رواية علميهم ليه احبك حب ما حبه بشر -38
ماجد: امممم مالي حق اشوف زوجتي يعني ؟
رنيم: اي زوجه !!
ماجد رفع حاجب: اي زوجه بعد .. انتي
رنيم باستهزاء: ليش انت تذكر انك متزوج ؟
ماجد: رنيم تبين تقولين شي؟
رنيم: انا ؟!! لا سلامتك مابي اقول ولا شي .. انت اذا عندك كلام قوله
ماجد: انا اسف
رنيم ناظرت فيه: على ايش بالضبط
ماجد ذاب على عيونها : على كل شي ..
رنيم ابتسمت باستهزاء: ليش انت شايف انك غلطان عشان تتأسف؟
ماجد: صحيح اني قصرت بحقك شوي بس
رنيم قاطعته: شووووي!!! ماجد انت وش فيك ؟؟ مستوعب وش قاعد تقول؟!!! انك تخلي خطيبتك بيوم ملكتكم بدون حتى ما تقول لها مبروك ... وانك تسافر بدون ما تودعها ولا حتى بكلمة اشوفك على خير .. وبعدين تغيب عني بالشهور ولا اطري على بالك لا اتصال ولا مسج ولا شي .. مو عشان حاجه .. ولا عشان واجبك كزوج انك تعرف اخبارها .. بس عشان هنا في حماره قلبها محترق عليك بتموت وتسمع انك بخير ونعمه .. وبنفس الوقت مالها وجه تسأل اهلك عنك عشان مايقولون انك جاحدها ..
ماجد:..........
رنيم: ليش سكت ؟
ماجد: بصراحه .. ما عندي شي اقوله..
رنيم: اكيد ما عندك شي تقوله ..لكن انا عندي شي ابي اعرفه .. ماجد وبصراحه انت ليش خطبتني ؟
ماجد انصدم ما توقع ذا السؤال ابد
رنيم : ما ترد ؟
ماجد : وش ذا السؤال ؟
رنيم: جاوب لو سمحت
ماجد: خطبتك عشانك بنت عمي وانتي اللي اخترتها عشان اكمل معاها حياتي
رنيم: اخترتها ؟؟ اجل ليش تعاملني كنك مغصوب علي ؟
ماجد : ضغط الشغل والدراسه .. رنيم وش تبين توصلين له ؟
رنيم: عذر اقبح من ذنب .. لقيت وقت تكلم فيه اصحابك .. وخواتك واهلك .. ولقيت وقت تتمشى وتاكل وتشرب وتنام .. ولقيت وقت تشوف لك فلم وتقرا كتاب .. لكن مالقيت لك وقت تطمن خطيبتك عليك بمسج ..صح؟؟
ماجد : رنيم .. انا جايك عشان نبدا مع بعض صفحه جديده .. ننسى اللي فات..ونحاول نفهم بعض قبل نكون مع بعض ببيت واحد
رنيم وقفت وقالت بعصبيه : ننسى اللي فااات !!! وش ذا البرود اللي عليك ياخي ؟؟؟ تبيني انسى الليالي اللي كنت ما انام انتظر منك اتصال ولا مسج .. ولا انسى اللحظات اللي لما اكون فيها عند اهلك وتكلمهم واحد واحد ولا تطلب تحاكيني .. مع انك عارف اني هناك .. او تبيني انسى مرض ماما وانا لوحدي معاها واتمنى انك توقف معي من بد البشر .. وش انسى بالضبط ؟؟
ماجد بحنان:كل هذا بقلبك يا رنيم ؟
رنيم: انت لو تشوف وش بقلبي كان مارح تكون ذي سواياك ..
ماجد قرب منها : رنيم انا ..
رنيم تقاطعه : بليز ماجد .. انا الحين لازم اطلع اتطمن على ماما
ماجد يبي يغير الموضوع : طيب متى تبين نحدد زواجنا ؟
رنيم ابتسمت بألم : شكلنا مطولين ..
ماجد تنهد : طيب انا بخليك على راحتك الحين ..سملي على الوالده
رنيم: الله يسلمك ..
ماجد: تامريني على شي ؟
رنيم : سلامتك ..
ماجد: عن اذنك ياغاليه .. وطلع من المجلس ..
اول ما طلع رنيم راحت ركض على غرفتها .. سكرت الباب بقوة ورمت حالها على السرير تبكي ..
ما توقعت مواجهته رح تكون صعبه عليها للدرجه هذي !! ولا توقعت انه رح ترفضه بعدما طلب منها يفتحوا صفحه جديده .. ليش كل شي ضدنا احنا الاثنين لييييييييييييش..
ياليتك ماجيت يا ماجد بس ..
بالسياره كان ماجد يفكر باللي دار بينه وبين رنيم ..
البنت حاقده علي مبين من نبرتها ..
لالالا ليش اسميه حقد .. اكيد انها عتبانه علي بس .. وبعدين حتى لو كانت حاقده علي من يلومها ؟ تاركها كم شهر لا اسأل عنها ولا شي .. كارهها عشان رانيا والحين بعدما طلعت رانيا من حياتي .. اروح ادور على رنيم .. خلني احمد ربي بس انها وافقت تاخذ وتعطي معي بالكلام ولا انها طردتني من البيت بكبره .. بعودها علي .. لازم اخليها تتقبلني من جديد .. مو قادر انسى الفرحه اللي كانت بعيونها بيوم ملكتنا .. اللي انا هدمتها بيديني وبسبب حبي الاعمى لرانيا .. ابفتح صفحه جديده معها وبنسى الماضي وبنسيها .. ابتسم ماجد .. وربي تنحب .. ورب البييييييييت تنحببببببب !! احد يشوف هالعيون وماتدخل قلبه ؟!! الله يكون بعوني لين ما ترجع تتقبلني من جديد ..
توجه لبيته على طول .. ودخل من الابواب الخلفيه عشان محد يشوفه وركب الاصنصير عشان ما يشوف اي احد بالطريق وعشان الحريم اللي جوة البيت .. دخل غرفته واخذ له شور وانسدح على السرير يحاول ينام .. بس النوم مجافيه .. كل هذا ورنيم ما غابت عن باله ابد .. يفكر كيف يخليها تحبه .. قعد على ذا الحاله يمكن ساعتين .. قرر انه يرتب اغراضه دامه مو قادر ينام .. وبدا بأوراقه .. توجه لدرج المكتب وبدا يصف الاوراق فيه وملفاته المهمه وشهاداته .. لفتت نظره ورقه كانت على المكتب ..
ماجد استغرب: وش ذي الورقه .. انا مستحيل اخلي اوراق لي عالمكتب .. فتحها وقرا اللي فيها .. وقلبه يزداد دقاته مع كل كلمه يقراها ..
فتحت لك قلــــــبي ودفتر حياتي
ودي تحس بلوعتي لا تكلمت
ابيك تعرفني ، تفجر سكاتي
مابيك تدفني داخل شاطيء الصمت
خذني برمشك في سما امنياتي
علمني كيف اطير لوما تعلمت
محتاج لك تمحي جبر ذكرياتي
وتجدد احلامي بصوتك اذا نمت
عطني وطن ، لملم بعيونك شتاتي
تعبت اهيم بداخلك وانت ماهمت
ابيك تسمع قبل تنطق شفاتي
صوت الزجاج بداخلي لا تحطمت
لازلت انا ذاك الطفل في مراتي
ادور اللي يضمني لا تألمت ..
ماجد حس قلبه بيطلع من مكانه .. معقووووله !! تكون تحبني ؟ رنيم تحبني انا !!! اذا كانت من جد تحبني فأنا بمصيبه .. اكبر مصيبه .. لاني خذلتها .. خذلتها اي اكيد .. هي معلقه امالها فيني .. كانت تتمناني وجيتها
عطني وطن ، لملم بعيونك شتاتي
تعبت اهيم بداخلك وانت ماهمت
هذا معنى هذا البيت .. يااااااربي .. شلون اصلح غلطي ..
اكيد هذا كان قصدها لما قالت انها احتجاتني من بد الناس لما امها كانت مريضه .. تحبني وكانت محتاجتني جمبها .. بس من متى تحبيني يارنيم ؟ اتمنى مو من زمان .. ولا بكون غلط بحقك اكبر غلط ممكن اسويه بحياتي كلها .. صحيح ما حبيتها بس ابي احبها .. ابي احس فيها ..
عند الحريم
كانت العزيمه ماشيه على احسن وجه .. وكان الكل مبسوط وفرحان ..
الهنوف: اقووول بنات .. وين نصي الثاني؟
ريما: واحنا وش درانا
الهنوف: يعني يمكن تكونون شفتوها من هنا او هنا ..
دلال: انا شفتها مع شهد قبل شوي ..
الهنوف عصبت: ياربي من ذا الشهد .. كلما جت تاخذها مني .. وربي ما اسكت لها
مها: ههههههههههههه عن حركات البزران عاد ومانبي فضايح عند خلق الله ..
الهنوف: انا الحين اللي اسوي فضايح ؟؟ طيييييب والله لا اخرب عليكم ذا العزيمه .. وقامت تدور على ايان
مها : ههههههههههههه ماهي صاحيه ذا البنت ..
ريما التفت على ديما: ديما وش فيك ؟
ديما مرتبكه : هاا .. وش فيني؟
ريما: مدري عنك .. اشوفك سرحانه وتفكرين كثير ..
ديما تبتسم غصب: لا سلامتك مافيني شي ..
ريما ناظرتها بشك : ان شاء الله مايكون فيك شي ..
الهنوف كانت تدور على ايان بكللل مكان ولا لقتها ..
الهنوف: اففففف وين راحت ذا البثره لو شفتها بخنقها ..
صارت تدور وتدور بالفيلا لين مارجلها تكسرت ..
افففف حسبي الله على شيطانها من بنت .. درت البيت السبه دورات ولا لقيتها ... اااااخ اخر مره مسيت هالكثير يوم كنت اطوف واسعى بمكه ..
سكتت يوم سمعت حس من بعيد شوي .. قربت واخيرا لقت ايان .. توها بتصرخ وتناديها لكن بلعت لسانها يوم شافتها مع ..
ايان: طـــــــــلال ..
طلال التفت : هلااااا والله بأيوون .. شلونك ؟
ايان بحيا: الحمدلله .. انت شلونك
طلال: انا بخير .. الحمدلله على سلامة ماجد
ايان: الله يسلمك يارب..
طلال: يللا يا حلوة عن اذنك ..
ايان بسرعه : وين تو الناس ..
طلال : بدخل عند الرجال
ايان بلهفه : ماشبعت منك ..
طلال ابتسم وفوق راسه مليون علامة استفهام : ايون محتاجه شي ؟
ايان: اي
طلال: طيب امري ..
ايان: طلال انا ...
طلال ساكت ويحثها تكمل كلامها: ......
ايان: طلال بصراحه
طلال: احكي اللي عندك ولا تستحين انا زي اخوك
ايان عصبت: لا تقول اخوي .. انا ماعندي اخوان غير ماجد ومتعب
طلال لا اراديا ضحك على برائتها: خلاص خلاص ولا يهمك ..
ايان حست حالها بزر
قرب منها طلال وقرص خدها : يللا يا امورة الحين انا استأذن منك
ايان بسرعه : طلال لا تروح ..
طلال وهو مستغرب تصرفاتها : ايان تبين تقولين شي؟؟
ايان: هااا !!
طلال: تبين تقوووولين شييي؟؟؟!
ايان بدون ماتحس: أحبـــــــــــــــك
الهنوف من سمعت ايان تقولها شهقت بصوت عالي بس محد منهم سمعها
طلال شك باللي سمعها : لبيه ؟
ايان: طلال انا احبك ..
طلال ارتبك لانه حس بصدقها : أأأءء وانا احبك ..
ايان بفرح مو سايعها: صدق؟!!!
طلال: طبعا ... انتي مثل اختي شهد .. كبرتوا قدامي وياما لعبتكم وسويت لكم .. كيف ما احبك
ايان: طلال انت فاهم قصدي زين .. ما يحتاج تقول لي اني مثل شهد عندك .. وقربت منه زياده .. طلال انا احبك والله احبك
طلال مصدوم وموقفه صعب .. حاس انها فعلا جاده وماتمزح : يا ايان افهميني
ايان:مابي افهم .. انت افهمني ..
طلال مسك يدها وسحبها لكرسي من كراسي الحديقه بهدوء: ايان .. انتي مثل اختي شهد بالضببببط .. وغلاكم واحد عندي .. ومستحيل احبك اكثر من كذا ..
ايان:......
طلال: ايان انتي معي ؟
ايان:...........
طلال تنهد بقوة : شوفي ايون .. انتي بالنسبه لي احلى بنوته شفتها بحياتي .. اختي الصغيره ودلوعتي .. بالضبط مثل شهد
ايان بدت تبكي وارتفع صوتها: اوووووه شهد وشهد .. وش فيك انت ما تفهممممم اقول لك احبك تقول لي احبك مثل شهد ,, مابيك تكون اخوي مااابي .. ابيك تكون حبيبي
طلال: يا ايان ما يصير الكلام هذا .. عمرك شفت واحد يحب اخته الصغيره ؟ ماقد صارت والله العظيم ..
ايان ببكا: انا مابي اكون اختك .. ابي اكون حبيبتك .. ليش ماتفهم
طلال: ايان .. شهد ما قالت لك اني خاطب ؟
ايان انصدمت : خاطب !!!!
طلال: اي خاطب .. خاطب بنت خالتي .. اسمها عبير .. بنت تجننننن يا ايان لو تشوفينها بتحبينها مووووت .. قمرررر وحبوبه وبنت زي العسل .. امووت فيها وربي احبها ..
شهد صرخت عليه: ليش تقول لي كذا لييييييييييش ؟!!!
طلال: عشان اثبت لك احتى لو تناسيت انك اختي اني مستحيل انسى حبي لعبير اللي كبر بقلبي من يومي صغير ..
ايان: انت كذاااااااااااب تحبني انا .. ما تحبها هي
طلال وهو ماهو فاهم : من قااااال لك .. وش اللي خلاك تقولن كذا ؟؟ شهد ؟؟
ايان: وش شهد انت !!!! ما احتاج لشهد عشان تفضح اهتمامك فيني ونظراتك لي ..
طلال: يا حبيبتي يا ايان كل هذا من اوهااامك .. كل هالمعامله اللي اعاملك اياها اعامل شهد فيها .. وغير هذا من اوهامك
ايان تبكي بقوة: ليش مصر تنكر انك تحبني لييييييييييييش؟؟
طلال: انا ما انكر .. انا اقول لك الصدق
ايان قامت من مكانها وصرخت بوجهه : اكررررررررررررررهك .. ومشت من مكانها ..
طلال تنهد بضيق وهو للحين ماهو مستوعب وش اللي صار
ايان مشت تبي تدخل للفيلا بس سحبتها يد الهنوف
ايان يوم شافتها رمت نفسها بحضنها وكملت بكا
الهنوف وهي تمسح على راسها: وش اللي سويتيه يا مجنونه
ايان تبكي بقوة: جحدني يالهنوف .. نكر حبه لي سمعتيه وش قال
الهنوف: يا ايان هو ما يحبك ما سمعتي وش قال ؟
ايان تصرخ: كذااااااااااب هو يحبني بس مايدري
الهنوف شكت بعقل بنت عمها : شلون يعني يحبك وهو مايدري .. هذا كلام !!!
ايان بصراخ زياده: اسكتي اي يحبني وهو مايدري
الهنوف تجاريها : ومتى بيدي ان شاء الله ؟
ايان تسكت شوي:...... مع الايام ..
الهنوف: اي .. رح يدري وان ما درى .. بكف مني رح يدري ..
اليوم اللي بعده
شذى قامت من النوم وهي كارهة احمد .. ناظرته باشمئزاز مو طبيعي .. كل يوم تكتشف وحشيته اكثر من اليوم اللي قبله .. تكرررررررهه وماهي قادره تحبه ..
قررت تقوم تتحمم .. يمكن احساسها بالقرف يروح ..
اخذت لها حمام طووووويييييييل مررررره
اما احمد .. كان جواله يرن رن مو طبيعي .. كنه حالف انه يقوم الحين .. حاول يطنشه .. لكنه رن مرة وثنتين وعشره ..
عصب احمد وتحلف بالمتصل ..
رد بكل عفاشه: نعععععععععععععععم ,, خيييييييييييييييير ماعندك ذوق تدق بصباح ربي بهالاصرار كللللله ؟!!!!
.......: قوم من نومك عشان نقدر نتفاهم ..
احمد انصدم : معقول ... ما اصددددق اللي قاعد اسمعه !!!!
مين المتصل على احمد ؟؟ وايش يبي منه ؟!!!
وايش تعليقكم عالبارت وتوقعاتكم ؟؟؟ ..
اتمنى يعجبكم .. احبببببكم
هاجس ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت الرابع والعشرين
بيت ابو ماجد
كانت ايان قاعده بالصاله .. تفكر باللي صار لها امس .. شلون يقدر طلال يردني ليش ينكر حبه لي < مصره انه يحبها وينكر
ايان مسكت مخده جمبها وسدت فيها وجهها عشان تصرخ وتفرغ اللي فيها من قهر .. صرخت بأعلى ما عندها
على دخلة ليان اللي كانت لابسه عبايتها بتطلع مع محمد
ليان بنظره : الحمدلله والشكر .. انهبلتي؟
ايان بدون نفس: اطلعي من مخي مالي خلق
ليان وهي تتحجب: وش فيك زعلانه على هالصبح
ايان: يووووه قلت لك مالي خلق شي ..
ليان: طيب تعالي معي نغير جو شوي
ايان: وين رايحه؟
ليان: محمد بيعدي علي نروح نفطر وبعدين نشوف لنا اغراض عشان بيتنا
ايان: ياذا البيت اللي عيا يخلص
ليان تتجاهل التعليق: ها بتجين ولا لا ؟
ايان بقرف: لا تكفين مالي خلق اقابلك انتي والمتيم الولهان حقك .. كان تقرفون صبحي بغزلكم
ليان خبطتها بالشنطه:انا بس بفهم شي واحد انتي متى بتكبرين وتتعلمين الاحترام
ايان تستفزها : اعرفه قبل لا اشوف وجهك
ليان : اصلا انا الغلطانه اللي واقفه اخذ واعطي معك .. خلك قاعده هنا وعسى عمرينك ما طلعتي .. وطلعت
ايان ماردت عليها وصارت تناظر السقف تفكر باللي صار امس
رن جوالها وكان المتصل الهنوف
ايان ببرود: هلا
الهنوف بصراخ : وجججججججججججع ان شاء الله يا حماره
ايان وخرت الجوال عن اذنها : وش فيك انتي لا تصرخين باذني
الهنوف: صار لي ساعه اكلمك على البلاك بيري وراك ما تردين يامال الماني قايله ؟
ايان : ماني منتبهة له اففف وش تبين
الهنوف: كنت بتطمن عليك
ايان بتريقه : تطمني بعد ذا الصراخ جاني ثقب بطبلة الاذن
الهنوف: ايان وجع ان شاء الله .. هذا جزاي
ايان: الهنوف تعالي لي
الهنوف: اصلا بدون ما تقولين انا بجيب فطور واجي افطر معك ..
ايان: وابيك تقضين اليوم كله معي
الهنوف: طيب طيب يا كثر طلباتك
ايان بزعل: يعني ما يحق لي اتدلع وانا نفسيتي تعبانه
الهنوف: التعب انتي اللي جبتيه لنفسيتك هذا اولا .. وثانيا محد قال لك انضربي على قلبك وحبيه وتوهقي وثالثا انتي تحبين وانا ابلش بك واقعد ادلع فييييك !! معصي ..
ايان عصبت: يا حماره انا اختك وبنت عمك !!!
الهنوف: الحماره ذي رح تجيب لك فطور تحكين فيه لين الليل .. يللا وخري بس خليني البس واجيك
ايان:طيب استناك ..
بيت ابو مشعل ..
مشعل ما ذاق النوم من يوم ما طلعت اثير من البيت .. ماكان يحتك فيها ويكرهها ويكره كل شي فيها .. لكن كانت تجذبه .. مشتاق لاحساسها وابتسامتها اللي كانت تستفزه ورقتها وعطرها وكل مافيها
كان قلقان .. يروح ويجي بالجناح ماهو عارف وش يسوي ..
مل من هذا كله خلاص .. يبي يعيش براحه
يبي يكون مبسوط ومرتاح معاها ..
مسك راسه وشد عليه بتوتر .. ليييييش
ليش صرت افكر فيها بجنووون ..
خلاص طولت ولازم ترجع لي لااازم .. حتى وان كانت تكرهني بخليها تحبني غصب .. لاني وربي احبها ..
بيت ام عبدالرحمن
كانت ام عبدالرحمن تفطر مع ام زياد وغدير وخلود زوجة عبدالرحمن وعيالها ..
ام زياد : وينها اثير يا عايشه ؟
ام عبدالرحمن وهي تأكل رند حفيدتها : نايمه
ام زياد: وليش ما قومتوها تفطر معانا؟
ام عبدالرحمن : مالها نفس تقول .. رح تاكل بعدين
ام زياد بدقه: هي كم صار لها تاركه بيت زوجها ؟
غدير ناظرت بخلود وبأمها تستناهم يردون ..
وقالت : هي ماهي تاركه بيت زوجها يا خالتي .. كل الحكايه انها مشتاقة لنا ومن زمان ما سهرت معانا ووسعت صدرها فاصريت عليها انها تبات عندنا كم يوم
ام زياد: كم بتقعد هنا ؟
غدير وهي تشرب من عصيرها: تقعد على قد ما تقعد .. هذا بيتها اول وتالي
ام زياد: بس هي متزوجة وغلط تترك زوجها ..
غدير بنظره : لو كانت متزوجة وعندهت عشر اولاد برضو رح تظل وحده من هالعايله وصاحبة البيت ومو من حق اي احد حتى لو كان زوجها انه يمنعها عننا ..
ام زياد بلعت غصتها وسكتت .. انقهرت من رد غدير لها
غدير حست انها سكتتها وقامت ..
خلود : ما اكلتي
غدير تناظر ام زياد: شبعت الحمدلله .. تعرفيني يا خلود .. اذا حكيت وكثرت حكي وانا اكل تنسد نفسي بسرعه .. عن اذنكم وبالعافيه .. وتوجهت لغرفتها على طول
ام زياد: ايش بها بنتك يا عايشه ؟ ليش تتكلم بدي الطريقه ؟
ام عبدالرحمن : انتي تعرفين غدير وش كثر متعلقه باثير .. وكلما تتذكر انها بترجع لبيت زوجها بالنهايه تتنكد
ام زياد : بس كذا ؟ خلاص ولا يهمك ان شاء الله ماترجع ابد لبيت زوجها
خلود طيرت عيونها فيها من الصدمه : وش ذا الكلام يا خالتي .. وبعدين ايش اللي فتح سيرة اثير وزوجها الحين .. مو وقته واصلا هم ماهم محور كلام .. خلونا نخلص فطور عشان اسوي لكم شاهي يحبه قلبوكم .. وكملت بقوة .. بالعااافيه
ام زياد حست انها زودتها .. كملت فطورها وهي ساكته ..
اما ام عبدالرحمن كانت عارفه ليش ام زياد تسوي كذا لانها رفضت خطبة زياد لاثير وهذا الشي مأثر عليها للحين .. عشان كذا ما اهتمت كثير باللي قاعد يصير ..
بيت احمد
شذى قامت من النوم وهي كارهة احمد .. ناظرته باشمئزاز مو طبيعي .. كل يوم تكتشف وحشيته اكثر من اليوم اللي قبله .. تكرررررررهه وماهي قادره تحبه ..
قررت تقوم تتحمم .. يمكن احساسها بالقرف يروح ..
اخذت لها حمام طووووويييييييل مررررره
اما احمد .. كان جواله يرن رن مو طبيعي .. كنه حالف انه يقوم الحين .. حاول يطنشه .. لكنه رن مرة وثنتين وعشره ..
عصب احمد وتحلف بالمتصل ..
رد بكل عفاشه: نعععععععععععععععم ,, خيييييييييييييييير ماعندك ذوق تدق بصباح ربي بهالاصرار كللللله ؟!!!!
.......: قوم من نومك عشان نقدر نتفاهم ..
احمد انصدم : معقول ... ما اصددددق اللي قاعد اسمعه !!!!
....... : ههههههههه شفت كيف ؟ واحد من احلامك تحقق اخيرا ورجعت تسمع صوتي .. واكيد ما كمت تحلم انو مشاعل بنت حمد ترجع تتصل عليك وتعبرك من جديد
احمد : .........
مشاعل: انا عالعموم ماني داقه اسمع تغريدك وصوتك الفتان .. انا داقه اطلب منك شي
احمد: وش المطلوب مني ؟
مشاعل: زوجتك !!
احمد انصدم: وش فيها زوجتي ؟
مشاعل: زوجتك تلتزم حدها .. وتبعد عن اللي ابيه وانت تعرف انا اذا كان الشي لي ما اسمح لاي احد بالدنيا انه يشاركني فيه
احمد تعدل بجلسته وسأل وهو ماهو فاهم شي : وش اللي لك وزوجتي مشاركتك فيه ؟ وايش عرفك اني متزوج اصلا؟ وبعدين انا مغير جوالي كيف جبتي الرقم ؟
مشاعل : اولا عيب عليك تسأل انا كيف جبت رقمك .. انت تعرف اني مو بس اقدر اطلع رقمك .. اقدر اطلع روحك كمان .. وثانيا عيب وعيب كمان انك تسألني كيف عرفت انك متزوج .. وثالثا ... اسأل زوجتك وش الشي اللي عندها ومالها حق تفكر فيه او حتى تجيه بس انه للحين بقلبها وببالها
احمد وده يذبح مشاعل وغموضها: وش ذا الكلام مشاعل .. ممكن تفهميني وش السالفه وايش الالغاز هذي ؟
مشاعل بغرور: اممم تعرف واحد اسمه بدر بن سلمان ال .
احمد بلع ريقه من هيبة صاحب الاسم : بدر بن سلمان !! ولد سلمان ال... التاجر ؟
مشاعل: يب ولد التاجر ... وبنفس الوقت ولد عمي وخطيبي
احمد انصدم : وش ولد عمك ؟؟ وخطيبك ؟!!!
مشاعل: هههههههههههه صدق انك فاهي .. عمرك ما ربطت بالاسم يعني ؟ نفس اسم العايله ؟ وش بلاك جيب بزر بالابتدائي وبيعرف اننا عيال عم .. وبعدين وش فيك منصدم ايوة خطيبي لا يكون عندك مانع بس !!
احمد : طيب وش المطلوب مني الحين ؟ وايش دخل بدر هذا بزوجتي ؟
مشاعل :امممممم قول لها تبعد عنه احسن لها
احمد حس الدنيا تضيق بعيونه وكل شياطين الدنيا تتنطط قدامه :
انتي وش قاعده تقولين .. وش علاقة شذى ببدر حقك هذا !!!
مشاعل باسلوب ينرفز:اووووه اجل اسمها شذى .. والله حلو اسمها .. هي حلوة مثل اسمها ولا ...
احمد عصب ورفع صوته : لا تغيرين الموضوع فاهمه ولا لا
مشاعل بغت تنجن : انت شلون تتجرأ وترفع صوتك علي وتكلمني بالاسلوب هذا !!!!! انت نسيت نفسك ولا ايش ؟ احترم نفسك لا اوقفك عند حدك انت وزوجتك بطريقتي الخاصه .. تصرف احسن لك مع زوجتك لا اتصرف انا .. واتوقع انك تعرفني زين وتعرف اني انسانه مالي حدود ..
احمد سكت بس ميت من العصبيه وده يذبح مشاعل ويفتك منها وبنفس الوقت وده يقفل منها بسرعه عشان يروح يموت شذى
مشاعل: فهمت يا حمار ولا اعيد
احمد وهو يشد على يده واعصابه تلفانه : وش دليلك انو شذى كانت على علاقه مع ولد عمك ؟
مشاعل باستهزاء: اولااااا انا ما تفضيت من اشغالي وتفرغت لك انت وزوجتك على الفاضي .. وقتي مهم وغالي ولا رح اضيعه عليك انت والحماره اللي متزوجها .. ثانيا ..مالي مصلحه اني اكذب بحقها ولا ايش رايك
احمد يبي يردها لها: يمكن تكذبين لانك تبيني لسه .. وخاطرك فيني
مشاعل ضحكة بدلع وبشكل ينرفز وبصوت جدا عالي: ههههههههههههههههههههههههههههههههه لالالا انت مستحيييييل ..ماني راده عليه موووووت .. ههههههههههههههههههه وقفلت بوجهه ..
احمد تنرفز زياااااده وصار ما يشوف قدامه .. سمع صوت باب الحمام وشذى طلعت
احمد بسرعه قياسيه صار واقف عنده وعطاها كفففففففففف خلا وجهها يقلب الوان منه ..
شذى انصدمت من حركته : ايش سويت !!!!
احمد صار يصفقها كف ورا الثاني ويشد شعرها بقوة من القهر اللي فيه .. ويوم طلع ربع القهر رماها عالارض ..
شذى من بين دموعها: ايش سويت استاهل هذا كله .. ايش سوييييييت !!!
احمد بصراخ: يا حيوااانه يا خاينه .. مييييين بدر !!!!1
شذى انصدمت من سؤاله : بدرررر
احمد : اي بدر يا حقيره
شذى: مدري مين بدر !!!
احمد ينزل لمستواها ويشدها من شعرها: كيف من بدررر .. تستهبلين حضرتك ولا ايش قصتك ؟!!!!!!
شذى تبكي زياده : فهمني طيب ..!! من جاب طاري بدر .. اصلا انا اول مره اسمع الاسم هذا بحياتي ...
احمد : قسما بالله لا اربيك .. وكمل الضرب عليها .. وهي ماهي قادره تفك نفسها منه .. كل اللي هي قاعده تسويه انها تدعي ربها يفكها منه قبل لا يذبحها من الضرب لانو صارت تحس انها ثقيله ولا تحس بشي واغمى عليها ...
احمد يوم حس انها بطلت تقاوم عرف انها اغمى عليها .. رماها عالارض زي ماهي وسكر الباب وطلع من الغرفه .,
نزل تحت لقى امه رمى نفسه عالكنبه ..
ام احمد: وش فيك اللهم ياكافي لا احم ولا دستور .. وراك ما تسلم داخل على كفار انت !!!
احمد مارد عليها بس تأفف..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك