رواية علميهم ليه احبك حب ما حبه بشر -32
صرت اجيهم بين فتره وفتره .. محمّل معي اغراض للبيت .. من اكل وشرب وادوات وغيره ..بما انهم ماكانوا يقبلون مني الفلوس ابد .. كنت احطها عند الباب وتطلع البنت تاخذها ..
ابوبندر حط يده على كتف ولده : بارك الله فيك يا ولدي .. انا اشهد انك تربية امي .. رجااااااااال والنعم فيه
بدر فرح وتحمس يكمل : ماعليك زود يبه .. عاد انا داومت على كذا لفتره طويله .. لغاية ما يوم جيتهم ولقتي الناس زحمه عند باب بيتهم وفي ناس طالعه وداخله .. قبضني قلبي .. ويوم سألت طلع انو الام توفت ..
ابو بندر حزن: لا حول ولا قوة الا بالله ..
بدر: عاد البنت كانت بحال ما يعلم فيها الا الله
ابوبندر: ووين ابوها ؟
بدر: ابوها الحاضر الغايب .. مسافر 24 ساعه وماهو متهم لهم وموريهم الويل ..
ابوبندر: كمل يا ولدي ..
بدر : عاد من بعد ما وقفت بالعزا وساعدتها على كل شي .. بديت احس انو .. وسكت منحرج من ابوه
ابوبندر : احكي يا ولدي .. لا تسكت .,.كمل ..
بدر :.......
ابوبندر: تعلقت فليها ؟
بدر:..... مرره يبه .. صار يجيني احساس اني ابي اجيها كل يوم البيت واتطمن على حالها واجيب لها اغراض تحتاجها .. بس خفت عليها من كلام الناس وخصوصا انها صارت بنت لحالها .. مايسأل عنها الا جارتها اللي تقريبا بعمرها ..
ابوبندر: اي ؟
بدر: عاد انا بلحظة جنون رحت جبت لها جوال .. وصرت اتكلم معها بين فتره وفتره .. اسمع صوتها واتطمن عليها ..
لين يومك ..
ابوبندر انصدم .. كل هذا بولده ولاقال..
بدر: عاد الحين انا جايك يبه .. بعد الحب اللي جمعني فيها هالسنوات .. طالبك واتمنى ما تردني ..
ابوبندر: امرني
بدر: ابيها زوجه لي .. مقدر استغني عنها ولا ابعد عنها اكثر
صحت ريما وهي تحس اخلاقها قاااااافله .. الجوال رن حوالي مليون مره .. ويوم سكت وحاولت ترجع تنام بس ماقدرت .. قد النوم طار من عينها .. قامت وهي تسب بنفسها.. رمت الغطا بقوووة لدرجة طاح عالارض .. ووخرت شعرها الطويل عن وجهها بعنف ...
رن الجوال مره ثانيه .. مسكت مخده صغيره وحطتها على فمها .. وصررررررخت بكل مافيها تطلع القهر .. مسكت الجوال وهي تحاول تضبط اعصابها ..
ريما: نعم !!
حمد: نعم الله عليك .. ليش تردين كذا ..
ريما: كيف تبيني ارد عليك وانت مسوي حفله بغرفتي من الصبح
حمد: اقول بس لا يكثر .. غيري ذا العاده اللي فيك .. معد في نوم لوقت طويل .. مابي بكره يقولون عن حرمتي كسلانه
ريما مصدومه .. وش ذا الاسلوب الهمجي اللي يكلمها فيه .,
حمد: هيييييييييييييي انتي .. معي ولا منتي معي
ريما: معك معك .. بس يرحم امك لا عاد تصارخ فقعت راسي
حمد: الزبده .. انا داق اقول لك لا تنسين موعدنا عالغدا
ريما: كيف انسى ؟ وانا اقدر ؟!!!
حمد: يللا .. وقفل بوجهها
ريما حطت الجوال على جمب بعد ما ضحكت باستهزاء : تسلم مجايبك يا والدتي العزيزه .. وقامت تغسل وتغير ملابسها
بيت ام فهد ..
ام فهد : فهد حبيبي ..
فهد: سمي
ام فهد : ترى خطبت لك دلال .. ووافقت
فهد فرح : صدق يمه !!
ام فهد : اي صدق يا غالي .. ربي يهنيك ويسعدك ان شاء الله .. وان شاء الله كلها كم اسبوع ونروح نخطبها لك رسمي ..
تهاني جت وهي تتكتف: يعني سويتها وخطبت البثره ,,
فهد يسحبها من يدها بقوه عشان تطيح عالكنبه اللي قاعدعليها وقعد يحوس شعرها بقوه
تهاني: ههههههههههههه اتررررركني يا حماااااااااااار
فهد : خطيبتي ماهي بثره .. سامعه ولا احووووس زياده ؟
تهاني وهي تحاول تدفه : ههههههههههههههههه الا بثره وحماره مثلك ..
فهد : كذا!!! طيييييييييب !!! شالها وصار يدور فيها بقوة وهي تصرخ
ام فهد بخوف: يافهد نزل اختك لا تأذيها
فهد وهو يدور فيها : ماني منزلها الا اذا قالت دلال مافي منها
تهاني : تحللللللللللللللللللللم
فهد صار يرميها بالهوا بقوة وهي تصارخ تخاف تطيح .. بحكم انه اعرض منها واطول .. وهي شي خفيف بالنسبه لجسمه
تهاااااااني: ااااااااااع نزلني
فهد: قوووولي اوووووول دلال ست البنات
تهاني : طيييييييب دلال ست البنات بس نزلني
فهد رماها مره اخيره بقوووة ولا مسكها .. لانه رماها على الكنبه
تهاني تمد لسانها : ما احبك يا بثرررررر
فهد ضحك عليها وطلع يجيب لهم فطور من بره ..
باريس .. عاصمة الانوااار
مشعل دخل الجناح لقاه شبه ظلام وهدووووووء .. تسائل وين ممكن تكون .. حسن انها ممكن تكون نايمه
عصب .. وقعد يفكر وش ممم يسوي فيها لو لقاها نايمه ..
حالف الا يوريها الشغل ..
دخل الغرفه لقى شنطهم جاهزة .. ولقاها منسدحه على الكنبه ومعطيه الباب ظهرها ..
مشعل : هيييييي انتي
اثير لفت ببرود : نعم
مشعل :من قال لك ترتبين اغرضاي
اثير وهي رافعه حاجب : زوجي وانا اعتم باغراضه
مشعل باستهزاء: لا والله فيك الخير .. مسوية انك بتستعطفيني .. لكن انا اوريك .. والله لا اطلع عينك وادفعك صمن عدم احترامك لي
اثير منصدمه .. وش مناسبة ذا الحكي : انت ليش تقول لي كذا
مشعل : عشان انتي تستاهلين كذا ,, يللا قدامي ..
اثير طالعته ببرود لثواني وتحركت تاخذ شنطة يدها ونظارتها الشمسيه .. وهو ماشال عينه من عليها ..
مشت من قدامه وسبقته لبره الجناح .. قررت انها تتبع معاه نفس الاسلوب وما تبكي مره ثانيه .. وان جكى لها كلمه ترد عليه بعشر ..
وبدا التحدي ..
بيت ابوبندر ..
ابوبندر دق الباب على ام بندر ..
ام بندر: ادخل
ابوبندر: تعالي ابيك ..
ام بندر انصدمت .. اول مره يجيها الغرفه لا ويقول لها تعالي ابيك ..فرحت مررره حست انو خطتها بدت تنجح وانه بدا يلين لها ..
راحت للتسريحه بسرعه وتعطرت .. وصلحت شعرها الشنيون ..وراحت وراه لحديقة البيت
ام بندر: نعم ؟
ابوبندر: بدر يبي يتزوج
ام بندر انقهرت لانو طلعت هذي سالفته : طيب والمطلوب؟
ابوبندر: المطلوووب يام بندر انك تجين معنا عشان تخطبين له ..
ام بندر: اول شي خليني ازوج بندر .. وبعدين ادور لبدر الزوجه المناسبه .. ولا ناسي انه بندر اكبر من بدر ؟
ابوبندر: لا ماني ناسي .. بس بندر الزواج ماهو بباله الحين ابد .. وده يستقر بشغله اول .. وبعد فتره يتزوج .. اما بدر متخرج ومتوظف وبأحسن المراكز .. مافي شي يعيق زواجه ..
ام بندر تأففت بينها وبين نفسها .. طول عمرك يا سلمان حاسب حساب كل شي .
ام بندر: طيب عطيني فتره بس ادور له على بنت مناسبه تليق فيه
ابوبندر: ما يحتاج .. هو مختار بنفسه
ام بندر وهي عاقده حواجبها وبنبره حدة : مختار بنفسه ؟ ومن هي ان شاء الله ؟ ومن بنته ؟
ابوبندر: كلنا واحد .. ومو مهم هي بنت مين ..
ام بندر وهي تتعدل بجلستها وعلى شفايفها احلى ابتسامه وبنظره حلوة قالت : اهاا .. افهم من كلامك انها بنت فقر منتفه
ابوبندر: مافي فرق بين الناس .. يمكن تكون احسن مني ومنك عند رب العالمين .. وبعدين الفلوس ماهي كل شي ..
ام بندر:الا كل شي .. لما ولد فوزيه يقرر يتزوج ..لازم ياخذ بنت اصل وفصل .. بنت ناس وعيله راقيه ..جمال ودلال .. مو اي وحده والسلام .
ابوبندر: وش افهم من كلامك ؟
ام بندر: انو مستحيل اوافقكم على هالجنون واوافق يتزوجها
ابوبندر بتحدي : بس انا ما ناديتك عشان اسمع الموافقه من سموك الكريم .. انا جاي اعطيك خبر وبس
ام بندر بعصبيه : يعني ايش ؟
ابوبندر ببرووود قاااتل : يعني تجهزين نفسك زي الحريم السنعه وتروحين تخطبينها معنا ولابي اسمع اي كلمه زياده بالموضوع
ام بندر فلتت اعصابها : انت صار لعقلك شي .. تتحكم فيني وبحياتي وبحياة عيالي كمان على كيفك .. كيف تسمح لنفسك اصلا .. ولدي مارح ياخذ بنت الفقر ..
ابوبندر بصوت بارد ومستفز : الله يالدنيا .. اشوفك تنكرتي لاصلك .. ونسيتي وش كنتي وايش صرتي ..
ابوبندر: لا تكذبين الكذبه وتصدقينها .. انتي كنتي ولاشي .. ومع هذا اخذتك وعزيتك وصرتي ام عيالي .. يعني الوضع طبيعي جداااا .. وولدي بيعيد حكايتي معك .. بس اتمنى ومن كل قلبي يكون حظه احسن من حظي
ام بندر بعصبيه : ليش مصر تذكرني بالمااااضي .. انت عديم احساس ولا تفهم
ابوبندر:......
ام بندر: ودامك ماتبيني طلقني وارتاح ..
ابوبندر: ماني مطلقك بعد ذا العمر .. والاهم عشان اولادي .. صحيح مجننتهم بس يحبونك ولا يرضون عليك .. هم اللي مخليني اتحملك لين الحين
ام بندر كانت مرررررررررررررره مقهوره .. قامت من مكانها : اسمع .. انا قلت اللي عندي .. انا ماني موافقه على هالزواج .. ولارح اروح اخطب له .. تبي روح انت بنفسك .. وصدقني ياسلمان .. لو ياخذها بدر .. ورببببي لا يشوف هو وياها شي انا عمري ما شفته ..
مسكت طرف فستانها الصيفي الطوويل ومشت لداخل الفيلا بغرور وهي ماليها الحقد ..
على الليل ..
وصلت طياره مشعل واثير .. ووصلوا الرياض بالسلامه ..
توجهوا للبيت بتاكسي .. لانو مشعل ما امداه يقول لهم انه بيجي ..
اثير: مشعل
مشعل : نعم
اثير: ابي اشوف ماما
مشعل: مو الحين ..
اثير: بس انا مشتااقة لها .,,
مشعل بعصبيه :يووووه قلت لك مو الحين ما تسمعين الكلام انتي .. بعد كم يوم اوديك لها واقعدي عندها لين تشبعين ... افففف تحبين النكد
اثير انقهرت من اسلوبه معها ولا حبت تجادله اكثر عشانها بالسياره ..
توجهوا لبيت مشعل
دخل مشعل البيت .. وهو سابقها ومخليها تمشي وراه
فتح الباب الرئيسي ولقى الكل باحد الصالات
مشعل: السلام عليكم
الكل: ...................
مشعل: قلت السلام عليكم .. ليش ما تردون السلام !!
نطت دلال والهنوف بسرعه لحضن اخوهم وصاروا يحضنونه ويضحكون معاه ..
مشعل:هههههههههههه بشويش بشويش .. كل هذا شوق لي ؟
الهنوف: يا حماااااااااااااااار والله لك فقده ..
ابومشعل: الحمدلله على السلامه
مشعل وهو يبوس راس ابوه : الله يسلمك يالغالي ..
ام مشعل : ليش رجعتوا بدري؟
مشعل :زهقنا !!
ام مشعل بعصبيه : تزهقون من بعض وانتو عرسان
مشعل : يمه انتي تعرفيني ما احب فرنسا .. ومع هذا حجزتي لنا هناك .. رحنا اسبوع عشان ما نكسر خاطرك .. خلاص
ابومشعل : خلاص يا نوره مو وقت الحكي ..الولد راجع تعبان ..
دلال: وين اثير؟
مشعل بعدم اهتمام : وراي ..
الهنوف: اللللللللللللللللللله يخسك من رجال .. مخلي عروستك تدج لوحدها بقلعتنا .. اكيد انها ضاعت ..
مشعل قعد عالكنبه بلا مبالاه .. شوي ودخلت اثير بكل خجل
اثير: مساء الخير
ام مشعل قامت لها وحضنتها بقوة : هلا ببنتي وحبيبتي هلا
اثير: هلا بك يا خالتي .. شلونك ؟
ام مشعل: انا بخير عساك بخير
اثير: دووم ..
ابومشعل: هلا ببنتي ..
اثير استحت مرررررررره : هلا بك عمي ..
ابومشعل: منوره .. بيتك ومحلك
اثير: منور باهله ياعمي ,.
دلال تحضنها : وربي لك وحشششششه
اثير: وانتو كمان بجد واحشيني ..
ام مشعل : يللا يا عيال روحوا ارتاحوا .. اكيد تعبانين من السفر
اثير باحلى ابتسامه : ان شاء الله خالتي
كل هذا تحت عيون مشعل .. شافها بكل حالتها بثواني
خوف .. توتر .. قلق .. حياء .. راحه .. فرح
واذا كانت معاه تكون حزينه وضايقه ,,
ردد بينه وبين نفسه هالبيت
تجمعيــــــن الضد .. في كل الامووووور
غامضه مرررره .. ومره مثل نوووور
بعد اسابيع ..
مرت الايام على ابطالنا .. بزينها وشينها على البعض ..
-مشاعل للحين حالتها حاله .. محبوسه بالبيت وتحس انها بتمووووت
-رنيم مع امها بالمستشفى من موعد لموعد وتترجى حنان ماجد عليها .. اللي من ملكوا حوالي شهرين ما عبرها ..
-تمت خطبة دلال وفهد الرسميه وشافها وعجبته مرررره
-رانيا مختفيه من حياة ماجد الفتره هذي وقل تفكيره فيها بس للحين موجود ...وحط كل اهتمامه بدراسته لانو كلها كم يوم ويرجع ماجد هو وبندر بالشهاده ويودعون الغربه للابد ..
-بدر بشر شذى انه بيجي هو وابوه وعمته عشان يخطبونها هالكم يوم وهي ماهي مصدقه تحس الجنيا ماهي سايعتها من الفرح وانوا اخيرا بيتحقق حلمها
-خالد للحين بالشرقيه .. وحالته النفسيه من سيء لاسوء
-ريما تحاول قد ماتقدر انها تتقبل حمد .. بس ماهي قادره .. وهي تردد بينها وبين نفسها " مع الايام بحبه "
-ام بندر مصره على موقفها وماهي موافقه على زواج بدر من شذى ابدددد
- مشعل واثير من تحدي لتحدي .. كل واحد يحاول يرفع ضغط الثاني .. ويعامله ببرود .. بس اللي راحمهم انهم ساكنين مع اهل مشعل يعني مارح يقدر يتمادى معها ..
بيت ابو شذى
شذى كانت الدنيا ماهي سايعتها .. اخييييييييرا اليوم بيجي بدر يخطبها ..
قالت لابوها انو في واحد يبي يخطبها عن طريق وحده من جيرانهم ..بس ماقالت له انها تعرفه ..
اريج: اخييييييييييييرا يا شذى ..
شذى: ياااااي اريج ماني مصدقه .. الحلم بيصير حقيقه .. وبدر بيجي يخطبني الليله
اريج: اااااه بس لو تشوفين مرت ابوك شايله البيت على راسها..ماهي مصدقه انو بدر بن سلمان ال... جاي يخطبك
شذى: هههههههههههه ايييي وبعد عشان بترك لها البيت تسرح وتمرح فيه على راحتها .. المسكينه .. مادرت انو هذا بيت امي الله يرحمها ولارح افرط فيه لووووو ايش .. هذا اللي باقي لي من ريحتها وكان عزيز عليها لانها تربت فيه
اريج : الله يرحمها .. اي ماعليك منها ولا تفكرين تفرطين فيه لا لابوك ولا لها ولا لاي احد
شذى : قووولتك.. الا تعالي بوريك اللي بلبسه اليوم ..
اريج : وريني ..
شذى ورتها لبسها اللي كان عباره عن تنوره بني لين نص الساق وبلوزة بيج فخمه
اريج : تجنننننننننننننننننننننننننننننننن وتاخذ العقللللللل
شذى: جمعت اكبر مبلغ ممكن وشريتها .. وش رايك .. امانه حلوة .
اريج : اي وربي تجنن .. ما شاء الله .. باقي المكياج
شذى : من وين ياحسره .. انا ما عندي الا كحل .. بحط منه وخلاص ..
اريج : طيب حبيبتي .. تعالي نشوف الضيافه
شذى : يللا .. توجهوا للمطبخ سوى ..
منيره :خلي واللللله ما تسوين شي .. انا اللي بسوي لك يا عروستنا
اريج : ايييييييوة كذا .. وقفي عوج وتكلمي عدل
منيره ماردت عليها : روحي يا غاليه ريحي .. يا غاليه يامرت الغالي
شذى ضخكت بخفه ..
ابوشذى : احم احم
اريج تغطت
ابوشذى: اقوول .. متى بيجي ولد سلمان ؟
شذى: بعد المغرب ان شاء الله
ابوشذى : يلا روحي اجهزي .. والبسي زين .. اخاف يشوفك ويهون
اريج : اي هيييين .. قال يهون قال
شذى خبطت على جمبها: ان شاء الله يبه لا توصي ..
بيت ابوبندر,,
بندر كان قالب الدنيا فوووق تحت .. متحمس بشكل مو طبيعي ..
وخواته فرحانات له مووووت .. وامه ما باركت له ولا قالت شي
ابوبندر: ههههههههههههه اركد ياولد
بدر: يبه مقدر .. ماني مصدق انو اليوم بيتحقق حلمي وبخطب شذى
ابوبندر: حلو اسمها على فكره ..
بدر: اسمها وبس .. كلها على بعضها تجنننن
ابوبندر بحده : ليش انت شايفها؟
بدر بسرعه : لالالالالالالالالالا ولا لمحت منها اي شي .. ولا اعرف كيف شكلها اصلا
ابوبندر: اي كفو ياولدي ... انت عندك خوات ولازم تكون خايف عليهم
بدر: لا توصي يا غالي .. الا متى بنروح
ابوبندر : ننتظر عمتك هي وامل جايين بالطريق
بدر ابتسم ..
بيت ابورنيم ..
ابورنيم كان قاعد بالصاله مع رنيم وزوجته
ثواني الا نزلت مشاعل بكل بجاحه وهي لابسه العبايه وعدت من قدامهم
ابورنيم بحده : على ويييييييييييين
مشاعل : بروح المشغل ..
ابورنيم: مافي مشغل ... ياللا على غرفتك اشوف
مشاعل: بابا .. انا صار لي كم اسبوع قاعده بالبيت لين حسيت انو روحي بتطلع .. مو معقول ذا الحال ..
ابورنيم: مافي طلعه من البيت .. سامعه ولا لا .. يللا قدامي على غرفتك .. احمدي ربك اني ما حبستك بالغرفه بعد
مشاعل بعصبيه :اووووووه .. تخلف ..
ابورنيم قام عليها بيضربها .. بس مسكته رنيم وام رنيم وهم يترجونه ما يسوي لها شي
ابورنيم: خلوني اربيها هاللي ما تربت
ام رنيم: واللي يعافيك خليها .. انا اوريك فيها بس انت اهدى
ابورنيم قعد بهدوووء وهو يحاول يمسك اعصابه .. مايبي زوجته تعصب او تنفعل لانو ماهو زين لها ..
سيارة ابوبندر ..
بدر: يبه كان خليتني اسوق .. انت تسووق ببطء
ابوبندر: لا حبيبي اخليك تسوق فينا عشان تروحنا .. انت مطيور بدون شي واليوم مطيور بزياده ..ماني بايع لا عمري ولا عمر اختي وبنتي امل
ام عبدالله :ههههههههههههههه اركد وانا عمتك .. لا تستعجل ..كل شي بيصر تمام التمام ان شاء الله ..
امل : عاد انا واثقه انو عروستك بتكون قمررررر يا بدر
بدر اغتر: طبعا قمممممرررر انا منقيها بنفسي
ابوبندر يخبطه على يده بشويش: مو قلت اركد
بدر: ههههههههههههههه ابشر طال عمرك ..
كل ثواني وبدر واهله كانوا واقفين عند بيت شذى
ابوبندر: وين البيت ؟
بدر يأشر: هذا يبه اللي بابه اسود ..
ابوبندر شاف البيت اللي أشر عليه بدر ..
وفججججججججأة
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
ابوبندر بهدوء: بدر
بدر وهو متشقق من الوناسه : لبيه
ابوبندر: انسى البنت .. مافي زواج ..
استراليا ..
بندر كان طالع هو وماجد يتمشون .. يغيرون جو شوي قبل لا يرجعون يذاكرون .. ومن سوء حظهم كانت في رانيا بنفس المكان
ماجد :افففففففففف
بندر: لا حووووووول .. وانت ما تجيبنا الا الاماكن اللي تكون فيها ست الحسن والدلال .. ياخي ما تبي تنساها انت ؟ ارحم حاااااالك ممكن
ماجد: وانا وش يدريني انها بتكون هنا ؟
بندر: لا واللللللللللله .. مسوي بريء يعني !! جايبني للأمكان اللي كنتوا تقعدون فيها دايم الدوم وتقول لي وش يدريني انها بتكون هنا
ماجد: ما اعرف اماكن غيرها
بندر: انت بس احلللللللف وانا اصدقك !! صار لنا نحفّر باستراليا 8 سنين وتقول لي ما اعرف غيرها
ماجد : انت وبعدين معك .. قوم نغير المكان
بندر: اقوووول لا يكثر .. انا شي جوعااااان بطلب لي اي شي اكله وبعدها بنرجع البيت نذاكر لنا كم كلمه
ماجد: اجل اقعد بدون كلمه زياده
على طاولة رانيا
سميه : وش فيج ؟
رانيا: ماجد الكلب وراج
سميه : طيب ؟؟ مو انتي مع نواف الحين
رانيا : نواااف ؟؟ نواف الحقير مايرد علي من بعد ما درى عن ماجد
سميه : طيب وش بتسوين ..
رانيا: بخليهم كلهم يدفعون الثمن .. وخصوصا ماجد لانه خانني وراح ملك على بنت عمه من وراي
سميه : اسم الله عليج .. اللي يسمعج يقول انج ماسويتي فيه نفس السواة
رانيا: هو ارتبط ارتباط رسمي
سميه : اي تزوج بالحلال
رانيا : مو بكيفه .. مارح اخليه ينساني .. هو لي انا وبس .. لو احب مليوووون غيره ..
سميه : الله يعينج على نفسج
قعدت رانيا تطالع ماجد وتتأمل فيه .. وتشوف كيف جاحدها
انقهررررت .. هي اللي متعوده تشوف فيه نظرات الشوووق والحب .. الحين حتى ماهو معبرها بالتفاته
رانيا بقهر: هين يا ماجد .. انا اراويك
بيت ابوبندر
بدر دخل غرفته على طول من رجعوا وسكر على نفسه وماهو راضي يكلم احد ..
ماهو فاهم سر الحركه اللي سواها ابوه ..
كيف يقول له موافق وبنخطبها .. ويوم يحددون وقت ويوصلون لباب البيت يقول هونت ..
معقوله عشانه شاف البيت ؟؟ بس انا مبين له من اول وضع البنت واهلها وهو رحب بالفكره ولا كان عنده اي اشكاليه ..
هدمت حياتي يبه .. بمعنى الكلمه ..
خذلتك يا شذى .. خذلتك ياعمري انتي ..
ابوبندر كان ضااااااايق اكثر من ولده ..
سمع بكلمة الدنيا صغيره .. بس مو للدرجه هذي ..
هدمت فرحة ولدي بيدي .. بس انا لااازم اسوي كذا ..
مابي ولدي يجرب اللي جربته ..
يالللللللله يالدنياااااااااااااااااا
شذى .. تصير بنت
مريـــــــــــــــــــــــــــــــــــــــم
حب عمري .. حبيبة قلبي اللي انحرمت منها ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك