رواية علميهم ليه احبك حب ما حبه بشر -43
مسك جواله ودق على حمد مره وثنتين وعشر لين رده بصوت ماهو طبيعي
حمد : نعععععععععععععم
ابوبندر: حمد .. انا ابو بندر
حمد: خيييير
ابوبندر تنرفز من رده : الخير بوجهك .. ابيك تجيني ضروري
حمد : مشغول
ابوبندر بحزم وعصبيه: الموضوع اللي بكلمك فيه اهم من كل مشاغلك.. بكره تجيني سامع ولا لا .. القاك عندي من العصر والا ترى ان ما جيت رح تشوف عمرك ماشفته مني ,,, وقفل بوجهه
حط الجوال وصار يفكر .. كل الهموم محاوطته من كل النواحي ..
اليوم الثاني
بيت ابوماجد ...
قام ماجد من النوم مصحصح ونشيط .. نزل الصاله لقى امه تشرب قهوتها
ماجد:صباح الخير يمه
ام ماجد: صباح النور والسرور .. حبيبي خليهم يسوون لك فطور
ماجد: لا مستعجل .,,
ام ماجد: على وين مستعجل ؟ عالمستشفى ؟
ماجد: اي بس مو للدوام
ام ماجد: اجل ؟
ماجد: بروح لخالتي ام رنيم امس تعبت شوي وودوها المستشفى وان شاء الله رح تطلع منه اليوم بالليل
ام ماجد قلقت: وش فيها اماني؟
ماجد: مافيها الا العافيه .. بس تعرفين مع الكيماوي صارت تتعب وكذا لانو المناعه ضعيفه ..
ام ماجد: بدق اتطمن عليها الظهر
ماجد: ان شاء الله يمه .. يللا عن اذنك
ام ماجد: اذنك معك حبيبي ..
ركب سيارته وهو يدندن على روااااااق
وهو بطريقه للمستشفى رن جواله ..اول ماشاف المتصل ضحك وهو متوقع الكلام اللي بيسمعه
ماجد: هلا
بندر: لا هلا ولا مسهلا .. وينك؟
ماجد: بالسياره ..
بندر: زين .. لا تطول علي عندنا شغل لروسنا اليوم
ماجد: اممممم
بندر: وشوو امم ؟؟
ماجد: مارح اداوم اليوم ..
بندر عصب: نععععم
ماجد: معليش عاد حامتي تعبانه شوي بروح لرنيم
بندر: انت قلتها حماتك ماهي زوجتك .. وبعدين مو كفايه انو امس طلعت بدري عشان خاطر تشوف ست الحبايب ومسكت الشغل عنك !!
ماجد: معليش عاد انا اخوك .. وش واجب وحق الصداقه اللي نسمع فيها
بندر: ماني صديقك ولا هم يحزنون ..تراك حومت كبدي!!
ماجد : الحين يابندر مو تبي علاقتي مع رنيم تتصلح وتفرح فيني قريب ؟
بندر: وش علاقة هالشي بداومك انت ووجهك ؟
ماجد: خليني ياخي اقابل رنيم الفتره هذي طول الوقت عشان تعرف اني مهتم فيها وابيها وتتصلح الامور بينا وترجع تتقبلني وتحبني من جديد
بندر:ايوووووة وان شاء الله تبيني اكرف لحالي بذا العياده من الحين لين حبيبة القلب تحن عليك
ماجد: ياخي مشيها لي
بندر: اففففففف
ماجد: هههههههههههههههه اقول انت ووجهك مسوي تمن علي بهالكم يوم ..وانا الغلطان اصلا اللي قاعد اخذ اذنك واعلمك ..ولا المستشفى لي فيها مثل مالك فيها بالضبط ومن حقي اغيب واسوي اللي نفسي فيه
بندر: كذا ؟!!! ماشي ياماجد انا اوريك
ماجد:ههههههههه زعلت ؟
بندر: ياخي اقلب وجهك بس ..وقفل
ماجد: ههههههههههههههههههههههه ياحبي له لا عصب علي ولا مسوي لي فيها مسؤول بعد ههههههههههههههه
المستشفى
رنيم : يللا ماما بس اللقمه هذي
ام رنيم: يابنتي خلاص شبعت معد اقدر اكل زياده
رنيم: بس هذي الله يخليك ..
ام رنيم : طيب بس هذي .. لانو بجد معد اقدر.. واخذت اللقمه من يد بنتها
رنيم: هني وعافيه يارب ..
ام رنيم: متى اطلع من هنا تراني اختنقت ..
رنيم: ان شاء الله الليل حبيبتي
ام رنيم: وش فرقت الحين عن الليل يعني ؟
رنيم: فرقت كثيييير .. ولا نسيتي كمان انو العصر رح يعطونك جرعه كيماوي كمان؟
ام رنيم تنهدت بحزن: الله يفكني منه
رنيم: من غير ان شاء الله ..رح تتحسنين وتصير احسن من اول ان شاء الله .. ربي يشفيك
طق طق طق
ام رنيم: معقوله الدكتور ؟؟ توه من شوي طالع من عندي
رنيم وهي تحط الطرحه على وجهها : بشوف ..
قامت فتحت الباب ولقته بوجهها
ماجد بابتسامه ولا اروع : صباح الخير
رنيم ابتسمت من ورا الغطا: صباح النور ..
ام رنيم:مين حبيبتي؟
رنيم : تفضل ماجد.. هذا ماجد ماما
ام رنيم: هلا ولدي تعال الله يحييك
ماجد يسلم على ام رنيم: وشلونك خالتي الحين عساك احسن ؟
ام رنيم: الحمدلله يارب .. احسن من امس بكثير
ماجد: ان شاء الله من احسن لاحسن يارب
ام رنيم: يارب ..
رنيم تقدم لماجد كوب نسكافيه : تفضل
ماجد : تسلمين لي
رنيم ابتسمت وقعدت جمب امها
وقعد ماجد يسولف مع ام رنيم بمواضيع كثيره ورنيم ساكته ..ولا حتى تسمع اللي قاعد يدور بينهم .. كل اللي هي قاعده تشوفه ماجد قدامها وطريقة كلامه وضحكته .. تحبه بكل مافيه .. تعشققققه
بس ماودها تبين له ..عالاقل مو الحين
لغاية مايجي الوقت اللي يعرف فيه قيمتها ..
شويات ودخل الدكتور من جديد ..
الدكتور: السلام عليكم
ماجد وام رنيم : وعليكم السلام
ماجد انتبه لرنيم اللي كانت مفهيه ولا حطت غطا على وجهها .. عصب والتفت عليها وقال بقوة : رنيم
رنيم صحت من افكارها وانتبهت للدكتور ورمت الغطا على وجهها بسرعه
الدكتور: قلت اجي اشوف اذا مستعده للجرعه الحين
ام رنيم : يعني لازم ؟
الدكتور: معليش هانت ..هذي اخر جرعه وان شاء الله نشوف بعدها اذا جسمك تقبل الكيماوي او لا عشان ناخذه من جديد ..
ام رنيم: ياااارب
الدكتور: اخت رنيم ..الوالده يبي لها شوي وتاخذ الجرعه .. تقدرين تطلعين شوي عشان شوية فحوصات عاديه
رنيم: لا مابي
ام رنيم:حبيبتي اطلعي شوي عادي .. روحي انتي وماجد الحديقه وارجعي لي كمان نص ساعه
رنيم :.......
ماجد: يللا رنيم .. ماما عطتك الاوكي ..خلينا نروح ونجيها شوي عشان تاخذ راحتها ..
رنيم ناظرت امها اللي ابتسمت لها تشجعها
رنيم: طيب ..نص ساعه واكون عندك
ام رنيم: طيب حبيبتي ..
طلعت رنيم وماجد يتمشون شوي .. ماجد كان ساكت وكمان رنيم
كان الوضع بثر شوي ..خصوصا انو محد منهم يبي يتكلم
ماجد بعد فترة سكوت: امممم ايوة
رنيم التفت عليه وصدت بعدين
ماجد قرب منها شوي يبي يمسك يدها بس رنيم سحبتها منها على طول
ماجد: وششش دعوه بنت عمي.. انا خطيبك
رنيم: حتى وان كان
ماجد توهق ..ماتوقع الوضع بيكون صعب عليه من ناحيتها .. وحس فعلا انو قدامه مشوار طويل
ماجد: تعالي نقعد هنا .. واشر على كراسي خشب بالحديقه
رنيم راحت تقعد بدون ولا كلمه ..
ماجد شاف حوض كله ورود .. مد يده وقطف وحده وقدمها لرنيم
رنيم : شكرا .. تأملتها شوي وشمتها
رنيم: حلو لونها وريحتها كمان
ماجد: عارفه انك احلى منها ؟
رنيم استحت بس مابينت له .. وحمدت ربها انها متغطيه
ماجد: وش فيك علي ؟
رنيم: وش فيني ؟
ماجد: ماتحبين تحاكيني ولا حتى تشوفيني
رنيم: من قال؟
ماجد: انا اقول
رنيم: غلطان
ماجد تنهد: رنيم ابي زواجنا يكون باقرب وقت !!
رنيم: نعم ؟!!! طبعا لا
ماجد: وليش لا ؟
رنيم: ماني مستعده لسه .. وماما تعبانه الفتره هذي
ماجد : ليش منتي مستعده ايش ناقصك ؟ وبعدين اذا على تعب ماما انا بكون جمبك واعاونك
رنيم: لا ياماجد .. لسه بدري
ماجد : مصره يعني ؟
رنيم : اي
ماجد : عنيده
رنيم عطته نظره من تحت الغطا وصدت
رجعوا على وضعهم سكووووت
ماجد: مطوله ؟
رنيم : بايش ؟
ماجد: مطوله ساكته ؟
رنيم: ماعندي شي اقوله
ماجد : ولا اي شي ؟
رنيم: نو .. ولا شي
ماجد: طيب اسأليني عن حالي شي ..منتي ملاحظه انك منتي مهتمه فيني
رنيم : ماله داعي اهتم
ماجد: كيف ماله داعي وانا خطيبك ؟
رنيم: والله طان علمت حالك.. وانت تاركني باول ايام ملكتنا جحدتني جحده مايعلم فيها الا ربك
ماجد: ممكن تنسين ؟
رنيم: والله هذا شي ما ينسى
ماجد: انا بنسيك اياه مع الايام
رنيم : هه الله يقويك
ماجد: رنيم قومي خلينا ندخل جوه زمان مامتك خلصت الحين ..
رنيم: يكون احسن برضو ..تقدمته وتوجهت لجوه وهي كاتمه ضحكتها لانها حست انها زودتها معاه ..
وهو بينفجر من القهر ..وش برودها ذي ؟!! هذا وهي تحبني شلون اجل لوكانت ماهي طايقتني وش كانت بتسوي فيني ؟!!!! افففففففففف
بيت ام عبدالله
خالد كان طول امس سهران .. قلقان على ريما ولا هو قادر ينام ..يفكر لو الحقير حمد قدر يلمس حبيبته وش كان بيصير فيه ..
هي راحت منه مره ولا رح يسمح له تروح ثاني ..
قام من سريره بسرعه وراح لغرفة مها ..
طق عليها الباب اكثر من مره ولا ردت ..فتح الباب ودخل
خالد: مهاا ..مهاااااا قومي
مها : هممممم
خالد: قومي يالنوامه ..انا على اعصابي وانتي نايمه يابروووودك
مها: خالد يرحم والديك وش تبي مني ؟
خالد: قومي كلمي ريما
مها نطت من السرير: ليش فيها شي ؟؟
خالد : لا سلامة قلبها ..بس ابي اتطمن عليها
مها رجعت تنسدح: احسب فيها شي روعتني .. تطمن امس مقفله منها وقت متاخر مافارقتها ..ممكن الحين تفارقني عشان انام ؟
خالد: ماني متحرك من هنا الا لما تدقين عليها
مها: ياخالد لو سمحت ...
قاطعها: لو سمحتي انتي .. انا من امس ما ذقت النوم خايف عليها دقي وطمنيني عليها ابي ارتاح
مها قامت واخذت جوالها: افففف تراك ذبحتني بحبك لها .. يااارب اوعدني بس والقى واحد ماينام الليل عشاني
خالد خبطها على راسها: احترمي نفسك انا اخوك ماني صديقتك ..ماتستحين تقولينها لي ؟!!
مها:هههههههههههههههه .. الوو
خالد على طول لزق اذنه بالسماعه كالعاده عشان يسمع صوتها
ريما: هلا
مها: صبااااح الورد ..
ريما: صباح النور ..ايش مصحيك بدري ؟
مها تناظر خالد بطرف عينها بحقد :كنت قلقانه ولاقدرت انام زين
ريما: اهاا
مها: وانتي حبيبتي ؟
ريما بحزن: كلما جيت انام يجيني بالحلم حسبي الله عليه
مها : ياحبيبتي انتي ..نامي وريحي حالك كذا مايصير
ريما: تعالي لي مها
مها: نامي وانا اجيك ..غير كذا لااااا
ريما: افففففف ,,طيب خلاص انا بنام لي ساعتين وانتي تعالي لي مابي اقعد لحالي وديما مابيها تحس علي
مها : خلاص اجل زي ماقلت لك نامي الحين واول ما تصحين ان شاء الله عطيني رنه وتلاقيني على راسك
ريما: اوكي
مها: يللا حبيبي مع السلامه
ريما: باي
مها التفتت على خالد وبنص عين:ارتحت انت ووجهك
خالد : ماني مرتاح لسه ,, صوتها مو عاجبني ابدا
مها: طبيعي ياخالد الله يهديك لا تعقد الامور .. ان شاء الله ماعليها شر
خالد : طيب من جدك انتي بتنامين الحين وبتخلينها ؟
مها: الحيييين انت ملزق اذنك بالسماعه وسامع كل حرف قلناه .. ماسمعتها يوم تقول ابي انام ؟
خالد : طيب عادي اوديك عندها الحين تنامين معها واذا صحت تلقاك معها
مها تنحت فيه شوي ...ومسكت المخده وخبطته فيها
خالد: ههههههه انبهلتي ؟
مها: انت اللي بتهبل بي كثر ماهبلت بك بنت خالك .. يللا قم عن وجهي خلني انام لي ساعتين عشان اروح لريما ..
خالد : على طاري خالي ..ما قال لك وش بيسوي بالزفت ؟
مها: لا ماقال بس تحلف فيه
خالد: وانا معاه .. وربي مايبرد قلبي فيه شي
مها: خالي بيسوي اللي بيلاقيه مناسب
خالد : يطلقها ,, وغير كذا لا .. وبعدها عاد امره بيدي
مها : يمممه منك تخوف اذا حكيت بالشكل هذا
خالد بابتسامه : هذي روحي .. اللي يفكر يقرب لها مستحيل اخليه يعيش
مها ابتسمت: يابختي بأخو مثلك
خالد ابتسم لها وطلع
مها: يارب مايتعلق فيها زياده ان ماكانت مكتوبة له
بيت ام عبدالرحمن
كانت اثير مروقه مررره من بعد اللي صار لها مع مشعل ..تحس انو الدنيا بدت تبتسم لها ..وانها اخيرا رح تعيش بسلام معاه
قالت الخبر لامها ولغدير وفرحوا لها مره ..
نزلت سوت لها نسكافيه وقعدت بالصاله تتفرج على التلفزيون ..
جاها مسج من مشعل
مشتاق لك موت ياللي طول غيابك ..
ذبحني الشوق وانت عني مو داري ..
اتذكرك كل يوم واموت واحيا بك ..
واقول وينك تجي تسأل عن اخباري ..
ابتسمت اثير .. ياحبي له
اخيرااااااا بدت الامور تتصلح بينا !!!
كملت له الاغنيه ..
اتذكر ايام حبك ياللي ناسيني ,, يزيد الشوق يهل الدمع من عيني
ياخذني الليل لك واصحى اناديلك
محتاج لك ياحبيبي لا تخليني
رجع رسل لها ..
يعني متى ناوية تنورين بيتنا ؟
رسلت له ..
لما ربك يحلها
رسل لها ..
ماحنيتي يعني ؟
رسلت له ..
مارح احكي ولا كلمه
رسل لها ..
عنييييييده !!!
رسلت له ..
تعلمت العناد منك !!
رسل لها ..
تعبان انا ياحبيبي راحتي بقربك
والخير ماشوفه الا بشوفتك قبالي
ابتسمت اثير وهي التحس الدنيا ماهي سايعتها من الفرحه .. سمعت الجرس يرن وتوجهت تفتح الباب وعيونها عالجوال تبي ترد على رسالة مشعل ..
فتحت الباب وتنحت يوم شافته
مشعل: هيللووووو
اثير انصدمت .. هي قاعده تراسله الحين شلون طلع قبالها
مشعل ابتسم من صدمتها: مافي تفضل ؟
اثير خنقتها العبره ..لبسها ابد مايساعد وهو قبالها ..من زمان ماشافها وهي لابسه هاللبس
مشعل: وش فيييييييييك .. كذا تخلين زوجك واقف عند الباب ؟ وش يقولون الجيران عليك ؟!!!
اثير: امم تفضل .. مشت قدامه عشان تدله عالمكان ..
فتحت له المجلس : تفضل
مشعل دخل: زاد فضلك .. قعد على اقرب كنبه
مشعل : منتي جايه ؟
اثير: الا ثواني بس
مشعل بخبث: وين راحيه لبسك زين مافيه شي .. تعالي اقعدي بس
اثير: ومن قال لك اني رايحه اغير لبسي ؟
مشعل: من فتحتي لي الباب وانتي تناظرين بلبسك .. يجنننن مافيه شي تعالي انا جاي عشانك مو عشان لبسك
اثير استحت : طيب بجيب لك حاجه تشربها
مشعل: مابي ولااااا شي .. تعالي بس .. واشر لها تجلس جمبه
راحت اثير وجلست جمبه
مشعل : وحشتيني
اثير: مشعل ماله داعي هالكلام
مشعل :ليييييييييييييش
اثير: لا تحاول ماني راجعه البيت الحين
مشعل: حتى لو قلت لك عشاني ؟
اثير: حتى لو
مشعل: وربي انك قاسيه
اثير باستفزاز: برضو تعلمتها منك
مشعل مسك يدها : اثير .. مسامحتني ؟
اثير:.......
مشعل باس يدها : انا اسف على كل اللي صار
اثير ابتسمت: لا تتأسف .. انا ماهمني الماضي اهم شي الحين
مشعل : الله لا يحرمني منك
اثير: ولا منك
مشعل مد يده واخذ كيس كان جايبه وناوله اثير
اثير: ايش هذا ؟
مشعل : هذا الله يسلمك جوال جديد ..حبيت اهديك اياه مع شريحه
اثير: شكرااا .. تسلم لي والله , بس ليش شريحه ؟
مشعل: عشان ابيك تلغين رقمك هذاك .. بسبب الازعاجات
اثير كانت ناسيه السالفه هذي لانو من زمااان محد دق عليها يزعجها او حتى بمسجات
اثير: طيب اللي يريحك
مشعل:مارح تفتحينه تشوفينه ؟
اثير: مايحتاج انا عارفه ذوقك حلو
مشعل: وايش عرفك؟
اثير بغرور: لانك اخترتني
مشعل يبي يقهرها: بس مو انا اللي اخترتك .. امي هي اللي اختارتك ودبستني فيك
اثير عصبت: كذااااااا !!! خذ هديتك مابيها ..وترمي الكيس بحضنه
مشعل:ههههههههههههههه امزح معك وش فيك ماتحبين المزح ؟
اثير: لا
مشعل: طيب اتوب معد اسويها
اثير تسحب منه الكيس ثاني : ايوة كذا خلك عاقل
مشعل:هههههههههههههههههههههههه
بالعياده
بندر كان قاعد يقرا ملف مريض ومنسجم مره
مالقى الا شخص داخل بسرعه مليوووووون عليه ..رفع راسه وهو معصب يبي يشوف من ذا الوقح
بندر: ماجد عمى ان شاء الله والله اني داري ماغيرك يسوي ذا الحركات
ماجد يرمي نفسه عالكنبه: اسكت تكفى
بندر: وش فيك ؟؟ مو توك راجع من عند المدام اللي جاحدني انا والعياده عشانها ؟؟ المفروض تكون مروق مو كذا !!
ماجد: ياخي صعبه هالبنت .. عمري ماشفت بنت مثلها
بندر: ليش طيب فهمني ؟
ماجد : عمري ماشفت وحده بالعذوبه والهدوء تكون بقمة الشراسه ..ماهي متقبله مني اي شي!!! بس تخزني وتعطيني نظرات
بندر: ايوة.. وبعدين ؟
ماجد: وش وبعدين ؟
بندر: وش اللي مضايقك ؟
ماجد: اني مدري ليش تعاملني كذا
بندر مسوي نفسه متفاجأ: اوووه بالله ماتدري ؟؟ من جد مالها حق بنت عمي
ماجد:تتريق انت ووجهك وانا مالي خلق !
بندر: مدري عنك انت بعد .. مسوي لي فيها البريء والمسكين واللي مغلوب على امره ..الحين انت من ملكت عليها وانت ساحب عليها عشان وحده الله يستر عليها عارف انها ماتحبك وشغلها الشاغل تاخذك عشان فلوسك ..ويوم استوعبت انها حراميه ترجع للديره وترجي حنان بنت عمك وزوجتك اللي حتى ماكلفت على حالك تودعها قبل ما تسافر او تدق تتطمن عليها لو مره وحده .. تبي تجي تلاقيها تستقبلك بالحب والاشواق يعني ؟؟
ماجد :.......
بندر: لا وبعد اقول لك ترى بتتعب على بال ماتكسب حبها واهتمامها كم جديد .. وهذاك اسم الله عليك تعبت من البدايه
ماجد:......
بندر: ماترد ؟
ماجد: خلصت كلامك ؟
بندر:تقريبا
ماجد قام: اجل فمان الله لانك صدعت راسي بذا الكلام اللي بيجيب لي الضغط
بندر: الله معك بس بالله شيك على مريض غرفة رقم 509 لانو
ماجد : انطم .. طلع وسكر الباب
بندر:هههههههههه هذا اللي هو فالح فيه .. طول اللسان !
بيت ابوبندر ..
بدر كان يدور على ابوه ..ولقاه بالمكتب كالعاده ..
بدر: يبه .. سألت عني؟
ابوبندر: اي سألت عنك.. انا كلمت الشيخ واليوم رح تملك على مشاعل
بدر: نعم ؟؟ اليوووم ؟!!
ابوبندر: اي اليوم ..انا لو خليتك على هواك مارح تاخذها
بدر: يبه ماهو وقته الحين انا ..
ابوبندر: اسمع يا بدر ..اذا كنت تنتظر انو شذى تطلع من بالك كذا صدقني مارح تطلع .. لازم تتزوج بسرعه عشان تنساها ..وبنت عمك ماعليها قاصر .. اخلاق وجمال ..والكل يتمناها
بدر: يبه لو سمحت .. طيب نسمع رايها يمكنها ماهي موافقه
ابوبندر: الا موافقه .. اعمك اخذ رايها وقالت انها موافقه
بدر: .......
ابوبندر: انت تعرف انو انا ابي مصلحتك .. بعد المغرب ان شاء الله بنروح
بدر :....... اللي تشوفه
ابوبندر : ابيك كمان تكون موجود بعد شوي عشان حمد رح يجي وابي اتفاهم معه بحضورك
بدر: حمد خطيب ريما؟؟ ليش؟
ابوبندر قال له السالفه وبدر كان الشرر يطلع من عيونه
بدر: الحقير الواطي ..كيف تجرأ
ابوبندر: انا الحين بحاكيه عشان يطلقها وينقلع
بدر: والله لا اذبحه
ابوبندر :الحين انا قلت لك انت عشانك العاقل الهادي ..عكس بندر تقوم تقول لي بذبحه
بدر: يبه لا تلومني ..والله لا احط حرتي كلها فيه .. هذي ريما الغاليه اللي ما ارضى عليها
ابوبندر: ولانا ارضى عليها ..عشان كذا رح نخلصها من هالواطي باقرب فرصه
دق السنترال على مكتب ابو بندر يقول له انو حمد بره وامره انه يدخله
ابوبندر: يللا بدر ..عالمجلس
المجلس
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك