رواية علميهم ليه احبك حب ما حبه بشر -36
ماجد وبندر كانوا متوجهين للمطار
بندر: ياااااه يا ماجد بالله مصدق انو خلاص هذا اخر يوم لنا باستراليا ؟
ماجد: والله ماني مصدق اني برجع لاهلي ورنيم بكره
بندر : اووووه والله وصرنا نحب من جد ..
ماجد ابتسم : ياخي مو حب .. بس مدري ..
بندر: وشو مدري؟
ماجد : هي بنت عمي وواجب علي اني احافظ عليها واهتم لراحتها
بندر: ههههههههه وشلوووون بتحافظ عليها بالله وانت ما جبت خبرها طوول هالشهور من بعد ما تملكتوا ؟
ماجد بقهر: يوووو يا بندر .. انت ما تساعد اببببد .. انا شايل هم الشي هذا الحين مرررره
بندر: طيب ناوي تسوي شي ؟
ماجد : ان شاء الله اذا وصلنا الرياض بحاكيها وافهمها اسبابي ..
بندر: طيب؟
ماجد: واتمنى تعذرني
بندر : والله لو اني مكانها اصلا ما اجيب خبرك .. وبزعل منك وبسفّل فيك هذا اذا ماطلبت الطلاق
ماجد ارتاع: وجع فال الله ولا فالك.. وش طلاقه يرحم والديك
بندر: اجل اكون متملكه وعايشه ايام المفروض تكون من احلى ايام حياتي مع خطيبي ويقوم يجحدني كم شهر ولا حتى يرسل لي مسج ولا اشوف وجهه من بعد الملكه ويوم يرجع عمي يبيني استقبله بكل حب ورحابة صدر .. لاااا وبعد معاه عذر زي وجهه
ماجد : تراك ما تسااااااعد ابداااااا .. فياليت تسكت بس وتنطم احسن لي ولك
بندر: وش فيك انت تزعل من الحقيقه .. اكيد البنت كرهتك
ماجد : افففففففف .. اللي يسمعك تقول كذا يفكر انها تحبني وانو بسبب تجاهلي لها الفتره هذي راح اسبب لها صدمه
بندر: وليش ماتكون تحبك ان شاء الله
ماجد بعدم تصديق:.......معقول ؟
بندر: اي ليش لا .. تكون تحبك وخيبت املها فيك .. والحين تكرهك كره الموت
ماجد خبط بندر بقوة : الله ياخذ ذا الخشه .. اسكت بس تراك تلفت اعصابي
بندر:ههههههههههههههههههههههههه
اما ماجد ابتسم قلبه على هالطاري .. معقول تكون تحبه ؟؟؟
عند اثيييير
اثير كانت تنقي لها كذا قطعه عشان تلبسها بكره لعزيمة ماجد وبندر ولقت اللي تبيه بس مو نفس المقاس ..
اثير: لو سمحت
الرجال: نعم
اثيرر: ابي من هاذا مقاس اصغر لو سمحت
الرجال: اممم طيب ثواني واشوف لك ..
اثير: طيب ,, رن جوالها ..
اثير كشرت لما شافت المتصل .. بس ردت
اثير: نعم
مشعل : نعم الله عليك .. وينك ؟
اثير: بالمول ..
مشعل: ومتى ناوية ترجعين
اثير ببرود خلى مشعل وده يقتلها : لما اخلص
مشعل: ومتى ناوية تخلصين ؟
اثير: اذا كملت اغراضي
مشعل بقهر: تكلمي زين وش ذا البرود
اثير : تنتظر مني اعلي صوتي بمكان عام ؟
مشعل: على اساس انك محترمه وتعرفين العيب
اثير وهي راصه على اسنانها وبعصبيه : لا تختبر صبري يا مشعل احسن ما افاجئك
جا الرجال ومعه طلب اثير
الرجال: اختي لو سمحتي
اثير: هلا
الرجال : تفضلي هذا طلبك .. الرجال وهو يعطي اثير البلوزه طاحت عالارض وهي وياه وطوا عشان ياخذونها وخبطوا روسهم ببعض بقوووة
ضحك الرجال: اسف .. عسى ماتعورتي
اثير ويدها على راسها : لا عادي
مشعل كان مطرررررطع لانه سمع ضحكة الرجال معاها : انتتتتتتتتتتي ياكلللللللللللللللللبه
اثير بصدمه : خييييير
مشعل: ان مارجعتي الحين وربي لا اجي اجرك مع شعرك قدام الله وخلقه
اثير: انت جرب تقرب مني وربي ما تلوم الا حالك .. شكلك نسيت نفسك لكن انا اللي بعرفك قدرك زين .. وقفلت بوجهه
جت ابرار على صوت صاحبتها : وش فيك يا اثير
اثير ترمي البلوزه عالارض بعصبيه : الحييييين نطلع من هنا يا ابرار الحيييين
ابرار: طيب طيب انتي بس هدي .. وكلمت السواق وقال لهم انه شوي وبيجي
ابرار: بتقولين لي وش فيك الحين ولا ؟
اثير: ماني راجعة له اوووكي ,, مافي امل ارجع له ..
ابرار: طيب قولي لي وش صاير الحين
اثير: ماني قايله شي .. الحين لما يجي السواق قولي له على بيتي على طووول
ابرار: بيتك !!
اثير: اي بيتي .. بيت امي
بيت ابومشعل ..
مو كفاية خيانتها لي .. بعد تطول لسانها علي .. والله ما اخليها واني بربيها من جديد ..
ركب سيارته وتوجه للمول اللي قالت له انها بتروح له .. كان الطريق زحمه شوي بس قدر يوصل قبل لا يطلعون منه
اثير كانت واقفه عند بوابه معينه هي وابرار ومن سوء حظهم انو مشعل كان واقف عند نفس البوابه .. شهقت اثير يوم شافته
ابرار اللي كانت تكلم السواق اللي قال لها انه بره: وش فييييييييك
اثير ماردت عليها وصارت تمشي بسرعه وابرار وراها ماهي عارفه وش السالفه,,
ابرار: يابنت الحلال وقفي
واثير ولا كنها تسمع شي منطلللللللللقه عشان ما ينتبه لها مشعل ..
ابرار بصوت عالي: اثيييييييييييييير وققققققققفي مقدر اركض يامجنونه
مشعل انتبه للاسم وطاحت عينه على اثير اللي كانت تمشي بسرعه وصار يمشي وراها ..
اثير من شافته وراها زادت سرعتها لييييييييييين وصلت السياره وركبتها
ابرار وهي تلهث وبعصبيه : الله ياخذك يا مجنونه .. وش جاك
اثير للسواق: بسرررررعه على بيتي ..
ابرار : انتظر لا تتحرك لين افهم وش فيها ذا الخبله اللي فشلتنا بالسوق
يوم اثير شافت مشعل متوجه للسياره قالت بقوة للسواق: حرررك قبل لا يجي .. وانطلق السواق
مشعل سب اثير ولعنها .. ركب سيارته وصار يمشي وراهم ..
ابرار: هذا مشعل ؟!!
اثير وهي تبكي: اي مشعل الله ياخذه وارتاح منه ..
ابرار : استغفري ربك .. وش يبي ؟
اثير : تطاقيت معاه وقفلت بوجهه قبل شوي وهو جاي يذبحني ..
ابرار خافت لانو اثير من جد صارت تبكي ..
طلعت اثير جوالها ودقت على غدير اللي كانت نايمه
غدير: هااااااااااا ... يعني ماتدقين علي انتي الا بالاوقات الغلط ؟!!!
اثير وهي تبكي: غدير انا شوي واكون عندكم.. افتحي لي الباب سااامعه .. لا تخليني بالشارع
غدير ارتاعت: اثييير وش فيك ؟
اثير: مو وقته .. افتحي لي الباب كمان 5 دقايق..
غدير: طيب طيب .. قفلت من اختها ونزلت تنظرها تحت بالحوش
اما مشعل كان بيمووووت من العصبيه .. الحقيره الخاينه .. تضحك مع هذا وذاك ولاهي عامله حساب الحمار اللي هي متزوجته .. ان ماطلعت ذا الضحك والمسخره هذي كلها من عيونك ما اكون ولد ابوي .. بطلقها وارميها عند اهلها ذا اللي من تزوجتها وانا عايش بجهنم ..
غدير كانت تروح وتجي بالحوش .. لين سمعت صوت سياره فتحت الباب بسرعه .. ثواني ودخلت اثير من الباب وسكرته بقوة وصارت تبكي
غدير ميته من الخوف: اثير وش صاير .. ليش كل هالدموع ...
اثير: اكرررررهههههههه الله ياخذه ويفكني منه ..
طلعت ام عبدالرحمن على اصواتهم وارتاعت من شافت بنتها
ام عبدالرحمن: وش صاير يا بنتي وش فيك ؟
اثير تبكي: يمه مابيييييييييييه طلقوني منه الله يخليك ..من اخذته وانا ماشفت الهنا ولا الراحه دقيقه وحده ..
ام عبدالرحمن قلبها عورها على بنتها وبكاها .. خذتها ودخلوا جوة ..
رن جرس البيت باصرار فظييييع
اثير بخوف: ماما لا تفتحين له .. هذا مشعل بيذبحني ..
ام عبدالرحمن بحزم: وش سايبه هي .. بروح افتح له بنفسي وانتي يا غدير اطلعي مع اختك خليها ترتاح
غدير: ان شاء الله ..
طلعت ام عبدالرحمن تفتح لمشعل .. اول ما فتحت الباب دخل مشعل ولا انتبه لام مشعل من القهر اللي فيه
مشعل: وينها ؟!!!!!
ام عبدالرحمن: وعليكم السلام يا مشعل
مشعل انحرج: اسف خالتي .. وش اخبارك ؟
ام عبدالرحمن: انا بخير الحمدلله .. وش صاير؟
مشعل: مو صاير شي ... بس ابي اثير
ام عبدالرحمن: الا صاير .. ليش اثير داخله تبكي ..
مشعل نزل راسه وسكت ..
ام عبدالرحمن: انا ما اشجع الاهل اللي يتدخلون بمشاكل عيالهم مع ازواجهم .. وبخليكم تحلون مشاكلكم بانفسكم بس ترى مارح اسمح لك تنزل دموع بنتي ان كنت حيه او ميته .. انت وعدتني تحطها بعيونك ولا رح ارضى بغير كذا .. دامك ماتحبها .. احترمها .. ارضى انا بكللل شي الا انك تقلل من احترام بنتي ..
مشعل انحرج من كلام خالته مرره: طيب خالتي ممكن اكلمها شوي
ام عبدالرحمن: اليوم لا .. خلها ترتاح عندي كم يوم واذا هدت وحبت تحاكيك ذيك الساعه بسلامتكم
مشعل: مارح اصبر كم يوم يا خالتي
ام عبدالرحمن : وهذا اللي عندي ..
مشعل انقهر: عن اذنك.. وطلع
ام عبدالرحمن: بحفظ الرحمن .. وسكرت الباب وراه
توجهت لغرفة بنتها اللي كانت تبكي بقوة
ام عبدالرحمن: يابنتي اهدي وقولي لي وش صاير لا تتعبين قلبي ..
اثير من بين دموعها: مابي احكي تكفووون خلوني بحالي ...
بيت احمد ..
شذى صحت من النوم لانها حست بلمسات يد على خدها .. فتحت عينها باستنكار وشافت احمد قدامها وقامت مفزوعه
احمد: بسم الله .. وش فيك شايفه جني ؟
شذى استوعبت انو الشخص هذا زوجها الحين : لا بس خفت
احمد: وش منومك هنا؟
شذى وهي تناظر المكان حولها وانها غفت بالصاله من بعد مكالمتها وانهيارها بسبب بدر .. اااه يابدر .. يا كل شي بحياتي
احمد: انا اسألللل
شذى وهي تقوم من الكنبه بتعب واضح : غفيت على حالي بدون ما احس
احمد : قومي جهزي الفطور
شذى : ان شاء الله بس اغير واسويه
احمد بحزم: انا لما اطلب شي يجيني بوقته .. ما استنى سامعه ولا لا .. الحين تسوين لي فطوري وبعدين تغيرين
شذى عطته نظره بارده وتوجهت للمطبخ
احمد وهو يحك راسه:بنات اخر زمن
بيت ابوماجد
الام ماجد كانت مسوية استنفااااااار بسبب رجعة ولدها وماهي مخليه احد بحاله
ام ماجد بعصبيه : ايااااااااااااااااان
ايان نقزت من قعدتها: سممممي وش فييييك !!
ام ماجد: وش قاعد تسوين انتي
ايان متسغربة: شوفة عينك اتفرج على التلفزيون
ام ماجد: هذا وقته !!
ايان: اجل وش تبيني اسوي ؟
ام ماجد: قومي رتبي معي المكان
ايان وهي مطيره عيونها: الحين يمه خدم ذا البيت ماهم معبين عيونك!! تبين تكرفينا احنا بعد .. مو كفايه ليان مسكينه اللي من اصبحت وهي شغالة تنظيف ومدري وشو
ام ماجد: عن الحكي الزايد وقومي عن وجهي اشوف
دخل متعب: يمه وش ذا الصراخ !!
ام ماجد تتخصر: اهلا وسهلا .. توك اصبحت
متعب وهو ينسدح عالكنبه: فيني نووم موووو طبيعي .. من امس مو نايم زين
ام ماجد: وين تنام وانت من شارع لشارع .. رحت شيكت على البوفيه اللي موصين عليه ؟
متعب : لا ابوي قال لي بيسويه
ام ماجد: انا قلت لك انت ما قلت لابوك
متعب: ابوي اخبر مني
ام ماجد: يووووه منكم .. محد يبرد القلب بذا البيت
ليان: يا ماما لا تتعبين علينا الحين يرتفع عليك الضغط ولا شي
ام ماجد: هذي سواياكم وماتبون ضغطي يرتفع
نطت ايان بحضن امها: ماما
ام ماجد بنص عين : خيييير
ايان: اممممم عادي نعزم شهد واهلها
ام ماجد خبطت على راسها بقوة : ياااااااربي نسيت اعزمهم .. افففف
ايان بفرح : لا لا لا تخافين انا عزمتهم اصلا ..
ام ماجد : لاااا وشو له جايه تشاوريني دامك مضبطه الوضع؟
ايان: ماما لا تتدققين عاد ..
ام ماجد : ليان حبيبتي شفتي غرفة ماجد اذا كانت مرتبه زين ؟
ليان ابتسمت لانها تذكرت اللي شافته بغرفة اخوها : اي ماما كل شي تمام
بيت ابومشعل ..
مشعل من امس ما ذاق النوم .. كان يكرهها بس وجودها حوله مخلي كل شي حلو .. خاينه بس احب وجودها حولي .. ليش تخوني وتكلم غيري ..
فتح جواله ولقى مسجات من رقم غريب ..
* زوجتك لي وعمرها مارح تكون لغيري
*انت اخذت اثير مني ولارح اسامحك
*زوجتك معك لكن قلبها وعقلها معي انا
* اثير لي ورح تظل لي .. ولا تفكر حتى انها بتطول معك
واخر مسج جاله اللي طير عقله امس ..
*زوجتك رح تقابلني كمان شوي .. هذا سبب اصرارها انها تطلع
رمى مشعل الجوال بقهر على الكنبه .. كانت هالمسجات تتكرر من يومهم بفرنسا .. وهذا اللي خلاه يقرر يرجعون بدري ..
كلما فكر يقرب منها يجي مسج ويقلب حياته فوق تحت .. مايدري من اللي يرسل له هالمسجات .. والرقم بدون اسم يعني مافي امل ..
تذكر وجهها البريء وعيونها العسليه اللي كلها براءة .. معقول ملاك مثلها يسوي كذا ؟؟!!!!
سمع طق عالباب ..
مشعل بدون نفس: ادخل
دخلت ام مشعل: صباح الخير ..
مشعل:صباح النور
ام مشعل: ليش باقي هنا؟ مارحت تساعد ابوك بعزيمة اليوم
مشعل: شوي بس اتحمم واطلع ...
ام مشعل وهي تلتفت: اثير نايمه ؟ ابيها بكم شغله
مشعل: لا
ام مشعل: طيب ناديها لي ابيها شوي
مشعل وهو يفرك عيونه بتعب: اثير عند اهلها من امس
ام مشعل باستغراب: وليش ؟!!
مشعل:.....
ام مشعل بتفحص: لا تكون مزعلها بس
مشعل: لا
ام مشعل : ولدي واعرفك .. والله انك مزعلها .. خير ان شاء الله وش صار بينكم اللي خلاها تنام بره بيتها ؟
مشعل: يمه واللي يسلم عمرك مافيني احكي ولا اقول .. مشاكل عاديه
ام مشعل: لا بالله ماهي عاديه.. انت من اخذتها ما تقبلتها .. لا حبيتها ولا حتى تحترمها .. تحسبني غافله عن هذا كله ؟ لا ياحبيبي انا اشوف زين كمان وساكته .. بس ترى مارح اسمح لك تضرها بشي فاهم؟
مشعل بعصبيه :انا مدري وش شايفين فيها زود مخليكم تدافعون عنها هالقد .. اللي جابها يجيب غيرها
ام مشعل بصدمه: احترمها يا ولد .. انا ماربيتك على كذا .. تحترمها غصب عليك انا ما زوجتك وحده من الشارع .. اليوم تراضيها
مشعل: اسف .. من زعل من كيفه ,كيفه يراضيه
ام مشعل: تكسر كلامي يعني ؟
مشعل : ما اكسر كلامك .. بس اشتري راحتي
ام مشعل: طيب يا مشعل ..وطلعت وهي معصصصبه من ولدها
مشعل : اففففففففففففففف اعوذ بالله منك ياشيطان
وصلوا بندر وماجد اخيرا للرياض بعدما ودعوا استراليا وسنينهم اللي عاشوها هناك
بندر وهو يتنفس بعممممممق: ااااااخ بس يازين هوا الريااااااض
ماجد: هواها وبسسس؟؟ الا قول يا زين كلما فيها
بندر مبتسم:والله ماني مصدق اننا رجعنا
ماجد: اي خلك على ذا الابتسامه كلها اسبوع ويخلونا اهلنا نداوم ويطلعون ذا الابتسامه من عيونك
بندر : هههههههههه خلني عايش جوي طيب
ماجد: مو وقته .. ارجع للواقع .. ويللا خلنا نشوف من جا يستقبلنا
لقوا بدر ومحمد مستقبلينهم
لقوا بدر ومحمد مستقبلينهم
محمد: هلااااااااااااااااا واللللللللللله
بندر : يا هلا بك
ماجد: يا حبي لكم والله لكم وحشه
بندر: بدر وش فيك ؟
بدر ببرود : ولا شي
بندر: كيف ولا شي ..
بدر: يعني ولا شي .. وقال يبي يصرف .. شلونك ماجد ؟ عساك بخير
ماجد بتفحص:الحمدلله ماعلي .. انت شلونك ؟
بدر بنفس البرود : عايش
محمد : ياخي الحمدلله انكم جيتو قسم بالله كان ذابحني طول الطريق بذا البرود والهدوء اللي مو بالعاده
بندر وهو يحط يده على كتف اخوه : اي هو في حاجه بس مدري وش هي .. بس مو وقته الحين ..
ماجد: الا وين خالد ؟
محمد : ذا الثاني اللي صار له فتره داخل اكتئاب لا يحاكي احد ولا يبي احد وطول الوقت من البيت للدوام وذا حاكيته قال مالي خلق شي
ماجد: افااا وش جاهم عيال عمي .. مو وقتكم بصراحه .. هذا وانا مخطط على سهره خطيييييره بكره ..
محمد:ههههههههه شكلك بتسهر لحالك انت وولد عمك ..
ماجد: افاااا وانت وينك ؟
محمد: باخذ زوجتي ونروح ننقي اغراض لبيتنا
ماجد: ومن سمح لك؟
محمد : ال big boss
ماجد: يعني انا اطلع منها ؟
محمد : وبقوووووة بعد !!
ماجد : طييب نشوف من بكره يخليك توطوط عتبة الفيلا وتاخذها ..
محمد : ههههههههههههههه
بندر: يللا نروح تراني تعبااااان ابي الحق انام كم ساعه قبل العزيمه وكرفها
ماجد: يللا : الله يهديهم لو كانوا خلوها بكره وش بيضرهم
محمد: ما اقول لك بكره طالع مع زوجتي !
ماجد وهو يخبطه على راسه: تراك صجيتني زوجتي وزوجتي كن محد اعرس غيرك .. يللا قدامي بس
محمد:هههههههههههه ابشر
بيت ابو رنيم
مشاعل كانت تفكر ببدر واللي اكتشفته عنه .. يعني يحب ويعشق غيري .. ويخطبني انا .. لاااا وبعد اللي يحبها وحده حافيه منتفه على باب الله وخياطه .. والاهم الاكتشاف الخطييييير اللي اكتشفته .. بس رح استغل كل شي لصالحي بالنهايه ..
دخلت رنيم : مشاعل حبيبتي
مشاعل: نعم
رنيم : منتي رايحه المشغل ؟
مشاعل باستغراب: ليش؟
رنيم : بابا يقول لي لو كنتي تبين تروحين تجين معي الحين
مشاعل بعناد : بس انا مابي اروح معك
رنيم: عاد هذا اللي بابا قاله .. وبلييز رنيم مابي مشاكل ماما تعبانه وبابا ماله خلق اييي ش ي
مشاعل بعناد اكبر : بس انا ابي اروح لحالي لانو الكوافيره حقتك ما تسوي لي اللي ابيه زين
رنيم بملل: اااخ منك انتي .. بابا عندك وتفاهمي معاه بس لا تضايقينه
مشاعل بوقاحه : انقلعي عني مالي خلق احد
رنيم ما استغربت اسلوب اختها لانها متعوده على وقاحتها معها ومع غيرها .. فطلعت وسكرت الباب
مشاعل وهي ترمي المخده بقووووة : الللللله ياخذككككم
توجهت رنيم لغرفة امها ..
رنيم : ماما
ام رنيم بتعب: هلا حبيبتي
رنيم: ماما انتي تعبانه
ام رنيم بابتسامه: طبيعي حبيبتي امس ماخذه جرعة كيماوي لازم اتعب
رنيم وهي تحط يدها على راس امها : ماما لا تروحين العزيمه
رنيم: اي اصلا كلمت ساميه و اعتذرت منها
رنيم: على كذا مارح اروح انا كمان
ام رنيم: لا حبيبتي ما يصير ..لازم تروحين هذولي اهلك واهل خطيبك ..ما يصير
رنيم بسخريه : اي خطيب يا ماما بالله .. انا بعتذر من خالتو ساميه كمان وخطيبي اللي مافكر يسأل عني من بعد ملكتنا ماني حريصه على عزيمته .. كأن وجودي يعني فيها رح يسوي فرق شااااااسع
ام رنيم حزنت على حال بنتها لانها تعرف انو ماجد مو معبرها ..
بيت ام عبدالرحمن ..
ام عبدالرحمن طقت الباب على اثير ودخلت
ام عبدالرحمن : صبااااح الخييييير
اثير بابتسامه باهته : صباح الورد
ام عبدالرحمن : صايحه حبيبتي بدري !!!
اثير : اصلا ما نمت
ام عبدالرحمن : طيب اشربي العصير هذا من يدي.. توني الحين مسويته
اثير اخذت من امها : شكرا حبيبتي تسلم يدينك ..
ام عبدالرحمن وهي تمسح على راس بنتها بحنان : والحين ماما كيفك؟
اثير : احسن الحمدلله
ام عبدالرحمن : طيب دامك هديتي ممكن تقولين لي وش صار ؟؟
اثير تقلب وجهها: ولا شي
ام عبدالرحمن: كيف ولا شي وانا امس اشوفك بقمة انهيارك
اثير تقاوم دموعها : ماما انا تعبانه ومابي احكي .. كللل اللي ابي اقوله اني ابي اتطلق
ام عبدالرحمن بزعل: وش هالكلام يا اثير.. هذا وانا اقول بنتي عاقله وواعيه وماهي مثل بنات هاليومين اللي على اتفه المشاكل قالت ابي الطلاق
اثير: اللي بيني وبين مشعل ماهو مشاكل تافهه ابد
ام عبدالرحمن بحزم : بس يا اثير.. مو معنى لما زوجك ما يبتسم لك او يدلعك انها نهاية الدنيا
اثير: ههههههههههههههه ماما الله يسعدك ضحكتيني وانا مالي خلق اضحك .. الموضوع تعدى الشي هذا من زمان
ام عبدالرحمن تطالعها بتفحص
اثير: وش دعوه يام عبدالرحمن مو واثقه بعقل بنك يعني ؟
ام عبدالرحمن: اللي مسكتني هو اني عارفه تفكيرك زين واعرف انك منتي تافهه ولا فيك الدلع الماصخ
اثير نزلت عيونها للارض
ام عبدالرحمن:مارح اتدخل بحياتك انا .. بس بنفس الوقت مارح اخذ بكلامك الحين .. فكري زيييين قبل تعطيني قرارك واكلم اخوانك .. وقبل كللل هذا حاولي تحلين المشاكل مع مشعل قبل توصولون لقرار خطير مثل هذا ..
ام عبدالرحمن : بتروحين للعزيمة اليوم ؟
اثير هزت راسها بالنفي: لا مافيني
ام عبدالرحمن: براحتك .. انا باخذ غدير ونروح
اثير هزت راسها بالاوكي
ام عبدالرحمن طلعت وخلت اثير بافكارها ..
قعدت تفكر اثير شوي مع نفسها لين رن جوالها ..
رفعت وشافت نفس الرقم .. لعنته بداخلها وقررت تطنش ..
لكن الرقم رن مره وثنتين وثلاثه ..
ردت بعصبيه : نععععععععععععععععععععععععم
.....: ...........
اثير : يعني داق عشان تسكت انت ووجهك ؟؟ رد وفهمني من تكوووون ترى جننتني ..
......: .............
اثير: انا بمشاكل كثيره واحساسي انك السبب الرئيسي .. تطمن انا تركت زوجي لو كان هذا يهمك !! وقفلت بوجهه
دقايق ووصلها مسج من نفس الرقم
* تقولين جننتك ؟ انا اللي ماعرفت الجنان الا من حبك .. انا ساكت ولي اسبابي بس مصيرك تعرفيني ..
اثير انصدمت من الوقااااحه .. هذا وهو عارف زين انها متزوجه كيف يتجرأ ويقول لها كلام زي كذا !!!
قليل الادب اللي مايستحي .. ان ما توقف عند حده قريب رح ادخل الرجال بالسالفه !
بيت ابوبندر
ابوبندر دخل الصاله وكانت فيه ام بندر مع سلطان .. قرر يرجع بس ولده ناداه
سلطان : بابا .. تعال ثوف لعبتي
ابوبندر قرب من ولده : اشوف يا بابا ..
ام بندر: يعني لا سلام ولا كلام؟
ابوبندر مارفه عينه لها: انتي ليش منتي مع حريم اخواني تجهزين لعزيمة اليوم
ام بندر وهي تبرد اظافرها ببرود: تبيني اخر عمري اشرف على حفلات الله بالخير .. لا حبيبي وراي امور اهم
ابوبندر: افهم من كلامك انو ....؟
ام بندر: اني بروح بطولي زي ما انا .. وقلت لبنتك تعزم زوجها وامه عشان ماتفصحني بكره .. وبسسس !! هذا اللي عندي
ابوبندر: هذي عزيمة رجعة ولدك بالسلامه ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك