رواية علميهم ليه احبك حب ما حبه بشر -35
ابوبندر وقف:انا عمري ما ظلمتك .. انا احبك واخاف عليك .. صحيح اني جبرتك على شي ماتبيه وخطبت لك مشاعل .. بس ماني جابرك على موضوع الملكه والزواج .. خذ راحتك والوقت اللي تشوفه مناسب بالنسبه لك حدده مع عمك وقول لي .. ماني جابرك على شي .. بس لا تنسى بعد انو مشاعل بنت عمك ومالها ذنب .. حاول تحبها وتتقبلها وتعدل ..
بدر مارد على ابوه بس عطاه نظرة عتب قطعت قلب ابوه عليه ..
ابوبندر : لا تلومني ياولدي .. يللا قوم حلق وتحمم ..ما عرفتك كذا .. ابيك زي ماكنت .. بدر المهتم بحاله وشكله .. ولا تخلي شي يأثر عليك ..تبي شي ياولدي ؟
بدر مارد عليه بس صد للناحيه الثانيه ..
تنهد ابوبندر وطلع من الغرفه مخلي دموع القهر والحزن والضياع تنزل من عيون ولده الغالي ..
بدر: ظلمتني يبه والله يسامحك ..
سيارة خالد
خالد :مها تكفين عاد مو تلطعيني قرن .. لانو حدي مالي خلق بس طالع عشانك
مها: ياخي من ركبنا السياره وانت توصي فيني تراك ذبحتني
خالد : عشان مايكون لك عذر وتقولين نسيت
مها وهي تطلع جوالها من الشنطه : طيب طيب لا تكثر حكي
خالد طلع عيونه : منتي صاااااحيه انتي .. يازين من فتح الباب ورماك
مها مدت لسانها له وقالت : الووو ديما .. ثوااااااني وانتي بالسياره عندي لا قسم بالله اطلع واجرك مع شوشتك .. باااي
خالد التفت لها : انتي هييييي وش ذا الاخلاااق .. اكلتي البنت مسكينه .. اقل شي خذي نفس
مها : لا والله ماهي مسكينه بنت عمي وانا اعرفها ان مالعنت شكلها قسم ماتطلع من البيت الا بطلوع الروح .. وبعدين هذا جزاي يعني عشانني مابي الطعك بره وقت ؟
خالد: هههههههههههههه لا والله فيك الخير
دقايق ..
ديما: السلاااام عليكم
مها وخالد : وعليكم السلام
مها التفتت لها : انا ماقلت لك ثواني ؟؟
ديما: مها وش فيك انتي ., اطير يعني اطير ؟ لبست عبايتي وجيت ركضه .. وانتبهت لخالد ...اووووه ولد عمي المصون هو بنفسه جاي يوصلنا
خالد ابتسم : شفتي كيف ,, اخر عمري اصير سواق لك ولبنت عمك
ديما: هههههههههههه شلونك ؟
خالد : بخير الحمدلله
مها : ممكن افهم وش تنتظر .. يللا خلنا نروح لا نضيع وقت
ديما بسرعه : لالالا دقيقه
مها بملل: وشو بعد ؟
ديما: ريما جايه
مها التفت بسرعه تشوف ردة فعل خالد بعدما سمع اسمها .. لقت نفسه يتزايد ويضغط بقوة على الدركسون
مها بشويش: ريما جايه ؟
ديما: ايوة جايه .. هذي هي جايه..
مها سرقت نظرة لاخوها شافته يناظرها بنظرات كلها عتب .. صدت للناحيه الثانيه ..
ريما بهدوء: السلام عليكم
الكل: وعليكم السلام
ريما: سورررررررري اخرتكم بس والله سلطان تعلق فيني ماخلاني اطلع ..
ديما: قلت لك اطلعي من ورا بس ماسمعتي كلامي
ريما: معليش كنت عجله .. شلونك مها ؟
مها بهدوء لانها حاسه بالذنب : بخير
ديما: ماشاء اللللللللللله تو لسانك طولك .. والحين يوم حاكتك ريما لبدتي
ريما : شلونك خالد ؟
خالد بنفسه : لا تكفييييييين لا تذبحيني زياده .. لا تقولين اسمي على لسانك ..كلما ابي اشيلك من بالي تطلعين لي بشكل اقوى من اللي قبل .. ياااارب ما اتحمل هالعذاب
خالد بلهفه ماقدر يمسكها : انا بخير دامك بخير ..
مها وجعها قلبها على اخوها
وريما ابتسمت لانها تحب تحس انو خالد يهتم فيها ماتدري ليش,,
حرك خالد .. وكلها ربع ساااعه وهم واصلين المول
مها التفت لخالد : مارح تنزل؟
خالد : لا بقعد انتظركم هنا اذا خلصتوا دقوا علي عشان اعلمكم بمكان السياره
مها : طيب ..مارح نطول عليك ..
خالد هز راسه يعني اوكي ..
نزلوا البنات من السياره الا ريما ..
ريما: امممم خالد
خالد من دون شعور : ياعيووونه
ريما انحرجت: ليش ماحضرت ملكتي ؟
خالد حس بسكين يقطع قلبه : كنت مضطر
ريما: في شي اهم من ملكة بنت عمك ؟
خالد لا تزييييييييييييييدين الجرح : لا وربي يشهد مافي اغلى منك .. بس كانت عندي امور لازم ارتبها وسافرت .. اعوضك ان شاء الله
ريما بتفهم : اوكي .. تامر على شي ؟
خالد بنبرة هاديه : انتبهي على نفسك يالريم ..
ريما انتفض جسمها من نبرته : لا توصي .. ناظرت بعيونه ثواني من المرايه ونزلت بسرررررررعه
وخالد صار يتبع ريما بنظراته .. اشتقت لك ياروح قلبي.. ياما تمنيت تكونين لي .. بس ربي ماكتب ..
مااااااااااانت ملكي ..
يا ابتسامة دنيتي واطهر ذنوبي..
مـ انت مللللكي ..
ياشروقي في متاهات الليالي ..
خااايف تصبح غروبي ,, خايف لحظة وداعك
ما انت لي وادري بضياعك .. ادري
وانسى ,, وانت تنسى
لمتى واحنا مركب حبنا محتاج مرسى ؟!
لمتـــــــــــــــــــــى؟؟
نقسى " علينــــا " مثل ما هالعمر يقسى ؟!!
لمتى اغمض عيوني ؟
لمتى تسكت ظنوني ؟
لمتـــــــــــــــــــــــى ..
اسرق دقايق شوفتك واحيا عليها ؟!
كاااااذب بحلفي حبيبي ..
غصب عني اعرف انك مو نصيبي 3/<
مـ انت ملكي ,, بس احبك ..
لمتى يا شمس احبـــــكـ ؟
مـ انت ملكي ..بس اووودك ،،
لمتى يا كلي أودكــ ؟
ماتمنيت أعشقك ,, صرت مقدر أعتقك ,,
صرت مقدررررر أفقدك ..
آآآه يا أنقى ذنوبي ,,
قالها العالم بصووته ,, مـ انت ملكي !!
وقلت لك مليووون مره ,,
مـ انت ملللللللللللكي !!!
بيت ابومشعل ..
مشعل كان قاعد يتفرج على فلم ومندمج .. دخلت عليه اثير وقعدت عالكنبه المقابله
مشعل حس بوجودهامن ريحة عطرها بس ما التفت ولا تحرك فيه شي ..
اثير: مشعل ,,
مشعل :خير
اثير : امممم ممكن اطلع ؟
مشعل التفت لها : على وين ان شاء الله ؟
اثير: بروح لوحده من صاحباتي وبنطلع السوق سوا وبنرجع على هنا ..
مشعل : لاااااا
اثير: تكفى مشعل ما شفتهم من تزوجت .. بطلع معها شوي بنجيب اغراض لنا ونرجع ..
مشعل : قلت لا يعني لا
اثير قعدت جمبه عالكنبه وقالت بلكاعه : ترى كلها ساعتين .. معقوله مو قادر تصبر عني لو شوي ..
مشعل انصدم ماقد حكت معه بهالشكل ,, التفت لها بسرعه ..
تسحررررني بكل شي .. خليها تروح احسن بدال ما تتهور الحين ,,
صاير مقدر امسك حالي
اثير بدلع : وش قلت ؟
مشعل صد : روحي بسرعه ولا تتأخرين ..
اثير ابتسمت بانتصار : شكرا .. وقامت تغير لبسها ..
مشعل تنهد براحه يوم قامت من عنده ..وصار يخبط راسه بقوووة بيده
اررررركد يامشعل .. انت اقوى من كذا
مو هالحقيره اللعابه تسوي فيك كذا ..
اثير كانت تضحك بشويش .. والله انا اللي اعرف لك يا مشعل ..
سكتت شوي .. وبدت الابتسامه تروح منها ..
لو اعرف بس ليش تكرهني ... وليش تعاملني بالشكل السيء هذا .. حتى ماعطيت نفسك فرصه تتقرب مني
بديت احبك .. وانا ولا جيت على بالك .. بس برررضو كرامتي فوق كلل شي .. بصبر شوي عشان كلام الناس .. لكن بعدها بطلع من حياتك ولارح تلاقيني من جديد ..
مشعل :اثيير..
اثير التفت له
مشعل بحده : تغطي كويس .. ولا يبان منك شي .. ومن السوق للبيت على طول ..مابي حركات نص كم
اثير بنظره قوية : وش تقصد ؟
مشعل: اللي فهمتيه
اثير قربت منه وقالت بعصبيه : شوف يامشعل .. طنشتني وقلت مايخالف .. منت متقبلني قلت معليش مصيره يتعود علي ويتقبلني .. تتجاهل وجودي كل الاوقات قلت هين بصبر .. بس انك تشكك بأخلاقي وتربيتي هذا شي انا مستحيل اسكت لك عليه
مشعل باستهزاء: لا اسم الله عليك .. تعرفين معنى الاخلاق والتربيه .. مع انك ما ذقتيها ولا جربتيها ..
اثير قربت منه ودفته بقوة لين طاح عالكرسي وهو اصلا انصدم من حركتها
اثير بعصبيييييييييه ماقدرت تسيطر عليها : انا اشرف منك .. ومتربيه احسن منك .. وان صبرت عليك اول ماني صابره عليك تالي .. لا تاخذ كل مافيني وتستغل سكوتي .. عشان ما اوريك منهي اثير الثانيه .. خذت شنطتها وطلعت بسرررررعه قبل لا ترجع وتذبحه ,,
مشعل بعصبيه وصراخ : اووووووريك يا حقيره ..
عند شذى ..
قامت شذى من غفوتها بعد ما سمعت الرنين المتكرر لجوال احمد اللي كان نايم جمبها ومو حاس بشي ..
كشرت بقرف منه وصارت دموعها تنزل على خدها بقوووة ..
تبكي وتبببببببكي وتبكييييييييييي
تفقد الامان اذا ماسمعت صوته .. اشتاقت له واشتاقت لكلمة احبك منه ..
قامت من مكانها ووقفت قدام المرايه تشوف حالها ..
انصدمت .. وش هذا الانسان قسم بالله انه وحش ..
غطت الاجزاء المكشوفه من جسمها ودخلت الحمام بثقل .. غسلت وجهها وطلعت لها ملابس واخذت لها شور حار وطويييييييييل يدفيها ..
اخذت جوالها اللي باقي لها من ريحة بدر وتوجهت للبلكون وصارت تطل منه .. تمنت تفتحه بس خافت تمرض من الجو ..
بكت نفسها .. وبكت حبها لبدر ..
فتحت الجوال .. ولقت مليووووون اتصال ومسج .. كلللللللها من بدر ..
*شذى حبيبي طمنيني عليك
*طيب ردي علي وانا افهمك
* لا تسوين فيني كذا وربي احبك .. انت قاعده تذبحيني
* شذى بمووت ابي اسمع صوتك ..
زاد بكاها وهي تحاول تكتمه .. لانها لو اطلقت دموعها مارح توقف لين تموت ,,
قررت ترسل له مسج ..
وكتبت باصابع ثقيله وترتجف
رجااي توضح اسبابك
سكوتك زاد بي افكاااار ,,
اذا ناوي هوى غيري ,, عسى رب السما يصونك !!
بدر لا تتصل مره ثانيه .. انا تزوجت اليوم .. انساني مثل ما انا بحاول انساك
شذى بين دموعها: مافي الا كذا .. اكييييد لقى له وحده غيري وحبها .. وحده بنفس مستواه ومركزه ورح تعيشه بجنه .. ولا انا وش يبي فيني اصلا
من الناحيه الثانيه بدر ..
بدر فرح يوم شاف اسمها بجواله .. لكن احلامه انهارت يوم قرى المضموون
ايش يعني تزوجت ؟؟ طيب وانا ؟؟
وين راحت ايامنا وحبنا نسته ؟
رسل لها وهو للحين مصدوم وماهو مصدق اللي قراه قبل دقايق ..
ان كان خنتكـ .. عسى اللا لا يسامحني ..
بس انت خنت الوفا والجرح يااااكبره
كيف يطاوعك قلبك تسوينها ياشذى وتنهين حياتي وروحي المتعلقه فيك ؟ كيف هان عليك حبي باهالبساطه تبيعينه ؟!!
شذى تقرا وقلبها يدق من كلامه ..
انا خنتتتتك ؟!!!!
رسلته له ..
انت من علق حياتي واختفى !!
لا قطع حلمي ولا جاااب الطموح
لا الوصل تبغاه ولا تبغى الجفا
كان ماودك تجي قلها واروووح
صاحبك ماضيعه غير الوفاا
ماكسب من هالوفا غير الجروح
بدر ..
غصصصصصصصصصصصصصب عني .. انا مالي ذنب .. ليش ماهي راضيه تفهمني ؟ وين اللي كانت تقول لي اعذرك لومالك عذر؟
كل هذا نسته ؟ وهنت عليها .. وراحت تتزوج كمان !
رسل لها ببروووود
ممكن اسمع صوتك للمره الاخيره بحياتي .. ؟ اول واخر طلب اطلبه منك تكفييين لا ترديني ..
وصلها المسج .. زادت دموعها .. ودقت عليه ..
عطاها مشغول .,ورجع دق هو
ردت بدون ماتقول ولا حرف ..
بدر بصوت مخنوق: شذى ,, روحي
شذى ماسكه دمعتها وتحاول تقاومها :.........
بدر : ياروح بدر انتي سمعيني صوتك ..
شذى معد قدرت تمسك شهقاتها
بدر وهو يدمع : سامحيني .. سامحيني ياكلي انتي ,, غصب عني ضيعتك من يدي .. ماهو بيدي وربك ..
شذى بصوت باكي : بدر
بدر بيموت من دموعها : لاعيون بدر .. الا هالدمووع تكفين ..ابيع عمري ولا تنزل دمعه من عيونك ..
لا تعذبيني اكثر يا شذى ..
شذى وهي تبكى: خلاص احنا انتهينا
بدر وقلبه ينزف: لو انتهيت من حياتك تذكري انك بتبقين فيني .. بعييشك حاضر ومستقبل .. وعمرك مارح تكونين ذكرى بالنسبه لي
شذى: بدر تكفى خلاص
بدر : شذى ياعمري .. بقول لك اخر شي واقفل ..
شذى :........
بدر بصوت يتهدج : عهد ابقى على حبي وحبك
ولاخر نبضة في قلبي أحبـــــــــــــــــــك ..
يا اغلى حلم حققته في عمري
يافرصه في حياتي ماتكرر ..
بدر : لا تفكرين اني بعتك او ارخصتك يوم عطيتك موعد واخلفت .. كل اللي ابيك تعرفينه اني احبك ومقدر اضرك ..
الحكايه كلها قسمه ونصيب .. واللي صار غصب عني
موفقه ياروح بدر .. وطول مانا عايش مارح ينبض قلبي لغيرك ..
انتبهي على روحك ..
وربي أحبــــــــــك ..
وقفل بدر على طول خايف يسمع دموعها كمان مايمسك حاله ويروح يذبح نفسه ..
اما شذى من قفلت منه تسندت على اقرب كنبه وصارت تبكي حبها اللي مات قبل لا يشوف النوور
بدر قام غير ملابسه وتوجه لبيتها ..
مايعرف كيف وصل هناك .. بس يبي يشوف اي حاجه منها ..
يمكن ماتكون صادقه .. يبي يوهم حاله بالعكس ..
بس الحقيقه المره .. انو شذى انكتبت لغيره ..
بيت ابورنيم..
رنيم كانت قاعدت تشرب عصير بغرفتها ..
دق السنترال وردت ..
مشاعل: نعم
سعيد : عمتي مشاعل
مشاعل وهي تشرب العصير : هممم
سعيد : جبت لك التفصايل عن عمي بدر ..
مشاعل تعدلت بجلستها وقالت باهتمام: ايوة .. وش التفاصيل ؟
سعيد : هو صار له فتره طويله ماطلع من بيته ,, ماطلع غير اليوم ..
مشاعل : اوكي ؟
سعيد : واللي صار طال عمرك ............ قال لها سعيد كل شي
مشاعل قفلت منه وهي مستغربه ..
ههههههههه ياصغر الدنياااااااااااااااااااااااااااااا .. دام الموضوع كذا اجل بدر رح يكون لي وماهو لغيري ..
وخالد .. برضو رح يكون لي .. هذا حبيبي ودنيتي
اما البارد بدرررر .. رح اتسلى فيه شوي عشان يعرف ثاني مره يرفض مين ..
توقعاااااااااااااتكم
واتمنى يكون البارب عجبكم ..
هاجس ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت الثاني والعشرين
في الموووول
ديما: مهاااا وش جاك انتي
مها : وش جاني
ديما: فجأة اشوفك هاااجده لا كلام ولا اييي شي .. وش مضيق صدرك؟
مها وهي تتفحص الفساتين : وش فيني يعني ما تشوفين مشغوله قاعده انقي فستان مناسب
ديما بنص عين : والله مدري عنك
من الناحيه الثانيه كانت ريما تشوف لها لبس .. ودق جوالها
تأففت اول ما شافت المتصل وقررت تطنش .. بس الجوال ما وقف عن الرنين وماااسك خط
ريما ردت بحده : هلا
حمد:لا ياشيخه .. بدري كان مارديتي
ريما: ما سمعته
حمد: ليش وش مشغوله فيه "؟
ريما: نسيت اني قلت لك اني بطلع المول مع بنت عمي واختي
حمد: للحين ماخلصتو؟
ريما: ماصار لنا ساعه من دخلنا
حمد: ارجعي
ريما انصدمت: وش ارجع وانا جايه مع بنت عمي وفوق هذا لسه ماشريت شي
حمد: ماهي مشكلتي
ريما: حمد وبعدين يعني
حمد: انا زوجك وقلت كلمة تتنفذ سامعه ولا لا
ريما بعصبيه : طيب
حمد قفل بدون ولا كلمه وريما قررت تطنشه ولا ترجع الا وهي شاريه اللي هي تبيه .. وكملت وهي ميته من العصبيه ..
بس بسرعه هدت يوم ذكرت خالد ولد عمها .. ياحبي له
يكلمني بحنان هذا وهو غريب علي .. وهذا زوجي الله يسخه جايب العيد فيني وبأيام الملكه ..
عند اثير
اثير: يقهررررررررررررر يا ابرار
ابرار: يابنتي وش فيك هدي .. ترى احنا طالعين نغير جو ونوسع صدورنا مو نتنكد
اثير : انا مدري ليش يعاملني كذا .. وربي ما شاف مني غير كل الخير .. مع انه ما يحاكيني ولا شي .. لدرجة اني شكيت اني سويت له شي ايام الطفوله عشان كل ذا الحقد
ابرار: هههههههههههههههههههههه ياربي .. يابنتي خلاااااص فكينا من سيرته
رن جوال اثير شافت الرقم : كملللللللللللللللت
ابرار: وشو بعد ؟
اثير: هذا اللا يسلمك رقم مزعج دين والديني .. كللل يوم يدق ومطفشني ويرسل مسجات حب وغرام وقلة حيا
ابرار: طيب ردي يمكن تحد تعرفينه
اثير طيرت عيونها: وش اعرفه ما اعرفه .. انهبلتي انتي
ابرار: يابنتي يعني ممكن تكون وحده من صاحباتك
اثير: لا ولا وحده منهم .. لو انها وحده من صاحباتي كان قالت لي بمسج ولا اي شي
ابرار: هاتي اشوف .. وردت
ابرار: نععععععععععععم
.....: ممكن صاحبة الجوال
ابرار انصدمت : اثير يعرفك هذا
اثير عقدت حواجبها : من هذا ؟
ابرار: مدري
اثير : ماني محاكيه احد
ابرار وهي تكلم : انت وش تبي فيها .. ومن فين جبت رقمها ؟
.....: مالك حق تعرفين شي .. والكلام هذا مايعنيك .. عطيني صاحبة الجوال
ابرار: لا يكثر ماني معطيتك احد
اثير تسحب الجوال من ابرار: نعم .. انا صاحبة الجوال
.....: ........
اثير: الوووو
.....: ..........
اثير بعصبيه : الحين انا بفهم طالبني وداق علي بس عشان تسكت ..
.......: .........
اثير: عنك مارديت ياقليل الادب .. وقفلت بوجهه
ابرار: مين طلعع ؟
اثير طالعت ابرار وعيونها يطلع منها الشرر: يعني ما شفتي انه ساكت ولا حكى !!!
ابرار سكت مقدر عصبية صاحبتها وتوجهوا سوا للمول
بيت ام مشعل
مشعل كان مولع من القهر والعصبيه .. كيف تتجرأ وتكلمه بالشكل السيء هذا .. وفوق هذا تمد يدها عليه .. والله ما اخليها بحالها .. وتشووووف يا انا ياهي ..
قطع عليه صوت نغمة رسايل جواله وفتحها ..
طلعت عيونه من اللي قراه ...
ورمى الجوال من القهر ..
بيت ابو رنيم
رنيم كانت قاعده تقرا كتاب بغرفتها ودخلت عليها مشاعل
مشاعل :طفففففففففففففففففففففففشششششششششش
رنيم وهي ماشالت عينها من على الكتاب : اقري لك كتاب
مشاعل: الحين انا ما دخلت الجامعه عشان ما انجبر على الكتب وقرفها .. وتبيني اقرى كتاب عباطه
رنيم: والله هذا اللي عندي
مشاعل : تعالي رنيم .. انتي مو بكره بيرجع خطيبك من السفر ..
رنيم : طيب؟
مشاعل: وش طيب .. منتي متجهزة لعزيمته ؟
رنيم وهي تقلب صفحة الكتاب: الا ملابسي جاهزة بالدولاب ..
مشاعل: انا اللي اعرفه انو البنت اذا كان الموضوع له دخل بخطيبها تكشخ ووتجهو من قبلها بيومين مو بنفس اليوم .. وتشرف على عزيمتعه لأدق تفاصيلها
رنيم رفعت عينها لمشاعل : طيب ؟
مشاعل مقهورة من برود اختها :وش طيب .. يعني قومي تجهزي .. وكملت بسخريه ..ههه ولا واثقه يعني انك جميله لذيك الدرجه اللي حتى ما تخليك تشيلين هم شكلك بكره ..
رنيم رجعت للكتاب بدون ماترد عليها
مشاعل بعصبيه : وش برودك انتي ..ما تحسين ؟
رنيم: يعني بالله وش تبيني اقول لك ؟ تعبت وانا افهمك انو الجمال مو كل شي .. بس انتي تفكيرك صغير
مشاعل قربت منها : وش تقرين ؟
رنيم : ميشو حبيبتي انتي كلما جيتيني لازم ترفعين ضغطي !!
مشاعل وهي تقرا اسم الرواية اللي تقراها مشاعل : امممم والله مو هينه اختي تقرا بالحب وهالاشياء
رنيم قفلت الروايه وحطتها جمبها وحطت يدها على خدها والتفتت لمشاعل
مشاعل بحماس: رنوووم تحبينه ؟
رنيم : منهو ؟
مشاعل: مين يعني .. ماجد
رنيم : يمكن !!
مشاعل:شلون يعني يمكن ؟
رنيم : يعني اول كنت احبه وكذا .. بس الحين مدري
مشاعل بخبث: يعني اول يوم كنت اسألك انتي وش سالفتك تسرحين واغانيك كلها حب وشوق كان فعلا في احد بحياتك بس كنتي تنكرين !!
رنيم بشبه ابتسامه : ايوة
مشاعل: طيب هو يحبك ؟
رنيم لفت وجهها للناحيه الثانيه وتنهدت
مشاعل: وشووو ؟
رنيم: مدري
مشاعل استغربت : وش فيك كلما سألتك حاجه تقولين لي مدري ومدري
رنيم : يعني مدري
مشاعل ترمي المخده على رنيم
رنيم:ههههههههههههههه ياهبله ,, وقامت من مكانها
مشاعل : وين رايحه الحين ؟
رنيم: عند ماما ماشفتها اليوم .. تجين معي ؟
مشاعل: اممم يللا
رنيم تلتفت لاختها:يا حبي لك لا صرتي كذا بشوشه وتسولفين معي .. انا اختك يا مشاعل ومالنا غير بعض
مشاعل باستهزاء ونص عين : لا تفرحين مرره يا عسل .. الطفش يعمل العمااايل .. ولولا هالمعتقل اللي انا قاعده فيه بسبة ابوك كان الحين انا بره ادج ,,
رنيم سحبت مشاعل من يدها : يازينك ساكته بس يللا قدامي
استراليا
ماجد وبندر كانوا متوجهين للمطار
بندر: ياااااه يا ماجد بالله مصدق انو خلاص هذا اخر يوم لنا باستراليا ؟
ماجد: والله ماني مصدق اني برجع لاهلي ورنيم بكره
بندر : اووووه والله وصرنا نحب من جد ..
ماجد ابتسم : ياخي مو حب .. بس مدري ..
بندر: وشو مدري؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك