رواية علميهم ليه احبك حب ما حبه بشر -40
مها : الا بداوم .. اخوي اليوم راضي علي وبيوصلني ..
ريما: مين خالد ؟
مها : اي خاد فديت قلبه ..
ريما: اهاا.. الله يخليه لك يارب
مها : ويخليك لي حبيبتي ..المهم وش فيك تعبانه ؟.
ريما: بطني يألمني موووت
مها : اهااا فهمت .. ما تشوفين شر حبيبتي ..
ريما : الشر ما يجي ...ماكلمت كلمتها الا وهي حاسه بيد تسحبها بقوة خوفتها لدرجة انو ريما صرخت ..
طاحت عينها بعينه وانصدمت : حمــــــــــــــــــــــــد !!
حمد والشرر يطلع من عيونه : اي حمد .. حمد اللي مطنشه دين والديه ولا تردين عليه .. ليش تعامليني كذا ؟
ريما خافت من نظراته لها وخصوصا انه قاعد يناظرها نظرات ارعبتها ..
ريما شوي وتبكي : انت وش تبي مني ؟
حمد بهدوووء وهو يسحبها لحضنها بشويش: وش ابي منك ؟ انا مابي منك شي .. بس مشتاق لك ..
ريما صرخت : بعععد عننننننننننني
اما من الناحيه الثانيه كانت مها تسمع اللي قاعد يصير وميته من الرعب على ريما ..
مها بقوة: خااااالد
خالد ارتاع : وش فيك ؟؟ ريما فيها شي ؟؟
مها : بسرعه على بيت ريما بسرررررررررعه .. ريما تصارخ مدري وش فيها ..
خالد جن جنونه وصار يمشي مليوووون لبيت عمه
اما ريما كانت تقاوم حمد قد ما تقدر وهي تبكي .. والمشكله انو محد حولها من الخدم ..وامها لو تموووت هنا مادرت عنها ... اخوانها بدواماتهم وابوها كمان ..
والخدم ميجون الحديقه كثير لانها في ومحذره البواب والمزارع كمان انهم يقربون من هنا عشانها بتقعد
يعني بالمختصر المفيد راحت فيها ..
صارت تدعي ربها انه مايضرها بأي شكل وهي تقاوم قد ما تقدر ..
كل ما قرب زياده تدفه بكل مافيها من قوه .. لين بقدرة قادر قدرت تدفه بقووووة عنها عشان تركض .. وهي ميته من البكا .. بس هو كان اسرع منها وقدر يمسكها ويضمها من جديد .. على دخلة مها وخالد ..
خالد بصوت خلا اركان البيت كلها تهتز : اتركها يا حيوااااااااااااااااااان
حمد رفع نظره على خالد .. كيف يتجرأ يشتمني ..
رمى ريما على مها بقوة وقرب من خالد : وش قلت ؟
خالد طاح فيه ضرب .. ماهو قادر يستوعب اللي كان بيصير لو تأخر شوي كمان .. كان حبيبته ودنيته راحت فيها .. صار يضربه بشكل هستيري .. بغى يموت حمد بين يدينه .. يوم شاف الدم مالي ملابسه ويده تخدرت من كثر الضرب اللي ضربه وخر عنه .. وصار يسحبه لين رماه بره الفيلا بكل قوته ..
حمد : وربيييي لا تندم انت وبنت خالك .. واللللللللللللللللله
خالد بعصبيه: انطم .. هي اشرف من انك تجيب طاريها على لسانك ..
حمد : تشوووف .. هي زوجتي الحين .. وربي لا اسحبها تسحييييب .. واخليها تحب رجولي عشان اطلقها ومع هذا مارح اطلق وتشوف
خالد قرب منه يبي يذبحه لكن حمد انحاش مثل الجبان ..
رجع خالد جوة الفيلا يتطمن على ريما .. خايف يكون سوى فيها شي .. لقاها للحين منهاره وتبكي .. ومها لبستها عبايتها عشان خالد وخلتها تتغطى
خالد قبل قعد يتقطع على دموعها .. ميت من القهررر وده يقرب لها ويحضنها ويخفف عليها ..
خالد بكل حنان الكون: ريما ..صار لك شي ؟
ماسمع رد غير بكا ريما المرتاعه اللي قطع له قلبها
خالد والكلام يالله يطلع منه : لمسك ؟ سوى لك شي ؟
ريما زاد بكاها .. وخالد خاف انه يكون من جد قرب لها ..
مها : لا تخاف يا خالد ما سوى لها شي .. هي بس مرتاعه الحين من اللي صار .. مها قربت من اخوها عشان تشوف يده ..
مها : خالد لو سمحت روح المستشفى يدك شكلها متأذيه
خالد وهو ما شال عينه من ريما : مابي اتحرك من هنا قبل اتطمن عليها
مها: خالد انت روح وانا بطمنك عليها .. مارح اتحرك من هنا .. واذا جا خالي بقول له كل شي لا تشيل هم ..
خالد بعد تردد : بروح بس حطي ببالك اني رح اتصل عليك كل شوي اتطمن
مها : لك اللي تبيه ..
خالد: ريما تبين شي ؟
ريما كانت لسه تبكي ولا ردت
خالد وده يمسح لها دموعها ..
مها : يا خالد روح .. رووح وطمني على يدك ..
خالد راح لكن قلبه وعقله باقي مع ريما .. راح وهو يتوعد ويتحلف بحمد
توقعاتكم ؟؟ وش بيصر بالبارت الجاي؟؟
لاثير ومشعل ؟
خالـــــــــــــــــــــد ؟
ريما وحمد ؟
ومشاعل ؟
شذى واحمد ؟؟؟
الله لا يحرمني منكم واسفه عالتأخيرررررر ..
هاجس
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
البارت الخامس والعشرين
بيت احمد
شذى كانت تون من الالم .. تنتظر احمد يحن عليها ويجي يفتح لها الباب ..تحس الالم هاد حيلها ولا هي قادره تتحرك .. وفوق هذا وذاك ما اكلت شي من الصبح .. وتبي تاخذ مسكن يخفف عنها الالم وما حولها مويه
قعدت تبكي بحرقه وقهر .. لو عندها ابو صاحي زي الناس او امها كانت عايشه ماكانت انرمت الرميه هذي .. لا احد يسأل عنها ولا يفكر فيها .. استغفرت ربها على طول .. اللهم لا اعتراض على حكمتك .. اللهم لا اعتراض على حكمتك .. زاد بكاها يوم ذكرت انو الوحيد اللي كان يسأل عنها بدر .. هو الوحيد اللي كان يهتم فيها ويخاف عليها .. وهذا بدر راح خلاص .. ياااارب ارحمني برحمتك ..
طلعت الجوال حقها .. تبي تقرا مسجاتها مع بدر .. وذكرياتهم سوا ..
حب بدر بقلبها هو الشي الوحيد اللي يعطيها القوة عشان تكمل باقي حياتها .. حتى لو كان بدر نفسه بعيد عنها وبره حياتها ..
قعدت تقرا بالمسجات وتتفرج على صور بدر .. تتأمل ملامحه الهاديه .. وربي احبه .. وبظل احبك لاخر يوم بحياتي يا بدر ..
سمعت صوت عند الباب واختبصت .. رجعت الجوال مكانه هذا اكيد احمد وماهو بصالحها ابد انه يدخل ويشوف الجوال معها لانه رح يطين عيشتها ومو بعيد ابد انه يفتشه ويذبحها بعدما يقرا ويشوف اللي فيه .. خبته مكانه بسرعه ودخل ..
قعد يطالع فيها وعيونه مليان شررر : وش تسوين وانتي واقفه ؟
شذى خافت انه يكون شافها وهي تحط الجوال : ادور لي على مسكن احس اني بموت
احمد قرب منها ومسكها من يدها ودفها على الكنبه: عساك الموت
شذى ما ردت عليه ..
احمد : ممكن تفهميني مين بدر ؟ واياني واياك تحاولين تنكرين ..
شذى : انا قلت لك انو ....
احمد قاطعها : انا محذرك من انك تنكرين .. قولي الصدق وتخف العقوبه
شذى: اسمع يا احمد .. انا اليوم زوجتك ومن حقي انك تحافظ علي وتصوني .. ولا تحاسبني على شي صار من زمان .. من تزوجنا انا سألتك عن اللي كنت تعرفهم قبل زواجنا ؟
احمد : ايوووووه ها اللي انا ابيه .. يعني تعترفين انك كنتي تعرفين بدر ..
شذى : مارح انكر .. بس اللي ابي اقول لك انه ماضي وانتهى .. ايش رح تستفيد منه ..
احمد : وانا وش يضمني انك قطعتي علاقتك فيه .. وانه خلاص معد بينك وبينه اتصال ؟
شذى تكتفت : عاد هذي مشكلتك ماهي مشكلتك .. اذا كنت ما تثق فيني ماله داعي اقعد هنا
احمد قرب منها وهو محوط يده برقبتها : لا واللله .. تبيني اطلقك عشان تروحين لحبيب القلب من جديد .. عشم ابليس بالجنه .. انتي مارح تطلعين من هنا الا على قبرك على طوووووول
شذى دمعت عيونها ..
احمد عطاها كف : انطمي لا تصيحين .. على بالك برحمك
شذى انفجرت بكا ولكن احمد ما رحمها ضربها ضربها ورماها .. اخذ منها اللي يبي وقام ..
شذى تبكي وبصراخ : مو انا خاينه .. مو انا حقيره .. ليش تقرب مني اجل لييييييييييييييش ؟!
احمد : اسكتي ولا اسمع لك حسسسس .. من اليوم وطالع هذي شغلتك ما يجمعنا غير هذا الشي " يأشر على السرير " ولا تنسين اني شاريك بفلوس ياا .. يا زوجتي المصوون ..دخل الحمام وخلاها منهاره بين دموعها .. ودها تسمع صوت بدر .. بدر الحنون اللي دايم يريحها ..
بيت ابو بندر
ريما كانت للحين منهاره من البكي ..ميته من الخوف .. كلما قربت منها مها صرخت بعلو صوتها ..
مها ضايق صدرها على بنت خالها وصديقة عمرها : بسم الله عليك حبيبتي وش فيك انا مها ليش خايفه مني حبيبتي محد رح يجيك ..
ريما تبكي ولا كنو مها تحكي جمبها ..
مها تحاول تشربها مويه عشان تهدى وشربت بعد مقاومه
مها : ريما حبيبتي .. ايش صار ؟ كيف دخل الحقير للبيت ؟
ريما تبكي
مها : يااااارب ساعدني .. ما اتحمل اشوفها كذا ..
.....: ايش صاير هنا ؟؟!!
التفتت مها لمصدر الصوت لقتها ام بندر .. راحت لها عشان تسلم عليها وكالعاده سلمت عليها ببرود
ام بندر بلا مبالاة : ايش فيها ريما ؟
مها : حمد كان موجود هنا و ...
ام بندر : ايوة ؟ ايش صار ؟
مها بتردد: حاول انه ..
ام بندر بنفاذ صبر: ايش صاير احكي ؟
مها : ..... كان بيعتدي على ريما
ام بندر رفعت حاجبها : ايوة .. ومن قال لك ؟
مها : انا كنت اكلمها عالجوال يوم دخل عليها .. ويوم وصلت انا وخالد الحمدلله لحقنا عليها قبل لا يسوي لها شي
ام بندر : اهاا .. يعني انتي شفتي بعينك ما تبلته ريما
مها انصدمت : تتبلاه !! ايش الكلام هذا يا خالتي .. مو كفايه قدامك شكل ريما وهي منهاره ؟
ام بندر وجهت كلامها لريما : بلا دلع بنات .. ماصار فيك شي خلاص .. لحقوا عليك ليش البكا هذا كله ؟
مها انصدمت من ذا الاسلوب .. لو كان اللي صار لريما صار لها لكانت امها انهارت معها وبدون تردد .. وراحت موتت حمد لو كان سوالها شي او لا .. حمدت ربها وشكرته الف مليون مره على الام اللي عطاها .. بس على طول ذكرت خالها ابو بندر .. اللي لما يدري رح يطبق السما عالارض ويمحي حمد من على وجه الارض ..
صحاها من افكارها صوت جوالها .. اللي كان خالد المتصل .. كل ربع ساعه يدق خمس مرات ..
مها : هلا خالد
خالد وبصوته باين التعب: شلونها ؟
مها: للحين على وضعها
خالد : مها ابجي ..
مها ناظرت بام بندر اللي كانت تناظرها وتوجهت لغرفة ملابس ريما عشان تكلم على راحتها : وين تجي الله يهديك ؟!!! مافي جيه
خالد : مقدر قلبي قاعد ياكلني عليها .. احس اني بموت لو ماتطمنت
مها : يعني بالله جيتك رح تقدم ولا تأخر حاجه ؟ لا انت اللي رح تحاكيها او تشوفها او انك تهون عليها بأي شكل من الاشكال .. خلك مكانك واللي يرحم والديك ..
خالد : طيب خلاص .. خلي الجوال جمبك عشان لو دقيت تردين على طول
مها:حاضر .. يللا مع السلامه ..
خالد : الله معاكم ..
طلعت مها من غرفة الملابس ولا لقت ام بندر موجوده ..
راحت لريما اللي كانت منسدحه على سريرها وغافيه ودموعها على خدها .. مسحت لها دموعها وغطتها وقعدت جمبها تقرا عليها قرآن وتسمي عليها ..
العياده
ماجد وبندر بدوا الشغل بالعياده اللي فتحوها لهم
ماجد: افففففففففف
بندر: وش فيك تتأفف من دخلنا العياده
ماجد : تعبت من ذا الوضع .. خلاص لازم نحدد موعد زواجنا انا ورنيم عشان ارتاح
بندر:وش تعبت يابو تعب انت .. توك بدري .. لازم تراضيها وتخليها تحبك !!
ماجد ابتسم ابتسامه واسعه : ليش ما قلت لك ؟
بندر: وش قلت لي ؟
ماجد : طلعت تحبني
بندر انصدم : انت من جدك ؟
ماجد : اي من جدي .. اجل امزح معاك ؟
بندر: ومن قال لك الشي هذا ؟؟
ماجد : شفت يوم العزيمه .. طلعت غرفتي ولقيت ورقه على المكتب مكتوب عليها شعر .. وموقع باسمها .
بندر ماهو مصدق : انت من جدك تتكلم ولا قاعد تكذب علي
ماجد : وربي ما اكذب .. عشان كذا قررت اصلح اللي راح معاها وابدا صفحه جديده معها
بندر يطالع ماجد بنص عين
ماجد : وش فيك تطالعني كذا ؟
بندر : يعني انت تخونها حتى بعد ملكتكم ظليت على علاقتك مع حبيبتك اللي ما تتسمى .. ويوم اكتشفت انها خانتك سبحان الله اكتشفت على طول انو رنيم المناسبه لك بعد ما اهملتها شهور بدون ما تسأل عنها .. وتتوقع اول ماترجع حضرتك تلاقيها فاتحت لك حضنها وترحب وتهلي فيك ؟
ماجد بعدم اهتمام : بس هي تحبني
بندر بعصبيه : حبتك القراده .. وانشالله ناوي تستغل حبها لك !!! انا اقول لك حاول تأجل موضوع الزواج لفتره لصالحك انت اولا لانو البنت مارح تنسى اللي سويته فيها ، ولا تستسهل الموضوع يا حلو ترى مشوارك طويل
ماجد عصب ورمى علبة المنديل على بندر
بندر :ههههههههههههههه مجنون
ماجد : الحين بدال ما تشجعني وتعطيني امل انو انا ورنيم رح نكون سمن على عسل تقوم تحطمني وتقول الكلام اللي ما ينقال هذا
بندر: انا ما احطمك .. انا قاعد اقول لك الصدق واصحيك من الكذبه اللي انت قاعد تبينها مع نفسسسسسسك !
ماجد : لا يكثر بس
بندر: يعني ناوي تقنعني انك حبيتها ؟
ماجد سكت فتره :......... لا ماحبيتها ..بس البنت تحب
بندر : شلون يعني ؟
ماجد ابتسم وهو يتذكرها : امممم يعني البنت اخلاااااق وهاديه مررره .. جميله وفيها حنان الكوون .. فنانه بمعنى الكلمه و ..
قاطعه بندر : ياهووو اسكت بتخورها علينا الحين وتوصفها ..
ماجد انتبه : انت وش تبي مني بالضبط ؟
بندر : اممممم بقول لك حاجه
ماجد : وشو ؟.؟
بندر: كلمني نواف
ماجد عاقد حواجبه يحاول يتذكر : اي نواف؟
بندر :نواف صالح .. اللي كان معنا باستراليا اللي طلبت منه يساعدني ابين لك حقيقة رانيا ..
ماجد : طيب وش فيه نواف؟
بندر: يقول انو رانيا مختفيه من ايام ولا احد يدري عنها شي ..هو اكتشف لانو بالبدايه كانت تدق عليه كل يوم وتزعجه من بعد ماتركتها .. وفجأة اختفت عن الساحه لا لها لا حس ولا خبر
ماجد يفكر: يعني وين بتكون رايحه ؟
بندر: وانا وش يدريني ؟
ماجد: بقريح ان شاء الله .. ماعاد تهمني خلاص .. بكيفها الخاينه انشالله قلعه تقلعها
بندر : امممم في حاجه ثانيه ..
ماجد بملل : ياكثر هرجك .. وش تبي بعد ؟
بندر : جوعان يللا قم ناكل
ماجد يناظر الملف اللي بيده : كمان شوي .. باقي لي كم ورقه اخلصها
بندر : بس انا جوعان ..
ماجد : وانا امك عشان اوكلك ؟؟ يللا قم عني
بندر : ياخي ما تنفتح شهيتي الا اذا حاكيتك ..
ماجد : اجل انتظرني شوياات على بال ما اخلص وبدون ازعاج ونقوم نتغدى
بندر : طيب .. قعد ساكت شوي .. وبدا يلعب بالاقلام ويسوي حوسه
ماجد عصب: قلت بدون ازعاج
بندر: اففففف طيب ..
بيت ابو ماجد ..
ايان كانت قاعده مع الهنوف .. رجعوا من المدرسه سوا ..وقعدوا بالصاله على طول يتفرجون على التلفزيون
ام ماجد :ياربي منكم .. الحين انتو ورا ما تسمعون الكلام ؟؟كم مره قلت لكم قوموا غيروا ملابسكم
ايان: ماما شوي بس
ام ماجد: وش شوي بس .. استحي على وجهك لبسك من اليوم وهو عليك ما تقرفين انتي .. وانتي يالهنوف بتقومين ولا شلون ؟
الهنوف: طيب خالتي الحين ..
دخل متعب عليهم وسلم على راس امه وقعد جمب ايان وسحب منها الرمون وقعد يغير
ايان عصبت: هيييييييي عمى
متعب : اص ولا كلمه ..
ام ماجد: ياربي من ذولي اللي بيرفعون ضغطي ويجلطوني
متعب: يمه جوعان متى الغدى ؟
ام ماجد : اذا قمت غيرت ملابسك ذيك الساعه تاكل .. غيره مافي لا تحاول
متعب: اما يمه .. تحرمين ولدك حبيبك من الاكل عشان ملابس ؟
ام ماجد : اي احرمك واحرم البيت كله على حسك ..
الهنوف: لاااا وش البيت كله حرام انا ميته جوع .. متيعب قم الله يصلحك غير
متعب يطالعها بنص عين: متيعب طل بوجهك .. ماني قايم روحي كلي ببيتكم
الهنوف : خالتي شوفي متعب
ام ماجد : يااااربي جننتووووووني .. والتفتت تدور على شي .. اخذت مخده حجمها كبير شوي وصارت تلطشهم فيها
ايان: هههههههههههههههههههه خلاص خلاص ماما وش بلاك ششتي علينا
ام ماجد : قدامي على غرفكم ياللي ماتستحون ..
الهنوف: هههههههههههههههه طيب خالتو طيب ..
متعب : افااا يمه تطقيني
ام ماجد وهي تطقه زياده: واكسر راسك بعد ..
متعب: ههههههههه طيب يمه خلاص قمت قمت ..
وتوجهوا للغرف عشان يغيرون ملابسهم
ام ماجد قعدت بعد ما اخذت لها نفس ..
دخلوا ابو ماجد وليان : السلام عليكم
ام ماجد :وعليكم السلام والرحمه
ابوماجد :وش بلاك يالله تتنفسين
ام ماجد : من عيالك وبنت اخوك .. هبلوا بي طلعوا لي قرون
ليان: هههههههههههه بسم الله عليك
ام ماجد : تلاقيتي انتي وابوك عند الممر؟
ليان: لا بابا حبيبي جا اخذني من الجامعه ..
ام ماجد :اوووه غريبه يا راشد !
ابوماجد : لا غريبه ولاشي .. كنت معدي من الجامعه بالصدفه وقلت اخذها معي من زمان ما رجعتها من الدوام
ليان بمزح تغمز لابوها : علينا يا رشووود .. اجل ترجعني من الدوام ولا تشوف البنات هههههههههههههههههه
ابو ماجد :ههههههههههه الله يقطع شيطانك يابنتي
ام ماجد بنص عين : لا والله .. عاجبك الكلام يعني
ابوماجد: ليش وش قالت هي ..
ام ماجد بحمق: ابد ما قالت شي ..
ابوماجد : هههههههههههه يا زين اللي يغارون
ام ماجد طنقرت : بس واللي يعافيك
ابوماجد : كذا يا ليان زعلتي القمر علينا
ليان تبوس راس امها : حقك علي يالغاليه
ام ماجد ماردت بس عطتها نظره وصدت
ليان: ههههههههه فديتها يا ناس .. يللا عن اذنكم بروح اغير ملابسي عشان الغدا
ابوماجد وام ماجد : اذنك معك ..
ابوماجد : الا يا ساميه .. وش اخبار رنيم ؟
ام ماجد: والله مدري عنها .. اخر خبري فيها يوم تتصل تعتذر عن العزيمه وبعدها ما كلمتني
ابوماجد : امممم دقي عليها خليها تجي تتغدى معنا
ام ماجد : الحيييين !!
ابوماجد : اي الحين .. الوقت بدري توه وبيتها ماهو بعيد .. وبعدين هذا بيت عمها ماهو بيت احد غريب
ام ماجد : اكيد يابوماجد ماهو بيت احد غريب .. بس عشان ما نحرجها لانو تونا نعزمها ..
ابوماجد : لا مافيها احراج ولا شي .. وذا عيت ولا شي عطيني انا اكلمها بنفسي
ام ماجد : ان شاء الله ..
دقت ام ماجد على رنيم وعزمتها عالغدا ووافقت بعد اصرار من ام ماجد ..
غرفة ايان .,.
الهنوف كانت قاعد على الكنبه بغرفة ايان تنتظرها تخلص تغيير ملابسها .. وكانت قاعده تلعب بجوال ايان ..
الهنوف: اقول ايان
ايان من بعيد : هلااااااا
الهنوف: وش فيك على شهد انتي ؟
ايان: وش فيني ؟
الهنوف: ليش ماتردين عليها .. شوفيها تحاكيك
ايان بسرعه : لا تفتحين محادثتها !!!!!!
الهنوف: طيب ليييييييييش
ايان: بسسس ماني طايقتها لاهي ولا اخوها
الهنوف مصدومه: بس ايش ذنبها هي باللي سواه اخوها ؟
ايان: ذنبها انها اخته وهو اخوها
الهنوف: وش ذا الحكي .. عيب عليك البنت صاحبتك بالاول والاخير
ايان وهي تربط شعرها: وش المطلوب مني الحين ؟
الهنوف: المطلوب انك تردين عليها البنت كسرت جوالك من كثر ماتدق وتحاكيك
ايان: وبعدين ؟
الهنوف: امممم وش رايك تقولين لها تجي ؟
ايان بسرعه : لا مافي ماينفع اليوم
الهنوف بقهر : لييييييييييييييييييييييييييييييش
ايان وهي تلبس الطوق : بسسس .. يللا قدامي على تحت وقت الغدا ..
بيت ابومشعل
الكل كان عالغدا ..
ابومشعل: وين الهنوف؟
ام مشعل : رجعت مع ايان على البيت .. بتتغدى عندها اليوم ..
ابومشعل: الله يهديها ذا الهنوف .. ما تقعد بالبيت ابد ..
ام مشعل : وش اسوي ببنتك عجزت فيها انا .. كله من دلعك لها
ابو مشعل: اي خليها تتدلع .. اخر العنقود
ام مشعل: خلاص اجل لا تلومني على تصرفاتها
دلال: اي الهنوف اخر العنقود .. واحنا الله لنا
ابومشعل بابتسامه: انتي الله لا يحرمني منك بس .. يا عروستنا الحلوة
استحت دلال: ولا يحرمني منك يارب
ابو مشعل: من جد مدري كيف البيت بيكون بدونك
دلال انحرجت زياده ووجها قلب الوان : بابا الله يهديك وش له الحكي هذا الحين .. تونا بدري .. وبعدين اذا بغيت والله ما اطلع من البيت .. بلا زواج بلا هم .. اقعد مقابلتك طول عمري
ام مشعل: وي فالك ماقبلناه ..وش تقعدين على طول مقابلتنا ..
لا حبيبتي روحي بيت زوجك معد نبيك ..
دلال: افاااا يام مشعل .. للدرجه هذي تبين الفكه مني !
ام مشعل : اي ..
دلال: ههههههههههه شكرا ..
ابومشعل: مشعل !! وش فيك ؟؟
مشعل انتبه : سم يبه
ابومشعل: سم الله عدوك .. وين وصلت ؟
مشعل: ابد .. معك ..
ابو مشعل : وين معنا الله يهديك .. وانت حتى اكل منت قاعد تاكل .. اللي ماخذ عقلك يتهنى به ..
مشعل ابتسم غصب عنه : مافي شي ماخذ عقلي
ام مشعل وهي تشرب من شوربتها : على طاري اللي ماخذ عقلك .. متى ناوي ترجع زوجتك بيتها ؟
مشعل حط ملعقته وحس انو دقات قلبه بدت تقوى وشوي ويسمعونها اللي حوله من طاريها : هي اللي طلعت هي اللي ترجع
ابو مشعل: بس هذا الكلام مايصير وانا ابوك
مشعل بعناد : والله هذا اللي عندي يبه ..
ام مشعل: ومن اللي بيخليك ان شاء الله مزاعلها الفتره هذي كلها ؟ انا وصيتك عليها قبل لا تخطبها وقبل لا تتزوجون وانت ماكان عندك كلام
مشعل ابتسم بسخريه : ليش انتي عطيتيني فرصه اتكلم ولا اقول وش عندي ؟ انتي دبستيني فيها تدبيس .. وعييتي تقتنعين اني مابيها .. واني ابي اختار اللي انا ابيها .. صح ولا لا ؟
ام مشعل وهي تكمل اكلها وببرود : وانا قلت لك .. احنا ما عندنا شباب يتزوجون على كيفهم .. يا اخنا ننقي يا عمرك ما تزوجت .. وبعدين الكلام هذا خلاص فات الاوان عليه .. انتو تزوجتوا خلاص والمفروض تحبون بعض وتتفاهمون
مشعل بقهر: مافي شي بالغصب .. الحب مايجي بالغصب ابدا
ام مشعل : قلت لك .. خلاص راحت على ذا الكلام الحين لازم تحترم زوجتك وتقدرها .. وتروح اليوم ترجعها
مشعل عصب وقام من الطاوله : لا يمه اسمحي لي .. هي اللي طلعت هي اللي ترجع .. انا ماني مرجع ولا احد ..وطلع على غرفته
ام مشعل لزوجها: عجبك كذا يا ابراهيم ؟
ابومشعل: الله يهديك يا نوره انتي اسلوبك كان ينرفز معاه وبعدين ماهو وقته خصوصا على الاكل
دلال قامت لما حست انو الوضع بدا يتوتر بين امها وابوها: عن اذنكم
ام مشعل تحط الملعقه: يا سلام يعني الحين انا صرت غلطانه !!!
ابومشعل: محد قال انك غلطانه يابنت الحلال بس وقتك اللي كان غلط .. وبعدين احنا اتفقنا انو نطلع من حياتهم خلاص ونخليهم يتفاهمون ويحلون مشاكلهم زي مايبون ..احنا مالنا شغل ابد
ام مشعل: يعني بالعربي تبيني اطلع منها لاني الخراب كله
ابومشعل عصب: من قال هالكلام يابنت الحلال الله يهديك
ام مشعل: خلاص يا ابراهيم لو سمحت .. خلني انا وولدي نصلح .. وقامت من الطاوله
ابومشعل تأفف : لا حول ولا قوة الا بالله
بيت ابو ماجد
الكل بعد ما تغدى توجه للحديقه عشان يشربون الشاهي
ابوماجد: وريني اشوف رسوماتك يا رنيم
رنيم وهي توري عمها رسمها : سم ياعمي
ابوماجد: ماشاء اللللللللللللللله .. كيف راسمتها ؟
رنيم : بالفحم ... عجبتك ؟
ابوماجد: مرررره حلوة .. ماشالله ماتوقعتك فنانه كذا .. على كذا ابيك دايم توريني رسوماتك اللي ترسمينها
رنيم: ابشر ياعمي من عيوني
ابوماجد: تسلم لي عيونك وان شاء الله افرح فيك قريب يابنتي
رنيم انحرجت وابتسمت على الخفيف
الهنوف: ياهووووووووووووووه على اللي يستحون اخسسس يا رنيم والله وجاك من يعطيك وجه انتي ووجهك
ايان: ايييييه والله .. قام يمدح فيك ابونا واحنا الله لنا ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك