رواية علميهم ليه احبك حب ما حبه بشر -34
مشعل انسدح على السرير وتنهد بقوه وحط يده على عيونه .. ثواني ودخلت اثير عليه
مشعل : نعم
اثير: معليش مشعل عشان شكلنا يعني
مشعل : اي شكل؟
اثير : شكلنا قدام اهلك .. ادري انك مو طايقني بس تكفى قدام اهلك عاملني كويس زي اي زوجين يح ...
قاطعها مشعل : ايووووة ؟؟ زوجين ايش؟
اثير حمر وجهها : يحترمون بعض !! هذا كل اللي ابيه منك .. مو لازم تحبني .. بس احترمني واحترم وجودي
مشعل انقلب لجهتها: هههههههههههههههههههههههههههههههههههههههههههههههههه هههههههههههههههههههه احترمك ؟؟ مو تحترمين حالك اول ؟؟ لا وبعد قال ايش قال احترم وجودك .. مو تحترمين وجودي اول ؟
اثير انصدمت من كلامه : انت ليش كلامك كل يوم صاير اقوى من اليوم اللي قبله ؟
مشعل : هذا اللي تستاهلينه مني
اثير بعصبيه : انا وش سوييييييييييييييييت لك .. ليش كل هذا ؟
مشعل : بالبدايه كان عندي امل اني احبك واتقبلك .. بس بعد اللي وصلني وشفته مارح اصدقك
اثير شوي وتبكي : طيب فهمني .. انت وشايف علي
مشعل بقرف : بس بس بس وفري دموع التماسيح هذي ..مارح تقنعيني ولا تحركين فيني شي..
اثير انقهرت من كلامه اللي كله اهانه .. طلعت من غرفة النوم وسكرت الباب بقوة وقعدت بصالة الجناح تبكي بقهر
سيارة بدر ..
بدر كان قاعد يدور بسيارته بالرياض .. رفع جواله .. وكتب رقم شذى .. لو دقيت بترد علي ولا بتسفهني .. بموووت على صوتها ..
دق مره بس لقاه مقفول .. تنهد بارتياح مايدري ليش !!!
يمكن لانو حس انو المواجهة بتتأجل شوي ..
لين يلاقي عذر يقول لها اياه ..
لا اراديا وجه لبيت عمه ابورنيم .. يبي يحاكيه
لازم يوضح له موقفه من هالخطوبه !!
بيت ابورنيم
مشاعل كانت قاعده مع امها بغرفتها تقرا مجله ..
مشاعل: طيب وش الحل الحين ؟
ام رنيم بتعب: حل لايش؟
مشاعل: يعني انحكم علي اني اخذ البارد هذا ؟
ام رنيم : عيب عليك .. هذا ولد عمك وهو اولى من الغريب ..
مشاعل : بلا حكي فاضي .. وش اولى من الغريب ومدري وشو .. باي عصر احنا العصر الجاهلي ؟
ام رنيم : انتي ليش ما تحكين معي بأدب ؟
مشاعل : والله اذا حكيتي شي يدخل العقل لك مني اللي تبينه.. وحطت المجله على الطاولة وراحت انسدحت جمب امها وحطت راسها على كتفها
مشاعل: يعني يرضيك يا ماما بنتك دلوعتك حبيبة قلبك تتزوج واحد مثل بدر لاااا وبعد غصب عنها
ام رنيم : وش فيه بدر ؟ رجال والنعم فيه وانا احبه من يومه صغير
مشاعل : مدري وش تحبين فيه هالبليد !!
ام رنيم : لا حول ولا قوة الا بالله .. لا تعبرين ولا تدبرين ..
وبعد فتره ماهي طويله دخلت عليهم وحده من الخدم تقول لهم انو بدر تحت
ام رنيم : حياه الله
مشاعل بملل: افففففففففففف منه .. لا طريب الكلب ...
ام رنيم بحده : عيب يا بنت .. هذا بكره بيكون زوجك ..
مشاعل بقهر: لا صار زوجي ذيك الساعه نحكي .. وطلعت من غرفة امها
اريج ...
كانت تفكر بحالة صديقتها واختها شذى واللي صابها .. وماهي قادره تستوعب انها هي وبدر انتهوا .. حبهم اللي خلاها تحس انو الدنيا فيها اشياء حلوة وانو فيها شي الواحد يستاهل يضحي عشانه ..
بينتهي وللابد ..
ما اقدرررر اشوفهم كذا واكون ساكته ما احرك ساكن ..
رفعت جوالها ودقت على رقم بدر بعد ما اخذته من جوال شذى بدون ما تدري
بيت ابورنيم ..
بدر كان قاعد بالمجلس ينتظر عمه يجي ..
انتظر فتره ولا جاه عمه ولا شي ..
بدر: شكله عمي ماهو موجود بالبيت .. قام وقف وطلع من المجلس وهو ماشي بالبيت عشان يتوجه للباب الا ويوقفه رقم غريب يدق على جواله ..
عقد بدر حواجبه : نعم ؟
اريج : السلام عليكم
استغرب بدر من الصوت الانثوي: وعليكم السلام
اريج : بدر ؟
بدر : من انتي ؟
اريج : انا اريج .. صاحبة شذى
بدر حس بمويه بااااااااارده انكبت عليه من طاريها والدنيا بدت تسود بعيونه من الخوف: شذى فيها شي؟
اريج بسرعه : لا لا مافيها الا العافيه
بدر قعد على اقرب كنبه : اجل ؟
اريج : انا اللي داقه اسأل وش السالفه؟
اريج :بد ر.. انت ماتبي شذى ؟
بدر بقوة : انتي عارفه انو شذى هي عمري وكلي ونصي الثاني
اريج :طيب ؟ ليش خذلتها ؟
بدر : غصب عني
اريج:مافي حاجه اسمها غصب عني ..انت دمرتها ..
بدر وهو يفك ازرار ثوبه : انتي عارفه انو شذى هي الهوى اللي اتنفسه .. ساعديني
اريج : ممكن تقول لي وش السالفه عشان اقدر اساعدك ؟
بدر: ....... مدري وش اقول لك الحين .. خليني افهم اللي انا فيه اول وبعدين احكي .. بس كل اللي ابيك تفهمينه يا اريج انو اللي صار انا مالي ذنب فيه ..
اريج تنهدت : اوكي بدر .. اخليك انا الحين .. بس زي ماقلت لك انا انتظر منك تفسير للي صار .. ولا ترى من جد شذى بتضيع منك
بدر بخوف: في شي انا ماني عارفه ؟
اريج : مافي شي .. يللا مع السلامه ,, وقفلت على طول
مسح بدر على وجهه بتعب وقام طلع من بيت عمه والافكار توديه وتجيبه
ماكان يدري انو مشاعل كانت تسمع لمكالمته من اول
مشاعل : ايييييييوة اجل السالفه فيها بنت .. من ذي اللي يحكي عنها وهو خاطبني .. لا وبعد عاشقها ..
ههههههههههههههههه زمان ما تسليت والله ..
راحت للسنترال ودقت على واحد من حراس البيت ..
مشاعل : الو .. سعيد
سعيد : سمي طال عمرك
مشاعل: اسمع .. الحين بدر ولد عمي طلع .. ابيك تمشي وراه .. كللللللل يوووم .. وتعطيني تقرير مفصل عن الاماكن اللي يروح لها .. وتعلمني فيها اول باووووول .. مفهووووووم ؟؟؟؟
سعيد : ابشري طال عمرك ..
مشاعل قفلت السماعه وعلى شفايفها ابتسامة خبث ..
ياترى وش اللي ناوية عليه مشاعل ؟؟
نعرف بالبارت الجاي ..
تحياتي ..هااااااجس ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت الواحد وعشرين
بعد يومين ..
بيت ابوشذى ...
شذى كانت قاعد بغرفتها لابسه فستان نااااعم ماهو بذيك الفخامه بس على قد اللي كان معها ..
اريج تمسح على ظهرها: بس يا شذى قطعتي قلبي
شذى وهي تبكي بصمت : صحيح كان دايم يجيني احساس اني مارح اكون لبدر .. بس عمري مافكرت اني بكون لغيره
اريج صدرها ضايق على اختها وصديقة عمرها .. مسحت دمعتها عشان تكون قوية وتقوي شذى
اريج : حبيبتي كل هذا قسمه ونصيب .. وربي كاتبه لك .. وماتدرين وش الخيره فيه .. وهذا انتي الحين بتصيرين زوجة احمد وماتدرين يمكن يقدر يسعدك ويعوضك
هزت شذى راسها يعني اي ,,
اريج : الحين عاجبك كذا ؟ خرب الكحل وساحت الدنيا
شذى ضحكت باستهزاء: حسستيني اني حاطه مكياج .. ترى كله كحل
اريج : اسم الله عليك منتي محتاجه مكياج .. تاخذين العقل
ماردت عليها شذى لانها بدت تسرح ..
طق طق طق
اريج تغطت وراحت فتحت الباب
ابوشذى بنص عين : وقعي
شذى وقعت وهي تحس الدنيا بدت تسود بعيونها .. وقعت على قرار بعدها عن بدر للابد .. وبعد تحريمها عليه ..
الحين دخلت دنيه ثانيه .. وبتصير انسانه ثانيه
وملك لانسان ثاااني ..
ابوشذى: يللا البسي عبايتك
شذى بروعه : الحين ؟
ابوشذى : اي الحين .. ماعندي بنات يقعدون هنا انا .. ماصدقت تتزوجين بعد ناويه تقعدين ..
شذى حبست دموعها .. تحس انها بكت كثيييير اليوم ..
شذى: بس انا للحين مالميت اغراضي,,,
ابوشذى: الله اكبر يالاغراض .. ترى كلها خلاقين لا راحت ولا جت .. حطيها بكيس وتوكلي
شذى بنظرة عتاب لابوها: يبه حسسني بهتمامك وحنانك لو لمره وحده بحياتك
ابوشذى مارد عليها ..طلع من الغرفه
اريج : معليش حبيبتي .. يللا نلم اغراضك .,
شذى قامت من مكانها بدون ولا كلمه زياده ..
نص ساعه وهم جاهزين ..
شذى وقفت قدام المرايه .. زينت كحلها وشعرها الاسود الطوييييل اللي مسويه فيه بف خفيفه من قدام .. وفستانها الازرق الناعم .. اللي معطيها جووو على لون بشرتها الصافيه ..
شذى: اريج انا خايفه
اريج : لا تخافين حبيبتي .. ربي معاك وبيحميك .. وبعدين لا تنسين مهما بعدتنا المسافات انا دايم ببقى معك .. وباتصال واحد منك لي بكون عندك
شذى حضنتها : ربي لا تحرمني منها
اريج : ولا تحرمني منها ياااارب ,,,
لبست عبايتها وتغطت .. وطلعت هي واريج للصاله ..
منيره بدون نفس: موفقه
شذى: تسملين ..
ابوشذى: عاد اسمع .. ماني احب خرابيط الاهالي حقت حطها بعيونك وتراها بنتي لا تزعلها .. الحريم ماينفع معهم غير الدقم والشكم على قولة ابوي .. شغلتها تهتم بزوجها وتجيب عيال
احمد : لا توصي حريص ..
شذى قرفانه من اسلوب ابوها بالحكي
ابوشذى: يللا توكلو .. ولاعاد تجيبها هنا الا بالمصايب .. مابي الناس بكره تقول انو صالح مايسأل ببنته
احمد : ان شاء الله .. اوامر ثانيه ؟
ابوشذى : لا
احمد : مع السلامه ,, طلع هو وشذى للسياره بدون صوت
ناظرت شذى سيارته .. كانت عاديه جدااا .. شكلها غاليه بس ماهي مثل سيارة بدر ..
اااه يابدر .. بكل مكان لاحقني ..
حرام افكر فيك الحين ..
احمد: شذذذذذذذذذذذى
شذى: نعم ؟
احمد : صار لي سنه اناديك ..
شذى: اسفه ماسمعت
احمد : يللا اركبي السياره ..
ركبوا اثنينهم والجو كان هااادي بالسياره ..
الجو بااارد وفيه مطر خفيييييف,, كان ولا اروع
بس ماهو الجو المناسب لهم ابد ..
مد احمد يده وشغل المسجل ..
وملا صوت محمد عبده المكان .. باغنية كلما نسنس
جا عالجرح يوم قال ابو نوره ..
كل زين اشاهده وانتم بعيد
منوتي لييييتك معي
وانت سهرت الليل اهوجس بك واعيد
هل لجلك مدمعي ..
انت هاجس خاطري .. وانت فرحة ناظري
ياقريب ويابعيد .. انت امسي وحاضري
شذى تحس هالكلمات تعصر قلبها ..
من جد .. بدر القريب البعيد ..
قريب بقلبي ..ولكن بعدين عن عيني ..
احمد قصر على الصوت : شذى .. ابيك تسمعيني زين ..انا عايش لحالي مع انو عندي ام .. امي بخليها ببيت بروحها ومعها شغاله خاصه فيها تهتم فيها وتراعيها .. انا افكر اني اجيبها عندنا عشان تهتمين فيها بنفسك .. ومابي تذمر ولا اعتراض
شذى هزت راسها يعني طيب
احمد : اهم شي تهتمين فيني انا وبسسسس , ادخل اطلع اروح اجي اشب احترق مالك كلمه معي غير حاضر وسم .. حركات الحريم مانيب احبها ,, لاني اكره ما اكره اللقافه
شذى عقدت حواجبها .. كيف يكلمها كذا وهي عروس
احمد : ارجع الاقي اكلي جاهز واغراضي بمكانها .. ما احب اطلب ابي كل شي يجيني لعندي .. انك تقولين لي ابي اروح ابي اجي انسسسسسي ما احب الحريم اللي يتنقزون من مكان لمكان
شذى بلعت غصتها .. اللي ينعرف اوله ينعاف تاليه
احمد : وبعد واجباتك كزوجة تسوينها من جميع النواحي وبدون تذمر .. فاهمه ولا لا
شذى حمرت خدوها من الخجل والقهر : كيف يكلمها كذا .. مايراعي انها توها ماهي مستوعبه انها زوجته ..
احمد : مفهووووووووووووووووووووم؟؟
شذى : مفهوم
احمد : اي ردي .. ما احب اللي يطنشني
شذى بينها وبين نفسها ,, وش تحب انت ؟!!!
وصلوا لبيت بحي راقي بالنسبه للحي اللي كانت فيه شذى
اول مره تجي حي مثل كذا .. صارت تناظر المكان حلوها
احمد : يللا ننزل ؟
شذى فتحت الباب ونزلت بدون ولا كلمه ..
دخلوا الفيلا الصغيره وسكر احمد الباب .. شذى تمشي وراه بدون ولا كلمه
دلها على غرفتهم
احمد: انتي غيري ملابسك وانا بطلع بره ..
شذى شالت عبايتها .. وناظرت الغرفه من حولها ..
كانت احلى غرفة شافتها بحياتها .. كبيره وفيها سرير وااااسع وشكله مريح .. والانوار مبهره .. والتسريحه متجهزة بكل شي وحتى الدولاب فيه ملابس .. والحمام - اكرمكم الله - نظيف وريحته حلوة من العطور
حمدت ربها .. على الاقل مارح تعيش ذليله ..
وقفت قدام المرايه وعدلت شكلها ..
مسحت على شعرها وسرحت
شذى: ههههههههههه عيب عليك ما تستحي انت ؟
بدر: تكفين شذى بس هذا السؤال
شذى: لااااااااا
بدر : مابي اعرف شي ثاني .. بس سؤال .. شعرك طويل؟
شذى: امممممممم
بدر: ياللللللللللللله
شذى: ايوة
بدر : لوين ؟
شذى: اممممم لاخر ظهري
بدر :صددددق
شذى: هههههههه اي
بدر: يالبييييييييه .. انا داري اصلا انك احلى بنت بالدنيا .. تكفين شذى لا تقصينه .. ابي اشوفه لما نتزوج
شذى انحرجت: احم .. ممكن نغير الموضوع ؟
بدر : لاااا لين اخذ منك وعد ..
شذى: وعد ياروح شذى انت ..
مسحت دموعها اللي صارت تنزل بدون توقف .. خلاص يابدر .. ماني لك .. انكتبت لغيرك ..
دخلت الحمام وغسلت وجهها .. وقعدت على الكنبه ..
طق طق طق ..ودخل احمد ..
احمد : ها شذى ما ... وتصنم مكانه ..
ملااااااااااااااك قليله بحقها ..
كانت تجنن .. شي فوووق الوصف
كل شي فيها يسحرررررر
قرب منها وهو متخدر ..
احمد : اجل كنتي ناوية تحرميني من هذا كله يوم خطبتك اكثر من مره وصرتي ترفضين ؟
شذى سكتت ماعرفت وش تقول
احمد قرب يبي يبوسها
شذى بسرعه بعدت : لوسمحت ..
احمد رفع حاجب: نعم ؟؟
شذى: لا تقرب مني ..
احمد بعصبيه : نعم عمتي ؟
شذى خافت منه .. شكله ماهو سهل: اقل شي مو الليله .. انا ماتعودت على فكرة الزواج .. لو سمحت
احمد حط يده على خصرها وقربها منه زياده : انا قلت لك .. انا امر ما اطلب .. وصار يحرك يده على خدودها بشويش وينزل لرقبتها ..
ولما امر .. يعني يتنفذ .. فاهمه ولا لا ..
شذى ماقدرت تقاوم دموعها .. اخذها و .....
بيت ام عبدالله
مها : خاااااااااااااااااااااااالد
خالد من فوق الدرج : نعم نعم ,, وش عندك تصارخين
مها: انزل لي ابيك
خالد وهو ينزل : امري
مها: مايامر عليك عدو ,, وبدلع .. خلووود حبيبي
خالد بنص عين : هاا
مها: ممكن توديني المول ؟
خالد : لالالا مالي خلق انتي مشاويرك للمول ما تخلص ,, تاخذين ست ساعات وبالحيل اطلعك منه بعد
مها: تكفى خااااااالد ..
خالد : وليش ماتروحين مع السواق
مها : السيارة بالورشه,,
خالد بخبث: كللللل السيارات بالورشه ؟
مها : افهم عاد وابيك توديني ,, تكفى خلود ابي اكون بكره احلى وحده بعزيمة رجوع ماجد وبندر
خالد تنهد : امري لله .. انتي اللي يطيح بيدينك يقدر ينحاش .. يللا خلصي وانا انتظرك هنا
مها :شكررررررررررررررا ,, وتوجهت للدرج ورجعت له
مها: خالد
خالد : هاااااااااا ,, تراك ماتنعطين وجه
مها : بس طلب اخر
خالد حط يده على خده : وشو ؟
مها : نعدي على ديما
خالد :.... طيب ,,
مها بابتسامه: ما انحرم منك يارب ..
بيت ابوبندر ..
ديما كانت تلاعب سلطان بالصاله وريما قاعده معها تشرب قهوة
ريما: ماتلاحظين يا ديما انو بدر صار له فتره ماطلع من الغرفه ؟
ديما بحزن : اي والله حتى الدوام مايروح له .. من بعد ماابوي رفض خطبته ..
ريما: انا ماني فاهمه شي .. ابوي طلع هو وبدر وعمتي عشان يخطبونها .. وطلعوا ورجعوا وبالنهايه يقول ابوي هونا ..
ديما: يمكن سمعوا شي عن اهل البنت ؟
ريما: والله مدري كل شي جايز .. عا كله كووووم وخطبته لمشاعل كوم الثاني ..
ديما بعصبيه : من جددد .. شاف اخلاقها يوم يروح يخطبها ذي ؟ خلصوا بنات الدنيا والعايله يعني !!! مشاعل ذي ما تتعاشر اعوذ بالله منها ..
ريما: عيب ديووم.. هذي بتصير زوجة اخونا ..
ديما بانفعال: الله والزوجه والله .. ذي بلوة من رب العالمين ..
ريما : هههههههههههههههههههههه ياحبي لك ..
سلطان مستغرب: ليث معثبه ؟
ديما تبوسه : ماني معصبه حبيبي
رجع سلطان يلعب بسيارته ...
ديما: اقوول ريما .. بروح المول بعد شوي انا ومها نجيب كم غرض ناقصنا .. تجين ؟
ريما : امممم والله مدري..
ديما: تكفين تعالي .. حتى لوماتبين تشترين شي .. ابيك تساعديني تعرفيني احب ذوقك
ريما بابتسامه : مقدر ارد لك طلب .. ومسكت جوالها
ديما: من بتكلمين ؟
ريما : بكلم العله اللي اسمه حمد بقول له اني بطلع لا يسوي لي سالفه الحين
ديما: هههههههههههههههههه في وحده تقول عن خطيبها كذا؟؟
ريما : اناا .. وربي ماقد شفت بدفاشته ذا الرجال .. تصدقين ؟ .. صرت اشك انو في شي بعقله ماهو طبيعي ...
ديما : شي ايش ؟
ريما: والله مدري .. نظراته كذا وردود فعله دايم عنيفه
ديما:ههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههه
ريما: خييييييييير قايله شي يضحك انا ؟
ديما: هههههههههههههههههههههههه لا بس بصراحه اول مره اشوف وحده ماتتغزل بخطيبها .. انتي على طول شغاله فيه ذم
ريما وهي تناظرها بنص عين : ماهو ذم .. هذي حقائق حبيبتي
ديما:ههههههههههههههههه
ريما تقلدها : ها ها ها .. ما يضحححححححححححك .. ودقت على حمد وعطاها الموافقه بعدما طلع عيوووووووونها
غرفة بدر ..
بدر كان مسندح بغرفته .. التفكير بشذى ذاااابحه ..طق ابوه الباب ودخل
ابوبندر: بدر ..
بدر:......
ابوبندر: ياولدي مايصير اللي تسويه بروحك
بدر:........
ابوبندر: ياولدي مشاعل بنت عمك وانا متأكد انك رح تحبها وتنسى شذى مع الايام .. رح تسعدك وتعيش معها احلى ايام وقول ابوي ما قال
بدر: لاتجيب طاري مشاعل يبه تكفى .. انا ماني طايقها اساسا ..كيف عاد وهي بتاخذ مكان شذى بحياتي
ابوبندر: مكان شذى بحياتك كان اكبر غلط .. بس الحمدلله اكتشفناه قبل فوات الاوان ,, واللي انكسر يتصلح بزواجك من مشاعل
بدر تعدل بجلسته : يبه ممكن سؤال؟
ابوبندر: اسأل وانا ابوك
بدر : وش شيف على شذى ؟!!!!
ابوبندر: ........
بدر: انت سامع عنها شي؟
ابوبندر بسرعه : لا والله
بدر: طيب وش اللي خلاك ترفضها ؟
ابوبندر بسرعه يبي يخلص من اسئلة ولده : مستواها الاجتماعي مايليق بعايلتنا
بدر بنظره : لا تحاول تقنعني بهالشي .. انت اخر انسان تفكر بحاجه زي كذا ... وانت اللي دايم تقول تواضعوا يا عيالي ترى كلنا عيال ادم وحوا
ابوبندر : ................
بدر : ايوة ؟؟
ابوبندر : بدر انا قلت لك لا يعني لا .. خلاص .. وانا لما اقول لا مابي اسمع مناشقه
بدر: بس انت عمرك ماجبرتنا على شي .. شلون عاد اذا كان موضوع زي كذا ؟
ابوبندر : لانو موضوع مصيري .. وابي لكم الخير فيه .. وانا سويت اللي سويته عشانك انت والعايله ماتتفكك بكره بعدما تجيبون عيال
بدر وهو ماهو مستوعب : وانت على اي اساس تحكم على زواجي من شذى بالفشل بالمستقبل واحنا اكثر اثنين متفاهمين بالدنيا ؟
ابوبندر: لاني ابوك وعندي نظره للمستقبل ..
بدر :طيب ليش خطبت ليي مشاعل بالذات .. وانت عارف اني ماني متقبلها لا انا ولا خواتي حتى
ابوبندر : انت مصيرك تتقبلها .. وخواتك مالهم شغل
بدر : كيف مالهم شغل واحنا بنعيش سوا بعايله وحده زي ماتقول ..
ابوبندر : خواتك مصيرهم الزواج .. وبكره بيلهون مع ازواجهم ..
بدر بقهر: يبه انت عمرك ماقسيت علي ولا ظلمتني وانا صغير .. تكفى لا تسويها وانا كبير
ابوبندر وقف:انا عمري ما ظلمتك .. انا احبك واخاف عليك .. صحيح اني جبرتك على شي ماتبيه وخطبت لك مشاعل .. بس ماني جابرك على موضوع الملكه والزواج .. خذ راحتك والوقت اللي تشوفه مناسب بالنسبه لك حدده مع عمك وقول لي .. ماني جابرك على شي .. بس لا تنسى بعد انو مشاعل بنت عمك ومالها ذنب .. حاول تحبها وتتقبلها وتعدل ..
بدر مارد على ابوه بس عطاه نظرة عتب قطعت قلب ابوه عليه ..
ابوبندر : لا تلومني ياولدي .. يللا قوم حلق وتحمم ..ما عرفتك كذا .. ابيك زي ماكنت .. بدر المهتم بحاله وشكله .. ولا تخلي شي يأثر عليك ..تبي شي ياولدي ؟
بدر مارد عليه بس صد للناحيه الثانيه ..
تنهد ابوبندر وطلع من الغرفه مخلي دموع القهر والحزن والضياع تنزل من عيون ولده الغالي ..
بدر: ظلمتني يبه والله يسامحك ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك