رواية علميهم ليه احبك حب ما حبه بشر -33
بيت ابوبندر
بدر دخل غرفته على طول من رجعوا وسكر على نفسه وماهو راضي يكلم احد ..
ماهو فاهم سر الحركه اللي سواها ابوه ..
كيف يقول له موافق وبنخطبها .. ويوم يحددون وقت ويوصلون لباب البيت يقول هونت ..
معقوله عشانه شاف البيت ؟؟ بس انا مبين له من اول وضع البنت واهلها وهو رحب بالفكره ولا كان عنده اي اشكاليه ..
هدمت حياتي يبه .. بمعنى الكلمه ..
خذلتك يا شذى .. خذلتك ياعمري انتي ..
ابوبندر كان ضااااااايق اكثر من ولده ..
سمع بكلمة الدنيا صغيره .. بس مو للدرجه هذي ..
هدمت فرحة ولدي بيدي .. بس انا لااازم اسوي كذا ..
مابي ولدي يجرب اللي جربته ..
يالللللللله يالدنياااااااااااااااااا
شذى .. تصير بنت
مريـــــــــــــــــــــــــــــــــــــــم
حب عمري .. حبيبة قلبي اللي انحرمت منها ..
كيف اقول لك ياولدي ؟ انو سبب رفضي لشذى اني كنت عاشق امها وخانتني ..
كنت ؟؟ تكذب على حالك ياسلمان ؟
كنت ومازلت .. تتمنااااااااااااها
بس بدر قال لي انها ,, توفت !!
رحتي يا مريم وخليتيني .. هجرتيني مرتين ..
مره تركتي حياتي .. ومره تركتي الحياة بكبرها
بس ماغبتي عني .. ولا عن بالي ..
خااااينه .. لكن بظل لاخر يوم بعمري احبك وابيك
مارح اسمح لولدي يجرب اللي جربته بحبك .. لازم ينسى شذى وحبها باقرب فرصه ..
نزل مكتبه .. وحاول يشغل حاله بالاوراق .. يمكن يبعد التفكير عنه
في اشياء مافهمها ..
اتصل على ابورنيم ..
ابوبندر: هلا اخوي
ابورنيم بصوت مهموم : هلا والله سلمان
ابوبندر: هلا بك .. وش فيك يارجال؟
ابورنيم :سلامتك ..
ابوبندر: احسك مهموم وانا اخوووك
ابورنيم: اااااااه بس وش اقول ..
ابوبندر: تكلم ياخوي خرعتني
ابورنيم: انا محتاج لك ياخوي احس بنجلط ..
ابوبندر وهو يوقف: مسافة الطريق وانا عندك .. مع السلامه
ابورنيم: فمان الله ..
توجه ابوبندر لبيت اخوه اللي اقلقه صوته ..
بيت شذى ..
عدى الوقت ولا جا بدر ..
المغرب وبعد المغرب ..العشا وبعد العشا ..
الساعه 9 و 10 و11 و12 ولا بين بدر
ابو شذى وهو منسدح بالصاله : يعني وش افهم الحين ؟؟
شذى ماهي قادره تستوعب .. تحس انها كانت بسااااابع سما والحين صارت بسااااابع ارض ..
دخلت غرفتها وسكرت عليها الباب ..طلعت الجوال تبي تتصل على بدر تتطمن عليه .. دقت مره ومرتين وعشر ..كله طلع لها مقفول
توعدني .. وتقفل جوالك ؟
ايش معناته ؟
شوي وجاها مسج من بدر
بدق اتكلم اتعذر بقول أسف على الي صار ....
واقول الكون ما يسوى الامن صرت من دونك...
وأقول أني خذلتك بس معايا وردتين أعذار....
تقبلهم مثل عصفور يداعب طلعة عيونك ....
سامحيني يا غاليه ..
شذى ماهي قادره تشوف من دموعها .. او تكتم شهقاتها ..
بكت وبكت وبكت لوقت طووووووويل .. شوي استجمعت قوتها وراحت لابوها ..
شذى: يبه .. انا موافقه على احمد ... خلينا نملك باقرب وقت
بيت ابو رنيم ..
ابوبندر وصل لاخوه .. وقعد يحكي معاه ..
قال له كلللللشي عن مشاعل وسواتها .. وابو بندر عصب
ابوبندر: غلطان .. كان المفروض تكسر راسها
ابورنيم : كلما جيت ابكسر راسها تجيني امها تبكي وانا ما اكون ابي ازعلها ابد عشان علاجها
ابوبندر: والعمل ؟
ابورنيم: العمل عمل ربي .. مابيدي شي اسويه .. تعباااان ياخوي وربي مهموم ..
ابوبندر: لا تشيل هم وانا اخوك .. كل شي بالدنيا وله حل
هز ابورنيم راسه وهو يحس بتفائل من كلام اخوه
بدر ماكان عارف يذوق طعم النوم ..حس انه بيخسر شذى بسبب سواة ابووه ..اااه بس لو يقول لي وش سبب رفضه .. اكون انا بخيييير
الصبح الباكر,,
ابوبندر كان حالته صعبه .. وقاعد يشرب قهوته وهو شارد ..
مانام امس وهو يفكر بحال ولده .. وانه رح يكون السبب بتعاسته ..
فكر باكثر من حل .. حل ممكن يساعد ولده انه ينسى شذى ..
شوي وطرت على باله فكره .. رفع جواله ودق على ولده بدر عشان ينزل له ..
بدر: سم
ابوبندر: تعال معي .. بنروح مشوار ..
بدر: وين ؟
ابوبندر: من دوووون اسئله .. يللا وراي
بدر: ان شاء الله ..
بيت ابورنيم ..
ابورنيم: يا حي الللللللللللللللله من جانا ..
ابوبندر: الله يحييك
ابورنيم: وينك يا بدر ما تنشاف ولا ينسمع لك لا حس ولا خبر
بدر بابتسامه باهته : مشاغل الحياة ياعمي
ابورنيم: الله يعينك يارب ويوفقك ..
بدر: اميين يارب وياك ..
ابوبندر: بورنيم ..
ابورنيم: سم
ابوبندر : سم الله عدوك ..طلللللللللبتك
ابورنيم : عطييييييييتك وانا اخوك .. انت تامر امر
ابوبندر : ابي اطلب يد بنتك مشاعل لولدي بدر
بدر رفع راسه وناظر ابوه بقوة .. من الصدمه ماعرف يرد ..
انتهى البارت ..
اتمنى يكون عجبكم
وبليييييز لا تحرموني من توقعاتكم ... ساعدوني عشان ابدددددع
احببببببببببببببكم ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
البارت العشرين
بيت ابومشعل ..
مشعل كان توه راجع من الدوام .. دخل البيت لقى امه قاعده بالصاله
مشعل: السلام عليكم
ام مشعل: وعليكم السلام.. اشوفك راجع بدري اليوم
مشعل وهو يرمي نفسه عالكنبه جمب امه : اوووففف انواع التعب اليوم .. ماقدرت اكمل الدوام واستأذنت
ام مشعل : يعني ما كان يومك زين ؟
مشعل: لا والله ابد .. الله يسهل علينا ياارب
ام مشعل: اميين يارب..
مشعل وهو يتلفت : ليش البيت هادي ؟
ام مشعل : البنات بالجامعه .. والهنوف لسه بالمدرسه ..
مشعل وهو يناظر ساعته : هما بالعاده كم يرجعون ؟
ام مشعل : يعني وحده ونص او ثنتين
مشعل : طيب واثير وينها ؟
ام مشعل بنظره : هووو .. زوجتك ولا تدري وينها ,, هي بالجامعه
مشعل: اهااا
ام مشعل: وانا صار لي ساعه اقول البنات والبنات .. من يعني ؟
مشعل وهو يمسح على راسه: ههههههههههه يمه وش فيك صايره تحنين .. شكلك كبرتي ..
ام مشعل تخبطه بقوة على كتفه: قم عن وجهي لا اوريك الشغل ..
مشعل وهو يطلع غرفته :ههههههههههههههههههههه
طلع فوق ودخل لغرفته
اول مره يدخل البيت وما يلاقيها موجوده .. ياشين الجناح بدونها ..
دخل اخذ له شور سريع وغير ملابسه .. والمنشفه على شعره واقف عند التسريحه ..
طاحت عينه على عطرها .. تردد
مسكه وشم منه .. بخ شوي منه بالجو وصار يستنشقه بقوووووة
ريحتها دايم تجنني .. تخليني اروووووووق
على دخلة اثير الغرفه
اثير: السلام عليكم
مشعل ارتبك ونزل العطر من يده بسرعه
اثير عقدت حواجبها: بشويش كسرت الدنيا
مشعل:ممكن اذا دخلتي الغرفه ثاني تطقين الباب
اثير: هههههههههه حلوة ذي .. اطق الباب قبل لا ادخل غرفتي ..
مشعل تنرفزه ضحكتها على قد ما تجننه : ماقلت نكته انا
قربت اثير منه ولى شفايفها ابتسامه ونظره خبث: وش تسوي بالعطر حقي
مشعل :هاااا ؟
اثير وهي تتكتف بابتسامه : من قال هاا سمع
مشعل: من قال لك اصلا اني قربت منه ؟
اثير وعينها عالعطر وبابتسامه قالت بدلع: طيب .. وصارت تتحرك بالغرفه تحط اغراضها مكانها وعيون مشعل ما نزلت من عليها ..
توجهت للدولاب وطلعت لها بنطلون جينز وتيشرت .. وتوجهت للحمام وغسلت يدينها ..
اثير بنظره : منتي ناوي تطلع تخليني اغير ؟
مشعل بعناد قعد على الكنبه ورما الفوطه جمبه : لا غيري اشوف ..
اثير ما اهتمت .. اخذت لبسها وتوجهت للحمام وكلها دقايق وهي مخلصه ..
توجهت للتسريحه وبخت من عطرها وراحت جمب مشعل .. تعمدت توقف جمبه عشان توصل له ريحتها : مشينا؟
مشعل يحاول يبان طبيعي وهو يردد بينه وبين نفسه لا تعطيها وجه تراها ما تسوى ولا تربت : يللا ..
وقفها صوت الجوال حقها .. مسكته وشافت نفس الرقم
مشعل : مين ؟
اثير: مدري
مشعل: وانا كلما سألتك مين متصل او مين راسل مسج تقولين لي مدري
اثير: وانا صادقه مدري
مشعل يسحب منها الجوال: الووووووووو
وقطع الخط
مشعل عطا اثير نظره ناريه : قدامي اشوف لتحت
اثير تكره حركاته توجهت لتحت بدون ولا كلمه زياده .
استراليا ..
ماجد: اااااااااااااااااااع اخيرا يابندر خلصنا .. اخييييييييييييييرا
ببندر: الحمدللللله بنودع ذا الغربه لللللللابد ..
ماجد: ماني مصدق متى ارجع الرياض من جديد .. وافتح صفحة جديده مع رنيم ..
بندر: ايوووة كذا هذا اللي انا ابيه .. مسكينه عانت معك كثير
ماجد: تصدق؟ من بعدت عن رانيا وانا افكر .. هي رنيم اي ذنبها .. مالها ذنب الا اني تزوجتها
بندر: تراها بنت طيبه وتستاهل
ماجد وهو يتنهد : الله يقدرني واعوضها .. بس بجد ماني عارف وش اقول لها لو سألتني ليش ماحاكيتها طول الفتره هذي؟
بندر: عاد هذا غلطك وتحمل خطاك ..
ماجد: يوووو الحين ابيك لي عون صرت فرعون !!
بندر: انا ماااااااالي شغل .. كم مره قلت لك كلمها .. حاكها عبرها ياخي تراها زوجتك وانت تمد البوز وتعصب علي انت ووجهك ومعطيني الاذن الصمخه
ماجد: ول ول ول عليك .. وراك قلبت جدتي .. خلاص عاد عطني حل ومالك الا اللي يراضيها
بندر بنص عين : حبيبي لو بتراضيها بتراضيها عشانك مو عشاني .. وبعدين حلول ماني معطيك حلول يعني ظف وجهك
ماجد:هههههههههههههههههههههههههه
جاه صوت من ورا
.....: مااااجد
ماجد كشر بينه وبين نفسه والتفت لها : خير
رانيا : الخير بويهك .. على وين ؟
ماجد : على ما اظن انك فقدتي الحق انك تساليني من زمان
رانيا : من قال لك ؟ انا اعرفك تحبني وتموت علي
ماجد باستهزاء يغني : هذاااك اوووووول !!
رانيا انقهرت : تحبها ؟
ماجد: مالك شغل .. ولا عاد تطرين طاريها تراها زوجتي ولا ارضى عليها .. عن اذنك
رانيا تمسك يده : مو على كيفك .. ماني مخليتك تهدني وتروح ..
ماجد ناظرها من فوق لتحت : وخري عني احسن لك ..
رانيا بثقه ودلع تكتفت قدامه : واذا ما وخرت ؟
بندر: ابوقفك عند حدك .. ما تستحين انتي ؟ اهلك ما ربوك؟ ترمين حالك عالرجال رمي ؟
رانيا : انت مالك شغل .. انا وماجد نصلح انت شكو ؟
سمعوا صوت من وراهم ..
....: بندررررررررررررر
بيت ابو بندر
بدر كان قاعد بغرفته طوول الوقت من بعد ما خطب له ابوه مشاعل .. حاس انو الدنيا ضاقت فييييه
ليش يعني ؟؟ اطلبه يخطب لي شذى ويوافق ويهون .. وبعدين يخطب لي مشاعل
عاد هالبثره انا ما اتحممممملها من يومنا صغار .. شلون بتزوجها
وربي مابي غير شذى ..
طلع من غرفته متوجه لمكتب ابوه
طق طق طق
ابوبندر: ادخلللل
بدر: السلام عليكم
ابوبندر: وعليكم السلام
بدر: يبه بسألك سؤال
ابوبندر وهو يشيل النظاره من عيونه ويحطها على المكتب قال بتنهيده : اسأل
بدر: انت ليش سويت فيني كذا ؟
ابوبندر:: وش سويت ؟
بدر: تأملني اني باخذ شذى وتغير رايك يوم شفت بيتهم .. وبعدها تقوم وتخطب لي مشاعل بنفس اليوم !!
ابوبندر: بدر مابي نقاش بهالموضوع
بدر: لا يبه اسمح لي بناقش.. هذي حياتي انا .. وانا اللي اختار من اعيش معه .. وانت باختيارك لمشاعل كزوجه لي هدمت لي اياها
ابوبندر : اسمعني يا ولدي .. شذى ما تناسبك
بدر وهو بينجن : اي ليييييييش ؟؟ وش شفت عالبنت ؟
ابوبندر: ماهي مناسبه لك وخلاص
بدر يخبط بيده عالمكتب بقوة: يبه .. مشاعل ماني ماخذها .. ولو تنطبق السما عالارض ما اخذ غير شذى ..طلع وسكر الباب وراه
ابوبندر حس بضيييق فظيييع
بيت ابو رنيم
مشاعل بصدمه : نعععععععععععععم ؟ بدر !!
ابورنيم : اي بدر ..
مشاعل: انا مستحيييييييل اوافق عليه ..
ابورنيم: ومن شاورك انتي ؟ انا جاي اعطيك خبر
مشاعل : بابا افهممممني .. انا مستحيل اتزوج ذا البارد .. يعععع مافي امل
ابورنيم بعصبيه : اقول بلا دلع يابنت .. ولد عمك وخطبك بتاخذينه يعني بتاخذينه وانتي ما تشوفين الجادّه .. سامعه ولا لا
مشاعل : بابا ماتقدر تغصبني اتزوج واحد ما ابيه
ابورنيم وقف قدامها وسحبها من يدها : عاد والله هذي مشكلتك .. اول كان عادي تتدلعين علي وطلباتك اوامرررر .. لكن الحيييين غير .. ومالك الا اللي يكسر خشمك .. سامعه ولا لا
مشاعل ناظرت ابوها بحقد وسحبت يدها من بين يدينه بقوة وتوجهت لغرفتها بعصبيه ,,,
بيت ام عبدالله ..
دخل خالد البيت بهدوووء .. مافي حس لاي احد .. وين الناس ..
مشى لغرفة اخته مها وطق الباب عليها
مها: ادخللللللللللللللللل
خالد دخل : السلام
مها من الفرحه نقزت السرير ورمت حالها بحضن اخوها
خالد :هههههههه وجع سمنتي
مها: وحششششششششششششتني يا دبببب
خالد يحضنها زياده : وانتي بعد
مها بزعل : كذا يا خالد تخوفنا عليك .. اسبوعين واكثر ما نعرف عنك شي !!
خالد بسرحان: غصب عني .. تعرفين اللي راحت مني ماهي شوي .. هي العمر بالنسبه لي
مها بحزن : هذا النصيب يا غالي .. استعوض ربك فيها وان شاء الله بيرزقك باحسن منها
خالد حس قلبه يعوره من طاريها : المهم انتي اخبارك؟
مها: انا بخير الحمدلله ..
خالد: وين امي؟
مها: نايمه ..مسكينه ماسكها راسها بصداع فظييييع من فتره ..
خالد:........
مها: اقووول .. بمناسبة رجعتك لنا سالم انا قررت اعزمك عالعشا ..
خالد : لا واللي يرحم والديك مالي خلق
مها : لا لا لا مافي اعذااااار .. رح نطلع يعني رح نطلع انا حدي جوعانه يللا بلبس عبايتي بس واجيك اسبقني السياره
خالد: يابنت الناس قلت لك مالي خلق اطلع الحين
مها وهي تدفه لين باب الغرفه: يللللللا كلها دقايق واكون عندك بالسيااره اففف منك .. بسرعه ولا بغير رايي وبخليك انت تدفع الحساب
خالد:ههههههههههههه طيب طيب يللا انتظرك ..طلع وسكر الباب وراه
مها كانت قاصده تطلع اخوها عشان ما ينعزل .. تبي تطلعه من اللي فيه وتغير له جو يمكن ينسى حزنه على ريما لو شوي ..
استراليا
.....:بندرررررررررررر
بندر التفت : هلااااااااااااا والللللللللله
ماجد طلع الشرار من عيونه .. ورانيا وقفت مصدومه
رانيا: انت شنو قاعد تسوي هني ؟ ومن فين تعرف بندر ؟
نواف وهو يحط يده على كتف بندر: يهمك تعرفين؟
رانيا ساكته بس تناظر بنواف نظرات شوق
نواف: الله يسلمك بندر هو صديق قديم لي من ايام المتوسط .. وقابلته هنا بالصدفه ولا سمحت لي الظروف اني اشوفه دايم عشان كذا ما درى
عني ماجد.. وبمره من المرات دق علي ونخاني.. وانا بصراحه مقدر ارد له طلب .. قال لي ابيك تساعدني ابين بعض الناس على حقيقتهم عند اخوي ماجد وانا عاد ماعندي وقت استلمت المهمه من ثاني يوم على طوووووول
رانيا مصدووووووومه قليله بحقها .. قربت من نواف وحطت عينها بعينه
رانيا : يعني انت كنت تكذب علي من اول ؟
نواف: ايييييووووووون .. اكذب عليك .. امثل عليك .. امشيك على كيفي .. سميها اللي تسمينها
رانيا تصرخ: يا حقيييييييييير يا نذلللللللللل يا واطي ..
نواف: هههههههههههه
بندر : انا كان نفسي بسسسس ابين لولد عمي اي نوع من انواع البنات حب .. وانها بتنسى وجوده بمجرد ما يسافر للرياض والحمدلله ربي نصرني ..
ماجد تنهد براحه .. من جد بندر اخو مو بس ولد عم .. ساعده انه يتخطى رانيا ويعيد التفكير من جديد ..
رانيا وهي تبكي وتضرب نواف على صدره بقوة : يا نذللل حبيتك .. انا حبيتك يا حقيييير .. تلعب بقلبي ليييييييييييش .. انت شنو شايفني ..طماشه حقك وحق غيرك ؟؟ تركت هذا " وتأشر على ماجد " عشان خاطرك .. تركت العز والدلال عشان فقري مثل حالتك .. لانو قلبي حبك وبغاك .. وبالنهايه تكون تلعب فيني !!!
نواف: لا تعقدين الامور يابنت الناس .. كا تدين تدان .. وكلن ياخذ حقه وجزاه .. وبلاش افلام هدى سلطان اللي انتي مسويتها الحين لان جوي قااااافل
رانيا تمسح دموعها: وربي لا اخذ حقي منك .. وانت وياه " ماجد وبندر" مارح اخليكم تتهنوون وتشوفون ..
قربت من ماجد : ان ماخليت حياتك هلاااك .. ورجعت اسرق النوم من عينك ماني رانيا بنت ابوي .. مشت بسرعه من المكان وهي تسحب وراها بقايا كرامتها اللي انمسحت
بندر: ههههههههه كفووو يا نواف
نواف وهو يسحب شعره : افففففف كنت نااااااااشبة لي ما اصدق انو خلااااص
بندر: يعطيك العافيه والله
نواف بغمزه : بس كيفني معاك ؟
بندر: ولا عماد حمدي ..
ماجد: اقووول انت وياه .. عاجبكم اللي سويتوه فيها ؟
بندر بنص عين: لا تكون متضايق بس؟
ماجد: لا بس كاسره خاطري
نواف وهو يحط يده على كتف ماجد: ياخوي ما على امثال هالبنت حسوفه .. صدقني لو ماكنت متأكد مليون بالميه انها واطيه ماكنت استمريت بذا اللعبه .. امووووت واعرف وش كان محببك فيها بس ..
ماجد بابستامه خفيفه : القلب ومايهوى .. وانت " قصده بندر" وراك ماقلت لي عن ذا الخطه
بندر: مجنوووون انا اقول لك .. عشان تدهن سيري .. انت ما ينحكى لك شي زي كذا
ماجد يخبطه على راسه : اقول لا يكثرررررررررررر
بندر وهو يمسح على راسه : يجي منك اكثرررر
بيت شذى
شذى كانت منهاره من البكى بغرفتها .. كلمت اريج وجتها
اريج: بس يا شذى تكفين عورتي قلبي
شذى : وش تقولين عني .. حرام عليه باعني .. قلت لك وربي من اول الزواجه هذي مارح تتم .. وانو وجودي مع شخص مثل بدر من سابع المستحيلات .. خذلني .. وخدعني ,,
طلعني ساااابع سما وخسف بي ساااابع ارض ..
اريج تحضن شذى وتمسح دموعها: طيب خليني اكلمه واتفاهم معاه اشوف وش عذره
شذى بقوة : لاااااااااااااا ,, لا تحاولين ولا تفكرين اصلا .. اللي يبيعني بريال ابيعه برخص التراب
اريج : انا مدري وش خلاك تقولين انه باعك ..
شذى : يوعدني .. ويخلف .. يخليني افرح وافرح اللي حولي واهلي وبالنهايه يسحب علي .. ويرسل لي اخر الليل مسج يقول لي فيه اعذريني .. ايش معناته هذا كله ؟ هاا؟؟
اريج : يمكن جد عنده شي
شذى : لو عنده شي كان قال لي .. مو يرسل لي مسج ويكتب فيه اعذريني .. ماهو حكي هذا .. ولا حتى كلف خاطره يكلمني
اريج : يمكن انه ...
قاطعتها شذى: اريج خلاص لو سمحتي .. لا تحاولين تعطينه اعذار .. انا انهيت الموضوع خلاص وموافقه على احمد هذا
اريج : مجنووووووووووونه انتي .. كيف تقدرين اصلا تاخذين واحد من طرف منيره
شذى: لوسمحتي يا اريج .. هذا قراري ومارح اتراجع فيه لو مهما يصير .. وبدر مارح اخذه لو ايش مايصير فيني.. وبكره رح املك على احمد ورح اروح بيته .. خلاص كفايه عذاب .. معد ابي اتعذب بحبي لبدر وهو مو حاس فيني وكان يلعب بي اصلا
بيت ابومشعل
كان الكل مجتمع بالصاله .. يتقهوون ويتفرجون على التلفزيون
الهنوف: امممممممممممممممممم يالبييييييييييييييييييييييييييه يامرت اخوي تسلم يدينك المبدعه..
دلال: لا حوووول .. ارتقي لو سمحتي بكلامك ..
الهنوف وهي تاكل الحلا وتتلذذ : ماااااااابي كيييييييفي .. بعبر زي ما انا ابي ..
مشعل : وش السالفه ؟
ام مشعل : هذي اثير الله يسلمك .. مسويه حلا ولا اروووووع
دلال: تذووق ؟
مشعل : لا
دلال: يوو .. ليش؟؟ الحلا ولا ارووووع ..
مشعل يتكتف: ما احب الحلا
الهنوف: اللللللللللللللله ما اكبر كذبتك .. انت ما تحب الحلا ؟؟ انت لو عليك ماصرت تاكل الا من الحلا فطور وغدا وعشا
مشعل بنص عين : تغيرت ..
الهنوف: ومتى امداك تتغير ؟
مشعل: بلا لقافه ..
ابومشعل: بصراحه تسلم يدينك يابنتي
اثير: الله يسلمك يا عمي .. صحه وعافيه
ام مشعل : ابو مشعل .. كلمتني ام فهد وحددت معي موعد ملكة فهد ودلال .. هذا من بعد اذنك طبعا
ابومشعل : اللي تشوفينه سويه
مشعل : اوووه ما شاء الله .. اشوفك صرتي تاخذين راي غير رايك
ام مشعل عصبت: وش قصدك ؟؟
مشعل : قصدي انتي عارفته زين ..
ام مشعل خافت ولدها يتهور قدام اثير.. عادي محنون ويسويها : اقول لا يكثر بس ..
الهنوف: ههههههههههههههههههههههههههههه والله يمه قوووووووووووووويه .. اشوفك صرتي تزبدين ..
ام مشعل :اييييييش ؟؟!! وش ذا الحكي يا بنت .. ياخسارة التربيه فيك بس
الهنوف: وانا وش قلت يا كافي .. كفرت يعني ؟
ام مشعل: نفسي يوم اخانقك ولا تراديني
مشعل قام : عن اذنكم
ابومشعل: وين يبه ؟؟
مشعل : تعبان يبه ابي اروح انام شوي
ابومشعل : على راحتك .. طلع مشعل غرفته
دلال تهمس لاثير: روحي له
اثير فهت: هاا؟
دلال: رووووحي له يختي زوجك اقعدي معه .. اكيد انه يبيك بشي
اثير بسرعه وبنفس الهمس: لالالا مايبي مني شي ..
ام مشعل : اقول اثير..
اثير: سمي خالتي
ام مشعل : روحي يمه ورا زوجك يمكن يبي منك شي ..
اثير انحرجت : ان شاء الله
بالغرفه
مشعل انسدح على السرير وتنهد بقوه وحط يده على عيونه .. ثواني ودخلت اثير عليه
مشعل : نعم
اثير: معليش مشعل عشان شكلنا يعني
مشعل : اي شكل؟
اثير : شكلنا قدام اهلك .. ادري انك مو طايقني بس تكفى قدام اهلك عاملني كويس زي اي زوجين يح ...
قاطعها مشعل : ايووووة ؟؟ زوجين ايش؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك