رواية علميهم ليه احبك حب ما حبه بشر -41

رواية علميهم ليه احبك حب ما حبه بشر - غرام

رواية علميهم ليه احبك حب ما حبه بشر -41

الكل بعد ما تغدى توجه للحديقه عشان يشربون الشاهي

ابوماجد: وريني اشوف رسوماتك يا رنيم

رنيم وهي توري عمها رسمها : سم ياعمي

ابوماجد: ماشاء اللللللللللللللله .. كيف راسمتها ؟

رنيم : بالفحم ... عجبتك ؟

ابوماجد: مرررره حلوة .. ماشالله ماتوقعتك فنانه كذا .. على كذا ابيك دايم توريني رسوماتك اللي ترسمينها

رنيم: ابشر ياعمي من عيوني

ابوماجد: تسلم لي عيونك وان شاء الله افرح فيك قريب يابنتي

رنيم انحرجت وابتسمت على الخفيف

الهنوف: ياهووووووووووووووه على اللي يستحون اخسسس يا رنيم والله وجاك من يعطيك وجه انتي ووجهك

ايان: ايييييه والله .. قام يمدح فيك ابونا واحنا الله لنا ..

رنيم:ههههههههههههههههههههههههه

ليان: انتي وياها ما تستحون على وجيهكم !!! وش ذا الكلام لا تحشمون احد ولا تستحون من احد ..

ام ماجد: ااااه بس تعبت فيهم انا وزوجة عمك ام ماجد .. اتعب منهم وارميهم عليها وتتعب منهم وترميهم علي .. وبنظل على ذا الحال لين يجي اليوم اللي نرميهم فيه على ازواجهم ونفتك من غير شر

ليان ورنيم :ههههههههههههههههههههه

ايان: عفوا ام ماجد .. بس من قال لك اننا بتنزوج ؟ احنا بنكمل دراستنا ونشوف مستقبلنا ونعيش حياتنا

الهنوف: شعارنا لا للزواج نعم للحريه ..

ابوماجد: لا ان شاء الله يجي اليوم اللي ازفكم فيه على المقاريد عرسانكم وارتاح

ايان: بابا ليش تبي تفتك مني :(

ابوماجد: محد قال بفتك منك ..

ام ماجد : الا بنفتك منكم .. وكل وحده بنزوجها واحد بديره .. عشان يخف اذاكم عننا وعن العالم

الهنوف: افاااا يا خالتو .. كذا ؟!!!

ام ماجد: اي كذا .. الناس تكبر وتعقل وانتو تكبرون وتتخبلون زياده الحمدلله والشكر

بيت احمد

شذى بعد ماوقفت من البكا .. دخلت الحمام -اكرمكم الله - عشان تتحمم .. تحس كل خليه بجسمها تقتلها من الالم ..تحممت وغيرت ملابسها وطلعت لقت احمد نايم على السرير .. ناظرته بحسره وقهر .. اللي كانت تحسبه بيطلعها من احزانها وظلم ابوها لها صار اظلم خلق الله لها .. كانت تبي تطلع من الغرفه تاكل لها شي .. صار لها يومين ما طب الاكل فمها .. فتحت الباب وحمدت ربها انه كان مفتوح .. توجهت للمطبخ بسرعه تدور لها اي شي تاكله بس مالقت .. شكل الخدامه ماعملت حسابها .. لقت خبز باقي اكلت منه شوي لين ردت شوي ..

رجعت نفسها تنسد من جديد يوم ذكرت اللي صار لها .. جت بتطلع فوق من جديد لانو مو بصالحها لو قام احمد ولا لقاها .. سمعت صوت ام احمد تناديها

ام احمد: قمتي يا ست الحسن والدلال؟

شذى بابتسامه : مساء الخير يمه

ام احمد : لا والله .. اخيرا تذكرتي انو عندك خاله مكلفه فيها ..

شذى: سامحيني يا خالتي بس احمد محذرني اطلع من الغرفه ..

ام احمد : ليش وش انك مسوية

شذى وهي ماهي طايقه ام احمد الحين : ابد .. ماسويت شي

ام احمد تتفحص وجهها من بعيد : وش مسوي بك كذا يا كافي ؟

شذى: ولا شي يمه طحت وانا اغسل الحمام وانتي بكرامه .. عن اذنك يمه

ام احمد : روحي الله لا يردتس ..

شذى هزت راسها من اليأس اللي فيها .. الام وولدها مامنهم رجا .. توجهت على غرفتها وانسدحت على سريرها تفكر بوضعها .. وايش المستقبل بيخبي لها

بيت ابوماجد

البنات كانو قاعدين بالحديقه سوالف وضحك وكل شي ..

ليان: هههههههههههههههههههههههههههه اما سويتوا كذا ؟

الهنوف: اييي وبكلللل فخر .. تحمد ربها انو جت على كذا ولا كنت توطيتها ..

ليان: تتوطينها بالمدرسه !! لا يفصلونك بس وتبلشينا

رنيم : ههههههههههههههههههه احنا ما كنا كذا ولا لا ليان ؟

ليان: ابددددد ..كنا نخاف والله من اللي ممكن يجينا ..

رنيم: انا اذكر اني كنت شي مرره دافور

ايان: يابختي بزوجة اخوي والله ..

رنيم انحرجت شوي واكتفت بالابتسامه .. للحين ماهي متعوده على فكرة انها خطيبة ماجد

جا صوت من ورا

.......: الا يا بختي انا فيها والله

الكل التفت لمصدر الصوت اللي كان قريب شوي من القعده وكان ماجد ..

كان يقرب لهم وعينه على رنيم اللي انحرجت ونزلتها على طول

ايان: اوووه .. اشوفك جاي بدري اليوم

ماجد وهو مانزل عينه من على رنيم : حسيت انو البيت اليوم في شي حلو فوق العاده ..وانو القمر طالع بدري .. قلت اعدي واشوف بنفسي

رنيم ولا كلللللللللللمه

الهنوف: ياهووووووووووووو على الغزل

رنيم كان ودها تقوم تخنق الهنوف ..

ماجد يسحب ايان من يدها : قومي

ايان: خير انشالله وين بتقومني

ماجد: ابي اقعد جمب خطيبتي قومي ..

ايان: ماني قايمه .. رح مناك بس

ماجد وطى وشال ايان وحطها على الثيّل .. وقعد مكانها

ايان: حماااااااااااااااارررررررر

ماجد قرب من رنيم شوي: اخبار الحلوين ؟

رنيم بارتباك : الحمدلله .

ماجد وهو يتفحصها: وش هالزين

رنيم تنمت الارض تنشق وتبلعها وماجد حس بتأثير نظرته عليها فابتسم ..معناته للحين تحبه

ليان: كيف كان دوامك ؟

ماجد : والله ماعليه .. متعب .. بس الحمدلله راح كل تعبي الحين بشوفة ناس

ليان ابتسمت : الله يخليكم لبعض يارب ..

ماجد : اميييييين

رنيم خلااااص مافيها .. وجهها ضرب كل الالوان من الحيا

الهنوف: اي ولد عمي .. تمدح الدراسه بره ؟

ماجد : بصراحه ايه .. بس لك واشكالك لا ما تنفع

الهنوف: ليش وش فيني انا ؟

ايان: وايش تقصد باشكالها ؟

ماجد: انتي فيك عيوب الدنيا .. كفايه انك داجه ..واقصدك انتي اخت ايان بالاشكال لانو كلكم من طينه وحده

الهنوف: افااااا ياولد عمي .. ما اتفقنا على الغلط ..

ماجد : انا ما غلطت انا قلت الصدق

ايان: ترانا ساكتين لك مو عشان سواد عيونك .. الا عشان خطيبتك اللي قاعده جبمك .. لانو حشيمتها من حشيمتك ولا انت اصلا منت كفووو

ماجد التفت على رنيم: يااارب فديتها

رنيم ودها تقوم تذبح ماجد من الحيا اللي جاها .. ولا هي قداره ترد عليه ..اكتفت بابتسامه حلوة خلت قلب ماجد يدق بقوة منها ..

رن جوالها وحمدت ربها انو الجوال فكها من الموقف ..ردت بهدوء كالعاده

رنيم: الووو ...هلا والله ..... اييييييييييييييييييييييش ؟!!!!!!!!!!!!!

ياترى ايش صار لرنيم .. وايش الاحداث اللي رح تصير لها بالجزء الجاي ؟

وباقي الابطال ؟

احببببببببكم

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا احلل مسح اسمي من على الرواية ..

تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

البارت السادس والعشرين

بيت ام عبدالرحمن

غدير كانت حابه تغير جو لاختها المتضايقه .. فراحت تجهز لهم سهره على الكيييف .. جابت افلام جديده .. وجهزت الشبس والعصاير .. والقعده وكل شي .. ..

اثير: غدير انا مالي خلق ..

غدير: لك خلق ولا مالك .. هذا اللي رح يصير .. يللا قومي خذي لك شور

اثير استغربت: ليش ؟

غدير: ماتشوفين عيونك .. فيك النوم .. خذيه عشان تصحصين مابيك تنامين علي من اول نص ساعه للفلم

اثير ابتسمت : يابنتي ماني نايمه.. يللا اخلصي علينا وحطي الفلم ..

غدير طالعت اختها ببرود وبدون اي مقدمات كبت عليها عصير مشكل ..

اثير شهقت : غدييييييييييييييير !!

غدير بنفس البرود وهي تصب لها كاس جديد : والحين انتي مضطره تتحممين .. يللا اشوف قدامي

اثير تنرفزت زياده وعصبت وغدير ما جابت لها خبر اصلا وتوجهت لفوق عشان تتحمم وتغير

غدير وهي تصرخ عشان تسمعها : بسرعه ترى البنات جايين

اثير وقفت: من البنات ؟

غدير: امممم خلود وايان والهنوف

اثير بطنها عورها فجأة : وش الهنوف وايان ؟

غدير: وشو ؟!! صاحباتي ..

اثير: ادري انهم صاحباتك .. بس انا ماني مستعده اشوفهم الحين

غدير بواقعيه: اثير انتي زعلانه عليهم ولا على اخوهم؟

اثير:......

غدير: شفتي انو ما عندك سالفه .. يللا روحي بسرعه

اثير تأففت بصوت مسموع وراحت لغرفتها

غدير: هههههههههههههه ياحبي لها اختي الجميله تسمع الكلام ..

بيت ابو بندر ..

ديما وهي تبكي: ايش فيها ريما يا مها ؟

مها: ياحبيبتي مافيها شي .. تعبانه شوي بس

ديما: انا الغلطانه .. ليتني ما داومت وخليتها

مها: لا تقولين كذا حبيبتي .. هو تعب بسيط بس وان شاء الله رح تخف

ديما: اي تعب بسيط وهي تبكي من الصبح ودموعها ما وقفت ..

مها: طيب انتي روحي سوي لها حاجه دافيه تشربها عشان ترتاح .. ايش رايك ؟

ديما وقفت: من عيوني الحين بسوي لها ..

مها : ديوم مسحي دموعك لحد يشوفها ..

ديما تمسح دموعها : طيب .. وطلعت من الغرفه

مها قعدت جمب ريما وحضنتها: ريووم حبيبتي خلاص كافيه حرام عليك اللي تسوينه بنفسك

ريما :.......

مها: يرضيك انو ديما تبكي وتخاف عليك هالقد ..

ريما بدى بكاها يخف شوي وشوي ..

مها : والحين بيدخل عليك سلطان ويشوفك .. عاد الا سلطان الغالي .. بيمووت لو شاف دموعك ..

ريما بهدوء: بسم الله عليها

مها فرحت لانها اخيرا عبرتها وحكت

مها: ايوة كذا مو تخوفيني عليك

ريما وهي تبكي: شفتي وش سوى الحقير

مها: ماعليك منه .. لا درى خالي مارح يسكت له ووقفه عند حده .. بس انتي اهدي ولا تخوفينا عليك ..

ريما مسحت دموعها ..

مها:/ ايوى كذا !!

سيارة ماجد ..

رنيم كمان كانت قلقانه وحالتها حاله : ياااااااااااارب

ماجد :رنيم استهدي بالله .. وان شاء الله ماعليها شر

رنيم بندم: انا الغلطانه اللي طلعت من البيت وخليتها .. كان المفروض ما افارقها ثانيه وحده

ماجد: استغفري ربك هذا امر الله .. وان شاء الله ماعليها شر

رنيم تدعي من قلب صادق لامها: ياااااااااااااااااااارب

بالمستشفى ..

رنيم اول ما وصلت توجهت لغرفة دكتور امها اللي حافظه مكانه عن ظهر قلب

رنيم:دكتووور

دكتور: اهلا انسه رنيم ..

رنيم: ماما ايش فيها ؟ ليش تعبت فجأة ؟

الدكتور: لا تخافين عليها .. ان شاء الله ماعليها شر .. بس نوبه عاديه تجي مع استخدام الكيماوي .. زاد عليها الغثيان بس

رنيم تبكي : يعني مافيها شي ؟.

الدكتور: لا مافيها شي .. بسسس

رنيم : بس ايش؟

الدكتور: مالك الا انك تدعين لها .. لانو مع الاسف معد صار جسمها يتجاوب مع الكيماوي

رنيم انصدمت: ايش قصدك ؟

الدكتور: ما قصدت شي .. وان شاء الله ربي يخيب ظني .. وبالنهايه الاعمار بيد الله

رنيم وهي تقاوم دموعها: ابي اشوفها ..

الدكتور:بس اعمل لها شوية فحوصات وتشوفينها .. عن اذنك ..

ماجد قرب من رنيم وقال بهدوء: رنيم

رنيم التفت عليه وصارت تبكي موووت ..

ماجد حزن عليها كثير .. قرب منها ومسح لها دموعها باطراف اصابعه وقلبه يدق بمجرد مايشوفها تبكي بالحرقه .. صار يفكر ,.. معقوله بكت علي يوم كنت باستراليا ولا كنت اسأل عنها ؟؟ بكت بالشكل هذا ولا اكثر ؟

ولا يمكن اقل ..

صحاه من افكاره يدها اللي حطته على يده وشدت عليها .. هالحركه خلت قلب ماجد يدق بقووووووة ..

اخذها وقعدها على كرسي ..

ماجد: رنيم .. ياغاليه مايصير كذا .. استهدي بالله وماما ماعليها شر ان شاء الله لا تخافين ..

رنيم تدعي : يااااااارب ياااااااارب

بيت ام عبدالرحمن ..

اثير تحممت وغيرت ملابسها ونزلت للصاله .. لقت امها وام زياد قاعدين مع غدير اللي كان شكلها مرره متملل

اثير: السلام عليكم

الكل: وعليكم السلام

ام عبدالرحمن: اثير حبيبتي ليش ما نشفتي شعرك كذا تمرضين ..

اثير: ماعلي شر البيت دافي

ام زياد : اي انتبهي على حالك .. كلللللنا نبيك سالمه.. " وشددت على كلنا"

اثير مافهمت قصدها بس ابتسمت لها مجامله .. اما غدير وام عبدالرحمن عطو ام زياد نظررره !!!

دخلت خلود .. السلام عليكم

الكل:" وعليكم السلام

خلود : خالتي عبدالرحمن يبي يدخل .

ام زياد : وي خليه يدخل انا زي امه ..

خلود راحت تنادي زوجها اللي دخل وعلى شفايفه ابتسامته المرحه الدايمه

عبدالرحمن يبوس راس امه : مساء الخير يا احلى ام بالدنيا

ام عبدالرحمن: مساء النور يا غالي

عبدالرحمن : شلونك خالتي ام زياد ؟

ام زياد: الحمدلله ياحبيبي انا بخير ..

غدير: اقوول خلود .. زوجك ذا عيار من كم يوم سمعته يقول لك انتي احلى ام بالدنيا

خلود:ههههههههههه وش اسوي فيه تعودت على عيارته ..

عبدالرحمن: افااا يام رائد تغيرك علي ذا الشبر ونص

غدير تقوم لاخوها وتسلم عليه: شبر ونص بعينك

ام عبدالرحمن: عيب عليك اخوك الكبير

غدير: وهو يعني ما يقدر اني اخته الصغيره ..

عبدالرحمن يقرص خدها : عساني ما انحرم منها اختي الصغيره .. شلونك اثير؟

اثير: بدررري حسبالي نسيتني بعد

عبدالرحمن: اما انساك .. اهم شي انك مرتاحه ؟

اثير بابتسامه باهته: الحمدلله مرتاحه ..

غدير: افااا عليك يا عبدالرحمن اكيييييد بتكون مرتاحه هنا .. هذا بيتها واهلها واصلا انا مارح اسمح لها ترجع بيتها

عبدالرحمن: ههههههههه انتي اللي يسمع كلامك ينخرب بيته ..

غدير: اااخ منك انت لو ماكنت اخوي الكبير كان علوووووم

ام عبدالرحمن: وين رند ورائد ؟

خلود : وديتهم عند امي اليوم.. بنتك الحلوة تقول لا تجيبينهم يسوون لنا ازعاج

ام عبدالرحمن شهقت: هووووو غدير انجنيتي ؟!!!

غدير: وانا احكي من جد .. احنا نبي نفرج على افلام ..ووشو له بزران وصجه وحوسه .. خليهم يروحون لجدتهم احسن لي ولهم ولامهم بعد

ام عبدالرحمن: وهذا بيت جدتهم بعد .. الله يصلحك ياخلود كان جبتيهم وانا اراعيهم هنا .. مشتاقة لهم مووت

خلود : معليش يا خالتي .. وبعدين امس كانوا عندك

ام عبدالرحمن:حتى لو كان .. انا ابي اشوفهم كل يوم

غدير: يمه لا تكبرين السالفه ..زين منها انها خلتهم هناك .. ولا كان وربي مشوتتهم بره البيت

ام عبدالرحمن: اااه منك انتي .. تشوتين عيالي ياللي ماتستحين ؟!

عبدالرحمن : خليها تفكر تشوتهم .. والله لا اوريها شغل الله ..

غدير: انا عمري ما شفت احد يحب الشقا لعمري كثر امي .. وبعدين احمدي ربك انو عزمت خلود بعد ولا هي المفروض ما تجي اليوم لانها قعدة بنات مو قعدة متزوجات

عبدالرحمن خبطها بالمخده على راسها بخفه وهو يضحك عليها: انتي وبعدين معك ماتفرقين بين امك وصديقتك ..وبعدين من سمح لك تحاكين زوجتي كذا هاااا

غدير تحضن امها: اصلا امي احسن من اي صديقه بالدنيا .. وبعدين زوجتك ذي شوف من يعزمها على جمعة بنات مره ثانيه

خلود: لا والللللللللللللله .. وش معنى اثير يعني ؟!!

غدير: اثير اصلا قاعده عندنا الفتره هذي ..يعني ماهي متزوجه تقريبا

ام زياد بصوت مو مره مسموع : عسى !!

غدير التفت لها بسرعه وكانت بتنطق لكن

رن الجرس ونقزت غدير

ام عبدالرحمن: بشويش يا بنتي لا تطيحين

غدير: يمه ضيووووفي ضيووووفي

ام عبدالرحمن ضحكت: ربي يحميها لي

عبدالرحمن: يللا يمه انا استأذن الحين ...

ام عبدالرحمن: ليش يمه خلينا نقعد فوق انا وانت وام زياد

عبدالرحمن: لا معليش يالغاليه مواعد اصحابي بروح اقابلهم .. تامريني على شي ؟؟

ام عبدالرحمن: لا يمه ابي سلامتك ..

قرب عبدالرحمن منها وعطاها ظرف

ام عبدالرحمن: وشو هذا ؟

عبدالرحمن: هذا مصروف البيت يمه

ام عبدالرحمن: ليش يا ولدي خيرك سابق ..

عبدالرحمن:كله من خيرك يمه.. والحمدلله الشركه هاليومين ماشيه حالها تمام وفوق التمام بعد .. وانا حطيت مبالغ بحساب البنات يمكن يحتاجون شي ولا شي

ام عبدالرحمن: عسى ربي يوفقك وينور لك طريقك ..

عبدالرحمن باس راس امه وودعها وطلع

ام زياد بحقد : الله يخليه لك ..

ام عبدالرحمن وهي تمسح دمعتها: امييييييييييييييييييين يااااااااارب

غدير:هلا واللللللللللللللللللللله

الهنوف وايان: يا هلا بك ..

غدير: اخييييرا ما بغيتي تنورون بيتي ...

ايان: وش نسوي مشاغل الحياااااة

غدير: لا والله انتي وجهك وجه مشاغل

الهنوف: ههههههههه غدير خلاص لا يكثر دامنا عندك الحين وش تبين اكثر ؟

غدير تحضنهم : اي والله يا حبي لكم .. يللا تعالوا جوه

بيت احمد ..

شذى كانت قاعد بالغرفه منسدحه على الكنبه .. تحس انو الالم بجسمها رح يقتلها .. شويات وصحى احمد ..

احمد :انتتتتتي

شذى التفت عليه بدون كلمه

احمد: قومي جهزي لي الحمام بتحمم

شذى عطته نظره وصدت

احمد : هيييييييييي ماسمعتيني ؟؟ ولا حابه يجيك كفففف ثاني يفتح لك اذانك عشان تسمعيني زين ؟

شذى قامت بشويش وتوجهت للحمام عشان تجهزه له .. وفتحت الدولاب وطلعت له ملابس وحطتها عالسرير ..

شذى: كل شي جاهز

احمد شمّق بوجهها .. قرب منها بشويش عطاها بوسه ودخل الحمام ..

شذى رمت حالها على السرير بقوووة .. انسدحت تبي تريح جسمها وتكمل تفكير ..

ايش اسوي ياربيييي .. اكلم ابوي؟!!

ابوي اكيد الحين مسافر ولا سكران ماهو داري عني ابدا ..

اي ليقتها !! اريج .. هي اللي بتساعدني اكيد ..

فديتك يا اريج وربي مقصره بحقك .. بس انتي اختي واكيد بتعذريني

طلع احمد بعد فتره ..

احمد: وين اكلي؟

شذى استغربت: بس انت ماطلبت مني اكل

احمد بصراخ: وانا لازم اطلب منك اكل .. قومي عن وجهي سوي لي شي اكله

شذى قامت وهي تقاوم دمعتها لا تنزل.. حسبتك اللي بتنجيني من ابوي طلعت اسوأ منه .. حسبي الله ونعم الوكيل

بيت ابو رنيم

ابورنيم دخل البيت تعبان والشغل هاد حيله ..لقى مشاعل بالصاله تبرد اظافرها وتتفرج على التفزيون

ابورنيم: وين رنيم ؟

مشاعل: مدري..

ابورنيم: ووين ماما ؟

مشاعل : تعبت وودوها المستشفى

ابورنيم نشف الدم بعروقه : وش فيها ؟

مشاعل: مدري .. بس تعبت شوي وقلت للخدامه تكلم رنيم عشان ينقلونها للمستشفى ..

ابورنيم قرب من بنته وشدها بقوة: انتي عدييييمة احسسسااااااس ؟؟ امك بالمستشفى ولا تدرين عنها شي

مشاعل:اييييييي عورتني

ابورنيم: واكسر راسك كمان .. انا الغلطان دلعتك ولا عرفت اربيك ..ياليتك مثل رنيم يالليييييت

مشاعل: ممكن تفكني ااااي عورتني ..

ابورنيم رماها على الكنبه بقوة ومشاعل تناظره بحقد .. وطلع من البيت عشان يكلم رنيم ويسألها ايش صاير ..

مشاعل: الله ياخذك ..

بيت ابوبندر ..

ابوبندر وصل البيت .. وراح يتطمن على سلطان كالعاده ولقاه يلعب ولاهو داري عن شي .. عدى على غرفة بدر طق الباب اكثر من مره وجاه صوت بدر التعبان..

ابوبندر: السلام عليكم

بدر يحاول يوقف لابوه : وعليكم السلام

ابوبندر : خليك مرتاح خليك .. ايش فيك يبه سلامتك

بدر:الله يسلمك .. مافيني شي

ابوبندر: كل هذا ومافيك شي .. شوف وجهك كيف قاله الوانه .. ويمسك جبهة ولده ..وحرارتك مرتفعه ..

بدر: تعب بسيط يبه ..

ابوبندر قعد جمب ولده وبنظرة حنان: لمتى تتعب حالك يا ولدي ..

بدر مارد ..

ابوبندر: حاول تنسى .. ان ما نسيت مارح تعيش

بدر بدت دمعة تنزل من عينه بس مسحها بسرعه قبل لا يشوفها ابوه

ابوبندر: مو عيب انو الرجال يبكي .. وماهو عيب انو الرجال يحكي عن اللي بقلبي

بدر بحزن : يبه قلبي راااااااح .. راااح معاها وخلاني .. تزوجت وتركتني ..

ابوبندر ضاق صدره على ولده .. بس هذا اللي توقعه .. بمجرد ما تلاقي احد ثاني بتنساه .. البنت بتطلع على مين غير امها ..

ابوبندر: ربي بيعوضك ان شاء الله ببنت عمك ..

بدر: بنت عمي .. انا مابيها ولاني مقتنع فيها ..

ابوبندر: ياولدي حاول تنسى .. صدقني بترتاح مع مشاعل ... وفي النهايه هي بنت عمك واولى فيك ...

بدر:........

ابوبندر: انا جايك عشان اقول لك بكره ان شاء الله نروح لعمك ابورنيم ونتفق معاه على موعد الملكه ..

بدر :.............

ابوبندر: وكل امرك لربك وانا ابوك .. وكل شي رح يكون تمام

بدر هز راسه بيأس ..

ابوبندر : انتبه على حالك يا ولدي .. وخذ لك دوا ولا مسكن كذا مايصير

بدر: ان شاء الله يبه ..

ابوبندر: عن اذنك يبه ..

بدر: اذنك معك ..

ابوبندر حس بقهر على ولده .. بس لوما تزوج مشاعل مستحيل ينسى شذى .. قفل الباب وهو يفكر بيأس وتوجه على غرفة ريما على طول وما عدى على بندر لانه بالعياده ..

طق الباب وشوي وفتحت له مها الباب ..

ابوبندر: هلا واللللللللللله بحبيبة خالها القاطعه

مها تبوس خالها: هلا والله خالووو .. حرام عليك وربي ماني قاطعه بس تعرف الجامعه ماخذه كل وقتي ..

ابوبندر: ههههه احد قال لك تدخليم كيمياء

مها: هههههههههههههه تصدق يا خالو نفس كلمة خالد كلما شافني

ابوبندر:هههههههههه هالقاطع الثاني .. لا وعبدالله ماهو ازين منكم

مها: هههههههههه سامحنا يا غالي ..

ابوبندر: يلاا مسموحين .. الا وين ريما ماهي مبينه .,

مها : ريما بغرفة النوم .. ( جناح ريما غرفة النوم فيه مستقله عن الصاله وغرفة الملابس والحمام ولها باب خاص)

ابوبندر وهو يتوجه للغرفة: عسى ماهي تعبانه ..

مها :........

ابوبندر: ايش في يا مها ؟

مها : خالو بصراحه ..

ابوبندر فتح الباب على بنته بسرعه ودخل وشافها تبكي وعيونها يالله تنشاف من كثر حمارها .. طاح قلبه

ابوبندر يقرب من بنته: ريما حبيبتي وش فيك ؟؟

ريما قامت من سريرها وحضنت ابوها بقوة وصارت تبكي وابوها يهديها

ابوبندر : وش فيك يابنتي بسم الله عليك .. وش صاير خوفتيني حرام عليك

ريما ماترد وبس تبكي .. كنها لقت الامان بحضن ابوها وتبي ترمي كل حملها عليه ..

مها : خالو انا بقول لك السالفه كلها ..

ابوبندر التفت على مها عشان تتكلم ..

يتبع ,,,

👇👇👇