رواية علميهم ليه احبك حب ما حبه بشر -39
احمد : قسما بالله لا اربيك .. وكمل الضرب عليها .. وهي ماهي قادره تفك نفسها منه .. كل اللي هي قاعده تسويه انها تدعي ربها يفكها منه قبل لا يذبحها من الضرب لانو صارت تحس انها ثقيله ولا تحس بشي واغمى عليها ...
احمد يوم حس انها بطلت تقاوم عرف انها اغمى عليها .. رماها عالارض زي ماهي وسكر الباب وطلع من الغرفه .,
نزل تحت لقى امه رمى نفسه عالكنبه ..
ام احمد: وش فيك اللهم ياكافي لا احم ولا دستور .. وراك ما تسلم داخل على كفار انت !!!
احمد مارد عليها بس تأفف..
ام احمد: وين حرمتك ذا الرفله لا نزلت تفطرني ولا تسوي لي قهيوتي .. والله مامنها فايده .. انا اقول طلقها ورجعها لاهلها وانا ازوجك سلوى بنت ام جابر زين وسنع
احمد صرخ : وش فيك من صباح ربي انتي ... يرحم امك صدعتيني
ام احمد: وش بلاك يا كافي تصارخ .. انا امك ياللي ما تستحي ..
احمد وقف: اوووووف تمرضون الواحد ..
طلع غرفته واخذ مفتاحه وبوكه وعطى شذى المغمى عليها نظره وقفل الباب عليها بالمفتاح وطلع من البيت بكبره .. وهو ناوي بس يرجع يكمل عليها وما همه لو تموت بيده ..
بيت ابو بندر
بدر كان يتقلب بفراشه .. ماهو قادر ينام زين ..
تأفف بقوة وصار يناظر السقف ويفكر ..
هو يدري انو خلاص ما يجوز انه يفكر بشذى لانها ما تحل له الحين .. بس ما يقدر يمنع نفسه عن هالشي ..
سمع طق عالباب .. بس مارد ..ماله خلق احد ولاااا شي ..
دخل بندر بسرعه عليه : وراك ما ترد
بدر: مالي خلق ..
بندر: مالك خلق اخوك المسكين اللي توه راجع من غربه ومشتاق لك وافقد حنان ...
بدر مارد عليه
بندر قرب منه: انت وش فيك بدر .. ترى ما كنت كذا .. شاللي تغير ؟
بدر: حياتي كلها تغيرت .. من فوووق لتحت..
بندر: لاااا وضعك انت وولد عمتك ما ينسكت عليه .. امووت واعرف وش فيكم !
بدر: مين ولد عمتي ؟
بندر: مين يعني ؟ خالد في غيره حاله منقلب كمان !! قووم بسرعه اشوف
بدر: على وين ؟
بندر: قوم غير ملابسك نبي نطلع
بدر: مالي خلق
بندر: انا ما اخذ رايك .. انا اقول لك قم الحين .. غير ملابسك على بال ما اكلم ولد عمتك واقول له يقابلنا .. بنفطر بره اليوم
بدر: قلت لك مالي خلق يا بندر لو سمحت خلني بحالي
بندر وهو يطلع جواله من جيبه ويدق على خالد : قلت لك ماني مخليك لين اعرف وش وراك ..
بدر بدا يعصب: كل ذي لقافه
بندر: سميها اللي تسميها .. ورد على خالد اللي رد عليه
بندر: هلااا خلوووود
خالد: اهلين
بندر: عمى وش ذا الترحيب الميت .
خالد: بندر وش بغيت ترى مالي خلق .
بندر: وجع وش بلاكم انتو
خالد : من احنا
بندر : بلا كثرة حكي واجهز شويات ونمرك انا وبدر
خالد : وين ؟
بندر: بنروح نفطر ..
خالد: وربي يا بندر مالي خلق خلني بهمي
بندر: اسمع انت وهمك .. كلها ربع ساعه واكون عند بابكم .. قسم بالله ان ما نزلت لا اطلع اتلك تللللل من بين عيونك سامع ولا لا !!!
خالد : .......
بندر: احكي عربي اناااا !!!
خالد : خلاص طيب ..
بندر : كفووو .. يللا وخر خلني اسحب بهالثاني .. وقفل بدون مايسمع الرد
بندر يقررب من بدر ويسحبه من ملابسه : يللللللاااااا عالحمااااااام
بدر ضحك غصب عنه لانو هذي حركة اخوه من يومهم صغار : طيب طيب مشيت ..
بيت ام عبدالرحمن ..
اثير كانت بغرفتها قاعده تقرا لها كتاب ومتحمسه فيه .. دخلت عليها غدير تتأفف
اثير: وش فيك ؟؟
غدير : ام زياد
اثير: وش فيها ام زياد ؟؟
غدير: ابثرتني
اثير بعتب: عيب عليك .. هذي بمرتبة ماما لازم نحترمها
غدير: يختي مابقت كلمة ما نطلتها عليك ..
اثير باستغراب: انا ؟!!
غدير: ايوة انتي ..
اثير رجعت عينها لكتابها: خليها تحكي وش علي منها
غدير بقهر : يعني ما تبين تعرفين وش قالت ؟
اثير هزت راسها ب لا .. بدون ما تقول اي شي ..
غدير انقهرت من برود اختها وصارت تدور بالغرفه .. وتحوس بالاشياء
اثير: لا تحوسين يا غدير توني مرتبه ..
غدير: اووووووففففففففف
بالصاله اللي تحت
كانت ام عبدالرحمن قاعده مع خلود وام زياد .. يسولفون ويشربون شاهي
ام زياد رن جوالها وكان المتصل ولدها زياد ..كلمته وقفلت
ام عبدالرحمن: شلونه زياد ؟ عساه مرتاح ؟
ام زياد: وين يرتاح وانتي اللي خيبتي رجاه
خلود بدون نفس: لا حول ولا قوة الا بالله
ام عبدالرحمن: كل شي قسمه ونصيب يام زياد .. واللي ربي كاتبه صار ليش ترجعين تفتحين الموضوع
ام زياد بقهر: من حرقة قلبي على ابني .. ما تبيني ازعل
خلود: خلاص يا خالتي ام زياد صلي على النبي واعتقي البنت وزياد انا من رايي انك تخطبين له عشان يشوف حاله ..
ام زياد : بخطب له ست البنات .. بس هو يأشر ويبشر باللي يسره
خلود تشرب من الشاهي : اييه ربي يوفقه ..
نزلت غدير ومعها اثير .. نزلتها بالغصب
اثير: صباح الخير
ام زياد: اي صباح الخير .. قولي مساء الخير ..
اثير : مساء الخيرات ..
ام زياد: فينك ما نزلتي تفطري معنا ؟
اثير: ماكان لي نفس ..
ام زياد : الله يسد نفس اللي سد لك نفسك ..
خلود : تعالي اثير جمبي .. خذي من رند عذبتني
اثير : ان شاء الله .. اخذت بنت اخوها اللي تموت فيها وصارت تلعبها وهي مبسوطه
غدير حطت راسها على كتف امها: ماما صبي لي شاهي
ام عبدالرحمن : من عيووووووني حبيبتي انتي
ام زياد تناظر غدير ..تشبه اثير كثييييييير .. بس اللهم مبين انها الصغيره وشعرها اسود ماهو بني مثل اثير .. ولا كل شي نفس الحاجه ..
ام زياد : امممم اقول يا عايشه ..
ام عبدالرحمن وهي تصب الشاهي لبنتها : قولي
ام زياد : تعطونا بنتكم ؟
ام عبدالرحمن رفعت نظرها لام زياد وهي ماهي فاهمه شي .. اما غدير خزت ام عبدالرحمن بقوة وخلود مصدومه من ذا الحكي ..اما اثير اصلا ما كانت حولهم كانت لاهية مع بنت اخوها
ام عبدالرحمن :انا وش قلت من قبل يام زياد .. وبعدين البنت متزوجه ..
ام زياد : ههههههههههه فهمتيني غلط .. انا قصدي غدير
شهقت غدير بقوة : خيييييييييييير !!
ام عبدالرحمن : بس يا غدير
اثير انتبهت من صوت اختها اللي كان عالي
ام زياد : عيب يا غدير .. انا اكلم ماما ما اكلمك انتي
غدير بعصبيه :انا بفهم .. انتي جايه تنكدين علينا ولا وش وضعك بالضبط .. من قال لك اني ابي اتزوج .. انتي مستوعبه كم عمري!!!
ام زياد : مافيها شي يا بنتي ..
غدير وقفت: الا فيها ونص .. بعدين من زين ولدك .. وقامت بسرعه على غرفتها ..
اثير راحت ورى اختها عشان تشوفها ..
ام زياد: شفتي بنتك يا عايشه ؟
ام عبدالرحمن: والله ماكان له داعي الكلام هذا .. وخصوصا قدامها
ام زياد : ماعليكي منها .. انتي موافقه ؟
خلود :اتوقع انك سمعتي رد البنت يام زياد .. وشو له نكثر حكي ؟
ام زياد انقهرت زياده .. ثاني مره يرفضو ولدها .. هي فكرت انو يمكن ولدها اذا زوجته غدير رح ينسى اثير لانها تشبه لها مرره ويمكن يقدر يحبها ..مدري على وشو شايفين نفسهم بنات عايشه !!!
بيت ابو بندر ..
ريما كانت طالعه للمطبخ .. ولفت نظرها اختها ديما اللي كانت قاعده بالصاله وسرحانه ..باين عليها انها قاعده تفكر بشي وبعمق
ريما:ديووم
ديما انتبهت : سمي
ريما: وش فيك ؟
ديما بابتسامه: ولا شي ..
ريما: انت من بعد العزيمه وانتي مو عاجبني وضعك !! فيك شي حبيبتي ؟ صايره تسرحين كثير !
ريما قعدت جمبها : وش صاير حبيبي ؟
ديما: ولا شي .. وين بدر ؟ ابي اكلمه
ريما: بدر طلع مع بندر من الصبح ..شكلهم بيطولون بره ..
ديما: ريووم ضايق خلقي مرره
ريما تحضنها: ليش حبيبتي ؟
ديما: مدري .. بس كذا احس اني متضايقه ..
ريما: تعوذي بالله من الشيطان .. قومي غيري ملابسك .. خلينا نطلع نتمشى شوي ونغير جو احسن من القعده
ديما ما رفضت لانها محتاجه تغير جو وتشيل من بالها كل حاجه شاغلتها ..
بيت ابو رنيم ..
رنيم كانت قاعد بالحديقه تتمشى .. تحس انها طااااااايره من الفرح بعد رجعة ماجد لها واعتذاره كمان .. بس للحين قلبها شايل عليه .. توه يذكرني يعني !!!
صارت تدنن وهي تتمشى وتغني باحساس
لسه بحبك .. لسه بحسك
انا محتاج لك نفسي اضمك
بس انااااااا .. قلبي شايل منك
مش قادر يسااامحك
كل ما اجي اصالحك ..الاقي قصادي جرحك
حبيـــــــــــــــــبي
نفسي احكيلك .. نفسي اشكيلك
عاللي تاعبني منك ليك ..
قلت انا هبعد .. مش قادر ابعد
نفسي ارتااااح فحضن عنييييييك
جاها صوت من ورا: طيب لمتى رح يظل شايل قلبك علي ؟
رنيم التفت بصدمه : ماجد !!!
ماجد بابتسامه قرب منها : اي ماجد .. وش فيك؟
رنيم ارتبكت من قربه:ماحسيت بجيتك ..
ماجد: طريتي على بالي وقلت اجيك ..
رنيم استحت .. ولا توقعت هذا جوابه ..مد يده عشان يسلم .. مدت يدها بعد تردد لقته يبوسها لها ..
سحبت يدها منه بشويش ووخرت عينها عنه : ماقلتي لي انك بتجي
ماجد وهو لسه مبتسم : يعني مو مرحب فيني ؟
رنيم: مو القصد .. البيت بيتك يا ولد عمي
ماجد : امممم رنيم
رنيم: هلا
ماجد: ابي اعرفك
رنيم: يعني ما تعرفني ؟
ماجد :هههههههه لا مو كذا .. بس ابي اعرفك اكثر
رنيم: اهاا .. كل شي بوقته حلو ..
ماجد سحبها من يدها وقعدوا على اقرب كرسي بالحديقه : والحين وقته .. يللا سولفي ..
رنيم ماهي مستوعبه اللي قاعد يصير.. حبيب قلبها قدامها ويبتسم لها ويبي يعرف عنها اشياء كمان .. بس لازم تبان قويه .. هي للحين ماخذه منه موقف
ماجد يتأملها : مطوله ساكته
رنيم : ماجد انت وش تبي مني بالضبط ؟
ماجد : ابي اعرف زوجتي وش تكون بالضبط .. ليش مجننه امي ومطيره عقل ابوي .. وليش خواتي يحبونها وكل العايله تحترمها !! ابي اعرف يمكن بكره يصير لي نفس الشي ..
رنيم استحت : وش يصير؟
ماجد: يمكن تطيرين لي عقلي مثلهم ..
رنيم وجهها انصبغ احمررررر
ماجد انبسط على احراجها .. معناه انها بدت تتقبل الوضع ..
ماجد: طيب .. اللي عرفته للحين انك فناااااانه وصوتك ابدااااااااع ..وانك تحبين الرسم وتدرسين فنون ..
رنيم: ايوة .. هذي ماهي جديده كل العايله تدري بكذا ..
ماجد : امممم وش بعد طيب ..
رنيم : ماجد انا ماني فاهمتك بالضبط !! انا ماني مرتاحه اصلا الحين بالقعده ..
ماجد خاب ظنه : ليش طيب احنا منا قاعدين نسوي شي غلط .. انتي زوجتي الحين ..
رنيم: اي زوجتك .. بس للحين ببيت ابوي .. وانا مارح ارضى اني اضايق ابوي ابدا .. مهما كان
ماجد وقف : يعني ؟؟؟ اروووح ؟
رنيم لفت نظرها للجهه الثانيه ماتبي تضعف وتقول له تكفى لا تروح ..
ماجد ابتسم ..وهو عارف انها اللي قاعده تسويه بس عشانها متضايقه منه للحين .. بس مصيرها تحن له من جديد ..
قرب منها ماجد وبحركه سريعه باسها على خدها ومشى قبل لا تتهور وتذبحه .. رنيم انصدمت مرررره .. اخر حركه توقعتها منه ..
مشى ماجد بعدما سرق لها نظره اخيره وهو يغني ..
مسيره يرد مسيره لا ذكر يشتااااق
مسيره الود يرده من بعد الفراااق
حبيبي واعرف اطباعه .. زعله ما يدوم ساعه
عليه ولهان وشوقي له على عيوني الحزينه باااان ..
صار يغني لين اختفى من عيونها .. وهي حاطه يدها على خدها مكان بوسته .. ماهي فاهمته .. ايش قصده من كل الحركات هذي ؟!! انا ماني فاهمه شي ..
بس على طول ابتسمت ابتسامتها العذبه وهي تمسح دمعه فرحة نزلت من عيونها بسرعه .. يااارب احبه ..
سيارة بندر
بدر : ياخي وشو له المشاوير هذي كلها .. تدري انو مالي خلق وشو له مسحبنا كذا كننا خرفان .. كان حكينا بالبيت وقلنا لخالد يجينا وخلاص ..
بندر وهو يوقف سيارته عند فيلا عمته : اسكت ولا يكثير ..
دخل الفيلا بعد ما فتح له الحارس الباب .. ودق على خالد اكثر من مره بس الولد مارد ..
بدر بدا يتنرفز : قلت لك ماله داعي هذا كله ..
بندر وهو مصر ويدق على خالد : اسكت بس ولا يكثر ممكن .. دق حوالي 10 مرات بس خالد معيي يرد ..
بندر: مسوي فاهم هو ووجهه .. طييييييييب والله لا اطلع اتله من كشته ..ونزل من السياره ..
بدر : لا حوووووووووووووووول
بندر وهو متوجه لباب الفيلا لفته صوت انثوي قاعد يضحك .. لا اراديا التفت على مكان الصوت وشاف بنوته تجنننن .. قاعده عالكراسي وتكلم بجوالها ..
كان شكلها حلوو مرره وناعم .. عفويه البنت بقوووة .. لانها كانت تضحك وكان محد حولها .. ابتسم لا اراديا بندر من شكلها ..
ويوم انتبه على عمره دخل الفيلا بسرعه قبل لا تشوفه وتنحرج .. اكيد هذي مها .. يا حلوها كبرت ..
توجه لغرفة خالد اللي حافظها زين على الرغم من انه ما جا لبيت عمته من زماااان مرررره
دخل عليه الغرفه بقوة لدرجة خلت خالد يفز من نومته
بندر: مسوي لي فيها نايم اجل !!! انا ما قلت لك ربع ساعه وانا عندك امداك تنام وتشاخر يامال الوجع
خالد يفرك عيونه بتعب : ياخي حرام عليك احد يدخل كذا .. والله بغيت انجلط ..
بندر بقوة : اقووول .. قم بسرعه ماني فاضي لك .. بدور ينتظر بالسياره لا يحرك اليحن بسيارتي عالبيت يسويها اخوي واعرفه .. يلللاااااا
خالد : طيب ثواني بس بغير ملابسي ..
بندر : لك خمس دقايق بس .. تغسل وتغير ملابسك ..يلااا ..
وبالفعل كلها خمس دقايق وخالد مخلص .. نزل بندر وخالد للسياره ..
بندر الفتت للمكان اللي كانت فيه مها بس ما لقاها .. وحمد ربه لانه ما يبي يشوفها وخصوصا وهي ما تدري ..
ركب السياره هو وخالد ..
ولقوا بدر معصب مررررره
بدر : بدررررررررري انت وياااااه
بندر: انا مالي فيك ولد عمتك كان نايم ..
بدر ناظر خالد نص عين وصد ..
خالد: بشووويش وراك تناظر كذا ..
بدر : لا يكثر مالي خلق
خالد : يعني انا اللي خلقك انت واخوك البثررر
بندر: تراك صجيتني انت وياه ..مالي خلق ومالي خلق .. الحين اطلع ذا الخلق الضايع من عيونكم .. بس انتظروا دقايق ...
بيت ام فهد ..
ام فهد كانت تحكي مع ولدها فهد عن ترتيبات زواجه هو ودلال وتهاني كانت قاعده تسمع بهدوء لكنها تغلي غلي من جوة
ام فهد : وش رايك بهالقاعه يا فهد ؟
فهد: والله مدري يمه .. انتو يالحرم تعرفون بهالاشياء اكثر مني ... امممم وش رايك توتو حبيبتي؟ القاعه اللي اختارتها امي كويسه ؟
تهاني بقوة : ما ادري ..
فهد : وللل .. وش فيك مطرطعه هاليومين علي ؟
تهاني : انا قلت لك .. لو تسمع كلام امي وتخطب دلال لا انت اخوي ولاني اعرفك ورح تندم ..
فهد : تهاني وش فايدة الكلام هذا الله يهديك .. مامنه فايده الحين ابدا .. انا خطبتها وان شاء الله كلها كم شهر ورح تكون دلال زوجتي ..
تهاني بقهر: تقطع وتخسى تكون هذي مرت اخوي ..
ام فهد بقوة : تهاني !!
فهد : لحظه يمه .. انتي وش عندك ضدها ؟ ليش تكرهينها ولا تبيني اتزوجها ؟
تهاني شوي وتبكي : كذا ياخي كذا .. مابي .. ما احببببها كيييييييفي !!! افففف
ام فهد :قايلة لك ذي بزر لا تاخذ بكلامها .. اصلا اشك انها ضرتها ولا زعلتها بيوم .. هذي بنت نورة وانا شلتها على يدي .. بنت مافي مثلها اخلاق وتربيه .. بس اختك ذي اللي عقلها شبر ونص ..
تهاني: يوووووووووووووووه انا ما ادري انتو وش لاقين فيها .. تحسبوها ملاااك طاهر يمشي عالارض وهي خبيثه ..
فهد احتار باخته .. ماهو عارف كيف يرضيها .. وبنفس الوقت يبي دلال ..
قام من مكانه زعلان وتوجه لغرفته
ام فهد بعصبيه : عجبك كذا .. كذا تكسرين بخاطر اخوك وتضايقينه؟؟
تهاني ماحكت ولا كلمه رمت حالها عالكنبه بزعل .. بيت احمد ..
فتحت عيونها بثقل وهي حاسه راسها ثقيييل وجسمها متكسر تكسير .. حاولت توقف بصعوبه وتوزن حالها .. وبالاخير وقفت .. ناظرت نفسها بالمرايه وانصدمت من اللي تشوفه .. كانت مشوهة بمعنى الكلمه ..وجهها مليان كدمات ودم .. فمها مورم وعيونها كمان .. وجهها صاير الوااان
شذى اول ما شافت حالها صارت تبكي بحرقه .. ياااارب عووونك انا ما اتحمل اعيش كذا ..طول عمري وانا مهانه وذليله .. ياااارب ارحمني برحمتك التي وسعت كل شيء ياااارب ...
التفتت حولها وشافت الغرفه حايسه .. وكل شي استخدمه احمد لضربها متناثر .. عصا طويله ماتدري اصلا من فين جابها .. وحزام جلد .. والعصا كانت شبه مكسوره .. حمدت ربها انه ما كسرها على راسها .. وكان في شوي دم عالارض ن الناحيه اللي كان مغمى عليها فيها ..
حسبي الله عليك .. دخلت اخذت لها شاور وهي تبكي بقهررر وذل ..
ايش عرفه ببدر ؟ من قال له ؟ محد كان يعرف عننا اي شي .. معقول شاف الجوال؟ خلصت الحمام حقها بسرررررعه ولفت عليها الروب وراحت تشوف مكان الجوال .. لقته بمكانه .. ومقفول كمان .. رجعته بمكانها على بال ما تدور وتلقى له مكان امان تحطه فيه .. ماهي من مصلحتها انه يلقاه ..ولا رح تضطر انها تمسح مسجات بدر اللي هي دليل عليها ..
لااااا مستحيل امسح المسجات .. هذي اخر كلمات بدر لي .. مستحيل اطلعها من حياتي مثل ما طلع هو ..مستحييييل ...
خبت الجوال وغيرت ملابسها وهي تبكي .. وتحس انو جسمها ماهو شايلها .. توجهت للباب تبي تطلع .. بس اكتشفت انه قافله بالمفتاح .. يعني مافي امل تطلع..
راحت تصلي لربها الصلوات اللي فاتتها وتدعي وتناجي ربها انه يفكها من شر احمد ومن اللي ناوي عليه ..
عالمغرب ..
كان بندر قاعد يفكر باللي صار بينه وبين بندر وخالد ...
اجل طلعوا يحبوووون .. ههههههههههههههه يا حلوهم ..
بدر حبيبته تزوجت وتركته .. وربي يحزن وضعه .. معقول بدر كان يحب وحده فقيره طول السنين هذي واحنا ماندري .. وايش اللي خلا ابوي يرفضها .. هذا ماهو من طبع ابوي ..لو انها امي كان ما يخالف ما اقول انه بعيد عنها ..
وخالد كمان يحب .. ووضعه تقريبا نفس وضع بدر .. حبيبته انخطبت ومافي امل تنفك خطبتها لانها تملكت خلاص .. بس ما قال لي من يحب ؟
منهي اللي يحبها خاللللد ؟!!!! والله الحب حالته حاله ..
جيت متأخر ولا اقدر اساعدهم بشي لانو اللي يحبونهم تزوجوا خلاص .. الله يعوضهم خير ياااارب ..
مسك جواله ودق على ماجد .. يسولف معاه شوي
ماجد: هلا واللللللللللللللللللللللللله
بندر : يا هلا بك .. اخبارك ؟
ماجد: مافي احسن من حالي
بندر: هااا وش عندك مزأطط اليوم على قولة اخواننا المصريين
ماجد : شفتها ..
بندر: منهي ؟
ماجد: منهي يعني ؟ رنيم ..
بندر :هههههههههههه اماااااا
ماجد: اي والله ..
بندر: اي وش صار ؟
ماجد : ماني معلمك انت ووجهك .. هذي اشياء خاصه بالمتزوجين
بندر: اقععععععد يالمتزوجين انتو .. طيب يا شيخ ربي يهنيكم ..
ماجد : اميين .. يللا عاد قول لي اخبارك ..
بيت ابو بندر ..
ام بندر كانت قاعده تشرب قهوتها .. ورن جوالها ..
ردت : هلا
مشاعل: اهلا حماتي
ام بندر بتريقه : اشوفك راضيه علينا
مشاعل: يب .. يا سعدك والله
ام بندر : بغيتي شي
مشاعل : كنت بقول لك بس انو تقريبا الخطه ماشيه زي ما احنا نبي .. وبنت الفقر انزاحت عن طريق بدر الا شوي
ام بندر : وانتي وش دراك ؟
مشاعل : له له له .. عيب عليك يا حماتي المصووون.. انا بنت حمد مو حي الله .. واثقه ومتأكده من اللي قاعده اقوله لك
ام بندر : طيب وخطبتك لبدر ..
مشاعل : كل شي بوقته حلو يا حلوو .. عن اذنك .. وقفلت
ام بندر تنرفزت من اسلوبها : شكلها نست هي قاعده تكلم مين والله لا اوقفك عند حدك يا بنت اماني ..
اليوم الثاني
بيت ابو بندر ..
ديما دخلت تصحي ريما عشان الدوامات ..
ديما: ريما ..قومي ما تبين تداومين ؟
ريما: لا ماني مداومه اليوم احس اني تعبانه ..
ديما: سلامتك حبيبتي .. تبيني اقعد معك ؟
ريما: لا حبيبتي روحي لدوامك .. لا تتأخرين
ديما: طيب اوكي .. باااي
ريما: بايااات ..طلعت ديما لداومها .. وريما رجعت تنام
حاولت تنام بس كان التعب ذابحها .. بطنها يألمها موووت
ظلت تتقلب لين الساعه 9
بدا جوالها يدق من جديد .. تأففت بقوة لانه ابدا ماهو وقتها
كان اللي يتصل عليها حمد .. هي كانت متجاهله اتصالاته ومسجاته من بعد ما تخانقوا هذاك اليوم لما كانت بالمول ..
رسل لها اكثر من مسج .. بس هي مطنشته ..
ريما: والله لو ظل مزعجني كذا لا اقول لبابا عليه ..
دخلت تتحمم وتغير ملابسها يمكن يخف عليها التعب .. بس ما فاد .. واخذت لها مسكن على امل انها تطيب ..
نزلت الحديقه تغير جو شوي وتفطر فيها ..
دقت عليها مها وردت
ريما: هلا
مها: لا هلا ولا مسهلا
ريما: لييييش
مها: منتي مداومه هااا
ريما: ههههههههههه اي ماني مداومه هلكااااانه تعب .. وانتي ؟
مها : الا بداوم .. اخوي اليوم راضي علي وبيوصلني ..
ريما: مين خالد ؟
مها : اي خاد فديت قلبه ..
ريما: اهاا.. الله يخليه لك يارب
مها : ويخليك لي حبيبتي ..المهم وش فيك تعبانه ؟.
ريما: بطني يألمني موووت
مها : اهااا فهمت .. ما تشوفين شر حبيبتي ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك