رواية علميهم ليه احبك حب ما حبه بشر -44

رواية علميهم ليه احبك حب ما حبه بشر - غرام

رواية علميهم ليه احبك حب ما حبه بشر -44

ابوبندر :الحين انا قلت لك انت عشانك العاقل الهادي ..عكس بندر تقوم تقول لي بذبحه

بدر: يبه لا تلومني ..والله لا احط حرتي كلها فيه .. هذي ريما الغاليه اللي ما ارضى عليها

ابوبندر: ولانا ارضى عليها ..عشان كذا رح نخلصها من هالواطي باقرب فرصه

دق السنترال على مكتب ابو بندر يقول له انو حمد بره وامره انه يدخله

ابوبندر: يللا بدر ..عالمجلس

المجلس

دخل ابوبندر وبدر وكان حمد قاعد وحاط رجل على رجله وبعيونه نظرة الغرور ولا كنه مسوي شي

ابوبندر:حمد !

حمد: اي حمد .. وش الموضوع اللي بتحاكيني فيه اللي مسحبني بسببه على وجهي ؟

ابوبندر: ريما يا حمد ..

حمد: وش فيها ؟

ابوبندر: طلقها بهدوووء وبدون شوشره

حمد:نعم ؟؟ اطلقها ؟؟ ريما زوجتي ولارح اتنازل عنها

بدر: لا بتطلقها وغصب عليك ..وانت ماتشوف الدرب

حمد: اولا محد يقدر يجبرني على شي ..ثانيا ممكن اعرف السبب؟؟

بدر: يعني مسوي حالك ماتدري؟

ابوبندر: الحييييين تدخل بيتي بغيابي وتعتدي على بنتي وتقول لي وش السبب؟؟

حمد: ريما زوجتي يعني حلالي .. ومحد له عندي شي

بدر: دامك مستعجل لهالدرجه ليش ماسويت الزواج بدري واخذتها ؟؟

حمد:انا عندي مشاغل وشركات اقابلها ..ماني فاضي للزواج الحين

بدر:عالعموم حتى الزواج الحين مافي امل منه .. رح تطلق ريما

حمد: وانا قلت كلمتي وماني مطللللللللق !! وسكروا على هالسيره احسن لكم لا الحين اسحب بنتكم اللي فرحانين لي فيها قدامكم وانتو تشوفون ..ولا احد بالدنيا بيقدر يقول لي شي .. وانت يابوبندر ..لو سمحت لا تتصل كل يوم علي تراني انسان مشغووول لاقصى درجه وماني فاضي لسخافتكم .. طلع من المجلس ومن الفيلا كلها

بدر صار وجهه احمر من العصبيه : يبه يرحم لي والديك خلني عليه

ابوبندر: خله يروح الحين .. لكن والللله ريما ماتقعد على ذمته كثر ماقعدت !!!

نهاية البارت

وحشتوووووني مره ووحشتني ردودكم ..

الحمدلله خلصنا من الامتحانات وغثاها ..وان شاء الله انتو كمان خلصتوا مثلي

اشتقت لكم بجد

واتمنى البارت يعجبكم ..

لاتحرموني من ردودكم وتوقعاتكم الحلوة ..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا احلل مسح اسمي من على الرواية ..

تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

البارت الثامن والعشرين

بيت ابو مشعل

الكل كان مجتمع على طاولة الاكل وقت الغدا

ام مشعل: دلال..

دلال: سمي

ام مشعل: ترى تحددت ملكتك عالشهر الجاي

دلال غصت باكلها

الهنوف تخبط على ظهرها بشويش: وش فيك بتموتين علينا

دلال: ماما بدري

ام مشعل: وش بدري الله يهديك .. صار لكم مخطوبين فتره

ابومشعل: وامك صادقه ..خلاص مايصير كذا ماحب الخطبات اللي تطول

الهنوف: انتي ليش حزينه الحين ..المفروض تفرحين

دلال بنص عين: شكلك تبين الفكه مني والله اعلم ليش

الهنوف: ايوووووه وصلنا .. عشان ببساطه يا اختي الحبيبه ابي اخذ غرفتك

دلال: نععععم ؟؟ غرفتي ؟؟؟ لا يكثر بس

الهنوف: انتي يالطماعه بيكون لك بيت خاص فيك .. ضاقت عينك على هالغرفه !!!

دلال: والله غرفتي وانا حره فيها ..

الهنوف تكمل اكلها : افففف منك

ام مشعل تناظر مشعل اللي من قعد على الطاوله وهو عينه على جواله والابتسامه مافارقته

ام مشعل: مشعل .. منت ناوي تاكل يعني ؟

مشعل : قاعد اكل

ام مشعل: شوف صحنك مثل ماهو .. وش تاكل

مشعل :......

ام مشعل: مشعل !!! قاعده احاكيك

مشعل: هاا ,, سمي

ام مشعل عصبت: وش قاعد تسوي بالجوال انت هذا وقته ؟؟؟

ابومشعل:يام مشعل خلي الولد براحته وش بلاك الله يهديك ..معد هو بزر

ام مشعل: ماتشوفه .. ماهو قاعد ياكل وعيونه طايره بذا الجوال

ابومشعل:لاحوووول

ام مشعل: وش قلت ؟؟

ابومشعل: اقول كملي اكلك وخلي الولد بحاله

مشعل قام: الحمدلله .. وتوجه للصاله وعينه لسه عالجوال

ام مشعل: اموت واعرف قاعد يحاكي مين

الهنوف كحت بقوة

ام مشعل التفتت عليها ورفعت حاجبها: اكيد تعرفين !!!

الهنوف هزت راسها وبابتسامه هبله : يب يب

ام مشعل: ومن قاعد يكلم؟

الهنوف: مين يعني ؟؟ اثير!!

ام مشعل انصدمت: اثييير!!

الهنوف: ايوة

ام مشعل: ومن قال لك ؟

الهنوف وهي تغرف لها سلطه : عشان يامي العزيزه يوم كنا عندها بالبيت نزل من سيارته بعد ماركبنا ودخل جوه بيتها.. ولطعنا حق ساعه الا ربع وطلع من البيت وهو فرحان ومبتسم ولااا وتأسف لنا انا وايان وجاب لنا قهوة يحبها قلبك

ام مشعل والفرحه بانت عليها : والللللله ؟؟ الحمدلله يارب ..طيب ماقال لك متى بيرجعها البيت ؟

الهنوف : لا ماقال

ام مشعل قامت : انا بقوم اسأله

ابومشعل سحبها من يدها : يابنت الحلال خليه بحاله .. وكمل لها بهمس ..وبعدين من متى وانتي تصدقين كلام هالشيطانيه الهنوف هاا ؟

ام مشعل تحطمت وبنفس الهمس: يعني تتوقع تكذب

الهنوف بصراخ: افااااااااااااااااااااااا .. هذي اللي ماتوقعتها منك يابرهوم ..تكذبني انا ؟؟

دلال: لا تلومينه .. لك سوابق بالهبل هههههههههههه

الهنوف تتريق : ها ها ها .. مره يضحك الصراحه ..والتفتت على ابوها اما انت يا بابا مارح اسامحك بصراحه زعلتني

ابومشعل ابتسم : اجل زعلتي

الهنوف:اي زعلت .. ومافي اي قوة بالدنيا بتخليني ارضى عليك !

ابومشعل: حتى لو قلت لك اننا بنروح البر ؟

الهنوف طارت عيونها : متتتتتتتتتتتتتتتتى ؟؟

ابومشعل : لما ترضين

الهنوف قامت من مكانها وباست ابوها : رضيييييييييييييت

ابومشعل: ههههههههه قريب ان شاء الله

دلال: ياربيييييي .. يا بابا اكررررره روحة البر وانت تعرف بكذا

ابومشعل: اي عارف يابنتي .. بس وش اسوي بعمانك اصروا اننا نروح نخيم كم يوم ..

الهنوف: موب لازم ترى تجين ..توفرين علينا

دلال ماردت عليها واكتفت بالنظرات وكملت اكلها

الهنوف: بابا قريب لو سمحت

ابومشعل: من عيوني .. ام مشعل وش جاك ؟

ام مشعل كانت سرحانه تفكر بمشعل واصير ووضعهم : ولا شي

ابومشعل: وين وصلتي ؟

ام مشعل: معاكم .. بس افكر بوضع مشعل

ابومشعل وهو يقوم من الطاوله: الحمدلله ..لا تخافين عليه .. انا بروح اريح شوي لين العصر

الكل: ان شاء الله ...

بيت ام عبدالرحمن

مشعل صار له فتره كل يوم والثاني يجي يقعد مع اثير بالساعات ولا يفارقها .. يبي يعوضها عن كل الايام اللي كانت فيها بعيده عنه ..

اثير: انت الحين ماعندك شغل ؟

مشعل: شغلي الشاغل انتي

اثير: مشعل من جد احكي .. قوم على شغلك مايصير كذا

مشعل : متى طيب بترجعين البيت ؟

اثير تنهدت : وبعدين معك .. ماخلصنا من ذا السالفه ؟

مشعل : وش اسوي فيك طيب لا انتي اللي راضيه تريحيني ولا انتي اللي تبين مصلحتي ؟

اثير: ابي مصحلتك ؟

مشعل: اي ..لو تبين مصلحتي من جد كان ماخليتيني اقابلك طول الوقت وحنيتي علي ورجعتي معاي البيت ..

اثير ابتسمت:ياخي انت ملكع على مين ؟

مشعل: عليك ..

اثير تمسك المخده اللي جمبها وتخبط مشعل فيها : يللا اشوف قدامي عالسياره ..

مشعل : هههههههههههههههههه ذكرتيني بنظرتك هذي اول مره شفتك فيها

اثير : اول مره ؟

مشعل: ايوة .. لما شفتك بالمطبخ .. مدري وش كنتي تسوين بس المهم اني شفتك

اثير انحرجت من هالذكرى : ايوة ؟؟؟

مشعل: لما شفتيني قدامك ناظرتيني بنفس النظره هذي .. اللي من شفتها حسيت قلبي بيوقف من قوة دقاته

اثير تخبطه زياده بالمخده: خلااااااااااااااااااص

مشعل: ههههههههههههههههه استني استني .. ما خلصت كلامي ..

وكمان لما انصدمتي بوجودي كيف كنتي تلفين حول نفسك تبين تطلعين بس يوم شفتيني واقف قدام الباب خنقتك العبره وغطيتي وجهك بيدينك وصرتي تبكين ههههههههههههههههههههههههههههههههههههه

اثير: ياسخخخخخخخخخخخخفك

مشعل :هههههههههههه دقيقه بعد في شي ثاني

اثير وهي تتصنع عدم الاهتمام : هااا وشو بعد ؟

مشعل قرب منها وقال وعينه بعينها : واذكر كمان انو من شفتك هذيك الليله عيوني ماذاقت النوم

اثير سكتت

مشعل: بجد .. حتى خفت اني ارمش لو لحظه وحده وتروح من عيوني صورتك .. شفت قدام عيوني ملاااااااك ولا قدرت حتى رجولي تشيليني واتحرك من مكاني.. كنت سهران طول الليل افكر فيك وافكر من هذي اللي خلت قلبي يدق بشكل عمره مادقه .. ولا لأي بنت

اثير حضنته بقوووة .. عمره ماكان رومانسي معاها بكلامه .. اعترافه بجد فاجأها ..

اثير: طيب ليش ما تقبلتني من ليلة زواجنا ولاكنت طايقني ؟

مشعل سكت .. قعد يلعب بشعرها بحنان وهي بحضنه ..حس لو قال لها انو كان مجبور عليها وامه غاصبته بيجرحها ويضيق صدرها ..حب يغير السالفه وقال بمزح

مشعل: حسيتك ثقيلة دم .. عكس ماشفتك اول مره وخفت اسولف معك وكذا تخربين علي جوي

اثير طارت عيونها وقامت بسرعه من حضنه واخذت المخده ورجعت تضربه فيها : تصدق انك ماتستحي

مشعل:ههههههههههههههههههههههههههههههههههه ليش عشاني قلت الصدق يعني ؟

اثير: بررررررررررررررررا .. يللا الحين قدامي بسرعه اشوف على سيارتك ..

مشعل :هههههههههههه طرده يعني ؟

اثير وهي لسه تضربه: اي طرده .. يللاا لا اشوف وجهك قدامي بعدما اعد لين 10

مشعل: واذا لقتيني موجود بعد ماتعدين ؟

اثير: تشوف من ترد على مكالماتك ومسجاتك وتشوف من تفتح لك باب البيت وتنزل تقابلك هالوقت كله

مشعل: لااا يرحم والديك دام السالفه اني انحرم منك بروح الداوم ابرك لي

اثير: اي كذا .. يللا قدامي اشوف

مشعل مسك يدها : يللا

مشوا سوا لين وصلته لباب البيت ..

مشعل باس يدها : رح اشتاق لك ..

اثير: وانا اكثر

مشعل : انتبهي على حالك حبيبي واذا احتجتي اي شي كلميني

اثير: ان شااااااااااالله ..

مشعل : احبببببك

اثير ابتسمت له ..وطلع مشعل لدوامه

اثير وهي قلبها يرقص من الفرح : ربي لا تحرمني منه ..

بيت ابورنيم ..

رنيم كانت قاعده مع امها بالحديقه .. تغير لها جو الغرفه اللي كانت قاعده فيها من اول ..

رنيم كانت سرحانه شوي برسمتها اللي بيدها وتدندن اغنيه ..

كانت قاعده ترسم ماجد .. ترسم تفاصيله اللي حبتها وعشقتها من يومها صغيره .. ابدعت برسمتها .. رسمت عيونه البنيه الحاده ,ودقة خشمه الطويل وشفايفه الصغيره .. على طول رقبته ,, ولحيته الخفيفه .. شعره الطويل لاخر رقبته .. وحواجبه العريضه .. رسمته وهي نفسها يطلع لها من الصوره الحين ويقابلها ..

ام رنيم : رنيم ..

رنيم : سمي

ام رنيم : حبيبتي خلينا ندخل جوه .. مابيك تتقيدين فيني وتقابليني طول الوقت .. اذا دخلتيني غرفتي بتقدرين تفعدين على راحتك ..

رنيم: لا ياماما ليش تقولين كذا دايم وتحسسيني انك ثقيله علي .. انا احب قعدتي معك .. احب يتبارك وقتي فيك

ام رنيم ابتسمت بحنان لبنتها: عسى ربي يسعدك دنيا واخره يابنتي

رنيم: اميييييييين يااااااارب .. يللا عاد اشربي عصيرك كله لو سمحتي عشان تتقوين

ام رنيم اخذت العصير وسوت زي ماقالت لها بنتها ..

رنيم ابتسمت ورجعت تكمل رسمتها وتكمل اخر تفاصيلها

اول ما خلصت ابتسمت ..

" ودي بشوفك يا اغلى من خلق ربي بالبشر "

سمعت امها تهلي وترحب بأحد التفتت عليها وشافت وين تناظر التفت ولقته ..

لقته يتقدم لهم وعيونه عليها .. بابتسامته الجذابه اللي دايم تاخذها لعالمها الخاص .. ماشالت عيونها من عليه ..رجعت من سرحانها على صوته

ماجد : مساء الخير ..

ام رنيم: هلا حبيبي مساء الورد ..

ماجد يبوس راسها : شلون خالتي الغاليه ؟

ام رنيم: بخير حبيبي الحمدلله ..

ماجد التفت عليها : كيفك ؟

رنيم شالت عينها : بخير ..ورجعت عينها للرسمه من جديد ..

ماجد سحب كرسي من جمب ام رنيم وقعد عليه : كيفك خالتي اليوم عساك احسن

ام رنيم: الحمدلله احسن ..احس بخمول بس احسن من اول

ماجد: معليش مع العلاج ..الله يوقمك لنا بالسلامه يارب ..

ام رنيم :امين يارب .. اقول رنيم ..

رنيم: هلا

ام رنيم: نادي وحده من الخدم عشان تسوي لماجد شي يشربه .. ايش حاب ياماجد ؟

ماجد : اممم اشرب عصير .. بس لي طلب

ام رنيم: امر

رنيم تناظره بطرف عين

ماجد: ابي رنيم تجيبه لي بنفسها

رنيم التفتت عليه وعطته نظره هو فهم معناها وابتسم

ماجد: اذا زوجتي العزيزه ماعندها مانع تسوي لي عصير من يدينها الحلوين طبعا

ام رنيم: اكيد ماعندها مانع .. يللا حبيبتي روحي سوي لماجد العصير

قامت رنيم وعينها على ماجد : حاضر ..

مشت للمطبخ وماجد يراقبتها بمشيتها .. من شعرها الطويل البني اللي مزينته بطوق احمر.. لملابسها ..الجينز اللي لابسته مع التيشرت الاحمر .. كانت راااااايقه وشكلها حلو .. راقبها لين اختفت عن عيونه

طاحت عينه على دفتر رسوماتها ..

ماجد: وشو هذا ؟

ام رنيم : هذا دفتر رسومات رنيم ..

ماجد: اوووه ماشاء الله .. ترسم حلو ..

ام رنيم: اي اسم الله عليها

ماجد صاير يتأمل رسوماتها .. لين وصل للرسمه اللي صدمته ..

هذا انا !!!

معقوووول !! وربي انها مبدعه ..

كنه صوره مو رسمه .. ربي يحميها

يعني بجد للحين تفكر فيني ..

ابتسم ابتسامه عريضه كلها فرح وراحه .. يعني بجد رنيم تحبني ..

مارح اتعب كثير لين انسيها اللي راح ..

هي تحبني بس عتبانه علي ..

بعوضك ياروحي عن اللي راح ..

دور بالمكان اللي اخذ منه الدفتر ولقى قلم رصاص اللي كانت ترسم فيه

اخذه وصار يكتب تحت الرسمه بخط حلو وواضح ..

فدووووووووك الناس

ياأجمل من رسم فيني

بلاد احساس

يافنانه..

ياصوتٍ لو سكت

فيني تنام وتصحى ألحانه

ياشعرٍ..ماأنكتب(لسّه)

..تنام الفتنه بـ أوزانه

ياصمتٍ لونطق صارت

أصابعنا مدى وأقواس

فدوووك الناس..!

ووقع تحت هالخاطره باسمه .. ماجد بن راشد

ورجع الدفتر مكانه ولاكنه مسوي شي .. كل هذا تحت عيون ام رنيم اللي كانت تراقبه وتبتسم

التفت ماجد على ام رنيم وابتسم لها وصار يسولف معااها

بالمطبخ

رنيم كانت معصبه .. اففففففففففففف منك ..

ليش كل ماتطري على بالي القاك ؟!!!

ماكانت كلمه قلتها ولقتك ناقز بوجهي ..

وبعدين انا لمتى يعني بيوترني وجوده .. هو ماحبني ولاعمره حبني .. بس مدري وش اللي مخليه لازق لي الفتره الاخيره

صارت تسوي له العصير بعصبيه .. وهي شوي وتكسر الكاسات .. والخدم يراقبونها باستغراب ..لانو رنيم الهدوء من طبعها بس اللي هم يشوفونها الحين وحده معصبه الود ودها لو تذبح اي احد ..

خلصت اخيرا من العصير وتوجهت للحديقه من جديد ..وهي تحاول تبان طبيعيه لانو قربها من ماجد يوترها

بيت احمد ..

احمد كان قاعد يغير ملابسه وشاف شذى نايمه عالكنبه ..

احمد : انتي

شذى:..............

احمد: انتتتتتتتتتتتتتي

شذى قامت من صراخه وناظرت فيه تنتظر اوامره كالعاده

احمد: هذا اللي انتي فالحه فيه النوم ؟؟ ماعندك شغل يعني ؟

شذى وهي ماودها ترد عليه ابد : من الصبح وانا اكرف واحس بتعب ..

احمد: عن الدلع والكلام الفاضي ويللا قدامي اشوف سوي لي جمر عشان اتبخر قبل لا اطلع

شذى قامت حطت على كتوفها شال من البرد .. وتوجهت للمطبخ بدون ولا حرف .. وتركت الحريه لدموعها تعبر عنها ..

بكت بهدوء وبدون صوت بالمطبخ وهي تسوي الجمر .. تبكي قهر وذل ..لو ابوها صاحي زي الناس كان مارضى الذل لبنته دقيقه .. قررت بمجرد مايطلع احمد من البيت انها تدق على ابوها واللي يصير يصير .. ماكملت عنده كم اسبوع وهو قاعد يتفنن بعذابها وبدون سبب واضح لها

ولع الجمر وحطته بالمدخنه .. مسحت دموعها عن عيونها الواسعه وراحت للغرفه .. حطت له البخور عليه ودخنته ..

احمد : خليني اجي بس والاقيك نايمه .. قابلي امي .. وان نامت انتظريني لين ارجع وبعدها نامي .. فهمتي ؟!!

شذى هزت راسها بايه ..

قرب منها عشان يبوسها بس هي بعدت عنه بقرف ..

ناظرها باحتقار وشدها من شعرها وباسها غصب عليها ورماها على الكنبه بقوة وطلع من الغرفه ..

مسكت فمها تمنع شهقاتها وصارت تبكي .. الدموع صايره رفيقتها الوحيده هالايام ..

غير تعبها اللي زايد عليها اللي ماتعرف سببه .. دوخه وارهاق وتعب ..

استجمعت قوتها وراحت للبلكونه تطل على احمد .. تبي تتأكد انه راح عشان تسنخدم التلفون .. واول ماتطمنت انه مشى نزلت لمكتبه بسرعه وهي تدعي ربها انه مخلي الباب مفتوح اليوم

ام احمد شافتها وهي تمشي بسرعه : وش بلاك انتي انهبلتي ؟؟؟

شذى ماردت عليها وكملت طريقها

ام احمد: شذى

شذى وقفت وقالت بتعب: سمي

ام احمد: سم يقطع قلب العدو .. ماسمعتيني وانا احاكيك من اول ؟

شذى:لا اسفه ماسمعت .. امري

ام احمد: تعالي اقعدي معي .. من الصبح وانا قاعده لحالي ولاحد يسأل عني ولا شي ..

شذى: حاضر بس شوي واجيك

ام احمد : اشوفك متجهه للمكتب .. وش عندك؟

شذى: ابي ارتبه لاحمد .. هو قايل لي قبل يطلع ..

ام احمد : روحي باللي ما يحفظك .. بس خلصي بسرعه مليت من القعده لحالي

شذى وهي تكمل طريقها للمكتب: ان شاء الله ..

دخلت المكتب اللي حمدت ربها انه خلاه مفتوح ..دخلت وسكرت على نفسها الباب ..

قعدت على كرسي المكتب واخذت التلفون ودقت على رقم بيتهم

طبعا احمد شايل كل تليفونات البيت عن شذى عشان ماتستخدمها .. اما الجوال اللي كان بدر معطيها اياه مخلص شاحنه ولا تقدر تستخدمه ابد لانو شواحن احمد يختلف عن شاحنها ..وهي ناسيه الشاحن ببيت ابوها

دقت باصابع ترتجف على بيتهم وهي تدعي ربها يرد ابوها

جاها صوت بارد ..

.....: خير

ضاق صدر شذى .. طلعت مرة ابوها النذله ..خافت تتنيذل عليها ولا تخليها تكلم ابوها ..

شذى: خالتي

منيره: من انتي ؟

شذى: انا شذى

منيره باستهزاء: اييييه مرة ولد اختي .. وين الناس مختفيه ؟

شذى: اعذريني انشغلت

منيره: ووع اللي يسمعك يقول مشتاقة لك .. مادريتي انو فرقاك عيد يابنت مريوم ؟!!!

شذى انقهرت لانها ماتحب تسمع منيره تطري امها : خالتي وين ابوي ؟

منيره: وش تبين فيه ؟

شذى: ابي احاكيه شوي لو سمحتي ضروري

منيره : مشغول ..مهوب فاضي لك

شذى: الله يسعدك ياخالتي ابيه ضروري .. موضوع ما يتأجل تكفين

منيره حست من صوت شذى انو فيها شي .. ويوم فقدت الأمل انها تقول لها قررت تعطيها ابوها ..

جا ابو شذى وصوته مبين عصبيته لانه كان يبي ينام بس جته منيره وقالت له انو شذى تبيه

ابوشذى: نعم

شذى فرحت يوم سمعت صوت ابوها .. على الرغم من القسوة اللي مبينه عليه الا انها ارحم من قسوة احمد عليها مليون مره

شذى: يبه ..شلونك ؟

ابوشذى: الله ياخذك ويريحني منك .. خير وش تبين

شذى رجعت تبكي : يبه محتاجتك .. محتاجتك بجد

ابوشذى: وش تبين فيني هاا ؟؟ مو كفايه انك نسيتيني يوم عشتي بالعز ولا ذكرتي ابوك .. قلتي يمكن يكون محتاج شي او شي

شذى: يبه .. الشخص المحتاج الحين هو انا .. انا محتاجه لحضنك ..معد اقدر اعيش هنا

ابوشذى: وشوووو

شذى: يبه انا هنا انذل وانهان ..كل يوم اذوق الذل اكثر من اليوم اللي قبله .. انام واصحى على ضرب واهانه ..

ابوشذى: والمطلوب ؟

شذى: انك تجي وتاخذني من هنا .. وتخلي احمد يطلقني

ابوشذى: خوووش والله هذا اللي ناقص .. انا ماعندي بنات يتطلقون

شذى تبكي وبعلو صوتها : اقول لك اني قاعده انذل وانهااان هنا .. وش فيك يبه ماتسمعني ؟؟؟؟

ابوشذى: انتي اللي اسمعيني ..طلاق مافي .. وبدال ماتقعدين تبكين لي فكري بطريقه كيف تاخذين منه فلوس تامن مستقبلك وترفع من شان ابوك بين الرجال وتطلعنا من الفقر .. مو طلاق وقلة حيا

شذى منهاره: انت عمرك ماحسيت فيني ولارح تحس .. انت عمرك ماحسستني اني بنتك .. او لي داعي بحياتك .. انت خساره فيك كلمة اب .. ما اقول الا الله يرحمك يمه رحتي وخليتيني لحالي ..

ابوشذى: لا تبالغين .. قفلي الحين وروحي اشوف داري زوجك وحبي يديينه ورجوله بعد .. انه قبل وخذاك .. ولاعاد تدقين الا وانتي قايله تعال يبه خذ فلوس ... يللا .. وقفل بوجهها

شذى بكت بقوة تبي تغسل اللي بقلبها ..

حتى ابوها مايبيها .. يعني لوطلعت من هنا عمره مارح يستقبلها ابدا لو ايش يصير .. قفلت السماعه وتوجهت لغرفتها وهي تضغط على بطنها من الالم ..

ام احمد: وين رايحه منتي قاعده معي ؟

شذى ماردت عليها .. توجهت لغرفتها تبي ترتاح من التعب اللي زايد عليها .. وهي تبكي بدال الدموع دم

بيت ابورنيم ..

مشاعل كانت بغرفتها .. لابسه وكاشخه عالاخير وبراسها موال لازم تغنيه .. لبست عبايتها وكلمت السواق يجهز

قررت تطلع من البوابه الخلفيه عشان محد يشوفها ويسوي لها سالفه ..

صارت تمشي بشويش عشان صوت كعبها مايبان مع الرخام

ما امداها توصل للباب الا وسمعت

......: على وين ان شاء الله ؟

مشاعل نشف الدم بعروقها والتفتت ..شافت رنيم

ارتاحت شوي يوم استوعبت انها رنيم والتفتت عليها

رنيم: انا قلت على وين ؟

مشاعل: مشوار صغير مارح اطول

رنيم: انتي ماعندك خبر يعني انو بابا مانعك من الطلعه ؟

مشاعل: قلت لك مشوار صغير ولارح اطول

رنيم: اسمعيني يا مشاعل ..انا ماعندي استعداد اخبي عليك واطيح بمشاكل مالها اول ولا تالي مع بابا وماما .. ارجعي غرفتك احسن لك

مشاعل قربت منها: انا بطلع الحين .. ولا رح اطول كلها ساعتين وراجعه .. وانا اعرف انو قلبك مايطاوعك تعلمين علي .. سوو انا ضامنه الوضع تقريبا

رنيم بصراخ: مشاعل..انا اللي فيني كافيني على غرفتك الحين

مشاعل وهي تناظر الصينيه بيد رنيم: روحي روحي لضيوفك ذوقيهم عمايل يدينك ولاتضيعين وقت .. باااي وطلعت بسرعه قبل لا احد يشوفها غير رنيم وتتوهق من جد ..

رنيم حست انها بتنهار من القهر .. كل شي ضدها الحين ..توترها من ماجد وقربه لها ..ومشاعل وطلعتها اللي لو درى عنها ابوها بيقلب البيت ولودرت امها بتتعب زياده .. ايش تسوي .. خلااص زهقت !!

يتبع ,,,

👇👇👇