رواية علميهم ليه احبك حب ما حبه بشر -31

رواية علميهم ليه احبك حب ما حبه بشر - غرام

رواية علميهم ليه احبك حب ما حبه بشر -31

ريما شهقت وقامت من مكانها لا اراديا : انت وش فيك ؟؟

حمد: وش فيني بعد ... زوجتي وانا حر

ريما بقرف: زوووجتك .. لما اكون ببيتك .. لما انزف لك مو هنا ..

حمد : يوووووه علينا .. اثرك من الحريم المعقدات ..

ريما تطالعه وهي منصدمه منه ..وش ذا الاخلاااااااق !!!

شوي وطلع السجاير من جيبه وصار يدخن بشراهه .. وهي خلاص تحس حالها مخنوقه ..

ريما وقفت : عن اذنك ..

حمد بنص عين : بدررري .. وقرب منها وضمها لصدره .. مابعد شبعنا منك ولا ملينا عيونا من جمالك ..

ريما وهي تحاول تفك حالها من حضنه : بعد عني لو سمحت .. وتوجهت للباب وطلعت ورزعت الباب وراها بقووووة ..

......: وش صار جوة ؟؟

ريما التفت لمصدر الصوت وهي مرتاعه : هلا بدر

بدر قرب منها وحط يده على خدها : وش فيه لونك مخطوف ؟ ويالله تاخذين نفسك

ريما: ابد سلامتك .. بس تعرف يعني اول مره اكون مع رجال غريب لوحدي

بدر ابتسم : خلاص ماعاد هو غريب .. هذا زوجك الحين

ابتسمت ريما بألم ولا حكت ..

عاصمة الانواااار .. باريس ..

مشعل كان طالع يتمشى ومخلي اثير لوحدها ..

كانت بقممممة الزهق ولاهي عارفه وش تسوي .. اول مره تجي باريس وحابه تتعرف عليها ..لكن الاخ مشعل ماهو معطيها وجه وحاقرها اقوى شي ..

اثير كانت لابسه فستان اصفر رااايق طوووويل وبأكمام قصيره .. وحاطه مكياج نهار خفيييييف .. كان شكلها مرره بريء,,

كانت تروح وتجي بالجناح .. متّرته اكثر من الف مره ..

ما بقى شي ما سوته .. تبي تطرد الطفش منها

محبوسه بذا المكان من حوالي اسبوع ولا تدري عن الدنيا

رن جوالها بنفس الرقم الغريب اللي يدق عليها من اول .. ردت مره وسكتت .. بس رجع يدق اكثر من عشر مرات وبالمره الاخيره ردت وبعصبيه ..

اثير: نعععععععععم .. مين حضرتك .. تراكم اقلقتوني .. ممكن محد يرفع علي سماعه .. بلا قلة ادب ومسخره .. وقفلت من جديد ..

ثواني ورن جوالها بنغمة المسج ..فتحته واستغربت من محتواه

ياااا صوووووووووته ..

الدافـــي الحنوؤوؤون ,, وينك ؟؟

انا مشتاق لك ..

يا صوووته أعشق،ق،ق،ك بجنوون ..

يا صوووت واللـــــــهـ

فاإاإاقدك !!

اثير :يااااارب من ذا اللي يدق ويرسل كل يووم !!

حست بصوت من عند الباب .. وبعدين صوت خطوات

اثير .. شرف عمي مشعل .. حطت الجوال على الطاوله بعصبيه ... وتذكرت كلام امها لها .. رسمت على شفايفها احلى ابتسامه وراحت له ..

اثير: مساااء الورد..

مشعل ماطالع فيها : هلا ..

اثير تقرب منه وتمد يدها .. يعني عطيني الجاكيت حقك ..

مشعل بنص عين : شكرا .. اعرف ادبر حالي ..

اثير ما سمعت كلامه وقربت منه زياده وفصخت له الجاكيت ..

اربكه قربها منه .. ريحة عطرها ويدها اللي عليه ..

خلته يرتبك من فوق لتحت

اثير بابتسامه : نطلب العشا ؟

مشعل مرتبك : اكلت بره .. كلي انتي

اثير اختفت ابتسامتها : اي بس انا كنت انتظرك عشان ناكل سوى ..

مشعل بعصبيه : يووووه قلت لك كلي ما تفهمين .. ولا لازم اعيد الحكي عليك يعني ..

اثير استغربت : انت ايش فيك علي ؟؟

مشعل يطالعها بنظرات قوية ..

اثير بغصه : انا ضايقتك بشي ؟؟ اصلا انا امداني اضايقك بشي ؟؟ من ليلة زواجنا وانت تعاملني بنفس الاسلوب .. قول لي انا بايش مضايقتك ..

مشعل مرره ضاق صدره من دموعها .. دخل الحمام وسكر على حاله ..

اما اثير كالعاده راحت للغرفه وانسدحت على السرير بعد ماملت الفراش بدموعها ..

بيت ابو بندر ..

خلصت الحفله على خير .. بعدما اثنوا الكل عليها .. وهذا الشي طبعا ارضى غرور ام بندر ..

ريما كان حاز بخاطرها انو امها ما كانت واقفه معها بهاليوم زي ما اي ام توقف مع بنتها .. ولا حتى قالت لها مبروك ..

اخذت لها دش طووووويل يرخي اعصابها اللي كانت مشدوده بسبب الاخ حمد ..

طلعت وغيرت ملابسها .. لبست لها بيجاما مريييحه وقعدت تمشط شعرها المبلول

ابتسمت وهي تتذكر اهلها اليوم ..

زوجات عمانها وعمتها اللي وقفوا معها وقفة الام .. وبنات عمانها اللي كانوا فرحانين فيها وشايلينها شيل

وعيال عمانها وقفوا وقفة الاخوان معها .. ولا خلوا بدر دقيقه .. وباركوا لها

مع انو اغلبهم مسافر بس يللا..

الااااا!!

خالد .. اي صح خالد .. وينه ما شفته اليوم !! حتى المباركه مابارك لي ..

ومها اليوم يوم جت كانت متضايقه شوي وحتى عمتي ..

عسى بس مو صاير شي ..

ابتسمت وهي تتذكر مواقفهم سوى من يومهم صغار .. كان دايم ما يفارقها ويلعب معها ..

وينك اليوم يا خالد ما بينت .. بيوم ملكتي عاد !!

يالله .. الغايب عذره معاه ..

بالصاله ..

ابو بندر كان قاعد مع ليان وبدر وسلطان يسولفون .. من كثر ماهم مشتاقين له ما خلوه لين بكره ..

سلطان : طيب ليث انت تثافر ؟

ابو بندر وهو يمسح على شعره بحنان : عشان بابا عنده شغل

سلطان : يعني هنا مافي ثغل ؟

ضحك عليه ابوه : الا في شغل بابا .. بس انل شغلي هناك بره مو هنا

سلطان سكت فتره .. يبي يستوعب كلام ابوه .. وين بره وين هناك ؟

سلطان بعد صمت ثواني : ما فهمت .. وقام من حضن ابوه على طول ركض على غرفته

بدر : ههههههههههههههههههههههه اكيد تعبان ويبي ينام

ابو بندر: ههههههههههه اجل وش يقول عني انا .. صار لي يومين كاملين ما نمت ولا شفت الراحه

ديما : ربي يعطيك العافيه يا غالي

ابو بندر: يعافيك يارب .. ويخليكم لي .. انا لمين اتعب ؟ لعيونكم .. عسى ربي ما يحرمني منكم يارب..

غرفة فوزية ..

فوزية كانت منقهره مررررره من تجاهل ابو بندر المتكرر لها .. بتمووووت وترجع له عادي .. على قد ما صار بينهم الا انها للحين تحبه وبجنووووون .. مع سواياها فيه وبعياله الا انها حاسه انه بيرجع لها بيوم ..

راحت غيرت ملابسها ولبست احلى شي .. وعدلت مكياجها وشعرها الاسود الطوييل الشبيه بشعر ريما ..

وقعدت تنتظر بصالة الجناح حقها .. عشان اذا سمعت صوت خطوات تطلع له ..

بيت ابو رنيم ..

رنيم كانت قاعده مع امها .. تبي تتطمن عليها ..

رنيم: انا قايلة لك يا ماما مابي اروح واكيد انو ريما وعمي بيقدرون ..

ام رنيم: وكيف ما توقفين مع بنت عمك؟

رنيم: كيف اوقف مع بنت عمي واخليك وانتي تعبانه ومحتاجة لي !!

ام رنيم: انا بخير مافيني الا العافيه ..

رنيم وهي تمد لأما كاسة العصير: لا منتي بخير .. شوفي كيف شكلك تعبانه .. وتقولين حاسه بدوخه ..

ام رنيم: مدري ليش تخافين علي واصلا في مشاعل

رنيم بابتسامه استهزاء: من جدك ماما .. مشاعل لا تهش ولا تنش .. همها حالها وشكلها ولبسها .. غير كذا مافي املللل .. حتى احنا اهلها ما تهتم فينا ... وبعدين كفايه انها محبوسه بالبيت وهي حابسه حالها بالغرفه

ام رنيم: لا تلومين ابوك يا رنيم .. انتي لو تشوفين وش قد ضايقه فيه الوسيعه كان ترحمينه ..

رنيم: اي والله حاسه فيه .. وضايق صدري عليه ولا الومه

ام رنيم : ما ادري وش تالي هالموضوع يارنيم ..

رنيم: ربك يعين حبيبتي ..

بيت ابو مشعل ..

ام مشعل : دلال

دلال: سمي ..

ام مشعل : شوفي حبيبتي .. انا رح ادخل بالموضوع على طول .. وبدون مقدمات ..

دلال: وشو ماما ..

ام مشعل : ام فهد صديقتي .. خطبتك لولدها فهد .. وهو بالصراحه رجال والنعم فيه .. وابوك يمدحه ويمدح ابوه واخلاقه

دلال انحرجت ..

ام مشعل : خذي وقت عشان تفكرين حبيبتي وردي لي ..

دلال قامت من مكانها : طيب ماما ..

ام مشعل قامت وحضنتها : ربي يجعلك من نصيبه يابنتي ..

دلال حضنت امها وتوجهت لغرفتها

الشرقيه ..

خالد توجه لاحد الفنادق وقرر يقعد فيها كم يوم .. على بال مايرجع الرياض ..

كان توه طالع من الحمام وماخذ شور ..

قعد عالسرير وهو يناظر الساعه اللي جمبه .. ابتسم بحزن وهو يردد خلاص راحت مني اكيد ..

انتبه لجواله وهو يرن ولقى مها المتصله ..

عطاها مشغول وانسدح حاول ينام بس ماقدر ..

حاول يقاوم دموعه بس غصب عنه نزلت

نام ودمعته على خده

بيت ابو بندر

ابو بندر كان لسه قاعد مع عياله ومبسوط معهم عالاخير ولا وده يفارقهم

بدر: يالله عن اذنك يبه

ابوبندر: بدري

بدر بابتسامه: بدري من عمرك يالغالي ماعاد الا خير .. بروح اريح شوي عشان اقدر اقوم اصلي الفجر ..

ابو بندر: الله يقويك

بدر: اممممم يبه

ابو بندر: سم

بدر: سم الله عدوك .. كنت بذكرك بس اني بكره ابي اكلمك بموضوع جدا مهم ..

ابو بندر : خلاص من عيوني

بدر: تسلم عيونك .. تصبح على خير

ابو بندر: وانت من اهله .. والتفت على ديما

ابو بندر: وانتي ديما حبيبتي قومي نامي كمان

ديما بتعب باين : لا بابا بقعد معك شوي مافي نوم

ابو بندر: لا ياغاليه نامي وارتاحي وان شاء الله بكره نقعد سوى ..

ديما وهي تتثاوب وتقرب من ابوها عشان تبوسه : تصبح على خير بابا

ابو بندر: هههههههههههه وتقول لي مافيها نوم ..

وينكش شعرها .. تصلحين على خير حبيبتي ..

قعد ابو بندر بالصاله شوي وقرر يتوجه لجناحه عشان ينام ..

وهو يمشي استوقفه صوت ما يطيقه بعيشة الله

....: سلمان

التفت ابوبندر وشافها واقفه بكامل زينتها وجمالها .. بس ما تحرك فيه شي : خير ..

ام بندر وهي تقرب منه : خير ان شاء الله .. اممم كنت ابي اكلمك بموضوع ..

ابو بندر وهو يرجع بخطواته عنها : وهالموضوع ما ينتظر لين الصبح يعني ؟

ام بندر: لا .. تعال معي

ابو بندر بنص عين : وين ؟؟

ام بندر : انت تعال بس وانا اقول لك ..

توجهوا سوا لغرفتها

ابو بندر واقف ومتكتف : خير

ام بندر قعدت واشرت له يقعد جمبها

ابوبندر :انا مرتاح كذا .. ممكن تخلصين علي عشاني تعبان وابي ارتاح ..

ام بندر انقهرت من اسلوبه : سلمان .. ليش احنا بعاد عن بعض كذا ... ماودك نصلح اللي بيننا ونرجع زي زمان ؟

ابو بندر باستهزاء : وايش كنا زمان يعني .. ما اتوقع كنا احسن من الحين ..

ام بندر: خلينا نعطي علاقتنا فرصه ..

ابو بندر: فوزية .. دام هذا هو الكلام اللي عندك .. انا استأذن الحين .. لاني مابي اخذ واعطي معك بأي موضوع ..

ام بندر: يعني؟؟

ابوبندر: يعني وبكل بساطه لا تحاولين .. ولا تفكرين انو اي شي ممكن يتصلح مابينا بيوم .. وخصوصا من بعد ما شفت سوياك ببناتي ..

وطلع وخلاها ,, وكل الكره ماليها ..

غرفة بدر ..

بدر بعد ماغير ملابسه انسدح على السرير واخذ الجوال يبي يكلم شذى ..

مشتاق لها موووووووت ..

شذى: الوو

بدر: هلا حبيبي

شذى: هلا بك يا غالي .. كيف حالك ؟

بدر: انا بخير دامك يا دنيتي بخير

شذى : الله لا يخليني منك

بدر: ولا يخليني .. شوش حبيبتي وش فيك متضايقه ؟

شذى حست انه بيسألها ذا السؤال لانه يعرفها من صوتها : ولا شي

بدر: كيف ولا شي .. تعلميني فيك ؟ انتي انا وانا انتي .. واعرف وش فيك من دون ماشكين .. ابوك صح ؟

شذى وهي تحبس دمعتها : اي

بدر تنهد : وش سوى ؟

شذى : لا تشغل بالك ماعليك ..

بدر : كيف ما اشغل بالي .. احكي حبيبي انا اسمعك ..

شذى سكتت فتره وقالت : ابوي يبي يزوجني

بدر انصدم : اييييييييييييييييييييييييييييييييييش

شذى تبكي : وربي

بدر: حبيبي .. اهدي .. انتي لي منتي لغيري .. ماني مخليك ...

شذى : بدر انا خايفه ...

بدر: لا تخافين يا غلاي .. انا اليوم كلمت بابا اني بكره بفاتحه بالموضوع .. وباقرب فرصه بتلاقيني عند باب بيتكم وطالبك من ابوك ..

شذى ميته من البكى : بدر .. اوعدني انك ما تخليني

بدر: ورب الكون ما اخليك .. ولا ابعد عنك .. شذى انتي روحي .. لو بعدت عنك اموت

شذى بسرعه: بسم الله عليك .. الله لا يحرمني منك ..

بدر: ولا يحرمني منك .. يللا حبيبتي اهدي .. ما احب اشوفك كذا ..

شذى: .....

بدر: شووووش حبيبي ..

شذى : طيب يا غالي ..

بدر: احبـــــــك ..

شذى: اموووت فيك ..

غرفة ريما ...

ريما كانت منسدحه تحاول انها تنام .. ولكن الافكار كانت توديها وتجيبها,,

جوالها رن .. وشافت الرقم وكان غريب ..

ردت بهدووء بعد تردد : نعم ؟

حمد: هلا

ريما: مييين ؟

حمد : مين يعني تستهبلين حضرتك ؟

ريما: نعم .. اخوي احكي كويس لو سمحت

حمد: انا زوجك ..

ريما تنهدت بينها وبين نفسها : امر ..

حمد : كنت بقول لك اني بكره بجي عشان اشوفك

ريما : نعم ؟ بس انت توك شايفني اليوم ..

حمد : بعددددد لا يكون جيتي لك بموعد .. انتي زوجتي واقدر اجيك وقت ما ابي .. فاهمه ولا لا؟

ريما :......

حمد: انا لما احكي تردين علي .. فاهمه ولا لا ؟

ريما: ان شاء الله

حمد : يالله وخري ابي انام .. وقفل السماعه

ريما استغربت : يععع وش ذا الاخلاق التعبانه .. حطت الجوال على الكومدينه .. وسمعت صوت طق عالباب ..

ريما: ادخخخخخخخخخخخل

دخلت ديما وهي تمشي بشويش : ريما .. ممكن انام عندك ؟

تعدلت ريما بجلستها : تفضلي حبيبتي .. تنوريني

دخلت ديما وقعدت جمب اختها وحطت راسها على كتفها : ريوووم

ريما: ياعيونها

ديما: ربي لا يحرمني منك ..

ريما: ولا منك ياحلوتي ..

باريس ..

كانت اثير نايمه من بعد ضيقتها من مشعل .. غرقانه بالنووم وماهي حاسه بالدنيا من حولها .. شوي وسمعت صوت صراخ عند راسها

اثير قامت مفزوعه : مشعل وش فيك ؟

مشعل بعصبيه : وش فيني ؟ بكل بساطه تسأليني وش فيني ..

اثير : ممكن تهدى

مشعل : جهزي اغراضك .. بنرجع الرياض ..

اثير: بس

مشعل وهو يقرب منها : قومي الله ياخذك ويفكني من مصايبك .. بس ما يخالف الوعد لا رجعنا الرياض .. وربي لا اربيك .. لاني اكتشفت انك عديمة تربيه

اثير انصدمت وبدت تبكي من جديد : ايش تقول انت .. احترم نفسك

مشعل عطاها كف جاااااامد: اوووص ولا كلمه .. قومي

اثير حطت يدها مكان الكف وهي للحين مصدومه

انتهى البارت ..

توقعاتكم ..

كيف ممكن تكون علاقة ريما وحمد ؟

واثير ومشعل .. ايش اللي خلى مشعل ثاير بالشكل الفظيع هذا ؟

شذى وبدر ؟

وخالد المسكين .. وش بيكون حاله ..

وايش ظنكم ممكن تصير تطورات بالبارت الجاي ؟!!

توقعاتكم وتعليقكم على البارب كااامل لو سمحتوووووا

احببببببببببببببببببببكم .. والله لا يحرمني منكم ..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا احلل مسح اسمي من على الرواية ..

تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

البارت التاسع عشر ..

باريس ..

اثير قامت مفزوعه : مشعل وش فيك ؟

مشعل بعصبيه : وش فيني ؟ بكل بساطه تسأليني وش فيني ..

اثير : ممكن تهدى

مشعل : جهزي اغراضك .. بنرجع الرياض ..

اثير: بس

اثير انصدمت وبدت تبكي من جديد : ايش تقول انت .. احترم نفسك

مشعل عطاها كف جاااااامد: اوووص ولا كلمه .. قومي

اثير حطت يدها مكان الكف وهي للحين مصدومه

ممكن افهم ليش سويت كذا ؟

مشعل : اسكتي .. مو من حقك تستفسرين ..

اثير وقفت بسرعه قباله : لا تحط ببالك اني بسكت لك .. سكت عن برودك وجفاك معي .. بس اني اسكت عن مدة يدك لي لا تفههههههم ولا لا !!

مشعل رفع يده بيعطيها كف ثاني بس وقفته يوم سمع بكاها يزيد .. لعنها وقال قبل لا يطلع : نصصص ساعه .. ان جيت ومالقيتك مجهزة اغراضك لا تشوفين شي عمرك ما شفتييه سامعه ولا لا ..طلع وخلاها تكمل باقي اغراضها وهي تندب حظها اللي خلاها من نصيب مشعل ..

استراليا ..

ماجد كان منسدح بالصاله وحالته حاله يفكر بوضعه ..

بندر : ماجد .. لمتى بتظل على ذا الحال؟

ماجد وهو عينه على السقف: اي حال ؟

بندر: اي حال ؟؟ حالك انت اللي مايسر لا عدو ولا صديق .. تراها بنت لا راحت ولا جت .. مو تتعب حالك وتهدم مستقبلك عشانها ..

ماجد : لا تبدا لا اترك البيت واطلع ولا تعرف لي طريق

بندر باستهزاء: جت على هذي يعني .. انت كذا ولا كذا قاعد تهدم مستقبلك بيدك .. اسمع يا ماجد .. كلها 3 اسابيع ونرجع متخرجين ومعانا شهاداتنا ومحققين حلمنا . لا تهدم اللي بنيناه كل هالسنين وتحملنا الغربه وفراق اهلنا عشانه ..

ماجد وهو يطالع بندر: والمطلوب مني الحين ؟

بندر: المطلوب منك انك تقوم وتحلق وتتحمم وتبدا تذاكر لك عشان نخلص ..

ماجد قام من مكانه بدون ولا كلمه .. وتوجه للحمام يسوي زي ما قال له بندر ..

بيت ابو ماجد ..

مشاعل كانت بغرفتها قاعده تفكر ..

ماهي حاله ذي ولا وضع .. صار لي محبوسه بالبيت كم يوم .. احس اني بموووووووت ..

طلعت وتوجهت لغرفة اختها رنيم .. تتسلى معها شوي ..

دخلت الغرفه بدون ما تطق الباب ..

رنيم خافت : وش فيك انتي ماتعرفين تستأذنين ..

مشاعل وهي ترمي نفسها على اقرب كنبه : انا فعلا زهقانه وابي اطلع

رنيم بشهقه : وين ناوية تروحين انتي وسواد وجهك .. بابا حالف لو تطلعين من البيت لا تكون نهايتك على يده

مشاعل بلا مبالاه : يعني لمتى ناوي يحبسني بالبيت .. انا ماني بزر

رنيم : الا بزر .. ولا عندك عقل ولا حتى تعرفين تتصرفين ..

مشاعل بعصبيه : انا جايه عندك عشان اغير جو مو عشان تنكدين علي وتسمعيني محاضراتك الممله اللي مالها داعي !!!

رنيم : وليش ما جيتي امس ملكة ريما

مشاعل بقرف: يععع ما بقى الا ذي .. اني اجي ملكة ذا الشينه ذا اللي ناقصني

رنيم: نفسي يوم اسمعك تحترمين الناس

قامت رنيم من مكانها وتوجهت لغرفة الملابس تاخذ عبايتها ..

مشاعل: على وين ؟

رنيم: بروح المستشفى ماما عندها موعد ..اقول ليش ما تجين معي عشان تتعلمين تهتمين بماما

مشاعل بملل: مابي روحي انتي.. ما احب المستشفيات

رنيم : وانا قلت اسكني فيها؟ تعالي عشان ماما

مشاعل : بابا معيي علي اطلع من البيت

رنيم وهي تتنهد بملل: دام الطلعه عشان ماما وصحتها مارح يمنعك بالعكس

مشاعل: ماااااااااابي .. افف ما تفهمين .. وطلعت من الغرفه ..

رنيم تنهدت بملل من تصرفات اختها الطفوليه اللي ماهي راضيه تكبر ..

في بيت ابو بندر ..

بدر كان قايم من بدري عشان يفاتح ابوه بموضوع خطبته من شذى .. الاوضاع بدت تتأزم عندها وهو خايف عليها مووووت .. مايقدر يتخيل انو في احتمالية انه بيفقدها لو ما بر اموره بسرعه ..

قام اخذ له شور وغير ملابسه .. ونزل للصاله لقى ابوه يقرا جريده ويشرب قهوته

بدر : صباح الخير

ابوبندر: هلا والله صباح النور .. هاا اشوفك صاحي بدري اليوم !!

بدر: اي يبه .. مدري ليش

ابوبندر: طيب خلهم يحطون لك فطور ..

بدر: لا يبه بنتظر اخواني يصحون وافطر معهم

ابوبندر: ههههههههه خواتك مطولين انا متأكد ماهم قايمين الحين من بعد حوسة امس

بدر: انتظر مو مشكله

ابوبندر وهو يرجع للجريده : على راحتك ..

قعدوا بفتره صمت .. ابو بندر منسجم بالجريده وبدر ساكت .. بس من جواته براكين .. قاعد يهز رجله بتوتر واضح

ابوبندر : بدر

بدر فز : سم يبه

ابوبندر وهو يحط الجريده على الطاوله اللي قباله: قل وش عدنك !

بدر بفهاوة: وش عندي؟

ابوبندر: انت ادرى وانا ابوك ..

بدر سكت .. هذي اللحظه هي اللي ينتظرها من زمان .. اللي على حس كلمة من ابوه رح يتحدد مصير حياته .. ان وافق بيحكم عليه بقربها بالحياة .. وان رفض بيحكم على حياة ولده بالهلاك ..

بدر: احمم .. هو انا ...

ابوبندر يهز راسه يستحثه عالكلام ..

بدر: شوف يبه ..انا من فتره طويله تعرضت لموقف .. هالموقف غير لي مجرى حياتي بشكل انت مستحييييييل تتخيله

ابوبندر عقد حواجبه وهو ساكت

بدر: كنت من كم سنه مع صديقي سعد بالمستشفى .. كان مسوي حادث وبما انو ما عنده سياره كنت انا اوديه واجيبه ..

ابوبندر يهز له راسه عشان يكمل

بدر: وباخر مراجعه يا طويل العمر كانت جايه سيارة اسعاف وفيها حرمه كبيره وبنتها ... الحرمه هذي كانت مريضه من جد وحالتها صعبه .. والبنت اللي معها كانت منهاره حدها ..كانت صغيره وماهي عارفه تتصرف .. ولكن في حولها احد يوجهها او يقول لها وش ممكن تسوي ..

كنت حولها وسمعت كلام الدكتور لها عن امها .. طاحت واغمى عليها .. ساعدتهم ونقلناها لغرفه وتبين انو اللي جاها كان من سوء التغذيه والخوف .. قعدت يوم كامل وتحسن حالها ..

ابوبندر: طيب .. وبعدين ؟

بدر: من اليوم الثاني كنت مار عالمستشفى بالصدفه .. فقلت انزل اتطمن لو حتى من بعيد

ابتسم ابوبندر ابتسامه خفيفه ..

بدر: شفت انو حالتها تحسنت وانو امها صارت بخير .. جبت لهم الفطور وتطمن عليهم .. وصرت كل يوم اجي واشوف احوالهم لين جا اليوم اللي جت بتطلع فيه الام من المستشفى .. رجعتهم بيتهم بعد الحاح واصرار مني .. ووافقت الام لانها ما شافت علي شي وكانت تقول اني محترم وولد ناس .. وعرفت بيتهم .. ساكنين بحي شعبي .. مرررره فقير وحالته حاله .. ممكن يطيح البيت عليهم بأي لحظه ..

صرت اجيهم بين فتره وفتره .. محمّل معي اغراض للبيت .. من اكل وشرب وادوات وغيره ..بما انهم ماكانوا يقبلون مني الفلوس ابد .. كنت احطها عند الباب وتطلع البنت تاخذها ..

ابوبندر حط يده على كتف ولده : بارك الله فيك يا ولدي .. انا اشهد انك تربية امي .. رجااااااااال والنعم فيه

بدر فرح وتحمس يكمل : ماعليك زود يبه .. عاد انا داومت على كذا لفتره طويله .. لغاية ما يوم جيتهم ولقتي الناس زحمه عند باب بيتهم وفي ناس طالعه وداخله .. قبضني قلبي .. ويوم سألت طلع انو الام توفت ..

يتبع ,,,

👇👇👇