رواية علميهم ليه احبك حب ما حبه بشر -37

رواية علميهم ليه احبك حب ما حبه بشر - غرام

رواية علميهم ليه احبك حب ما حبه بشر -37

ابوبندر دخل الصاله وكانت فيه ام بندر مع سلطان .. قرر يرجع بس ولده ناداه

سلطان : بابا .. تعال ثوف لعبتي

ابوبندر قرب من ولده : اشوف يا بابا ..

ام بندر: يعني لا سلام ولا كلام؟

ابوبندر مارفه عينه لها: انتي ليش منتي مع حريم اخواني تجهزين لعزيمة اليوم

ام بندر وهي تبرد اظافرها ببرود: تبيني اخر عمري اشرف على حفلات الله بالخير .. لا حبيبي وراي امور اهم

ابوبندر: افهم من كلامك انو ....؟

ام بندر: اني بروح بطولي زي ما انا .. وقلت لبنتك تعزم زوجها وامه عشان ماتفصحني بكره .. وبسسس !! هذا اللي عندي

ابوبندر: هذي عزيمة رجعة ولدك بالسلامه ..

ام بندر: اسويه له احسن من حفلة ساميووه مليونين مره

ابوبندر شال ولده

ام بندر: على وين

ابوبندر بدون ما يلتفت عليها : مالك شغل

ام بندر طرطعت من بروده ..

بيت ابو مشعل ..

مشعل قام من النوم على طق الباب .. اول مافتح لقى الهنوف مدرعممممه بسرعة مليون

الهنوف بصوت عالي: اثيييييييييييييييييييييييييير

مشعل بعصبيه: قصري حسسسسك ..!!!

الهنوف: مو وقت هدووووئك عمي مشعل .. وين حرمك المصون ؟

دلال دخلت بهدوء : الهنوف انتي هنا؟؟ صباح الخير مشعل

مشعل وهو يحك راسه : صباح النور

دلال :وين اثير؟

مشعل انا للللله : اثير ماهي فيه

الهنوف: وين راحت ذا اللي ما تستحتي بصباح ربي؟

مشعل من ناحية ما تستحي فهي ماتستحي : اثير نايمه عند اهلها

الهنوف ودلال شهقوا بقوه

مشعل عصب: خيييييييييييير وش جاك انتي وياها مصحيني عشان تتشهقون عند راسي

دلال: مو بالعاده يعني .. من تزوجتوا ماقد سوتها

الهنوف: انا ما اصدق انها تسوي كذا .. ياما ترجيتها تجي تنام عندي وكانت تخانقني وتقول مستحيل اخلي زوجي لحاله .. والحين تطلع من البيت بكبره مررره وحده !!

مشعل منصدم: هي كانت تقول كذا !!

الهنوف تتخصر: اي ولا تسوي لي فيها مو فاهم ومدري وشو... اي اكيد تقول كذا

دلال: ياحبي لها هالاثير .. فقدتها من الحين

مشعل بقهر: انا ماااا ادرررري ليش شاسفين انها ملاك طاهر وتجنن ..

دلال بنص عين : شكلك ما عرفتها للحين زين ..

مشعل يارب كلما جيت اشيلها من بالي ينط لي احد ويذكر لي احلى مافيها ..كني ناقص اتعلق زياده فيها ..

الهنوف: احنا عالعموم رايحين نكمل اغراضنا .. رح جيبها ترى ما اتحمل يجي يوم بدون ما اشوفها فيه ..

مشعل يدفها بره غرفته : اقول لا يكثر هرجك وفمان الله ..

الليـــــــــــــــــــــــــــــــــــــــــــله ..

يوم الحفله ..

ياترى ايش رح يصير فيها من مواقف واحداث ؟

وهل بتغير حياة ابطالنا او شي من فيها ..

رح نشوف بالبارت الجاي ان شاء الله ...

امممممم وش توقعاتكم للبارت الجاااااي ؟؟؟؟

ماجد ورنيم ؟

احمد وشذى وبدر ؟

مشاااااااعل؟

رنيم وخالد ؟؟

اثير ومشعل والمجهووووووول؟؟

اتحفوووووني ..

وسوري عالتأخير وعالبارت القصير حبتين .. احبببببكم

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا احلل مسح اسمي من على الرواية ..

تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

البارت الثالث والعشرين

يوم الحفله الكل كان مجتمع ووصلوا المعازيم .. كلهم كانوا فرحانين برجعة ماجد وبندر وفخورين فيهم وبشهاداتهم ..

ابوبندر: والله ورفعت راسي يا بندر

بندر: انا وعدتك يبه اني ما اخذلك ابد .. وان شاء الله ربي يقدرني وارفع راسك طول العمر

ابوبندر وهو يحط يده على كتف ولده بحنان: هذا العشم فيك

ابورنيم: وش احساسك يا ماجد ؟

ماجد: والله احساسي ما ينوصف ياعمي ..للحين ماني مستوعب اللي صار واني تخرجت خلاص ..

ابومشعل: كبرتونا والله ..

متعب: بتاخذون زمانكم وزمان غيركم يعني

ابوماجد: ههههههههههه ما تخلي عنك طول اللسان ؟

متعب: لا ..

ماجد: اقوول خالد ..

خالد:هلا

ماجد: انت وش بلاك منت على بعضك ؟

خالد: انا ؟؟ مافيني شي

ماجد: كيف مافيك شي وانا اشوف حالك منعفس فوق تحت .. انت بالعاده ما تخلي عنك المحارش والهياط والحين لا اشوف هذا والا ذاك .. وش صاير؟

خالد بحزن : ماصار شي ..

ماجد:عالعموم مو وقته الحين .. باخذك على جمب انت وولد عمك المصون بعدين

خالد باستتغراب : ولد عمي المصون ؟ اي واحد

ماجد يأشر : الاخ بدر .. اللي مدري وش قالب حاله هو بعد ..

خالد : الله يعين ..

عند الحريم ..

ام ماجد كانت شايله العزيمه كلها على راسها .. وام بندر ولا كنو ولدها هو اللي راجع والعزيمه هذي على شرفه .. قاعده زيها زي اي معزومه تتهوى وتسولف..

ام عبدالله لام مشعل: بالله شفتي يا نورة .. فوزية ذي ماتستحتي.. ما تقوم تشوف ساميه وتساعدها ولا اي شي .. كن العزيمه ماهي على شرف ولدها

ام مشعل: خليها واللي يرحم والديك .. هاجده وتسولف لا تقلب علينا الحين كلنا وتخلي ليلتنا سوده .. ما صدقنا على الله تكبر وتكف بلاها وشرها عننا ام عبدالله: هههههههههههه اجل تذكرين سواياتها فينا اول ما تزوجت ؟

ام مشعل بروعه: وهذا شي ينسى بالله .. ما اقول الا الله لا يعيدها من ايام

ام عبدالله: الله يسامحك يا بابا .. اكبر غلط سويته بحياتك انك زوجت اخوي لهالعقررب ..

ام مشعل: يالله وش بنقول هذا النصيب .. ههههههههههه اقول الجوهره احنا ما حكينا بذا الموضوع من حوالي ثلاثين سنه .. بنفتحه الحين بعد ماكبروا عيالها وصاروا على وجه زواج !!

ام عبدالله:ههههههههه على قولتك .. الا وين اثير ما اشوفها

ام مشعل بضيقة صدر: والله مدري عنها على اساس انها بتجي بس ما اشوفها

ام عبدلله: ماشفتيها اليوم بالبيت ؟

ام مشعل ماتبي تقول انو اثير عند اهلها لانو تحس انو ماله داعي الكل يعرف انها متزاعله مع مشعل ..

ام مشعل: لا ياحبيبتي طلعت بدري من البيت ولا لحقت على احد ,,

حتى ابراهيم ماشفته من رجع من الدوام

ام عبدالله : الله يعين .. وشهقت

ام مشعل: وش بلاك؟

ام عبدالله: شوفي من جا

التفتت ام مشعل للباب وشافت مشاعل داخله بكل غرور وكبرياء بلبس قصير بزياده يبين جسمها الحلو .. كانت فتنه بس كان شكلها غريب منهم لانهم عائلة تقريبا محافظه ..

ام عبدالله : هاللي ما تستحي

ام مشعل: خليك منها يا الجوهرة تراها بزر

ام عبدالله: اي بزر الله يهديك .. انا يومني قدها كان عندي عبدالله وخالد

ام مشعل:ماعلينا منها بكيفها لا نحتك فيها احسن عشان ماتجيب لنا المشاكل وقدام الناس

ام عبدالله بقهر وحسره : اااااااااه بس ودي اربيها من جديد

مشاعل قربت من عمتها: اهلين

ام عبدالله بدون نفس: هلا

مشاعل مدت يدها لام مشعل من بعيد : كيف حالك ؟.

ام مشعل : بخير

ام عبدالله : مشاعل .. وش ذا اللبس اللي لابسته الله يهديك؟

مشاعل تناظر نفسها: وش فيه لبسي؟

ام عبدالله: الله يهديك قصير مرره .. مو مناسب جمعة فيها حريم ..

مشاعل تتكتف: والله انا حره باللي البسه .. انا كبيره وعاقله واعرف وش اسوي

ام عبدالله: كبيره اي .. لكن عاقله ما اظن !! مقيووووله .. الطول طوله نخله والعقل عقل صخله ..

مشاعل تنرفزت: ترى ما اسمح لك تتكلمين معي بذا الاسلوب

ام مشعل: يام عبدالله بس يكفي .. وانتي يا مشاعل حبيبتي خلاص كفايه .. عيب الناس قامت تناظركم ..

مشاعل باحتقار: محد قال لها تتدخل بشي ما يخصها .. ومشت بدون ولاكلمه زياده

ام عبدالله كانت تغلللللي : اااااه يا حمد .. انا اشهد انك ماربيت ..

ام مشعل: الله يهديها يا الجوهرة .. تكبر وتعقل ..

ام عبدالله وهي تقعد بنرفزة: خلق وفرق .. فرررق بينها وبين رنيم .. شيطان وملاك ..

ام مشعل: استهدي بالله يابنت الحلال ..

ام عبدالله : اوووف اعوذ بالله من الشيطان ومنها ..

مشاعل كانت متنرفزة من عمتها : اففف الحيوانه ذي عجوز النار ..

وصارت تدور بيعونها على اللي تبي تشوفها ..لين لقتها وابتسمت برواق

توجهت لها وهي على شفايفها احلى ابتسامه .. واللي حولها يناظرونها باعجاب لانها كانت جذابه بمعنى الكلمه ..

مشاعل وصلت : السلام عليكم ..

رفعت ام بندر نظرها لها: وعليكم السلام

مشاعل قربت منها تبوسها: كيفك خالتي ؟

ام بندر باستغراب: انا بخير وانتي ؟

مشاعل: انا بخير دامك بخير..

ام بندر ناظرتها باستغراب .. من متى المعامله الحلوة .. وهي من دخلت ذا العايله ما شافت منهم لا كلمه حلوة ولا حركه حلوة ..

ام حمد تناظر مشاعل باعجاب: منهي بنته هالزينه يا فوزية ؟

ام بندر: هذي مشاعل بنت اماني ..

ام حمد باعجاب ماقدرت تخفيه: ما شاء الله وش زينها .. وينها امك ؟

مشاعل: ماما مريضه ما تقدر تجي

ام حمد: سلامتها والله ..

مشاعل: الله يسلمك ,, اممم خالتي ممكن اكلمك شوي ؟

ام بندر زاد استغرابها: اكيد ..

مشاعل: تعالي نطلع بره ..

ام بندر: يللاا

عند البنات ..

البنات كانوا كلهم متجمعين .. وكل شوي وحده منهم تناديهاا امها عشان تسلم

دلال وهي تقعد : اففففففففففف رجلي تكسرت .. روحي وتعالي سلمي على فلانه وسلمي على علانه ..

ليان: هههههههههههه دامك منتي قد الكعب ولا تعرفين تلبسينه وراك لابسته ؟

دلال بنص عين : وشو ماني قده !! اعرف البس كعب بس مو امتر فيه القصر ..

الهنوف قعدت عالارض: ااااه يارجلي

دلال بروعه : وش بلاك انتي قومي عن الارض فضحتينا ..

الهنوف: والله ماعلي من احد رجولي تووجعني

ليان: هههههههههههههه انتي واختك تووووووحف ..

الهنوف: اقول ليان .. ماعندك جزمه على مقاسي .. ابي اغير ذا الكعب اللي تلقفت ولبسته ..

ليان: وش بتلبسين يعني ؟

الهنوف: ايييي شي بالحياااااه .. الحقي علي لا والله البس شبشب الحين

دلال: يرحم والديك ياليان جيبي لها شي تلبسه .. ترى تسويها ماهي صاحيه ..

ليان: هههههههه طيب طيب .. روحي غرفة ايان ونقي لك

الهنوف: يالييييييييل ماتفهميييين يا ليااااان !! اقول لك مافيني اتحرك مقدرررر رجلي بتموتني من الالم ...

ليان: طيب بروح الحين اف منك ..

مها جت مع ريما وديما: امي بتذبحني من السلامات

ديما: ما شاء الله يا كثر الناس اللي جو ..

دلال: مابقى احد ما جا ..

ريما:هههههههههههه وش فيك عالارض يالهنوف عسى ماشر ؟

الهنوف : قصه طويله مابي احكي ..مختصرها اني تعبانه وبس ..

ريما: طيب يا حلوتي سلااامتك ..

الهنوف: الله يسلمك من الشر

عند الرجال ..

الوضع ماكان احسن من الوضع عند الحريم ..رجال طالعين ورجال داخلين وانوااااع الحوسه ..

بندر: ياخي انا تعبااااااان

ماجد: ومن سمعك .. فيني تعب مو صاحي .. الله يهديهم ابهاتنا كانوا خلوها بكره ولا بعده .. ما لقوا الا بنفس يوم رجعتنا

بندر: ودي ابكي

ماجد: ههههههههههههه ياخي استحي على وجهك انت رجال .. بتبكي عشان شوية تعب !!

بندر: تبي تقنعني انو سفر مدته 20 ساعه وفوق هذا عزيمه ورسميه والكل موجود ولا تحس بادنى تعب؟

ماجد: لا والله اني تعبان .. التفت على ابوه .. يبه

ابوماجد: سم

ماجد: سم الله عدوك .. انا تعبان ومحتاج انام .. تسمح لي اطلع ؟

ابوماجد: عيب عليك .. وذا الرجال اللي داخلين طالعين على حسك وش نقول لهم .. طلع ينام ؟!!! اقعد بس ولا يكثر

ماجد تفشل: ان شاء الله طال عمرك ,,

بندر: ههههههههههههههههه محد قال لك تتفلسف

ماجد بزهق: لا يكثر .. والله ان مانمت الحين انا باللي ببكي

بندر: هههههههههههههههه

ماجد: تضحك اجل هاا .. طييييب انا اوريك .. وطلع جواله ..

بندر : بتدق على مين ؟

ماجد: بروح اشوف خطيبتي .. ابرك من مقابل وجهك

بندر بجديه: واااو وانت وااااثق مرره انها رح تقبل تقابلك ؟!!! هذا اذا جت حفلتك اصلا

ماجد بنص عين : الحين انت ولد عمي واخوي وصديقي,, المفروض انك تشجعني مو تحطمني

بندر: انا قاعد اقول لك الواقع ..

ماجد سفهه ودق على امه ..

ام ماجد: هلا حبيبي

ماجد: هلا يمه .. امممم بغيت اقول لك شي

ام ماجد: وشو حبيبي؟

ماجد: ابي اشوف رنيم من بعد اذنك يعني .. اذا في امكانيه الحين خليها تجي بالملحق حقي ..

ام ماجد: اي بس رنيم اليوم ماجت ..

ماجد التفت تلقائيا على بندر: هااا ؟

ام ماجد: ايوة .. امها تعبانه شوي وكلمتني واعتذرت .,.

ماجد عصب: كييييييييف كذااااا !!

ام ماجد: والله ياوليدي هذي امها ولا اقدر اقول لها شي .. وهي اعتذرت مني بكل ادب ولباقه واستحيت اضغط عليها ..

ماجد انقهر : طيب يمه .. مع السلامه ,,

ام ماجد: مع السلامه حبيبي ..

بندر: ها وش صار ؟؟؟

ماجد : ماجت العزيمه ..

بندر وهو متوقع شي زي كذا عشان كذا ما رد ..

ماجد: امها تعبانه شوي واعتذرت عن الجيه ..

بندر يبي ينرفزه : بصراحه عذر بطللللل .. عرفت كيف تجيبها عشان محد يضغط عليها ..

ماجد بقوة: بندر !!

بندر: نعم!!!

ماجد بعصبيه :انا الغلطان اللي اخذ واعطي معاك

بندر : وانا قايل شي غلط !!!

ماجد طالع بندر بقوة وطلع من المجلس ..

التفت ابوماجد على بندر: هه .. وين راح ماجد؟

بندر يهز كتوفه : علمي علمك يا عمي ..

بيت ابورنيم ..

رنيم كانت قاعده بالصاله تعزف عالبيانو وتدنن كالعاده .. قعدت فتره طويييله وهي عالبيانو ولا هي حاسه على حالها ..

حست بخمول .. وحست الوقت مبكر شوي عالنوم .. فقررت تاخذ لها شاور عشان ينعشها حبتين ..

تحممت وشيكت على مامتها .. وقعدت بغرفتها عالبلكونه ..

بس دخلت جوه بسرعه عشان ماتمرض لانو الجو كان مررره بارد ..

سوت لها نساكفيه وقعدت بالصاله تتفرج على التلفزيون .. بعدما تطمنت على امها ولقتها نايمه من بعد الادويه ..

صارت تقلب بالتلفزيون بملل وهي بالها اصلا مو معاها ..

بالها مع حبيب قلبها اللي رجع اليوم من الغربه .. وودعها ..

بالها معاه وهي اللي ماجت على باله ..

اكيد انه الحين مبسوط بحفلته وناسيني ..

كاااااشخ وطالع اوسم من العاده ..

ليش ماعطيتني فرصه يا ماجد!! وش فيني ما عجبك ؟!!!

شوي ودخلت عليها وحده من الخدم ..

روز: مس رنيم ..

رنيم: ايوة

روز : في رجال بره ..

رنيم باستغراب: رجال مين ؟

روز : ما ادري مين .. اول مره يجي ..

رنيم استغربت اكثر: بس بابا ماهو موجود .. مين ممكن يكون ؟

رنيم: دخلتيه المجلس ؟

روز: يس .. مجلس حق بابا

رنيم:خلاص روز روحي شكرا لك ..

قربت من مجلس ابوها ..طلت عليه من ورا الباب بس مالقت احد ..

دخلت راسها شوي .. شوي .. شوي .. لينها جوة المجلس بعد ما تأكدت انو مافي احد جوة ..ولا لقت احد ..

معقوله يكون راح ؟!! .. والله يمكن ..

لفت تبي تطلع الا ويطلع بوجهها ..

رنيم بقمممممة الصدمه : مااااااااااااجد !!!

بيت ابوماجد .. العزيمه ..

ام بندر بصدمه : وشوووووووووو

مشاعل : اللي سمعتيه ..

ام بندر بعصبيه : انتي وش قاعده تقولين ؟

مشاعل: انا اقول الحقيقه ..

ام بندر: كييييف يتجرأ بدر يخطب بدون علمي !!

مشاعل باستحقار: ليش يعني ما اليق بولدك ؟

ام بندر:......

مشاعل وقفت وكملت بغرور: مافي وحده عاقله بالدنيا ما تتمنى اني اكون لولدها .. وولدك هذا ماني ميته عليه .. ويحمد ربه اصلا اني رح اوافق عليه وانقذه وانقذ العايله من الفضيحه اللي كان ناوي يجيبها لنا ..

ام بندر بروعه: فضيحه ؟؟ اي فضيحه ؟!!!

مشاعل : الفضيحه يا حماتي العزيزه .. انه بدر يمووووت بوحده لاهي مننا ولا فينا ..

ام بندر: مافهمت!!

مشاعل: ولدك المصوون بدر .. يعشق وحده فقيره منتفه .. ابوها سكّير وصايع من ديره لديره وتشتغل خياطه عشان تقدر تاكل ..

ام بندر مو مصدقه :انتي وش قاعده تقولين !!!!

مشاعل بملل: اففف تراك ازعجتيني كل شوي وش تقولين ووش تقولين .. انا اقول الحقيقه .. ومستعده اواجه ولدك بعد

ام بندر تضرب كف بكف: لاااا باللله انجن ولدي .. ولد فوزية اخرة عمره يحب لي وحده منتفه ..

مشاعل بغرور يرفع الضغط وتفاهه: اصلا احمدي ربك انتي وولدك لو وافقت عليه .. انا مشاعل بنت حمد مليووون واحد يتمناني ..واتوقع انك شفتي عيون حماة بنتك كيف طلعت علي ..

ام بندر تطالع مشاعل من فوق لتحت .. البنت ملكة جمال .. وبنت عايله كبيره وبنت عم ولدي .. صحيح واثقه من حالها بزياده لكن تعجبني

مشاعل بنص ابتسامه : وش فيك .. مضيعه شي بوجهي ..

ام بندر: وانتي الحين موافقه على بدر؟

مشاعل تقعد عالكرسي وتحط رجل على رجل وتقول بدلع: والله افكر .. يمكن اي يمكن لا

ام بندر: طيب والبنت اللي يحبها .. وش الحل معها ..

مشاعل: وشو ؟

ام بندر: اذا انتي ما وافقتي عليه اكيد رح يرجع لها

مشاعل وهي تطالع اظافرها: تطمني .. البنت تزوجت

ام بندر باستهزاء: وذا تطلقت ورجعت له .. بنت الفقر اكيد ميته على ولدي .. وبتدور على اتفه سبب عشان تتطلق وتاخذه .. هو فرصه مارح تتحقق لها بالعمر مرتين ..

مشاعل ضحكت بنرفزة: اهم شي انك عارفه مخططها .. ههههههههههههههههههههههههههههههههههه ايه طبعا بتعرفين وش تفكر فيه دامك ..... وسكتت

ام بندر عصبت بقوة: احترمي نفسك لا قلة ادب !!!

مشاعل: هههههههههههههههه المهم .. لا تشيلين هم انا مدبره كل شي واعتبري موضوعها قاااااضي ..

ام بندر تطمنت لانها عارفه خباثة هالبنت: زين .. عاد انا اتمنى انك تفكرين بموضوع بدر بجديه شوي .. لانو بعد فرصه وماتتعوض ..

مشاعل ناظرتها باستهتار ولا ردت ..

ام بندر : عن اذنك .. بروح لضيوفي

مشاعل وهي تناظر بعيد : اذنك معك ...

انتهى كلامها مع بعض للحين .. بس اللي ما يدرونه انو كانت فيه اذن تسمع لهم وعين تشوفهم وهم ما يدرون !!!

بيت ام عبدالرحمن ..

اثير كانت تتفرج على التلفزيون وقاعده معها غدير ..

غدير:اثوووووووور

اثير تناظرها: هلا

غدير: يللا عاد قولي لي وش فيك ؟

اثير: يوووه يا غدير قلت لك مافيني شي ..

غدير: يعني تتركين بيت زوجك عالفاضي ..

اثير اقوم من مكانها : انا غلطانه اللي مقابلتك اصلا .. بقوم لغرفتي

.... : لا والله ما تقومين من مكانك ولا تروحين دامني جيت

التفتوا اثير وغدير باستغراب للصوت

غدير: خالتي ام زياد..

ام زياد وهي تسلم عليهم: اي خالتك ام زياد .. وينكم لا تسألون عني ولا تكلموني ولا كني خالتكم وجارتكم من زمان

اثير: هلا والله خالتي ..نورتينا والله .. متى رجعتي من جده؟

ام زياد: الحيييين .. وجيت عليكم على طول .. قلت بقضي عندكم كم يوم

غدير بفهاوة: وبتخلين ولدك لوحده ؟

اثير طالعتها بقوة انو اسكتي

ام زياد: لا ياحبيبتي زياد رح يقعد مع اصحابو ..

اثير بابتسامه : نورتينا يا خالتو ..

ام زياد: النور نورك يا حبيبتي ..

بيت شذى واحمد ..

شذى كانت تتفرج على التلفزيون .. ميته من الطفش ولا عندها شي تسويه ..

شوي ودخل عليها احمد ..

احمد: شذى

شذى : هلا

احمد: تعالي ابيك شوي..

شذى : طيب .. قامت مشت وراه ووصلت تحت ..

احمد: شذى هذي امي ..

ام احمد كانت حرمه كبيره على كرسي متحرك .. وكانت متحجبه بشيلتها اللي ماتنزلها عن راسها ابد

شذى قربت منها وحبت راسها : هلا يا خالتي تو مانور البيت والله

ام احمد بنص عين: انتي بنت زوج منيّر؟

شذى بابتسامه حلوة : اي يا خالتي انا

ام احمد وهي تتفصحها من فوق لتحت: والله انك زينه .. وراك كانت تقول لي انك قشره وتجيبين المرض

شذى لا اراديا ضحكت: هههههههه الحمدلله اني عجبتك يا خالتي

ام احمد: لا يكثر اقول وروحي سوي لي قهيوتي

شذى وهي تأشر على عيونها : من عيوني الثنتين

ام احمد: عيونك خليها لك ..عجلي بالقهوة

احمد: يللا يا شذى .. سوي لامي قهوتها على بال ما اوديها غرفتها ترتاح شوي ..

شذى: ان شاء الله .. وتوجهت للمطبخ وهي تردد بداخلها الله يعينني على حماتي ..

بيت ابورنيم

رنيم: ماااااااااااااجد

ماجد بابتسامه طيرت عقل رنيم: مساء الورد

رنيم: ......... مساء النور

ماجد يمد يده: وشلونك ؟

رنيم مدت يدها بس وخرت عينها عنه : بخير ..

ماجد يشد على يدها: دووم يارب ..

رنيم ماردت ولا رفعت عينها له

ماجد: مالك نيه تقولين لي تفضل ..

رنيم: تفضل .. البيت بيتك مايحتاج اعزمك ..

ماجد قعد على كنبه لشخصين وأشر لرنيم تجي تقعد جمبه .. وهي سوت نفسها ماشفت وقعدت على كنبه ثانيه ...

ماجد رفع حاجبه بس طنش: واخبار بنت عمي

رنيم متوتره مرره وصايره تلعب باصابعها: طيبه

ماجد : وانا كمان بخير

رنيم رفعت عينها له

ماجد: ههههه بما انك ما سألتي عن اخباري قلت اجاوبك انا بدون سؤال

رنيم تنهدت بعمق: ماجد وش عندك ؟

ماجد: وش عندي ؟!!!

رنيم: اي .. مخلي عزيمتك والناس اللي جايه تبارك لك وجاي هنا بعد ما قلت للخدم انك تبي بابا

ماجد: امممم مالي حق اشوف زوجتي يعني ؟

رنيم: اي زوجه !!

ماجد رفع حاجب: اي زوجه بعد .. انتي

رنيم باستهزاء: ليش انت تذكر انك متزوج ؟

ماجد: رنيم تبين تقولين شي؟

رنيم: انا ؟!! لا سلامتك مابي اقول ولا شي .. انت اذا عندك كلام قوله

ماجد: انا اسف

رنيم ناظرت فيه: على ايش بالضبط

ماجد ذاب على عيونها : على كل شي ..

رنيم ابتسمت باستهزاء: ليش انت شايف انك غلطان عشان تتأسف؟

ماجد: صحيح اني قصرت بحقك شوي بس

يتبع ,,,

👇👇👇