يللا انا اخليك الحين اكيد حايسه .. تامريني على شي ؟

ريما: سلاااامتك .. انتبه على حالك وسلم لي على ماجد

بندر: يوصل الله يسلمك يارب ..

ريما: مع السلامه .

بندر: الله معاك ..

مجلس الرجال

بدر: يااااربي وين ابوي للحين ما بان ..

عبدالله : الغايب عذره معاه ..

بدر: والحي ابي اعرف .. اخوك هذا ما يدري اني لحالي يعني كيف ما يكون معي ويوقف معي .. وبعدين شلون يسافر بدون ما يقول لي ,,

عبدالله : والله مدري وش اقول لك .. انت عارف خالد لا دخل شي براسه مستحيل يطلع بسهوله ..

بدر : وش ذا الحاله .. لا مشعل ولا ماجد ولا بندر ولا حتى خالد !!

محمد : لا نكون بس منا مالين عينك لا انا ولا عبدالله ..

بدر : هههههههههههه لا من قال .. اكيد تملون عيوني فديتكم

محمد : يععع اسكت يرحم امك حومت كبدي ..

بعد ساعه ..

طق طق طق

ريما: ادخلللللللللل

......:والله وكبرتي يا بنتي وصرتي عروسه ..

ريما راحت بسرعه لحضنه : بابا الحمدلله على سلامتك .. وربي وحشتني

ابو بندر: وانتي واحشتني اكثر..

ريما:طولت علي .. توقعتك منت جاي

ابو بندر: اما ما اجي !!!! ملكة بنتي ما تتم اصلا الا بحضوري ..

ريما تحضنه: اكيد الحين مرهق من السفر ..

ابوبندر: مرررررره وخصوصا انو رحلتي تأخرت مرره

ريما:ربي يعينك ياااارب

ابو بندر: اي صح نسيتيني .. تعالي معي

ريما: وين ؟

ابو بندر: عشان توقعين ..

ريما بربكه : الحين ؟

ابوبندر: اي الحين .. ريما حبيبتي .. ترانا للحين على البر .. متأكده انك تبين حمد ؟ اذا ماتبينه قولي

ام بندر دخلت : وليش ان شاء الله ماتبيه .. يحصل لها اصلا واحد مثله

ابوبندر : يا قاعدين يكفيكم شر الجايين .. انا الحين احكي مع بنتي ..وشو له تدخلين بيننا

ام بندر تتكتف: اجل تقعد تلعب براسها بيوم ملكتها ..

ابو بندر: فوزية اقصري الشر واطلعي بره دام النفس عليك طيبه للحين

ام بندر بصوت عالي :وان ما طلعت يعني .. بتطلعني غصب عني ؟

ابو بندر بصوت اعلى : فوزية ..

قاطعتهم ريما : بابا .. ماما .. تكفون مو بيوم ملكتي ..

ام بندر : انزلي تحت بسرعه قدامي.. وقعي وخلصينا .. وطلعت من الغرفه

ريما الدموع بدت تلمع بعيونها

ابو بندر حط يده على كتفها: يللا حبيبتي مشينا

ريما تهز راسها بالايجاب ..

دقايق ووقعت ريما .. وانكتبت لحمد ..

امتلت الدنيا بالزغاريط والتهاني ...

ام حمد وهي تتفحص ريما باعجاب: يللا ادخلي لرجلك ..

ريما : لوحدي ؟؟؟؟؟

ام حمد : لا خذي القبيله كلها معك .. اكيد لوحدك وش رايك يعني .. ومشت وخلتها ..

ريما اخذت نفس قوووي .. لا بالله كدينا خير .. دامها نسخه طبق الاصل عن امي ..

توجهت لمجلس الرجال وترددت شوي .. المفروض احد يكون معها .. بس الكل لاهي عنها ..

فتحت الباب بهدوووء ودخلت بهدوء ورقه وبكامل اناقتها

.........: هلاااااااااااا والللللللللللللللللللللللللللللللللللللللللللله

ريما رفعت راسها بهدوء وانصدمت من اللي شافته ..

شافت رجال طويل وعريض .. ملامحه حااااااده وحنطي اللون .. تحت عيونه سواااد فظيييييع .. ما توقعت شكله كذا .. كنه مهبول

حمد وهو يقرب منها وياكلها بنظراته : هلا وغلا بالزين كللللله .. ياويل قلللللبي اثرك انتي زوجتي

ريما:..........

تجرأ ومسك يدها وسحبها .. ريما من الرعبه سحبت يدها من يده بقوة .. اول مره رجال يمد يده عليها .. وماهي متعوده على الوضع الجديد

حمد رجع مسك يدها بقوة وسحبها لعنده ..

حمد : كيف القمر ..

ريما:.......

حمد: ليش ما تحكين يالزينه ..

ريما:......

حمد: لا حوووووووووووووول لا تكونين خرسا

ريما انصدمت ثاني .. وش ذا الاسلوب .. ما حط بباله يعني اني متوتره او منحرجه..

قرب منها حمد زياده وشمت ريحة الدخان تنبعث منه بشكل مؤذي وضايقها .. بعدت شوي بس هو ما عطاها فرصه وقرب منها كمان

مسك يدها وصار يبوسها .. وهي قرفانه من الوضع .. شوي وماحست الا وحاط يده على خصرها ..

ريما شهقت وقامت من مكانها لا اراديا : انت وش فيك ؟؟

حمد: وش فيني بعد ... زوجتي وانا حر

ريما بقرف: زوووجتك .. لما اكون ببيتك .. لما انزف لك مو هنا ..

حمد : يوووووه علينا .. اثرك من الحريم المعقدات ..

ريما تطالعه وهي منصدمه منه ..وش ذا الاخلاااااااق !!!

شوي وطلع السجاير من جيبه وصار يدخن بشراهه .. وهي خلاص تحس حالها مخنوقه ..

ريما وقفت : عن اذنك ..

حمد بنص عين : بدررري .. وقرب منها وضمها لصدره .. مابعد شبعنا منك ولا ملينا عيونا من جمالك ..

ريما وهي تحاول تفك حالها من حضنه : بعد عني لو سمحت .. وتوجهت للباب وطلعت ورزعت الباب وراها بقووووة ..

يتبع ,,,

👇👇👇